Рафаел Надал и официјално се повлече од Вимблдон. Претходно, шпанскиот тенисер најави дека ќе паузира поради физички проблеми. Надал има намера да се пензионира во 2024 година.Местото на Надал во главната ждрепка ќе го заземе Роман Сафиулин.

Грен слемот Вимблдон 2023 ќе започне на 3 јули.

The post По Ролан Гарос Надал се повлече и од Вимблдон appeared first on Република.

Шпанскиот тенисер Рафаел Надал потврди дека повредата која ја здоби во 2. коло на Австралија опен ќе го отстрани од терените во следните шест до осум недели, што, најверојатно, значи негово враќање на стартот на сезоната на турнирите на земјена подлога.

„Извршив прегледи во клиниката Кекнон Тенис во Барселона. Потврдена е дијагнозата од Мелбурн и времето потребно за рехабилитација останува исто“, објави Надал на Твитер.

За време на Австралија опен лекарите на Надал му констатираа мускулна повреда за која не е потребен оперативен зафат.

„Дополнителни прегледи ќе направиме за три недели и тогаш ќе видиме како напредува рехабилитацијата“, додаде освојувачот на 22. грен – слем титули, кој во јуни ќе наполни 37 години.

Во тимот на Надал се надеваат дека Шпанецот тогаш ќе биде подготвен за настап на Ролан Гарос во обид да ја освои својата 15. титула на грен – слем турнирот во Париз

The post Надал ќе отсустува два месеци appeared first on Република.

Шпанскиот тенисер Рафаел Надал даде свое видување за поразот во четвртото коло на УС Опен од Френсис Тиафо (4:6, 6:4, 4:6, 3:6).

– Одиграв лош натпревар, а но тој одигра многу добро. Мора да си брз и многу млад, но не можам повеќе да го задржам тоа темпо. Нема да барам изговори. Отидов во четвртото коло и се соочив со играч кој беше подобар од мене. Важно е да се препознаат сите добри работи што ги прави и направи противникот. Дали повредите ми пречеа? Сега можеме да жалиме и да се жалиме за нешто, но тоа нема да ја промени ситуацијата. Ова е дел од мојата кариера, изјави надал.

Мечот се одигра ноќеска и траеше 3 часа и 32 минути.

Триесет и шестгодишниот Шпанец имаше девет аса, исто толку двојни сервис грешки, и две брејк топки од шест можности.

Дваесет и четиригодишниот Американец сервираше 18 асови и четири двојни грешки, а искористи пет од осум брејк топки.

Тиафо во четвртфиналето ќе се соочи со Русинот Андреј Рубљов

The post Сензација на УС Опен-испадна Надал appeared first on Република.

Рафаел Надал не можеше да ја избегне приказната за Новак Ѓоковиќ ниту по убедливата победа во првото коло на Австралија Опен. Шпанецот го „почисти“ Маркос Жирона од теренот, а потоа наиде на нови прашања од новинарите во врска со Новак Ѓоковиќ и ситуацијата низ која помина.

Надал изјави дека ќе биде „подобро за сите“ Новак Ѓоковиќ да игра на Австралија опен и дека верува дека најдобриот светски играч „не е единствениот“ што направил грешки во својата сага за депортација.

Но, тој порача и дека никогаш нема да биде против она што го вели правдата откако Федералниот суд на Австралија ја потврди одлуката на министерот за имиграција, Алекс Хок, за укинување на визата за српскиот тенисер.

Пред една недела, кога го доби првиот спор, реков дека правдата си го кажа своето. Тие вчера кажаа нешто друго, а јас никогаш нема да одам против правдата.

 

Втората работа е во што јас лично верувам. Идеална ситуација во светот на спортот е кога најдобрите играат на најважните натпреварувања. Без сомнение е подобро за спорт. Ако Ѓоковиќ игра тука, ќе биде подобро за сите, нема сомнеж. Се случи уште една работа и не можам да кажам ништо бидејќи ситуацијата сега е многу јасна.

Прашан за односот со Ѓоковиќ, Надал му посака се најдобро на српскиот тенисер и истакна дека целата ситуација била „хаотична“.

Не е единствениот кој згреши во овој случај. Секако дека има повеќе одговорни за оваа страшна ситуација со која се соочуваме последните две недели. Сепак, тој е еден од одговорните. Лично, би сакал да го видам да игра овде. Дали е фер или не што не игра е друга работа за која не сакам повеќе да зборувам – заврши Надал.

The post Надал: Ѓоковиќ е еден од одговорните, судот е во право appeared first on Република.