Заменик претседателката на СДСМ, Сања Лукаревска, во рамките  караванот „Рамо до рамо, до победа“ денеска беше меѓу граѓаните на Гостивар.

Лукаревска рече дека СДСМ, како одговорна и државотворна партија ќе стори сé за да продолжи напредокот кон Европската унија но дека одговорност имаат сите политички партии.

-СДСМ ќе направи се за да продолжи европскиот пат, да продолжи напредокот кон ЕУ. Одлуката за ЕУ е одлука за иднината и сите политички партии имаат одговорност. Затоа треба да ја поддржат. Сега е време да застанеме заедно и дијалогот да продолжи. Ние подадовме рака, ДПМНЕ го смени ставот, не се против уставни измени, прифаќаат учество во заедничка Влада, признаваат легитимитет на Собранието. Даваме уште време и повикуваме во интерес на земјата што поскоро да продолжи разговорот за уставните измени. Се работи за реализација на стратешка, надпартиска цел за членство во ЕУ, рече Лукаревска.

Заменик претседателката на СДСМ нагласи дека, во време кога државата има историска шанса за исчекор во евроинтеграциите, со силна и јасна меѓународна поддршка за членство во ЕУ со признаен македонски јазик и идентитет, политичките калкулации треба да се остават на страна.

-Граѓаните сакаат да бидат дел од Европската унија и немаат време за губење. Затоа што знаат дека членство во ЕУ значи подобар и повисок животен стандард, подобри услови за бизнис, повеќе шанси за младите, затоа го поддржуваат европскиот концепт, наспроти концептот на блокади и враќање назад, порача заменик претседателката на СДСМ, Сања Лукаревска во Гостивар.

The post Лукаревска рамо до рамо со гостиварци appeared first on Република.

Теренските активности на СДСМ „Рамо до рамо, до победа“, продолжија денеска на средби со граѓаните на општините Радовиш, Гевгелија и Долнени.

Меѓу граѓаните на Радовиш беше членот на ЦО на СДСМ Благој Бочварски, кој заедно со Фарук Омери, се осврна на инвестициите во инфраструктурните проекти, со кои се гради патот кон Европска Македонија.

Го сменивме ликот на Истокот, од заборавен и запоставен регион, создадовме регион со најдобро сообраќајно поврзување. Речиси и да нема патен правец во овој дел од државата, кој не сме го рехабилитирале. Само во 2022 година пуштивме во употреба два нови експресни патни правци Штип-Радовиш и Штип-Кочани, тука се и изградениот автопат Скопје-Штип, модерната делница од експресниот пат Штип-Крупиште, обиколницата на Кочани, рехабилитираните патишта низ Делчево, низ Берово, рече Бочварски, додавајќи дека во Радовиш е обновен патот, кон планината Плачковица, се рехабилитира регионалниот пат до Воиславци.

Бочварски нагласи дека за СДСМ изградбата и модернизацијата на инфраструктурата останува приоритет број еден, започна најголемиот инфраструктурен проект во државата, изградбата на коридорите 8 и 10Д, кои носат бројни придобивки за државата и граѓаните, од поврзување со исток и запад, до 650 милиони евра за домашните компании и раст на БДП од два отсто годишно.

За успешните земјоделски политики, во Гевгелија, со граѓаните разговараа Гоце Георгиевски и Дарио Николовски, кои нагласија дека големите вложувања во овој сектор имаат за цел да создаат модерно и конкурентно земјоделско производство, мотивирани земјоделци и многу повеќе домашна храна и производи за извоз.

Со новата ИПАРД 3 програма, имаме на располагање неповратни 97 милиони евра од ЕУ, што е зголемување од над 60%. Со новиот систем на субвенции, земјоделците имаат авансна исплата, за да ги имаат парите тогаш кога им се најпотребни, рече Герогиевски.

Рамо до рамо со граѓаните на Долнени беа Борис Тунџев и Боро Еркечов, кои се осврнаа на континуираната грижа на СДСМ за граѓаните и за унапредување на нивниот стандард.

The post СДСМ: Неповратни 97 милиони евра од ЕУ за земјоделството appeared first on Република.

Како дел од караванот „Рамо до рамо до победа“ денеска Оливер Спасовски заедно со членката на ИО на СДСМ, Мелиса Ценовска Серафимовска беше меѓу граѓаните на општина Илинден.

Германскиот парламент, Бундестагот, усвои Резолуција со која се потврдува македонскиот јазик, македонскиот идентитет и македонската посебност во ЕУ. Имаме целосно заштитен и потврден македонски јазик и идентитет и преку процесот на преговори со ЕУ. Имаме сочна недвосмислена поддршка од сојузниците во ЕУ и од нашиот стратешки партнер САД. Сега е потребно да продолжиме со дијалогот и заедно со ДПМНЕ и со сите политички партии да ја обезбедиме европската иднина на државата, истакна Спасовски додавајќи дека ДПМНЕ нема никакво право да се фали со овој успех, затоа што нивни сестрински партии гласале против Резолуцијата.

Помеѓу граѓаните на Охрид, беа Љупчо Николовски и портпаролката на СДСМ, Богданка Кузеска каде зборуваа за придобивките од интеграциите во ЕУ.

- Нема сегмент каде придобивките од интеграцијата не носат придобивки. Конкретно, во земјоделството ние сме лидери во искористувањето на средствата од ИПАРД програмите што носат директна поддршка за македонското земјоделство. Започнуваме со програмата ИПАРД 3 со која во модернизација на македонското земјоделство ќе влезат 128 милиони евра, како директна поддршка. Тоа е една од многуте причини зошто треба да останеме на европскиот пат и дијалогот за реформите да продолжи, порача Николовски во Охрид, се наведува во партиското соопштение.

Генералниот секретар на СДСМ, Миле Зечевиќ Вардарски заедно со претседателот на партиската комисија за транспорт и врски, Митко Трајчулески, беа помеѓу граѓаните на Струмица а пратениците Љубица Спасова и Коле Чаракчиев беа со граѓаните на Босилово.

-Моќна е пораката на германскиот Бундестаг. Една од најголемите и најсилни европски држави застана зад нас, ни даде поддршка на европскиот пат и ги потврди признанијата на македонскиот идентитет, јазик, култура и посебност. Ова е потврда на државничките политики на СДСМ, но и на сето она што го говориме веќе подолг период. Со мудрост, со вистински чекори и политики обезбедуваме поддршка во самата Унија и признание за македонскиот идентитет, јазик и култура. Тој резултат го носи современиот патриотизам и македонизам, рече Зечевиќ на маалска средба, рамо до рамо со струмичани.

Сега имаме историска шанса која мораме да ја искористиме, да го продолжиме патот кон Европа и да го обезбедиме македонскиот идентитет, вграден во европскиот, додаде тој повикувајќи ја опозициската ДПМНЕ да продолжи дијалогот.

-Затоа уште еднаш ја повикувам ВМРО-ДПМНЕ да продолжиме со дијалогот, да одредат тим, да застанеме рамо до рамо, да разговараме и заедно да ја донесеме историската одлука.Тоа им го должиме на граѓаните, на сегашните и на идните генерации, рече Миле Зечевиќ Вардарски денеска во Струмица.

The post Благодарноста кон Германија го обележа денешниот ден на „Рамо до рамо“ appeared first on Република.

Пратеници од СДСМ како дел од карванот „Рамо до рамо до победа“ денеска беа во посета на неколку населени места.

Во општина Центар беа Дарко Каевски и Даниела Николова, во Чаир - Снежана Калеска-Ванчева, во Куманово беа Мартин Костовски и Лидија Тасевска и во општина Илинден - Мухамед Кадиров.

Како што соопшти СДСМ, Каевски во Центар рече дека Христијан Мицкоски го променил ставот и сега се согласува да има уставни измени со кои дел од бугарскиот народ ќе влезе во Уставот.

-Ние ги прифативме сите негови барања и тоа е добра основа за продолжување на дијалогот, и покрај тоа што сега од ДПМНЕ едно нервозно и недоследно однесување. Ние немаме намера да влегуваме во објаснување на изјавите на Мицкоски кои јавно ги кажа по лидерската средба, туку овој период ќе го искористиме за да го заокружиме процесот и потребните измени да бидат донесени, рече Каевски.

Пратеничката Снежана Калевска-Ванчева пред граѓаните на општина Чаир посочи дека со последните изјави на Мицкоски „паднаа во вода сите обиди на ДПМНЕ и Левица народот повторно да се подели и да се предизвикаат меѓуетнички инциденти“.

Пратениците Мартин Костовски и Лидија Тасевска во Куманово ги повикаа своите колеги пратеници од ВМРО-ДПМНЕ да се приклучат на проевропскиот блок и да учествуваат во реализација на стратешката определба за полноправно членство во ЕУ.

-Што поскоро уставните измени да влезат во Собранието, тоа подобро. Сега е моментот сите заедно да се вклучиме во процесот и да ја донесеме важната одлука, со која обезбедуваме европска иднина на државата и граѓаните. Оваа одлука е токму за нашите сограѓани, за нашите соседи и пријатели, за работниците и земјоделците, за студентите и пензионерите кои сакаат и заслужуваат да живеат дома, во својата држава која ќе биде членка на ЕУ, рамноправна со сите останати земји членки на ЕУ, истакна Костовски во Куманово.

The post „Рамо до рамо до победа“ во Центар, Куманово, Чаир и Илинден appeared first on Република.

Караванот „Рамо до рамо до победа“ на СДСМ денеска беше со граѓаните на скопските општини Центар и Сарај.

Членот на ЦО на СДСМ Благој Бочварски, заедно со Пламенка Бојчевска со граѓаните на општина Центар разговараа за инвестициите на Владата предводена од СДСМ во инфраструктурата.

-Преку инвестициите во модерни патишта го подобруваме квалитетот на животот на граѓаните. Владата на СДСМ како ниту една претходно, инвестира во инфраструктурата во секој дел од државата. За само шест години реализиравме над 1.400 километри патишта, истакна Бочварски.

Тој додаде дека започна со реализација најголемиот, најважен и највреден проект во инфраструктурата во историјата на државата.

-Преземавме обврска пред граѓаните, Македонија мора и ќе биде подобро место за живеење и главна крстосница на Балканот. По 30 години зборување конечно започнаа да се градат коридорите 8 и 10 Д. Покрај зголемената безбедност и подоброто поврзување, изградбата на коридорите носи економски придобивки. Државата ќе ја поврзе со пристаништата во Драч и Буграс, а самата изградба ќе донесе најамалку 600 милиони евра за домашните комапнии, нови 8.000 работни места, како и раст од 2 отсто годишно на БДП во наредните пет години, истакна Бочварски.

Тој нагласи и дека централната власт дава силна поддршка на општините, за проекти кои директно ги подобруваат условите за живот на граѓаните.

Во рамките на теренските активности на СДСМ „Рамо до рамо до победа“ Маја Манолева денеска оствари средби со граѓаните на општина Сарај.

The post „Рамо до рамо до победа“ на СДСМ во Центар и Сарај appeared first on Република.

 Караванот „Рамо до рамо до победа“ на СДСМ денеска беше на терен со граѓаните на Прилеп, Битола, Могила, Кичево, Тетово, Ресен, Карпош, Гевгелија и Долнени.

Како дел од караванот „Рамо до рамо до победа“ денеска со граѓаните на Битола беше Оливер Спасовски.

Нашата држава, нашиот народ се исправени пред историска одлука да се продолжи европскиот пат на државата, преку усвојување на потребните реформи. Одговорност за тоа имаат сите 120 пратеници, сите политички субјекти, вклучително и ВМРО-ДПМНЕ. Изборот е едноставен: Интеграција во ЕУ или изолација. А видовме како изгледа изолацијата од 2006 до 2016 година, порача Спасовски во Битола.

Собранието е нашиот храм на демократијата каде на прво место мора да биде она што е во интерес на државата, додаде Спасовски.

Повикувам на разум, овој период мора да вложиме максимални напори преку парламентарен дијалог да постигнеме консензус за промена на Уставот. Опозицијата мора да се прилагоди на европските услови и самокритички да ги преиспита своите постапки, додаде Спасовски.

Во општина Кичево беше Каја Шукова која пред присутните порача дека земјава веќе станува лидер на Балканот во делот на енергетска трансформација од обновливи извори и дека забрзувањето на европскиот пат ќе донесе пристап до нови фондови и нови проекти за заштита на животната средина и зајакнување на енергетската независност на државата.

Претседателката на Форумот на жени на СДСМ, Јована Тренчевска денеска, како дел од караванот „Рамо до рамо до победа“, беше меѓу граѓаните на општина Тетово.

На дело покажавме што значи вистинска грижа за граѓаните, за унапредување на стандардот. Со успешни, ефикасни политики ги зголемивме платите во сите сектори, минималната плата од нецели 9.000 денари, ја покачивме на над 20.000 денари. Заедно со пензионерите договоривме методологија за усогласување на пензиите, со која 330.000 пензионери добија покачување од 16 отсто само за една година, а следното зголемување ќе биде во септември, истакна Тренчевска додавајќи дека СДСМ низ социјален дијалог постигна минималната плата и пензиите континуирано да растат,  без тоа да зависи од нечија политичка волја.

Тренчевска нагласи дека СДСМ посветено работи на намалување на невработеноста, која моментално изнесува 14 проценти.

Во Ресен, рамо до рамо со граѓаните, заедно со Мухамет Точи, беше членот на Извршниот одбор на СДСМ Никица Бачовски, кој се осврна на успешните земјоделски политики на СДСМ.

СДСМ е вистински партнер на земјодлеците. Само за овие два месеци исплативме над 60 милиони евра субвенции кон 78.000 земјоделци. Деновиве на сметките на околу 10.000 корисници легнаа 290 милиони денари дополнителни субвенции за овоштарство, истакна Бачовски во Ресен, додавајќи дека од оваа година субвенциите ќе се исплаќаат авансно, земјоделците ќе ги добијат средствата тогаш кога им се најпотребни.

Бачовски нагласи дека државата е лидер во регионот по искористеност на ИПАРД и веќе започнува новата ИПАРД 3 програма, со која се доделени нови 98 милиони евра, европски неповратни средства за нови инвестиции.

Потпретседателот на СДСМ Фатмир Битиќи денеска беше во општина Карпош како дел од караванот „Рамо до рамо до победа“.

Имаме силна поддршката од САД и цела Европа за нашите следни чекори за членство во Европската Унија.  Сите наши европски пријатели очекуваат од нас максимална одговорност за државничката одлука што треба да ја донесеме во наредниот период со измените на нашиот Устав. Заеднички е ставот на сите наши пријатели дека со тоа ќе направиме уште еден значаен чекор за просперитет и за европска иднина на сите македонски граѓани. Европа е нашиот дом.  30 години работиме напорно да ја реализираме стратешката цел – полноправно членство во ЕУ. А ЕУ значи повисок животен стандард, нови работни места, подобри услуги за граѓаните и повеќе можности за младите. Затоа, сите политички субјекти треба да се приклучат и да дадат поддршка да продолжи европскиот пат, посочи Битиќи.

Во општина Долнени беше Славица Грковска кои пред граѓаните порача дека годинешниот откуп на тутун и рекордниот износ на субвенции од 26 милиони евра исплатени кон тутунарите се доказ за вистинската грижа на СДСМ за сите земјоделци.

Денеска рамо до рамо со граѓаните на Прилеп беа генералниот секретар на СДСМ, Миле Зечевиќ Вардарски и претседателот на комисијата за транспорт и врски, Митко Трајчулески.

Многу долг и трнлив пат сме изоделе и сите премрежја сме успеале да ги надминеме. Сега како народ, како нација и како држава имаме историска шанса да го продолжиме патот кон Европа и за навек да ги затвориме сите национални и идентитетски прашања. Аманетот на нашите предци, преродбеници, револуционери, борци од НОБ, не повикува на заедичка акција за сигурна македонска иднина, тоа е гласот за Европа, рече Зечевиќ.

Ние и како држава и како народ, мора да бидеме на мапата рамноправни европски држави, рамо до рамо со европските државотворни народи, додаде тој.

Сами да одлучуваме за себе и за својата иднина, не други да носат одлуки за нас. Да ги браниме и европските вредности ама и македонските национални интереси седнати на големата маса во Брисел. Тоа е современиот македонизам! Затоа е важно да истраеме на вистинскиот, на европскиот пат, да го заокружиме овој процес целосно и до крај. Глас за Европа во Собранието е глас за сигурна македонска иднина, рече Зечевиќ.

Ние сме наследниците на делата на партизаните, на Народно ослободителната борба, на АСНОМ, на прогресот! И затоа што СДСМ и во минатото, и сега – во овој исклучително деликатен политички моментум – секогаш била на вистинската страна на историјата! Ние не сме наследници на Ванчо Михајлов, кој бил на погрешната страна на историјата, потенцираше Зечевиќ.

Конечно, ние сме наследниците на Блаже Конески. Додека тие го нарекуваа „џуџето од Небрегово“ ние го исполнивме неговиот аманет. Успеавме да се избориме за нашиот македонскиот јазик, за нашата единствена татковина, да го обезбедиме и да го издигнеме на ниво на јазиците во Европската унија. Македонскиот јазик на рамноправно ниво во големото европско семејство, со сета своја посебност, наследство и богатство. Да – има на што да бидеме горди. СДСМ е катализатор за клучните позитивни промени кои значат заштита и унапредување на македонскиот идентитет, рече Зечевиќ.

СДСМ се грижи за националните интереси, го предводи европскиот концепт, но инвестира и во модерна и квалитетна инфраструктура, рече претседателот на партиската комисија за транспорт и врски, Митко Трајчулески.

Во овој регион во тек е голем инвестициски циклус во квалитетна инфраструктирата. Активно веќе се работи на изградбата на експресниот пат Градско-Дреново, и Дреново-Фариш, ја обновивме делницата кај Плетвар, кон езерото, а започна и реализација на стратешкиот проект за автопат Прилеп-Битола, како дел од коридорото 10д, рече Трајчулески.

The post СДСМ со „Рамо до рамо, до победа“ во Битола, Могила, Кичево, Тетово, Ресен, Карпош, Гевгелија и Долнени appeared first on Република.

СДСМ има резултати кои вистински и реално прават разлика во секој сегмен споредбено со ВМРО-ДПМНЕ, порача заменик претседателката Сања Лукаревска на денешната трибина „Резултати што прават разлика, на тема инфраструктура што се одржа во Битола. 

-Нема сегмент во којшто СДСМ ако се спореди со ВМРО-ДПМНЕ нема подобар резултат. Да ги земеме прво платите. Минимална плата -  8.000 денари ВМРО-ДПМНЕ, 20.000 денари СДСМ. Просечна плата – 20.000 денари ВМРО-ДПМНЕ, 34.000 денари СДСМ. Кај пензиите, просечната во време на ВМРО-ДПМНЕ беше 13.000 денари, а сега со СДСМ е 19.000 денари. Невработеност – ВМРО-ДПМНЕ 25%, СДСМ 14% во овој момент. Директни странски инвестиции – 760 милиони евра СДСМ во кризна година два пати поголеми од 2016 година. Во енергетиката- 18 мега вати во време на ВМРО-ДПМНЕ и 283 мега вати инсталиран од обновливи извори на енергија во време на СДСМ.  Поврат на ДДВ, нула во време на ВМРО-ДПМНЕ, 2.100 денари во време на СДСМ. Патишта – 600 километри ВМРО-ДПМНЕ за 10 години, 1.400 километри асфалт СДСМ за 6 години.“ порача Лукаревска. 

Заменик претседателката оцени дека со ВМРО-ДПМНЕ државата 11 години беше заробена и изолирана држава, а денеска сме  партнер со САД и со ЕУ, членка на НАТО и со започнати преговори со ЕУ со СДСМ.

-Затоа, резултати и исполнети ветувања што прават разлика е најсоодветно во овој момент што важи за СДСМ, најголемата, најсилната, државотворна партија во земјава, заклучи Лукаревска во обраќањето на денешената трибина Резултати што прават разлика во Битола. 

The post Лукаревска: Поголеми плати, пензии, инвестиции, СДСМ има резултати што прават разлика во секој сегмент appeared first on Република.

Караванот „Рамо до рамо до победа“ на СДСМ денеска беше на терен со граѓаните на Кисела Вода, Желино, Тетово, Врапчиште, Гостивар и Маврово –Ростуше.

Како дел од караванот „Рамо до рамо до победа“ денеска со граѓаните на Желино беше Оливер Спасовски.

-Имаме историска шанса да го продолжиме европскиот пат, од нас зависи европската иднина на земјата, со глас за Европа во македонското Собрание можеме да станеме земја-членка на ЕУ до 2030 година. Имаме одговорност пред иднинте генерации, рече Спасовски, се вели во соопштението од СДСМ.

Спасовски нагласи дека сега Мицкоски и ВМРО-ДПМНЕ мора да одлучат дали ќе се приклучат на блокот за ЕУ или ќе останат во заложништво на Левица и тоа мора да му го соопштат на народот, сега не е време за бегање од одговори, менување на ставовите и ширење невистини и шпекулации.

Потпретседателот на СДСМ, Стефан Богоев и претседателот на градската организација Васко Кичевски денеска во рамки на „Рамо до рамо, до победа“ беа со граѓаните на општина Кисела Вода.

На маалска средба потпретседателот Богоев рече дека земјава е пред историска шанса за продолжување на европскиот пат која треба да се искористи, потенцирајќи ги придобивките од членството во Унијата.

-Членство во ЕУ не значи само европски вредности и пристап до фондови. Значи подобро образование, здравство, подобар животен стандард, нови шанси за младите. Македонските компании би имале пристап до пазар од 400 милиони жители, повеќе приходи, повеќе работни места и повисоки плати, рече Богоев, се вели во соопштението од СДСМ.

The post „Црвените елечиња“ „рамо до рамо“ во Желино, Тетово, Врапчиште, Гостивар и Маврово appeared first on Република.

Караванот „Рамо до рамо до победа“ на СДСМ денеска продолжи со средби со граѓаните во општините Чаир, Сарај и Арачиново.

Во Чаир со граѓаните беа Маја Манолева и портпаролката на СДСМ Богданка Кузеска, кои се осврнаа на, како што наведуваат од СДСМ, „хаосот што го прават ВМРО-ДПМНЕ, шпицниот градоначалник Христијан Мицкоски и нивната најдобра менаџерка Данела Арсовска во Град Скопје“.

-За година и пол ВМРО-ДПМНЕ предизвика вистинска катастрофа во градот, потрошија стотици милиони евра народни пари, го доведоа градот пред банкрот, со блокирана сметка и згора на сé, се скараа чии раце се во медот, истакна Манолева.

Манолева додаде дека „цената од нивното неработење и неспособност ја плаќаат граѓаните, кои мака мачат со јавниот превоз, којшто е во колапс, никаде ги нема најавените нови автобуси, нема ни збор за бесплатен јавен превоз“.

-Не го реализираат ветеното, а ги запреа и почнатите проекти, како БРТ, Универзална сала, мостот на булеварот АСНОМ, кој сега и те како ќе беше добредојден за намалување на сообраќајниот метеж, по пожарот и затворањето на мостот Беласица, рече Кузеска и порача дека граѓаните со право се разорачани, скопјани не заслужуваат ваква неодговорна локална власт.

Во Сарај рамо до рамо со граѓаните беа Милена Стевановиќ и Борис Тунџев, кои истакнаа дека СДСМ изминатиот период оствари резултати што навистина прават разлика.

-Не само што ги покачивме платите и пензиите, што успеавме да го заштитиме стандардот на граѓаните и во време на криза, создадовме конкурентна економија со сигурна бизнис клима, која лани привлече, досега рекорден износ на странски директни инвестиции, кои отвораат нови, добро платени работни места за нашите граѓани, порачаа Стевановиќ и Тунџев, во Сарај.

Членката на Извршниот одбор на СДСМ, Тања Томиќ заедно со Филип Даскаловскиа денеска беше со граѓаните во општина Арачиново

The post СДСМ „Рамо до рамо“ ќе победува во Арачиново, Чаир и Сарај appeared first on Република.

Како дел од караванот „Рамо до рамо до победа“ потпретседателот на СДСМ Фатмир Битиќи вчера беше меѓу граѓаните на Охрид со кои разговараше за мерките и политиките што СДСМ ги презема изминатиот период. Караванот на СДСМ „Рамо до рамо до победа“ вчера беше и меѓу граѓаните на општиниште Ранковце, Кратово и Радовиш.

- По 30 години зборување, конечно почнуваме со работа на изградба на коридорот 8 кој од ЕУ веќе е признаен како европски коридор со геостратешка важност. Освен подобро поврзување на овој дел од државата изградбата на коридорите ќе донесе и дополнителна економска вредност. Станува збор за највисоката инвестиција од 1,3 милијарди евра со која ќе се отворат нови 8.000 работни места, а проектот ќе донесе и раст од 2 отсто годишно на БДП, порача Битиќи додавајќи дека пропаѓаат во вода сите лаги што ВМРО-ДПМНЕ и Левица ги ширеа за Договорот со Бехтел и Енка.

Членката на Извршниот одбор на СДСМ, Тања Томиќ заедно со Анета Трпевска беше во општина Петровец каде пред граѓаните посочи дека за разлика од СДСМ партија што се грижи за граѓаните, ВМРО-ДПМНЕ дејствува штетно и мисли само на сопствените џебови а за тоа најдобар пример се градоначалниците од ВМРО-ДПМНЕ кои за една и пол година ги задолжија и уназадија општините со кои раководат.

„Рамо до рамо до победа“ во Ранковце, Кратово и Радовиш: Со СДСМ државата е рекордер во искористеност на ИПАРД

Караванот на СДСМ „Рамо до рамо до победа“ денеска беше меѓу граѓаните на општиниште Ранковце, Кратово и Радовиш.

Во Ранковце беше претседателот на комисијата за земјоделство на СДСМ Трајан Димковски, заедно со Мухамед Точи.  Димковски пред присутните истакна дека СДСМ преку своите мерки и политики инвестира во земјоделството, како една од најважните гранки на македонската економија и постојано и неселективно ги помага домашни земјоделците.

Повеќе нема уценување и понижување на земјоделците, ние го почитуваме трудот на земјоделците, субвенциите се исплаќаат редовно и навремено. Во 2023 година имавме рекордна исплата на субвенции кон земјоделците, дополнително, воведовме нов модел на субвенционирање со кој за првпат воведовме авансна исплата на дел од субвенциите, истакна Димковски, додавајќи дека државата е лидер во регионот по искористеност на ИПАРД и веќе започнува програмата ИПАРД, со која ни се доделени нови 98 милиони евра, европските неповратни средства за нови инвестиции.

Членката на ЦО на СДСМ, како дел од караванот „Рамо до рамо до победа“ денеска беше меѓу граѓаните на Кратово, каде се осврна на успешните политики на СДСМ, со кои државата стана членка на НАТО и по 17 години ги започна преговорите за членство во ЕУ.

СДСМ постојано покажува што значи вистинска грижа за државата и за граѓаните. На надворешен план успеавме да ја реализираме децениската стартешка цел за полноправно членство во НАТО и веќе започнавме преговори со ЕУ, со обезбеден и зачуван македонски идентитет, јазик и култура, истакна Петровска, додавајќи дека сега е време за глас за Европа во македонското Собрание, за продолжување на европскиот пат на држвата.

Петровска нагласи дека не смее да се дозволи застанување на патот кон ЕУ, бидејќи сега државата има шанса и меѓународна поддршка, која можеби нема да ја добие никогаш повторно.

Секој од 120-те пратеници во Собранието треба да се соочи со одлуката дали блокадата ќе си ја наметнеме сами на себе, или ќе продолжиме понатаму по европскиот пат, порача Петровска во Кратово.

„Рамо до рамо“ со граѓаните на Петровец денеска беа Борче Хаџиев и Вангелија Велева, кои нагласија дека СДСМ се грижи за граѓаните и нивниот стандард, минималната плата е зголемена на 20.175 денари, од одвај 9.000 денари во времето на ВМРО-ДПМНЕ, исполнето е ветувањето за просечна плата над 34.000 денари, овој март пензиите се зголемени за 8,4 отсто, а во септември сите 330.000 пензионери ги очекува ново покачување на пензиите. нд/

Фото: СДСМ

The post „Рамо до рамо“ со граѓаните на Охрид, Петровец, Ранковце, Кратово и Радовиш appeared first on Република.

Како дел од теренските активности „Рамо до рамо до победа“ денеска, заменик-претседателката на СДСМ, Сања Лукаревска, беше меѓу граѓаните на општина Штип.

СДСМ има резултати што навистина прават разлика. Не само што ги покачивме платите и пензиите, што успеавме да го заштитиме стандардот на граѓаните и во време на криза, политиките на СДСМ за членство во НАТО и почеток на преговори со ЕУ значително влијаат за создавање конкурентна економија со сигурна бизнис клима. Минатата година имавме рекорден износ на странски директни инвестиции, а тој тренд продолжува и оваа година. Она што е особено важно е дека со овие инвестиции се отвораат нови и добро платени работни места. И во Штип се отвора нова фабрика, компанијата „Јагео“ која ќе вложи 205 милиони евра во 4.000 работни места една своја фабрика ќе гради и тука во Штип. Со оваа инвестиција но и со претходните реализирани инвестиции, ниту Штип ниту Македонија веќе не се места на евтина работна сила, туку тука се отвораат нови добро платени работни места и тоа е заслуга на нашите економски политики, порача Лукаревска.

Лукаревска ја потенцираше поддршката за земјава од САД и упати порака сите општествени и политички чинители во општеството да покажат одговорност кон иднината и да дадат придонес за продолжување на европскиот пат.

Од нашиот најголем поддржувач и сојузник САД, добиваме силна и јасна поддршка за продолжување на европскиот пат. Тој пат зависи од сите политички чинители и затоа, од овде уште еднаш ги повикувам да покажат одговорност кон иднината, да дадат поддршка за реформите кои се клучни за напредокот на државата кон ЕУ и на тој начин да обезбедиме сигурна иднина на нашите граѓани. Време е за глас за Европа, посочи Лукаревска во Штип.

[caption id="attachment_643124" align="alignnone" width="640"] (фото: СДСМ)[/caption]

Нашиот колективен глас, нашето национално и општествено обединување, сега е време да го потврдиме, не само како идеал, туку во конкретен чекор, со глас за Европа, порача од Македонска Каменица, генералниот секретар на СДСМ Миле Зечевиќ Вардарски, на маалска средба со граѓаните во рамки на теренските активности на партијата, „Рамо до рамо, до победа“.

Долго време нашето општество гласно зборува за потребата од единство. Сега е време да го потврдиме националното и општествено обединување на дело, не само како идел, туку во конкретен чекор, во глас за Европа. Во името на иднината на земјата и наредните генерации. Повикувам на разум, на трезвеност, да се согледа националниот интерес, геополитичкиот и регионалниот контекст. За да се разбере суштинското значење на членството во Европската Унија, за македонската држава, за Македонците и за сите наши граѓани. Тоа ги надминува економските придобивки, ги надминува политичките партии. Членството во ЕУ значи сигурна, европска иднина со обезбеден македонски јазик и идентитет. Ја повикувам и ВМРО-ДПМНЕ, да ги оставиме настрана нашите разлики, да најдеме заеднички јазик и да се собереме зад заедничката цел за европска интеграција, рече Зечевиќ.

Обединувањето е стремеж вкоренет во духот на нашата нација и сега е време повторно да ја најдеме силната во единството, во нашата способност да се здружиме за национална и државна цел, членство во ЕУ.

Имаме силна поддршка од САД за продолжување на европскиот пат. Имаме историска шанса која не знаеме кога повторно ќе ја имаме и затоа не смееме да ја пропуштиме. Со глас за Европа, со заедничка работа, можеме заедно да изградиме европска република, Европска Македонија, рече генералниот секретар на СДСМ, Миле Зечевиќ Вардарски.

The post „Рамо до рамо до победа“ во Штип и Македонска Каменица appeared first on Република.

Не само што успеавме да се справиме со енергетската криза туку економскиte резултати се најдобар показател за успешноста на нашиот економски социјалдемократски модел со кој поставивме основи за понатамошен економски раст и зголемување на платите и пензиите, порача денеска во Струмица заменик претседателката на СДСМ, Сања Лукаревска на маалска средба во рамки на караванот „Рамо до рамо, до победа“.

СДСМ по сите економски параметари има подобар резултат од ВМРО-ДПМНЕ. Минатата година, во време на светска економска криза, забележавме рекорден износ на странски директни инвестиции од околу 760 милиони евра, а тој тренд продолжува и во оваа 2023 година. Се отвораат нови и добро платени работни места. Ја зголемивме минималната плата на 20.175 денари, просечната на 34.000 денари, пензиите пораснаа за 8,4 отсто, а во тек е и исплатата на Мој ДДВ со зголемен лимит од 2.100 денари. Ние парите ги насочуваме кон граѓаните. Македонската економија е стабилна, развојна и конкурентна. Со економските политики на СДСМ создадовме услови за понатамошен економски раст и ново зголемување на платите и пензиите, порача Лукаревска.

Ставаме крај и на големите камати и на заработката од тие камати, додаде Лукаревска.

Со предложените законски измени кои ги поднесе СДСМ отсега па натаму ниту еден наш сограѓанин нема повеќе да биде доведен во ситуација да плаќа камата поголема од долгот. Со еден праведен пристап во интерес на граѓаните спречуваме некој да профитира на грбот на народот. Со ова исполнуваме уште еден дел од програмата со што нудиме заштита и правичност за граѓаните, рече Лукаревска.

The post СДСМ рамо до рамо со граѓаните на Струмица appeared first on Република.

Политиките на СДСМ, економскиот социјалдемократски модел и јакнењето меѓународната позиција на земјава, донесоа најголеми досега, рекордни странски инвестиции од 753 милиони евра во кризна година, нови и добро платени работни места, рече заменик претседателката на СДСМ, Сања Лукаревска на маалска средба во Кочани во рамки на теренските активности на партијата „Рамо до рамо, до победа“.

- Имаме рекорден износ на странски директни инвестиции во услови на криза, бидејќи имавме економска и енергетска криза најголема по Втората светска војна. Со нашиот социјалдемократски економски и меѓународни политики само во една година успеавме да донесеме 753 милиони евра, директни странски инвестиции. Нашите странски директни инвестиции се на највисоко ниво и тие се два пати поголеми во однос на 2016 година.  Она што особено охрабрува е што инвеститорите коишто доаѓаа во земјава остануваат и го прошируваат својот бизнис. Таков е примерот и во Кочани, „Амфенол технлоџи“ гради нова фабрика на 3.500 квадратни метри, каде ќе се вработат уште стотина луѓе од овој град и од овој крај, рече Лукаревска.

Таа нагласи дека СДСМ го цениме и вреднува трудот на работниците, додека ВМРО-ДПМНЕ ги сметаше за евтина работна рака и затоа минималната плата во тоа време беше едвај 9.000 денари, а сега е околу 20.000 денари.

- Со СДСМ минималната плата изнесува 20.000 денари а просечната над 34.000 денари, додаде Лукаревска.

Членката на Извршниот одбор, Ивона Кузмановиќ се осврна на земјоделските политики на СДСМ и поддршката за земјоделците, порачувајќи дека откупната цена на оризот е драстично зголемена, а реализирана е и исплата на дополнителната мерка од три денари за килограм предадена арпа.

- Во февруари беа исплатени сите субвенции за поледелство, вклучително и за оризопроизводство, во износ од 60 милиони евра, што е резултат на најголемиот износ на буџетот за земјоделството досега. За првпат годинава сите земјоделци ќе добијат и 30 отсто авансна исплата, како дел од новиот модел за поддршка, истакна Кузмановиќ.

Во Општина Берово во рамки на караванот „Рамо до рамо до победа“, денеска беа Оливер Спасовски и членката на ИО на СДСМ, Мелиса Ценовска Серафимовска.

Спасовски порача дека за СДСМ граѓаните и унапредувањето на нивниот животен стандард се врвни приоритети и тоа го покажува секојдневно на дело.

- Ги зголемивме платите и пензиите, а за дополнително да го заштитиме стандардот на граѓаните, ги намаливме и замрзнавме цените на основните прехранбени продукти. Благодарение на успешните економски политики, денес невработеноста е намалена за осум отсто, во нашата држава се реализираат рекордни странски инвестиции и сето тоа е показател дека оваа, 2023 година е година на економски пресврт, порача Спасовски во Берово.

Во Пехчево, пак, меѓу граѓаните беа Каја Шукова и Наумче Мојсоски, кои пред присутните истакнаа дека СДСМ како одговорна партија вложува во секоја општина, во секое населено место, за да се унапреди квалитетот на живот на сите граѓани.

Во рамки на Карванот „Рамо до рамо до победа“, генералниот секретар на СДСМ, Миле Зечевиќ Вардарски беше на маалска средба во Штип, од каде што порача дека како народ и како држава мора да опстоиме на европскиот пат, затоа што тој е најдобар за опстанок и напредок на нашата земја.

- Не е тоа само гола вистина. Не е само да дојдеме до Европа. Ние сме живееле и во други услови, знаеме и за братство и единство и за почитување меѓу себе и меѓу конфенсионално, знаеме и за стандарди. Многу е важно да успееме да ги отвориме европските фондови, да ги задржиме младите луѓе овде, да имаме за кого да работиме. А она што е многу важно, да ги донесеме европските стандарди на живеење тука во европска Македонија. Мора да останеме на стартешкиот пат за опстанок на македонскиот народ. Затоа сме рамо до рамо со народот до победа, европската иднина е новата државна и национална победа. Рамо до рамо e европска приказна за сите нас, додаде Зечевиќ.

Зечевиќ додаде дека добро е што ВМРО-ДПМНЕ го копира и го следи СДСМ и тргна на терен, бидејќи, како што рече, се надева дека ќе научат и ќе разберат дека и тие ја имаат одговорноста за иднината на земјата.

The post Карванот „Рамо до рамо“ на СДСМ: Европската иднина е новата државна и национална победа appeared first on Република.

Караванот „Рамо до рамо до победа“ на СДСМ денеска на терен со граѓаните на Петровец, Чаир, Чучер Сандево и Карпош.

Во општина Карпош, како дел од караванот „Рамо до рамо до победа“, денеска беа Благој Бочварски и Пламенка Бојчева.

- Од 2017 година па се до денес, постојано инвестираме во развој на инфраструктурата во државата. По 30 години зборување, конечно го градиме Коридорот 8 и го надградуваме коридорот 10Д со што навистина ќе станеме крстосница на Балканот. Тоа носи бројни придобивки за граѓаните и компаниите, но истовремено е влог и во македонската економија. Од 1,3 милијарди евра колку што е вредноста на патиштата од коридорите, во домашните градежни компании ќе завршат повеќе од половина или најмалку 600 милиони евра во следните пет години. Тоа се над 100 милиони евра годишно што ќе завршуваат директно кај компаниите, посочи Бочварски.

Во општина Чаир беа членката на ИО Рената Јајоска и Фарук Омери, кои пред присутните истакнаа дека СДСМ е партијата што преку концептот Едно општество и преку структурните реформи, ја реализира стратешката цел – членство во ЕУ кое ќе донесе европски вредности и стандарди дома.

Со граѓаните на Петровец беше пратеничката Санела Шкријељ, додека Кирил Парталов беше во посета на Чучер Сандево.

Пратеничката Шкријељ пред граѓаните истакна дека СДСМ реализира политики кои ги унапредуваат работничките права и го зајакнуваат животниот стандард на граѓаните.

- Минималната плата ја зголемивме на 20.175 денари и денес веќе нема дискриминирани работници како во времето на ВМРО-ДПМНЕ кога одредени сектори добиваа плати под законскиот минимум. И покрај многуте противења донесовме закон со кој сега недела е неработен ден за 95 отсто од работниците, а оние работници кои работат во недела добиваат повисоки дневници. Со пензионерите донесовме нова методологија за постојан раст на пензиите и тоа два пати во годината, еднаш во март и еднаш во септември, а последното зголемување е рекордно и изнесува 8,4 отсто. Тоа е СДСМ, тоа е грижата за сите наши граѓани на дело, порача Шкријељ.

The post СДСМ со елечињата денеска се прошетаа до Петровец, Чаир, Чучер Сандево и Карпош appeared first on Република.

Посветено, одговорно и домаќински, тоа е односот на СДСМ кон граѓаните и државата и затоа со нашите државнички одлуки го развиваме секое населено место, ги реализираме стратешките цели, порача денеска потпретседателката на СДСМ, Бисера Костадиновска Стојчевска на средба со граѓаните Крушево.

- Станавме членка на НАТО, водиме проговори за членство во ЕУ и ја обезбедуваме иднината на државата. Сето тоа носи придобивки и за граѓаните, носи зголемени странски инвестиции, пристап до нови европски фондови и повеќе пари во македонската економија. Затоа заедно со вас, продолжуваме по европскиот пат, истакна Бисера Костадиновска Стојчевска, која го посети Крушево заедно со Методија Димовски, како дел од караванот „Рамо до рамо до победа“.

Костадиновска Стојчевска истакна дека граѓаните на Крушево можат да бидат задоволни што за свој градоначалник го имаат Томе Христовски, човек кој, како што рече, навистина работи за сите граѓаните и ги реализира проектите наведени во Програмата.

- ВМРО-ДПМНЕ ја доби довербата од граѓаните во над 40 општини. Што гледаме во тие општини што ги води ВМРО-ДПМНЕ? Нема ниту еден реализиран проект, стагнација, задолжувања и нови поголеми сметки за граѓаните. Не е примерот само во Скопје, така е и во Битола, во Прилеп, насекаде, истакна Костадиновска Стојчевска.

Според неа, ВМРО-ДПМНЕ ја има најнеспособната локална власт во историјата на земјата и ја изневери довербата на граѓаните.

- Тоа е секогаш така кога се Мицкоски и ВМРО-ДПМНЕ во прашање, едно зборуваат во кампања друго прават. За разлика од нив, Крушево е пример како се работи одговорно, како се реализираат проектите коишто се ветени, гледаме раст и развој и тоа е одлика на СДСМ, рече Костадиновска Стојчевска.

Потпретседателот на СДСМ, Фатмир Битиќи, во придружба во Кети Василевска во рамки на теренските активности од караванот „Рамо до рамо, до победа“ беше меѓу граѓаните на Зелениково.

Битиќи порача дека Владата предводена од СДСМ успешно се справи со глобалната криза, го поддржа стандардот на граѓаните, но и компаниите и не дозволи да има рестрикции на струја, ниту нешто да недостасува.

- Го одржавме енергетскиот систем стабилен и обезбедивме социјална правда и правичност. Оваа зима за првпат во последните 15 години, од вкупните потреби на електрична енергија во Македонија, дури 87 проценти се обезбедени од домашните производствени капацитети. Дотолку повеќе, стабилниот енергетски систем отвори можност да се разгледа опцијата за враќање на дневната евтина тарифа, рече Битиќи.

Тој порача дека во време на светска економска криза, Владата покажа дека преку успешни политики покажавме може да се гради стабилна и развојна економија, атрактивна за странските компании.

- Имаме рекорден износ на странски инвестиции, се отвораат добро платени работни места и нашите работници веќе не се претставуваат како евтина работна сила, како што тоа беше во некои други времиња. Помина времето кога нашите работници работеа за осум или девет илјади денари плата, денес минималната плата е 20.175 денари, што придонесува за раст на сите плати во државата. 205 милиони евра влегуваат во нашата држава само од една инвестиција и тоа е показател дека нашата економија веќе е атрактивна и за реномирани светски компании. Владините економски политики создаваат доверба кај компаниите и ги стимулираат во влегување во нови инвестициски циклуси насочени кон технолошки развој, внесување на иновативни и дигитални компоненти во производствени процеси, порача Битиќи.

Тој нагласи дека СДСМ работи на развој на целата земја, при што преку програмата ТАВ се реализираат проекти низ сите општини.

- Завршени се 56 проекти во 56 општини, а во моментов 25 проекти се во тек и е планирано да бидат завршени до крајот на годината, додаде Битиќи.

Во рамки на караванот „Рамо до рамо до победа“, генералниот секретар на СДСМ, Миле Зечевиќ Вардарски го посети Кратово, каде пред граѓаните порача дека ни останува уште една државничка задача, заедно да ја внесеме земјава во Европа, да ја обезбедиме европската, а со тоа и македонската иднина, затоа што влезот во Европа значи затворање и на државните и на идентитетските прашања.

- Мора да бидеме свесни, да го препознаеме овој геостратешки момент, да останеме на масата со големите демократски сили и да се избориме за европска иднина. Затоа што тоа ќе значи обезбедување и на македонската иднина. Влезот во Европа значи еднаш-засекогаш, за век и навек, затворање и на државните стратешки прашања и на македонските идентитетски прашања. Тоа е нашиот спас, рече Зечевиќ.

Тој нагласи дека СДСМ го предводи „концептот за Европска Македонија“, но дека е неопходна мобилизација на целото македонско општество за нова македонска победа.

- СДСМ е државничка партија којашто секогаш била на вистинската страна на современата македонска државност. И денеска, соочени со предизвиците на новото време, СДСМ го предводи европскиот концепт. Ние сме подготвени и ќе направиме сè за нов државен успех. Но, неопходна е мобилизација на целото македонско општество, потребен ни е гласот за Европа за европска иднина, за европска Македонија. Затоа сме рамо до рамо со народот, тоа е новата победа. Никој не изгубил ништо во Европа, само добил, подобар животен стандард, подобри институции, средена држава и обезбеден идентитет, вграден во европскиот, рече Зечевиќ на средба со граѓаните на Кратово.

Караванот „Рамо до рамо до победа“ на СДСМ попладнево беше и во Североисточниот регион, при што Благој Бочварски и Пламенка Бојчева беа меѓу граѓаните на Ранковце, а Каја Шукова и Наумче Мојсоски во Старо Нагоричане.

Бочварски пред ранковчани нагласи дека СДСМ во изминативе години покажа дека инвестира подеднакво во сите региони и во сите населени места

The post Карванот „Рамо до рамо до победа“ на СДСМ: Посветено и одговорно работиме на обезбедување на европската иднина appeared first on Република.

Како дел од караванот „Рамо до рамо до победа“ денеска потпретседателката на СДСМ Бисера Костадиновска Стојчевска заедно со Методија Димовски беа во општина Валандово, соопштија од СДСМ.

Валандово предводено од нашиот другар, потпретседателот Перо Костадинов е пример како една мала општина може брзо да се развива, да инвестира во сите населени места и да работи за граѓаните. Тоа СДСМ го покажува тука, но го покажува и низ целата држава, грижејќи се за сите категории граѓани. Поради таквите успешни политики денеска имаме рекордна исплата на субвенции за земјоделците, имаме зголемена минимална плата од 20.175 денари, имаме зголемување на пензиите за 16 отсто за само 18 месеци, порачала Костадиновска Стојчевска.

Во општина Гевгелија беа членката на ИО на СДСМ Ана Маркова Данева и Кети Василевска кои порачаа дека СДСМ преку Владата и институциите што ги предводи, успешно се справи со последиците од кризата и постојано презема мерки за заштита и унапредување на стандардот на граѓаните, соопштија од СДСМ од каде додадоа дека караванот „Рамо до рамо до победа“ помина и во Југоисточниот регион.

Во општина Конче беше претседателот на комисијата за земјоделство на СДСМ Трајан Димковски, заедно со Мухамед Точи.

Димковски пред присутните истакна дека СДСМ преку своите мерки и политики инвестира во земјоделството, како една од најважните гранки на македонската економија и постојано и неселективно ги помага домашни земјоделците.

За само два месеци исплативме над 60 милиони евра кон 78.000 земјоделци. Во тек е реализација на многу нови мерки, јавни повици, за прв пат обезбедивме платено породилно за жените земјоделки, обезбедивме стипендии за студентите. Лидери сме во регионот по искористеност на ИПАРД и затоа ќе ни бидат доделени нови 98 милиони евра, неповратни средства од ИПАРД 3 Програмата за нови инвестиции, посочи Димковски.

Како дел од караванот „Рамо до рамо до победа“ во Дојран беа Пеце Мирчевски и Вангелија Велева, додека меѓу граѓаните на Богданци беше Маја Манолева, соопштија од партијата.

The post Караванот „Рамо до рамо“ на СДСМ во Гевгелија, Валандово, Конче, Богданци и во Дојран appeared first on Република.

Заменик претседателката на СДСМ Сања Лукаревска, заедно членката на ИО на СДСМ Мелиса Серафимовска, денеска беа рамо до рамо со граѓаните од општина Ново Село, соопштија од партијата.

Лукаревска рече дека во време на најголема економска и енергетска криза „СДСМ со успешни, навремени и таргетирани антикризни мерки вредни 760 милиони евра успеа да ја спаси македонската економија“.

Некои прогонзираа крах, недостаток на струја, на енергенси, рестрикции. Ништо од тоа не се случи. Со навремени антикризни мерки вредни 760 милиони евра успеавме да ја спасиме македонската економија, да ги помогне граѓаните и компаниите кога беше најтешко. Реализиравме најголем пакет антикризни мерки во регионот а тоа го потврди и Светска банка. Ги остваривме изборните ветувања и предвреме. Минималната плата ја зголемивме на 20.175 денари. Во време на ВМРО-ДПМНЕ минималната плата изнесуваше едвај 8.000 денари а во некои сектори и помалку. Го исполнивме и ветувањето за просечна плата над 34.000 денари, која во време на ВМРО-ДПМНЕ беше едвај 20.000 денари. Го зголемивме и повратот на ДДВ на 2.100 денари. На секој можен начин гледаме што повеќе пари да завршат во семејните буџети. Тоа е одлика на нас, социјалдемократите. Покажавме што значи вистинска грижа и никој не беше оставен сам во време на криза. Продолжуваме понатаму, истакна Лукаревска, пред граѓаните на Ново Село.

The post СДСМ: Со навремени антикризни мерки вредни 760 милиони евра успеавме да ја спасиме македонската економија appeared first on Република.

Рамо до рамо е акција која е последица на нервозата и присутниот страв од пораз кој знаат дека ќе им се случи. Ова е очаен обид да го привлечат вниманието во услови кога СДС не дава одговор и решение на ниту еден проблем во општеството,велат од ВМРО-ДПМНЕ.

Апсурдна состојба е Ковачевски да вели дека ги разбира проблемите на народот, а троши 30 илјади евра на промоција на социјалните мрежи да се пофали со непостоечки резултати, додека народот денот го поминува со само 150 денари.

Апсурдно е да вели дека цените на јајцата и лебот се замрзнати, додека државата урива рекорди со двоцифрена инфлација каква нема во друга држава во Европа и се друго е поскапено.

Апсурдно е што платата на Ковачевски се зголеми преку Кацарска судството додека платите на народот не растат.

Апсурно е што Ковачевски прави настани за инвестиции кои ги нема, како напразно фрлената лопата за фабриката за автомобили во Тетово, каде зјае празна ливада или пак празниот простор од непостоечкиот камен темеленик за коридорот 8.

Народот поради сите овие лаги и неспособности жестоко ќе ги казни. Впрочем затоа и Ковачевски бега од избори, а на тие избори елечињата кои сега ги облакаат нема да го спасат. Ќе му се случи потоп.

The post Елеци „Рамо до рамо“ додека народот го поминува денот со 150 денари appeared first on Република.

Теренските активности на СДСМ под слоганот  „Рамо до рамо, до победа“ попладнево продолжи и во скопските општини Бутел, Ѓорче Петров и Сарај.

Претседателката на Форумот на жени на СДСМ и министерка за труд и социјална политика, Јована Тренчевска заедно со членот на ЦО на СДСМ, Марко Ѓоргиевски беа на средби со граѓаните на Ѓорче Петров.

-Една и пол година порано го остваривме ветувањето од изборите во 2020 година за минимална плата од 20.000 денари. Со СДСМ, денеска таа изнесува 20.175 денари. Во време на светска економска криза рекордно ги покачивме пензиите на 330.000 пензионери, а во најкризните месеци оние со најниски пензии добиваа дополнителна финансиска помош. Концептот парите кај граѓаните е концепт од кој ние во СДСМ не отстапуваме, порача Тренчевска во Ѓорче Петров.

Членката на ИО на СДСМ Тања Томиќ и членот на ЦО на СДСМ Виктор Велевски со граѓаните на општина Сарај разговараа за важноста од евроинтегративниот процес на државата. Тие пред присутните истакнаа дека конечно по 17 години Македонија ги започна преговорите со цел да завршат до 2030 година, додавајаќи дека влезот во ЕУ е гарант дека секое населено место ќе се развива подеднакво без разлика дали е мало или големо, дали е рурално или урбано.

Во општина Бутел членот на ИО на СДСМ Благој Бочварски и членката на ЦО на СДСМ, Пламенка Бојчева пред граѓаните ги презентираа капиталните проекти што Владата на СДСМ ги реализира, истакнувајќи дека со потпишувањето на договорот со Бехтел и Енка конзорциумот, ќе се градат 110 километри автопати на Коридорите 8 и 10 Д во вредност од 1.3 милијарди евра што е најголем инфраструктурен зафат во историјата на државата

The post Влезот е бесплатен: СДСМ со „Рамо рамо“ вечерва ќе настапи во Бутел, Ѓорче Петров и Сарај appeared first on Република.