Претседателот на Регулаторната комисија за енергетика, Марко Бислимоски информираше дека од 1 август, се намалува цената на топлинската енергија во Скопје.

Најголемиот систем во Скопје со 52 илјади потрошувачи, кај домаќинствата – цените за парното ќе се намалат за 3,16%. Цените за парно за сите останати потрошувачи како училишта и институции, ќе се намалат за 17,3%. Оваа цена за домаќинствата е без субвенции. Во изминатиот период, за субвенционирање од Буџетот на државата беа издвоени приближно 12 милиони евра, изјави Бислимоски.

Според првиот регулатор, за останатите системи, цената во Скопје-Север за субвенциите се намалува за 1,71%, а за останатите за 17,22%.

Кај „ЕСМ Енергетика“, цената на парното за домаќинствата се намалува за 0,5%, додека за останатите околу 40%.

Бислимоски апелираше да се заврши реконструкцијата на цевкодот на мостот „Беласица“ и да не се остави на случајноста, со цел да бидеме подготвени за претстојната грејна сезона.

The post Бислимоски: Од 1 август се намалува цената на топлинската енергија во Скопје appeared first on Република.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 0,53% во однос на одлуката од 7.5.2024 година.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 2,939%, кај дизелот за 1,523%, кај екстра лесното масло за 1,341% и кај мазутот намалувањето е за 3,608%.

Од 10.5.2024 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 86,00 (денари/литар)

Моторен бензин ЕУРОСУПЕР БС – 98 88,00 (денари/литар)

Дизел гориво ЕУРОДИЗЕЛ БС (Д-Е V) 74,50 (денари/литар)

Масло за горење Екстра лесно 1 (ЕЛ-1) 74,00 (денари/литар)

Мазут М-1 НС 44,609 (денари/килограм)

Малопродажната цена на Мазутот М-1 НС се намалува за 1,223 ден/кг и сега ќе изнесува 44,609 ден/кг.

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.

Напоменуваме дека ова се максималните цени на нафтените деривати од 00:01 часот на 10.5.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

The post Од вечер промена на цената на мазутот, бензинот останува исто appeared first on Република.

Од вечерва н полноќ горивата ќе се точат по нови цени.

Малопродажните цени на бензинот ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 0,50 ден/лит.

Малопродажната цена на бензинот ЕУРОСУПЕР БС-95 не се менува.

Малопродажната цена на Мазутот М-1 НС се зголемува за 2,107 ден/кг и сега ќе изнесува 46,661 ден/кг.

The post Нови цени на бензинот и на дизелот од полноќ appeared first on Република.

Во јануарските сметки за струја ќе го нема надоместокот од 200 денари за мрежарина – соопштија од Регулаторната комисија за енергетика. Ова следува по бурните рекации на граѓаните дека овој надоместок кој требаше да се пресметува од овој месец, беше наплатен уште со декемвриските сметки.

Од Регулаторна тврдат дека не е направена грешка и никој не профитира на грбот на граѓаните.

The post Бислимовски: Во јануарските сметки за струја ќе го нема надоместокот од 200 денари appeared first on Република.

Согласно последните измени на Законот за енергетика, универзалниот снабдувач со електрична енергија на регулираниот пазар „ЕВН Хоум“ има обврска да ја пресмета цената на електричната енергија што ќе важи од 1 јануари идната година на регулираниот пазар по истиот тарифен систем по кој досега ја пресметуваше Регулаторната комисија за енергетика РКЕ.

Како што појасни претседателот на РКЕ, Марко Бислимоски, тие пресметки потоа универзалниот снабдувач ги доставува до РКЕ, а доколку регулаторот има забелешки во однос на примената на тарифниот систем и начинот на кој што се извршени пресметките, носи посебна одлука и таа ја доставува до универзалниот снабдувач кој е обврзан да ја примени.

Крајните цени, наместо РКЕ, во „Службен весник“ ќе ги објави универзалниот снабдувач“. Тоа е концепт којшто е усогласен со европското законодавство и за првпат ќе го применуваме во Македонија. Концепциски, РКЕ досега ја носеше конечната одлука, а сега има еден чекор помеѓу, а тоа е проверка што доставил универзалниот снабдувач кој е обврзан да ги објави цените на блоковите за домаќинствата и за малите потрошувачи, рече Бислимоски во емисијата „Топ тема“ на ТВ Телма.

Бислимоски нагласи дека РКЕ најмалку пет години ќе ја прави проверката, како меѓучекор кон целосна либерализација на пазарот на електрична енергија за домаќинствата и малите потрошувачи и додаде дека тоа е гаранција дека нема да има ценовни шокови за граѓаните. Во меѓувреме, РКЕ и понатаму ќе ги носи одлуките за мрежарина и за пренос на електрична енергија на регулираниот пазар.

Тој потврди дена нема да има промена на четирите блок тарифи и додаде дека првиот блок и натаму ќе биде од 0 до 210 киловат часови, вториот од 210 до 630, третиот од 630 до 1.050 и четвртиот над 1.050 киловат часови.

Имавме средба со ММФ. Имаа барања да се намалат блоковите, да се намали за 10 до 15 отсто првиот блок и за одреден процент вториот за да има што е можно повеќе потрошувачка во третиот и четвртиот блок. Им објаснив дека проблемот е математички и дека доколку ги намалиме блоковите тогаш Универзалниот снабдувач ќе обезбеди повеќе пари кои нема да може да ги земе и ќе мора да ги врати назад и со тоа нема да има никаков ефект врз цената. Затоа нема повеќе забелешки и нема да има промена на блоковите, прецизира Бислимоски.

Лиценцата на постојниот универзален снабдувач „ЕВН Хоум“ истекува на 30 јуни следната година. Како што најави Бислимоски, се очекува наскоро Владата да објави тендер за избор на нов универзален снабдувач и тој да биде избран некаде до крајот на март.

The post Бислимоски: Регулаторна во наредните пет години ќе ги контролира пресметките за цената на струјата што ќе ги прави Универзалниот снабдувач appeared first on Република.

Новата цена на парното греење во Скопје ќе се определи откако ќе се санира мостот „Беласица“ и ќе се постават нови цевки. Регулаторната комисија за енергетика (РКЕ) дотогаш нема да прави пресметки. Претседателот на Регулаторната комисија Марко Бислимоски изјави дека нема да се дозволи граѓаните да плаќаат повисока цена поради тоа што институциите не си ја завршиле работата и сѐ додека не се стави цевка, ќе важи ланската цена за парното греење.

„Единствен проблем се трошоците за нов цевководот, откако стариот изгоре во пожарот на мостот „Беласица“. Додека не видиме дека таму се почнати активности за поставување на нови цевки, РКЕ нема да донесе одлука за нова цена на парното. ‘Те-То’ ни е важен бидејќи 60 отсто од топлинската енергија ја обезбедуваме од него, а 40 од топланите во Скопје. Додека не видиме дека се почнати активностите, нема да донесеме одлука, кој сака нека трпи загуби, тоа е нивни проблем“, рече Бислимоски, кој додаде дека верува оти до 15 октомври, почетокот на грајната сезона, Град Скопје и ЕСМ ќе ги реализираат своите обврски на мостот „Беласица“.

Годинава кога ќе се носи одлуката за ценатата на парното во Скопје ќе се одреди една цена за сите корисници односно исто ќе плаќаат и оние кои се приклучени на таканареченото железарско парно, и оние на Топлификација Север.

Во Скопје на системот за парно греење се приклучени 63.000 домаќинства. Од нив најмногу 58.000 се на системот на ЕСМ или поранешен БЕГ, 1.900 на железарското парно и 400 домаќинства на Топлификација Север.

The post Нова цена за парното по санација на мостот „Беласица“ и поставување нова цевка appeared first on Република.

Регулаторна комисија за енергетика (РКЕ)  донесе одлука со која предложи  нова максимална и минимална тарифа за цената на водата  во Скопје и доколку се прифати максималната, водата ќе поскапи за 29,5 денари на месечно ниво, а ако се прифати минималната цената би останала речиси иста. Одлуката, најави денеска претседателот на РКЕ Марко Бислимовски, ќе биде доставена до Водовод Скопје чиј Управниот одбор ќе донесе заклучок за којшто ќе треба да гласа Советот на Град Скопје. Целата постапка за одлучување треба да биде завршена во рок од 150 дена.

Постоечката цена за домаќинствата изнесува 31,87 денари. Со нашата одлука минималната тарифа предлагаме да изнесува 31,53 денари, тоа е одредено минимално намалување кое што се должи на фактот што помошта која што ќе се дава со пониска цена на електрична енергија ќе продолжи и во следниот период, а максималната тарифа изнесува 34,82 денари. Минималната тарифа е пониска од постоечката, а максималната е повисока за девет проценти. Ако се прифати максималната тарифа, може да има зголемување од 29,5 денари на месечно ниво. Сметам дека 29,5 денари или 30 денари не претставува никаков проблем за претпријатијата, односно за граѓаните. Тоа се само 30 денари на месечно ниво, тоа е доколку се реши Водовод и канализација Скопје понатака и Советот да се прифати максималната тарифа, објасни Бислимовски.

Тој нагласи дека кога одлучуваат за трошоците кај комуналните претпријатија не ги признаваат неоправданите, односно ги признаваат исклучиво економски оправданите трошоци со цел граѓаните да плаќаат за трошоци коишто мора да ги има секое претпријатие.

Притоа кога ќе ги носиме нашите одлуки во наредниот период ќе водиме сметка тие да бидат во рамките коишто ќе може да овозможат да не се политизира прашањето со цените на водните тарифи, рече Бислимовски.

Претседателот на РКЕ посочи дека откако предлогот ќе биде доставен во Скопски водовод, тие имаат право врз основа на рангот меѓу минималната и максималната тарифа да донесат своја одлука која што потоа ја доставуваат до Советот на Град Скопје на одобрување.  

Тој потенцираше дека со минималната тарифа можно е да има намалување на цената на водата и дека тоа зависи во крајна линија од Водовод и канализација и од Советот на Град Скопје.

Доколку се решат за минималната тарифа, нашата предложена минимална тарифа е одредено намалување на цената на водата во Градот Скопје. Најголем дел од претпријатијата коишто поднесуваат барања до РКЕ поднеле барање поради тоа што имаат зголемени трошоци за електрична енергија и во најголем дел од нивните барања овие трошоци за електрична енергија кога си ги препресметувале претпријатијата ја земале предвид цената на електрична енергија на берзата ХУПЕКС. За среќа, во изминатиот период имаме цена на електрична енергија кај овие јавни комунални претпријатија која што ја обезбедува ЕСМ Продажба и истата изнесува 95 евра за мегават час што придонесе да се среди ситуацијата кај јавните комунални претпријатија имајќи во предвид дека месеците август и септември беа критични кај нив. Имаше јавни комунални претпријатија коишто беа на слободниот пазар и нивните трошоци за електрична енергија на месечно ниво беа поголеми од вкупните приходи коишто би ги остварило една претпријатие, рече Бислимовски и доаде дека во целиот овој процес сите јавни комунални претпријатија коишто членуваат во нивното здружение АДКОМ добија целосна поддршка од РКЕ која беше меѓу иницијаторите овие јавни комунални претпријатија да добијат цена на електрична енергија со која што би влијаела на подобрување на ликвидноста на овие претпријатија.

Тој посочи максималниот рок во којшто треба да заврши целата постапка е 150 дена.

Значи, оваа наша одлука во моментов нема да се имплементира. Таа треба да помине низ органите за одлучување во Водовод и канализација и нивниот Управен одбор треба да достави предлог до Советот на Град Скопје. Од денот на носење на нашата одлука до носењето на конечната одлука на Советот на Град Скопје максимумот е 150 дена, рече Бислимовски.

Осврнувајќи се на другите комунални претпријатија во земјава, рече дека  сите имаа одреден недостиг на средства заради зголемените трошоци, но оти треба да се испрати сигнал и кај овие комунални претпријатија да ја подобрат својата ефикасност.

Не може целиот товар да го префрлиме кај граѓаните поради тоа што би се зголемила нивната цена за водни услуги. Секој треба да си преземе одговорност во целиот дел и фактот од којшто не можеме да бегаме сите овие јавни комунални претпријатија во државата се превработени. Јас само би сакал да ви дадам еден пример во електродистрибуција, компанија која што прави дистрибуција на електрична енергија во целата држава работат околу 1 750 вработени. Јас ви гарантирам ако ги земеме петте најголеми града во државата во овие водоводни претпријатија работат околу 5 300 до 4 000 луѓе.  Секој си определува колку се потребни, ама јас не верувам – тоа е мрежна услуга, индикатор има, треба да се внимава дека ако може една дејност како што е дистрибуција на ниво на една цела држава со 1 700 до 1800 луѓе потребно е кај јавните водоводни и комунални претпријатија да се подобри ефикасноста во работењето, нагласи Бислимовски.

The post РКЕ: Сметките во Скопје може да се зголемат за 29,5 денари месечно appeared first on Република.

Регулаторната комисија за енергетика и водни услуги (РКЕ) посочува дека уште во месец април 2022 година ги има информирано Државниот пазарен инспекторат (ДПИ), Државниот инспекторат за труд (ДИТ), Управата за јавни приходи (УЈП) и Управата за финансиска полиција (УДП) во врска со добиени информации кои будат сомнеж дека одреден број на потрошувачи на електрична енергија не го исполнуваат условот да бидат мал потрошувач, а го префрлаат сопственото снабдување со електрична енергија од слободниот на регулираниот пазар преку склучување на договори за закуп.

Од РКЕ информираат дека, истовремено побарале од посочените институции да извршат инспекциски надзор согласно нивните законски надлежности и да утврдат дали има или нема злоупотреба.

– РКЕ достави писмено Известување и барање за вршење на инспекциски надзор до посочените институции уште пред осум месец (документ во прилог архивиран со датум 13.4.2022 година). Во прилог на ова Известување беше доставен и преглед на потрошувачи кои од слободен  пазар преминале на регулиран – односно кај универзален снабдувач со електрична енергија, а со цел известените институции да утврдат дали и кај кои субјекти од прегледот има незаконско постапување за прашања кои се во нивна надлежност, се вели во соопштението од РКЕ.

Од РКЕ посочуваат дека согласно Законот за енергетика РКЕ нема надлежност за инспекциски надзор, но има институционална одговорност и етика да алармира секој пат кога детектира сомнеж за можно незаконско постапување и злоупотреби. Оттука, се вели во соопштението, остануваат нејасни посочувањата и префрлање на одговорноста за постапување и расветлување на конкретниот случај.

The post Регулаторна: Пред осум месеци побаравме да се изврши инспекциски надзор дали има злоупотреби при премин од слободен на регулиран пазар appeared first on Република.

Претседателот на Регулаторна комисија за енергетика Марко Бислимовски денеска објави дека е побарано од БЕГ да ги сторнира сметките за парно греење за скопјани за август. Наместо 15, биле поскапени за 40%, а во нив не биле вкалкулирани државните субвенции.

Бислимоски кажа дека граѓаните во Скопје ќе добијат нови сметки.

„Во овие сметки не е вкаклуриана субвенцијата од Владата. Затоа има значително зголемени сметки. Бараме БЕГ да ги сторнира сите сметки и да се изготват нови сметки каде ќе биде вкалкулирана субвенцијата која ја добиваат граѓаните од страна на Владата. Средства се обезбедени. Има одредена одлука која е донесена. Потрошувачите на топлинска енергија ќе ги добијат субвенциите. Сметките кои ги изготвил БЕГ и се испраќани на 31 авугст, а август не беше завршен, ќе бидат сторнирани“, рече денеска претседателот на РКЕ Марко Бислимоски.

Според него можно е да е дојдено до одреден административен пропуст.

„Сметките кои ги изготвеил и ги испратил БЕГ на 30 и 31 август, ќе бидат сторнирани и да испрати нови со вкалкулирана субенција и ќе нема никаков проблем сево ова да се изведе“, наведе тој

The post Регулаторна бара БЕГ да ги сторнира сметките appeared first on Република.

Регулаторната комисија за енергетика и водни услуги (РКЕ) денеска ќе одржи јавна трибина на која ќе бидат презентирани заклучоците од анализите на предложената реформа на тарифниот систем за електрична енергија.

Во аназилизите, како што информираат од РКЕ, се земени предвид сите дилеми кои потрошувачите ги имаат и ги поставиле до Комисијата во однос на скалестото тарифирање.

Главната цел на воведување на скалестото тарифирање е да се формираат блок тарифи што ќе стимулираат намалување на потрошувачката на електрична енергија во текот на високата дневна тарифа, а ќе стимулираат поголема потрошувачка во ноќната ниска тарифа, и со тоа да се обезбеди заштита на домаќинствата чија потрошувачка на електрична енергија е во рамки на просечната потрошувачка во државата. Со ваквиот начин на тарифирање ќе се обезбеди фер пристап, односно оние коишто трошат значително поголеми количини на електрична енергија од просечната потрошувачка, ќе плаќаат и повисока цена за истите, велат од РКЕ.

Оттаму посочуваат дека блок-тарифите ќе се применуваат само во периодите на високи дневни оптоварувања (од 07:00 до 22:00) часот, додека во периодите во ниски дневни оптоварувања (22:00 до 07:00) и недела, односно во периодите на евтиина тарифа, ќе се применува истата цена на струјата.

Инаку, анализите се подготвени од Факултетот за електротехника и информациски технологии и Машинскиот факултет при Универзитетот „Св. Кирил и Методиј “.

The post Јавна трибина на Регулаторната комисија за скалестото тарифирање на струјата appeared first on Република.

Со цел да ги намалат своите трошоци, општините формирале јавни претпријатија преку кои електричната енергија за улично осветлување ја добиваат од ЕВН, по цена за домаќинствата, информираше денеска Марко Бислимовски претседателот на Регулаторната комисија за енергетика. Со оваа злоупотреба, тој додава дека граѓаните веќе од јули би можеле да се соочат со повисоки сметки за струја до 10 проценти.

-Трошокот од 30 милиони евра, што го направиле општините значи 10 отсто зголемување на електричната енергија за граѓаните. Тој трошок РЕК сега ќе го префрли назад кај сите тие општини. Немаме намера повторно да го преземеме тој товар, вели Бислимовски во изјава за медиумите.

Претседателот на РКЕ верува оти ќе се објават јавно кои општини направиле злоупотреба на електричната енергија, со цел граѓаните да знаат дека тие општини не се грижат за нив.

Во моментов, РКЕ работи на креирање нов тарифник за електрична енергија. Бислимовски вели дека очекувањата се некаде да се движи од 150 до 250 киловат часови првиот блок,  само за скапа тарифа, па потоа од 250 до кај 300 , 400 па 400 и нагоре.

Тој додава дека цената на сметките за струја најмногу ќе зависи од тоа каква цена ќе понуди ЕСМ и со цел да се спречи големо покачување, Бислимовски бара државните електрани да обезбеди сто проценти од потребите на „ЕВН ХОУМ

The post Регулаторна комисија се закани: Струјата може да поскапи до 10 посто, виновни биле општините appeared first on Република.

Регулаторната комисија за енергетика и водни услуги (РКЕ) денеска ќе носи одлука за цените на нафтените деривати што ќе важат од полноќ. Од РКЕ информираат дека се исполнети предусловите за носење нова одлука за цената на горивата што ќе биде во сила од полноќ.

Со последните измени на Правилникот за одредување на малопродажните цени на нафтените деривати РКЕ може секој ден да носи одлуки за промена на цените на нафтените деривати доколку пресметката за цената на било кој нафтен дериват оди нагоре или надоле за два денара. За пресметката РКЕ го зема просекот од претходните петдневни котации на берзата и воопшто не влијае цената на суровата брент нафта на светскиот пазар.

The post Регулаторна и денеска ќе носи одлука за цените на нафтените деривати appeared first on Република.

Регулаторната комисија денеска ќе одлучува за новите цени на нафтените деривати.

Минатата недела РКЕ одлучи цената на бензините да се зголеми за еден денар, а на дизелот за половина денар.

Ова се актуелните цени на горивата:

Моторен бензин ЕУРОСУПЕР БС – 95 79,50 (денари/литар)
Моторен бензин ЕУРОСУПЕР БС – 98 81,50 (денари/литар)
Дизел гориво ЕУРОДИЗЕЛ БС (Д-Е V) 71,50 (денари/литар)
Масло за горење Екстра лесно 1 (ЕЛ-1) 71,50 (денари/литар)
Мазут М-1 НС 44,722 (денари/килограм)

The post Денеска нова седница на Регулаторна, ќе има ли ново покачување на горивата? appeared first on Република.

Регулаторната комисија за енергетика и водни услуги ја информира јавноста дека согласно Правилникот за утврдување на квалитетот на испорачаната топлинска енергија, потрошувачите кај кои е констатирано со решение од страна на комисијата за проверка на квалитет на испорачаната топлинска енергија дека имаат неквалитетна испорака на топлинска енергија треба да добијат пониски сметки.

-Побаравме од снабдувачите со топлинска енергија да донесат решенија кои ќе соодветствуваат со фактичката состојба утврдена на терен при извршената проверка, откако потрошувачите се пожалија дека имаат пониска температура или радијаторите им се ладни. Согласно правилникот, снабдувачот е должен да донесе решение со кое ќе се корегира сметката, во зависност од тоа колку отстапува температурата од онаа што е пропишана. Да заклучам, ако во јануари кај дел од потрошувачите каде што е констатирана неквалитетна испорака на топлинска енергија со решение, по извршена контрола од страна на комисија – снабдувачот треба да им фактурира помала сметка. Регулаторната комисија за енергетика побара од Скопје Север при изработка на фактурите за месец јануари да не се земат во предвид деновите кога немало испорака на топлинска енергија. Дополнително бараме да се прошири надлежноста на државниот инспекторат за техничка инспекција и освен комисија од снабдувачот што го контролира квалитетот на испораката на топлинска енергија, на терен да излегуваат и инспектори кои ќе ја мерат температурата дали отстапува од пропишаната. Снабдувачот не смее да наплати ни еден киловат час што не го испорачал, изјави Марко Бислимоски, претседател на Регулаторната комисија за енергетика и водни услуги.

Во прилог табеларен норматив за корекција на варијабилниот дел од надоместок за топлинска енергија во колективен станбен објект кога измерените внатрешни температури се пониски од 20 оС.

The post Ако имате пониска температура на парното или ладни радијатори треба да добиете пониска сметка, еве што велат од РКЕ appeared first on Република.