Шпанскиот фудбалски прволигаш Селта Виго го раскина денеска договорот со тренерот Рафаел Бенитез, осум месеци откако беше назначен на должноста.

Селта, која е 17-пласирана на табелата во Ла Лига, „не ги постигна резултатите кои клубот ги очекуваше“ под водство на поранешниот тренер на Реал Мадрид, Челзи и Ливерпул, се појаснува во клупското соопштение.

„Клубот му изразува најголема благодарност на Рафа Бенитез и неговите помошници на искрениот и професионален однос кои го покажаа од своето доаѓање“, порача Селта.

Клубот од Виго досега собра 24 бодови, два повеќе од зоната на испаѓање.

The post Селта го раскина договорот со Бенитез appeared first on Република.

Шпанскиот фудбалски стручњак и поранешниот тренер на Наполи, Рафаел Бенитез го сподели своето мислење за фаворитите во Серија А во сезоната 2022/23.

Според 62-годишниот Шпанец, Милан е инфериорен во однос на Интер и Јувентус по шансите за шампионската титула.

– Пред сите, Интер и Јувентус се фаворити за Скудетото. Невозможно е да се отпише и актуелниот шампион, но моментално Милан е инфериорен во однос на Интер и Јувентус по шансите за победа во Серија А. Исто така, не треба да се заборави и на Наполи, плус Рома која изненади со своите трансфери. Сега Мурињо ја има пријатната задача да се бори за титулата, изјави Бенитез за „La Gazzetta dello Sport“.

Минатата сезона Росонерите станаа шампиони на Италија под водство на Стефано Пиоли.

Тековната сезона во најсилното италијснако првенство започнува на 13 август со натпреварот помеѓу Милан и Удинезе.

The post Бенитез: Милан во моментов е инфериорен во однос на Интер и Јувентус appeared first on Република.