Вчера во 14.00 часот на улица „Живко Брајковски" во Гостивар, полициски службеници од ОВР Гостивар го привеле Ѓ.Ш.(29) од Прилеп, кој бил баран по потерница врз основа на судска наредба за издржување на казна затвор во траење од три години за сторено кривично дело „разбојништво".

Лицето било спроведено во Казнено – поправната установа Затвор Тетово за издржување на казната.

The post Приведен разбојник во Гостивар за издржување на тригодишна затворска казна appeared first on Република.

На подрачјето на Ѓорче Петров во Скопје, синоќа во 21.05 часот полициски службеници од Полициската станица Ѓорче Петров го лишиле од слобода М.Н.(25) од Тетово.

Од МВР денеска соопштија дека тој бил баран по локален распис од СВР Тетово поради постоење основи на сомнение дека на 18.07.2024 во три наврати со закана кон сопственикот на продажен објект во Тетово и физички напад врз неговата сопруга одзел пари од дневниот промет.

Лицето било предадено во СВР Тетово и по целосно документирање на случаите против него ќе биде поднесена соодветна пријава.

The post Приведен разбојник од Тетово appeared first on Република.

Полициски службеници од Единицата за интервентна полиција при СВР Скопје денеска во 13.45 часот го лишиле од слобода М.К. (31) од Скопје осомничен дека на 04.06.2024 во 11.50 часот извршил кривично дело разбојништво односно со закана со пиштол кон вработените во експозитура на банка во Скопје, одзел пари.

Како што соопштија од МВР, извршен е и претрес во домот на М.К., а против него е поднесена кривична пријава по брза постапка, по што од страна на надлежен судија му е одреден притвор од 30 дена.

The post Со пиштол им се заканил на вработените па ограбил банка во Скопје appeared first on Република.

На подрачјето на Аеродром вечерва е приведен 28 годишен скопјанец Н.Н. поради сомнение дека вечерва во 17:30 часот со закана од аптека на подрачјето на Аеродром, со закана од вработената одзел пари, известуваат од Министерството за внатрешни работи.

Тој е приведен во полициска станица и кај него се пронајдени одземените пари кои ќе бидат вратени на сопственикот, велат од МВР.

Оттаму информираат дека по документирање на случајот против лицето ќе биде поднесен соодветен поднесок.

The post Приведен разбојник во Аеродром, со закана одзел пари од аптека appeared first on Република.

Полициски службеници од СВР Струмица го лишиле од слобода Д.А.(27) од Струмица.

Како што соопшти МВР, тој се сомничи дека на 15 јули, околу 15 часот, физички ја нападнал А.И.(63) од Струмица во нејзиниот дом и ѝ одзел пари и мобилен телефон.

Лицето било задржано во полициска станица и по целосно документирање на случајот против него ќе биде поднесена соодветна пријава.

The post Нападнал повозрасна госпоѓа во нејзиниот дом и и украл пари и мобилен: Приведен разбојник во Струмица appeared first on Република.

Полициски службеници од ЕВР Ѓорче Петров при СВР Скопје денеска (09.06.2023) во Скопје го лишија од слобода П.Ј. (32) од Скопје поради основи на сомнение дека денеска околу 9 часот се обидел да изврши разбојништво во спортска обложувалница во с. Волково, скопско.

Кај П.Ј. е пронајден пластичен пиштол и облеката што ја користел при вршење на кривичното дело. П.Ј. се сомничи и за други извршени разбојништва на подрачјето на Скопје.

Тој е приведен во полициска станица и по целосно документирање на случајот, во координација со надлежен јавен обвинител, ќе биде поднесена кривична пријава.

The post Приведен разбојник во Скопје appeared first on Република.

Во Кавадарци вчера во 11 часот полициски службеници од ОВР Кавадарци лишиле од слобода малолетник од Кавадарци, осомничен дека претходно физички нападнал жена од Кавадарци и ѝ одзел паричник.

Тој, како што информираа денеска од МВР,исто така, бил пријавен дека на 30.05.2023 се оддалечил од Мал групен дом при Центарот за социјални работи Кавадарци, чиј штитеник е.

Малолетникот бил предаден на социјален работник од Центар за социјални работи Кавадарци и по целосно документирање на случајот ќе биде поднесена соодветна пријава.

The post Штитеник од мал групен дом нападна и ограби жена appeared first on Република.

Приведениот разбојник, кој утрово избегал од Казнено-поправната установа Затвор Идризово, издржувал затворска казна од 13 години и шест месеци за сторени кривични дела по член 237 и член 396 од Кривичниот законик, а имал за доиздржување три години и осум месеци.

Инаку, од МВР денеска соопштија дека на улицата „Благоја Стефковски“ на подрачје на Гази Баба, полициски службеници од Специјален тим при СВР Скопје го лишиле од слобода Д.К.(48) од Куманово. Тој бил фатен веднаш откако со закана со пиштол одзел пари од вработен во казино на ул.„Благоја Стефковски“.

При лишувањето, полициските службеници испукале еден предупредувачки куршум. Кај него биле пронајдени одземените пари и пиштол „Чешка зброевка“ калибар 9 мм со муниција. По целосно документирање на случајот против него ќе биде поднесена соодветна пријава и ќе биде спроведен во казнено-поправната установа за доиздржување на казната.

The post Приведен разбојник кој утрово избегал од „Идризово“, имал 13 години и шест месеци „за лежење“ appeared first on Република.

Скопјанка сподели фотографии од нападот кој непознат маж го извршил врз нејзината мајка пред влез на зграда, а снимен од безбедносните камери.

Драги пријатели,
Одвојте 2 мин од вашето време и прочитајте.
Ова на сликите е мајка ми која што беше нападната пред извесно време од овој паразит. Видеото нема да го постирам затоа што ми се превртува желудник секој пат кога и да го изгледам.
Нападната е пред влезна врата со што и се нанесени повреди на окото, вратот и раката.
Пријавено е, реагирано е со време и тој што ја нападна е веќе приведен и НЕМА МЕСТО ЗА ПАНИКА, за среќа од страна на полицијата се реагираше експресно. Но нажалост од него се направени повеќе штети и се надевам дека соодветно ќе одговара за истите.
Но, сепак ВНИМАВАЈТЕ овој е само еден од многумина што се шетаат низ Скопјево.
Жени, мајки, девојки, девојчиња и све остало внимавајте, Скопје оддамна не е безбедно место за живеење!
И да, мажи, не пиштол да купувате, излезете и пречекајте ги вашите блиски доколку мора да се вратат доцна навечер, барем тоа е најмалку што можете да направите за нив.
Чувајте се
П. С. Мајка ми е добро, но стравот е поголем.
‼️П. П. С. КОМШИИ Реагирајте кога ќе слушнете повик за Помош, не игнорирајте‼️, пишува Анета Малова.

Во Карпош, каде поради штедење на електрична енергија не светат сите улични светла, во изминатиов период беа споделени информации дека има зголемен број на кражби и напади.

https://republika.mk/vesti/crna-hronika/11-zheni-napadnati-vo-karposh-4-obieni-70-stanovi/

The post Скопјанка го сподели нападот кој го доживеала нејзината мајка во темниот Карпош: Жени, внимавајте! appeared first on Република.

Полициски службеници од Оперативен тим потраги при СВР Скопје денеска во 15:15 часот на улицата „Славеј Планина“ во Скопје го лишиле од слобода М.А.(46) од Скопје. За него била распишана централна потерница по наредба на Основен кривичен суд Скопје за издржување казна затвор од седум години за сторено кривично дело „разбојништво“ по член 237 од Кривичниот законик. Лицето ќе биде спроведено во надлежната казнено-поправна установа за издржување на казната.

The post Разбојник фатен на „Славеј Планина“ appeared first on Република.

Разбојникот кој ограби маркет вечерва во Карпош 3 е во бегство, а полицијата спроведува акција за негово апсење, објави 24инфо.

Од министерството демантираат дека имало заложничка драма, иако според изјави на очевидци, тие го виделе разбојникот кој се заканувал на вработените. Било крај на работното време па немало муштерии.

The post Полицијата трага по разбојникот кој ограби маркет во Карпош 3 appeared first on Република.

Во грчкото одморалиште Нафплио, на Пелопонез, вчера се случувала вистинска драма, кога полицијата бркала двајца крадци кои ограбиле семејство, јавуваат локалните медиуми.

За време на бркотницата, еден од разбојниците доживеал мозочен удар. Драмата се одвивала во утринските часови во центарот на Нафплио, кога двајца крадци, за кои се јавува дека биле од Црна Гора и дека имале соучесничка од Србија, упаднале во стан во кој престојувала брачна двојка со мало дете.

Под закана со пиштол, крадците украле вредни предмети, а потоа ги врзале родителите и детето и избегале. Брачната двојка почнала да повикува помош, на што соседите истрчале на терасата и ја повикале полицијата.

Полицајците набргу пристигнале на местото и започнале потера. Во еден момент, еден од крадците колабирал, а била повикана итна помош и лекарите констатирале дека тој доживеал мозочен удар. Другиот продолжил да бега и го фрлил пиштолот во корпа за отпадоци. Сепак, полицијата успеала да го уапси.

При претресот, кај крадците биле пронајдени предметите кои ги украле од станот. Локалните медиуми јавуваат дека жената-жртва на разбојништвото, завршила во болница бидејќи крадците ја удриле во главата.

Властите соопштија дека разбојникот кој доживеал мозочен удар е во критична состојба и лекарите се борат за неговиот живот, пишуваат медиумите.

The post Грција: Разбојник од Црна Гора е во критична состојба, се шлогирал бегајќи од полицијата appeared first on Република.

Основното јавно обвинителство во Велес донесе Наредба за спроведување на истражна постапка против едно лице на возраст од 21 година за кривично дело – Разбојништво од член 237 став 1 од Кривичниот законик.

Осомничениот велешанец, на 16 август во вечерните часови, на терасата од гостилница во Велес, се доближил до оштетениот кој седел сам и гледал телевизија. Најпрвин го удрил со тупаница во пределот на ребрата од десната страна, по што му ја тргнал столицата на која седел. Оштетениот паднал на земја, а осомничениот од задниот десен џеб му го извадил и одзел паричникот во кој имало 2.000 денари, банкарски картички и други документи, по што се дал во бегство.

Имајќи предвид дека осомниченото лице претходно е осудувано за истовидно кривично дело, безимотен е, има блиски роднини кои живеат во странство, а и доста често отсуствува од сопствениот дом, Основното јавно обвинителство Велес оцени дека постои опасност од бегство, можност за влијание врз сведоците и за повторување на кривичното дело. Јавниот обвинител до судијата на претходна постапка на Основен суд Велес достави предлог за определување мерка притвор. Судијата го прифати предлогот и на осомничениот му определи притвор во траење од 30 дена.​

The post Притвор за проблематичен 21-годишник од Велес, пресуден бил последниот инцидент во гостилница appeared first on Република.

Полициски службеници од Единица за внатрешни работи – ОКР Аеродром и Драчево при СВР Скопје ноќеска околу 02.00 часот во угостителски објект на подрачјето на Аеродром привеле 17-годишник од с.Зелениково, поради основано сомнение дека е сторител на кривично дело „разбојништво“ во спортска обложувалница во нас.Драчево. Тој е приведен во полициска станица и при извршен службен разговор во присуство на родител, адвокат и инспектор по малолетници, признал дека извршил десет кривични дела „разбојништво“, соопшти МВР.

На 27.05.2022 околу 09.00 часот во спортска обложувалница, 17-годишникот со закана со пластичен пиштол од вработената одзел пари, а истиот ден, на идентичен начин извршил разбојништво и во уште една спортска обложувалница.

Исто кривично дело извршил и на 26.05.2022 во спортска обложувалница на подрачјето на Карпош, на 23.05.2022 во обложувалница на подрачјето на Аеродром, на 17.05.2022 во обложувалница на подрачјето на Кисела Вода, на 06.05.2022 и на 30.04.2022 во обложувалници на подрачјето на Аеродром. Уште три разбојништва во спортски обложувалници 17-годишникот признал дека извршил на подрачјето на Аеродром, и тоа на 27.03.2022, на 23.03.2022 во 21.00 часот и на 03.12.2021 околу 18.00 часот, кога со закана од вработените одзел пари. Кај приведениот биле пронајдени и одземени предмети поврзани со кривичните дела.

Во координација со Јавен обвинител за малолетници, по документирање на случаите, против него ќе следи соодветна кривична пријава.

The post 17-годишник кој со пластичен пиштол ограбувал обложувалници низ Скопје, доцна ноќва уапсен во Аеродром appeared first on Република.