Во Келн околу 14 часот ќе бидат извлечени двојките за баражите за Светското првенство во 2025 година. Во групата носители е и македонската репрезентација.

Домаќините на Мундијалот - Хрватска, Данска и Норвешка се директно квалификувани. Исто така и Франција (финалист), како и Германија и Шведска (ќе бидат трето и четвртопласирани) веќе изборија настап на СП 2025.

Останатите 11 места ќе се решаваат преку натпреварите од плеј-офот за квалификациите за Европа.

Во групата носители се: Словенија, Унгарија, Португалија, Австрија, Исланд, Холандија, Шпанија, Црна Гора, Чешка, Полска и Македонија.

Групата не-носители ја сочинуваат: Грузија, Србија, Фарските Острови, Швајцарија, Романија, Грција, Босна и Херцеговина и четирите селекции од квалификациската фаза на Светското првенство. Во тие натпревари играат Украина - Естонија, Финска - Литванија, Белгија - Италија и Словачка - Израел. Тие четири тима ќе бидат познати на 17 март.

Плејоф-пресметките се закажани за 8 и 12 мај.

The post Македонските ракометари денеска ќе го добијат противникот во баражот за СП – Македонија е меѓу носителите appeared first on Република.

Деветнаесет ракометари од домашното првенство и двајца интернационалци се најдоа на списокот што селекторот Кирил Лазаров го објави за двата априлските натпревари на македонската машка ракометна репрезентација против Луксембург и Турција во рамки на квалификациите за пласман на Европското првенство 2024.

Македонската репрезентација на 26 овој месец гостува во Луксембург, а завршниот натпревар во рамки на квалификациската група 1 ќе го одигра на 30 април против Турција во салата „Борис Трајковски“ во Скопје.

Почетокот на мини подготовките за двата завршно евроквалификациски дуели е закажан за в недела во Скопје.

Повикани ракометари: Никола Митревски, Мартин Томовски, Марио Кизиќ, Никола Маркоски, Жарко Пешевски, Костадин Петров, Михаил Аларов, Марко Стојковиќ, Гоце Георгиевски, Ненад Костески, Петар Атанасиевиќ, Цветан Кузманоски, Мартин Серафимов, Томислав Јагуриноски, Давид Савревски, Марко Митев, Игор Ѓоргиев, Филип Кузмановски, Филип Талески, Михајло Младеновиќ, Павле Атанасиевиќ.

The post Кире Лазаров го објави списокот на ракометари за евроквалификациските дуели со Луксембург и Турција appeared first on Република.

Следен голем настан на кој ќе игра македонската ракометна репрезентација е Светското првенство во Полска и Шведска во 2023 година.

Ждрепката за овој ракометен Мундијал ќе се одржи на 2. јули, а познати се деталите за церемонијата. Во главна улога ќе бидат поранешните ѕвезди Славомир Шмал и Магнус Висландер кои ќе бидат задолжени за извлекувањето.

Градови домаќини во кои ќе се игра Светското првенство ќе бидат Катовице, Краков, Плоцк и Гдањск во Полска. Во Шведска првенството ќе се игра во следите градови, Стокхолм, Јончепинк, Малме, Кристијанштад и Гетеборг.

Ждрепката е закажана на 2 јули.

Шешир 1: Данска, Шведска, Норвешка, Франција, Шпанија, Исланд, Германија, Африка 1

Шешир 2: Хрватска, Катар, Белгија, Португалија, Бразил, Црна Гора, Полска, Македонија

Шешир 3: Србија, Унгарија, Аргентина, Бахреин, Саудиска Арабија, Африка 2, Чиле, Африка 3

Шешир 4: Уругвај, Африка 4, Африка 5, Иран, Јужна Кореја, Cеверна Америка и Кариби 1, вајлд карта 1, вајлд карта 2

Домаќините на СП, Полска и Шведска, веќе распределија дел од репрезентациите што имаат обезбедено мундијалски билет по градовите домаќини.

Шпанија и Норвешка ќе играат во Краков, додека Полска во Катовице. Шведска ќе игра во Гетеборг, додека Данска во Малме. Исланд е домаќин во Јончепинг, Германија во Катовице, додека Хрватска ќе игра во Кристијанштад.

Мундијалот во Полска и Шведска ќе се игра од 11 до 29 јануари.

Група А (Краков) – Шпанија

Група Б (Катовице) – Полска, Франција/Африка 1

Група Ц (Гетеборг) – Шведска

Група Д (Јончепинг) – Исланд

Група Е (Катовице) – Германија

Група Ф (Краков) – Норвешка

Група Г (Кристијанштад) – Хрватска, Франција/Африка 1

Група Х (Малме) – Данска

The post Ждрепката за ракометниот Мундијал на 2 јули: Ова се можните противници за нашите ракометари appeared first on Република.

Додека речиси сите учесници на претстојното Европско првенство имаат проблеми со позитивни на коронавирус, македонската ракометна репрезентација нема ниту еден негативен тест.

Комплетната репрезентација денеска направи задолжително тестирање на коронавирус, и сите резултати, на ракометарите и на стручниот штаб се негативни.

Ова е одлична вест за селекторот Кирил Лазаров бидејќи нема никакви последици за репрезентацијата по последниот контролен натпревар против Израел. Изралеците имаа тројца позитивни на ковид-19, а денеска беше потврдено дека уште пет ракометари се заразени со коронавирус.

Ракометарите подготовките пред заминување за Дебрецин ќе ги одработат во Скопје без да одиграат уште еден контролен натпревар за да не дојде до несакани проблеми.

Последното тестирање, пред заминувањето за Дебрецин, репрезентацијата ќе го направи в понеделник.
Првиот натпревар на ЕП, Македонија ќе го игра на 13 јануари против Словенија.

The post Добри вести: Сите ракометари и стручниот штаб негативни на коронавирус appeared first on Република.