СДСМ го продолжува растот на платите и во 2024 година. Од месец март следува ново покачување на минималната плата и ќе биде 22.500 денари.

Во изминативе 6 години СДСМ ја зголеми минималната плата 4 пати. За само неколку години минималната плата порасна повеќе од двојно во однос на 2016 година.

Со праведни и успешни економски политики СДСМ успеа да ја зголеми и просечната плата на 39.000 денари, Просечната плата е за 300 евра повисока денес во однос на  2016 година.

Воведовме законски решенија, коишто содржат методологија за пораст врз основа на зголемувањето на трошоците за живот и зголемувањето на просечната плата.

СДСМ продолжува и натаму да го штити стандардот на граѓаните и да го вреднува трудот на работниците.

The post СДСМ ветува: Платите ќе растат и во 2024 година appeared first on Република.

Србија која забележа раст од 15,2% е на првото место на листата што ја објави World of Statistics.

Српските медиуми денеска се пофалија со една надежна вест – Србија има најголем раст на платите во светот, во изминатите пет месеци. Веста се базира на податоците од World of Statistics и листата на земји со најголеми зголемувања на платите од декември минатата година.

Србија, која забележа раст од 15,2%, е на првото место на листата, а зад неа, во Топ 5, се Босна и Херцеговина, Португалија, Белорусија и Романија.

Македонија, на листата на World of Statistics, е во долната „црвена зона“ со пад на просечната плата во последните пет месеци од -2,8%.

The post Србија на прво место на листата на World of Statistics со раст на платите од 15,2% appeared first on Република.

Од Синдикатот на полицијата во Македонија соопштуваат дека до премиерот Димитар Ковачевски испратиле Барање за повисоки плати и средба. Ви го пренесуваме во целост:

Почитуван,

За да дојдеме до суштината на овој проблем, најпрво да дознаеме што е основата.А тоа е поимот ПЛАТА. Бидејќи во Законот за внатрешни работи и Колективниот договот ЛИСТИТЕ НА ПЛАТА се класифицирани „СТРОГО ДОВЕРЛИВО“ небаре како план за некоја атомска бомба, сме приморани да поставиме прашања до Вас како Премиер:

1. Дали платата во МВР ќе биде покачена врз основа на Минималната плата?
2. На кој начин ќе биде покачена платата?
3. Врз онова на кој дел од платата ( Плата, Основна плата или вредност на бод) ќе се пресметува покачување на платата, сега и во иднина?
4. Дали Вие како Министерот Спасовски сметате дека доколку ја покачите платата после сето ова ќе имате ЗАДОВОЛНА ПОЛИЦИЈА а со тоа и безбедни граѓани?

Господине Премиер Ковачевски БАРАМЕ од Вас под ИТНО како Влада да иницирате измена во членот 144 став 1 и воведување на нов став 2 од Законот за внатрешни работи кои ќе гласат:
„(1)Вредноста на бодот за пресметување на платите на работниците во Министерството, се утврдува од страна на Владата, во согласност со репрезентативниот синдикат“.
(2) Владата на седница ја утврдува вредноста на бодот за секоја тековна година со писмена согласност на репрезентативниот синдикат и одлуката ја објавува секоја година во службен весник“.

Причини подради кои го предлагаме ова законско решение е тоа што со досегашното законско решение Министерот за внатрешни работи беше тој кој буквално одлучуваше за платите во Полицијата што се покажа како лош пример и пракса, и како Синдикат сметаме дека Владата како институција во иднина повеќе ќе се грижи за стандардот на вработените во Полицијата. Со јавно објавување на вредноста на бодот како што е и пракса во повеќето институции ќе се тргне дилемата за тоа колку изнесува платата во Полицијата.

Бараме и предлагаме како Премиер да предложите до Владата со Одлука, вредноста на бодот за работник во МВР наместо досегашниот износ помал од 30 денари , вредноста на бодот да изнесува 62 денари. И тоа токму со Ваша одлука, со одлука на Влада.

Почитувам Премиере Ковачевски, се надеваме дека до 15-ти Март оваа година, преку социјалниот дијалог ќе не повикате и ќе ги решиме овие ГОРЧЛИВИ проблеми и ќе го спречиме исселувањето на полициските кадри во странство. Во спротивно револтот кај колегите кој секој ден е се поголем ќе биде изразен на улица.

Господине Премиер Ковачевски, време е да започнете со правилни одлуки како и на кој начин ќе дојдеме до подобар стандард.ВРЕМЕ Е !

The post СПМ испрати Барање за повисоки плати и средба со премиерот appeared first on Република.