Новак Ѓоковиќ на својот инстаграм профил објави порака со поддршка на српските момчиња на кои на Божиќ беше пукано и беа ранети на Косово.

Стефан (11 години) и Милош (21 година) беа ранети откако припадникот на косовските безбедносни сили, Азем Куртај,  пукаше во нив додека се враќале од сечење бадникови гранки.

Новак мошне длабоко бил погоден од оваа вест и сподели фотографии од Немања Недовиќ и српските ракометари кои носат маички со имињата на двете ранети момчиња.

The post Новак Ѓоковиќ, кошаркарот Немања Недовиќ и српските ракометари со маици со имињата на двете ранети момчиња на Косово appeared first on Република.

Основниот суд во Урошевац денеска му одреди едномесечен притвор на А.К., осомничениот кој на 6 јануари кај Штрпце пукаше и повреди две српски момчиња.

Осомничениот, како што јавуваат медиумите во регионот, се товари за тешко убиство во обид, употреба на опасно орудие или алат и предизвикување општа опасност.

Во судското соопштение се нагласува дека тој намерно се обидел да им го одземе животот на повредените М.С. и С.С.

Неговиот адвокат Наим Ферати изјави дека неговиот клиент патувал за Брезовица, кога неговиот автомобил бил опколен од толпа луѓе кои славеле. Тој вели дека неговиот автомобил бил нападнат со тешко оружје, а во обид да го избегне нападот „пукал со пиштолот на земја и во воздух“.

„На повредените во овој случај им посакуваме брзо закрепнување и изразуваме жалење за ненамерниот настан и моментот во кој се случил. Во петокот, додека мојот клиент и пријател патуваа за Брезовица на ручек, на пат беа запрени од толпа граѓани кои се забавуваа на улица и кои го блокираа автомобилот на мојот клиент и на тој начин неочекувано го нападнаа “, рече адвокатот на А.К., Наим Ферати, пренесува „Коха диторе“.

„Фатен во овие околности, чувствувајќи се загрозен од сериозен напад од толпа луѓе, со намера да побегне оттаму, го извадил револверот и држејќи го во ниска положба и не вперувајќи го кон никој, го испукал првиот истрел на земја, а потоа и во воздух“, додаде тој.

Ферати рече дека кога дознал дека има повредени, го известил семејството, но и косовската полиција.

„Од ова е јасно дека мојот клиент немал намера да пука или повреди некој граѓанин, туку целиот настан бил разработен во самоодбрана“, вели тој.

Во судското соопштение се наведува дека судијата на претходната постапка на Одделот за тешки кривични дела оценил дека постои сомнение дека во село Штрпце А.К. намерно се обидел да им ги одземе животите на жртвите М.С. и С.С.

„Додека се движел со својот автомобил и кога пристигнал на влезот во селото, забележал неколку граѓани на крајот од патот и за да ги оддалечи, свирел со колата, не можејќи да оди понатаму, го запрел автомобилот. По вербална расправија на лице место извадил револвер и пукал двапати, удирајќи ги повредените, а поради тоа повредениот се здобил со физички повреди и најпрвин бил препратен во Здравствениот дом во Штрпце, а потоа во болницата во Грачаница“, се вели во соопштението на Судот.

The post Притвор од месец дена за човекот кој пукаше во две српски момчиња на Косово appeared first on Република.

Неколку илјади луѓе денеска протестираа во Штрпце поради ранувањето на две момчиња со огнено оружје, јави БЕТА.

Врз двете момчиња на 11 и на 21 година во петокот беше пукано од возило во движење. Напаѓачот, припадник на косовските безбедносни сили подоцна беше уапсен.

На протестот присуствуваа и Срби од другите делови на Косово, како и политички лидери на Србите во Косово, претставници на Српската листа, како и претседателите на српски општини.

Претседателот на општина Штрпце и потпретседател на Српската листа, Далибор Јевтиќ изјави дека Србите денеска се собрале на протестот, бидејќи биле принудени да страдаат.

Тој додаде дека политиката во Приштина доведе до тоа поединци да мислат дека можат слободно да пукаат во српски деца.

Јевтиќ и порача на меѓународната заедница дека е време да се „вразуми“ косовскиот премиер Албин Курти.

На приодот кон Штрпац беа присутни неколку патроли на косовската полиција и на КФОР.

The post „Стоп за насилството над Србите“: Илјадници на протестот за двете застрелани момчиња во Штрпце appeared first on Република.

Албанските медиуми на Косово и Метохија објавија фотографија од уапсениот Албанец А.К. (33) осомничен дека околу 15.00 часот пукал во двајца Срби кај Штрпац.

Тој е уапсен на 20 километри од местото на престрелката, поточно во селото Превалац, на патот меѓу Призрен и Штрпце. Според неофицијални информации на Индексот, А.К. наводно е припадник на таканаречените косовски безбедносни сили. Осомничениот е однесен на распит во Урошевац.

Како што се наведува во соопштението, „по интензивна истражна работа, подрачната полиција Урошевац собрала информации на терен, го идентификувала и потоа го уапсила осомничениот А.К на возраст од 33 години“.

Осомничениот за нападот на две српски момчиња А.К., за албанските новинари изјави дека се чувствува невин во врска со случајот со кој е поврзан.

Индексонлајн го контактирал неколку минути пред да и се предаде на полицијата. Ја чекал полициската патрола во Превалац, кога пристигнала рекол само: Само што дојдоа, пишува Indexonline.

Осомничениот е под надзор на Урошевачката полиција, односно Подрачното одделение за истраги за други истражни дејствија, се наведува во соопштението.

Да потсетиме, двајца Срби Стефан С. (11) и Милош С. денеска се ранети додека оделе да земат бадникови гранчиња.

Децата оделе по бадникови гранчиња и пееле. Во еден момент пред нив застана приватен автомобил кој се движел од правец на Брезовица кон Урошевац. Кога ги видел, излегол од автомобилот, извадил пиштол и без двоумење пукал. Тој го ранил во рамото 11-годишното малолетно момче С.С., а во раката 21-годишниот Милош Стојановиќ, изјави директорот на Здравствениот дом во Штрпце на Косово и Метохија, д-р Саша Крстичиќ во изјава за Спутник.

The post Уапсен Албанецот кој пукал во српските момчиња, не се чувстувувал виновно appeared first on Република.

Koсовскиот премиер Албин Курти не дозволува директорот на Канцеларијата за Косово и Метохија, Петар Петковиќ,  да ги посетува ранетите српски деца.

Косовски Албанец вчера на Бадник пукал во братучедите.

Курти вечерва ми забрани да ги посетам повредените српски момчиња Милош и Стефан во болницата во Грачаница! Иако побарав да ми дозволат да ги посетам ранетите, наидов на блокада. Никој не може да ја спречи вистината за маките на нашите деца! Дали се ова европски средства, напиша Петковиќ.

Стефан (11) и Милош Стојановиќ (21) беа ранети во Готовуша кај Штрпце. Тие добиле лекарска помош во блискиот Здравствен дом, а потоа ги испратиле на хируршкото одделение во Грачаница.

Србија повика меѓународната заедница да реагира затоа што Србите на Косово ни на празник не се безбедни.

The post Курти не му дозволува на Петковиќ да ги посети повредените Милош и Стефан во болницата во Грачаница appeared first on Република.

Премиерката на Србија, Ана Брнабиќ објави вознемирувачка снимка од ранетото момче од Србија Стефан Стојановиќ (11), кое денеска беше рането во близина на Штрпце.

– Ова е Стефан. Тој има 11 години. Тој беше застрелан денеска, на Бадник, само затоа што е Србин. Покрај него, бил застрелан уште еден млад Србин, Милош, кој има 21 година. Секој треба да одвои две минути за да го погледне ова видео. Оваа слика е вистинското лице на ситуацијата во Косово – напиша Брнабиќ на својот Твитер профил.

This is Stefan. He is 11 years old. He has been shot at today, on the Orthodox Christmas Eve, just because he is Serbian. Along with him, another young Serb, Miloš, who's 21, has been shot at. Everyone should spare 2 min to look at the video. This image is a true face of Kosovo*. pic.twitter.com/8pKpUSNt8D

— Ana Brnabic (@anabrnabic) January 6, 2023

The post Брнабиќ објави вознемирувачко видео од погоденото момче на Косово appeared first on Република.

Косовската полиција извести дека по приведувањето на А.К., осомничениот за ранувањето на две момчиња, регионалната полиција во Урошевац го пронашла оружјето со кое најверојатно се извршило кривичното дело.

Полицијата го запленила и автомобилот за кој се претпоставува дека осомничениот го користел за време на инцидентот.

The post Полицијата го пронајде оружјето со кое е пукано во српските момчиња appeared first on Република.

Припадник на косовските безбедносни сили е уапсен за пукањето на две момчиња на Северот на Косово.

„Две момчиња од Србија, братучедите Стефан Стојановиќ (11) и Милош Стојановиќ (21) беа ранети денеска во Готовуша кај Штрпце кога без причина локален Албанец пукал во нив од возило во движење“, објави Канцеларијата за Косово во српската влада.

The post Ранетите момчиња на Косово се братучеди, пукал припадник на безбедносните сили appeared first on Република.

Канцеларијата на Владата на Србија за Косово и Метохија денеска соопшти дека бара итна и одлучна реакција на меѓународната заедница, по повредувањето на две момчиња во Готовуши во близина на Штрпце.

Врз момчињата било пукано од возило во движење, при што едниот е застрелан во рака, а другиот во рамо. Тие се хоспитализирани во Грачаница.

Од Канцеларијата за КиМ тврдат дека, иако неколку очевидци ја виделе регистрацијата на возилото од кое се пукало, но локалната полиција го пропуштило возилото со осомничените.

Поради инцидентот Србите од Косово го блокираа регионалниот пат Штрпце – Урошевац.

The post Oва е ранетиот Србин на Косово: Полицијата го пропуштила возилото со пукачите appeared first on Република.