Русија и Украина извршиле уште една размена на заробеници.

Според руската комесарка за човекови права, Татјана Москалкова, четворица вработени во „Росатом“ и војници и се предадени на Русија.

Синоќа имаше уште една размена на руски и украински заробеници. Меѓу нив беа четворица вработени во Росатом и наши храбри војници. Тие слетаа на руско тло рано утринава - објави Москалкова на социјалната мрежа Телеграм.

The post Русија соопшти дека е извршена нова размена на заробеници со Украина appeared first on Република.

Претседателот на Украина, Володимир Зеленски, изјави дека е подготвен да преговара за неутралност и ненуклеарен статус на земјата, но само со безбедносни гаранции.

Зеленски претходно порача дека нема да седне на маса доколку темата е „демилитаризација и денацификација“.

Договор со Русија е можен само ако руската армија се повлече - изјави украинскиот претседател.

Истовремено, Зеленски истакна дека сака да ги размени сите заробеници со Русија и дека веќе го предал списокот.

The post Зеленски e подготвен да разговара за неутралност и сака да ги размени сите заробеници со Русија appeared first on Република.

Руското Министерство за одбрана секој ден организира хуманитарни коридори и евакуира цивили од населените места во Украина. Освен тоа, досега се случија и две размени на заробеници меѓу Русија и Украина - вели портпаролката Марија Захарова, во коментар објавен на веб-страницата на руското Министерство за надворешни работи.

Таа истакнува дека Европската Унија неосновано ја обвинува Русија дека наводно ги користи бегалците од Украина како уште еден инструмент за притисок, со тоа што ги испраќа во ЕУ.

Всушност, вистината е дека властите во Киев ја забрануваат евакуацијата во нашата земја и насилно ги принудуваат бегалците да одат на запад. Многу од нив и потоа се обидуваат да одат во Русија, кај своите роднини, но во тој случај, земјите од ЕУ, особено Полска, не им дозволуваат. Тие се држени како заложници прво во Киев, а потоа во Брисел - вели Захарова.

Таа нагласува дека ЕУ на никаков начин не врши влијание врз Киев, за украинските националисти да не се кријат зад цивилите и да ги користат како „жив штит“ и да не ја блокираат нивната евакуација во Русија.

Народниот правобранител за човекови права во Руската Федерација, Татјана Москалкова, на 21 март ја објави првата размена меѓу Русија и Украина - девет руски заробеници за градоначалникот на Мелитопол, Иван Федоров.

The post Русија и Украина одржале две размени на заробеници, Москва вели дека Киев ги спречува луѓето да се евакуираат во Русија appeared first on Република.