Судијата и поранешен претседател на Основниот суд во Кавадарци, Лазар Нанев, е разрешен од функцијата член на Судскиот совет. Оваа одлука беше донесена попладнево од највисокото судско тело, кое претходно одлучи јавноста да биде исклучена од расправата и одлучувањето за утврдување одговорност на Нанев. Седницата се одржа зад затворени врати, за да се заштити угледот и интегритетот на Нанев.

Подносител на барањето за утврдување на одговорност беше претседателката на Судскиот совет, Весна Дамева, со која Нанев беше во отворен конфликт неколку месеци.

Одговорноста на Нанев се бараше поради објавата дека имал 95 телефонски контакти со обвинет во предмет кој го водел лично, а против него се водеше уште една постапка пред Судскиот совет.

The post Лазар Нанев е разрешен од Судски Совет: Имал 95 телефонски контакти со обвинет appeared first on Република.

Министерот за здравство Илир Демири го разреши медицинскиот директор на Универзитетската клиника за токсикологија во Скопје, д-р Данил Петровски, објави државната агенција МИА

Тој за МИА кажа дека не е изненаден, бидејќи министерот за здравство веќе го најави неговото разрешување. За разрешувањето од функцијата, Петровски дознал денеска од вработени на Клиниката за токсикологија.

Петровски беше директор на Клиниката за токсикологија од 15 декември до денеска.

Минатиот месец, во април Демири најави дека ќе го разреши директорот на Токсикологија. На ова претходеше писмо и прес-конфереција на вработени од Клиниката за Токсикологија, кои реагираа дека економската директорка на Токсикологија Бесија Иљази не дозволува да се вработат двајца дипломирани биолози и еден болничар, но е упорна да се вработат 18 лица на кои им биле истечени договорите за дело на 31 декември 2023.

Во меѓувреме се случи и поплава на Токсикологија, пукна цевка од парно, а Иљази ја оставила Клиниката без осигурување. Лабораторија на Токсикологија работи незаконски, само со еден лаборант. Но тоа не беше причина да биде разрешена.

Вработените се пожалија дека не може да се разберат со Иљази, бидејќи таа не знае македонски јазик.

The post Министерот за здравство го разреши медицинскиот директор на Токсикологија, д-р Данил Петровски appeared first on Република.

Рускиот претседател Владимир Путин, наводно, го отпуштил главниот командант на руската морнарица по серијата украински напади врз Црноморската флота. Весникот „Известија“ поддржан од Кремљ објави дека адмиралот Николај Евменов, кој беше командант на руската морнарица од 3 мај 2019 година, е разрешен и ќе биде заменет од адмиралот Александар Мојсеев.

Евменов се уште е наведен како командант на морнарицата на веб-страницата на руското Министерство за одбрана, кое нема официјално соопштение. Новинската агенција Фонтанка од Санкт Петербург објави дека Мојсеев е назначен за „врховен командант на руската морнарица“ и дека таа функција наскоро ќе стане постојана.

Мојсеев го надгледуваше проширувањето на Црноморската флота во Севастапол, која ја презеде во 2018 година, а во мај 2019 година беше назначен за командант на Северната флота, каде што некогаш беше инженер во одделот за електронско војување, пишува „Њузвик“.

Тинк-тенк институтот Хадсон изјави за „Њузвик“ дека Украина е „на чекор да елиминира половина од некогаш моќната руска црноморска флота до 2025 година“ и дека „потонала или сериозно оштетила околу 30 отсто од флотата од почетокот на војната“.

The post Путин го разреши главниот командант на морнарицата appeared first on Република.

Централното собрание на Алијанса за Албанците денеска го разреши Арбен Таравари од функцијата претседател на партијата.

„За“ гласале 106 членови, еден од нив бил „против“ и еден отсутен. Таравари одлучи за парламентарните избори да се приклучи кон албанскиот опозициски блок додека Алијанса за Албанците е дел од владината коалиција.

„Неуспешни се напорите на ДУИ и сценаристот Груби да не дефокусираат „чија е партијата“. Од денес повеќе не се занимаваме со оваа работа. Секој што има поплаки нека се обрати до Судот. Нашата кауза е промената што започнува!“, објави набрзо потоа Таравари, кој не присуствуваше на седницата на Собранието.

За седум дена од денес закажан е Конгрес на кој ќе се бира нов партиски лидер.

The post Централното собрание на Алијанса за Албанците го разреши претседателот Таравари appeared first on Република.

Министерката за култура го разрешила в.д. директорот на Конзерваторскиот центар Скопје Костантин Димитровски кој заедно со неколкумина други лица беше приведен под сомнение за уривање на хотелот „Ан хотел шар“ во Старата скопска чаршија кој е прогласен за културно наследство.

Од Министерството за култура за МИА потврдија дека директорот е разрешен и дека на негово место е назначена нова в.д. директорка.

Акцијата на Јавното обвинителство за гонење организиран криминал и корупција и МВР беше спроведена во средата и во неа беше приведена група од деветмина која кршејќи неколку закони го урнала објектот кој се смета за културно наследство и е заштитен со закон. Според ОЈОГОКК причинета е штета од непроценлива вредност за државата, а Буџетот е оштетен за три милиони евра.

https://republika.mk/vesti/kultura/involviranosta-na-kadrite-na-sdsm-i-nejzinite-koalitsiski-partneri-vo-sluchajot-hotel-shar-an-organizirani-vo-kriminalna-banda-deluva-zastrashuvachki-reagiraat-od-komisijata-za-kultura-na-vmro-dpmne/

The post Разрешен е в.д. директорот на Конзерваторски центар Скопје бидејќи е под истрага за уништување на културно наследство appeared first on Република.

Хрватскиот премиер Андреј Пленковиќ попладнево во Бански двори ѝ се обрати на јавноста за сообраќајната несреќа на министерот за одбрана Марио Баножиќ, посочувајќи дека го разрешил од должноста.

Во несреќата што ја предизвика сега поранешниот министер, загина возачот на комбето (40), а Баножиќ е тешко повреден.

Пленковиќ прво му изрази сочувство на семејството на загинатиот возач на комбе, Горан Шариќ.

Ги слушнавте околностите на несреќата и изразуваме жалење и загриженост за состојбата на министерот кој беше хоспитализиран со тешки повреди. Изразивме сочувство до семејството на господинот Шариќ. Во контакт сме со сопругата на министерот Баножиќ, рече тој.

„Го разрешив Баножиќ“, рече Плановиќ и додаде дека го овластил државниот секретар Здравко Јакоп да ја врши должноста министер за одбрана.

„Лицата кои се заштитени лица од втора категорија имаат правило дека можат сами да возат. Тој го управувал своето лично возило. Одел во приватна ситуација. Подобро е заштитените лица да ги возат професионалци. Ова беше ситуација кога викендов возел сам и дошло до тешка сообраќајна несреќа“, појасни премиерот на Хрватска.

Баножиќ одел на лов кога се случила несреќата, јавува Индекс. Во несреќата загина 40-годишен маж од Привлака, татко на две деца. Билјана Лубуриќ, заменик државен обвинител, рече дека до несреќата дошло затоа што Баножиќ, кој возел од правец на Винковци, почнал да претекнува камион без да провери дали може безбедно тоа да го стори и директно удрил во комбе што се движело во спротивна насока. Таа изјави дека земале примероци од крв и урина за да утврдат присуство на алкохол, но дека се уште ги немаат резултатите.

Несреќата се случила во 6 часот и 15 минути на излезот од Винковци во правец кон Жупања. Баножиќ бил примен во болницата во Винковац во 8:30 часот, а потоа бил префрлен во КБЦ Осиек. Од болницата во Осиек информираат дека Баножиќ е на одделението за интензивна нега, дека има повреди на мозокот, градниот кош и екстремитетите и дека неговиот живот не е во опасност. Не се сеќава на несреќата, вели докторот.

Според Кривичниот законик, учесник во сообраќајот на патиштата кој со прекршување на прописите за безбедност во сообраќајот ќе предизвика опасност по животот или телото на луѓето или имотот од големи размери, а како резултат на тоа ќе предизвика смрт на едно или повеќе лица, предвидена е казна затвор од три до 15 години.

The post Итно разрешен министерот што предизвика тешка сообраќајка во која загина татко на две деца appeared first on Република.

Министерот за правда, Кренар Лога, го разреши судијата и претседател на Советот за координирање на информатичко-комуникациска технологија во правосудните органи, Лазар Нанев.

Лога до Судскиот совет доставил допис за отворање на постапката за утврдување на одговорност за работата на Нанев.

Јас како министер нема да дозволам во работни тела кои се во состав на министерството да членуваат лица за кои постојат сериозни индиции за нарушен интегритет, рече Лога.

Додаде дека поради воочени пропусти во работата на ова тело иницирал постапка за воведување на нов правилник за начинот на избор на составот.

The post Лога го разреши претседателот на Советот на ИКT, судијата Лазар Нанев appeared first on Република.

Нема политика во разрешувањето на директорот на Универзитетската клиника за кардиохирургија проф. д-р Сашко Јовев, рече денеска министерот за здравство Фатмир Меџити.

Секаде кај ќе има злоупотреби со мене како министер ќе има и санкционирање, рече денеска Меџити, на новинарско прашање по посетата на Универзитетската клиника за ендокринологија.

Прашан врз основа на што заклучил дека професор Јовев не покажува резултати во работата кога за 2,5 години има направено девет трансплантации и дали станува збор за одмазда, Меџити искоментира - не е само професорот Јовев, таму има цел тим што работи за такви комплицирани операции.

За се друго ќе има брифинг за новинарите и ќе бидете известени за сите детали, рече Меџити, кој вчера во изјава за медиумите наведе дека Јовев е кадар на коалицискиот партнер СДСМ и оти тие треба да предложат друго име.

Објаснувајќи врз основа на што се разрешуваат директорите посочи дека во Државниот здравствен и санитарен инепкторат има професионалци инспектори за случаи кога имаат индиција за пропусти на некоја клиника. Но, без разлика на тоа јас од првиот ден најавив дека нема да има институција каде нема да има контроли во државата, потенцираше министерот за здравство.

Во однос на тоа кога ќе се случи неговата најава дека политички притисоци нема да бидат причина за именувања на директори Меџити истакна дека законот засега дозволува додека не се спроведе неговата инцијатива за заеднички клинички центар, со којашто ќе се укинат организациските директори а медицинските ќе бидат раководотели на одделните клиники.

-Информацијата како Министерство за здравство ја испративме до Владата и таа го има клучнот збор, а понатаму треба да изгласа Парламентот. Најдобро е тоа да биде од 1 јануари 2024 година бидејќи тогаш се планираат буџетите на здравствените институции, тогаш профункционирањето би било полесно, отколку сега на средина на годината, изјави Меџити.

The post Меџити: Нема политика во разрешувањето на д-р Јовев, секаде каде што има злоуботреби ќе има санкционирање appeared first on Република.

Пратеникот во Собранието и потпретседател на ДУИ, Изет Меџити, кој е еден од најистакнатите членови на т.н. „Огнена група“ во партијата, во изјава за МИА вели дека не се точни информациите оти е разрешен од должноста претседател на огранокот на Демократската унија за интеграција за Општина Чаир.

Не сум разрешен. Јас сум избран во легална процедура и низ редовна кампања и имам мандат како претседател на огранокот, изјави Меџити.

Коментирајќи ги информациите дека на негово место како „координатор на ДУИ за Чаир“ е именуван актуелниот министер за надворешни работи Бујар Османи, Меџити вели дека таквата одлука е смешна и нелегитимна, бидејќи според Статутот на партијата не постои функција „координатор за политички процеси“ и за такво нешто не се дебатирало во ниту едно партиско тело.

- Сето ова е одраз или делување во паника, по големата поддршка од гласачите и граѓаните на нашите собири, секаде каде што сме биле, додава Меџити за МИА.

Според него, за т.н. „Огнена група“ е најбитно што се на иста линија со гласачите и структурите на Демократската унија за интеграција, што им дава мотив да веруваат дека се во право во однос на барањата за кои се залагаат.

Најбитно е што имаме голема поддршка од гласачите и од граѓаните, бидејќи од нив црпиме сила и пак на редовни или вонредни избори ќе треба да се соочиме со нив, нагласи Меџити, додавајќи дека и покрај овие последни случувања „Огнената група“ останува дел од ДУИ.

Според дел од медиумите, на предлог на лидерот на ДУИ, Али Ахмети, министерот Османи бил именуван за координатор на чаирскиот огранокот на партијата, чиј претседател е Меџити, со цел „во оваа фаза да се координираат политичките процеси во Чаир“.

Група истакнати членови на ДУИ, кои беа наречени „Огнена група“, кон крајот на септември објавија отворено писмо во кое обвинија дека во партијата речиси две години не постојат и не се формираат статутарните партиски тела и дека политичкото одлучување станало индивидуално. Во писмото, потпишано од 20-тина членови на ДУИ, меѓу кои и Изет Меџити, Муса Џафери, Висар Ганиу, Невзат Бејта, Блерим Беџети, Мерита Коџаџику, се бараше внатрепартиска дебата за да се надмине состојбата и беше упатен повик до лидерот на партијата Ахмети „да го искористи својот политички и статутарен авторитет за да се најде решение за зачувување на партиското единство“.

Во ДУИ речиси две години не постојат и не се формираат статутарните партиски органи. Како последица на ова, политичкото одлучување стана индивидуална сопственост. Нема дебата и консултација со партиските бази. Кадровските избори се претворија во привилегија на поединецот Артан Груби, се наведуваше меѓу другото во писмото. Потписниците посочуваа дека „арогантното однесување на извршната власт“ на чело со првиот вицепремиер и министер за политички систем и односи меѓу заедниците Артан Груби, предизвикало „незадоволство, револт и пасивност на структурите и на гласачите“.

По ова на почетокот на октомври се одржа средба на „огнените“ со раководството на ДУИ, на која беше договорено на 15 октомври да се избере новото партиско раководство. На овој собир одржан во Тетово, за потпретседатели на партијата беа избрани Изет Меџити, Арбер Адеми, Бајрам Реџепи и Арбана Пашоли. Фатон Ахмети беше избран за генерален секретар на ДУИ, Блерим Беџети за организациски секретар, а Саранда Имери за секретар за еднакви можности. За членови на Централниот совет беа избрани Али Ахмети, Рамиз Мерко, Јетон Шаќири, Фатмир Дехари, Крешник Бектеши, Талат Џафери, Невзат Бејта, Валдет Џафери, Теута Арифи, Џеват Адеми, Артан Груби, Бујар Османи, Висар Ганиу, Назим Буши, Ејуп Халими, Ариан Даци, Бесник Емшиу, Мирсад Ибраими, Ардита Дани, Билент Сали, Реси Абдурахмани, Шергил Беќири, Шабан Мемети, Артин Спахиу и Емир Сулејмани.

Меѓутоа, и покрај вклучувањето на припадници на т.н. Огнена група во највисокото раководство на ДУИ, нејзините членови продолжија со активности на теренот, одржувајќи средби со партиските членови и гласачите низ земјава, на кои ги презентираат своите заложби за промени во партијата.

The post Меџити тврди дека не е разрешен од претседател на огранокот на ДУИ за Чаир appeared first on Република.

Од причини што СПМ и Претседателот на СПМ измимативе денови се јавно нападнати и омаловажени од страна на веќе разрешен генерален секретар на овој синдикат, должност ни е да кажеме дека наводите во неговите објави, зборови кои ни се под честа и интегритетот да ги повторуваме, се чиста лага и апсолутно непознавање на правните акти на СПМ!

Во тој контекст, мора да нагласиме дека една од причините за разрешување е таквото непознавање и неупатеност во нашите правни акти, нешто што е крајно недозволиво за носител на функција Генерален секретар.
Обвинувањата дека со Самовластие, Претседателот на СПМ му ги одзел функцијата и правата, целосно ги демантираме. Правата и обврските на Претседателот и Генералниот секретар се децидно предвидени во Статутот на СПМ – правен акт на кој потписник е и сега веќе разрешениот Ген-сек, кој дал своја согласност за негово донесување, и тие како такви можат да се разгледаат во Статутот.

Сега, во овој контекст, нагласуваме и тврдиме, дека тоа е уште една од причините за разрешувањето – неизвршување на задачите и обврските зададени со Статут, непочитување на хиерархијата поставена во Статутот односно ставање на самиот себе над сите и пред сите, што е очевидно и во неговите невистинити изјави. Уште на самите почетоци на формирањето на СПМ, дотичниот самоиницијативно и јавно се наметна како Ген-сек на СПМ со тоа ставајќи ги останатите во незавидна положба и пред свршен чин, што мора да признаеме дека беше наша многу голема грешка.

Очигледно!

Но, она што на почетокот изгледаше “незапирлива бура” од страна на дотичниот, со неговите настапи во првите неколку месеци, на крај излезе промаја. Во наша штета. Во штета на СПМ!!! Или што би рекол народот “Се тресеше гората, се роди глушец”!

Како следна причина за негово разрешување се неговите лични пресметки, водени на неговиот личен профил, со навредливи и недокажани тврдења, обвинувања без докази насочени кон Министерот за внатрешни работи. Точно е тоа дека СПМ не се согласува со работењето на Министерот, не се согласува со неговиот однос кон вработените итн итн, но во нити еден случај и можност не сме искажале или објавиле невистина, лага, навреди или омаловажување кон нити една јавна личност. Таквото “работење” на дотичниот го доведе него лично до неколку постапки за кои, до 14.09.2022 година се криеше позади СПМ, користејќи ја функцијата и заштитата која ја носи истата, а притоа нанесувајќи секојдневно штета на синдикатот.

Бидејќи се повикува на “некакви” авторски права, лични идејни решенија, графички дизајни” во врска со логото, грбот и знамето на СПМ, јавно го повикуваме да објави акт, од релевантна институција, со кој ќе ги докаже таквите тврдења. Таков акт не постои бидејќи СПМ со о
Одлука веќе ги озакони тие обележја на Синдикатот, одлука на која и самиот тој е потписник и запознат. Со ова целосно ја демантираме неговата манипулација дека некој “го украл”, противправно го присвоил” неговиот личен труд.

Останатите негови напори за чинење намерна штета, изјавите во кои користи речник и изрази идентични со неговите изјави на неговиот личен профил, што значи крајно навредливи и омаловажувачки, како од личен така и од поглед на организација, нема да ги споменуваме и објавуваме затоа што не доликуваат на нити еден човек а камоли на академски граѓанин.

Да сумираме:

Дејан Саздов е разрешен од функцијата Генерален секретар на СПМ од 14.09.2022 година, со Одлука врз основа на Статутот на СПМ која е испратена за запознавање до потребните во МВР, од причини за непочитување, непознавање, неизвршување, намерно манипулирање и предизвикување штета на СПМ и раководството, систематско уништување на честа и угледот на организацијата и членството на СПМ.

Со оглед на наведеното нема да коментираме наводна поврзаност и задкулисна соработка со Министерот, бидејќи таква не постои, што мислиме дека доволен доказ се нашите досегашни објави. Како синдикат, јасно изјавивме дека бараме соработка и средба со Министерот, но во насока на подобрување на условите и правата од работен однос на работниците.

Во никој случај за да му наштетиме на Дејан Саздов од причини што дотичниот се покажа како најслабата алка во синџирот на СПМ и тоа е единствената причина што не е повеќе дел од тој синџир.

ЗА КРАЈ:

Јавно го предупредуваме Дејан Саздов, најнапред-да ја отстрани категоризацијата за професија на неговиот личен профил “Генерален секретар на СПМ”, бидејќи со тоа веќе сторил дело и не сакаме да има последици од тоа.

Следно, да прекине со обидите и со ширење на лажни и непотврдени информации бидејќи и со тоа веќе сторил дело и не сакаме да има последици од тоа.

Веднаш да запре со јавните навреди и лажни наводи за дела на Претседателот на СПМ и Синдикатот, бидејќи повторно веќе сторил дело и не сакаме да има последици од тоа.

Г-дине Дејан Саздов, те поздравуваме но нема да ти заблагодариме за досегашната… работа или соработка… бидејќи ти како таква, не ја почитуваше и самиот ја уништи.

Но сепак ти посакуваме секое добро.

Да живее Синдикат на Полиција во Македонија – СПМ.

ДА ЖИВЕЕ РЕПУБЛИКА МАКЕДОНИЈА

The post Разрешен генералниот секретар на СПМ appeared first on Република.

Разрешен е Златко Перински, директорот на Јавното претпријатие Водовод и канализација - Скопје, поради самоволие и несоодветно постапување во постапка за милионски тендер, соопшти Град Скопје.

Поради обиди за влијание кои се сметаат за тенденција која ги потврдува основаните сомневања на Град Скопје за самоволие и несоодветно постапување во постапката за избор на изведувач на тендер вреден 136 милиони евра, за изведба на пречистителна станица, Перински е разрешен во петокот на 9 септември, соопшти кабинетот на градоначалничката на Град Скопје Данела Арсовска.

The post Данела Арсовска го разреши директорот на ЈП Водовод и канализација Златко Перински appeared first on Република.

По скандалот кој денес ја потресе јавноста разрешен е вршителот на должност директор на Скопската зоолошка градина Кристијан Стаменов известуваат од Град Скопје и се оградуваат од индивидуално превземените дејствија на директорот.

Културна, образовна и научна се основните дејности на ЗОО Скопје, а нејзина основна цел е да ги чува, одгледува и презентира живите експонати и истите да ги направи достапни за пошироката јавност. Личната одлука превземена од страна на директорот не соодветствува со основните заложби за хумано чување и одгледување на животни и за истото мора директорот да понесе одговорност, поради што истиот се разрешува.

Разрешувањето следува откако денеска се пласираше информација во јавноста дека токму во скопската Зоолошка градина биле заклани повеќе од 10 коњи за храна за лавовите.

The post Разрешен директорот на Скопска зоолошка appeared first on Република.

На денешната седница Владата го разреши досегашниот директор на затворот Идризово.

Реџеп Реџепи беше на функција како кадар на партијата Алтернатива откако таа му се приклучи на парламентарното мнозинство.

Од Владата на соопштуваат зошто е разрешен и дали евентуално тоа има врска со неодамнешните полициски претреси во затворот.

Неофицијално, главна причина е токму тоа, односно фактот дека во затворот беа пронајдени дрога, ножеви и мобилни телефони.

На местото на Реџепи, именуван е Шпенд Тахири, исто така кадар на Алтернатива.

The post Разрешен директорот на затворот Идризово, именуван нов директор appeared first on Република.

Владата вчера препорачала разрешување на Јани Макрадули од претседател на Управниот одбор и генерален директор на „Пошта на Македонија“ заради подобрување на состојбите во компанијата, одговори денеска владиниот портпарол Душко Арсовски.

Владата му препорача на Надзорниот одбор да го разреши Јани Макрадули заради подобрување на состојбите во компанијата и јакнење на капацитетите на менаџментот, рече Арсовски.

На прашање дали разрешувањето е поврзано со случајот со поранешниот генерален секретар на Владата, Мухамед Зеќири, кој е осомничен бидејќи без јавна набавка склучил договор за консултантски услуги за изработка на физибилити студија за „Пошта“, Арсовски само го повтори истиот одговор за причините и препораката на Владата Надзорниот одбор да го разреши Макрадули.

На местото на Макрадули Владата предложи Надзорниот одбор да го избере Васко Стефанов, кој досега беше заменик-директор на Агенцијата за вработување.

https://republika.mk/vesti/makedonija/vladata-bara-nadzorniot-odbor-da-go-razreshi-makraduli-od-direktorskata-funkcija-na-ad-poshta/

The post Владата го разрешила Макрадули заради подобрување на состојбите во „Пошта“ appeared first on Република.

Во напната атмосфера попладнево владата го разрешува шефот на Финансиската полиција Арафат Муареми кадар на СДСМ, објави неофицијално expres.mk.

Муареми во јавноста се споменува како дел од случај за кој се води постапка во Јавното обвинителство за организиран криминал.

Како што пишува порталот „Експрес“ по добиените сознанија за активности на Муареми веќе нема можност тој да остане на високата и важна функција во владата.

Управата за финансиска полиција е една од најважните алатки за контрола, но за жал и за притисок врз правните субјекти во земјата.

Неофицијално во случајот кој го истражува Јавното обвинителство се работи за десетици фирми кои биле рекетирани и уценувани да исплатат црни пари, а за возврат институциите да не ги гонат за кривични и други дела сторени од нив.

Каква е улогата на Муареми и други високи лица од СДСМ, ДУИ и владините структури во овој случај веќе се утврдува во соодветна постапка од обвинителството.

Муареми лани на локалните избори беше фатен како се заканува со финансиски инспектори за кандидатот за градоначалник од ВМРО-ДПМНЕ.

The post Нов скандал: Владата го разрешува шефот на финансиската полиција Арафат Муареми appeared first on Република.

Професорката Мирјана Најчевска смета дека министерот за правда Никола Тупанчевски веднаш треба да биде разрешен од функцијата, а а Ректоратот на Универзитетот „Св. Кирил и Методиј“ треба да расправа за достоинството на професијата и нарушувањето на етичкиот кодекс на Универзитетот.

Тупанчески не треба да поднесе оставка. Тој треба да биде веднаш разрешен, а Ректоратот на Универзитетот “Св. Кирил и Методиј“ треба да расправа за достоинството на професијата и нарушувањето на етичкиот кодекс на Универзитетот, напиша Најчевска.

Тупанчески  призна дека не ја платил картата за чартер-летот и влезот на стадионот во Палермо. Фактурата за аранжманот, односно сместувањето ја платил откако целата јавност го виде на трибините, односно по четири денови од одржувањето на натпреварот.

Министерот претходно велеше дека сите трошоци ги подмирил тој од неговата трансакциска сметка.

The post Најчевска: Тупанчевски веднаш треба да биде разрешен, а ректоратот на УКИМ да расправа за достоинството на професијата appeared first on Република.

По тридневна расправа Собранието го разреши пратеникот на Беса, Фадил Зендели од член на Комисијата за избори и именувања. За разрешување на Зендели гласаа 61 пратеник од мнозинството. Опозицијата не влезе во пленарната сала и за разрешувањето на Зендели немаше воздржани и против.

Координаторот на пратеничката група на ВМРО-ДПМНЕ Никола Мицевски по гласањето побара претседателот на Собранието Талат Џафери писмено да му одговори што се случи со 400 амандамни на опозицијата.

Претседателот има рок од три дена да ги разгледа амандамните и по истекот на рокот ќе добиете одговор – одговори Џафери.

Одлуката тој да биде разрешен од Комисијата дојде на предлог на пратеници од мнозинството меѓу кои првопотпишан беше претседателот на Собранието Талат Џафери, откако повеќе месеци беше блокирана работата на тоа работно тело, бидејќи Зендели одбиваше сам да ја напушти Комисијата откако Беса премина во опозиција. Власта не закажуваше седници на Комисијата бидејќи по локалните избори Комисијата остана без претседателот Костадин Костадинов кој стана градоначалник, а мнозинство во работното тело наместо власта имаше опозицијата.

За опозицијата разрешувањето на Зендели на пленарна седница е преседан кој на власта ќе и се удри од глава, бидејќи предлогот не дошол од Комисијата туку со одлука директно на пленум. Според опозицијата, со тоа се прекршени собранискиот Деловник и Уставот.

Според власта, повикувајќи се на Уставот, пленумот има право да го разреши Зендели, бидејќи тој е избран функционер.

По разрешувањето на Зендели се очекува да се отвори патот за избор на нови четири уставни судии. Поради истекување на мандатот, Уставниот суд работи со пет од девет судии, што е минимум за негово функционирање.

The post Собранието го разреши Зендели од член на Комисијата за избори и именувања appeared first on Република.

Пратениците на Собранието во Црна Гора вечерва го разрешиле досегашниот претседател Алекса Бечиќ.

За смена на Бечиќ гласале 43 пратеници – пратеници од коалицијата „Црно на бело“ и опозицијата.

Против биле Демократите, Демос, ДФ, ПЗП, СНП, Права Црна Гора, Обединета Црна Гора и Работничката партија.

Бечиќ на прозивката изјавил дека нема да гласа.

Пратеникот на ДПС Миодраг Вуковиќ не бил во салата за време на гласањето.

Бечиќ беше избран за спикер на 23 септември 2020 година. Тогаш за негово именување гласаа 45 пратеници, еден пратеник беше против, додека 25 ливчиња останаа празни.

До изборот на новиот претседател на чело на парламентот ќе биде потпретседателот на Собранието Страхиња Булајиќ од Демократскиот фронт.

The post Разрешен претседателот на црногорското Собрание appeared first on Република.

‼️ РАЗРЕШЕН ДИРЕКТОРОТ НА ОУ „ЛАЗО АНГЕЛОВСКИ“ ‼️
Основното училиште „Лазо Ангеловски“ во Ново Лисиче денеска конечно доби нов в.д. директор со што дојде до престанок на мандатот на претходниот, информираат од Општина Аеродром.
И покрај тоа што претходниот директор беше повторно предложен да раководи со најголемото училиште во Аеродром, од етички и морални причини градоначалникот Тимчо Муцунски одби да го именува на таа функција со цел заштита и одржување на угледот на училиштето, на наставниот кадар и на самите ученици.
За претходниот директор на ОУ „Лазо Ангеловски“ имаше голем број поплаки. Тој со своето однесување предизвика бурни реакции во јавноста и му нанесе голема штета на училиштето во кое со децении работат врвни професионалци.
Градоначалникот Муцунски уште од првиот ден се заложи и цврсто останува на своето ветување дека Општина Аеродром ќе ја врати довербата и позитивната слика за сите институции што се под нејзина надлежност. Засега, на чело на училиштето и како вршител на должноста директор ќе застане Магдалена Петревска.
👦👧 Децата се нашата иднина, а наша одговорноста е на сите да им обезбедиме безгрижно детство и најдобри услови за нивни правилен раст, развој и квалитетно образование водено и спроведено од професионален и посветен кадар!, нагласуваат од општината.

The post Поради бројните поплаки: Разрешен директорот на ОУ Лазо Ангеловски appeared first on Република.