Ракометарите на Вардар 1961 го совладаа вечерва во Скопје лидерот во германското првенство Мелсунген со 32-30 (17-17) и со победа го завршија настапот оваа сезона во Лига Европа.

За македонскиот претставник ова беше втора победа и петти освоен бод во групата Ф, заверувајќи го на крајот третото место.

Пласман во нокаут фазата од оваа група обезбедија Мелсунген, кој во Скопје го претрпе првиот европски пораз, како и Порто, кој два пати го совлада Вардар во групната фаза.

До втората европска победа Вардар 1961 вечерва го предводеа Ларс Коиј со осум и Младен Крсманчиќ со шест голови.

Одлична партија на голот на „црвено – црните“ прикажа Мигуел Фереира, кој запиша 15 одбрани.

The post Вардар 1961 со победа го заврши настапот на европската сцена appeared first on Република.

Македонската ракометна репрезентација потешко од предвиденото ја совлада Естонија со 37-33 (20-20), во првиот натпревар од евро-квалификациите. Натпреварот во СЦ „Борис Трајковски“ се играше пред неисполнета сала и со далеку подобри напади од одбрани на двете селекции.

Без Митревски и Талески и со Филип Кузмановски како нов капитен македонската селекција ги пречека мотивираните Естонци. Кизиќ почна меѓу стативите, а Павле Атанасијевиќ го отвори резултатот. Кузмановски со три седмерци се наметна и во четвртата минута веќе беше 4-1. Првиот погодок во националниот тим на официјален натпревар го постигна Петковски од крилната позиција за 7-4 во 10. минута.

Во ритам влезе и Марко Митев и со два гола во негов стил ја одржуваше разликата од 2-3 гола. Сепак, Тум и Варул полека ја разбиваа нашата одбрана и одржуваа мало заостанување. Мартин Серафимов со два гола одлично влезе во мечот, но Естонците лесно наоѓаа „дупка“ во нашата одбрана и постигнаа голем број на лесни голови. Јирген Роба од контра погоди за 16-15 во 23. минута. Естонската игра започна да загрижува и при 19-19 селекторот Лазаров повика тајм-аут. Со таква инерција заврши првиот дел, а Македонија на одмор заминаа без предност (20-20).

На почетокот на вториот дел Естонија првпат поведе и со брза игра започна да ги загрижува нашите фанови на трибините. Лазаров повика минута одмор во 40. минута на -2 и веднаш дојде реакцијата. Серафимов и Џонов погодија и брзо натпреварот пак дојде во егал. Кизиќ на голот и Џонов од транзиција ја вратија предноста и Јанар Маги повика тајм-аут. Серафимов со три гола и Кизиќ со две одбрани го вратија натпреварот во мирни води и во 47. минута Македонија веќе водеше со 31-28.

Со концентрирана игра во одбрана и гол на Велковски во 50. минута македонската селекција дојде до највисоки +5. Следеше нереализиран седмерец на Кузмановски и исклучување на Карасманакис и Естонците намалија на 34-31 во 55. минута. Без драма нашата селекција го одби последниот естонски напад и извојува победа од 37-33.

Најефикасни во нашиот национален тим беа Серафимов со десет и Митев и Кузмановски со по седум гола, а кај Естонија одличен натпревар одигра Карл Тум со единаесет погодоци.

The post Македонија ја совлада Естонија appeared first on Република.

Актуелниот селектор на Аргентина, Гиљермо Милано ќе седне на клупата на најтрофејниот македонски ракометен клуб Вардар 1961 и најмалку до крајот на актуелната сезона ќе ги предводи „црвено-црните“.

Како што вечерва соопшти двократниот европски првак, „постигнат е договор за соработка до крајот на сезонава, со можност истиот да биде продолжен. На почетокот на следниот месец Милано ќе пристигне во Скопје и ќе ја преземе екипата на Вардар“.

Милано доаѓа на клупата на Вардар 1961 откако од 2021 година е аргентински селектор.

Со репрезентацијата на Аргентина настапи на последните Олимписки игри во Париз, на Светското првенство 2023 година во Полска и Шведска, а го освои златниот медал на Панамериканските игри 2024, совладувајќи го во финалето Бразил.

Во изјава за клупскиот сајт, Милано наведе дека е возбуден од можноста да боде дел од новото поглавје во историјата на Вардар 1961.

Огромна чест е да добиеш повик од еден од најпрестижните тимови во Европа, и ја имав привилегијата да го следам клубот долги години во нивните настапи во Лигата на шампионите. Од Македонија ја покорија Европа со својот нескршлив карактер и борбеност инспирирајќи ги ракометните фанови насекаде. Како што го носам моето 20-годишно искуство со аргентинските репрезентации, исто така се обврзувам да и пристапам на оваа улога препознавајќи го наследството на големите тренери кои беа пред мене. Целосно сум посветен да дадам сè за Вардар, да оставам сè уште на теренот и да придонесам за континуиран успех на тимот“, изјави Милано.

The post Ракометарите на Вардар имаат нов тренер, доаѓа од Аргентина appeared first on Република.

Извршниот комитет на Европската ракометна федерација (ЕХФ) на својот прв состанок од европската сезона 2024/2025 ги одреди кандидатите за домаќини на европските првенства (ЕП) во 2030 и во 2032 година. Така, Извршниот комитет реши да ги прифати кандидатурите на Хрватска и заедничката на Чешка, Полска и на Данска за ЕП 2030 за мажи, а истото важи и за кандидатурите на Хрватска, како и на Германија и Франција за ЕП 2032 за мажи, како и заедничката на Германија, Данска и Полска за ЕП 2032 за жени, објави ЕХФ на својата интернет-страница.

За континенталното првенство во 2030 година за ракометарки, Извршниот комитет ќе му предложи на Конгресот на Европската ракометна федерација, според статутите, Извршниот комитет да има мандат да изнајде изменета процедура за одредување домаќин или домаќини за ова првенство, пишува ЕХФ.

Одредувањето домаќини на европските шампионати во 2030 и во 2032 година ќе се одржи во декември годинава, на вонредниот конгрес на Европската ракометна федерација во Виена.

The post ЕХФ ги одреди кандидатите за домаќини на ЕП во 2030 и во 2032 година appeared first on Република.

Македонскиот првак Еурофарм Пелистер синоќа убедливо го совлада грчки ПАОК до 36:20 (19:06) на 52. издание на Меѓународниот ракометен турнир во Струга.

Битолчани со победата си резервираа место во денешното финалето против најтрофејниот на турнирот, со 14 титули - Вардар, и можност да се израмнат по бројот на пехари на струшкиот турнир.

Еурофарм Пелистер ја имаше контролата на мечот од почеток и во ниту еден момент не дозволи да се загрози водството.

Најефикасен на натпреварот беше српскиот интернационалец Вук Радивојевиќ со 9 погодоци.

Во борбата за третото место вечер ќе се сретнат поразените од синоќешните натпревари ПАОК и Ескилстуна Гуиф во 18:30 часот, додека финалето е резервирано за 20:30 часот. Последниот ден на турнирот ќе го отворат домаќините и ракометарите на Тиквеш во борбата за петтото место.

The post По поразот на ПАОК, македонско финале на 52. Меѓународен ракометен турнир во Струга appeared first on Република.

Шпанската машка ракометна репрезентација го освои бронзениот медал на Олимписките игри откако претпладнево во натпреварот за третото место ја совлада Словенија со 23:22 (12:12).

Алеис Гомез со пет голови од пет обиди и Агустин Касадо со четири голови беа најефикасни кај Шпанија, додека Јуре Доленец постигна шест голови, сите шест од седум метри за Словенија.

Шпанија на тој начин го повтори резултатот од пред три години во Токио, кога исто така ја освои бронзата. Ова е петти олимписки медал за двократните светски и европски шампиони и сите пет се бронзени.

Словенија, пак, ќе мора да го чека првиот олимписки медал во ракомет.

Од 13 часот и 30 минути во финалето ќе играат Германија и Данска.

The post Петта олимписка бронза за шпанските ракометари, Словенија извиси за медал appeared first on Република.

Данска и Германија ќе играат во финалето на ракометниот олимписки турнир.

Данците во драматично полуфинале ја победија Словенија со 31-30, додека Германците ја совладаа Шпанија со 25-24.

Данска водеше од првата до последната минута, во некои моменти и со шест разлика, но Словенија полека ја намалуваше негативата и минута до крајот дојде со само гол негатива (30-31). Во следниот напад, Данците изнудија седмерец кој Микаел Хансен не го реализираше, а Словенија доби 15 секунди да избори продолжение. Алекс Влах беше сопрен со прекршок, Словенците бараа седмерец, но судиите досудија само девет метри дд кои Борут Мачковшек не успеа да постигне гол со истекот на времето.

Данска до победата ја предводеше Магнус Ландин Јакобсен со шест и Лукас Јоргенсен и Микел Хансен со по пет гола, а во словенечките редови најефикасни беа Алекса Влах и Дин Бомбач со по седум гола.

Данска досега само еднаш има освоено олимписко злато, во 2016 година во Рио де Жанеиро, додека во Токио беше втора.

The post Данска и Германија во машкото ракометно олимпиското финале appeared first on Република.

Хрватските ракометари претрпеа тежок пораз од селекцијата на Шведска со 38:27 во четвртото коло од групата А на олимпискиот турнир.

Така, пласман во четвртфиналето ќе мора да бараат на последниот меч против Шпанија.

Хрватите почнаа добро и во неколку наврати имаа плус четири гола на своето конто. Потоа дојде до голем пад во играта што им овозможи на Швеѓаните да го наметнат својот ритам. Продолжија проблемите за Хрватите и во одбраната и во нападот, па репрезентативците од северот на Европа брзо стигнаа до 18:15.

Швеѓаните на своја страна го имаа расположениот голман Андреас Паличка, кој го бранеше и невозможното, додека тоа не беше случај на другата страна.

Во вториот дел Хрватска постигна гол едвај на истекот на шестата минута. Дувњак го прекина постот за 23:16. Тогаш веќе беше јасно дека Хрватска нема да може да ја достигне предноста на ривалот, која само растеше од минута во минута.

Ова е дефинитивно најтешкиот пораз на Хрватска на Олимписките игри, а тие ќе се обидат да победат против Шпанија во последното коло од групната фаза за пласман во четвртфиналето.

The post Тежок пораз за Хрватска на Олимпијадата, Шведска пресилна appeared first on Република.

Македонската репрезентација попладнево одигра нерешено 20:20 со Австрија во 3. коло од А-групата на Европското првенство за ракометари.

На натпреварот во Целје, Австријците беа подобри во првото полувреме, имаа и плус три (4:1) во почетните минути за на пауза да се замина со 11:10.

Во вториот дел, Македонците за прв пат поведоа со три разлика (17:14), но до крајот не успеаја да стигнат до победа која им носеше пласман во четвртфиналето.

Вака, избраниците на селекторот Радослав Стојановиќ останува да се борат за пласман од 9 до 16.место, иако групата ја завршија без пораз) една победа и две нерешени средби).

Табела: Австрија 5 бода, Македонија 4, Хрватска 1 бод (натпревар помалку, Црна Гора 0 (натпревар помалку).

The post Македонските ракометари ремизираа со Австрија, ќе играат за пласман од 9-16. место на ЕП У20 appeared first on Република.

Младинската женска селекција на Македонија го претрпе првиот пораз на Светското првенство чиј домаќин е нашата земја.

Избраничките на Дарко Јанев беа надиграни од репрезентацијата на Исланд со 29:17. Убедливниот пораз се должи на пад во вториот дел кој го загубивме со 18:6 или поточно противникот целата предност ја стекна во овие 30 минути.

Утре мечот со Ангола од 20,15 часот е клучен за пласман во втората фаза. Двете репрезнтации ќе влезат со учинок 1-1 со тоа што африканките имаат подобра гол разлика.

The post Прв пораз на Мундијалот за македонските младински ракометарки appeared first on Република.

Македонската ракометна репрезентација вечерва игра против Фарските острови во реванш дуелот од баражот за Светското првенство.

Во видеото погледнете како ечеше македонската химна во арената „Борис Трајковски“.

The post (ВИДЕО) Македонската химна ечи во ,,Борис Трајковски” пред мечот против Фарските острови appeared first on Република.

Македонската женска јуниорска репрезентација ќе игра во Х-групата заедно со националните тимови на Ангола, Исланд и САД на претстојното Светско првенство.

Мундијалот во втората половина на јуни оваа година ќе се игра во Македонија која како домаќин одбра да игра во групата Х.

Другите групи се:

А-група: Романија, Холандија, Бразил, Иран

Б-група: Швајцарија, Египет, Тунис, Чиле

Ц-група: Унгарија, Кореја, Аргентина, Мексико

Д-група: Данска, Норвешка, Јапонија, Тајван,

Е-група: Шведска, Чешка, Кина, Алжир

Ф-група: Франција, Германија, Шпанија, репрезентација која ќе добие валјд карта

Г-група: Португалија, Црна Гора, Гвинеја, Узбекистан.

The post Македонските ракометарки во група со Ангола, Исланд и САД на СП 2024 appeared first on Република.

Репрезентацијата на Фарски Острови е противник на македонската машка ракометна селекција во баражот за пласман на Светското првенство 2025 кое ќе се одржи во Хрватска, Норвешка и Шведска.

Македонија беше во групата на привилигирани репрезентација, а Фарските Острови беа една од селекциите кои не ги посакувавме.

Првите натпревари од баражот се играат на 7 или 8 мај, реваншите се на 11 или 12 мај. Во првиот дуел гостуваме, реваншот го играме во Скопје.

The post Македонија и Фарски Острови во баражот за ракометното СП 2025 appeared first on Република.

Ракометарите на Франција и на Шведска играат дополнителни 10 минути за да се добие првиот полуфиналист на ракометното Европско првенство. Швеѓаните беа поблиску до победа, на 40 секунди до крајот водеа 27:25, Франција даде гол, а потоа во последната секунда од мечот добија фаул и последен удар од 11 метри.

Пранди ја презеде одговорноста и на неверојатен начин успеа да погоди и да се изборат за 27:27 и дополнителни 10 минути игра.

Can you believe what just happened? 😱😱#ehfeuro2024 #heretoplay #FRASWE pic.twitter.com/E4qzcY4jNT

— EHF EURO (@EHFEURO) January 26, 2024

The post Спектакуларен гол на Пранди на ракометното ЕП appeared first on Република.

Германската телевизија РТЛ, која ги пренесува средбите од ракометното ЕП 2024 во оваа земја, коментирајќи го мечот Франција - Македонија ги нарекуваше играчите и навивачите како Северномакедонци, што ги налути нашите сонародници кои живеат во Германија, пишува „Екипа“.

Поради ова, македонскиот конзул во Дизелдорф заедно со претседтелот на Советот за интеграција во овој град, Гоце Перовски, испратија остар протест до РТЛ што беше проследен и до останатите медиуми од Германија, да престанат со користење на „Северномакедонци“ за жителите на нашата држава.

Со писмен доказ од Преспанскиот договор, тие потсетуваат дека треба да се користи терминот Македонци за играчите и за навивачите, но и за придавката „Северномакедонски“ што често погрешно се користи во странските држави кога се опишув нашата држава.

The post Ние сме Македонци, доста со тоа „Северномакедонци“, реагираат нашинците во Германија appeared first on Република.

По настапот во Диселдорф, македонските ракометари со воз заминаа за Берлин каде што на 14 јануари ќе играат против домаќинот Германија, а два дена подоцна и со Швајцарија.

The post Македонските ракометари со воз заминаа за Берлин каде в недела ќе играат против домаќинот Германија appeared first on Република.

Со натпреварот меѓу македонската и француската репрезентација вечер во 18 часот (МТВ пренос) ќе биде отворено 16. Европско првенство во ракомет за мажи.

Натпреварот ќе се игра на стадионот „МЕРКУР Шпил-Арена“ во Диселдорф. Најавени се повеќе од 50 илјади гледачи, најмногу досега на еден ракометен натпревар.

Покрај во Диселдорф, натпреварите од прелиминарната рунда ќе се играат и во Берлин, Манхајм и Минхен.

Континенталниот собир во Германија е првото ЕХФ ЕУРО со 24 екипи чиј домаќин е една земја.

Група А (Дизелдорф/Берлин): Франција, Германија, Македонија, Швајцарија
Група Б (Манхајм): Шпанија, Австрија, Хрватска, Романија
Група Ц (Минхен): Исланд, Унгарија, Србија, Црна Гора
Група Д (Берлин): Норвешка, Словенија, Полска, Фарски Острови
Група Е (Манхајм): Шведска, Холандија, Босна и Херцеговина, Грузија
Група Ф (Минхен): Данска, Португалија, Чешка, Грција.

Двете првопласирани од секоја група одат во Главната фаза која ќе се состои од две групи со по шест селекции.

Европската ракометна федерација ги објави и судиските номинации за машкиот ЕХФ ЕУРО 2024 година во Германија. Помеѓу 18 двојки се и македонските арбитри Славе Николов и Ѓорѓи Начевски.

Првенството се одржува од 10 до 28 јануари следната година, а бранител на шампионскиот трофеј е Шведска.

The post Македонија и Франција денеска го отвораат 16. ЕП во ракомет за мажи appeared first on Република.

Ракометната федерација на Македонија (РФМ) соопшти дека билетите за Европското првенство во ракомет кое се игра во јануари се распродадени од страна на организаторот.

РФМ преку соопштение ги информира навивачите дека нема билети за престојното Европско првенство во Германија. Организаторот ги распродал влезниците за групата А каде што е и Македонија.

„Ве известуваме дека до Ракометната Федерација на Македонија секојдневно пристигнуваат барања за билети за претстојното Европско ракометно првенство во машка сениорска конкуренција, кое ќе се одржува во Германија во период од 10ти до 28ми јануари 2024 година.

Ракометната Федерација на Македонија, односно машката сениорска репрезентација е учесник на претстојниот спортски настап, согласно регулативата на Европската ракометна федерација правата за продажба на билети за европски спортски настани се кај домаќинот на првенството, во овој случај тоа е ракометната федерација на Германија и нивниот организационен комитет.

Европската ракометна федерација преку своите медиумски соопштенија уште во месец мај 2023 година, објави дека има огромен интерес за билети за претстојното првенство и дека половина од билетите за натпреварите во продажба се веќе распродадени, особен интерес и побарувачка за билети имаше во групата А каде настапува и македонската сениорска репрезентација, бидејќи во група А се наоѓа и домаќинот Германија.

Од страна на организаторот преку online мрежата за продажба, во месец септември 2023 година беа пуштени во продажба и последните слободни 10.000 билети, кои во екстремен брз временски рок беа распродадени.

Ве молиме бидете информирани дека билетите за натпреварите во Група А каде настапува и македонската репрезнетација, по добиената информација од страна на ракометната федерација на Германија и нивниот организационен комитет се распродадени“, стои во соопштението на РФМ.

Вообичаено за големите натпреварувања секоја репрезентација добива контингент на билети за своите навивачи, но овојпат тоа не е случај. Оние Македонци кои купиле билети по регуларен пат, ќе можат да ја бодрат репрезентацијата во живо.

The post Распродaдени се билетите за ракометното ЕП во Германија, нема карти за македонските навивачи! appeared first on Република.

Македонската ракометна репрезентација, денеска попладне треба да го има првиот собир во Скопје, со што и официјално ќе ги почне подготовките за настап на Европското првенство (ЕП) во Германија, во јануари в година. Неодамна селекторот Кирил Лазаров го објави списокот на 19-те повикани ракометари на кои смета за ЕП 2024, но има и осум резерви, кои може да се приклучат во секој момент, доколку има потреба за тоа. Боите на репрезентацијата ќе ги бранат тројца интернационалци, голманот на португалски Порто, Никола Митревски, бекот на португалска Бенфика, Филип Талески, и левото крило на чешкиот Талент Плзен, Никола Костески. Другите ракометари се од три домашни клуба, Алкалоид (седум), Еурофарм Пелистер (шест) и Вардар (три).

Црвено-жолтите досега одиграа две подготвителни средби пред ЕП, забележувајќи по едно реми (29-29) и победа (23-22), на двете пријателски средби со Грција во Солун. Предвидени се уште еден меч со Црна Гора во декември и два меча во јануари, со Грција. Македонија на ЕП е во група заедно со домаќинот Германија, потоа со Франција и со Швајцарија. Првите две селекции од осумте групи, како и најдобрите четири меѓу третопласираните репрезентации, ќе обезбедат пласман во следната групна фаза.

Состав: Никола Митревски, Мартин Томовски, Марко Кизиќ, Филип Талески, Филип Кузмановски, Томислав Јагуриновски, Мартин Велковски, Давид Савревски, Иван Џонов, Марко Митев, Игор Ѓоргиев, Никола Маркоски, Жарко Пешевски, Милан Лазаревски, Едвин Омерагиќ, Ненад Костески, Никола Костески, Петар Атанасијевиќ, Цветан Кузманоски.

The post Лазаров денеска прозива: Македонија почнува со подготовки за ЕП 2024 appeared first on Република.

Учи, прочитај книга, заврши факултет, ќе бидеш попаметен играч на теренот. Тоа е сигурно. Ако тоа не го направиш, ако не се школуваш, еден ден, кога ќе заврши кариерата, ќе се најдеш во ситуација во која ќе прашаш некого: Дали може нешто да работам? Ќе добиеш одговор: Што да работиш, што знаеш да работиш?

Вака тренерот на легендарната Металопластика од Шабац, Србија Владан Матиќ, го почна своето излагање на конфренцијата „Хендбал токс“. Тој ги советуваше младите ракометари како да се однесуваат на теренот, како да вложуваат во себе и што е тоа што најдобро може да го направат за себе.

Каде ве води сето тоа после кариерата? Во пијанство, дрога, во растурени бракови. Ќе ви кажам што ве чека после кариерата. Вложите сè во себе, во своето образование, во својата спортска кариера, за да имате после некој нормален живот, бидејќи ракометот е мал спорт. Овде нема авиони, камиони, а и тоа ќе се потроши, кажа Матиќ на конфренцијата.

https://youtu.be/simSGQLFRZo?si=1kWfqU8_LQGFtG62

извор: https://www.balkan-handball.com/

The post Учи, читај книги, ќе бидеш попаметен и на теренот, сè друго води во пијанство, дрога, растурени бракови appeared first on Република.