Трагична несреќа се случи во Швајцарија откако маж од Македонија се удавил при пливање. Настанот се случил во неделата околу 15 часот откако мажот заедно со уште еден негов пријател решиле да пливаат во познатата река Аре кај Берн.

Според медиумите, две лица влегле во водата во реонот на ресторанот Фахрибеизли. Од непознати причини едниот од лицата западнал во неволја и завршил беживотно пловејќи по реката Аре, соопштуваат од полицијата.

И покрај напорите на брзата помош и укажаните мерки за спасување, сепак, тој починал кратко време подоцна.

Почната е истрага за несреќата под раководство на регионалното јавно обвинителство во Берн-Мителанд.

The post Македонец се удавил во река во Швајцарија appeared first on Република.

Полицијата во Албанија соопшти дека мајка со три деца се фрлила во реката Бојана и дека нејзиниот маж е уапсен. Полицијата го уапсила Ергис Арази (31) поради насилство врз сопругата Алма Арази (39), која наводно се самоубила со трите деца. Децата беа на возраст од девет, шест и четири години, пишува Блиц, кој пренесува на порталот Euronews.al.

По трагичниот настан, рибар го пронашол телото на 9-годишната ќерка, а надлежните се уште трагаат по телата на мајката и уште двете деца кои исчезнаа пред три дена. Полицијата наведува дека постои сомневање дека мајката го напуштила станот со децата бидејќи сопругот ги малтретирал. Тој додава дека Арази (31) и претходно бил осуден за обвиненија поврзани со дрога.

The post Мајка со трите деца се фрлила в река во Албанија, не можела да го поднесе малтретирањето од сопругот appeared first on Република.

Во Дебар и селата на Река, по повод Православна Нова година, продолжи традицијата на децата суројчари, кои посакаа среќна и бериќетна година.

Иако, во многу помал број од некогаш, кога само во градот имало по повеќе групи, со по десеттина деца, последните години традицијата ја продолжуваат само неколку дечиња, дел од нив по потекло од овој крај, но главно живеат во Скопје.

Меѓу нив беа Иван, Антониј, Анисија, Лука, Марко, Евгениј. Тие ги посетија православните домови, пеејќи „сура, сура година, весела, посреќна година“, а за убавите и искрени детски желби домаќинките ги даруваа со пари и слатки.

Фала му на Бога што продолжува традицијата. Јас многу им се радувам на децата суројчари, кои кога доаѓаат на врата го развеселуваат домот. Исто така радост беа и Лазарките што се организираа за Лазарова сабота, но последните неколку години таа традиција ја нема, вели Десанка Секуловска.

Таа објаснува дека суројцата, која главно ја прават бабите, но и мајките, е во форма на крст, направена од страк од лозница, гранчиња од леска, дрен, даб и босилек заврзани со црвен конец.

Традицијата воспоставена пред повеќе од три децении, на кршење василичарска погача ја продолжија и дебранки. Погачата ја подготви Илинка Трајановска, каде лани се падна паричката, а синоќа најсреќна беше Весна Миновска, која посака здравје, среќа, благосостојба и продолжување на традицијата.

The post Во Дебар и Река децата суројчари посакаа среќна и бериќетна година appeared first on Република.

Синоќа, во реката Колубара во Република Србија се удавил тинејџерот С. Ј. од село Лајковац.

Давењето на младиот човек се случило во близина на стариот железнички мост на Колубара околу 19 часот. Според неофицијални информации, С. Ј синоќа бил со своето друштво на роденденска прослава на пријател организирана на брегот на реката кога во еден момент, под сè уште неразјаснети околности, влегол во реката, пишува „Блиц“.

Бидејќи извесно време не се појавил од водата, толпата почнала да го бара и да го повикува повикувајќи ја полицијата на местото на настанот. Неговото тело набргу потоа било пронајдено во близина на местото на Колубара, недалеку од местото каде што последен пат бил виден, а екипа на итната помош можела да констатира смрт само со давење.

Наредена е и обдукција на телото на малолетникот, која треба да ја покаже причината за давењето.

The post Трагедија во Србија: Тинејџер се удави, бил на роденденска забава организирана на брег на река appeared first on Република.

Во Центарот за управување со кризи (ЦУК) во 13:11 часот на Единствениот број за итни ситуации 112 во ЦУК е добиена информација дека патничко моторно возило марка „голф“ влетало во реката кај мост „Кочо Рацин“ во Прилеп.

Од Регионалниот ЦУК Битола контактирале со ТППЕ Прилеп и добиле известување дека имаат екипа на лице место, како и од Итна медицинска помош Прилеп и дека во возилото имало две лица кои се извлечени. На терен, согласно ситуацијата, била излезена и полициска екипа од Полициската станица Прилеп.

Едното од лицата е неповредено, додека другото било повредено, но било надвор од животна опасност

ЦУК има информација од МВР Прилеп дека ангажираните екипи од Системот за управување со кризи (СУК) се уште се на терен и е повикана „шлеп“ служба за извлекување на возилото. Во возилото имало 2 лица, од кои едното лице се здобило со лесни телесни повреди и е пуштено на домашно лекување, додека другото лице е со тешки телесни повреди, но е вон животна опасност и веднаш е транспортирано со Брза помош во ЈЗУ Општа болница „Прилеп“.

The post Драма во Прилеп: Падна возило во река, двајца повредени appeared first on Република.

На 27.06.2023 околу 15,30 часот во СВР Штип е пријавено дека на место викано „Петти мост“ во атар на с.Градец, виничко, Д.М.(68) од с.Градец се лизнал и паднал во речното корито на Градечка Река.

Откако бил изваден од реката, тој бил пренесен во Клиничка болница Штип, каде му биле констатирани тешки телесни повреди.

Полициски службеници излегле на местото на настанот.

The post Паднал во река во Виничко, со тешки повреди го извадиле од коритото и го префрлиле во болница appeared first on Република.

Обилни врнежи од дожд вчера попладне го зафатија Прилеп.

Од Центарот за управување со кризи информираат дека водостојот на реките е зголемен и засега на некои места има излевање на реката од речното корито во Прилеп.

Од страна на раководителот на РЦУК- Прилеп побарано е од ТППЕ Прилеп и ЈП Водовод да има дополнителна дежурна екипа доколку има потреба од дополнителни сили.

The post Обилни врнежи во Прилеп, реката излеана на некои места appeared first on Република.

Новороденче чудесно успеало да преживее откако било ставено во ранец еднаш по породувањето и било фрлено од мост во река. Очевидци за полицијата изјавиле дека виделе маж како фрла ранец во реката Капибарибе во Сан Лоренцо да Мата во Бразил. Сè се случило утрото на 17 ноември.

Двајца рибари под мостот го спасиле бебето откако виделе како чантата паднала во реката и го слушнале плачот на бебето, пренесува „Дејли „мејл“.

Кога го отворив, внатре имаше бебе. Почнав да плачам, рекол за бразилските медиуми еден од рибарите.

Тие веднаш повикале полиција, која го однела бебето во болница. Според локалните медиуми, бебето се родило само неколку часа претходно, а папочната врвца не била правилно исечена. Бебето е во стабилна состојба, но останува на опсервација во болницата.

Абортусот е нелегален во Бразил, а за кршење на законот следи затворска казна.

The post Рибари спасија новороденче ставено во ранец и фрлено во река appeared first on Република.

И денеска од раните утрински часови потрагата е продолжена и се засилува по лицето кое со приватно моторно возило „голф 4“ падна вчера во водите на реката Вардар кај мостот во село Желино, соопштија денеска од Центарот за управување со кризи (ЦУК).

Од таму информираат дека по добиените податоци од раководителот на РЦУК Тетово, од лице место на терен, во потрага до 14.30 часот биле вклучени пет лица од Полициската станица Јегуновце, лица од Црвен Крст-Тетово, четири нуркачи од Дирекцијата за заштита и спасување, пет вработени од Територијалната противпожарна единица Тетово, шест вработени од Единицата на локалната самоуправа Желино, екипа од РЦУК Тетово.

Истовремено е најавено пристигнување на специјализирана нуркачка екипа од Министерството за внатрешни работи, како и екипа на Криминалистичка полиција од СВР Тетово на МВР.

Од 14.30 часот, според официјалните извештаи добиено во Дежурниот оперативен центар на Центарот за управување со кризи, на терен од пладне е пристигната екипа од ДСЗ Кочани со четири лица заедно со четири нуркачи од ДЗС Тетово, при што осум вработени од ДЗС Тетово се во реката во потрага на исчезнатиот, велат од ЦУК.

Исто така, како што се наведува во соопштението, во 13 часот од Единицата за брзо распоредување е присутен тим од седум членови, а и други доброволци кои вршат потрага на двете страни од коритото на реката Вардар.

Од страна на ЦУК е побарано еден хеликоптер од МВР и тој врши пребарување од 13.30 часот часот по течението на реката, почнувајќи од местото на настанот. Истовремено во потрагата се очекува интервенција од нуркачкиот тим од МВР, додаваат од ЦУК.

Од ЦУК посочуваат дека потрагата продолжува, а за нови податоци од лице место ќе известат по добивање на информациите.

The post Потрагата се засилува по лицето кое со „голф 4“ падна вчера во водите на Вардар кај Желино appeared first on Република.

МВР информира дека било пронајдено безживотно тело во близина на Демир Капија, стои во полицискиот билтен.

-На брегот кај вливот на река Бошава во река Вардар било пронајдено женско лице на 16.06.2022 во 11.20 часот. Полициски службеници излегле на местото и било констатирано дека станува збор за Љ. А.(74) од Демир Капија. Увид бил извршен, а по наредба на Јавен обвинител телото било дадено на обдукција, информираат од МВР.

The post Пронајдено тело на жена во река кај Демир Капија appeared first on Република.

Македонецот З.Љ. (48) кој утрово со скапо „Audi Q7“ слета во реката Босна во Добој, не е повреден, потврдија за Српскаинфо во Полициската управа во Добој.

Портпаролот на оваа Управа, Драгана Керкез изјави дека утрово околу 9.30 часот во Костајница кај Добој се случила сообраќајна несреќа кога автомобил излетал од патот кон реката Босна, пишува Српскаинфо.

Возилото го управувал З.Љ. од Македонија. Во извлекувањето на возачите учествувале полициски службеници од Полициската станица за безбедност во сообраќајот Добој и припадници на Територијалната противпожарна единица Добој – појасни Керкез.

Таа додаде дека тој превентивно бил испратен на преглед во Здравствениот дом Добој.

Увид извршиле полициски службеници од Полициската станица за безбедност во сообраќајот Добој.

Како што претходно објави „Српскаинфо“, тој по несреќата излегол од автомобилот и се качил на покривот и чекал помош. Со чамец му помогнале полицајци, кои потоа го пренеле до брегот.

The post Македонец со „Audi Q7“ влезе во река: Полицајци го извлекувале со чамец appeared first on Република.

Животот покрај реката Пена во тетовската населба Деребој заврши трагично за шест-годишно машко дете. Детската игра во дворот од семејната куќа го одвела до работ од реката. Се лизнало и паднало, а брзата река го повлекла неговот мало тело. Неговата мајка се фрлила по него, но не успеала да го спаси. Силниот водостој на пена веќе го однел многу подалеку од нејзините раце. Двајца соседи влегле во реката по мајката, и таа е извлечена на безбедно, но не и нејзиното дете. Цели 4 часа детското тело го бараа шест пожарникари, полицијата и спасувачки екипи.

Денеска Тим за брз одговор од ПОЗС – Тетово заедно со пожарникари од ТППЕ Тетово и припадници на Полицијата на Тетово беа ангажирани за пронаоѓање на 6 (шест) годишно дете, кој според сознанието паднал во Реката Пена, соопштија од Дирекција за заштита и спасување

Потрагата се раширила долж брегот на сите околни места. Пронајдено е во 17 часот. Детето е извадено, но без знаци за живот. Полицијата се уште врши увид и ги бара причините за оваа трагедија, а телото на детето е дадено на обдукција.

The post Во Пена се удави шест-годишно дете appeared first on Република.

МВР информираше дека денеска во околу 11:40 часот во водите на р.Пена, во атарот на тетовско Фалише, пронајдено е телото на 62-годишниот И.Л. од Тетово, за кого на 31.12.2021 беше пријавено дека се оддалечил од домот.

По добиената пријава, по И.Л. интензивно се трагаше со екипи на СВР Тетово, а во потрагата беа вклучени и кучиња-трагачи. Лекар констатирал смрт, извршен е увид од страна на полициски екипи во координација со Јавен обвинител, по чија наредба телото е предадено за обдукција.

The post Трагичен крај: Пронајден тетовецот кој исчезна пред Нова година appeared first on Република.