Три дена по триумфот над Летонија во Рига во 3-0, македонската фудбалска репрезентација вечерва против Ерменија во Ереван ја очекува уште еден гостински натпревар во Лигата на нации во кој со нова победа ќе го обезбеди првото место во групата Ц4 и ќе обезбеди промоција во Б дивизијата.

Избраниците на селекторот Благоја Милевски пред вечерашниот дуел на стадионот „Вазген Саргсјан“ со почеток во 18 часот се првопласирани на табелата со седум бодови, три повеќе од второпласираната Ерменија, која во четвртокот одигра реми 2-2 на гостувањето во Фарски Острови.

Селекторот Милевски на располагање за дуелот против Ерменците ќе ги има стоперите Никола Серафимов и Ѓоко Зајков, додека неизвесен е настапот на Висар Муслиу, кој се повреди на натпреварот во Рига.

Македонската репрезентација пред еден месец во Скопје ја совлада Ерменија со 2-0 и со оптимизам влегува на реваншот во Ереван, во кој со победа ќе го обезбеди првото место во групата, а и со бод ќе направи голем чекор кон промоција во Б дивизијата пред двата завршни натпревари од ноемврискиот циклус против Летонија и Фарски острови во Скопје.

The post Македонските фудбалери вечерва гостуваат на Ерменија во битка за промоција во Лигата на нации appeared first on Република.

Македонската фудбалска репрезентација загуби од Чешка на гостински терен со 2:1 (0:0) во пријателски натпревар одигран во Храдец Кралове.

Чешка, која се подготвува за настап на претстојното Европско првенство, целосно доминираше на теренот во првите 45 минути, но во предност дојде по еден час игра кога Шик го совлада Столе Димитриевски од пенал.

Македонија ја анулираше негативата само пет минути подоцна преку Алими, откако во истата акција претходно Трајковски ја погоди стативата.

До крајот на средбата Чешка дојде до победата со уште еден гол од пенал, кој во деветтата минута од судиското продолжение го реализираше Барак.

Во првиот од двата јунски пријателски натпревари против селекции кои се подготвуваат за настап на Европското првенство во Германија, избраниците на селекторот Благоја Милевски беа поразени пред една недела од Хрватска во Риека со 3:0.

За македонската репрезентација, дуелите против Чешка и Хрватска беа подготовка за настапот во Лигата на нации во која во септември, октомври и ноември ја очекуваат пресметките со Ерменија, Фарски Острови и Летонија.

The post Македонија со два пенали поразена од Чешка appeared first on Република.

Машката ракометна репрезентација на Македонија денеска го имаше првиот собир пред бараж двомечот со Фарските острови за Светското првенство 2025 година кое ќе се одржи во Хрватска, Данска и Норвешка.

Нашите ракометари ќе се обидат да стигнат до нова мундијалска виза и да го задржат континуитетот од настапи на големите натпреварувања.

Селекторот Кирил Лазаров пред двомечот вели дека го почитува противникот, но дека се почитуваат и самите себе и верува дека ќе може да стигнат до ново големо натпреварување.

По ждрепката кажавме дека можеме да имаме и подобра, но и полоша ждрепка. Фарски Острови се квалитетна репрезентација која е во подем и тоа го знаат сите кои што се упатени во ракометот. Мораме многу сериозно и фокусирано да ги одработиме овие подготовкие за да се прикажеме во најдобро светло во овие бараж мечеви. Анализите кои ги направивме покажаа дека во секој сегмент во играта знаат што прават и мора да се посветиме, изјави Лазаров.

Тој додаде дека верува во нашите ракометари и во нивниот квалитет.

Имаме млада, но талентирана репрезентација која како поминува времето е се подобра и подобра. Ќе биде незгодно на гости бидејќи имаат мала сала која ќе биде преполна, па затоа ќе мора психички да се подготвиме за тој меч. Имаме максимален почит кон противникот, но се почитуваме и самите себе. Сметам дека шансите се подеднакви, но верувам дека имаме доволно квалитет да можеме да им се спротиставиме, вели Лазаров.

The post Лазаров: Фарските Острови се квалитетна репрезентација во подем, но ние имаме млада и талентирана репрезентација appeared first on Република.

Најдобрата македонска машка ракометна репрезентација наскоро ја очекува настап на Европското првенство во Германија кое ќе се одржува од 10 до 28 јануари 2024 година.

Нашите ракометари предводени од селекторот Кирил Лазаров го завршија првиот дел од подготовките во Стара Пазова, Србија.

Репрезентативците одиграа и контролен меч против Црна Гора, следува пауза од неколку дена, а од 2 јануари ќе продолжат тренинзите.

За 4 и 5 јануари пред заминувањето за Германија, во Скопје се закажани тест дуели против селекцијата на Грција.

А, пред да заминат на евопското првенство, ракометарите ви честитаат Среќни новогодишни и божиќни празници.

The post Најдобрите македонски ракометари испратија порака за среќни новогодишни и божиќни празници appeared first on Република.

Македонската машка сениорска ракометна репрезентација во Стара Пазова ја совлада селекцијата на Црна Гора со 39-37 во првиот од серијата контролни натпревари пред Европското првенство во Германија, што се игра во јануари.

Двете репрезентации одиграа три полувремиња од по 30 минути, а на полувреме избраниците на селекторот Кирил Лазаров имаа водство од 22-17. Во дополнителните 30 минути, резултатот беше 15-14 за македонската репрезентација.

Со натпреварот против Црна Гора, избраниците на селекторот Лазаров ги комплетираа мини - подготовките во Србија и по враќањето во Македонија повторно ќе се соберат на 2 јануари, по што следуваат контролни натпревари против Грција на 4 и 5 идниот месец.

Настапот на Европското првенство репрезентацијата на Македонија го стартува на 10 јануари во премиерниот дуел против Франција во Дизелдорф, во рамки на групата А во која се и домаќинот Германија, како и Швајцарија.

The post Македонските ракометари победија на првиот тест пред Европското првенство appeared first on Република.

Селекторот на македонската машка сениорска ракометна репрезентација, Кирил Лазаров, денеска го објави списокот со 19 играчи за подготовки за претстојното Европското првенство.

Собирот на репрезентацијата со кој ќе биде означен стартот на подготовките е закажан за идната среда во Скопје.

На списокот на Лазаров се Никола Митревски, Мартин Томовски, Марко Кизиќ, Филип Талески, Филип Кузмановски, Томислав Јагуриноски, Мартин Велковски, Давид Савревски, Иван Џонов, Марио Митев, Игор Ѓоргиев, Никола Маркоски, Жарко Пешевски, Милан Лазаревски, Едвин Омерагиќ, Ненад Костески, Никола Костески, Петар Атанасијевиќ и Цветан Кузмановски.

Европското првенство ќе се одржи од 10 до 28 јануари во Германија, а македонската репрезентација е дел од групата А со домаќинот, Франција и Швајцарија.

The post Кире Лазаров одбра 19 ракометари за подготовките за ЕП appeared first on Република.

Третото коло на Европското екипно првенство во шах беше успешно за македонските репрезентации, откако шахистите синоќа ја совладаа селекцијата на Фарските Острови, додека шахистките беа поуспешни од домаќинот Црна Гора.

По стартните порази од Чешка (0.5 – 3.5) и Грузија (1-3), македонската машка репрезентација триумфираше над Фарските острови со 2.5 – 1.5 и ја забележа првата победа на ЕП во Будва.

Женската репрезентација, пак, ја извојува и втората победа во серија совладувајќи ја Црна Гора со 2.5-1.5, откако во претходното коло беше поуспешна од Шведска (2.5-1.5) по воведниот пораз од Словачка (0.5 – 3.5).

Македонските шахисти се на 31. место пред денешниот дуел против Црна Гора во четвртото коло, додека шахистките се искачија на 13 место, а следен противник ќе им биде репрезентацијата на Украина.

The post ЕП: Двојна победа на македонските шаховски репрезентации appeared first on Република.

Македонската машка фудбалска репрезентација во Скопје го одржа првиот тренинг пред двата завршни натпревари во квалификациите за ЕУРО2024.

Избраниците на селекторот Благоја Милевски во петок ѝ гостуваат на Италија на Олимпискиот стадион во Рим, од 20:45 часот, а во истиот термин идниот понеделник ќе ја пречекаат Англија на Националната арена „Тодор Проески“ во Скопје.

Не очекува меч со Италија, натпревар кој очекувам да биде сосема поинаков од тој во Скопје. Се надеваме на успех, треба да бидеме компактни, желни за успех и се разбира да ги исполниме задачите на селекторот, изјави репрезентативецот Јани Атанасов.

Македонските фудбалери влегуваат во двата завршни евроквалификациски дуели без шанси за пласман на Европското првенство кое идната година ќе се одржи во Германија.

Иако немаме шанса за пласман на Европско првенство, ќе дадеме сè од себе, така ќе биде и овој пат, така е секогаш кога играме за Македонија. Знаеме какви светски сили се Италија и Англија. Ќе ги анализираме противниците, немаме што да загубиме и едноставно треба да одиграме максимално ангажирано. Ќе се обидеме да го спречиме италијанскиот состав да не победи. Играме за Македонија, а кога сме овде не постојат изговори, вели повратникот во репрезентацијата Дарко Чурлинов.

По шест одиграни натпревари во групата Ц, македонската репрезентација е на претпоследното, четврто, место со седум бодови.

Лидер е Англија, која веќе обезбеди настапа на ЕУРО2024, со 16 бодови, пред Украина со 13 и Италија со 10 бодови. Последна е Малта без освоен бод.

The post Македонските фудбалери ги почнаа подготовките за дуелите со Италија и Англија appeared first on Република.

Македонската женска фудбалска репрезентација до 19 години загуби од Украина со 2:1 (2:1) во натпреварот за првото место на квалификацискиот турнир во рамки на Б-дивизијата во Лигата на нации на УЕФА.

Македонските фудбалерки својата шанса за место во елитната А-дивизија и продолжување на квалификациите за Европското првенство 2024 во Литванија ќе ја чекаат по комплетирањето на сите квалификациски групи во Б-сегментот по што ќе биде познато која најдобро второпласирана репрезентација ќе ги продолжи евроквалификациите.

Избраничките на селектор Астрит Мерко, на натпревар одигран во ерменскиот град Армавир дојдоа во рано водство со голот на Веса Села во 5. минута, по што противникот дојде до целосен резултатски пресврт преку Викторија Радионова (17м, пенал) и Лилијана Сербук (28).

Во завршните минути од натпреварот поради втор жолт картон беше исклучена Ива Јованоска.

Македонската репрезентација го заврши настапот на квалификацискиот турнир од групата Б4 во Ерменија на второто место со шест бодови, совладувајќи ги убедливо во воведните две кола Луксембург (4-0) и Ерменија (6-0).

The post Во борба за првото место во Б-дивизијата: Женската У19 репрезентација тесно поразена од Украина appeared first on Република.

Mакедонските фудбалски репрезентативци очекуваат победа на пријателскиот натпревар против селекцијата на Ерменија, кој се игра утре во Струмица на стадионот „Благој Истатов“.

Според репрезентативецот, Елиф Елмас, секогаш кога се настапува за репрезентацијата се игра за победа.

Исто како и на претходниот натпревар ќе излеземе сите заедно сплотени и ќе одиграме добар натпревар и се надевам дека ќе победиме, рече Елмас.

Според селекторот Благоја Милевски, нема повредени и сите фудбалери кои добија покана за овој натпревар конкурираат за настап.

Очекувањата се да провериме сè што имаме на располагање во моментот од фудбалерите. Одигравме еден исцрпувачки натпревар против Украина и според тоа ќе видиме со што и колку располагаме во моментот. Ме радува што немаме повредени, а кој ќе настапи ќе одлучам пред самиот почеток. Овој натпревар е одлична можност со еден извонредно квалитетен противник, кој игра одлични квалификации во моментот, да го провериме потенцијалот на нашите фудбалери, изјави Милевски на прес-конференција.

Милевски додаде дека сите фудбалери што се во ростерот ќе добијат шанса, но кој колкава минутажа ќе добие ќе се знае пред почетокот на средбата. Тој смета дека контролата против Ерменија е во функција на претстојните натпревари од квалификациите против селекциите на Англија и Италија, бидејќи Ерменија е квалитетен противник со добри поединци.

Натпреварот се игра утре на Стадионот „Благој Истатов“ во Струмица со почеток во 15 часот.

The post Македонските фудбалски репрезентаивци очекуваат пријателска победа против Ерменија appeared first on Република.

Македонската фудбалска федерација денеска против Украина на неутрален терен во Прага ги продолжува евроквалификациите со амбиции со втора победа во серија да ги задржи шансите за пласман на ЕУРО 2024.

Натпреварот е закажан со почеток во 15 часот на „Епет Арена“ во Прага на која „црвено – жолтите“ ќе имаат поддршка од најмалку 1.000 македонските навивачи на трибините.

Селекторот Благоја Милевски и капитенот Енис Барди на вчерашната официјална прес – конференција истакнаа дека Украина е квалитетен противник, но оти денешниот дуел ќе биде различен од јунската пресметка во Скопје (2-3) во која македонската репрезентација испушти водство од два гола на полувремето.

„Доаѓаме во фаза двете селекции да се борат за втората позиција и само победа би ни одговарала. Очекувам отворен натпревар и допадлив фудбал. Мора да бидеме фокусирани за време на сите 90 минути, а не само 60-65 минути како што беше во Скопје. Имаме измени во тимовите од јуни, од тој аспект очекуваме да постои разлика од јунскиот дуел“, изјави Милевски.

Македонските фудбалери се на четвртото место во групата Ц со седум бодови, колку што имаат и Украина на третото и Италија на второто место. Лидер на табелата е Англија со 13 бодови, додека Малта е последно пласирана без бодови.

The post Македонските фудбалери денеска против Украина во евроквалификациите appeared first on Република.

Секторот предвиден за навивачи на македонската фудбалска репрезентација за претстојниот евроквалификациски натпревар против Украина во Прага е експресно распродаден и „црвено – жолтите“ ќе имаат бројна поддршка од трибините на „Епет Арена“ на 14. овој месец.

За македонските навивачи беа резервирани 997 билети кои беа продадени за помалку од 48 часа, а според најавите навивачки групи организирано ќе допатуваат во Прага од повеќе европски држави.

Дуелот меѓу македонската и украинската репрезентација во рамки на групата Ц во квалификациите за ЕУРО 2024 е закажан за 14 овој месец со почеток во 15 часот на стадионот на Спарта Прага со капацитет од 18.000 седишта.

Пред завршните три евроквалификациски дуели, македонската репрезентација е на четвртото место во групата со седум бодови, колку што имаат и Италија на второто и Украина на третото место. Лидер е Англија со 13 бодови, додека Малта е на последното место без освоен бод.

The post Ќе имаме голема поддршка: Распродадени сите билети предвидени за македонски навивачи за натпреварот против Украина во Прага appeared first on Република.

Билетите за навивачите на македонската репрезентација за натпреварот Украина - Македонија кој ќе се одигра на 14. октомври, 2023 г. на стадионот на Спарта во Прага се пуштени во продажба.

Како што информираат од ФФМ, билетите се по цена од 300 чешки Круни (приближно 755 денари), а може да се купуваат електронски на следниот линк:

https://uaf.enigoo.cz/app/guests/events

За македонските навивачи, во секторот од трибината на стадионот наменета за навивачи на македонската репрезентација (блоковите F1, F2, F20, F21 од мапата на стадионот) се предвидени 988 влезници.

Фановите кои ќе патуваат во Чешка, билетот за натпреварот Украина - Македонија може да го добијат во ПДФ форма откако ќе го завршат процесот на електронско купување на влезница. Едно лице со пополнети лични податоци може да купи најмногу четири билети.

The post Пуштени во продажба влезниците за натпреварот Украина – Македонија во Прага appeared first on Република.

Македонската машка одбојкарска репрезентација од 18 часот во Спортскиот комплекс „Полифлорио“ во Бари ќе се соочи со Италија во рамки на осминафиналето на Европското првенство (ЕП).

Во својот дебитантски натпревар во завршницата на големите турнири на меѓународната сцена, македонските одбојкари го добија, веројатно, најсилниот противник, кој е актуелен европски и светски првак, а дополнително и домаќин на нокаут фазата на ЕП 2023.

Според последните информации од македонскиот табор во Бари, дел од репрезентативци имаат симптоми на настинка, но лекарскиот тим вложува максимални напори играчите подготвени да влезат во вечерашниот дуел против големиот фаворит за златниот медал.

Осминафиналните натпревари на ЕП почнаа вчера, а први четвртфиналисти се Романија и Франција.

Романците со 3-2 беа поуспешни од Хрватска, додека Франција со максимални 3-0 ја елиминираше Бугарија.

Нешто подоцна, со почеток од 20.45 часот, македонската фудбалска репрезентација е домаќин на Италија на арената „Тодор Проески“ во Скопје.

The post Двоен дуел против Италија: Македонските одбојкари во историско осминафинале против европскиот и светски шампион appeared first on Република.

Македонската фудбалска репрезентација ги продолжува подготовките за септемвриските натпревари од квалификациите за ЕП 2024 против Италија, в сабота во Скопје, како и три денови подоцна во Малта.

Александар Трајковски, напаѓачот кој беше човек на одлука на последниот дуел против „аѕурите“ во Палермо, ги сподели своите очекувања од натпреварот со актуелниот европски првак.

За нас секој натпревар е многу важен. Мечот со Италија е еден од потешките. Знаеме против кого играме и доволно сме мотивирани. Покажавме дека можеме, зошто тоа да не го направиме и на домашен терен.

 

Треба да бидеме максимално фокусирани и со поддршка од навивачите да се обидеме да дојдеме до позитивен резултат. Италијанците на некој начин ќе сакаат да се реваншираат за поразот од Палермо, би сакал да не потценат, но знам дека овој пат нема да биде исто“, изјави искусниот македонски репрезентативец.

The post Трајковски пред дуелот со Италија: Би сакал да не потценат, но знам дека овојпат нема да биде исто appeared first on Република.

Македонскиот репрезентативец, Аријан Адеми (32), поради приватни обврски поврзани со продолжување на клупската кариера утре наутро заминува за Загреб и откако ќе ги реши административните прашања ќе се стави на располагање на националниот тим за натпреварите против Италија и Малта, соопштија од Фудбалската федерација на Македонија (ФФМ).

Паралелно со ова, хрватските медиуми пренесуваат дека Адеми утре ќе потпише договор со Динамо Загреб и ќе се врати во тимот од кој пред шест месеци замина за кинескиот прволигаш Пекинг Гуан со кој се обврза на верност до 2025 година.

ФФМ соопшти дека одлуката Адеми привремено да ја напушти репрезентативната база во Скопје е донесена во договор со селекторот Благоја Милевски.

Нашиот предводник се надева дека Адеми ќе биде на располагање за настап против Италија, односно повредата нема да го спречи да даде придонес во натпреварите против европскиот првак, Италија и мечот со Малта, се наведува во соопштението на ФФМ.

Адеми и се приклучи на македонската репрезентација на почетокот на оваа недела и покрај повредата на листот на левата нога, поради која одигра само пет минути на последниот натпревар од првенството во Кина.

The post Адеми привремено замина од репрезентацијата за да потпише со Динамо appeared first on Република.

Македонската одбојкарска репрезентација во осминафиналето на Европското првенство ќе игра против кодомаќинот Италија или Србија, а противникот ќе биде познат по исходот од вечерашниот дуел на „црвено-жолтите“ против Чешка со почеток во 20 часот во СЦ „Борис Трајковски“ во Скопје.

Во случај на победа, македонските одбојкари ќе го освојат третото место во групата Ц и во својот дебитантски осминафинален натпревар ќе играат против Србија на 10 септември во Бари, додека во случај на пораз, противник во нокаут фазата ќе им биде Италија ден порано, исто така, во Бари.

Претходно, во рамки на завршното коло во групата Ц ќе играат Полска и Црна Гора.

Избраниците на селекторот Јошко Миленкоски во досегашните четири натпревари на Европското првенство ги совладаа Данска (3-1) и Црна Гора (3-0), а загубија од Полска и Холандија со идентични 3-0 во сетови.

The post Македонските одбојкари во осминафиналето на ЕП ќе игра против Италија или Србија appeared first on Република.

Македонската кошаркарска репрезентација ги загуби шансите за настап на Олимписките игри 2024 во Париз, откако вечерва беше совладана од Естонија со 83-59 и го претрпе вториот пораз на претквалификацискиот турнир во Талин.

По вчерашниот висок пораз од Израел во воведното коло, избраниците на селекторот Александар Јовчевски беа пред императив да го победат домаќинот Естонија за да ги продолжат квалификациите за пласман на Олимпијадата идната година.

Сепак, црвено - жолто катастрофално го почнаа натпреварот, постигнувајќи само седум поени во првата четвртина, а веќе на полувреме беа во двоцифрена негатива од 44-22.

Најефикасен во македонскиот состав беше Војдан Стојановски со 12 поени, еден повеќе од Ти Џеј Ширтс.

Настапот на олимпискиот претквалификациски турнир во естонската престолнина македонските кошаркари ќе го заокружат во вторник против Чешка, која претходно денеска загуби од Израел со 80-67.

The post Втор пораз на македонските кошаркари во олимписките претквалификации appeared first on Република.

Македонскиот кошаркарски репрезентативец, Дамјан Робев се надева на добри настапи и резултати на претквалификациски турнир за пласман на Олимпијадата во Париз 2024 година.

Сите што сме тука сме дојдени да го дадеме својот максимум. Факт е дека имаме доста ослабен ростер, дека многу играчи се повредени. Но се надевам дека ќе се прикажеме во едно добро издание. Не е лесно да се влезе во оној „работен ритам“ особено ако се знае дека зад најголем дел од играчите, не само во нашиот национален тим, се скоро два месеци паузирање, односно одмор по напорите кои со себе ги донесе ланската сезона. Сепак, ние сме заедно подолго време, две-три години во оваа екипа. Добро се познаваме, доволно за да се воиграме. Во Талин нема фаворити помеѓу овие репрезентации, оттука мислам дека ќе имаме шанси да се натпреваруваме, да бидеме „пата-пата“ со сите. И дека на крајот ќе поминеме добро, вели Робев за веб-страницата на Кошаркарската федерација.

Турнирот во Талин ќе се игра од 12 до 15 август. Во групата со македонската репрезентација се и селекциите на домаќинот Естонија, Израел и Чешка.

The post Робев: Во Естонија одиме ослабени, но верувам дека на крајот ќе поминеме добро appeared first on Република.

The post Кошаркар на младинската репрезентација ја „покри“ Северна на доделувањето на наградите за да се гледа само Македонија appeared first on Република.