Кинескиот балон кој прелета над САД на почетокот на оваа година успеал да собира разузнавачки информации од воените бази со денови пред да биде соборен, јавуваат американските медиуми.

Балонот можел да испрача податоци до Пекинг во реално време, објави „НБЦ њуз“, повикувајќи се на американски официјални лица.

Според еден официјален претставник, цитиран од мрежата, леталото собирало електронски сигнали наместо да фотографира. Белата куќа не го потврди извештајот.

Сепак, американските власти велат дека успеале да ги ограничат можностите за собирање разузнавачки информации додека балонот лебдел над земјата.

Портпаролот на Министерството за одбрана изјави дека ФБИ сè уште ги испитува остатоците од балонот.

Знаеме дека балонот можеше да се маневрира“, изјави портпаролката, Сабрина Синг.

Таа одби да каже над кои воени објекти лебдел балонот.

Сè уште ги проценуваме податоците што Кина успеа да ги собере, но знаеме дека чекорите што ги презедовме додадоа малку вредност на она што тие претходно можеа да го соберат од сателитите“, изјави таа.

The post Кинескиот балон над САД испраќал шпионски податоци во Кина во реално време appeared first on Република.