СДСМ очајно, а по малку и нервозно се обидува да покрие својата неспособност и недомаќинско работење, обвинуваат од ВМРО-ДПМНЕ.

На виделина, велат, излегоа 2 милиони евра кои власта на СДСМ и ДУИ ги потроши за непродуктивни трошоци како кафиња, мебел, службени возила, перење на тие службени возила, фстаци, хотелски услуги, подароци, жардиНИери и режани цвеќиња во време на тешка економска криза кога народот едвај врзува крај со крај.

На виделина, додаваат од ВМРО-ДПМНЕ, излегоа и неспособноста и долговите кои градоначалниците на СДСМ ги оставија зад себе во општините, како и нивните местени тендери, но на виделина излезе и опструкцијата која централната власт ја прави на градоначалниците на ВМРО-ДПМНЕ.

Но, најважно на виделина излезе разликата помеѓу СДСМ и ВМРО-ДПМНЕ во пристапот на работа. Денес граѓаните може да видат дека градоначалниците на ВМРО-ДПМНЕ и покрај сите опструкции реализирале илјадници проекти за граѓаните, а СДСМ и ДУИ имаат зад себе само една голема НУЛА. Впрочем, кадрите на СДСМ освен да обвинуваат и да крадат други и не знае ништо друго да сработи. Затоа Македонија е последна во регионот и Европа според стандардот, според растот на БДП, според странските инвестиции. Тоа граѓаните го гледаат и го чувствуваат по својот џеб и затоа ќе ги казнат СДСМ и ДУИ на избори, велат од ВМРО-ДПМНЕ.

The post СДСМ и ДУИ потрошиле 2 милиони евра за мебел, цвеќиња, фстаци, хотелски услуги и жардиниери appeared first on Република.

Поранешната претседателка на Советот на Град Скопје Љубица Јанчева и поранешниот скопски градоначалник Петре Шилегов со пари на скопјани се гоштевале со скапи јадења и пиеле алкохолни пијалоци стари 12 години, обелодени на денешната прес конференција Марија Митева, портпарол на ВМРО-ДПМНЕ. Таа отрки дека на предновогодишна забава Јанчева и Шилегов потрошиле 91.560 денари, фактура потпишана од Јанчева, а платена од Град Скопје, од парите на скопјани.

Дополнително, одговорната администрација во Град Скопје при секторот за Финансии за оваа фактура се обидела да се спротивстави и да укаже дека е спротивно на Закон да се доставува фактура за извршени услуги за кои нема склучен договор во 2019 година. Односно, во повеќе наврати на надлежните сектори им било посочено дека доставата на фактура со дата и архивски број, а без склучен договор од претходната година е спротивно на Законот за внатрешна финансиска контрола. За таа намена, Секторот за финансиски прашања доставил службена белешка за ова до Шилегов и секретарот на Град Скопје Викторија Аврамовска Мандиќ, вели Митева.

Потенцираше дека ова е брутално кршење на законите од страна на функционерите на СДСМ кои спротивно на укажувањата на стручните лица, сепак одлучиле да потпишуваат сметки за реализирани средства за репрезентација.

Од документот со потписот на Јанчева oд кој се гледа дека на два дена пред Нова Година таа и Шилегов потрошиле 91.560 денари. Шилегов и Јанчева за еден ден во кафана потрошиле 6 минимални плати. За еден ден, за неколку часа во кафана тие потрошиле пари со кои можеле 6 семејства да го поминат месецот. Од фискалната сметка се гледа што нарачувале Јанчева и Шилегов. Додека половина милион луѓе живеат во исклучително тешки услови, Љубица Јанчева и Шилегов пиеле ексклузивно виски Џони Вокер барикирано 12 години, виски Џејмисон и Џeк Дениелс, но и Чивас Ригал. Ова специјално друштво имало и специјална нарачка од кујна во висина од 60.000 денари, без спецификација што содржела таа нарачка. Посебна сметка имало и за Петре Шилегов, кој нарачувал бифтек на путер од 2.400 денари една порција. Внимавајте само за една порција Шилегов потрошил 1/5 од минималната плата на голем број работници низ државата. Тоа се пари со кои голем број на граѓани треба да живеат неколку дена, а Шилегов од градскиот буџет ги троши за едно јадење, посочи Митева.

Ова се причините, вели таа, за нервозата во СДСМ, кај Љубица Јанчева, Петре Шилегов, и другите поранешни градоначалници и локални функционери кои не можат повеќе да ги злоупотребуваат привилегиите на нивната функција. СДСМ продолжува со манипулирање на јавноста затоа што им е нарушен комодитетот и луксузот.

https://youtu.be/Jpyk-0-Ioto

The post Се пиело „Чивас“, „Џек“, „Џони“…: Шилегов и Јанчева потрошиле 91.560 денари од парите на скопјани за предновогодишна журка appeared first on Република.