„Сува интелигенција, паркинг на кружен тек. Сѐ друго е јасно, таблиците одат“.

Вака гласи објавата на фејсбук-групата „Грчка инфо“ во којашто туристите од Македонија и од Србија секојдневно објавуваат корисни информации за летувалиштата кај нашиот јужен сосед.

Што да правите ако во Грција ви ги одземат табличките и сообраќајната дозвола:

https://republika.mk/zivot/patuvanja/shto-da-pravite-ako-vo-grtsija-vi-gi-odzemat-tablichkite-i-soobrakajnata-dozvola/

Во објавата се гледа човек, најверојатно грчки полициски службеник во цивилна облека, кој ги собира регистарските таблички на македонски и на српски возила кои се паркирани буквално на кружен тек.

The post Скопјани останаа без таблици откако паркираа на кружен тек во Грција appeared first on Република.

Дека власта не знае кај тера се гледа и по начинот на кој оди промената на личните документи кои произлегоа како наша обврска од Договорот од Преспа. Досега, за да и удоволи на Грција, власта на Заев, а сега и на Ковачевски одеше и пред обврските кои се јасно прецизирани во спогодбата.

Па така, најпрвин побрзаа да ги направат „северни“ сите називи на инситуции, културни, спортски, музички. иако тоа никаде не е наведено.

Потоа, брусеа шахти каде беше нацртано сонцето од Кутлеш, па регистарски таблички.

На крајот на годината дојдоа на ред личните документи иако според договорот од Преспа тоа треба да се прави по отворањето на соодветните поглавја од преговорите со ЕУ, а Македонија е далеку од почеток на преговори.

Во текстот од Договорот се вели дека Издавањето на ваквите документи и материјали кои се опфатени со оваа категорија во согласност со членот 1, став 3, ќе започне при отворањето на секое поглавје на релевантното поле во преговорите со Европската унија и ќе биде финализирано во рок од пет години оттогаш.

Власта дури си постави и рок до кога треба да се промена личните документи а тоа е следниот месец.Тоа створи оправдан револт кај оние граѓани кои имаат важечки документи и кои не сакаат да се изложуваат на дополнителен трошок.

И откако ги измалтретираа граѓаните со часови да закажуваат термин по телефон и да дремат на пункотвите каде не треба закажување, власта се сети на генијална идеја-пролонгирање на рокот.

Алелуја.

Но, понизноста се гледа по ставот на премиерот Ковачевски дека претседателот Пендаровски од кого потегна предлогот да ја прашал грчката претседателка дали ќе дозволела.

Да ја прашал претседателката на втората страна која патем и никој не знае како се вика и никој не ја есапи и во својата држава дали ќе дозволела ние дома да користиме лични карти на кои не им е истечен рокот. Нешто слично како Пендаровски овде.

Алоо, дали сме протекторат или независна држава?

Ајде да видиме што втората страна исполни од обврските кои ги има.Одговорот е ништо.

Да ништо. Дури и онаа најбезболната а тоа е промената на таблите на автопатите на кои се уште стои „Скопиа“ или „ФИРОМ“.

Што ќе биде кога ќе дојдат на ред преговорите за трговските марки можеме само да замислиме. Ќе треба да им се извинуваме за секое вино или кисело млеко на кое ќе стои „продукт од Македонија“.

The post Во Грција таблите уште се со „Скопиа“ и ФИРОМ, a Таче и Пендаровски ќе ја прашувале грчката претседателка дали ќе ни дозволи да го продолжиме рокот на важечките документи appeared first on Република.

Во Бугарија од вечерва почнува забраната за влез во државата на автомобили со руски регистарски таблички, изјави началникот на граничната полиција Антон Златанов.

„Работевме многу активно од четврток до вчера. Сигурен сум дека до крајот на денот ќе стапи на сила забраната за влез на руски автомобили и на територијата на Бугарија, а сакам да додадам дека за камиони функционира веќе неколку месеци“, изјави шефот на граничната служба, пренесе бугарскиот весник 24 часа.

Според него, забранет е и превозот на стока.

Златанов не прецизираше колку автомобили месечно влегуваат во Бугарија, но додаде дека „нема многу“.

Забраната ЕК ја воведе на 11 септември и веќе е во сила во Литванија, Латвија, Естонија, Полска, Финска, а од денеска и во Норвешка.

The post Во Бугарија од вечерва се забранува влез на автомобили со руски регистерски таблички appeared first on Република.

Косовската полиција соопшти дека денеска во регионот на северна Митровица е запалено едно возило со регистерски таблички на Република Косово, односно со ознаката РКС, јави дописникот на МИА од Приштина.

Во соопштението се наведува дека полицијата добила дојава за подметнат оган на возило во сопственост на женско лице од српска националност, жител на општина Лепосавиќ. Во инцидентот нема повредени лица и е предивикана само материјална штета.

Исто така во општина Лепосавиќ, на крајот на октомври беа запалени две возила, а минатата недела уште едно во општина Зубин Поток – сите во сопственост на локални Срби и сите со косовски регистерски таблички.

И во последниот случај, полицијата на Косово соопшти дека ги презела потребните оперативно-истражни дејствија и порача дека „ќе се грижи за безбеноста на граѓаните, без оглед на нивната припадност, за зачувување на јавниот ред и мир и за откривање на таквите криминални акти”.

Владата на Албин Курти донесе одлука за промена на регистерските таблички издадени од Србија со таблички со ознаката РКС, на што се противат косовските Срби, кои во знак на протест ги напуштија државните и локалните институции на Косово.

Според одлуката на владата во Приштина, на оние кои нема да ги променат табличките до 21 ноември ќе добијат укори, а по тој датум, во наредните два месеци, ќе им бидат изрекувани парични казни. Од 21 јануари ќе им бидат издавани пробни таблички, а од 21 април ќе започне целосната примена на законот, односно ќе биде забрането движењето на возила со незаконски таблички издадени од Србија.

На оваа одлука на кабинетот на Курти се спротивстави меѓународниот фактор, пред сé САД, кои велат дека Косово има право да ги смени табличките, но бараат одлагање на спроведувањето на одлуката за 10 месеци, со цел да се постигне договор околу тоа во преговорите меѓу Белград и Приштина со посредство на Европската унија.

The post Во северно Косово повторно запалено возило со косовски регистерски таблички appeared first on Република.

Советот за безбедност на ОН вечерва ќе дискутира за новиот, шестмесечен извештај на генералниот секретар на ОН, Антонио Гутереш, за работата на мисијата во Косово, УНМИК.

Во извештајот за периодот од 16 март до 15 септември годинава, што на седницата ќе го претстави шефицата на УНМИК, Каролин Зијаде, Гутереш укажува на нестабилната ситуација на терен, проследена со високи тензии и жестока реторика.

Гутереш предупреди на ескалација на тензиите на 31 јули, кога Србите од северниот дел на Косово поставија барикади на патиштата, незадоволни со одлуките на властите во Приштина за издавање влезно – излезни документи и задолжителна пререгистрација на возилата со косовски регистарски таблички.

„Случувањата од 31 јули на северниот дел на Косово, како реакција на одлуките на косовската Влада, поврзани со слободата на движење, беа сериозна ескалација што ја доведе ситуацијата до раб на конфликт со потенцијално трагични последици“, наведе Гутереш.

Тој во извештајот ги повика и двете страни на воздржаност и приврзаност кон дијалог поради намалување на ризикот од нови ескалации на тензиите.

Од усвојувањето на резолуцијата на 10 јуни 1999 година, телото до 2018 година за Косово расправаше четирипати годишно. Во 2019 имаше три седници на Советот за безбедност на ОН за Косово, додека од 2020 година, годишно се одржуваат по две седници.

The post Рокот за пререгистрација од српски на косовски таблички истекува, вечерва ќе заседува и Советот за безбедност на ОН appeared first on Република.

Владата во Приштина го одложи спроведувањето на мерките за еден месец.

Како што објави „Коха“, одлуката е донесена по средбата на шефовите на косовските државни органи со американскиот амбасадор Џефри Ховени. САД побарале спроведувањето на одлуката да се одложи за 30 дена.

Владата на Република Косово најостро го осудува блокирањето на патиштата на северот на Косово и пукањето во вооружени лица таму. Станува збор за тенденција за дестабилизација на Косово и загрозување на мирот и безбедноста на граѓаните и нашата држава. Имаше бројни агресивни дејствија поттикнати и подготвени од официјален Белград. Премиерот Курти заедно со претседателот Османи и вицепремиерите Бислими и Гервал се сретнаа со американски и европски меѓународни партнери. Во оваа прилика, Владата на Косово се обврзува дека од понеделник, 1 август 2022 година, ќе го одложи спроведувањето на две одлуки од 29 јуни 2022 година, за 1 септември 2022 година, кога ќе се отстранат сите барикади и ќе се воспостави целосна слобода на движење по сите патишта на северот на Косово. Им благодариме на меѓународните партнери, особено на американскиот амбасадор Џефри Ховени за нивната посветеност и придонес - се вели во соопштението на Владата, пренесува „Коха“.

The post Владата во Приштина попушти: Одлуката за регистарските таблички се одложува до 1 септември appeared first on Република.