Владата на седница усвои информација за реализација на проекти од програмата за изградба и реконструкција на спортски објекти за 2024 година од страна на Министерството за спорт. Меѓу нив е изградбата на спортска сала во Воена академија - Скопје, санација на спортска сала Расадник во Општина Кисела Вода, како и на спортската сала во УКИМ.

Во однос на проектот „Изградба на спортска сала во Воена академија - Скопје“, од Владата соопштија дека спортската сала ќе се гради во комплексот на касарната во општина Аеродром. Истата ќе биде наменета за питомците на Воената Академија. Реализацијата ќе се одвива во 2024 и 2025 година.

Во врска со проектот „Санација на спортска сала Расадник, Општина Кисела Вода“, реконструкцијата ќе се изврши во соработка со општина Кисела Вода. Од страна на Општината е подготвен Проект за реконструкција на мултифункционалната спортската сала Расадник со капацитет од 1000 до 1500 гледачи.

Проектот „Санација на спортска сала во УКИМ“ е исто така дел од оваа програма. Како што соопштија од Владата, салата е оштетена од причина што по завршување на градежните активности истата не беше приклучена на водоводната и канализационата мрежа, што претставуваше обврска на Универзитетот. Потребни се низа на санации, како поправање на фасада, менување на прозори, машинство обезбедување на опрема и сл.

Како што соопштија од Владата, ќе се реализира и проектот „Санација на спортска сала во Општина Радовиш“.

СРЦ „25 Мај“ Радовиш располага со вкупна површина од 3.968 м². Самиот комплекс располага со голема сала со површина од 1.126 м² и капацитет од фиксни трибини од 1300 гледачи, но со помош на подвижни седишта гледачкиот капацитет се движи од 1300 до 2600 во услови на боксерски и слични натпревари и мала сала со површина од 400.80 м² со капацитет од 160 гледачи, се вели во владиното соопштение.

Останатите проекти се „Санација на спортска сала во Општина Ново Село“, „Санација на фудбалско игралиште на ФК Тетекс, Тетово“, „Санација на маалски мултинаменски игралишта“, „Санација на детски игралишта со поставување на спортска опрема во градинките“, „Поставување на пристапни рампи во објектите за спорт за лица со попреченост“, „Изградба на атлетска патека во Општина Гевгелија“.

Од Владата информираат дека Министерство за спорт ќе спроведе постапки за јавни набавки со цел избор на најповолен понудувач/изведувач и надзорен орган при реализација на проектите.

Оваа година, како што посочуваат, средства во висина од 35.039.500,00 денари ќе бидат наменети за инвестиции за овие објекти.

The post „Расадник“, салата на УКИМ и на Воената академија: Владата ќе гради и реконструира повеќе спортски објекти appeared first on Република.

Во студентскиот дом „Кузман Јосифовски -Питу“ во Скопје, првиот меѓу државните домови кои етапно ќе се реновираат, во моментов се прави демонтажа на инсталациите, прозорците и вратите. Според изведувачот на градежните зафати, процесот се одвива според планираната динамика и се очекува реконструкцијата да заврши за една и пол година.

Тоа го соопшти министерката за образование и наука Весна Јаневска која попладнево изврши увид во активностите на терен. За медиумите изјави дека се прави темелна реконструкција во овој дом која, како што рече, ќе опфати поставување енергетски ефикасна фасада, нови инсталации, санитарии и подови, нов покрив со фотоволтаици и ќе има соби за лицата со попреченост.

-Во исто време, чекаме одобрување од Град Скопје за да почнат теренските активности во студентскиот дом „Стив Наумов“ во Автокоманда, и во ист период правиме планови и се што е потребно во однос на документацијата за да бидеме подготвени да продолжиме со реконструкција и на останатите домови, изјави Јаневска по увидот во градежните работи на домот.

Поради започнатата реконструкција, оваа година студентите ќе имаат два дома помалку на располагање, но МОН, рече министерката, „ќе направи засилени напори“ да ги смести сите што исполнуваат услови и во останатите домови, посочувајќи дека на располагање за студентите се и ученичките домови.

-Токму затоа денеска сум овде, за да видам со која динамика ќе се заврши првиот од домовите кои се реконструираат. Изведувачите велат дека динамиката е според планот и очекуваме првиот дом да биде завршен најдоцна за година и пол, рече Јаневска.

На новинарско прашање за транспарентноста околу аплицирањето за сместување во домовите, Јаневска одговори дека и досега требало да биде така затоа што е електронски.

-Се разбира дека ќе биде транспарентен. Во Министерството се формираат комисии, студентите се пријавуваат, нашата база е поврзана со базата на УЈП, затоа што студентите треба да исполнуваат одредени услови, се ќе биде јавно објавено. Секој може да има увид, достапност до информација од јавен карактер, така што онака како што сме ветиле – сите процеси, вклучувајќи го и овој, ќе бидат транспарентни, одговори Јаневска.

Имала средба со студенти и претставници на неколку здруженија и, како што рече, ги поддржува во најголем дел од нивните барања. Во законските измени што ќе следуваат за нив, посочи Јаневска, студентите ќе бидат максимално вклучени.

-Од следната година ќе ги користиме сите можности кои ги даваат законите, но ќе гледаме и да удоволиме на нивните барања и потреби. Секако, следуваат законски измени и ќе се обидеме во тие законски измени максимално да ги вклучиме таму каде што тие сакаат и припаѓаат, рече министерката одговарајќи на новинарски прашања.

The post Реконструкцијата на студентскиот дом „Кузман Јосифовски-Питу“ се очекува да заврши за една и пол година appeared first on Република.

Општина Велес целосно ги реконструира главните улици „Гоце Делчев“ и „Страшо Пинџур“ во центарот на Велес.

Како што информира градоначалникот Марко Колев, градежните зафати на овие две улици завршија, а му претходеше гребење на стариот асфалт и негово вадење и поставување на нов асфалт.

Тој информира дека во изминатите денови се изврши и хоризонтално бележење со цел целосна безбедност на сите учесници во сообраќајот.

Граѓаните, посебно оние во центарот на градот, се противат на предлогот на општината овие две главни улици од еднонасочни да се пренаменат во двонасочни.

The post Целосно реконструирани улиците „Гоце Делчев“ и „Страшо Пинџур“ во Велес appeared first on Република.

The post Министерот Љутков најави реконструкција на локалитетот „Залив на коските“ на Охридското Езеро: Мораме да го развиваме културниот туризам во Охрид appeared first on Република.

Премиерот Христијан Мицкоски заедно со министерот за локална самоуправа, Златко Перински и градоначалникот на Гевгелија, Андон Сарамандов, го предадоа во употреба новиот булевар кон Граничниот премин „Богородица“ и го означија почетокот на реконструкцијата на спортската сала „Партизан“ во Гевгелија.

Градоначалникот на Гевгелија, Андон Сарамандов, истакна дека денеска во Гевгелија е означен почетокот и крајот на две капитални инвестиции-новиот булевар и реновирањето на спортската сала.

Новиот булевар е реализиран во две фази лани и оваа година со вкупна вредност од 19 милиони денари од општинскиот буџет. Гевгеличани добиваат нова сообраќајкна врска до ГП „Богородица“, но истовремено овој патен правец е од големо значење за транзитните туристи кои минуваат тука, а ќе се привлечат и нови потенцијални инвеститори, рече Сарамандов.

Додаде дека за реконструкцијата на салата „Партизан“ се обезбедени 16 милиони и 300 илјади денари, во кои Општината учествува со 7,7 милиони денари, а Бирото за рамноменрен регионален развоиј 8,6 милиони денари.

Во изјавата за медиумите, премиерот Мицкоски истакна дека целта на Владата е да работи за граѓанитe, а во случајот да работи за гевгеличани.

После толку години истиот почнува да се реконструира и навистина и оваа капитална инвестиција ќе додаде вредност во животите на гевгеличани. Но, не само тоа очекувам во август да почне и реализацијата на оној проект за кој што цело време зборуваме, а тоа е реалоцирање на средствата од централниот буџет кон општините, со специјална намена за проекти, капитални инвестиции. За овие последни четири месеци од годината Општина Гевгелија ќе добие соодветен буџет, веќе разговаравме со градоначалникот што ќе биде приоритет и каде тие пари ќе бидат искористени. Мислам дека ќе биде едно пријатно изненадување на гевгеличани, рече премиерот.

Додаде дека и во наредната година во Гевгелија ќе има доволен број на проекти кои ќе бидат финансиранин од централниот буџет.

The post Пуштен во употреба булеварот од Гевгелија до граница, почна реконструкција на салата „Партизан“ appeared first on Република.

Градоначалникот Орце Ѓорѓиевски денес заедно со министерот од новоформираното Министерство за спорт, Борко Ристовски, ја посетија салата “Расадник”. Најавија дека после децении негрижа од поранешното раководство почнува процесот за нејзина реконструкција. Во финална фаза е нарачаниот проект од Општина Кисела Вода која од минатата година по долг и мачен процес, правно и без долгови ја презеде од Јавното претпријатие за стопанисување со објекти за спорт. По изготвувањето на проектот, ќе може да се премине кон градежни активности кои треба да го вратат на граѓаните овој култен дом на спортот од кои скопјани имаат прекрасни спомени. Проектот кој се очекува да чини околу 1.5 милиони евра ќе биде финансиски покриен од Министерството за спорт.

На мое големо задоволство, денес заедно со министерот од новоформираното Министерство за спорт, Борко Ристовски, сме во салата “Расадник” за да информираме за нешто што се чекаше со децении наназад. По еден долг период одбележан со негрижа и занемарување, некогашниот симбол на спортскиот дух на нашата општина и градот, салата “Расадник” конечно ќе биде реконструирана и вратена на користење на граѓаните - истакна Ѓорѓиевски.

Во текот на минатата година, Општина Кисела Вода правно го презеде управувањето со овој објект. Без наталожените долгови спортската сала “Расадник” беше преземена од Јавното претпријатие за стопанисување со објекти за спорт, кое има задача да стопанисува со државни спортски објекти, но и да инвестира во одржување на спортските комплекси, а кое поради 30-годишната негрижа салата ја претворило во руина, во демолиран, небезбеден и целосно уништен простор.

Уште тогаш, по извршениот увид, утврдивме дека е неопходна темелна реконструкција и веднаш започнавме со процесот на подготовка. Сакам да информирам дека Општина Кисела Вода го нарача проектот и тој е во финална фаза. Откако ќе биде готов, започнува реконструкцијата. Со оглед на тоа што се работи за искучително скап зафат, големо е моето задоволство што можам да информирам дека средствата се обезбедени и тој ќе се реализира преку Министерство за спорт во Владата на Република Македонија.

Оваа спортска сала има посебно место во срцата на нашите граѓани. Таа беше дом на култниот тим “Вардар” и сведок на многу славни спортски моменти. За многумина од нас, таа е симбол на спортскиот дух, заедништвото и успехот и затоа, нашата цел е да и го вратиме загубениот сјај и таа повторно да биде место каде што ќе се пишуваат нови спортски истории. Сакам да му се заблагодарам на новиот министер за спорт, Борко Ристовски за поддршката и визијата која ја делиме. Неговата посветеност кон спортот и развојот на спортската инфраструктура е од клучно значење за овој проект. Очекувам дека ваквите проекти ќе станат чести во иднина и дека ќе имаме уште многу можности да инвестираме во спортската инфраструктура за доброто на нашите граѓани. Воедно, Со нетрпение очекувам реновираната сала Расадник да го отвори своите врати и повторно да стане дом на тимот “Вардар”, кој со своите успеси ја испиша историјата на македонскиот спорт-изјави градоначалникот Орце Ѓорѓиевски.

Денес е еден од оние денови кога се будат спомените, но и се отвораат нови можности за иднината, посебно во делот на спортот. Како министер во новоформираното Министерство за спорт, со големо задоволство и гордост сакам да го најавам почетокот на реконструкцијата на спортската сала „Расадник“. Ова некогаш култно место за сите спортски вљубеници во нашата земја, носи спомени за преполните трибини и за незаборавните натпревари во кошарка, ракомет и одбојка. „Расадник“ беше и дом на легендарниот клуб “Вардар” и место каде спортистите и навивачите живееја заедно во спортски дух и заедништво. Како спортист и ракометар, и јас лично имам длабока сентиментална врска со ова место, исто како и сите оние кои некогаш тука играле или навивале. Искрено се заблагодарувам на градоначалникот Ѓорѓиевски, кој денес е тука со нас. За пофалба се неговата решителност и напорите да го преземе управувањето на салата од поранешните централни власти, кои ја оставија во руинирана состојба. Заеднички успеавме да создадеме финансиска конструкција која ќе овозможи реконструкција на ова некогаш култно место и негово враќање во живот. Откако проектот ќе биде готов, веднаш ќе започнеме со работа со цел „Расадник“ што побрзо да биде повторно дом на спортот и расадник на идните спортски легенди. Нашата цел е овој простор да стане модерен спортски центар кој ќе го негува спортскиот дух и ќе ги инспирира идните генерации-изјави министерот за спорт Борко Ристовски најавувајќи дека како министер за спорт, ќе работи на реализација на капитални спортски инфраструктурни проекти и поддршка на спортот и спортистите.

The post Ќе се реконструира салата „Расадник”, најавија градоначалникот Ѓорѓиевски и министерот Ристовски appeared first on Република.

Претпладнево портпаролот на грчката Влада Павлос Маринакис ќе го соопшти новиот владин состав, како што информираа од Премиерската палата, а владината седница закажана за денеска во 11 часот е одложена, јави дописничката на МИА од Атина.

Во изминатите денови сè погласни беа сценаријата дека грчкиот премиер Кирјакос Мицотакис планира да направи реконструкција на Владата по европските избори во неделата, а Маринакис и на вчерашниот брифинг со новинарите уште еднаш повтори дека „реконструкцијата е ексклузивна привилегија на премиерот“.

Грчкиот премиер во интервјуто за телевизијата „Алфа“ во вторникот, категорично го отфрли прашањето за предвремени парламентарни избори во земјата, објаснувајќи дека актуелната Влада има „силно мнозинство и силен четиригодишен мандат“, а во однос на сценаријата за реконструкција на Владата во следните денови, Мицотакис посочи дека планираната и закажана владина седница в петок „ќе биде со актуелниот состав“.

Денешната владина седница од вчера беше официјално соопштена од кабинетот на Мицотакис, а утрово информираа дека во тек е реконструкција и се одложува.

The post Мицотакис прави реконструкција на владата, откажана денешната владина седница appeared first on Република.

Со заем од Германската развојна банка (KfW) од 20 милиони евра и грант од 5 милиони евра преку Програмата за регионална енергетска ефикасност за Западен Балкан на Европската Унија почна реконструкцијата на студентскиот дом „Кузман Јосифовски-Питу“ во центарот на Скопје, соопшти Министерството за образование и наука (МОН).

[caption id="attachment_773231" align="alignnone" width="1080"] фото: МОН[/caption]

Активностите ги споревдува австриската компанија „Штрабаг“, како најповолен понудувач на меѓународниот тендер, со која на почетокот на годината Министерството за образование и наука потпиша договор. За 18 месеци објектот ќе добие подобрена одржливост, ќе биде енергетски ефикасен што значи ќе придонесе за почиста животна средина, но и ќе обезбеди финансиски заштеди.

Ова е прва фаза од проектот за енергетски ефикасна рехабилитација на државните студентски домови во Македонија. Наскоро ќе започне и реконструкцијата на „Стив Наумов“ во Скопје, а потоа, во следните две фази ќе се реконструираат уште 7 други студентски домови во Скопје, Прилеп, Битола, Штип и Охрид, велат од МОН.

[caption id="attachment_773232" align="alignnone" width="1080"] фото: МОН[/caption]

Предвидена е промена на водоводната инсталација отстранување на причините за појава на влага во објектите, промена на комплетната електрична инсталација и поставување на енергетски ефикасни LED светилки, промена на инсталацијата за греење, комплетна промена на санитаријата, изработка на енергетски ефикасни фасади на објектите, поставување на фотоволтаици за производство на електрична енергија, а ќе се опремуваат и соби за студенти со посебни потреби.

[caption id="attachment_773233" align="alignnone" width="1080"] фото МОН[/caption]

The post Со заем од 20 милиони евра и грант од 5 милиони евра почна реновирањето на студентските домови во Македонија appeared first on Република.

Не е точно дека Универзална сала е осигурана туку осигурана е фирмата која ја изведува реконструкцијата на салата во осигурителната компанија Еуролинк, а изјавата на министерката за култура Бисера Костадиновска Стојчевска е несреќно дадена изјава, објави МКД.мк.

Секоја фирма што добила тендер за градба е законски обврзана да се осигура за одговорност за штета па согласно оваа законска обврска тоа го направила и фирмата Универзал Балкан, фирмата која треба да ја реконструира Универзална сала, објаснува изворот на МКД.мк

Станува збор за осигурување за одговорност за штета во случај ако фирмата предизвика штета кон трети лица односно луѓе што се вклучени во реализација на проектот или кон објектот што го гради или го реконстурира. Во случај да се утврди таква штета тогаш фирмата треба да ја плати штетата. Ако тоа не го направи фирмата тогаш обврските за наплата на штетата ги презема осигурителната компанија. Во конкретниот случај со Универзалната сала ниту може салата како објект да се осигура ниту некој би осигурал таква руина“, тврди изворот на МКД.мк кој е вклучен во реконструкцијата на Универзална сала.

Како што пишува порталот, во новиот дел кој фирмата Универзал Балкан го гради, а за кој е надлежна оваа фирма штета нема па следствено на тоа нема да има никаква потреба за исплата на штета ниту пак осигурителната компанија би ѝ исплатила пари на компанијата со кои, како што изјави министерката за култура Бисера Костадиновска Стојчевска, ќе продолжи градбата на Универзална сала.

„Но сепак, ако се утврди дека фирмата предизвикала било каква штета тогаш таа законски е обврзана да ја плати штетата“, вели изворот на МКД.мк.

The post „Универзална“ не е осигурана, осигурана е фирмата што ја реконструира салата appeared first on Република.

Според претставникот на изведувачот Лазар Арсовски, работите на Универзалната сала може да почнат многу брзо, откако ќе заврши увидот и истрагата од надлежните органи, потоа негова обврска е да ги викне ИЗИС и професорите од Градежен факултет, кои ќе ја испитаат новата конструкција, челичната купола и останатите делови, а тоа се прави многу брзо, затоа што постојат дигитални мерни инструменти. Тој смета дека 99 отсто од конструкцијата е безбедна и дека ќе може наскоро да продолжи реконструкцијата на објектот.

Сега, по пожарот, треба да се изработи нов елаборат, кој ќе ги предвиди оштетувањата и начинот на остранување на останатите делови. Секој изведувач, што реконстриура и гради има лиценца, која подразбира и осигурување, па додека тој работи таму за секој инцидент што би се случил на објектот и се предизвика некаква штета, трошоците ги сноси изведувачот.

Универзалната сала ќе биде изградена во предвидениот рок, иако пред неколку дена изби пожар, кој пак ги зафатил деловите кои и онака требало да бидат отстранети, уверува денеска изведувачот.

The post Универзална сала ќе биде изградена во предвидениот рок, уверува изведувачот appeared first on Република.

Чудни услови за избор на изведувач за реконструкција на Универзалната сала во Скопје, бара Министерството за култура, обвинуваат неколку домашни градежни компании.

Огласот за јавна набавка за Избор на субјект за управител на градба за довршување на реконструкција со надградба и доградба на објект Универзална сала во Скопје-фаза кров и фасада истекува на 14 април, годинава, а изнесува 13 милиони евра.

Домашни градежни компании кои сакале да се пријават за тендерот, тврдат дека нема да го сторат тоа оти има неколку за нив чудни усови, и претпоставуваат оти можно е токму поради тоа само одредена компанија да ги исполнува и да го добие тендерот. Според нив, еден од критериумите е фирмата која ќе се пријави да има минимален приход 20 милиони евра (без ДДВ) годишно, во последните три години, односно во 2020,2021 и во 2022 година. Друг чуден за нив услов е компаниите кои ќе се пријават да имаат претходно минимум од 3 (три) договори за вршење на градежно-занаетчиски работи на објекти склучени во последните 5 (пет) години, од кои најмалку 1 (еден) успешно извршен договор за објект од областа на културата со вредност од помалку од 20.000.000 евра со ДДВ. Тврдат дека овие два услови се многу ограничувачки и оти најголем дел од македонските градежни фирми не можат самостојно да ги исполнат овие барања, ако немаат меѓународни партнери.

Од друга страна, додаваат тие, има критериуми кои се многу слаби. Според нив, еден од таквите е условот дека фирмите кои е се пријават на тендерот мора да имаат персонал од 1 (еден) градежен инженер со минимум Б лиценца, 1 (еден) архитект со минимум Б лиценца, 1 (еден) електроинженер со минимум Б лиценца, и 1 (еден) машински инженер, исто така со минимум Б лиценца.

Забелешки има и на моделот на договорот. Поточно, објаснуваат македонските градежни компании, тоа недостасува. Тие велат дека според законот за јавни набавки минимум 7 дена пред поднесување моделот требало да биде достапен за разгледување на понудувачите, но тоа не било сторено. Напоменуват дека било побарано во периодот на поставување прашања тој модел да им биде доставен на понудувачите, но такво нешто не се случило.

Спорен бил и делот со времетраење на тендерот. Според распишаната јавна набавка, времетраењето е 30 дена, а незадоволните градежни компании велат дека тој период е многу краток за паушален договор, па дури и кога е предвидена посета на локацијата со тендерски услови, што е случај овде. Но, тие велат дека 30 дена, според законот, треба да се сметаат од датумот на посета на локацијата, а не од денот на објавување на тендерот.

Моделот на цена исто така е чуден. Не се бара приложување на целосниот предмет, односно документ кој се користи при тендерите во градежната индустрија, во кој се наведени материјали, делови и работна сила, поточно ги детализира условите за изградба. Тоа цениме е многу нетранспарентно, велат незадоволните домашни градежници.

Тие се сомневаат дека можеби министерството за култура веќе однапред има одреден добитник на објавената јавна набавка, која всушност е втор дел. Претходно, поточно првиот дел од тендерот го дибила фирмата Универзал Балкан, од Скопје, која веќе и си ги извршува работите за реконструкција на покривот и на фасадата на Универзална сала.

Главна цел на овој проект е реконструкција на Универзалната концертна сала во Скопје. Изведба на звук (JBL) 15 KW. Целосна опрема за сценски светла 100KW (рампа, скенери, машина за магла, видео екран…), можност за снимање аудио и видео. Оркестарски простор на различни нивоа. Кафуле, бифе за промоции со капацитет за 80 посетители.

Главен фокус на реконструкцијата е да се обезбеди модерен и поудобен простор со намален број на седишта (1.200), поставување на изолација, нова столарија, реконструкција на подови, ѕидови и тавани, поставување на нов W&S систем, замена на застарените електрични системи. и инсталација на модерна структурна противпожарна заштита, сценска акустична, осветлување и аудио, видео систем итн.

Скопската Универзалната сала е изградена веднаш по земјотресот во 1963 година како донација на многу земји, организирана од ОН. Универзалната сала стана симбол на хуманоста и едно од знаменитостите на Скопје. Објектот е наменет за повеќенаменски простор со 400 метри квадратни сцена и гледалиште со 1.500 столчиња во амфитеатрален план.

The post Градежни компании обвинуваат дека Министерството за култура бара чудни услови за избор на изведувач за реконструкција на Универзална сала appeared first on Република.

Денеска во периодот од 10 до 14 часот, поради изведба на градежни активности ќе биде воведен времен сообраќаен режим на потегот од мост Беласица до крстосница со булевар „Кузман Јосифовски Питу“, па потоа ќе продолжи асфалтирањето на крстосницата од 18 часот до завршување на градежните активности.

Од ЈП Улици и патишта информираа дека денеска нивни екипи вршат градежни активности за реконструкција на улицата „Никола Карев“ на потегот од мост Беласица до крстосницата со булевар „Кузман Јосифовски Питу“.

На целиот потег, напоменуваат од ЈП Улици и патишта, ќе биде поставена соодветна сообраќајна сигнализација.

The post Денеска избегнувајте ја улицата кај Транспортен центар appeared first on Република.

Општина Куманово ги отфрла и демантира обвинувањата од министерот за образование и наука, Јетон Шаќири дека Општина Куманово нема аплицирано за добивање на средства за реконструкција на основното училиште во Агино Село, каде што родителите во знак на револт не ги пуштија своите деца на првиот училишен ден.

Како што соопштија, Општина Куманово има аплицирано по јавниот повик на МОН за финансирање на објекти за изградба, доградба, надградба и реконструкција на основни и средни училишта со Бр. 09-7738/1 од 30 јуни 2022 година.

До Општина Куманово стигна барање од Совет на родители при ООУ „Кирил и Методиј” – с.Романовце, ПУ Агино Село и месна заедница Агино Село со архивски број на училиште 03-119 од 03.07.2023, со наш архивски Бр. 22 5240/1 од 03.07.2023 за најавен бојкот на настава за учебна 2023/2024 година и истото е препратено на министерот Јетон Шаќири со наш арх. Бр. 22 5240/2 од 05.07.2023 и со потсетување од наша страна дека ние како Општина Куманово имаме аплицирано за реконструкција на училишниот објект уште во 2022 година.
До МОН имаме доставено предмет барање информации по јавен повик за изградба, доградба, надградба и реконструкција на основни и средни училишта со бр.22-5279/1 од 05.07.2022. Барањето е доставено за добивање на информација, дали аплицираниот проект е веќе рангиран, односно, дали е извршен негов избор поради начелото на итност на постапката. До сега немаме добиено никаков одговор, туку само усмени ветувања од министерот Шаќири дека проектот ќе биде реализиран, стои во соопштението од општина Куманово.

The post Општина Куманово ги демантира обвинувањата од министерот Шаќири дека не аплицирала за училиштето во Агино Село appeared first on Република.

Албанскиот премиер и лидер на Социјалистичката партија, Еди Рама, на денешното партиско собрание соопшти за реконструкција на владиниот кабинет, а целосно е сменет и Секретаријатот на партијата.

Така, нов министер за Европа и надворешни работи ќе биде Игли Хасани, на местото на Олта Џачка, Огерта Манастрилиу го напушта Министерството за здравство и социјална заштита и преминува во Министерството за образование, млади и спорт. На нејзино место доаѓа Албана Корчиу.

Нов министер за економија и финансии е Ервин Мете на местото на Делина Ибрахимај, која ја презема функцијата државен министер за претприемништво и деловна клима, на која функција беше Едона Билали. На чело на министерството за земјоделство и рурален развој, ќе биде Анила Денај, која на оваа функција ја заменува Фрида Крифца.

Рама најави и формирање на министерство за локална самоуправа каде прв човек ќе биде Арбјан Мазнику, актуелен заменик градоначалник на Тирана, Македонец чиј татко потекнува од село Врница, област Голо Брдо.

За прв пат во историјата на оваа политичка сила Ен-блок го разреши целиот партиски секретаријат и покрај тоа што на последните локални избори социјалистите извојуваа спектакуларна победа. Еди Рама ги даде првите сигнали за смени во редовите на партијата на власт, што ја предводи, на последното партиско собрание на 26 јули.

Како што рече, предлозите утре ќе му ги достави на шефот на државата Бајрам Бегај, кој треба да потпише уредба за разрешување на досегашните и наименување на новите министри, по што, имајќи го предвид бројот на пратениците од мнозинството, само формално ќе поминат на седница на Парламентот.

Претходно во своето обраќање, тој рече дека „патот кон Албанија 2030 година е со големи предизвици, земјата веќе е влезена во нова фаза, но има уште многу работа“.

- Албанија влезе во нова фаза, таа е на ново ниво. Постојат многу причини за ова. Но, две се најголемите афирмации, првата е туристичката сезона и втората е невообичаеното влијание на новите органи на правдата. Ова е само нов почеток со ново ниво и не е врвот што сакаме да го достигнеме во оваа декада, рече Рама.

Според него Албанија станала главна дестинација за европејците и додаде дека „ако погледнеме назад, од владеењето на социјалистите, има 1001 причина за гордеење“

The post Македонец меѓу новите министри во реконструираната влада на Албанија appeared first on Република.

Завршуваат реконструктивните активности во 55 училишни објекти кои се дел од акцискиот план на Министерството за образование и наука за унапредување на условите за следење настава и за работа, за оваа календарска година. Се инвестираат над 4,5 милиони евра обезбедени во буџетот на МОН преку одделението за капитални инвестиции, проектната единица за изградба на 145 спортски сали и рехабилитација на училишни објекти и проектната единица за унапредување на основното образование, соопштија од МОН.

Во 40 училишни објекти во повеќе општини во државата се изведуваат градежни активности за подобрување на енергетската ефинасност, унапредување санитетско – хигиенските услови и пристапноста за учениците и лицата со попреченост. За оваа намена, финансиска поддршка е обезбедена од Светската банка која го финансира спроведувањето на Проектот за унапредување на основното образование.

Во 15 други училишта пак, преку Одделението за капитални инвестции во МОН и проектот за изградба на спортски сали и рехабилитација на училишни објекти се врши поставување на нова или санација на постојната кровна конструкција, реконструкција на фасада, обнова на кабинетски простории, замена на столарија и слично. Се работи за проекти со кои локалните самоуправи аплицирале на повиците на министерството за обезбедување поддршка и истите се прифатени како приоритетни за реализација.

Заложбите за унапредување на образовната инфраструктура се интензивираат, а тоа се огледува преку буџетот наменет за капитални инвестиции кој од година во година постојано се зголемува и има висок процент на реализација. За потсетување, минатата 2022 година беше обезбеден буџет од над 16 милиони евра за оваа намена и истиот е реализиран над 94%.

Подобрувањето на инфраструктурните услови, заедно со замената на наставните програми и набавката на нови учебници, како и подигнувањето на мотивацијата на наставнциите за работа преку повисоки лични примања и можности за професионален и кариерен развој се дел од поголема стратегија на МОН за унапредување на квалитетот на основното и средното образование, усвоена преку широка јавна дебата и со согласност од сите засегнати чинители.

The post МОН: 55 училишта ќе ја започнат новата учебната година со значително подобрени услови за настава appeared first on Република.

Мнистерството за образование и наука ги интензивира градежните активности за време на летниот распуст на учениците, со цел заокружување на повеќе инфраструктурни инвестиции кои ќе значат подобрени услови во основните и средните училишта во новата учебна година. Со буџет од над 4,5 милиони евра предвидени се реконструктивни активности во 50 училишни објекти во повеќе општини низ државата.

Средствата се обезбедени во буџетот на МОН преку одделението за капитални инвестиции, проектната единица за изградба на 145 спортски сали и рехабилитација на училишни објеки, а најголем дел од училиштата, односно 40 објекти ќе бидат опфатени со реконструктивни активности со поддршка од Светската банка која го финансира спроведувањето на Проектот за унапредување на основното образование, соопшти МОН.

Градежните активности предвидуваат подобрување на условите за настава, подигнување на енергетската ефикасност на објектите, како и унапредување санитетско – хигиенските услови и пристапноста на објектите за учениците и лицата со попреченост.

Една од покрупните инвестиции ќе се реализира во основното училиште „Мирче Ацев“ во село Лажани во општина Долнени, каде ќе се изврши реконструкција на кровот, фасадата, санитарните јазли, а ќе се поставуваат и пристапни рампи за учениците и лицата со попреченост. Слични активности, планот за инвестиции на МОН предвидува и во неколку други основни училишта, односно „Васил Главинов“ во Чаир, „Форино“ во Гостивар, „Ристе Ристески“ во дебарско Могорче, „Св. Наум Охридски во Пештани во Охрид“ и „Елпида Караманди“ во Битола.

Темелна реконструкција ќе се изврши во кичевското основно училиште „Мирко Милевски“, која е веќе започната, а ќе се заокружи кон крајот на тековната година, кога ќе заврши и реконструкцијата на дел од објектот на средното техничко училиште „Гостивар“ каде се сместени работилниците и просториите за кабинетска настава. Исто така, за време на летниот период започнува и санацијата на кровот, внатрешните ѕидови, плафони и осветлувањето во основните училишта „Браќа Миладиновиц“ и „Крсте Мисирков“ во Куманово.

The post Летово ќе се реконструираат 40 основни училишта со финансиска поддршка од Светска банка appeared first on Република.

Министерството за култура, преку надлежните заводи и музеи, започна со реконструкција и санација на сите споменици и спомен-обележја од Народно-ослободителната борба, на личности кои дале придонес во борбата против фашизмот и ослободувањето на нашата држава и на настани коишто се случиле во НОБ и се сведоштво за непокорот и борбата за слобода. Како проект на Владата, предвиден со Буџетот за оваа година, иако согласно Законот за меморијални споменици и спомен-обележја се надлежни општините, односно Градот Скопје, Владата го задолжи Министерството за култура во соработка со надлежните да се реконструираат сите овие споменици и спомен-обележја кои се силен белег на македонската државност и историја.

Во моментов, Завод и музеј-Штип, со средства од Министерството за култура, го санираше искучително значајното дело Меморијален комплекс на паднатите борци на револуцијата, кој е поставен на источната страна на археолошкиот локалитет „Исар“.

Станува збор за архитектонско-скулптурално дело од архитектот Богдан Богдановски, еден од најпознатите архитекти на дваесеттиот век, кој оставил силен печат на уметничкото и архитектонското наследство на некогашна Југославија.

Делото на Богдановиќ (роден 20 август 1922 година во Белград, починал 18 јуни 2010 во Виена) било избрано на конкурс со цел да се одбележи сеќавањето на загинатите партизански војници и цивили во Штип и Штипско за време на Втората светска војна, како чин на комеморација.

За завршувањето на споменичкиот комплекс во Штип на авторот му биле потребни пет години, а неговата свечена инагурација се извршила на денот на ослободувањето на Штип, 8 ноември 1974 година.

Екипите од штипскиот музеј во изминатиот период ги отстранија нечистотиите, вегетацијата, бројните графити на сите делови од комплексот со што се сочуваа изворните, историските, урбанистичко-архитектонските и естетските вредности на делото и се овозможи негово користење за туристички, културни и други активности.

Во овој меморијален комплекс подигнат во чест на паднатите борци во Народно-ослободителната војна, се одбележуваат неколку датуми со учество на делегации, учесници во војната и граѓани, со положување на свежо цвеќе и комеморација. На комплексот се одбележуваат: 11 Октомври, денот на почетокот на народното востание во Македонија, 8 Ноември, денот на ослободувањето на градот Штип и 23 Октомври, денот на македонската револуционерна борба.

The post Саниран е Меморијалниот комплекс на паднатите борци на револуцијата во Штип, дело на архитектот Богдан Богдановски appeared first on Република.

Од 15 мај ќе започнат градежните работи на Универзитетската клиника за психијатрија во Скопје. Објектот ќе биде комплетно реновиран и ќе стане енергетски ефикасен преку проектот за подобрување на енергетската ефикасност што се финансира преку Светска банка, а го спроведува Министерството за финансии, во соработка со Министерство за здравство.

Како што соопшти Министерството за здравство, ова е првиот објект од вкупно 18 здравствени објекти кои треба да бидат опфатени со проектот во компонентата наменета за подобрување на енергетската ефикасност на објекти од централно ниво.

Основни цели на проектот се намалување на потрошувачката на енергија во јавниот сектор и поддршка за воспоставување и операционализација на одржлив механизам за финансирање на енергетска ефикасност во јавниот сектор. Инвестициите во обновливи извори на енергија и зголемувањето на енергетската ефикасност на објектите и на локално ниво и на централно ниво, како и во индивидувалните објекти особено се покажа за значајно во време на енергетска криза, велат од МЗ.

Ќе биде заменета електричната инсталација, осветлувањето, системот за греење, ќе биде поставен централен систем за ладење, ќе биде поставена термоизолација на објектот, ќе се изврши реконструкција на кровот, замена на прозорците и вратите и слично.

За време на реновирањето, Министерството информира дека пациентите од оваа Клиника ќе бидат хоспитализирани во Психијатриската болница-Скопје и одделот за психијатрија во Градската општа болница „8 Септември“. Детскиот оддел привремено ќе функционира во ГОБ „8 Септември“-Скопје.

The post Клиниката за психијатрија е прв здравствен објект кој станува енергетски ефикасен appeared first on Република.

Започна реконструкцијата на најоштетениот дел од патот Градско –Чичево во должина од 500- тини метри- информира градоначалникот на општина Градско, Киро Нацков.

Овој патен правец се реконструира со средства од Бирото за регионалан развој преку Центарот за развој на Вардарски плански регион со вкупна вредност од 6 062 545 денари. Изведувач на градежните актиовности е Друштвото за производтсво, трговија и услуги ОСД Кирил ДООЕЛ експорт-импорт Скопје.Општина Градско учествува со 700 000 денари во вкулната вреднсот.

Во септември минатата година беше реконструиран и патот од с.Чичево до манастирот „Св. Архангел Михаил“ кој е значаен дел од сакралното и културното наследство на општината и мошне посетено излетничко место.

The post Започна реконструкцијата на најоштетениот дел од патот Градско –Чичево appeared first on Република.

Собранието попладнево ја прекина расправата од 104-тата седница по точката од дневниот ред – Предлог за избор на членови на Владата.

Имено, претседателот на Собранието, Талат Џафери истакна дека пратениците продолжуваат со работа во понеделник во 12 часот.

The post Седницата за реконструкција на Владата продолжува в понеделник appeared first on Република.