„Граѓаните се здружуваат во Здружението, заради промоција на животот, идеологијата, РЕХАБИЛИТИРАЊЕ и осветлување на ликот и делото на Иван Михајлов како еден од најзначајните ликови во историјата на Македонија“.

Ова е содржината на членот 2 од Општите одредби од Статутот на здружението Културен центар Иван Михајлов, Битола, до кој дојде неодамна „Пресинг ТВ“. За овој статут денеска расправа Уставниот суд.

Со други зборови, ова значи дека за првпат во историјата на Република Македонија, од нејзиното формирање како федерална единица во некогашната југословенска федерација, преку осамостојувањето и независноста на почетокот на 90-тите, па до денес, официјално, преку документ и дозвола на една државна институција се дава виза за рехабилитација на личноста, која досега се сметала за најголем крвник и негатор на Македонците и на македонскиот народ во целина.

The post Еве што пишува во статутот и програмата на „Ванчо Михајлов“: Власта се согласила неговиот лик и дело да бидат рехабилитирани appeared first on Република.

Владата преку Министерството за транспорт и врски, како најголем инвеститор во земјата и поддржувач на општините, работи активно во реализација на транспортната стратегија, а тоа е изградба и модернизација на патната инфраструктура низ целата држава, изјави министерот за транспорт и врски Благој Бочварски, кој денеска заедно со директорот на ЈП за одржување на регионални и магистрални патишта, Костадин Ацевски, извршија увид во рехабилитација на транзитот низ Штип.

Транзитот низ Штип се рехабилитира со средства обезбедни преку Јавното претпријатие за одржување на регионалните и магистрални патишта, во соработка со Министерството за транспорт и врски, во висина од 20 милиони денари.

Особено ми е драго што започнавме со рехабилитација на овој патен правец. Како што ветивме пред граѓаните, еве денеска тоа го гледаме на дело, започнуваме со гребење на оштетениот асфалт и поставување на комплетно нов слој асфалт, инвестиција во висина од над 20 милиони денари преку централната власт, со што обезбедуваме побезбедно патување на нашите граѓани. Во изминатиот период реоконстуриравме транзити и низ други градови во земјата Виница, Делчево, Охрид, Крушево, а наскоро започнува и реконструкцијата на транзитот низ Тетово.  Сакам да ги уверам сите граѓани дека сме максимално посветени во исполнувањето на нашата цел, а тоа е безбедна и модерна патна инфраструктура низ целата земја, изјави министерот Бочварски.

Тој исто така информираше дека од денеска стартува и поставувањето на нова ограда долж реката Отиња во градското подрачје на Штип, со што напомена дека тоа е уште еден доказ дека централната власт, Министерството за транспорт и врски, се грижат за подобрувањето на локалниот развој, за безбедноста и за подобрувањето на животот на граѓаните

Директорот Ацевски во својата изјава истакна дека Јавното претпријатие за одржувањето на регионалните и магистрални патишта активно работи на отстранување на сите проблеми на патиштата, реконструкција и рехабилитација таму каде што е потребно, се со цел граѓаните да патуваат безбедно и по модерни патни правци.

Во Штип и Штипскиот регион вложивме значајни средства и реконструиравме голем број патни правци кои беа барање на граѓаните. Транзитот низ Штип долги години бил запоставен, но како што ветивме минатата година со Министерот, денеска тоа го гледаме, започнавме со реконструкција. Продолжуваме со истото темпо низ целата држава, бидејќи нашите граѓани заслужуваат да возат по безбедни и модерни патишта, изјави директорот Ацевски.

The post Започна рехабилитација на транзитот низ Штип appeared first on Република.