Украински дрон погоди рафинерија за нафта во градот Уфа во руската република Башкортостан во подножјето на Урал, планински венец што ги дели Европа и Азија.Три украински беспилотни летала паднале во реонот на нафтена рафинерија, при што еден од нив паднал врз самата фабрика.

Дронот направил минимална штета и нема жртви .Украинските беспилотни летала нападнаа објекти во Башкортостан, кој се наоѓа на околу 1.500 километри од границата со Украина.

The post Украински дрон падна врз руска рафинерија 1500 километри во внатрешноста appeared first on Република.

Украинско беспилотно летало со долг дострел утрово ја погоди рафинеријата Гаспром Нефтехим Салават во Башкортостан. Според изворот на Украинска Правда, станува збор за дрон SSU кој поставил рекорд со преминување 1.500 километри.

Газпром Нефтехим Салават е една од најголемите компании за рафинирање на нафта и петрохемиско производство во Русија. Специјализирана е за производство на бензин, дизел гориво и други видови нафтени деривати.

Радиј Хабиров, шеф на Башкортостан, пријави денеска напад со дрон врз рафинерија во Башкортостан. Руските медиуми објавија снимки од чадот од пожарот.

Украина ги интензивираше нападите врз руските нафтени рафинерии во последните месеци за да се обиде да ја спречи Русија да профитира од продажбата на нафта и нафтени деривати. Во своите напади главно користи дронови.

(МИА)

The post Украина го изврши најдлабокиот напад во Русија, погодувајќи рафинерија оддалечена 1.500 километри appeared first on Република.

Рускиот нафтен концерн „Роснефт“ поднесе тужба пред судот во Германија против Владата во Берлин за преземањето на германската филијала на компанијата, вклучувајќи ја тука и големата рафинерија кај градот Шведт, објавија германските медиуми.

Германската Влада, минатиот месец, му го додели управувањето со подружницата на „Роснефт“  на националниот енергетски регулатор, со цел обезбедување контрола врз рафинеријата Шведт од каде се дистрибуира гориво за Берлин и голем дел на cеверна Германија.

Рафинеријата Шведт е четврта по големина во Германија и задоволува 90 отсто од побарувачката на горива во Берлин. Од нејзината изградба во 60-тите години на минатиот век, нафта за рафинеријата се набавува исклучиво од Русија преку нафтоводот „Дружба“. Шведт, исто така, со деривати снабдува области на западна Полска, како и аеродромот „Берлин-Бранденбург“.

Заедно со сопственоста, се отстранува и заканата за енергетската безбедност и се поставува камен-темелникот за зачувување и иднина на локацијата Шведт - соопштија тогаш од Министерството за економија.

Тие тогаш нагласија дека „Роснефт Дојчланд“ сочинува околу 12 отсто од германскиот капацитет за рафинирање нафта и е меѓу најголемите преработувачи на нафта во Германија.

Покрај со Шведт, регулаторот сега управува и со рафинериите на „Роснефт“ во Карлсруе и Вохбург.

Руската компанија поднела тужба против Владата пред Федералниот управен суд во Лајпциг, објави бизнис-весникот „Ханделсблат“, повикувајќи се на информации од правниот застапник на „Роснефт“.

„Роснефт“ тврди дека потегот бил неоправдан бидејќи компанијата уредно ги исполнувала своите договорни обврски.

До денес „Роснефт“ целосно ги исполнува своите обврски за испораки сирова нафта - стои во тужбата составена од адвокатската фирма „Малмендиер Легал“.

Руската компанија засега не е достапна за информација.

Од германското Министерство за економија потврдуваат дека се запознаени со тужбата на „Роснефт“, но се уште не добиле никаков документ.

Според изјава на портпарол на Министерството, исполнети биле условите за преземање на подружницата на „Роснефт“ согласно Законот за енергетска безбедност.

Причината е загрозувањето на снабдувањето со енергија и заканата од нарушување на безбедноста на снабдувањето - изјави портпаролот на Министерството.

The post „Роснефт“ ја тужи Германија за преземањето на нејзината филијала и рафинеријата Шведт appeared first on Република.

Руски и претставници на Луганската Народна Република (ЛНР), обвинуваат дека украинската армија сè уште ја бомбардира територијата на нафтената рафинерија во Лисичанск.

Целта на нападот на фабриката е очигледна. Украинската армија сака да ги уништи сите можности за живот во областа. Порано тука работеа многу луѓе од Лисичанск, зошто да го напуштат? Украинците сакаат зад себе да остават изгорена земја. Ги уништија и градовите Рубежно и Северодонецк. Така ги запалија и полињата со пченица. Нивната цел е да не остават ништо зад себе, да уништат сè, бидејќи, според нивното мислење овде не живеат луѓе, туку, нејасно кој - сепаратисти - за руските медиуми вели претставник на еден од безбедносните оддели на ЛНР.

The post ЛНР: Украинската армија ја гаѓа територијата на нафтената рафинерија во Лисичанск за да не остави услови за живот во регионот appeared first on Република.

Министерство за одбрана на Русија соопшти дека руските сили уништиле рафинерија за нафта и три складишта за гориво со високопрецизни морски и воздушни ракети во регионот на Одеса.

Се наведува дека нападнатите објекти ги користише Украина за снабдување на своите војници лоцирани во близина на градот Миколаев.

Претходно, украинските власти соопштија дека во нападот нема човечки жртви.

The post Во Одеса уништени се рафинаерија за нафта и три складишта за гориво appeared first on Република.

Рафинериите „ЕЛПЕ“ и „Арамко“ од Грција и Саудиска Арабија, постигнале првичен договор, Грција да добива дополнителни резерви на сурова нафта од Саудиска Арабија.

Медиумите во Грција пишуваат дека првичниот договор бил постигнат за време на првиот бизнис форум меѓу двете земји одржан во Ријад, а финализирањето се очекува во следните недели.

Онлајн изданието на весникот „Прото тема“ пишува дека конкретниот потег, меѓу другото „ќе ја пополни енергетската празнина создадена со ембаргото кон Русија“, додека пак „Икономикос тахидромос“ објави дека за ова прашање станало збор и на средбата на министерот за енергетика на Саудиска Арабија, принцот Абдулазиз бин Салман Ал Сауд и министерот за развој на Грција Адонис Георгиадис.

Бизнис делегација и министри од грчката Влада, во организација на Министерството за надворешни работи на Грција од 12. до 14 март беа во Саудиска Арабија каде што имаа низа средби и контакти, а се одржа и првиот бизнис форум меѓу двете земји.

Грчката делегација, во која беа и 55 високи претставници од 43 грчки компании, ја предводеше заменикот МНР задолжен за економска дипломатија Костас Франкојанис, кој по враќањето во Атина изрази задоволство од билатералните односи со Саудиска Арабија, „со која постојат силни, историски и културни врски“ и истакна дека во мај Грција ќе ја посетат инвеститори и бизнисмени од Саудиска Арабија.

The post Грција и Саудиска Арабија постигнале првичен договор за дополнително снабдување со сурова нафта appeared first on Република.