Едно полициско возило и два искршени автомобили во сообраќајка која се случи синоќа, и утрово го блокираат надвозникот на скопската обиколница кај клучката Радишани. Автомобилите ја блокираат насоката кон Радишани, па возачите кои одат во тој правен ја користа спротивната насока, на самиот надвозник, поради што се создаваат колони нервозни возачи.

Од МВР велат дека во сообраќајката нема жртви, а повредени се двајцата возачи. Во 19 часот вчера полицијата била известена дека на надвозникот на обиколницата се судриле „БМВ“ со тетовски регистарски таблички и „голф“ со скопски таблички.

Надвозникот на обиколницата кај клучката Радишани со месеци е во мрак. Токму на местото на несреќата има канделабра, исто како и на сите останати делови на надвозникот, но не светат. Возачите на надвозникот во мрак бараат каде да свртат за да се симнат на обиколницата.

The post Искршени автомобили од сообраќајка од синоќа, и утрово го блокираат надвозникот на обиколницата кај Радишани appeared first on Република.

Вчера во 20.00 часот во СВР Скопје 58-годишен маж од Скопје пријавил дека околу 19.30 часот во домот на подрачјето на Радишани тој, неговата сопруга и ќерка биле физички нападнати од неговиот син 34-годишниот Ј.К. од Скопје кој употребил и тврди предмети, извести МВР.

По целосно документирање на случајот ќе следува соодветен поднесок.

The post Насилство во Радишани: 34-годишник го нападнал семејството appeared first on Република.

ДКСК да отвори случај за хациендата на Славјанка Петровска во Радишани, како е направена, со кои пари и без документи, побара на денешната прес-конференција пратеникот Тони Јаревски.

Славјанка Петровска да не мисли дека е заборавено дека истата изградила огромна хациенда во Радишани на диво, без документи. Петровска ја криеше хациендата, но сметките за струја и вода кои беа објавени, а се на името на татко и говорат дека истата и те како има поврзаност со спорниот имот. Петровска да не се крие и да каже дали ужива во благодедот хациендата? Дали некој од нејзиното семејство ја користи? Зошто ја крие и од кои пари е направена? ДКСК да не чека Петровска да се изјасни туку да отвори случај за хациендата на Славјанка. Доволно е Антикорупциска да погледне на чие име се сметките на луксузната хациенда, тоа е појдовна основа од каде може да почне да истражува. Помина времето на политичари кои го крадеа народот и остануваа неказнети. Одговорност мора да има, порача тој.

https://youtu.be/D819uXelP24?si=0lvixTyC46qqN0SF

The post ДКСК да отвори случај за хациендата на Славјанка Петровска во Радишани appeared first on Република.

Без електрична енергија утре ќе бидат корисниците од населба Радишани и село Радишани, во Општина Бутел.

Како што соопшти РЦУК - Скопје, врз основа на информации од ЕВН Македонија АД, населбата и селото Радишани ќе бидат без струја во периодот од 09.10 до 14.30 часот. 

The post Без струја утре населбата и село Радишани appeared first on Република.

Во Скопје во 12.35 часот на ул.„Радишанска“ полициски службеници од Оперативен тим потраги при СВР Скопје го лишиле од слобода А.Г. (46) од скопското село Радишани.

Од МВР информираат дека тој бил баран по Централна потерница врз основа на наредба на Основен кривичен суд Скопје за издржување казна затвор од две години за сторено кривично дело по член 235 од Кривичниот законик.

Лицето ќе биде спроведено во надлежната казнено-поправна установа за издржување на казната, информираат од МВР.

The post Уапсен радишанец кој треба да лежи две години затвор appeared first on Република.

Вчера вo 11.20 часот во СВР Скопје било пријавено дека на ул.„Ацо Шопов“ во Скопје, товарно возило „фиат фиорино“ со радовишки регистарски ознаки, управувано од Ј.Р.(53) од Скопје, удрило во пешакот Е.Х.(37).

Во несреќата Е.Х. се здобил со тешки телесни повреди, констатирани во Комплекс клиники „Мајка Тереза“.

Увид на местото извршила екипа од СВР Скопје.

The post Комбе удри во пешак во Влае appeared first on Република.

Градоначалникот на Општина Бутел Дарко Косовски се пофали со новите паркиралишта во Радишани на прв влез. Паркинг местата се обезбедени на барање на жителите на прв влез во населба Радишани за да се надмине проблемот со паркирањето.

Изградена е и нова пешачка патека со павер елементи која ќе ги поврзува првиот и вториот влез и со која се обезбедува полесен пристап до детската градинка. Наскоро и на улица „Алпи “ќе се започне со изградба на нов паркинг и нови паркинг места. Паралелно се разгледуваат и скенираат сите постоечки паркинг места и согласно можностите истите ќе се реконструираат и прошируваат, напиша Костовски на Фејсбук.

The post Нови паркиралишта доби Радишани на прв влез appeared first on Република.

Градоначалникот на Бутел Дарко Косотовски по десетина месци повторно се јави од домот на семејството Давитковиќ од Радишани. И овојпат со убави вести.

Костовски информира дека покрај сериозната финансиска помош, семејството на Влатче добило нов патос, нови плочки, нов мебел, нова кујна, нови средства за греење, нова бела техника, а пред Нова година ова многу мило семејство ќе добие сериозен прилив на храна и дополнителна финанскиска помош.

https://republika.mk/vesti/skopje/kostovski-srdechna-blagodarnost-do-site-shto-dadoa-pomosh-za-vlatko-i-semejstvoto-davitkovikj-od-radishani/

Од утре Иван, помалиот брат на Влатче ќе почне со работа во општина Бутел.

Се сеќаваме на семејството Давитковиќ, Влатче, неговите браќа и сестричка!?
Се обврзав лично да бидам нивен доживотен пријател, додека сум во можност да се трудам да не им недостасува ништо што е неопходно.
Семејството Давитковиќ покрај сериозната финансиска помош, доби нов патос, нови плочки, нов мебел, нова кујна, нови средства за греење, нова бела техника. За слениот период ќе ни остане да ги замениме старите прозорци и некои ситни работи.
Пред Нова година ова многу мило семејство ќе добие сериозен прилив на храна и дополнителна финанскиска помош.
Од утре Иван, помалиот брат на Влатче, ќе почне со работа во општина Бутел 😇
Не е мој начин хуманите обврски јавно да ги презентирам, но за ова семејство излезе сторија во јавноста, па од таму помислив да објавам дека се добро, да не се грижиме за нив, да бидете спокојни. Бидејќи знам колку луѓе ги допре нивната тогашна тешка состојба. Исто така да ја искористам приликава јавно да им се заблагодарам на сите хумани луѓе кои помогнаа во оваа акција, напиша Косовски на Фејсбук.

The post Радост во домот на семејството Давитковиќ: Куќата реновирана, а Иван од утре почнува на работа appeared first on Република.

 Модерно фудбалско игралиште со виско квалитетна вештачка трева, нова ограда, нови голови и ново лед осветлување.Баскет игралиште со специјална подлога за баскет, нови кошеви и ново лед осветлување.

 Ново модерно детско игралиште.Нов парк за рекреација на граѓаните

The post Радишани ќе добие ново модерно спортско игралиште appeared first on Република.

Синоќа во 21.45 часот во СВР Скопје било пријавено дека на автопатот – Северна обиколница на град Скопје, во близина на клучка Радишани, патничко моторно возило „мерцедес“ со скопски регистарски ознаки, управувано од Е.С.(28) од Скопје, удрило во пешакот К.П.(68) од Скопје, информираше Министерството за внатрешни работи (МВР).

Во несреќата, на местото починал пешакот, а смрт била констатирана од лекар од Итна медицинска помош. Со тешки телесни повреди се здобил возачот на возилото, констатирани во Градската општа болница ‘Св.Наум Охридски‚. Извршен бил увид од Јавен обвинител и увидна екипа од СВР Скопје, наведено е во полицискиот билтен.

The post Кобна несреќа: 28-годишен возач прегазил пешак на обиколницата кај Радишани appeared first on Република.

ЗА ПРВ ПАТ КРАК НА УЛИЦА РАДИШАНСКА И КРАК НА УЛИЦА 62 ДОБИВААТ АСФАЛТ ВО НАСЕЛЕНОТО МЕСТО РАДИШАНИ ГОРНА ЗОНА
Со денешното асфалтирање за прв пат е поставен асфалт на овие улици. Со ова директно се подобрува квалитетот на живот на граѓаните на Општина Бутел и се унапредива патната инфраструктура.
Овие краци за прв пат добија асфалт. Се поставија и сливници на соодветни места со што се надминува проблемот со поплавување на домовите при обилни дождови.
Ова се улици во населеното место Радишани горна зона во кое интезивно се гради и се проширува општината.
Во изминатиот период се асфалтираа неколку улици кој се опфатени во првата фаза, а продолжуваме со асфалтирањето на 20 улици и во наредните денови.
Се подобрува патната мрежа во сите населени места, а приоритет добија оние места каде што до сега никогаш немало асфалт.
Градежнто лето се одвива со силна динамика. Запазени се сите рокови и ветувањата кон граѓаните.
Продолжуваме во останатите населени места кои што се опфатени со првата фаза.
Еднаков и рамномерен развој на сите населени места.

The post Се асфалтира и во општина Бутел: Денеска во Радишани горна зона, од утре уште 20 улици appeared first on Република.

Јавен обвинител од Основното јавно обвинителство Скопје донесе Наредба за спроведување истражна постапка против 43-годишен скопјанец за кого постои сомнение дека сторил кривично дело – Убиство од член 123 став 2 точка 2 во врска со став 1 и во врска со член 19 (во обид) од Кривичниот законик. Во исто време, надлежниот обвинител презеде дејствија од кои произлезе дека осомничениот сторил и кривично дело – Загрозување на сигурноста од член 144 став 2 во врска со став 1, кое претходело на обидот за убиство.

На 23 јули, во вечерните часови, осомничениот во алкохолизирана состојба пристигнал во семејната куќа во Радишани, каде со сопругата и децата живееле разделени на посебни катови поради претходно нарушени односи. Притоа започнал да ги навредува сопругата и ќерката, ги полеал скалите, оградата и ѕидот од куќата со бензин, заканувајќи се дека ќе ги запали ако не се отселат.

Кога неговиот 18-годишен син се обидел да го спречи во семејното насилство, осомничениот со умисла се обидел да го лиши од живот. Тој го давел оштетениот со двете раце на вратот и се обидувал да го фрли од терасата на вториот кат кон дворот на куќата, на висина од 2,5-3 метри. Во намерата го спречиле сопругата и двајца сведоци на настанот.

Оценувајќи дека постои сериозна опасност осомничениот да се даде во бегство доколку се брани од слобода, да се обиде да го доврши обиденото кривично дело и да го стори делото кое се заканувал дека ќе го изврши, како и да влијае врз сведоците и врз оштетениот, јавниот обвинител до судијата на претходна постапка при Основниот кривичен суд Скопје вечерва достави предлог за определување мерка притвор.

The post Скопјанец сакал да ја запали семејната куќа, се обидел со голи раце да си го убие синот appeared first on Република.

Четириесет годишна скопјанка го загуби вчеравечер животот во сообраќајната несреќа која се случи кај Радишани.

Од МВР денеска информираат дека несреќата кај нив била пријавена околу 21 часот.

На обиколница „Мајка Тереза“, во близина на клучка Радишани, се случила сообраќајна несреќа помеѓу патничко возило „опел корса“ со скопски регистарски ознаки, управувано од Р.И.(49) од с.Горно Нерези, скопско и мотоцикл „кавасаки“ со скопски регистарски ознаки, управуван од Г.В.(45) од с.Трубарево, скопско, велат од МВР.

Во несреќата, од здобиените повреди на местото починала К.В.(40) од Скопје, сопатничка на мотоциклот, додека со телесни повреди се здобил мотоциклистот констатирани во Комплексот клиники „Мајка Тереза“.

Со телесни повреди се здобиле Р.И. и сопатникот од возилото Е.К.(45) од Скопје, констатирани во Градската општа болница „8-ми Септември“.

Полициски екипи на местото на несреќата извршиле увид.

The post Сопатничка на мотоцикл загина во сообраќајка во Скопје appeared first on Република.

Трагедија вечерва го потресе Скопје. Во тешка сообраќајна несреќа на скопската обиколница на клучката Радишани спрема Петровец едно лице го загуби својот живот, а повеќе лица се повредени.

Во несреќата учествувале две патнички возила, а според наши извори едно лице е починато на лице место, додека повеќе лица се повредени.

The post Сообраќајка во скопско Радишани, има починати appeared first on Република.

Градоначалничката на Град Скопје, Данела Арсовска, заедно со градоначалникот на Општина Бутел, Дарко Костовски и директорот на ЈП Паркови и зеленило, Ангеле Сотировски, извршија увид на новата реализирана зелена површина на улицата Бутелска во населбата Радишани во општина Бутел.

Долгодишната дивна депонија сега е нова зелена површина од над 3000 квадратни метри, во првата фаза хортикултурно се уредени околу 1496 квадратни метри, а во втората завршна фаза хортикултурно се уредени уште 1500 квадратни метри.

Наместо долгогодишна дива депонија уредивме нова зелена површина на површина од над 3000 квадратни метри за граѓаните. Во оваа прва фаза на оваа површина засадени се над 200 зимзелени и листопадни садници. Продолжуваме со реализација на уредување и подигнување на нови зелени површини и зелени коридори во Скопје – изјави Арсовска.

Новиот парк за граѓаните на општина Бутел содржи нови патеки за пешачење, посебен систем за наводнување, зимзелени и листопадни дрвца, нови летниковци како и содржини за најмладите. Комплетно реконструирано е и фудбалското игралиште коешто се наоѓа во овој потег – истакна Костовски.

За комплетно уредување на оваа зелена површина, екипите на ЈП „Улици и патишта“ во средишниот дел на паркот изградија пешачка патека, поставена е заштитна ограда и заштитни столпчиња.

Градот Скопје, заедно со ЈП „Паркови и зеленило“ и општините, продолжуваат со активности за уредување на нови зелени површини и формирање на зелени коридори низ населените места во Скопје.

The post Арсовска – Костовски: Наместо дива депонија, реализирана нова зелена површина над 3000 квадратни метри во населба Радишани appeared first on Република.

Општина Бутел добива ново, ултра модерно игралиште за кошарка во населеното место Бутел 1, „Свети Климент Охридски“. Игралиштето се наоѓа во училиштето „Св. Климент Охридски“. Станува збор за едно ултра модерно игралиште во износ од четири милиони и 200 илјади денари.

Ова игралиште ќе може да го користат сите ученици на основното училиште, но секако и сите граѓани на територија на општина Бутел. За многу кусо, следната недела отвораме уште едно исто вакво игралиште во населеното место Радишани, поточно во Основното училиште „Ацо Шопов“ и вкупно овие две игралишта ќе чинат негдека околу шест и пол милиони денари, најави градоначалникот на Бутел Дарко Костовски.

Тој рече дека исто едно вакво игралиште во минатото, во претходните четири години чинело околу шест и пол милиони денари.

Ние сега изградивме две игралишта за истата сума. Некаде за три недели од сега, отвораме трето слично игралиште, но во населеното место Расадник и само за неколку месеци, три ултра модерни игралишта на територија на општина Бутел. Таа по својата структура е една од најспортските општини, согласно успесите на територија на Македонија, но сега, искрено, јас и мојот тим се бориме да биде и по инфраструктура спортски една од нај успешните. Но, не само спортска, туку и на секаков начин инфраструктура.

За многу кусо, на десетина метри од оваа игралиште, од мене ќе почне изградба на новата градинка на територија на општина Бутел, која што ќе го носи името по училиштето Свети Климент Охридски, за нови 150 дечиња. Исто така, и тоа беше едно од нашите предизборни ветувања и многу други проекти во следи, кои што беа наши ветувања и надвор од нашите ветувања работиме и се трудиме да ја промениме сликата и Бутел да стане една модерна општина на територија на Градот Скопје, изјави Костовски.

Тој се заблагодари на претседателот на ВМРО-ДПМНЕ,  Христијан Мицкоски, кој што како општина им дава огромна поддршка со совети и ги мотивира дополнително да работиме.

https://youtu.be/uQEQg3Uwtzo

The post Костовски: Бутел добива модерно игралиште, а наскоро ќе се отвори и уште едно во Радишани appeared first on Република.

Дарко Костовски, градоначалникот на Општина Бутел објави службите се на терен и се чисти снегот во Љубанци, Љуботен и Радишани

Заедно со Град Скопје навремено со брза реакција го дочекавме првиот овогодишен снег.

Службите се на терен и почнаа со расчистување на првите наноси на снег. Во моментот се чистат критичните точки во Општина Бутел, село Љубанци и село Љуботен како и населба Радишани првиот, вториот и третиот влез.

Се чистат и главните улици и булевари кои се под ингеренција на Град Скопје.

Кризниот штаб навремено ја следи целата ситуација, објави Костовски.

The post Костовски: Службите се на терен, се чисти снегот во Љубанци, Љуботен и Радишани appeared first on Република.