Во вечерашото гостување во емисијата „За или Против“ на ТВ Алфа пратеничката и член на ИК на ВМРО-ДПМНЕ Рашела Мизрахи истакна дека новите кадровски решенија во новата Влада на ВМРО-ДПМНЕ се лица со исклучително квалитетни луѓе.

„Ќе треба одреден период за Македонија да има одреден напредок, ние како ВМРО-ДПМНЕ и коалицијата ќе дадеме се од себе со еден жар во нас да повлечеме нанапред, тоа беше повеќе од очигледно и од техничките министри и замениците министри во техничката Влада. Јас сум пресреќна со кадровските решенија во новата влада бидејќи тоа се исклучително квалитетни луѓе“, истакна Мизрахи.

Таа продолжи и додаде:

„Враќање на нормалноста во функционирањето подразбира оживување на институциите од внатре, значи искористување на кадарот што се наоѓа внатре во институциите во насока на институциите да постојат. Досега министрите се грижеле за нивниот личен бенефит или тендерските постапки, па затоа имаме толкава стапка на криминал и корупција која ја гледаме. Криминалот и корупцијата во над 90 проценти е контролиран од државата што значи дека министрите и владата имала учество во тој криминал и корупција“, рече Мизрахи.

Таа истакна дека борбата со криминал и корупција е главното прашање за ВМРО-ДПМНЕ.

„Главното прашање за ВМРО-ДПМНЕ е борбата со криминал и корупција тоа е првото и основно прашање кое треба да се обратиме. Досега имавме држава која и припаѓаше на мафијата и ни треба борба со таа мафија, криминал и корупција за да имаме слободни институции и систем кој ќе функционира“, вели Мизрахи.

Таа посочи дека Македонија ќе биде стабилно место за деца да останат дома.

„Генералната цел за нашето постапување како ВМРО-ДПМНЕ и коалицијата е создавање на држава, имање на држава која ќе е стабилно место за нашите деца да останат дома. Сите заедно со многу надеж после огромната победа ќе изградиме држава достојна за Македонија“, посочи Мизрахи.

The post Mизрахи: Сите заедно со многу надеж по огромната победа ќе изградиме држава достојна за Македонија appeared first on Република.

Помина прославата на најголемиот македонски празник Илинден. Наместо како што сме навикнати тоа да биде свечено и со многу народ, оваа година беше и повеќе од скромно. Наместо народ, во Крушево и на Пелинце имаше повеќе обезбедување отколку граѓани.

Пратеничката Рашела Мизрахи во своето гостување на „Алфа тв“ се осврна и на тоа како се славел Илинден пред неколку години, а како се слави сега.

-Ова се сведува на концептот „Дојде живот за сите„ и „Рамо до рамо“, значи чиста пропаганда и пи-ар стратегии ништо по егзискуција ништо направено низ институциите за граѓаните, едне куп лаги кон граѓаните и кои што кулиминираат со распродажба со се она што е национален богатство на оваа држава.Значи не зборувам тука за струја, вода, храна само како ресурси, туку зборувам и за она што е историја, култура, традиција на македонскиот народ и што очекуваа да стане. Значи да сега сме сведоци на една тажна слика, празен пат, народ нем , за разлика од некогаш, исвиркувани се оние од власта што и е за очекување. Ние се сеќаваме на моменти од минатото кога имало многу народ, кога имало многу музика, кога било многу весело,кога се вееле многу занимиња и навистина Илинден се прославувал онака како што јас би сакала да се прославува, сепак не би сакала да се очајува на овој ден бидејќи ќе има и нареден Илинден, 121 Илинден кој што ќе се прослави на поинаков начин, рече таа.

The post Илинден без народ appeared first on Република.

Од циркус во циркус. Ако целта ги оправдува средствата, да видиме која им е целта. Ако целта е за остварување на програмата на владата, она што е во спротивност со член 5 од Законот за влада, тогаш требаше да се распуштат сите министри и Ковачевски самиот себе и да одиме на избори. Но, не ќе да е тоа цел. Ако целта им беа уставните измени, ќе ги задржеа сите, ама не ќе да е ни тоа. Но, доколку целта е 61 пратеник поради дестабилизација во редовите на коалициониот партнер и компензација, тоа веќе има логика, изјави пратеничката од ВМРО-ДПМНЕ, Рашела Мизрахи, на денешната собраниска седница.

Таа истакна дека од Ковачевски не слушнавме образложенија за разрешувањата туку кратко експозе како за на трибина кое никој не го купува.

– Ковачевски како не избран од народот, нема позиција на премиер избран од народот на Македонија, логично е да се запрашаме чив марионетски премиер сте вие. Слушнавме вчера како сте ги молеле пратениците на Алтернатива и кој се праќал абери и замолници. Цитирам кој уште не дојде, и Еди Рама“. Тоа значи дека пред една година Еди Рама учествувал во формирањето на владата. Епа кој учествува сега? Сега станува сомнително дали вие Ковачевски сте премиер на независна и суверена Македонија или портпарол на некоја туѓа влада? Онаа на Албанија или онаа на Бугарија? – прашува таа.

Мизрахи потенцира дека на народот му е преку глава од се што прави оваа влада и прашува дали излегуваат пратениците од власта помеѓу улиците.

– На народот му е преку глава од шарена револуција до докази дека била само за слободно плачкање на народот и државата. Преку глава од СЈО како Нирнбершки процеси, до Катица Јанева во затвор, а парите во Заев. Преку глава од одбрана на марихуана и нарко пазар . преку глава од политички прогон: преку глава од пасоши за нарко босови, кризни состојби за тендери во 4 очи. Од горење на живи луѓе, а одговорност никаде. Кршење на закони, кршење на Устав, злоупотреба на европско знаменце, изјави Мизрахи.

The post Мизрахи: Ковачевски е премиер на Македонија или портпарол на некоја туѓа влада? appeared first on Република.