Во Онколошкиот институт во Љубљана е опериран пациент на кој му е отстранет стомак поради дијагнозата на рак на тој орган. Подоцна се покажало дека операцијата била направена на погрешна личност и дека човекот кој бил опериран немал рак.

N1 Словенија известува дека маж на кој му бил дијагностициран рак на желудникот бил опериран на Институтот за онкологија. Неколку месеци подоцна, на пациентот му се јавиле дека дошло до мешање и дека по грешка му го извадиле органот.

Грешката, наводно, настанала затоа што надворешен дијагностичар сменил примероци од ткиво од двајца пациенти, што довело до операција на погрешен пациент. Засега не е познато што се случило со пациентот кој навистина има рак на желудникот.

Од Институтот за онкологија не сакаа да коментираат за настанатата грешка, туку само најавија дека повеќе информации претставници на медицинскиот центар Барсос, Институтот за патологија на Медицинскиот факултет на Универзитетот во Љубљана и Институтот за онкологија од Љубљана ќе дадат повеќе информации на прес-конференција.

The post „Се случува“: Словенечки доктори му го отстраниле стомакот на здрав пациент мислејќи дека има рак appeared first on Република.

Рускиот претседател Владимир Путин на технолошки форум во Москва вчера изјави дека научници од Русија се блиску до создавање вакцина против рак што наскоро би можела да биде достапна за пациентите.

Руските научници се многу блиску до создавање вакцини за рак и имуномодулаторни лекови од новата генерација. Се надевам дека наскоро делотворно ќе се користат како методи за индивидуална терапија, изјави Путин.

Тој не појасни на кои видови рак ќе делува вакцината и на кој начин.

За време на пандемијата на Ковид-19, Русија разви и своја сопствена вакцина „Спутник V“ против коронавирусот.

The post Руски научници се блиску до создавање вакцина против рак, соопшти Путин appeared first on Република.

Русија е се поблиску до создавање вакцини против рак, изјави претседателот Владимир Путин и додаде дека може да се смета на нивна рана примена во индивидуалната терапија.

„Го доближивме создавањето на таканаречените онковакцини - вакцини против ракот - и новата генерација на имуномодулаторни лекови. Очекувам дека наскоро тие ефективно ќе се користат како методи на индивидуална терапија“, рече Путин за време на пленарната сесија на Форумот. на идните технологии.

Тој рече дека новите откритија во областа на медицината треба да бидат достапни за луѓето и широко да се применуваат во примарната здравствена заштита

The post Русија е сѐ поблиску до наоѓање на вакцина против рак appeared first on Република.

Русија е се поблиску до создавање вакцина против рак, изјави денеска рускиот претседател Владимир Путин. Тој додаде дека може да се смета на рана примена на нивната вакцина во индивидуална терапија.

Се приближивме до создавање на т.н. онковакцина или вакцина против рак и нови генерации имуномодулаторни лекови. Очекувам дека наскоро тие ќе бидат ефикасно користени како методи за индивидуакна терапија - вели Путин.

Засега Путин не прецизираше за кои типови на рак ќе бидат наменети вакцините.

Тој додаде дека новите откритија во областа на медицината треба да бидат достапни за луѓето и широко применети во примарната здравствена заштита.

Новите откритија во областа на медицината, методите на превенција, лекување, новите лекови и опремата сами по себе не значат многу. Тие се осмислени за да го сочуваат здравјето на нашите граѓани и нашироко да се користат во примарната заштита - вели Путин.

Путин најави и зголемување на инвестициите во иновации во медицината и фармакологијата.

The post Револуционерна најава: Русија создаде вакцина против рак? appeared first on Република.

Принцот Хари, војводата од Сасекс, и помлад син на кралот Чарлс III, итно отпатува од Америка во Велика Британија за да биде со својот татко, кому му бил дијагностициран рак.

Бакингемската палата вчера објави соопштение, во кое се наведува дека на кралот Чарлс му е дијагностициран рак, но не е прецизирано од кој вид рак боледува кралот.

Според извори блиски до семејството, кралот Чарлс лично ги известил своите синови Вилијам и Хари дека е болен, како и својата сестра и браќата, пред светската јавност да дознае за болеста.

Хари, кога дознал дека татко му е болен, итно организирал патување и синоќа полетал од Лос Анџелес, а денес пристигнал во Лондон.

Тој наводно веднаш тргнал да го види својот татко, кој моментно се наоѓа во Кларенс Хаус.

Хари пристигна сам во Лондон, а неговата сопруга Меган Маркл остана со нивните две деца, принцот Арчи и принцезата Лилибет, во Америка, пишува „Телеграф“.

The post Принцот Хари итно пристигна во Лондон appeared first on Република.

Фармацевтската компанија Модерна создаде експериментална вакцина која може да помогне во борбата против ракот, пишува Сан.

81-годишен старец со неизлечив карцином на кожа е првиот човек кој прими експериментална вакцина уште во октомври.

Неговиот идентитет не е објавен, но тој рече дека „се чувствува како да придонесува на нешто што може да им помогне на многу луѓе“.

Вметнатиот генетски материјал (гласник РНК) ги имитира маркерите пронајдени на површината на клетките на ракот и го „учи“ телото да се бори со нив“ – исто како што е случајот со пандемиските вакцини.

Д-р Дејвид Пинато и неговиот тим од Империал колеџ во Лондон тестираат сè за да видат дали вакцината е доволно безбедна за тригодишно глобално тестирање.

Тој се надева дека вакцината ќе може да ги лекува пред се ракот на кожата и белите дробови, а потоа и другите цврсти тумори како што се цревните тумори и туморите на дојката.

-Истражувањето е во рана фаза. Но, се доближуваме до терапии кои се потенцијално помалку токсични и попрецизни – изјави Пинато.

Д-р Кајл Холен од Модерна рече дека сите се возбудени поради првите резултати и дека се надева дека ова ќе воведе нова ера во лекувањето на ракот.

The post Прв пациент примил експериментална вакцина против рак на кожа appeared first on Република.

Шведскиот фудбалски тренер Свен-Горан Ериксон, кој има 75 години и долга и блескава кариера во неколку земји, соопшти дека е многу болен од рак и дека прогнозите укажуваат дека му остануваат уште околу дванаесет месеци живот.

Во најдобар случај, ми останува уште една година. Во најлош случај, нешто помалку“, изјави Ериксон во интервју за шведската јавна радио станица.

Славниот тренер додаде дека „ќе се спротивставува на болеста се додека може“.

„Свеннис“, прекарот по кој е познат, призна дека наместо да седи дома „да се жали дека има лоша среќа“, претпочита да има „позитивен“ поглед и да не се предава на „несреќата“.

Наведувајќи здравствени проблеми како причина, Ериксон минатата година ја напушти позицијата како спортски директор на скромниот шведски клуб Карлштад, последната етапа од долгата и плодна кариера која почна во доцните 1970-ти во неговата родна земја.

По освојувањето на лигата и Купот на УЕФА со шведскиот Гетеборг, тој премина во Бенфика, каде што освои три првенствени титули, а оттаму замина во Италија каде што го помина поголемиот дел од својата кариера во клубови како Рома, Фиорентина, Сампдорија и Лацио. Со „небесно сините“ Ериксон ја освои Серија А, неколку купови, како и уште еден трофеј во УЕФА купот.

Ериксон беше дел и од англискиот фудбал (Манчестер Сити, Лестер), а беше и селектор на Англија, Мексико, Брегот на Слоновата Коска и Филипините. Тој работеше и во кинеската и тајландската лига.

Во Англија тој стана првиот небритански тренер назначен за селектор на фудбалската репрезентација. Ериксон го предводеше Гордиот албион“ помеѓу 2001 и 2006 година, раководејќи го англискиот тим на Светските првенства во 2002 и 2006 година и на Европското првенство во 2004 година.

The post Славниот шведски тренер обелодени дека му останува уште „најмногу“ една година живот appeared first on Република.

Кога дознал дека на лотарија освоил 40 милиони американски долари, околу 37 милиони евра, добитникот на лото Том Крист, воопшто не се возбудил и се откажал од своите пари освоени на канадската лотарија.

За „ЦБЦ њуз“, овој долгогодишен директор на електрична компанија во Канада вели:

Имав среќа да работам за компанијата 44 години. Во текот на мојата кариера заработив доволно пари за да се грижам за себе и за моите деца. Затоа не ми требаат освоените пари на лотарија“.

Наместо да ги земе освоените пари, тој решил да донира милиони во добротворни цели, но, позадината на таквата одлука е потресна, пренесува германски МСН.ком.

Неколку месеци пред да освои пари на лотарија, Том Крист доживеал тежок судбински удар, неговата сопруга почина од рак на белите дробови.

Ова, како што објаснува, е и причината поради која ги донирал големите добивки од лотарија на добротворна организација која се грижи за децата на кои им е потребен посебен третман за рак.

The post Добил 40 милиони долари на лотарија, па се откажал од нив поради потрена причина appeared first on Република.

Научникот на штипскиот Универзитет „Гоце Делчев“, Рубин Гулабоски, кој е меѓу топ два проценти на највлијателни научници во светот според Стендфорд листата, во видео интервју за МИА вели дека доколку нема државни, политички и фармацевтски опструкции, вакцината против сите типови на канцер ќе биде достапна на пазарот за една до две години.

Тоа е резултат на истражувања на „Бионтек“ компанијата којашто беше вклучена во дизајнирањето на „Фајзер бионтек“ вакцината мРНА за која можеме што сакаме да кажуваме, меѓутоа таа го спаси човештвото. Веќе ги имаат објавено првите резултати пред неколку недели, каде што на животни имаат покажано повеќе од 80 проценти ефикасност на сите типови на канцер, вели Гулабоски во интервјуто снимено во прес-центарот на МИА во Штип.

Според Гулабоски, преку науката однапред можат да се предвидат проблемите, што ќе се јават во светот. Сајбер безбедноста, криптовалутите и енергетските проблеми ќе бидат главните проблеми.

The post Гулабоски: Вакцината против сите видови на канцер ќе биде достапна за една до две години appeared first on Република.

Гинеколошкото одделение при Општата болница во Кочани регистрирало драстичен пораст на бројот на канцерогени случаи и алармира за подигање на јавната свест кај женската популација за редовни превентивни прегледи.

Од јануари до септември годинава во евиденцијата се забележани девет случаи на канцер, главно на грлото на матката, при што еден случај е сериозен и неоперабилен.

Практично секој месец евидентираме по еден случај со канцерогени симптоми, а најчесто пациентките на лекарски преглед доаѓаат откако ќе забележат здравствени промени. Ако продолжи таквиот тренд, до крајот на годината ќе има зголемување на случаите за трипати во споредба со лани. Пациентките се од различни генерации, најчесто околу 50-годишна возраст, но има и помлади. Поради тоа упатувам апел за навремено и редовно јавување на преглед заради заштита од евентуални несакани последици, истакнува специјалистот Илчо Атанасовски, гинеколог во Општата болница во Кочани.

Болницата има соодветни услови за прегледи, а се прават напори за подигање на квалитетот на здравствената заштита.

Располагаме со нов 4Д ехо апарат што го имаат и посовремените болници. На гинеколошко-акушерското одделение не се водат само раѓањата, туку за деветте месеци имаме и околу две илјади прегледи. Реализирани се и 180 хоспитализации на пациентки и тие се задоволни од условите и услугите, истакнува Атанасовски.

Во апелот за редовни прегледи тој потсетува дека од минатата година постои можност преку интернет платформата e-zdravstvo.mk да се направи електронска регистрација за ПАП тест на секоја жена.

Според евиденцијата на здравствените установи, секоја година во државата се регистрираат по 150 нови случаи со рак на грлото на матката, а има по околу 50 смртни случаи како последица од ова заболување.

The post Најчесто рак на грлото на матката: Драстичен пораст на случаи на канцер на Гинеколошкото одделение во Кочани appeared first on Република.

Тим истражувачи од Институтот за модерна физика при Кинеската академија на науките го разви првиот медицински акцелератор за лекување од рак со тн. тешка јонска терапија во оваа далекуисточна земја, со независни права на интелектуална сопственост и го стави во клиничка примена, јави Синхуа.

- Никогаш не мислев дека ќе можам да го победам туморот... По следењето на неколку дози од третманот, клетките на ракот во телото исчезнале, изјави излечен пациент кој заздравува во градот Ланжу во северозападната кинеска област Гансу.

Во споредба со традиционалната терапија со зрачење, тешката јонска терапија се смета за пооптимална, бидејќи вклучува помалку зрачење на здравите клетки. Периодот на лекување е пократок и терапијата може поделотворно да ги контролира клетките на ракот.

Терапиите со зрачење кои користат тешки јонски забрзувачи може „да ја бомбардираат“ целта со електрони со висока енергија за да ги убијат клетките на ракот. Успешната работа на медицинската опрема ја отвори вратата за независни иновации од првичните основни истражувања до конечната индустријализација и промоција, пишува стручното дневно „Кинеско научно гласило“.

Во 2006 година, Кина стана четвртата земја, по САД, Јапонија и Германија, која успешно спроведе клинички третман со тешки јони, кога четворица пациенти со канцер учествуваа во првичните клинички испитувања со тешка јонска терапија.

The post Создаден првиот акцелератор за лекување рак со јонска терапија appeared first on Република.

Случаите на рак кај младите луѓе ширум светот пораснале за 79 отсто, меѓу 1990. и 2019 година, предупредуваат новите истражувања. Научниците го проучувале зголемувањето на стапките за оние на возраст под 50 години.

Северна Америка, Австралија, Азија и Западна Европа се подрачјата со највисоки стапки на рак во рана возраст. Според истражувачите, иако генетиката веројатно придонесува за порастот - и пушењето, пиењето алкохол и исхраната богата со месо и сол, но со малку овошје и млеко, се главните фактори на ризик. Утврдено е дека прекумерната тежина, ниската физичка активност и високиот шеќер во крвта имале улога во тоа покачување на бројките кај младите лица. Научниот труд е објавен во списанието „БМЈ онколоџи“ (BMJ Oncology).

Ракот на дојка го сочинува најголемиот дел од случаите - 13,7 на секои 100.000 луѓе. Случаите на рак на душникот и на простата, пак, растат најбрзо со 2,28 насто и 2,23 насто годишно, соодветно.

А пак, случаите на рак на црниот дроб се во пад, во просек за 2,88 отсто.

Раководителката на истражувањето, д-р Ксуе Ли од Центарот за глобално здравје на Институтот „Ашер“ при Универзитетот во Единбург во Шкотска, смета дека ракот во рана возраст покажува „нагорна линија“ за последниве 30 години, но дека „вкупната стапка на инциденца е стабилна“ од 2010 до 2019 година.

Добротворната организација „Кансер рисрч УК“ (Cancer Research UK) потврди дека напредокот во згрижувањето на болни ракот помогнал да се спасат најмалку 1,2 милиони животи во Обединетото Кралство од 1980-тите до денес. Д-р Клер Најт смета дека ракот останува „првенствено болест на постарите лица“, но и оти, сепак, наодите од новото истражување се алармантни.

- Потребни се повеќе испитувања за причините за рак на рана возраст, за одредени видови канцер, како што е и нашето истражување коешто разгледува нови начини за идентификување поголема опасност од рак на дојка кај помладите жени, додаде д-р Најт.

Таа препорачува урамнотежена исхрана, непушење, многу вежбање и безбедно, умерено изложување на Сонце.

The post Стапката на рак кај младите во пораст од 79 отсто за изминатите 30 години appeared first on Република.

Една од првите што примија вакцина против рак на јајници во едно клиничко истражување пред 11 години беше Џејми Крејс Мрсер. Со дијагноза на напреднат рак на јајниците кога имала 34 години, Крејс мислела дека ќе умре млада и направила тестамент во кој на најдобрата другарка ѝ го оставила омилениот ѓердан. Сега има 50 години и засега нема знаци дека ракот ѝ се враќа.

Не знае со сигурност дали вакцината ѝ помогнала, но со гордост вели „јас сѐ уште сум тука“.

По неколку децении мал напредок во лекувањето на ракот, научниците велат дека истражувањата достигнале пресвртница, при што многумина предвидуваат дека следниот чекор напред во третманот на ракот ќе биде вакцина во рок од 5 години.

Имено, не станува збор за воспоставени, односно традиционални вакцини што спречуваат болести, туку за вакцини за намалување на туморите и спречување на враќањето на ракот. Целите на овие експериментални третмани вклучуваат рак на дојка и белите дробови, а позитивни резултати се забележани годинава во третманот на смртоносниот рак на кожата меланом и рак на панкреасот.

Вакцините против рак, како и другите имунотерапии, го зајакнуваат имунолошкиот систем за да ги пронајде и убива клетките на ракот. А некои нови користат mRNA, која беше развиена за рак, но за прв пат беше користена за вакцини против COVID-19.

„За да функционира вакцината, треба да ги научи Т-клетките на имунолошкиот систем да го препознаат ракот како опасен“, вели д-р Нора Дисис од Институтот за вакцина против рак при UW Medicine во Сиетл. „Откако ќе се обучат, Т-клетките можат да патуваат насекаде во телото за да забележат опасност“.

Напредокот во третманот со вакцини е предизвик уште од нивното основање. Првиот лек, Provenge, беше одобрен во САД во 2010 година за третман на рак на простата кој се прошири на други органи. Во таква фаза на болеста неопходно е да се обработат сопствените имунолошки клетки на пациентот во лабораторија и потоа да се вратат. Исто така, постојат вакцини за лекување на ран рак на мочниот меур и напреднат меланом.

Некои од првите истражувања за рак престанаа бидејќи ракот како болест го победи имунолошкиот систем на пациентите и не дозволуваше, како таков, било каков вид на лек.

Меѓутоа, истражувањето и работата на вакцините сега се фокусирани на пациентите во раните фази на болеста, бидејќи досега се покажа дека вакцините не можат да делуваат кај пациенти кои се во напредна фаза.

The post Првата пациентка што прими вакцина против рак успешно се опорави appeared first on Република.

Постојат разни симптоми кои се малку познати, но нивното рано препознавање може да помогне во навремено откривање сериозни здравствени проблеми.

Советот на британскиот стручњак, д-р Дебора Ли, гласи: посетување лекар ако таа болка трае повеќе од 20 дена. Болката е предизвикана од притисокот на туморот врз коските, нервите или некои други делови на телото. Исто така, болката може да биде различна, а зависи од тоа каде се наоѓа туморот и во која фаза е тоа.

Ако почувствувате болка во Вашето тело кога се обидувате да заспиете, постои можна опасност да имате некој вид рак. Болката се појавува навечер при легнување и тоа е еден од најчестите симптоми на рак... Ноќе може да има многу поголема непријатност бидејќи тогаш ракот расте побрзо. Кога ќе легнете, тој ја менува распределбата на тежината на туморот и околните ткива, што често предизвикува болка, појаснува, д-р Ли.

Таа додава дека оваа болка не мора да значи дека човекот има рак, па се препорачува и проверка на други симптоми, како што се губење тежина и апетит, слабост и исцрпеност, гадење и повраќање и висока температура.

The post Ако чувствувате болка при легнување навечер тое е можен знак за рак appeared first on Република.

Кинески научници открија дека мирисот на нов автомобил може да предизвика смртоносни болести, како, на пр., рак.

Истражувањето траело 12 дена, при што испитуван бил неименуван хибриден теренец чија внатрешност била исполнета со елементи од пластика, вештачка кожа и ткаенина. Според стручњаците, таа комбинација произведува опасни материи, вклучувајќи и бензен и формалдехид, коишто можат да предизвикаат рак, акутна миелоидна леукемија и други сериозни болести.

За време на експериментот, автомобилот бил паркиран подалеку од други возила.

Во кабината се забележани 20 хемиски испуштања. Во истовреме, концентрацијата на некои од нив во автомобилот се покажала многу висока, особено онаа на бензен, формалдехид и ацеталдехид.

Овие хемикалии можат да предизвикаат вртоглавица, отежнато дишење и гадење кај патниците. И покрај фактот дека количината хемикалии не ја надминува границата на кинескиот стандард за безбедност, научниците тврдат дека истовременото ослободување на овие супстанции може да предизвика рак.

Уште понепријатната информација е дека тоа може да се случи и по само половина час престој во внатрешноста на возилото

The post Возачите нема да се сложат: Научниците тврдат дека од мирисот на нов автомобил може да добиете рак appeared first on Република.

Кинески научници развиле имплантирана и самонаполнета батерија која помага да се уништат клетките на туморот со регулирање на микросредината која го поддржува растот на туморот.

Студијата, објавена во списанието „Science Advances“, објаснува како батеријата, во комбинација со пролекот тирапазамин, може да го намали обемот на туморот во просек за 90 отсто во рок од две недели, елиминирајќи ги туморите кај четири од пет лабораториски глувци.

Тирапазамин е експериментален биоредуктивен лек против рак кој се активира на токсичен радикал само при многу ниски нивоа на кислород (хипоксија), а пролекот е биолошки неактивна супстанција додека не стигне до телото, каде што се трансформира во биолошки активен лек преку метаболизмот.

Тим истражувачи од Универзитетот Фудан дизајнирале имплантиран уред кој се состои од биокомпатибилен полиимид на база на карбонил и метал цинк. Таквата батерија успева да формира циклус на празнење и само-полнење и овозможува кислородот да се троши рамномерно во туморите на глувците.

На овој начин, и содржината на кислород и нивото на ПеХа (pH) се регулирани во туморот. Студијата покажала дека батеријата го оптимизирала ефектот на тирапазамин кога посредувал во уништувањето на туморите кај глувците. Имено, овој пролек ја користи состојбата на туморот осиромашен со кислород за селективно да ги уништи хипоксичните клетки, односно оние со недостаток на кислород.

Истражувањето, исто така покажа дека батеријата може да се користи како ефикасен регулатор на микросредината на туморот за антитуморна терапија, veli Џанг Фан, професор на Универзитетот Фудан и еден од авторите на студијата.

Научниците истакнуваат дека во текот на истражувањето не се забележани абнормални промени во телесната тежина, ниту во кожата или главните органи на глувците, што укажува на безбедноста на батеријата во лабораториските истражувања „in-vivo“.

Оваа работа е комбинирана студија која користи технологија за батерии и биотерапија. Не само што е нов метод за лекување на туморот, туку исто така поставува преседан за батериите во биомедицински апликации“, вели Ксија Јонгјао, професор на Фудан и еден од авторите на студијата.

The post Кинески научници развиле батерија што помага при уништување на туморите appeared first on Република.

Водечката американска фармацевтска компанија „Модерна“ објави дека е уверена оти вакцините против рак, кардиоваскуларни и автоимуни болести, како и други состојби ќе бидат готови до 2030 година, објави денеска „Гардијан“.

Главниот медицински директор на Модерна, д-р Пол Бартон, рече дека верува оти компанијата ќе може да понуди вакцини против „сите видови болести“ за само пет години. Компанијата, која ја произведе водечката вакцина против коронавирусот, сега развива вакцини против рак кои таргетираат различни видови тумори.

„Ќе ја имаме таа вакцина и ќе биде многу ефикасна и ќе спаси стотици илјади, ако не и милиони животи. Мислам дека ќе можеме да им понудиме персонализирани вакцини против рак, против многу различни видови тумори на луѓето ширум светот“, истакна Бартон.

Тој рече дека повеќе респираторни инфекции може да бидат покриени со една вакцина, што ќе им овозможи на луѓето да бидат заштитени од коронавирус, грип и респираторен синцицијален вирус (RSV), додека терапии со mRNA може да бидат достапни за ретки болести за кои во моментов нема лек. Терапиите базирани на mRNA се засноваат на поттикнување на клетките да произведат протеин кој предизвикува имунолошки одговор против болеста.

„Мислам дека ќе имаме терапии засновани на mRNA за ретки болести кои претходно биле неизлечиви и мислам дека за 10 години ќе се приближиме до свет каде што всушност ќе може да ја идентификувате генетската причина за болеста и да се излекува сè користејќи технологија базирана на mRNA“, објави Бартон.

Вакцината за рак базирана на mRNA ќе го предупреди имунолошкиот систем за ракот што веќе расте во телото на пациентот, за да може да го нападне и уништи, без да ги уништи здравите клетки.

Научниците, пак, предупредуваат дека забрзаниот напредок постигнат во последните три години ќе биде залуден, доколку не се задржи високото ниво на инвестиции.

The post Модерна: Вакцините против рак и срцеви заболувања ќе бидат готови до 2030 година appeared first on Република.

Според податоците на Светската здравствена организација (СЗО), бројот на случаи на рак во светот се очекува да се зголеми за 55 отсто до 2040 година во споредба со 2020 година.

Доколку стапката на рак остане стабилна, а растот на населението и стареењето продолжат паралелно, се проценува дека до 2040 година во светот ќе бидат регистрирани 28 милиони нови случаи на рак, објави СЗО.

До 2040 година, бројот на заболени од рак се очекува да се зголеми за 54,9 отсто во споредба со 2020 година, при што зголемувањето е за 60,6 проценти поголемо кај мажите отколку кај жените.

Ракот, втора водечка причина за смрт, секоја година се дијагностицира кај 734.000 луѓе, а во 2020 година, една од шест смртни случаи се должи на канцер.

На повеќе од 19,2 милиони луѓе ширум светот им бил дијагностициран рак во 2020 година, додека повеќе од 9,9 милиони луѓе починале од оваа болест.

Околу 400.000 деца годишно заболуваат од рак ширум светот.

The post СЗО: Можно е зголемување за 55 проценти на заболените од рак до 2040 година appeared first on Република.

Една од најуспешните тенисерки на сите времиња Мартина Навратилова објави дека ја добила битката со ракот на дојката и грлото.

Шеесетишестгодишната поранешна американска тенисерка од чешко потекло ја објави веста во емотивно интервју во емисија на британскито водител Пирс Морган, која ќе биде емитувана в среда.

Колку што знам, засега немам рак, рече во интервјуто 18-та освојувачка на грен – слем титули, од кои половината на Вимблдон.

Ракот на дојката и грлото на Навратилова и беше дијагностициран на крајот од минатата година во почетна фаза.

На Навратилова во 2010 година, исто така, и беше дијагностициран рак на дојката во почетна фаза.

Цврсто верувам дека кога животот ќе те погоди со трагедија, без разлика колку и да е голема, во основа имаш два избора. Да се повлечеш или да се оттурнеш и да се побуниш. Целиот мој живот јас бев бунтовник на некој начин и секогаш возвраќам, рече Навратилова, која од 2014 година е во брак со Јулија Лемигова.

The post Мартина Навратилова го победи ракот appeared first on Република.

На американскиот претседател Џо Бајден во февруари му била отстранета кожна лезија од градите, која била карцином на базалните клетки – вообичаена форма на рак на кожата, изјави лекарот од Белата куќа Кевин О’Конор.

Целото канцерогено ткиво беше успешно отстрането - вели О’Конор.

Бајден ќе биде под лекарски надзор и понатаму, но според лекарот не е потребен дополнителен третман.

О’Конор вели дека областа каде што била отстранета канцерогената лезија „добро зараснала“.

Лезиите на карцином на базалните клетки немаат тенденција да се ‘шират’ или да метастазираат, како што е познато дека прават некои посериозни карциноми на кожата, како што се меланом или сквамозен карцином, додава О’Конор.

Во февруари, О’Конор објави дека претседателот Бајден останува физички здрав и енергичен и е „способен успешно да ги извршува должностите за претседател“.

Карциномот на базалните клетки на кожата е еден од најчестите видови на рак во САД и третманот може да биде многу ефикасен кога ракот е рано откриен.

The post Бајден бил опериран од рак на кожа, канцерогеното тело е успешно отстрането appeared first on Република.