Фондот на холокаустот на Евреите од Македонија го објави четвртиот награден литературен конкурс „Раскажувам фотографија 2023“.

Секој петок, на ФБ страната на Фондот на холокаустот ќе биде објавувана фотографија која ќе биде позврзана со животот на Евреите во Македонија. Фотографијата ќе биде лајтмотив за расказот. Во расказите треба да доминираат случувања од животот на Евреите во Македонија, во минатото.

Прифатливи ќе бидат раскази кои можат да придонесат кон подобро разбирање меѓу луѓето, кон искоренување на омразата и разградување на предрасудите, раскази кои допринесуваат соочување со минатото, холокаустот, емпатија, раскази кои ги поместуваат границите и ни отвораат пат да градиме поизвесна, побезбедна и послободна иднина за сите

Пропозиции:

- Расказите да не бидат подолги од 100 реда (три страници со новинарски проред или најмногу до 7.000 карактери)
- Расказите да не биле досега објавувани или да биле во конкуренција во предходните конкурси „Раскажувам фотографија“
- Во расказите да има елементи од јудаизмот
- Право на учество имаат сите полнолетни лица, веќе афирмирани, но и оние кои досега немаат објавувано.
- Секој учесник може да учествува на конкурсот со најмногу три раскази.

Ракописите треба да се испратат на: info@holocaustfund.org.mk со назнака: За конкурсот „Раскажувам фотографија“

Конкурсот почнува со објавување на првата фотографија и тема, на 15.09.2023 година на денот кога започнува нова година за Евреите и празникот Рош Хашана. Последната, десета фотографија ќе биде објавена на 27.10.2023 година, а сите автори ќе можат да праќаат творби до 03.11.2023 година. Резултатите од конкурсот ќе бидат објавени на 20.11.2023, а наградите на добитниците ќе им бидат врачени на 08.12.2023 година – на првиот ден од празникот Ханука.

НАГРАДИ:
Прва награда - 25 000 денари
Втора награда - 15 000 денари
Трета награда - 10 000 денари

Расказите ќе бидат жирирани од стручни лица и докажани автори.

The post Фондот на холокаустот го објави четвртиот награден конкурс „Раскажувам фотографија“ appeared first on Република.

Фондот на холкауст на Евреите од Македонија третпат распишува конкурс за краток расказ инспириран од стари фотографии со наслов: „Раскажувам фотографија“.

Секој петок, на страницата на фејсбук на Фондот на холокаустот ќе биде објавувана фотографија која ќе биде позврзана со животот на Евреите во Македонија. Фотографијата ќе биде лајтмотив за расказот. Во расказите треба да доминираат случувања од животот на Евреите во Македонија, во минатото.

На втори септември ќе биде објавена првата фотографија и тема, а последната, десетта фотографија ќе биде објавена на четврти ноември годинава. Сите автори ќе можат да праќаат творби до 18 ноември. Резултатите од конкурсот ќе бидат објавени на шести декември, а наградите на добитниците ќе им бидат врачени на на првиот ден од празникот Ханука, на 19 декември.

Обезбедени се награди за најдобрите: 25 илјади, 15 и 10 илјади денари.

Најдобрите раскази, според жирито, ќе бидат објавени на ФБ страната на Фондот на холокаустот.
Сите учесници ќе добијат благодарница за учеството на конкурсот.

Прифатливи ќе бидат раскази кои можат да придонесат кон подобро разбирање меѓу луѓето, кон искоренување на омразата и разградување на предрасудите, раскази кои допринесуваат за соочување со минатото, холокаустот, емпатија, раскази кои ги поместуваат границите и ни отвораат пат да градиме поизвесна, побезбедна и послободна иднина за сите.

Целта е да се поттикне продукцијата на краткиот расказ како форма што е многу популарна, современа и широко прифатена од читателската публика и која има длабоки корени во сефардската раскажувачка традиција.

ПРОПОЗИЦИИ:
– расказите да не бидат подолги од 100 реда
(три страници со новинарски проред или најмногу до 7.000 карактери )
– авторите можат да пишуваат на македонски, албански, турски, ромски, влашки, српски или англиски јазик
– расказите да не биле досега објавувани

Право на учество имаат сите полнолетни лица. Секој учесник може да учествува на конкурсот со најмногу три раскази.

Ракописите треба да се испратат на: info@holocaustfund.org.mk со назнака: За конкурсот „Раскажувам фотографија“.

The post Фондот на холокауст распишува конкурс за краток расказ со наслов „Раскажувам фотографија“ appeared first on Република.