Младата репрезентација на Македонија до 18 години одигра нов добар меч во Баку, забележувајќи триумф над соодветната селекција на Азербејџан.

Избраниците на селекторот Тони Јакимовски во вториот контролен дуел против Азербејџан славеа минимална победа со 2:1.

На стадионот Далга, во Баку, Македонија прва се закани. Ливарека во 10. минута се најде во одлична можност, биеше со глава, но над противничкиот гол. Во 40. минута, одличен продор на Николовски, противникот во последен момент успеа да го изблокира неговиот удар.

На стартот на второто полувреме, Азербејџан поведе со 1:0. Во 52. минута, нов удар со глава и нова можност за Ливарека, но повторно без реализација. Уште една добра прилика Македонија имаше преку Серафимов во 68. минута.

Во 78. минута, нашите млади фудбалери сосема заслужено го израмнија резултатот. По одлично изведениот корнер на Ѓоргиевски, Стојилевски се најде на вистинското место, прецизно со глава биеше за 1:1. Во 86. минута, Македонија прави комплетен пресврт, благодарение на евроголот кој беше дело на Цаноски.

Македонија: Љупче Џеков, Давор Серафимов, Марко Стојилевски, Ѓорѓи Џеков, Адриан Зенделовски, Теодор Николовски, Лорик Мухтари, Фикрет Ливарека, Никола Величковски, Абиола Бамијоко, Дино Михолов

Селектор: Тони Јакимовски

The post Македонија до 18 години славеше на пријателски меч во Азербејџан appeared first on Република.

Македонската машка кошаркарска репрезентација до 18 години ги почна подготовките за настап на претстојното Европско првенство во „А“ дивизијата на кое противници и на избраниците на селекторот Тони Симиќ ќе им бидат селекциите на Франција, Израел и Велика Британија.

Првата фаза од подготовките ќе се реализира во Маврово, по што ќе следуваат контролни натпревари на домашен терен против Бугарија, Швајцарија и Црна Гора, а во програмата се и два подготвителни дуели против Хрватска на гостински терен.

Имавме некои други планови, но со оглед на тоа дека ФИБА донесе одлука која ја промовира нашата селекција во учесник на Европското првенство во „А“ Дивизијата, извесно е дека мораше да направиме и извесни промени во првичните скици за работа во овој летен период. Едноставно, ФИБА ни постави нови граници кои мора да ги стигнеме во деновите кои следуваат. Сметам дека со одигрувањето на овие осум-девет натпревари ќе бидеме во посакуваната форма за настап на шампионатот во Турција - изјави селекторот Симиќ за официјалниот сајт на Кошаркарската федерација.

The post Кошаркарската репрезентација до 18 години ги стартува подготовките за Европското првенство appeared first on Република.