„Мој впечаток е дека граѓаните многу малку знаат за ГДП проценти и компарации, меѓутоа многу добро разбираат што е несигурност, небезбедност, непредвидливост, мртов систем, лага или кражба“, истакна пратеничката од ВМРО-ДПМНЕ Рашела Мизрахи на денешната собраниска комисиска седница за финансирање и буџет.

Таа продолжи и додаде:

„Кога зборуваме за буџет ќе зборуваме за прв реален буџет кој го имаме. Зошто? Заради тоа што позади ковид пандемијата почнала и друга пандемија, а тоа е коруптивна пандемија“, вели Мизрахи и додаде:

„И ДЗР, но и неформалните средби со директорите од здравствениот систем укажуваат на ваквиот факт. Скриената пандемија граѓаните ја почувствуваа преку пандемијата ковид-19, недостатокот на маски, лекови и модуларните болници“, кажа Мизрахи.

Мизрахи посочи дека корупцијата е дефинирана како злоупотреба на јавните средства за приватни цели.

„Корупцијата е дефинирана како злоупотреба на јавните ресурси за приватна корист која го задава најголемиот и најтешкиот удар на македонското здравство. Се проценува дека 6% од здравствените распределби се предмет на корупција и тоа е според Транспаренси интернешнал“, укажа Мизрахи.

The post Мизрахи: Предлог-буџетот за 2025 година е прв реален буџет кој досега сме го имале appeared first on Република.

Ова е 10-ти ден од формирање на Владата каде Владата најави ветерници и подобрување на енергетскиот баланс на државата, 250 милиони кои ќе се дадат на општините, нови градини, измена на законот за здравствена заштита, измена на кадровски решенија апропо законот за здравствена заштита, односно елиминирање на административните кадри кои тежеа на здравствениот систем“, истакна пратеничката од ВМРО-ДПМНЕ Рашела Мизрахи во гостување во емисијата „Заспиј ако можеш“ на ТВ Алфа.

Таа продолжи и додаде дека преку фактите што го увидуваат покажуваат дека целта на минатата власт била целосно разорување на државата.

Тенденцијата на претходната власт е да го покраде буџетот и државата да колабира за да нема докази за кражбата. ВМРО-ДПМНЕ беше многу децидна дека приматот на оваа власт е борба со криминалот и корупцијата, зошто? Заради тоа што ситниот криминал и корупција е една работа, а крупниот криминал и корупција согласно сите научни трудови поминуваат над 80% со амин од државата што значи дека Владата мора да аминува криминал и корупција и заради тоа тенденцијата и првата примарна цел на новата власт е борба со криминал и корупцијата - вели Мизрахи.

Таа продолжи и додаде:

Институциите ќе се вратат во погон, нормално ќе функционираат и полиција и судство. Системот да функционира и да гони криминал и корупција согласно докази, а не согласно измислени и монтирани докази - посочи Мизрахи.

The post Мизрахи: Целта на претходната власт била целосно разорување на државата, затоа примарна цел на новата власт е борба со криминалот и корупцијата appeared first on Република.

The post Мизрахи: Граѓаните покажаа и докажаа дека со нив не се игра, особено „ол ин“ што го правеше самозамислената елита во заминување од Илинденска appeared first on Република.

На граѓаните им е јасно дека овие 7 години денот започнуваше со скандал и до вечерта имаше уште скандали.  Психологија на затскривање на скандал со нов скандал, со очекување дека граѓаните ќе ги заборават. Тоа беше наметнато од ароганција без усул од страна на власта и сега веќе во техничката влада кога има технички министри кои можат да ги извадат работите, се наоѓаат во тесно, изјави пратеничката од ВМРО-ДПМНЕ, Рашела Мизрахи за „Заспиј ако можеш“ на Алфа телевизија.

Таа истакна дека по прашање на функционирањето на Оливер Спасовски има над 50 скандали за кои може да говориме, а во скандалите почнувајќи уште како технички министер главниот дефект кој го прави Спасовски на самата институција МВР е прераспределување на кадрите.

- Во периодот на неговото владение уште како технички министер тој направи политизација во МВР. Обичен кадар го прераспределува каде ќе му текне за да намести политички кадри.  Ајде да зборуваме дали се сеќавате на човекот од обезбедување на Зоран Заев чиј татко беше одеднаш 5 скалила покачен во позицијата во МВР односно началник во Струмица. Го имаме и бројот на прераспределувања, во 2016 има 2177, во 2017 се 2218, во 2018 од технички причини самото министерство не дава број, во 2019 се 3522, секаде се од 3.000 до 3.500, а само 2022 се скоро 4.000, што значи дека е наметнат тотален хаос во МВР и буквално уништување на квалитетниот кадар, истакна Мизрахи.

Мизрахи посочи дека за време на министерувањето на Оливер Спасовски се случени огромни скандали, од кражби, убиства,  милионски тендери до пасоши на светски криминалци за кои немаше разврска, а ниту одговорност.

- Како дел од скандалите се убиството на Мартин Јанушев кое никогаш немаше разврска, понатаму полициски службеник кој беше нападнат од возило на пајак служба, па двојно убиство на Рузвелтова, автобуската несреќа Дурмо турс, сообраќајка со обезбедување на Спасовски, 20 милионски тендери за набавка на патни исправи, набавка на возила на МВР поврзано со братучедот на Спасовски, фотографии на Спасовски со нарко босови и криминалци, фијаско на Спасовски во акцијата Планина, аферата Мафија издавање на пасоши на криминалци една од најфамозните лица барани од Интерпол добиле македонски пасош, командир од Прилеп уапсен со дрога, немање одговорност на Спасовски за Беса транс, исчезнато оружје од депо на МВР, кражба на масло од канабис, партиски вработувања на екс градоначалници, рекорди по бегства од затвори, први сме во Европа по бегства од затвор, изјави Мизрахи.

The post Мизрахи: Има над 50 скандали за време на министерувањето на Спасовски за кои нема разрешница и одговорност appeared first on Република.

На ден 19.12.2023, Основното јавно обвинителство испратило допис со барање за достава на материјалите од работата на Анкетната комисија за скандалот во ЈЗУ Универзитетска клиника за радиотерапија и онкологија од Собранието.Бидејќи мандатот на Анкетната комисија е истечен, како поранешен претседател и поранешен нејзин член, испратив допис до Претседателот и Генералниот Секретар на Собранието укажувајќи дека е потребно да постапат по барањето на ОЈО во рокот предвиден со истото.

Работата на Анкетната комисија беше апсолутно и целосно транспарентна за јавноста и со тоа ја постигна целта да се прикаже вистината ТАКВА КАКВА ШТО Е.Се понатаму е во рацете на обвинителството, напиша Рашела Мизрахи.

The post Mизрахи не се откажува од извештајот на Анкетната комисија за Онкологија appeared first on Република.

Секогаш гледаме да добиеме повеќе информации за да оформиме мислење за некој случај, исто и за скандалозното убиство на Вања. А ние сме сведоци на затајување во функцијата на институциите, потоа неинформирање на јавноста и слично. Во Македонија станува збор за болна држава, а смртта е повеќе од извесна, владее неказнивоста и затоа доаѓа до вакви случаи како монструозното убиство на Вања, рече Рашела Мизрахи, член на Извршниот комитет на ВМРО-ДПМНЕ и пратеник во Собранието на гостување во дебатната емисија на Телевизија 24.

Мизрахи посочи дека сите случаи како Беса транс, Ласкарци, модуларната болница во Тетово во кои одговорноста треба да ја понесе системот или конкретни институциите секогаш се обвинува опозицијата или ВМРО-ДПМНЕ, што е бесмислено.

Повеќе од небулозно е да се зборува кој треба да знае за ваков случај. Знаат се ама еве сега велат не знаат каде е лицето кое е прво осомничено. Но, она што е важно функционерите, надлежните да се одважат и да спроведат истрага, правдата треба да излезе на виделина, системот да профункционира, а виновниците да се кажат со име и презиме, кажа Мизрахи.

Мизрахи укажа дека како што треба да има име и презиме за убиството на Вања, исто треба да биде со секој случај во кој има пропуст, нефункционирање на институции и кога се случува немил настан и се осврна и на работата на Анкетната комисија за Онкологија на која таа беше претседател.

Функционалноста на Анкетната комисија зависи од лицата кои се дел од работата на истата. Заклучоците кои беа предложени од мене беа предлог заклучоци, а од СДСМ архивирано до мене доставија заклучоци, наместо предлог заклучоци, замислете не предлог како што доставив јас, туку доставија заклучоци. Дополнително бараа и оставка од претседателката на Анкетната значи од мене. Тоа веќе беше стадиум на изживување. Потоа во заклучоците кои ги доставија до мене тие бараа политичка одговорност од се, од ОЈО, бараа под итно ОЈО да ги расчисти работите, малтене политички притисок се врши врз обвинителството. Тие бараа политичка одговорност од закони, предмети, опрема, лекарства, ама никако од луѓе, кажа Мизрахи.

The post Мизрахи: Монструозното убиство на Вања е резултат на неказнивоста appeared first on Република.

Заклучоците кои ги прочитав пред Анкетната комисија немаат политички наратив, во нив нема ниту еден политички збор, беа доставени до сите медиуми, а се однесуваат на одговорности, односно посочуваат лица коишто ги занемариле законот или пак законите во своето функционирање. Ова денеска го истакна пратеничката Рашела Мизрахи, претседателка на собраниската Анкетна комисија за скандалот со Клиниката за онкологија.

Дополнително, решив да се зборува за оние лица коишто биле актуелни функционери во текот на 2021 година во здравствениот систем, не навлегувајќи во останатите години поради тоа што и самиот мандат, што го имаме од 2020 година, сите ние како пратеници, како и поради тоа што како темелен документ се носи извештајот од Државниот завод за ревизија – рече Мизрахи.

Од друга страна, таа смета дека предлог заклучоците од мнозинството се многу општи.

Тие беа исто така доставени до јавноста, прочитани на прес-конференција. Не укажуваат на политичка одговорност на одредени лица и го занемаруваат фактот за што е настаната Анкетната. На моја голема жал, сметам дека мнозинството реши да застане во одбрана на политички функционери, во одбрана на политиката, над здравјето и животот на граѓаните, пациентите на Онкологија. Ги стави политичарите над прашањето на заштита на здравствениот систем во нашата држава. Нашите заклучоци толку дивергираат во својот наратив, што се речиси неспојливи. Непоимливи еден со друг – рече Мизрахи.

Таа кажа оти видела дека во системот има чинители коишто ја играле улогата на „ништо не слушнав, ништо не видов и ништо не кажав, а за тоа, цената ја платиле граѓаните, пациентите, како и нивните семејства“.

Без разлика на барањето за моја оставка и кои ќе бидат заклучоците понатаму, нема никогаш да се приклучам на ставот дека не сум видела, не сум чула или нема да кажам нешто. Напротив, јас ќе стојам заедно со вистината пред моите сограѓани, коишто се пациенти и нивните семејства на оваа клиника, нема да правам никаков политички пазар или компромис со вистината. Без разлика на последиците од тоа – додаде Мизрахи.

Таа не можеше да каже дали ќе има уште една седница на Анкетната, бидејќи до 3 декември треба да се донесе заеднички став на Комисијата.

Јас би почекала да видам што ќе се случи со барањето за оставка, доставено од мнозинството. Се чини дека има некој обид претседателката на Анкетната комисија да биде виновна, а не оние коишто биле реалните виновници во здравствениот систем, кои овозможиле да настане хаварија и ужасна трагедија на Онкологија, така што, да видиме каков ќе биде расплетот на оваа ситуација понатаму – одговори Мизрахи.

Таа потсети дека членовите на Комисијата работеле многу интензивно и саботи и недели со две до три седници во текот на неделите. На распитот беа повикани 63 сведоци, присуствуваа 51.

Јас лично поминав и денови и ноќи во читање материјали, така што, немаше никаква опструкција во работата на Анкетната комисија – подвлече Мизрахи.

The post Мизрахи: Нема да правам никаков политички пазар или компромис со вистината за Онкологија appeared first on Република.

Претседателката на собраниската Анкетна Комисија за онкологија, Рашела Мизрахи, на прес-конференција над 40 минути цитираше закони и подзаконски акти кои биле прекршени од страна на сите здравствени институции. Таа потенцира дека бил укинат контролниот механизам, поради што било загрозено уставното право на граѓаните на еднаква здравствена заштита и се создал амбиент за „здравствен башибозук“.

Мизрахи информира дека Анкетната Комисија утврдила политичка одговорност кај екс министерот за здравство Венко Филипче, екс директорите на Онкологија, Никола Васев и Нехат Нухи, поранешната директорка на ДСЗИ Ирина Сотирова Бухова, како и поранешните директори на Фондот за здравство, Стево Крстевски и Фатон Ахмети. Таа ги прочита сите закони и подзаконски акти кои, со пропуштање односно со непостапување, овие лица ги прекршиле.

Петседателката на Анкетната Комисија ја искритикува МАЛМЕД што на Анкетната комисија наместо документи за Онкологија им доставиле две кутии со по 1.900 страници архивски материјали за тоа како во земјава се набавувал инсулин. Таа информира дека до Владата пратиле барање за доставување документи за работата на Клиниката за онкологија, при што посочи дека од Владата такви материјали не доставиле.

Мизрахи истакна дека имаат сублимат дека од страна на ЈЗУ Клиника за радиотерапија и онкологија прекршени се 37 закони и 31 законска одредба.

Таа додаде дека два месеца „дише со законите за здравствена заштита“ и благодарение на тој посветен пристап, утврдила, според законите, кој е виновен и пропуштал дејствија.

Мизрахи истакна дека не е првпат пратениците на СДСМ да бараат оставка од нејзе затоа што стои зад вистината и фактите.

Моите заклучоци не се базирани ни на политика ни на вендета. Имаше нервозна атмосфера кога ги прочитав, иако само ја следев законската патека за тоа како требало да функционира системот, а не функционирал. Денеска побараа мое разрешување заради тие заклучоци. Не е првпат. Ќе стојам зад вистината и фактите, рече Мизрахи.

Еден од заклучоците на пратениците на СДСМ беше да се променат законите, за што Мизрахи потенцира дека „не може да менувате закони и да тврдите дека се дефектни, а притоа воопшто не сте ги ни почитувале“.

The post Мизрахи: Од Клиниката за онкологија се прекршени 37 закони и 31 законска одредба appeared first on Република.

Добивме огромен материјал  од Министерството за здравство, од Клиниката за радиотерапија и онкологија, од Фондот за здравство и слично, но сиот материјал не беше систематизиран туку беше во целосен хаос и беше потребно време за да се среди. Но, не губевме време ја составувавме и листата на сведоци. Или двата процеси се одвиваа паралелено, рече Рашела Мизрахи, пратеник од ВМРО-ДПМНЕ и претседател на Анкетната комисија за случајот Онкологија во емисијата „Заспиј ако можеш“

Мизрахи информираше дека биле повикани вкупно 62 сведоци, а се појавиле пред 52 сведоци пред Анкетната. Според неа непојавувањето на десетмината сведоци отвори сомнеж дека нешто се затскрива.

„Целта на Анкетната комисија е да бара политичка одговорност. Мое лично мислење е дека јавното обвинителство може да постапи по извештајот од Државниот ревизор, од друга страна од самото гледање на хронологијата на настани недоследностите се јасни. Оттука е нејасно зошто на јавното обвинтелство му треба толку време за постапување. И нејасно е зошто обвинителството оди само во предистрага. Или се прави магла. Јавниот обвинител Љубомир Јовевски требаше пред Анкетната кмисија да даде одговори затоа што не беше јасно до каде е предистрагата, потоа и обвинителството и МВР велеа дека ја почнале истрагата. Ме загрижува однесувањето на јавното обвинителство“, рече Мизрхи.

Мизрахи посочи дека до неа стигнуваат информации од пациенти или роднини на починати пациенти на Клиниката за радиотерапија и онкологија за низа неправилности.

„Кога ќе ги прашам зошто не одите во органите надлежни за истрага и таму да ги кажете сознанијата и информациите велат дека немаат доверба. Тука е и стравот, а тој доаѓа од ситуацијата во која сме, која говори дека нема систем. Ова е траорна приказна во Македонија, исто како и случајот со модуларната болница во Тетово и на крајот ќе има одговорни со име и презиме и мора да има разврска за случајот Онкологија“, кажа Мизрахи.

Според неа скандалот Онкологија покажува колку во суштина не функционира ништо во државата.

„Ова е тенденциозен хаос. Скандалот покажува дека што подолго јавното обвинителство ја одолговлекува истрагата толку повеќе ги валка белите мантили во државата. Затоа мора да има разврска и посочување на одговорните, кажување на нивните имиња и презимиња“, изјави Мизрахи.

Мизрахи посочи дека доколку се почитуваат законите во оваа област, доколку се почитуваат протоколите и процедурите, а јасни се контролните механизми скандалот можел да се спречи.

„Случајот покажува дека не се почитуваат нормите, има само моќ и кажувања јас сум закон, јас ги креирам правилата. Во таква ситуација има погазување на законите и целосен хаос“, вели Мизрахи.

The post Mизрахи: Скандалот „Онкологија“ покажува колку ништо не функционира во државата appeared first on Република.

Претседателката на собраниската Анкетна комисија за скандалот во Клиниката за онкологоја, пратеничката Рашела Мизрахи во име на пратеничката група на ВМРО-ДПМНЕ поднесе предлог одлука со која, Анкетната комисија ќе ја продолжи својата работа за нови 30 дена заради, како што рече, појавувањето и нови информации поврзани со таа клиника и потребата од сослушување на експерти и поранешни и сегашни носители на јавни функции.

Досега се сослушани повеќе од 50 лица, поранешни и сегашни министри и заменици, директори, раководители на сектори, вработени во надлежните институци и тоа Министерство за здравство, ФЗО, МАЛМЕД, ДСЗИ, ЈЗУ Универзитетска клиника за радиотерапија и онкологија.

Во процесот на сослушувањето на овие лица се појавија нови и важни факти и околности за Анкетната комисија кои што можат да придонесат до конечното утврдување на прекршување на уставните и законските одредби како основ за утврдување на политичка одговорност. Дополнително, во текот на изминатите денови беа објавени нови сознанија за случајот со Онкологија, од кои може да се заклучи дека станува збор за основани сомневање за метастазирано диво месо во здравствениот систем и владеење на канцер мафијата“, рече Мизрахи и додаде дека оради тоа се наметна потребата да се испитаат и тие информации и да се прошири временскиот опфат и со месец април на што се однесува извештајот на ФЗО.

Пратнеичката Рашела Мизрахи ги повика пратениците да го поддржат предлогот на коалицијата на ВМРО-ДПМНЕ.

The post Мизрахи: Поднесовме предлог Анкетната комисија за Онкологија да продолжи со работа appeared first on Република.

Во скандалот Онкологија има интересни моменти. Во 2019 година се првите пишувања на медиумите кои стануваат многу чести. Тука беше и Државната ревизија која има и блага форма на заклучоци, а и сепак и покрај тоа што завршил надзорот со Извештај во 2023 година во март, продолжува инсистирање на медиумите кои алудираат дека се уште не е во ред ситуацијата на Клиниката за радиотерапија и онкологија. На сето ова јавното обвинителство почнува со некаква работа на почеток на септември годинава, рече Рашела Мизрахи, пратеник во Собранието од ВМРО-ДПМНЕ и претседателка на Анкетната комисија за случајот Онкологија на гостување во емисијата „За или против“ што се емитува на телевизија Алфа.

Мизрахи информираше дека за сведоци во Комисијата биле повикани нешто повеќе од 60 сведоци, а десеттина не се појавиле.

Тие што не одговорија, не се појавија се директно лица од Владата и оставаат црна дамка како да се работи за прикривање на докази. Сепак во трката со време се помина низ маса на материјали и можеше да се види што се случувало на Клиниката за радиотерапија и онкологија, рече Мизрахи.

Според неа случајот Онкологија е политички карцином кој навлегол во здравството, а притоа не се почитуваат никакви правни норми.

Има откажување на контролните механизми во здравствениот систем. Или нема ништо, нема протокол, процедури или има тенденциозен хаос, но тој немало да настане ако Министерството за здравство вршело надзор во сите аспекти во здравството. Значи каде било Министерството за здравство, министерот, потоа Фондот за здравство, рече Мизрахи.

Мизрахи укажа дека директорите на здравствените установи пишуваат извештаи за работа, се доставуваат до МЗ и ФЗО. Ако надлежните институции според неа имале увид и работеле по правила Клиниката немало да влезе во оваа ситуација.

На пример ФЗО кој би требало да има увид и ако работел како што треба Клиниката веројатно немала да влезе во оваа шема. Исто и Агенцијата за лекови врши надзор, потоа Државниот здравствен инспекторат. Има еден куп на контролни механизми и доколку биле надлежните за контрола вклучени и си ја работеле работата од 2019 до денес немаше да ја имаме оваа афера, рече Мизрахи.

The post Мизрахи: Десетина сведоци од Владата не се појавија пред Комисијата за Онкологија appeared first on Република.

Првичната моја лична цел беше анкетната комисија да не биде со затворени очи доколку тоа го правеле други институции, така да ги побаравме сите официјални документи и акти кои се поврзани со скандалот од Универзитетската клиника за радиотерапија и Онкологија, Министерството за здравство, ФЗОМ, Малмед, ДСЗИ итн“, истакна пратеничката и член на ИК на ВМРО-ДПМНЕ, Рашела Мизрахи во гостување во Дневникот на МРТ во „Тема на денот“.

Таа додаде дека доколку дефектурата била наредба за да се прави магла во функционирањето на здравствениот систем, да се блокира всушност извршувањето на законот тогаш не може да се каже дека ни имало недостатоци реални на медикаменти, туку дека имало малверзации во рамки на клиниката.

Самиот здравствен систем има свој закони, функционира по закони и доколку истите биле имплементирани би имало еден грст на контролни механизми кои не би допуштиле и до ден денеска да се знае за колкав број на пациенти се работи, колкав број на медикаменти, која е цената, јачината или количината на медикаменти кои се потребни. Доколку имате здравствена политика во рамки на одредена Влада односно Министерство за здравство, да ги укинете сите контролни механизми тогаш вие тенденциозно создавате хаос кој беше разгледан и на самата Анкетна комисија, се зборуваше за хаосот од укинувањето на „КАТО“ системот, електронската евиденција во Министерството за здравство, немањето протоколи до одлуки на управен одбор кој биле нонсенс со буџетот на клиниката што располага клиниката па дури и до степен каде министерството доставува наредба за одредена листа на медикаменти без истата да биде производ на реалните потреби на пациентите преку стручниот колегиум - изјави Мизрахи.

Таа посочи дека ако била пропишана патеката на движење на пациентите тогаш ќе имало точен увид за колку пациенти би изнесувала услугата за секој еден пациент да добие своја терапија.

Овој случај го нарекувам и политички карцином на здравствениот систем поради тоа што само политички карцином можел да доведе до ваква ситуација нарачан тенденциозен од Владата кон сите структури на здравствениот систем кој ја имале контролата на функционирање - кажа Мизрахи.

Таа заклучи дека во Македонија премногу често се зборува за реформи и нови законски решенија, но оваа држава од почетокот на своето постоење од 1991 година донела над 7 илјади законски решенија и закони за здравство има во оваа држава, но проблемот е што се дозволило да се прекршуваат законите да се оди преку нив или околу нив.

The post Мизрахи: Малверзациите во рамки на клиниката за Онкологија укажуваат на политички карцином на здравствениот систем appeared first on Република.

„Господине Јовевски, јас не сум правник, ниту адвокат, ниту обвинител, ниту судија, ниту сум од Вашата фела. Меѓутоа како пратеник, а и како човек во одредена држава, се снаоѓам читајќи закони и движејќи се по законите. Е, сега во аналитика дадена од политички аналитичари и луѓе кои што работеле во обвинителство во други држави се вели дека криминалот во државата особено масовниот, организиран криминал го води Владата, а само од 2 до 3% велат од криминалните дејанија можат да бидат неконтролирани од Владата на одредена држава – тоа е цитат. Меѓутоа припаѓам и сакам да припаѓам на една нова генерација на политичари па тука ги има многу од сите пратенички состави на млади политичари, неизвалкани од минатото кои што не се дел од ниедна шема од минатото, не должат на никого ништо и заради тоа имаат право да бараат вистина, систем и држава“, истакна Рашела Мизрахи, пратеник и претседател на Анкетната комисија.

Мизрахи додаде дека Извештаи шестмесечни кои што треба надлежниот директор да ги достави до министерот за здравство не постојат.

Спомнавте закони дека задачата на Собранието ќе биде да донесе нови законски решенија. Закони има во оваа држава особено во здравство. Значи еден куп закони. Е, сега спомнавте исто така дека имаме нејаснотија во однос на реалните потреби, имавте емотивен говор, колку медикаменти за сите пациенти треба да се набават. Закони и реални потреби, епа вака господине Јовевски, утврдено е со записник, како и преку документација дека стручен колегиум, потврден преку закон за неговото постоење за да даден налог за кои медикаменти да се набавуваат и како ќе се користат и како ќе се аплицираат во една клиника дава стручен колегиум. Не постои. Протоколи за апликација на медикамент – биолошка терапија не постојат. Извештаи шестмесечни кои што треба надлежниот директор да ги достави до министерот за здравство не постојат, нагласи Мизрахи.

Таа посочи дека ФЗОМ правел инспекциски надзор со едно око подзамижено, па заради тоа никогаш не го информирал Јовевски, Јавното обвинителство.

МАЛМЕД никогаш ништо не видело во веледрогериите по прашање на колку, на какви медикаменти се носат и дали истите навистина се поклопуваат со материјалните картички за влез и за излез во Онкологија. Па, и тие не Ве информирале за ништо“, нагласи пратеничката.

„ДЗСИ правел инспекциски надзор на кои што видело протоколи кои што никогаш не постоеле. Па, дури и разгледувало по 20 случаи на пациенти кои што се терапирани по протокол кој што никогаш не постоел. Има закони во оваа држава и според тие закони ако прашувате која би била политичката одговорност, таа е строго дефинирана во Законот за организација и работа на органите на државата каде што стои делот министерство за здравство“, појасни Мизрахи.

Пратеничката рече дека се бара политичка одговорност, но по хронологија.

https://youtu.be/vHlpEzjbaZY?si=pZBt0L5cYVKmCvOj

The post Мизрахи до Јовевски: ФЗОМ правел инспекциски надзор со едно око подзамижено appeared first on Република.

Во текот на вчерашниот ден беа објавени нови сознанија за случајот со Онкологија, од кои може да се заклучи дека станува збор за основани сомневање за метастазирано диво месо во здравствениот систем и владеење на канцер мафијата.Тоа се нови информации и сознанија од кои се јасни три работи, наведува Рашела Мизрахи, претседателка на Анкетната комисија.

Првата, Фондот за здравство нарачал и изготвил извештај од кој јасно се гледа дека скандалозното работење на Онкологија, основаните сомнежи за заработка на грбот на болните пациенти, и несоодветен третман на заболените од рак се случува и денес и тоа не е престанато.

Втората работа е дека, и покрај доволните складирани количини на лекови, омилени веледрогерии на власта и денес набавувале огромни количини лекови за суми кои се изразени во милиони евра.

Трето се сознанијата дека лековите за болните од рак на Клиниката за радиологија и онкологија биле давани на рака на пациентите, во торбиче, спротивно на медицинските протоколите. За тоа Клиниката фактурирала како таа да ги аплицирала лековите, а чија судбина и начин на употреба понатаму не е позната. почитувана јавност, ова е грозоморен скандал, каде се прави заработка од тешката болест на многу луѓе.

Ова значи дека дивото месо е длабоко вкоренето во здравствениот систем.

Овде се работи за мафијашки систем на злоупотреба на скапа терапија на клиниката за Онкологија кој траел вклучително и во 2023 година, што предизвикало екстремен трошок за здравството, штета на буџетот и најстрашно од се, сето ова е правено на сметка на пациенти кои или не добивале терапија или ненавремено ја добивале.

Јавноста заслужува одговори.

https://www.youtube.com/watch?v=sQtD9DHUZEw&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Денес е последниот ден за сослушување на сведоци и експерти на анкетната комисија за истражување на случајот за Онкологија. Досега се сослушани 49 сведоци и експерти, а 10 лица не се појавија иако беа уредно поканети и имаа обврска да се појават.

Овие нови сознанија за случувањата на Онкологија ја наметнува потребата да се испитаат сите нови информации и да се продолжи рокот на работата на комисијата и да се прошири опфатот на периодот на кој таа се однесува вклучително и тековниот период од април 2023та година на кој се однесува извештајот на ФЗО.

Вистината за канцер мафијата мора да се знае.Одговорност за дивото месо во здравството ќе има, со име и презиме.

The post Мизрахи: Случајот „Онкологија“ е метастазирано диво месо во здравствениот систем appeared first on Република.

Пратеничката Рашела Мизрахи во интервјуто за „Република“  детално објасни што се случувало на Клиниката за Онкологија. Таа го нарече апсолутен хаос она што досега го видела од работа на Анкетната комисија, посебно дописот од  2018-година  до Клинката од Министерството под назив НАРЕДБА од министерот Венко Филипче.

Во неа се наредувало на Клиниката да го отстапи основниот буџет и да потпише договор со Министерството за набавка на биолошка терапија.

https://republika.mk/vesti/makedonija/mizrahi-so-sluchajot-onkologija-ke-stigneme-do-vistinata-kakva-i-da-e/

Во Клиниката има раководители на сектори кои би требало да го сочинуваат стручниот колегиум кој одлучува за кој пациент која терапија и во која количина.Тој список се носи до директорот кој преговара со Министерството за здравство кое треба да даде согасност за набавка на тие медикаменти меѓутоа и ФЗОМ кој што треба да даде согласност од финансиски аспект.Без двете согласности Клиниката не може да направи набавка на медикаменти.Големото прашање е како директорот одлучил кои медикаменти и во кои колични и јачини доколку немало стручен колегиум.Има многу дописи до Министерство за здравство за набавка на биолошка терапија почнувајќи со седум медикаменти завршувајќи со 31 медикамент, секој список различен од претходниот, со различни медикаменти, различни количини и јачини.Симптоматично е што и бројот на пациенти кој што е листиран сериозно флуктуира во разлика од само 20 дена.Бројот на листирани пациенти на почетокот на мај месец е четири а на крајот 35. Ова е еден апсолутен хаос.Во август 2018 стига еден допис до Клинката од Министерството под назив НАРЕДБА од министерот Венко Филипче.Во неа се наредува на Клиниката да го отстапи основниот буџет и да потпише договор со Министерството за набавка на биолошка терапија.Во ред е министерството да прави групни набавки за да ја намали цената на скапата терапија.Не е во ред што во таа наредба има табела на медикаменти кои што се наредени да се набавуваат од Клиниката.Како еден министер би знаел со што треба да лечи одредена клиника.Дури и да беше онколог ќе беше дискутабилно а не неврохирург кој одлучува со што ќе терапира Онкологија.Тоа е многу симптоматично.Од секторот за јавни набавки беше повикана како сведок Тања Пехчевска на која и беше упатено ова прашање како се формулира листата за групна набавка и како одлучиле за тие медикаменти но таа не можеше да се сети како е подготвена тендерската постапка.Агрегирањето на долгот на Клинката настанува веднаш во првата година.До долгот на клиниката се дошло со непланско работење.

https://www.youtube.com/watch?v=VkPkvDEpBG8&t=661s

The post Мизрахи: Филипче во 2018 година праќа допис до Онкологија со наслов „Наредба“ appeared first on Република.

Претседателката на Анкетната комисија за случајот „Онкологија“ во интервјуто за „Република“ објасни дека сите засегнати дале изјави  во насока на расчистување на овој случај, освен еден, а тоа е поранешниот министер Венко Филипче.

https://www.youtube.com/watch?v=VkPkvDEpBG8&t=464s

Филипче бил должен да знае.По закон тој е должен да знае што се случува со јавните здравствени установи.Во најмала рака би било апсурдно да не знае што станува во терциерното здравство.Тој даде еден збир на конфузни одговори дури и за набавката на КАТО.Неговите одговори беа воглавно сумирани во една реченица, не се сеќавам или не знам-вели Мизрахи во интервјуто за „Република“.

The post Не знам и не се сеќавам беше најчестиот одговор на Филипче пред Комисијата за онкологија appeared first on Република.

Сите досега повикани во Анкетната комисија за случајот „Онкологија“ дадоа изјави во насока на расчистување на овој случај, освен еден, а тоа е поранешниот министер Венко Филипче кој е актуелен министер токму во периодот кога настанува набавката и извештајот за биолошката терапија на Онкологија, објаснува претседателката Рашела Мизрахи за „Република“.

Неговите одговори беа воглавно сумирани во една реченица, не се сеќавам или не знам-вели Мизрахи во интервјуто за „Република“. Во спектрумот на политичка одоговорност министерот бил должен да знае. Директорот на Фондот бил должен да знае.Дека има политичка одговорност ќе се види понатаму со заклучоците.Многу е интересно како е можно министерот што е назначен од Влада и директор на ФЗОМ двајцата да знаат различни аспекти или ништо да не знаат истовремено а на Онкологија да биде санкционирана секоја процедура што е законски или подзаконски пропишана-објаснува Мизрахи.

Пратеничката детално објасни што се случувало на Клиниката за Онкологија.

Во Клиниката има раководители на сектори кои би требало да го сочинуваат стручниот колегиум кој одлучува за кој пациент која терапија и во која количина.Тој список се носи до директорот кој преговара со Министерството за здравство кое треба да даде согасност за набавка на тие медикаменти меѓутоа и ФЗОМ кој што треба да даде согласност од финансиски аспект.Без двете согласности Клиниката не може да направи набавка на медикаменти.Големото прашање е како директорот одлучил кои медикаменти и во кои колични и јачини доколку немало стручен колегиум.Има многу дописи до Министерство за здравство за набавка на биолошка терапија почнувајќи со седум медикаменти завршувајќи со 31 медикамент, секој список различен од претходниот, со различни медикаменти, различни количини и јачини.Симптоматично е што и бројот на пациенти кој што е листиран сериозно флуктуира во разлика од само 20 дена.Бројот на листирани пациенти на почетокот на мај месец е четири а на крајот 35. Ова е еден апсолутен хаос.Во август 2018 стига еден допис до Клинката од Министерството под назив НАРЕДБА од министерот Венко Филипче.Во неа се наредува на Клиниката да го отстапи основниот буџет и да потпише договор со Министерството за набавка на биолошка терапија.Во ред е министерството да прави групни набавки за да ја намали цената на скапата терапија.Не е во ред што во таа наредба има табела на медикаменти кои што се наредени да се набавуваат од Клиниката.Како еден министер би знаел со што треба да лечи одредена клиника.Дури и да беше онколог ќе беше дискутабилно а не неврохирург кој одлучува со што ќе терапира Онкологија.Тоа е многу симптоматично.Од секторот за јавни набавки беше повикана како сведок Тања Пехчевска на која и беше упатено ова прашање како се формулира листата за групна набавка и како одлучиле за тие медикаменти но таа не можеше да се сети како е подготвана тендерската постапка.Агрегирањето на долгот на Клинката настанува веднаш во првата година.До долгот на клиниката се дошло со непланско работење.

На прашањето дали сево ова и наликува на злосторничко здружување Мизрахи вели.

Лично како човек , не како претседател на анкетната комисија ова не изгледа на добро.

Таа е децидна дека не може да се изземе од вина или од одговорност поранешниот министер Филипче.

Министрите мора да имаат контрола над ресорот кој го водат.Ние досега не видовме по документација ништо освен централизирано одлучување. И за одлучувањето на таа биолошка терапија кој ќе ја добие а кој не ја добива било централизирано и целосно зависно од потписот на директорот.Значи не лекарот кој ве лекува туку директорот дава амин дали некој пациент ќе добие или нема да добие терапија. Филипче бил должен да знае.По закон тој е должен да знае што се случува со јавните здравствени установи.Во најмала рака би било апсурдно да не знае што станува во терциерното здравство.Тој даде еден збир на конфузни одговори дури и за набавката на КАТО системот-наведува Мизрахи .

Мизрахи ја објасни процедурата по завршувањето на работата на Анкетната комисија.

На крајот се изготвуваат заклучоци.Во овој случај  се прекршени сите законски решенија..Нема ни еден закон кој не бил осакатен.Буквално се случувал незаконски башибозук.Сѐ е вон закон.Ќе бараме и политичка одговорност која ќе биде во прва  и во втора линија.Заклучоците се проследуваат до Собранието а ќе одлучиме дали ќе бидат проследени и до Обвинителството. Се надевам дека ќе стигнеме до вистината каква и да е-одлучна е пратеничката.

Целиот разговор слушнете го во видеоинтервјуто кое го водеше Игор Чавески

https://www.youtube.com/watch?v=VkPkvDEpBG8&t=464s

The post Mизрахи: Со случајот „Онкологија“ ќе стигнеме до вистината каква и да е appeared first on Република.

Поранешниот министер за здравство Венко Филипче морал да знае што се случува во Клиниката за онкологија, вели Рашела Мизрахи претседателката на Анкетната комисија за случајот „Онкологија.

Филипче бил должен да знае.По закон тој е должен да знае што се случува со јавните здравствени установи.Во најмала рака би било апсурдно да не знае што станува во терциерното здравство.Тој даде еден збир на конфузни одговори дури и за набавката на КАТО системот-наведува Мизрахи во интервјуто за „Република кое ќе биде објавено утре.

@republika.onlineмм

♬ original sound - Republika online

The post Мизрахи: Филипче бил должен да знае што се случувало на Клиниката за онкологија appeared first on Република.

Претседателката на Анкетната комисија за скандалот на Онкологија и пратеничка од ВМРО-ДПМНЕ, Рашела Мизрахи во емисијата „10 Минути“ на ТВ21 истакна дека Анкетната комисија не бара кривична туку политичка одговорност и дека при сведочењето пред комисијата двајцата министри Беким Сали и Фатмир Меџити велеле дека доколку тоа се случувало во времетраење на нивните мандати, тие се подготвени да сносат лична одговорност, додека пак екс министерот Венко Филипче имал плејада на одговори „Не знам“, меѓу кои и дека не знаел за постоењето на КАТО системот за следење и контрола на лековите, а бил советник на тогашниот министерот за здравство, Никола Тодоров кога системот е набавен.

За мене интересно беше што, во однос на тројцата министри за кои разговараме, министрите Беким Сали и Фатмир Меџити рекоа ‘доколку ова се случувало во времетраење на моето раководење со министерството, ќе сносев лична одговорност, ќе сметав дека сум одговорен и ќе сносев политичка одговорност напуштајќи ја функцијата‘, само еден министер Венко Филипче на многу од прашањата во времетраење од 2 часа и 45 минути имаше плејада на одговори „Не знам, не знам, не знам“ меѓу кои и беше и одговорот не знам за постоењето на КАТО системот, што е исклучително интересно со оглед на тоа дека бил советник на тогашниот министер Тодоров кога е набавуван самиот КАТО систем, вели Мизрахи.

Додаде дека за нејзе, „Не знам“ е најстрашниот одговор за политичка фигура која што била на раководна позиција, каде што политичката функција не ви овозможува да правите што сакате, туку ви овозможува да раководите политички во рамки на законите кои што се предвидени во дадениот сектор, значи се раководи согласно закони.

Минситерот за многу работи е должен, така е пропишано во законот, тука го имаме Законот за здравствена заштита, Законот за здравствено осигурување и други подзаконски акти и документи во кој што тој е должен да знае што се случува во неговиот сектор. Одговорот „Не знам“ за мене е апсолутно неприфатлив и сметам дека господинот Венко Филипче, и можеби и подоцна во текот на сослушувањата ќе биде уште еднаш повикан, согласно документацијата која што ќе ја разгледуваме, да можеби се потсети на некои од работи од минатото. Интересно е што на пример од раководителите на ФЗО имавме убави солидни одговори, меѓутоа кои што не се поклопуваа во делот на контролната улога на ФЗО. Значи министерот бил должен да знае и бил должен да знае за функционирањето на целокупниот систем, вклучувајќи го и Фондот за здравствено осигурување, меѓутоа и директорите на фондот биле должни, преку своите надлежности, да знаат што се случува. Зошто? Заради тоа што во фондот имате сектор ‘контрола’, истакна Мизрахи.

Мизрахи посочи дека, согласно извештајот на ДЗР, кој што е доставен до сите членови и заменици членови на комисијата, директорот со свој потпис одлучувал кои пациенти ќе добијат биолошка терапија на Онкологија.

Во извештајот на Државниот завод за ревизија, ние допрва ќе ја отвориме и целата документација на онкологија која што е доставена до сите членови, заменици членови на Анкетната комисија. Јас лично ја имам разгледувано, меѓутоа не е помината на седница формално за да давам исказ по истата. Согласно извештајот на Државниот завод за ревизија кога терапијата била препишувана за одреден пациент, зборувам за биолошката терапија, не стигало до требување во депо на самата терапија, туку се барало, била централизирана моќта, директорот конечно да овласти со своерачен потпис преку целиот лист хартија, дали тој пациент ќе ја добие или нема да ја добие“, рече Мизрахи на што новинарот запраша, значи директорот на клиниката одлучувал кој пациент ќе добие терапија, а кој не, при што Мизрахи одговори „Биолошка терапија, да, апсолутно да“.

Понатаму новинарот констатира дека сепак за тоа морало да има стручен колегиум, на што Мизрахи јасно посочи дека во овој случај таков колегиум немало, што, меѓу другото, преставува прекршување на статутот на самата клиника.

Таа додаде дека остава можност, Анкетната комисија да утврди што точно се случувало на клиниката, ќе ги видат документи и ќе ги ислушаат сите сведоци, меѓутоа согласно документацијата од ДЗР е ова што до сега го кажува.

The post Мизрахи за Онкологија: Директорот без стручен колегиум со своерачен потпис одлучувал кои пациенти ќе добијат биолошка терапија appeared first on Република.

Пратеничката од ВМРО-ДПМНЕ, Рашела Мизрахи која е и прв човек на Анкетната комисија за онкологија поранешниот министер за здравство, Венко Филипче го праша како спроведувал тендери кога бил министер за здравство кога не добивал спецификација од Клиниката за онкологија за тоа какви лекови треба, колкава количина.

Како сте правеле тендери за набавка на лекови кога никогаш не ви доставила спецификација за лекови, количини за лекарствата“, го праша Мизрахи, поранешниот министер за здравство, Филипче кој денеска беше на распит во Анкетната комисија.

Мизрахи посочи дека ова е тема на која не смее да има било какви политизирања.

https://republika.mk/vesti/makedonija/venko-filipche-ne-stignala-informatsija-do-mene-deka-vo-2020-godina-na-onkologija-sestrata-kradela-tsitostatitsi/

Ниту се обидувам, ниту би се обидела да политизирам ваква тема и ваква расправа во Собранието. Рековте дека немате забелешки на ревизорскиот извештај за Онкологија кој вели дека немало стручен колегиум кој би ја има соодветна листа, а ревизорот достави листа до сите пратеници и доказ за тоа еве ја листата нема ништо. Како правите тендер за одредени лекови за количини кога никогаш не ви доставиле спецификација, му посочи Мизрахи на Филипче.

На Анкетната комисија на распит минатата недела беше и претходниот министер за здравство, Беким Сали.

Анкетната комисија беше формирана на иницијатива на ВМРО-ДПМНЕ со цел да се разреши овој монструозен случај на Онкологија.

The post Мизрахи до Филипче: Како сте правеле тендери за набавка на лекови кога Клиниката никогаш не ви доставила спецификација appeared first on Република.