Рускиот претседател Владимир Путин нареди да се регрутираат нови 133.000 војници во есенската регрутација што започнува денеска и ќе трае до крајот на годината, а според шефот на канцеларијата за регрутирање, новите регрути нема да одат на боиштата во Украина.

Декретот на Кремљ, објавен вчера од рускиот државен весник „Росискаја газета“, повикува на мобилизација на граѓаните „на возраст меѓу 18 и 30 години, кои не се во резерва и се предмет на воена служба во согласност со федералниот закон. .), а станува збор за вкупно 133.000 лица.“

Шефот на руската канцеларија за регрутирање, вице-адмирал Владимир Цимлјански, рече дека условите за регрутирање остануваат исти - 12 месеци стаж во воените единици во Русија.

Би сакал да забележам дека регрутите нема да бидат поканети да учествуваат во специјална воена операција во новите региони, ги цитира весникот зборовите на рускиот вицеадмирал.

За Русија војната во Украина, што започна со инвазијата во февруари 2022 година, е специјална воена операција, додека Киев и неговите сојузници тоа го нарекуваат брутална агресија и неиспровоциран, империјалистички обид за заземање на земјата.

Британските медиуми потсетуваат дека во потегот што го осуди поголемиот дел од западниот свет, Русија кон крајот на 2022 година анектираше делови од југоисточна Украина, нарекувајќи ја земјата „нови региони“.

Наведувајќи ги зголемените закани на западните граници на Русија, Путин нареди во септември руската армија да се зголеми за 180.000 војници, на 1,5 милиони активни војници, што ќе ја направи втора по големина во светот, по кинеската.

The post Путин нареди регрутирање на 133.000 војници во есенската мобилизација appeared first on Република.

Украинка е казнета затоа што избегнала воена регистрација.

Судот во украинскиот град Мукачево прогласил за виновна една жителка на регионот Транскарпатија, која имала средно медицинско образование, за избегнување на воената регистрација, при што и досудил парична казна.

Како што објавија локалните медиуми, Олга Кулја ги игнорирала поканите доставени до неа на 9 април со предупредување од шефот на територијалниот центар за регрутирање (воена регистрација и уписна канцеларија) за потребата да биде регисрирана во воено-медицинска комисија.

Судот и одредил парична казна од 5.100 гривни (129,6 долари).

The post Украинка казнета затоа што одбила да се пријави за регрутација во воените сили appeared first on Република.

Украинската влада најави промена во праксата за регрутирање со цел подобро да ги искористи човечките ресурси, изјави секретарот на украинскиот Совет за безбедност.

Промените кои треба да помогнат во одржувањето на борбениот потенцијал на Киев по речиси две години војна со Русија, а кои се очекува да бидат објавени оваа недела, ќе вклучуваат користење и комерцијални компании за регрутирање, објави Гардијан.

Некои луѓе се исплашени, се плашат да не загинат, се плашат да пукаат, што не значи дека не можат да бидат вклучени во други активности, изјави за „Гардијан“ Олексеј Данилов, секретар на Советот за безбедност на Украина и истакна дека Украина „сега има нов министер со нов пристап“.

Данилов вели дека армијата ќе соработува со две од најголемите украински компании за регрутирање „со цел да ги идентификува луѓето со специфични вештини и да ги предомисли вештите Украинци кои сакаат да и помогнат на армијата, но не сакаа да одат на фронтот, да не избегнуваат регрутација“.

The post Поради големите човечки загуби на фронтот Украина ја менува праксата за регрутирање со цел да ги пополни воените сили appeared first on Република.

Рускиот парламент изгласа зголемување на старосната граница за задолжителна воена служба од 27 на 30 години, откако вооружениот конфликт во Украина навлезе во својот 18-ти месец.

Пред да стапи во сила, текстот сè уште треба да биде одобрен од Советот на Федерацијата, Горниот дом на Парламентот и да го потпише претседателот Владимир Путин, што во дадениов случај ќе биде формалност.

Од 1 јануари 2024 година граѓаните на возраст од 18 до 30 години ќе бидат повикани на воена служба“, се навеудва во одредбите од законот усвоен во второ и трето читање во руската Дума, Долниот дом на рускиот Парламент, што е најважната фаза за законодавниот процес во земјата.

Оваа мерка овозможува значително зголемување на бројот на активни руски војници без прибегнување кон нова мобилизација на потенцијалните резервисти. Москва веќе мобилизираше речиси 300.000 војници во септември 2022 година за нејзината офанзива во Украина.

Според законот, на регрутите, исто така, им е забрането да ја напуштат руската територија од моментот кога бирото за воена обврска ќе им испрати налог за воен рок.

Со друг донесен закон се зголемуваат казните до 30.000 рубљи (околу 300 евра) за непријавување во армијата без веродостојна причина по добивањето покана за воен рок.

Рускиот парламент во април веќе усвои закон што ја олеснува мобилизацијата на Русите со зголемување на начинот на испраќање повици.

Законот, исто така, го отежнува животот на оние кои одбиваат да одговорат, спречувајќи ги да работат како претприемачи, да добијат заеми или да поседуваат сопствен стан или возила.

Многу Руси, кои требаше да ја отслужат својата задолжителна едногодишна воена служба, досега избегнуваа да бидат повикани со тоа што не се на нивната официјална адреса или со поткупување регрутери или лекари.

The post Зголемување на бројот на активни војници: Русија ја покачи старосната граница за задолжително служење воен рок appeared first on Република.