Косовската полиција соопшти попладнево дека убила еден од осомничените за грабежот што се случи на 22 ноември, кога од златарница во градот Сува Река беше украден накит во вредност од околу 250 илјади евра, при што беа ранети и двајца полицајци, јави дописникот на МИА од Приштина.

Според полицијата, осомничениот рабојник, идентификуван од медиумите како Дукаѓин Гаши (Д.Г. според полициското соопштение), познат на органите на редот поради неговото криминално минато, бил убиен во самоодбрана, односно откако отворил оган кон полицијата која отишла на местото во приштинската населба Драгодан, за кое имала информации дека се засолнети разбојниците.

Во соопштението на нејзината официјална веб-страница, полицијата информира дека во врска со случајот се приведени четири лица и дека едно, за кое се вели дека е брат на убиениот, е во бегство.

Според полицијата, осомничените се со криминални досиеја за кривични дела, како убиство, разбојништво, тешки кражби, напади, закани, телесни повреди, принуда, поседување оружје без дозвола и сл.

Во текот на истрагата за грабежот во Сува Река, претходно, пред денешната полициска акција, беа уапсени три лица, за кои се претпоставува дека им помогнале на извршителите на грабежот во текот на неговото планирање и изведба.

Полицијата соопшти дека во денешната акција е повреден полицаец, но дека неговиот живот е надвор од животна опасност.

Во текот на полициската акција, осомничениот отвори оган врз полициските службеници, директно загрозувајќи ги нивните животи, при што е повреден полициски службеник. Полицајците во самоодбрана беа принудени да употребат пропорционална сила, при што успеаја да неутрализираат еден осомничен, додека други четворица осомничени беа уапсени. Бројот на досега уапсените лица достигна до седум, еден е неутрализиран, а по друг сé уште се трага, се наведува во соопштението.

The post Убиен еден од ограбувачите на златарница во Косово, ранет полицаец и приведени седум лица appeared first on Република.

Управата за извршување на санкции, по синоќешниот случај во кој осуденик пукал во затворски полицаец и побегнал додека го носеле во болница, најави дека ќе направи вонреден надзор во КПУ Идризово и за сите утврдени неправилности ќе преземе соодветни мерки со цел да се утврди зошто не била обезбедена полициска асистенција за спровод до болница. Ќе се утврдува дали постои одговорност за организацијата на спроведувањето на осуденикот, како и за пропустите кои довеле до ваква разврска на целиот настан. Издадена е и наредба за распишување на централна потерница.

УИС во соопштение наведе дека синоќа околу 23,20 часот при спровод на осуденото лице Б.М. (36) од КПУ Идризово во Ургентниот центар „Мајка Тереза“ поради повреда на десната рака, на автопатот кон Скопје кај бензиската пимпа на Лукоил, службено возило било пресретнато од возило марка „ауди” со сива боја без регистерски таблички кое им го блокирало патот.

Осуденото лице во тој момент му го одзел службениот пиштол од футрола на затворскиот полицаец И.Х., кој го возел комбето, пукало во него и го повредило во долниот дел на стомакот. Поради повредата, возачот го запрел возилото, а осуденото лице се дало во бегство со патничкото возило „ауди”. Вработените во затворската полиција го пријавиле случајот во СВР Скопје, појаснуваат од УИС.

Повредениот затворски полицаец е префрлен во болница на натамошно лекување, а со учесниците на настанот извршени се разговори од страна на надлежните на МВР.

Осуденото лице Б.М. од Тетово било осудено на вкупна казна од 21 година затвор, од кои 19 за убиство и две за неовластено производство и пуштање во промет на наркотични дроги, психотропни супстанции и прекурсори. Казната ја издржува од 28.12.2020 година, а истекува на 17.04.2040 година.

The post Потерница за избеганиот Беким Мемети, кој требало да излезе од „Идризово“ во април 2040 година appeared first on Република.

Затвореникот Беким Мемети, кој синоќа рани затворски полицаец на пат кон болница и избега бил осуден на затворска казна за убиство извршено во 2016 година во тетовска Мала Речица, открива Телма.

Мемети првично бил осуден во отсуство, а во 2020-тата година бил уапсен во Берлин во Германија по што бил екстрадиран. Му била повторена постапката во суд и повторно е осуден на долгогодишна затворска казна.

Во септември 2016 година на улица 188 во Мала Речица имало расправика меѓу две групи при што едно лице загинало, за што бил обвинет и осуден Мемети, кој сега повторно е во бегство.

МВР тогаш објави детали за убиството со следното соопштение:

Во пресметката учествувале А.Б. (33) и Б.М. (30) од една страна и Х.М. (37), М. Х. (34) и Х.К. (39) сите од Тетово. Б.М. со огнено оружје почнал да пука кон Х.М., М.Х. и Х.К.

Х.М. починал на самото место, а Х.К. и М.Х. добиле прострелни рани.

Телото на починатиот е предадено на обдукција. Тетовската полиција презема мерки за пронаоѓање на сторителите и целосно расчистување и документирање на случајот, по што ќе биде поднесена соодветна пријава.

Бегалецот Мемети беше најден во Германија, а синоќа во чудни околности успеа да избега од комбе на затворската полиција на пат кон болница. Пријавено е дека Мемети успеал да го земе пиштолот од возачот на комбето покрај уште тројца затворски полицајци, да го рани затворскиот чувар со неговото службено оружје и да избега со автомобил кој бил во близина на местото на инцидентот. Бегството е прикавено во 23:30 синоќа.

The post Избеганиот затвореник Беким Мемети осуден за убиство во Мала Речица, бил екстрадиран од Германија пред 2 и пол години appeared first on Република.

Полицаецот кој беше ранет при филмското грабнување на затвореник кој отслужувал затворска казна во Идризово е пренесен на КАРИЛ.

Се работи за потешка повреда, ранет е во ногата, но и во бешиката.

Околу полноќ на патот Скопје - Велес беше пресретнато затворско комбе кое пренесувало затвореник кој бил на лекување. Напаѓачите биле вооружени, раниле еден полицаец и го грабнале затвореникот, кој во КПД „Идризово“ одлежувал казна затвор од 20 годони заради убиство.

Станува збор за лице со иницијали М.Б. од Тетово.

The post Полицаецот ранет во грабнувањето на затвореник пренесен на КАРИЛ appeared first on Република.

Еден припадник на затворската полиција од КПУ Идризово е ранет вечерва откако нивното возило било пресретнато и нападнато при транспорт на затвореник кој добивал лекарска помош.

Инцидентот се случил ноќеска околу полноќ кога и побегнал затвореник кој ја издржувал својата казна во затворот во Идризово. Тој како Итен случај бил транспортиран до болница. Откако бил прегледан и повредите му биле третирани, на враќање кон затворот успеал да побегне од возилото. При бегството ранет е еден од полициските службеници кои го обезбедувале.

Официјално, еден од затворските службеници кои го превезувале грабнатиот затвореник од затворот Идризово е застрелан.

Напаѓачите биле вооружени, го застанале комбето со патничко возило “ауди” со сива боја, под закана го одземале оружјето на двата службеници и со службеното оружје е застрелан еден од полицајците.

Како што се дознава, станува збор за затвореникот со иницијали М.Б., од Тетово кој во затворот Идризово издржувал казна за убиство во висина од 20 години.

Повредениот службеник е префрлен во болница, пукано е во него во нога и за среќа нема човечки жртви во немилиот настан.

The post Филмско грабнување на затвореник, застрелан и затворски полицаец: Познат идентитетот, лежел 20 години за убиство appeared first on Република.