Македонската младинска машка ракометна репрезентација, која настапот на овогодинешното Европско првенство до 20 години го заврши со пласман на 9. место, по пристигнувањето во Скопје се сретна со министерот за спорт, Борко Ристовски, кој истакнувајќи го своето задоволство од пласманот упати искрени честитки до младинците, стручниот штаб и Федерацијата.

Претседателот на РФМ, г. Живко Мукаетов упати голема благодарност за севкупниот учинок на ова првенство на ракометните надежи и стручниот штаб истакнувајќи дека приоритетите на РФМ ќе останат со истиот фокус: системското работење со сите младински репрезентативни категории, за достојно претставување на македонскиот ракомет и создавање идни македонски ракометни репрезентативци.

The post Младите ракометари на прием кај министерот Борко Ристовски appeared first on Република.

„Брз Центар“ објави дека поранешниот руски ракометар Алексеј Григорјев почина по тешко боледување на 40-годишна возраст.

Григорјев во текот на кариерата играше за Мешков Брест, Мотор Запорожје, како и за Динамо и Нева Санкт Петербург, но и за македонскиот суперлигаш Бутел.

Русинот по завршување на ракометната кариера се занимавал со приватен бизнис.

The post Почина поранешен ракометар на Бутел на 40 години appeared first on Република.

Уште една трагедија се случи во македонскиот ракомет. Синоќа почина млад ракометар. Станува збор за 19-годишниот Андреј Петрески, кој беше член на клубот Аеродром.

Петрески кој беше познат меѓу соиграчите по прекарот Штурче починал во својот дом.

Македонскиот талентиран ракометар играше на позицијата лево крило и се наоѓаше на поширокиот список на македонската кадетска репрезентација.

Попладнево од 12:30 во капелата на гробиштата во Бутел ќе биде последниот поздрав со Андреј Петрески. Погребот, пак, ќе биде на гробиштата во Камник.

The post На 19 години ненадејно почина ракометарот Андреј Петрески-Штурче appeared first on Република.

Поранешниот репрезентативец на Македонија и легенда на велешкиот ракомет, Тони Шопов, денеска ја загуби најважната животна битка.

Шопов беше истакнат спортски работник од Велес и некогашен репрезентативец на Македонија кој даде свој придонес во развојот на македонскиот ракомет.

Во последните пет години тој боледуваше од канцер на дебелото црево, но не успеа да се избори во битката со тешката болест.

Легендата на Борец настапуваше за бројни македонски и странски клубови.

The post Македонскиот ракомет завиен во црно, почина поранешен репрезентативец на Македонија appeared first on Република.

Борис Тот, брат на ракометарот Денис Тот кој почина во Македонија, се огласи со емотивна порака.

Прерано нè напушти, драг мој. Почивај во мир. Ништо повеќе нема да биде исто без тебе, напиша тој.

Ракометарот на РК Бутел, Денис Тот почина на КАРИЛ, објавија неколку македонски медиуми. И покрај напорите на лекарите, тие не успеале да го спасат 27 годишниот ракометар од Хрватска.

Од Министерството за внатрешни работи истакнаа дека пријавата од Клиничкиот центар ја добиле вчера утрото во 4:11 часот, а лицето било донесено во бесознание и без видливи повреди од насилство.

Неофицијално, причина за смртта е срцеви проблеми.

The post Прерано нè напушти, веќе ништо нема да биде исто, напиша братот на ракометарот Тот appeared first on Република.

Наспроти информациите на клубот Бутел и хрватските медиуми дека ракометарот Денис Тот синоќа бил претепан во скопскиот клуб „Привилиџ“, сепак тој на скопската Клиника за реанимација, анестезија и интензивно лекување бил донесен без видливи знаци на насилство, но во критична состојба и без срцева акција, потврди за „Фокус“, директорката на КАРИЛ, доктор Маја Мојсова.

Ракометарот е во критична состојба. Слободно, можам да кажам дека се бориме за неговиот живот. Но, тоа што е чудно е дека тој нема видливи знаци на насилство. На нашата клиника беше донесен без срцева акција. Правиме се што можеме во моментот за да му го спасиме животот - вели доктор Мојсова во изјава за „Фокус“.

Претходно, од неговиот матичен клуб потврдиле дека е претепан, но не кажувале повеќе детали.

Дури, во медиумите излегоа информации дека тој на една од скопските клиники бил донесен со бројни повреди по целото тело, многу фрактури и најверојатно дека бил удиран со тапи предмети, но и со раце и нозе.

The post Ракометарот на КАРИЛ бил донесен без срцева акција, нема видливи траги на насилство appeared first on Република.