Назначената на местото ревизор на ИПА фондовите, Афрона Веризволи, во текот на утрешниот ден ќе биде разрешена од функцијата, брифитаат од Влада.

Посочуваме дека е потребно и вниманието да се насочи кон отворените злоупотреби на парите од ЕУ и фондовите ставени на располагање кои беа присутни во изминатиов период, а за кој постои и пишан траг и нотификација од Европската канцеларија за борба против измами (ОЛАФ) кои поради таквото работење побаруваат од државата исплата на неколку милиони евра, се вели во информацијата.

Од Влада велат дека пренасочувањето на вниманието кон други теми го толкуваат како бегство од одговорност за ваквите злоупотреби.

Одговорност ќе има, порачуваат од Влада.

The post Ревизорката на ИПА фондовите, Афрона Веризволи, ќе биде разрешена од функцијата appeared first on Република.

Од понеделник здравствените установи ќе немаат економски директори. Ова денеска го најави Арбен Таравари, предложен за нов министер за здравство од редовите на Вреди. Тој кажа дека најголем дел од економските директори се вршители на должност и тие ќе ги тргне уште на неговиот прв работен ден како министер, а за останатите ќе поднесе закон до собранието.

Понеделник ако ја преземам функцијата 90% од економските директори кои се в.д. ќе бидат веднаш разрешени, освен тие што имаат решенија. Ќе имаме веднаш предлог за закон до парламентот за да се смени законот и да не постојат веќе економски директори, изјави Арбен Таравари, од коалиција Вреди.

Новата влада е гарант за европскиот пат, рече Таравари и изрази надеж дека уставните измени ќе се случат наскоро.

Се надевам дека што побргу ќе се случат уставните измени, меѓутоа да бидеме искрени за да се случат уставните промени секогаш треба да има добра волја и македонскиот партнер во Владата. Доброто е што веќе имаме 80 гласови, само што треба уште една дефинитивна синхронизација помеѓу Скопје и Софија за која се надевам дека ќе се случи набргу, додаде Таравари.

The post Таравари во понеделник ќе ги разреши економските директори на клиниките appeared first on Република.

Зошто да ја разрешам, кажа министерот за здравство, Илир Демири на новинарско прашање зошто не е разрешена организациската директорка на Клиниката за Токсикологија, Бесија Иљази откако претходно кажа дека веднаш би ги остранил лицата од таквите позиции.

Сте се фатиле околу Бесија. Таа не ги вработиле тие 18 лица, туку се вработени во 2023. Каде бевте вие и останатите директори и министрите да кажувате за квалитет и неквалитет? Зошто дозволувате тие луѓе да се на список на дежурства и смени, а месец дена пред изборите, реагирате зошто се вработени? Имам факти дека медицинскиот директор заедно со другиот колега кои се трудеа да направат мобинг, сум ги разрешил. Бесија кога ќе го прекрши законот, ќе биде разрешена. Таа не го прекршила законот. Каде беше ДСЗИ кога тие пет месеци не примале плата и да реагираат? Каде е ДСЗИ да достави извештај за случувањата на хируршките сали, рече Демири.

The post Демири: Зошто да ја разрешам, сте се фатиле околу Бесија, таа не ги вработи 18 лица, тие се од лани вработени appeared first on Република.

Разрешувањето на медицинскиот директор на Клиника за токсикологија е уште еден показател за негативна селекција во здравството, а воедно и поддршка за самоволието на некомпетентни економските директори, реагираат од ВМРО ДПМНЕ.

Според партијата, токму ваквото владеење по принципот „како до сега“ е одраз на функционирањето на власта во заминување за која синоним се сомнителни набавки, непотизам и дуализам во здравството кој што е основа за самоволие и уцени, наместо професионализам и промоција на проекти за унапредување на здравствениот систем.

Прашуваме:

Дали се точни информациите дека економската директорка Иљази за два месеци го зголемила долгот за два милиони денари?

Дали воопшто доаѓа на работа економската директорка и со кои компетенции и работно искуство доаѓа на оваа позиција?

Дали се точни информациите дека поради одбивање да потпише согласност за договор на дело за двајца дипломирани биолози, токсиколошката лабораторија веќе два месеци не врши валидација на издадените резултати?

Крајот се приближува на ваквото незаконие. ВМРО-ДПМНЕ во платформата #1198 се обврзува дека ќе стави крај на ваквиот дуализам и укинување на организациските директори на клиниките. Ќе воведеме мерит систем и избор по компетентност и способност. Со оваа мерка и укинување на управните одбори ќе заштедиме средства кои вистински ќе се пренасочат за потребите на здравствениот систем, велат од ВМРО ДПМНЕ.

The post ВМРО-ДПМНЕ: Разрешувањето на медицинскиот директор на токсикологија е одраз на негативната селекција во здравството од СДС и ДУИ appeared first on Република.

Министерот за здравство Илир Демири денеска најави дека ќе го разреши медицинскиот директор на Клиниката за токсикологија д-р Данил Петровски, а за економската директорка Бесија Иљази, вели дека нема констатирано ниту едно прекршување.

Медицинскиот директор и одредени лекари денеска и на Фејсбук имаат објавено навреди, не сакам да бидам нивни портпарол. Тврдам дека не може доктор да мисли така и да се служи со таков речник. Јас ќе преземам сериозни мерки. Медицинскиот директор денеска ќе го разрешам иако сме влезени во изборите, рече Демири одговарајќи на новинарски прашања на денешната прес-конференција која беше свикана по повод Европската недела на имунизација.

https://republika.mk/vesti/makedonija/ekonomskata-direktorka-na-klinikata-za-toksikologija-odbi-da-zboruva-na-makedonki-jazik-novinarite-ja-napushtija-salata/

Вработените на Токликологија вчера испратија писмо до медиумите во кое велат дека со назначување на в.д. организациската директорка Бесија Иљази на Клиниката за токсикологија, на само еден ден пред формирањето на техничката влада се случува деорганизација, а не организација во оваа здравствена установа, Демири рече дека лекарите се служат со навреди.

Стручниот колегиум комуницира со медиумите, лекарите што се служат со навреди комуницираат со навреди и денеска повикале на прес-конференција. Јас сум министер за здравство, сите неусогласувања треба да дојдат тука, а не да се искористат за дневни политички цели“, рече тој.

Според Демири, директорката Иљази е легално назначена и ги исполнувала критериумите за да биде на чело на таа Клиника, но не знаеше да каже точно какво високо образование поседува таа.

Во писмото испратено до медиумите се вели дека од назначување на Иљази за помалку од два месеца долгот на клиниката го зголеми за приближно два милиона денари, со дневно работно време од 4 часа и 30 минути, поточно на работа доаѓа во 10 часот, а работното време ѝ завршува во 14:30. Исто така, клиниката нема спроведено постапка за осигурување на имот, осигурување на скапата медицинска опрема и осигурување од лекарска грешка, бидејќи в. д. директорката не сака да потпише затоа што не е прифатен нејзиниот брокер за осигурување и моментално Клиниката два месеца не е осигурана иако за тоа сме со закон обврзани. Поради одбивање да потпише согласност за договор на дело за двајца дипломирани биолози, токсиколошката лабораторија веќе два месеца не врши валидација на издадените резултати.

https://republika.mk/vesti/makedonija/ekonomskata-direktorka-na-toksikologija-besija-ilazi-go-zgolemi-dolgot-na-klinikata-raboti-po-4-5-chasa-ne-potpishuva-kluchni-dokumenti-i-ne-znae-makedonski/

Испратив Трудов инспекторат и Државен санитарен и здравствен инспекторат да ги проверат вчерашните наводи од писмото на вработените од Токсикологија“, рече Демири.

На прашањето зошто директорката Иљази денеска на прес-конференција давала изјави само на албански јазик, Демири рече дека ако има потреба со преведувач ќе даде и друга изјава.

Економската директорка на Клиниката за токсикологија Бесија Иљази не дозволува да се вработат двајца дипломирани биолози и еден болничар, а упорно инсистира да се вработат 18 лица на кои им се истечени договорите за дело на 31.12.2023.

The post Министерот за здравство денеска ќе го разреши медицинскиот директор на Токсикологија д-р Петровски, а за економската директорка Иљази вели нема ниту едно прекршување appeared first on Република.

Стојанче Ангелов, претседател на Достоинство и директор на ЦУК, денеска изјави дека доколку Владата и техничкиот премиер Талат Џафери го разрешат, тој без противење ќе ја прифати одлуката. Најавата на Џафери дека ќе побара разрешување на Ангелов дојде откако тој обелодени дека излегува од коалиција со СДСМ и дека за претстојните избори ќе коалицира со ВМРО-ДПМНЕ.

Ангелов соопшти дека Џафери му се јавил вчера попладне на телефон и го известил за неговата немера дека ќе покрене иницијатова за негово разрешување. Според него, тоа е нормален политички маневар имајќи во предвид дека Достоинство ја напушта односно дека излегуваме од владината коалиција.

Како директор на ЦУК мој приоритет секогаш бил, е, и ќе биде, безбедноста на граѓаните поради што максимално посветено и професионално ја извршувам оваа одговорна функција. Доколку Владата се согласи со предлогот на премиерот Талат Џафери и смета дека треба да бидам разрешен јас без противење ќе ја прифатам нејзината одлука, рече во изјавата тој.

Колку тоа некому да не му се допаѓа, вклучително и на мене, рече Ангелов, „непобитен факт е дека поранешниот командант Форина од УЧК денес е легитимен претседател на македонската Влада“.

Како Премиер неспорно е дека тој има право да предлага именување и разрешување на функционери кои ги именува Владата. Конечната одлука ја носи Владата со мнозинството министри што само по себе значи дека, за да биде прифатен предлогот на премиерот за мое разрешување, поддршка треба да дадат министрите, вклучително и вицепремиерите од СДСМ. Во спротивно ќе нема мнозинство за мое разрешување, рече Ангелов.

Свесен за комплексноста на мојата професионална и политичка позиција, повтори тој, навремено го известил најпрво генералниот секретар на СДСМ Миле Зечевиќ, а потоа и претседателот на СДСМ Димитар Ковачевски.

Двајцата се изразија позитивно за мојата професионалност како директор на ЦУК и сугерираа дека во овој чувствителен период за државата треба да останам на чело на оваа значајна институција без разлика на политичката одлука на Достоинство за напуштање на владината коалиција. Нивниот коректен став го објавив јавно пред неколку дена на прес - конференцијата на која ја известивме јавноста дека излегуваме од коалицијата предводена од СДСМ. Оттука сметам дека мојата средба со премиерот Талат Џафери, со кого од поодамна имам коректна комуникација, барем на оваа тема е излишна, бидејки, повторувам, Достоинство јавно објави дека излегува од коалицијата предводена од СДСМ, рече Ангелов.

The post Ангелов: Ако Владата ме разреши, без противење ќе ја прифатам одлуката appeared first on Република.

Поминаа 1 месеци како сум министер во кои покажав како треба да се работи. Покажав како треба да се бори еден министер за она што во верува и сака да го спроведе во интерес на пациентите и граѓаните. Не бегав од проблемите, туку влегував во оган за да ги решавам оние прашања за кои сите пред мене бегале и ги ставале под тепих, рече вчера на собраниската седница сега веќе разрешениот министер за здравство Фатмир Меџити. Меџити го обвини ДУИ дека неговото разрешување е политички, се со цел да се попречува и блокира работата, односно како што рече жали што не сите во владата имаат иста цел, додека тој го гледа интересот на пациентите, ДУИ го гледа и штити својот личен партиски интерес. Жалам што се покажа дека не сите имаат иста цел како мене во оваа влада. Се покажа дека ДУИ преку нивните министри од кои зависат многу работи и решенија до крај реши да политизира, да попречува и да блокира. Реши до крај да оди против интересот на граѓаните, пациентите и здравствените работници, за да го штити својот личен партиски интерес, порача Меџити. Меџити им порача на ДУИ дека за неколку месеци граѓаните ќе ги казнат за ова деструктивно однесување. Граѓаните се тие кои за неколку месеци на избори ова деструктивно однесување ќе го казнат. Јас сметам дека политиката е средство за помош на граѓаните и подобрување на состојбите. Но, тие сметаат дека политиката е средство за реализација на личните интереси. Ние, кога е во прашање разбирање на јавните функции колеги од ДУИ сме од различни планети, смета тој. Меџити им се обрати и на пратениците и функционерите од СДСМ, порачувајќи им дека е многу понижувачки да бидат неми набљудувачи на сето она кое што го прави нивниот коалициски партнер ДУИ. Сакам да им се обратам и на сите функционери од СДСМ во оваа влада, размислите само колку е понижувачки за вас и вашите поддржувачи да бидете неми набљудувачи на ова што ДУИ го прави против интересите на граѓаните и пациентите. Немото соучество е најлошата форма на поддршка за ваквите постапки, им се обрати Меџити на пратениците од СДСМ. Мојата чест е чиста, јас знам за што се залагам и за што се борам, рече Меџити и додаде дека во последните 2 дена добил 100тици пораки за поддршка. Меџити нагласи дека од денеска веќе за сите катастрофални политики се одговорни СДСМ и ДУИ, напоменувајќи дека тој се изборил за вработување на 1117 вработувања кои што всушност ДУИ сака да ги користи како партиски војници, како и дека Артан Груби кој како што рече многу сакал да е прв, ја кочел изградбата на катната гаража во Клинички центар. Од утре натаму вие одговорете им зошто не се реализираат 1117 вработувања во Министерството за финансии. Ние тоа го завршивме експресно. Сите граѓани се свесни како се борев за овие вработувања, која оваа влада седум години значи со договор на дело не ги вработува, и знаете ли зошто, затоа што треба утре да ги користат како партиски војници. Вие одговорете им зошто се кочат катните гаражи за да го средиме хаосот на Клинички центар, јас најдов решение, добив мислење од министерството за економија и финансии и два месеци од сегашниот вицепремиер, а тогашен прв зошто многу сака да биде прв не беа потпишани и пренесени до ресорното министерство за здравство.

The post Меџити до СДСМ: Вие сте неми набљудувачи на сите катастрофални политики на ДУИ, нели ви е срам и понижувачки пред вашите поддржувачи, Груби да ве управува како сака? appeared first on Република.

Собранието утре ќе расправа за разрешување на министрите за здравство Фатмир Меџити и за информатичко општество и администрација Азир Алиу, соопштија од Кабинетот на претседателот на Собранието.

Материјалот од Влада е примен, службите го разгледуваат по што ќе биде доставен до сите пратеници. За предлогот за разрешување на министерот за здравство и на министерот за информатичко општество и администрација ќе се расправа на првата наредна седница на Собранието, односно утре, петок 9.02.2024, посочија од Кабинетот на претседателот на Собранието.

Претходно, од Владата соопштија дека техничкиот премиер Талат Џафери доставил допис до претседателот на Собранието Јован Митрески, во којшто, согласно член 94, став 2 од Уставот предлага Собранието, на првата наредна седница, да ги разреши Меџити и Алиу.

Џафери доставил и допис до Митрески, согласно наведениот член од Уставот, Собранието да ги избере Илир Демири, за министер кој ќе раководи со Министерството за здравство и Наим Бајрами, за министер кој ќе раководи со Министерството за информатичко општество и администрација.

Барањето за смена на Меџити и на Алиу доаѓа откако тие го поддржаа претседателот на Алијансата за Албанците Арбен Таравари, кој најави дека на избори ќе оди со албанската опозиција, додека крилото на АА предводено од Зијадин Села најави дека на изборите за пратеници на 8 мај, АА треба да настапува самостојно.

The post Разрешувањата на Меџити и Алиу утре на собраниска седница appeared first on Република.

Претседателот на Владата на Република Македонија, Талат Џафери, достави допис до претседателот на Собранието на Република Македонија, Јован Митрески, во којшто, согласно член 94, став 2 од Уставот на Република Македонија, предлага Собранието, на првата наредна седница, да ги разреши: Фатмир Меџити, од функцијата министер за здравство и Азир Алиу, од функцијата министер за информатичко општество и администрација.

Премиерот Џафери достави и допис до собранискиот претседател, Митрески, согласно горенаведениот член од Уставот, Собранието на Република Македонија да ги избере: Илир Демири, за министер кој ќе раководи со Министерството за здравство и Наим Бајрами, за министер кој ќе раководи со Министерството за информатичко општество и администрација.

The post Џафери достави предлог до Собранието за разрешување на министрите на Алијанса и именување нови appeared first on Република.

Вкупно 26 национални федерации и пет индивидуални членови на Собранието на Македонскиот олимписки комитет доставија барање за свикување Вонредно Собрание на МОК.

Како што информираат иницијаторите со официјално соопштение до медиумите, „истото е поднесено согласно член 24, ставовите 3 и 4 од Законот за зруженија и фондации, и врз основа на член 29 став 3 од Статутот на Олимпискиот Комитет на Сереверна Македонија“.

На барањето, кое е доставено до медиумите, потпишани се и водечките национални федерации ФФМ, РФМ, КФСМ, ОФМ…

Барањето, кое, како што информираат, е примено во архивата на МОК ги содржи следните точки на Дневен ред:

1. Разрешување на Даниел Димевски, актуелен Претседател на Олимпискиот Комитет на Република Македонија
2. Избор на нов Претседател на Олимпискиот Комитет на Република Македонија
3. Разрешување на актуелниот состав на Управниот одбор на Олимпискиот Комитет на Македонија
4. Избор на нов состав на Управен одбор на Олимпискиот Комитет на Македонија
5. Разно.

The post Поднесено барање за Вонредно собрание на МОК и смена на Димевски appeared first on Република.

Училишните одбори да донесат одлука за разрешување на двајцата директори на основни училишта по инцидентот со нарушување на јавен ред и мир, се вели во соопштението од кабинетот на кавадаречкиот градоначалник Митко Јанчев.

Во соопштението се појаснува дека градоначалникот заедно со службите на општината Кавадарци, денеска ја разгледале состојбата со инцидентот.

Доставени се дописи до училишните одбори на ООУ „Димката Ангелов Габерот“ Кавадарци и ООУ „Тошо Велков Пепето“. Се бара разгледување на информациите од ОВР Кавадарци и СВР Велес за инцидентот во кои се вклучени двајцата директори и училишните одбори да донесат одлука за разрешување на Ѓорѓи Ѓорчев од директорската функција во ООУ „Димката Ангелов Габерот“ и Сашко Пановски од директор на ООУ „Тошо Велков Пепето“, се додава во соопштението.

Како што завчера информираа од СВР Велес, на 10 јуни околу 01.15 часот, полициски службеници од Полициската станица Кавадарци ги привеле С.П.(54) и Ѓ.Ѓ.(39), двајцата од Кавадарци затоа што пред угостителски објект во Кавадарци го нарушиле јавниор ред и мир и агресивно се однесувале кон лица од обезбедувањето.

По целосно документирање на случајот ќе биде поднесен соодветен поднесок, нагласи тогаш Ристе Самарџиев, портпарол на СВР Велес.

The post Училишните одбори да донесат одлука за разрешување на директорите на училиштата од Кавадарци кои се истепаа appeared first on Република.

Сашко Јовев за МИА потврди дека вчера го потпишал решението со кое министерот за здравство Фатмир Меџити го разреши од директорската функција на Клиниката за кардиохирургија.

Тој посочува дека неговиот правен тим од утре ќе одлучи дали и кога решението ќе биде обжалено.

Кардиохирургот беше разрешен од директорската функција од страна Меџити, поради како што тврдеше министерот утврдени злоупотреби со дежурства и евиденција. Установата со која раководеше Јовев засега е без медицински менаџер.

Јовев во вчерашното гостување на телевизија Сител рече дека засега останува на кардиохирургија иако, како што посочи, веќе имал понуди од странство.

The post Јовев го потпишал решението со кое е разрешен од директор на Кардиохирургија appeared first on Република.

Градоначалникот на општина Гази Баба, Бобан Стефковски информираше за утврдените прекршувања на Законите во работата на детската градинка „Детска радост“.

Утврдено е незаконско работење во детката градинка „Детска радост“. На предлог на Управниот одбор донесов одлука за разрешување на директорката. Незаконско работење нема да толерирам – вели Стефковски.

Детските градинки имаат за цел згрижување на децата во предучилишна возраст и истите треба и мора да работат согласно позитивните законски прописи. За жал таков не е примерот со детската градинка „Детска радост“ во Гази Баба.

Веќе подолг временски период до мене како градоначалник на општина Гази Баба пристигнуваат информации и индиции за незаконско работење на директорката на градинката „Детска радост“. Направено е прекршување на член 40 од Законот за јавни набавки. Во овој дел законските одредби упатуваат на соодветна постапка за секоја набавка чија вредност надминува 60.000 денари без ддв – рече Стефковски.

Според него, направени се набавки каде што е надминат годишниот законски максимум за мали набавки кој изнесува до 12.000 евра во една година.

Направени се трошоци за репрезентација. Сите овие средства се потрошени за угостителски услуги. Ако се видат фискалните сметки ќе се утврди дека повеќето од нив се направени по завршување на работното време и во сметките е наведено дека е нарачувано и храна за носење. Извршена е набавка на мебел во детската градинка, но не мебел за децата, туку за кабинетот на менаџментот. Во моментот на набавката на мебелот, согласно донесениот Годишен финансиски план за тековната година не биле предвидени средства за ваква набавка. Со што исто така е направено прекршување на Законот – појасни градоначалникот.

Додаде дека со извршениот увид во налозите за користење на патничкиот автомобил сопственост на градинката за службени дејствија е констатирано, користење на возилото за приватни цели. Ревизијата има утврдено осум наоди со што дава неповолно мислење по однос на примената на соодветните законски регулативи. Сите утврдени наводи во Извештајот на независниот ревизор се доказ дека во детската градинка „Детска радост“ се работело спротивно на повеќе Закони, односно прекршени се повеќе закони.

За сите законски прекршувања утврдени согласно Извештајот на независниот ревизор ќе поведам постапки пред соодветните институции во Република Македонија. Апелирам до Министерството за труд и социјална политика да ги почитува законите и утврдените процедури. Очекувам сите заедно да застанеме на страната на Законот бидејќи се друго ќе значи поддршка на утврдено незаконско работење – вели Стефковски.

The post Се јадело и пиело на сметка на градинката: Стефковски ја разреши директорката на „Детска радост“ appeared first on Република.

Собранието денеска во рамки на 104-та седница за владината реконструкција, ги разреши министерите од Алтернатива – за здравство Беким Сали, за информатичко општество и администрација Адмирим Алити и министерот без ресор задолжен за дијаспора Џемаил Чупи.

„За“ разрешувањето на Сали гласаа 65 пратеника, а за Алити и за Чупи „за“ беа 64 пратеници, а против беше еден пратеник и немаше воздржани.

The post Разрешени Сали, Алити и Чупи appeared first on Република.

Министерството за здравство попладнево информира дека министерот Беким Сали денеска го разрешил од функцијата организацискиот директор на Универзитетската клиника за детски болести, Аљајдин Мемеди.

„Организацискиот директор на оваа Клиника се разрешува од функцијата пред истекот на времето за кое е именуван, поради утврдени нерегуларности во извештајот од извршената контрола на работењето на оваа Клиника. Контролата е спроведена од Фондот за здравствено осигурување“, се вели во соопштението од МЗ.

Меритон Чивули, шефот на кабинет на министерот за здравство Беким Сали е уште еден раководител во здравството кој денеска бил разрешен од функцијата, потврдил за „Фокус“ министерот, без официјално да ги каже причините за разрешувањето.

„Фокус“ пред неколку месеци објави дека сега веќе поранешниот шеф на кабинет на дел од директорите на болниците им праќал списоци со имиња и презимиња на вработени Албанци, кои требало да се стават на раководни позиции во дел од болниците, бидејќи според него, имало премалку раководители- Албанци во Клиничкиот центар.

„Многу низок е опфатот на Албанци на раководни позиции во болницата“, гласела една од пораките.

Претходно денеска, на барање на министерот Сали, оставки од функциите поднесоа директорите на Детската клиника, д-р Аспазија Софијанова и на Клиниката за онкологија, д-р Нино Васев.

https://republika.mk/vesti/makedonija/direktorkata-na-klinikata-za-detski-bolesti-d-r-sofijanova-i-direktorot-na-radioloija-d-r-vasev-podnele-ostavki-na-baranje-na-ministerot-sali/

The post Разрешени организацискиот директор на Детска клиника и шефот на Кабинетот на Сали appeared first on Република.

На Скопје му се заканува нов колапс откако денеска истече рокот што вработените во „Водовод и канализација“ и ССМ ѝ го дадоа на Данела Арсовска за разрешување на директорот на скопското јавно претпријатие Марјан Митовски.

Ваквото барање од вработените дојде откако тие се пожалија дека Митовски вршел мобинг и притисоци врз вработените и воедно упатија ултиматум дека ако нема разрешување, тие ќе стапат во штрајк, додека првиот синдикалец Димовски отиде чекор понатаму заканувајќи се дека Скопје може да остане без вода, како што пред некое време остана без градски превоз.

До овој момент директорот Митовски не е разрешен а заканите за штрајк ги толкува како притисок врз него од страна на Дарко Димовски поради како што вели изгубените привилегии на сопругата на Димовски која е вработена во „Водовод“.

Новиот директор на ЈП „Водовод и канализација“ дојде на местото на Златко Перински, близок соработник на Мицкоски кого Арсовска го разреши поради спорниот тендер од 136 милиони евра за пречистителна станица во Скопје.

Уште од првиот ден од директорувањето Митовски го следат скандали и обвинувања за насилство и притисоци.

Заканите за штрајк на вработените се сè позасилени, па главниот град наскоро може да се соочи со нова криза како последица на кавгите помеѓу Арсовска и ВМРО-ДПМНЕ.

The post Директорот на „Водовод“ остана неразрешен, ќе се остварат ли заканите на вработените? appeared first on Република.

Пратеничката група на ВМРО-ДПМНЕ и Коалицијата денеска достави писмо до премиерот Димитар Ковачевски со барање за остра и брза реакција и итно започнување и разрешување на државниот секретар во Министерството за култура Валмир Азири.

На прес-конференцијата пред Владата, координаторот на пратеничката група на ВМРО-ДПМНЕ Никола Мицевски рече дека пратениците како директни претставници и застапници на граѓаните во законодавниот дом ја бираат Владата, а токму Владата ги назначува своите владини функционери.

Овој владин функционер вчера повикуваше на физичко насилство со нанесување на тешки телесни повреди и ова е кривично дело според членот 394-г од Кривичниот законик, дело со кое што се предвидува казна затвор од една до пет години. Токму поради тоа и поради сериозноста на овој инцидент, а и траорноста на вчерашниот ден за демократијата во Република Македонија, дојдовме и лично го поднесовме барањето за остра реакција од претседателот на Владата Димитар Ковачевски, од кој што се бара брза реакција бидејќи само на тој начин ќе покаже дека е противник на повиците за физичко насилство врз народните избраници и ќе упати силна порака до сите дека ова повеќе не смее да се повтори, нагласи Мицевски.

Во спротивно, како што рече, „доколку одлучи да молчи, само ќе докаже и покаже дека охрабрува и дека одобрува секаков вид на насилство и насилничко однесување“.

– На потег е Владата и на потег е премиерот Димитар Ковачевски, заклучи Мицевски.

The post Пратеничката група на ВМРО-ДПМНЕ достави барање до Ковачевски за итно разрешување на Валмир Азири appeared first on Република.

Сто и дваесет пратеници од опозицијата „Има таков народ“, ГЕРБ-СДС, Движењето за правата и слободите и „Препород“ до раководството на 47. Народно собрание на Бугарија денеска поднесоа предлог за предвремено разрешување на нејзиниот претседавач Никола Минчев, јави БНР.

Според Деловникот на Народното собрание, предлогот се става на гласање на првата седница по денот на приемот, со што на претседавачот му се дава право да биде сослушан.

Гласањето за предлогот треба да се одржи утре.

Христо Иванов од „Демократска Бугарија“ изјави дека партијата стои зад претседателот на бугарскиот Парламент.

ГЕРБ, ДПС и Препород најавија дека ќе го поддржат барањето на „Има таков народ“ за оставка на претседателот на Собранието Никола Минчев.

Лидерот на Движењето за права и слободи Мустафа Карадај објасни дека нивните мотиви не се поврзани само со сослушувањето на министерката за надворешни работи во оставка Теодора Генчовска, туку и поради други случаи кога нивни прашања биле забавувани и запирани од министерот за внатрешни работи Бојко Рашков.

За да биде донесена одлуката за разрешување на Минчев потребна е поддшката од 121 пратеник.

The post 120 пратеници на бугарското Народно собрание поднесоа барање за разрешување на неговиот претседател Никола Минчев appeared first on Република.

Владата на денешната седница побарала од Надзорниот одбор на Акционерско друштво за поштенски сообраќај „Пошта на Македонија“ да го отповика Јани Макрадули од должноста претседател на Управниот одбор и генерален директор на „Пошта“.

На денешната седница Владата одлучуваше и по решенијата на Комисијата за кадровски прашања и заклучи да му препорача на Надзорниот одбор на Акционерско друштво за поштенски сообраќај „Пошта на Македонија“ да го отповика Јани Макрадули од должноста претседател на Управниот одбор и генерален директор и на оваа позиција го избере Васко Стефанов кој е разрешен од должноста заменик-директор на Агенција за вработување на Република Македонија, соопшти владината прес-служба.

The post Владата бара Надзорниот одбор да го разреши Макрадули од директорската функција на АД „Пошта“ appeared first on Република.

Судскиот совет на денешната седница постапуваше по трите предмети за утврдување одговорност кај судии за кои Советот за жалби при Врховниот суд ги укина решенијата на Судскиот совет.

Како што информираа од Судски совет, според законската процедура СС одново постапил по трите предмети и повторно донесел решенија тројцата судии да бидат разрешени од функцијата. Судскиот совет при одлучувањето се водел и од насоките на Советот за жалби.

Во едниот предмет напатствијата од Советот за жалби, како што информираат од Судски совет, биле да се провери навременоста, преиначувањето, односно прецизирањето на барањето за утврдување одговорност, како и да се оцени дали судијата постапувал како судија или како В.Д. претседател на суд.

Напатствијата се испочитувани и Судскиот совет уште еднаш ги утврди околностите при повторената постапка и ја донесе својата одлука за разрешување затоа што се утврдени околности дека судијата сторил повреда на закон. Тој постапил спротивно на Законот за судовите, односно исклучил неколкумина судии од системот АКМИС при процесот на распределба на предмети и ги довел во нерамноправна положба судиите во судот во период кога истекувал рокот на СЈО за покренување постапки. Со тоа судијата ги пречекорил законските овластувања и постапувал нестручно и несовесно, велат од Судскиот совет.

Во врска со вториот и третиот судија, за чии постапки за разрешување исто така се одлучуваа по втор пат во Судскиот совет, Советот за жалби даде насока да се почитува принципот на индивидуализација на постапката, како и целосно да се утврди фактичката состојба.

При повторената постапка пред Судскиот совет земени се предвид насоките на Советот за жалби. Инаку, едниот судија постапувал во предмет во кој едната странка била застапувана од адвокатска канцеларија во која бил вработен синот на судијата како адвокат со што судијата ги прекршил законските норми, односно постапувал нестручно и несовесно. Другиот судија во својство на В.Д. претседател пак, донел решение со кое не го изземал судијата од предметот, иако имал законска надлежност за тоа и знаел дека постои конфликт на интереси преку роднинските релации на судијата со адвокатската канцеларија. И овој судија постапил нестручно и несовесно, додаваат од Судски совет.

Решенијата на Судскиот совет се конечни и тројца судии немаат право на жалба до Советот за жалби, појаснуваат од таму.

Покрај овие три случаи, за кои се одлучуваше во повторена постапка, Судскиот совет заседаваше и за други два случаи, со двајца судии на основни судови против кои е поднесено барање за утврдување одговорност. Кај првиот судија е констатирано дека биле донесени две различни решенија за иста правна ситуација и применил различни законски одредби. Судскиот совет заклучи дека судијата постапувал несовесно и нестручно затоа што ги прекршил одредбите од Законот за парнична постапка. Затоа, како што е наведено во соопштението, СС донесе решение за разрешување на судијата.

Во врска со вториот судија е утврдено дека ги прекршил одредбите на Судскиот деловник, како и на Законот за парнична постапка. Судијата не ги почитувал законските рокови за закажување и одржување на рочишта со што постапил нестручно и несовесно.

Овие двајца судии имаат право на жалба до Советот за жалби. Двете барања за утврдување одговорност се поднесени од членови на Судскиот совет чија надлежност е да ја следат работата на судовите и на судиите.

The post Судскиот совет разреши петмина судии appeared first on Република.