Германската министерка за внатрешни работи, Ненси Фезер денеска изјави дека во седум региони се извршени полициски рации, со цел да се провери исламистичко здружение осомничено за поврзаност со либанската шиитска група Хезболах.

Во време кога многу Евреи се чувствуваат особено загрозени Германија нема да толерира ниту исламистичка пропаганда, ниту антисемитистичко поттикнување непријателства кон Израел, наведе Фезер.

Таа додаде дека цел на полициските рации биле Исламскиот центар во Хамбург и пет поврзани групи со него.

The post Во Германија рации поради исламистичко здружение поврзано со Хезболах appeared first on Република.

Германските власти спроведуваат серија рации низ земјата против членови на екстремни десничарски групи.

Операцијата се спроведува изутринава во сите 16 сојузни покраини, а насочена против 50 осомничени екстремисти.

Приведени се четири лица во градот Ајзенах, осомничени за членство во криминална организација.

Канцеларијата на Федералното обвинителство соопшти дека приведените се членови на група поврзана со боречки вештини, позната по насилни активности, особено против познати левичарски активисти. Наводно членовите на групата се обиделе да „го одржуваат јавниот ред“ со маалски патроли.

Германските медиуми објавија дека групата била инволвирана и во протестите против мерките за справување со коронавирусот, со цел да предизвикаат насилства.

Цел на рациите било седиштето на десничарската екстремистичка Национал-демократска партија (НПД), каде екстремните членови држеле тренинзи по боречки вештини.

Обвинителството додава дека дел од акциите биле и против десничарската екстремистичка група „Комбат 18“ чии активности беа забранети кон почетокот на 2020 година. Рацијата е поврзана со нарушувањето на изречената забрана.

The post Рации низ Германија против екстремни десничарски групи appeared first on Република.