Ракометната федерација на Македонија одлучи со еден милион денари да ги награди репрезентативците кои го освоија 9. место на Европското првенство во Словенија.

Избраниците на селекторот Раде Стојановиќ ЕП 2024 го завршија со четири победи, две нерешени средби и еден пораз.

Само лошиот систем на натпреварувањето е причина младите македонски ракометари да не бидат уште повисоко во поредокот. Тие во првата групна фаза немаа ниту еден пораз, но и тоа не беше доволно да се пласираат во четвртфиналето.

Управниот Одбор на РФМ одреди парична награда во вкупна вредност од 1.000.000,00 денари за машката младинска ракометна репрезентација (стручен штаб и ракометари родени 2004 и помлади), за освојување на 9-тото место на Men’s 20 EHF EURO 2024 шампионатот во Словенија, стои во дел од соопштението на РФМ.

Со пласманот на деветтата позиција на евро-шампионатот, обезбедено е учество на Светското првенство 2025.

The post Mладите ракометари ќе добијат милион денари премија за успехот на ЕП appeared first on Република.

Селекторот на младинската машка ракометна репрезентација Раде Стојановиќ го скрати списокот на ракометари па 18 кои останаа во конкуренција за натпреварите со Словачка и за ЕП.

Тоа се:

голмани: Давид Брестовац, Иван Галевски

крила: Марио Стојановски, Дамјан Субашевски, Ненад Белистојаноски, Јован Даневски

пивоти: Валентин Карасманакис, Дејан Михајловиќ, Самоил Ристевски

бекови: Андреј Стојановски, Дамјан Митев, Димитар Узунчев, Мирче Калајџиески, Славчо Шулески, Кристијан Стаменковиќ, Тодор Узунчев, Томислав Димковски, Давид Димевски

The post Раде Стојановиќ го скрати списокот – 18 ракометари остануваат во конкуренција за ЕП appeared first on Република.

Младинските ракометни репрезентативци на Македонија, остварија втора победа на „Карпати трофеј“ во рамки на Романија, против репрезентацијата на Словачка.

Нашите репрезентативци го добија натпреварот со резултат 33:23, а може да се каже дека цел натпревар беше под наша контрола.

На полувреме Македонија имаше осетна предност со 18:11, а до крајот на натпреварот таа предност се негуваше и надополнуваше за конечни +10 на крајот. Најдобар во нашата репрезентација беше Димитар Узунчев со 10 погодоци.

Во првиот меч, репрезентацијата на Македонија беше подобра од Саудиска Арабија.

Во последното, трето коло, нашите репрезентативци ќе се соочат против домаќинот Романија, а ова е само подготвителен турнир, како увертира за ЕП идната година.

The post Победа против Словачка, утре нов предизвик за Македонија appeared first on Република.