Чешката тенисерка Рената Ворачова потврди дека ќе побара компензација од организаторите на Австралија опен по апсењето во Мелбурн поради истиот „престап“ како Новак Ѓоковиќ минатата недела и беше депортирана од Австралија.

За разлика од Ѓоковиќ, на Ворачова ѝ беше дозволен влез во Австралија со „медицински исклучок“ по неодамнешен позитивен тест, но откако играше на еден подготвителен турнир, таа беше уапсена и пратена во истиот центар за имигранти како и Ѓоковиќ. Таа реши да не се жали и во саботата беше депортирана од Австралија.

„Компензацијата нема да биде мала. Авиобилетот чинеше 60.000 чешки круни (2.460 евра), а мојот тренер патуваше со мене. Тука беа и потрошеното време, хотелите, тренинзите за гренд слемот, потенцијалната награда. Се надевам дека Тенис Австралија ќе биде фер и нема да треба да одиме на суд“, изјави 38-годишната Ворачова, која е рангирана на 82. место во двојки за чешкиот весник „Деник“.

Таа пристигна во Прага во понеделникот и вели дека ѝ се смачил тенисот.

„Воопшто не размислувам за тенис. Уште сум во шок, не сум размислила добро. Преуморна сум за тенис. Не очекував вакво нешто ни во најцрните соништа. Не се чувствував безбедно додека не се вратив. Како да гледав филм – долго испитување со инструкции како ‘облечи се, соблечи се’. Не сакам ниту да помислам на тоа повторно, а не да го проживеам“, додава Ворачова.

The post Депортираната Ворачова ќе бара компензација од Австралија опен appeared first on Република.

Чешката тенисерка Рената Ворачова, која ја загуби визата во Австралија поради непризнавање на документот за изземање од вакцинација, го напушти Мелбурн и замина за Дубаи. Ова го соопшти агенцијата АФП повикувајќи се на владини извори.

Во моментов, 81-от светски дебитист, кој планираше да присуствува на гренд слем турнирот Австралија опен, доцна вечерва по локално време се качи на авион за Дубаи. Ова го објави австралиската информативна веб-страница ABC.

Ворачова (81. во на светската листа во двојки) влезе во слични проблеми како и најдобриот тенисер на светот Новак Ѓоковиќ. Спротивно на него, таа стигна во земјата преку контрола на имиграцијата на аеродромот, помина една недела во Австралија и играше на ВТА во Мелбурн во средата и го загуби мечот од првото

Но, тогаш локалните власти и ја зедоа визата и ја испратија во истиот хотел како и Ѓоковиќ. За разлика од српската ѕвезда, Ворачова реши да не се расправа на суд и полета дома.

38-годишната тенисерка одлучи да го напушти Мелбурн во петокот поради ограничените можности за тренирање. Поранешната полуфиналистка на Вимблдон беше помогната од чешката амбасада во Австралија во справувањето со формалностите неопходни за напуштање на земјата. Таа стана втората личност која се приклучи на Австралија опен и ја напушти Австралија поради слична причина. Според Еј-Би-Си, првиот бил неименуван тениски функционер од Европа.

Таа доби медицинско ослободување поради нејзиниот неодамнешен ковид-19. „Пред Божик. Плус имав некои медицински индикации. Така ги исполнив критериумите поставени од Австралиската федерација“, изјави тенисерката во петокот. Поради ова, таа немаше време да се вакцинира, како што планирала, за да присуствува на Австралија опен.

The post Чешката тенисерка Ворачова си замина од Мелбурн appeared first on Република.

Чешката тенисерка Рената Ворачова ја напушти Австралија откако ѝ беше укината визата поради здравствени причини, јави денеска агенцијата Франс прес. Ворачова денеска со авион одлетала од Мелбурн, пренесе АФП.

Ворачова беше во иста ситуација како Ѓоковиќ – невакцинирана против ковид, од Австралиската федерација доби ослободување од важечките антиковидиски прописи во земјава за да може да игра на Австралија опен, кој започнува на 17 јануари. Чешката тенисерка го прележала вирусот кон крајот на минатата година.

Ворачова пристигнала во Австралија во декември. Таа одиграла и еден подготвителен натпревар, по што во четвртокот ненадејно беше приведена и сместена во хотелот во кој престојува Ѓоковиќ, бидејќи австралиските власти ѝ ја укинаа визата.

За разлика од Ѓоковиќ, таа одлучила да се откаже од учеството на турнирот и да ја напушти Австралија.

Во интервју за чешките весници таа ги опиша условите на „притворот“.

„Сама во собата и не можам да одам никаде. Само малку, неколку сантиметри, можам да го отворам прозорецот. Обезбедувањето е насекаде, вклучително и под мојот прозорец“, изјави Ворачова, додавајќи дека „се чувствувала како во затвор“.

Австралиската гранична полиција денеска соопшти дека уште едно лице поврзано со „Австралија опен“, на кое исто така му била укината визата, „доброволно“ ја напуштило земјата.

The post Чешката тенисерка депортирана од Австралија appeared first on Република.

Австралиските власти вчера ѝ ја укинаа визата на чешката тенисерка Рената Ворачова и таа беше „приведена“ во хотелот за мигранти во Мелбурн, каде е сместен и Новак Ѓоковиќ. Во телефонски разговор за чешкиот весник „Лидове Новини“ таа вели дека иако ја приведуваат по една недела и тоа е поради ситуацијата со српскиот тенисер, таа сака тој во понеделник да го освои судскиот случај.

https://republika.mk/sport/ostanati-sportovi/i-renata-vorachova-odvedena-vo-hotelot-na-nole/

Од една страна ова што ми се случи е и поради Новак. Мислам дека не сум единствена, медицинско изземање е дадено на уште неколку луѓе. Но, во исто време сакам да го пуштат да игра. Ние сме спортисти, дојдовме во Австралија поради тенисот и не се занимаваме со спорови. Ги прочитавме правилата, ги исполнивме условите и по втората контрола од комисијата добивме медицинско изземање за вакцинација. Не гледам причинада седиме затворени во хотел, вели Ворачова.

Тенисерката вели дека е убаво што Ѓоковиќ има поддршка од навивачите кои се собираат пред хотелот за мигранти во Мелбурн во кој и таа се наоѓа, се додека не се реши спорот. За разлика од Ворачова која се откажа од жалба и ќе се врати во Чешка, Ѓоковиќ во понеделник ќе дознае дали ќе може да настапи на Австралија Опен или ќе биде депортиран.

Се надевам дека Ѓоковиќ в понеделник ќе победи на суд. Но, во мојот случај сè се оддолжи за неколку дена. Не сакам да губам време поради политичката војна која се води тука. Мислам дека федералните власти поради Ѓоковиќ најдоа дупка во законите на сојузната држава Викторија. Сега неговите адвокати можат можат да најдат дупка во федералните закони, додава чешката тенисерка.

Ворачова не се вакцинира против коронавирус, но минатиот месец беше позитвна на ковид-19 со што ги исполни сите услови за да добие дозвола за настап на Австралија Опен. Таа во декември пристигна во Австралија и немаше никакви проблеми по проверката на документите и веќе настапи на еден турнир, но кога изби аферата со Ѓоковиќ, таа беше префрлена во хотелот за мигранти во Мелбурн од каде ќе биде депортирана во Чешка.

Не се однесуваа ниту грубо ниту вулгарно, но некои работи не се пријатни. Се чувствувам како во затвор, а најлошо ми беше кога ми соопштија дека ќе ми ја укинат визата, вели Ворачова.

The post Ворачова: Ова ми се случува поради Ѓоковиќ, ама навивам да ги победи на суд appeared first on Република.

Австралиските власти ѝ ја укинаа визата на чешката тенисерка Рената Ворачова и ја одведоа во истиот имиграциски хотел во кој се наоѓа и најдобриот светски тенисер Новак Ѓоковиќ, јавија денеска светските агенции. Ворачова (38) пристигна во Австралија во декември и веќе настапи на турнир во Мелбурн, но во текот на вчерашниот ден била приведена од австралиските погранични служби и пренесена во хотелот „Парк“.

На тенисерката ѝ било соопштено дека треба веднаш да ја напушти Австралија, меѓутоа Ворачова, како и Ѓоковиќ, има право на желба. Таа влегла во Австралија со медицинска потврда дека е ослободена од вакцинирање врз основа на прележан коронавирус.

Директорот на Австралија Опен, Крег Тили, деновиве објави дека вкупно 26 луѓе поврзани со грен-слем турнирот во Мелбурн се пријавиле за медицинска потврда со која се изземат од обврската за вакцинирање и оти им било одобрено само на неколкумина, без да наведе за кого станува збор.

The post И Рената Ворачова одведена во хотелот на Ноле appeared first on Република.

Австралиските власти и ја укинаа визата на чешката тенисерка Рената Ворачова и ја одведоа во истиот имиграциски хотел во кој се наоѓа и најдобриот светски тенисер Новак Ѓоковиќ., јавија денеска светските агенции.

Ворачова (38) пристигна во Австралија во декември и веќе настапи на турнир во Мелбурн, но во текот на вчерашниот ден била приведена од австралиските погранични служби и пренесена во хотелот „Парк“.

На тенисерката и било соопштено дека треба веднаш да ја напушти Австралија, меѓутоа Ворачова, како и Ѓоковиќ, има право на желба. Таа влегла во Австралија со медицинска потврда дека е ослободена од вакцинирање врз основа на прележан коронавирус.

Директорот на Австралија Опен, Крег Тили, деновиве објави дека вкупно 26 луѓе поврзани со грен – слем турнирот во Мелбурн се пријавиле за медицинска потврда со која се изземат од обврската за вакцинирање и оти им било одобрено само на неколкумина, без да наведе за кого станува збор.

The post Оваа тенисерка е во ист хотел со Ноле appeared first on Република.

Пограничните служби на Австралија ја укинале визата за чешката тенисерка, Рената Ворачова. По таквата одлука, таа ќе мора да ја мине процедурата низ којашто минува и српскиот тенисер, Новак Ѓоковиќ и ќе биде сместена во хотел за мигранти.

Оваа одлука доаѓа иако на Ворачова веќе и беше дозволено да влезе во земјата, а таа веќе играше и на подготвителен турнир во Мелбурн

Првично нема информација дали Чешхињата ќе вложи жалба на одлуката на австралиските власти, како што направи Ѓоковиќ, ниту дали таа ќе биде депортирана.

Како што објави „АБЦ“, Ворачова во Австралија пристигнала со истата потврда за медицински исклучок како и Ѓоковиќ, односно го добила исклучокот врз основа на тоа што минатиот месец го прежала корона вирусот.

The post Австралија почна со апсења на невакцинирани тенисери: 81-та тенисерка на светот спроведена во хотелот на Новак Ѓоковиќ appeared first on Република.