По повод Меѓународниот ден на младите – 12 Август, министерот за социјална политика, демографија и млади, Фатмир Лимани учествуваше на конференцијата „Општините пријател на младите - Mладинското учество во фокус“, финансиран од Европската Унија, а имплементиран од Националниот младински совет на Македонија заедно со партнерите.

Честитајќи го Меѓународниот денот на младите, министерот Лимани порача:

„Сакам да го истакнам моето убедување дека флоскулите: „иднината е на младите” и „светот останува на младите” треба конечно да се претворат во дела. И не дека само „иднината е на младите“, туку и сегашноста е на младите. Затоа што денес ги креираме политиките и од она што денес ќе го креираме зависи каква иднина ќе имаат следните генерации. Да започнеме од сегашноста, од денес!“

Тој го поздрави проектот  „Заедници инклузивни за млади“, и  го посочи значењето на истиот  бидејќи целта на овој проект е подобрување на локалното владеење преку зголемена инклузивност и општествено влијание на младите во локалниот демократски живот.

„Како министер за социјална политика, демографија и млади во чија надлежност се и политиките за младите, убеден сум дека видливоста на младите во општеството и нивната вклученост во носењето на одлуките ќе ја подигнеме на едно повисоко ниво,“ истакна Лимани.

Министерот додаде дека, младите се во фокусот на Програмата за работа на Владата за 2024-2028 година, каде што се потенцира  нејзината силна посветеност во создавањето на општество во кое младите ќе можат да напредуваат. Притоа,  истакна и дека Владата цели кон  создавање на неопходни услови за младите од Македонија да градат иднина дома, нивно зајакнување преку образование и развој на вештини, поттикнување на младинското учество во процесите на донесување одлуки и промоција на претприемништвото и иновациите.

„Приоритет на оваа Влада е да обезбеди сигурни и добро платени работни места за младите луѓе во Македонија. Преку креирање на подобра бизнис клима и  отворање на  работни места,“ заклучи Лимани.

The post Лимани: Флоскулите: „иднината е на младите” и „светот останува на младите” треба конечно да се претворат во дела, приоритет на оваа Влада е да обезбеди сигурни и добро платени работни места за младите луѓе во Македонија appeared first on Република.

Во компаниите во ТИРЗ зоните за една година се отворени околу 2000 работни места, покажуваат податоците на Дирекцијата на технолошко-развојни зони.

Бројот на вработени во зоните во септември се искачил на 17.558 што е за 13 проценти повеќе споредено со истиот период лани, а за 25 проценти повеќе во однос на септември 2021 година и за 31 процент во однос на 2020 година.

Редовната месечна анализа на Дирекцијата покажува дека континуираниот раст на вработените продолжува и само за еден месец 200 наши сограѓани добиле нови работни места, велат од Дирекцијата на ТИРЗ.

Заклучно со септември е регистриран и раст на извозот и увозот. Во првите девет месеци од годината компаниите во зоните оствариле извоз од 2,8 милијарди евра што е за 8 проценти повеќе споредено со истиот период минатата година. Само во септември, извозот достигнал 329 милиони евра, а споредено со почетокот од годинава извозот е зголемен за 19 проценти.

Увозот од почетокот на годинава досега достигнал над 2,3 милијарди евра. Само во јули годинава компаниите во ТИРЗ оствариле увоз од 275 милиони евра што е за 20 проценти пониско ниво споредено со септември лани, но за 45 проценти и 55 проценти повисоко во однос на септември 2021 и 2020 година.

Поради ваквите економски движења и нето извозот е во позитива, а заклучно со септември изнесува 22 проценти, велат од Дирекцијата на ТИРЗ.

Очекувањата се да продолжи ваквиот позитивен тренд до крајот на годинава поради зголемениот обем на склучени договори за инвестиции. Годинава се склучени договори во вредност од 350 милиони евра и веќе се реализираат дел од планираните 6000 нови работни места.

The post Во ТИР зоните за една година отворени околу 2000 работни места appeared first on Република.

Премиерот Димитар Ковачевски, заедно со министерот за економија, Крешник Бектеши, денеска беше во посета на фармацевтската компанија „Бионика Фармацеутикалс“.

За време на посетата, на премиерот Ковачевски му беше презентиран производствениот процес на компанијата, чија главна дејност е производство на лекови, медицински средства, додатоци на исхрана и козметика.

Премиерот се сретна и со менаџерскиот тим на компанијата, која брои 77 вработени и освен во државава е и извозно ориентирана.

„За секоја пофалба е она што оваа компанија успеала во изминативе дваесетина години да го постигне на македонскиот пазар, а тоа е континуирано производство и продажба на лекови, медицински средства, додатоци на исхрана и козметика. И не само во границите на државата, туку и во над 10 други држави каде ги извезува своите производи.

Како производствена компанија, „Бионика Фармацеутикалс“ успеа овој свој бизнис модел да го развие со прекугранични партнерства. Уверени сме дека на компаниите сета оваа државна помош им значи бидејќи додека во светот се случуваат затворања на фирми и масовни отпуштања, ние се бориме за секое работно место, за одржување ликвидност на компаниите, за раст на домашното производство и за секаков вид на поддршка на бизнис секторот со цел да бидеме конкурентни и на регионалните и светските пазари“, истакна премиерот Ковачевски, при посетата на компанијата „Бионика Фармацеутикалс“, каде му беше презентирана и работата на стик-пек машината, набавена со државна помош.

Тој потсети на помошта која Владата ја обезбедува за потребите на бизнис секторот.

„Со цел ние како држава да ги помогнеме компаниите, согласно Законот за финансиска поддршка на инвестиции, во 2022 година исплативме рекордна државна помош во вредност од 23 милиони евра, кон 410 компании кои вработуваат над 27.000 работници. Минатата година се потпишани нови 277 договори, што е најголем број потпишани договори, од донесувањето на законот.

Навреме го донесовме и пакетот антикризни мерки во висина од над 760 милиони евра, кој е оценет како најголема државна помош во регионот, според податоците на Светската Банка“, подвлече премиерот.

Министерот за економија, Крешник Бектеши рече дека компанијата „Бионика Фармацеутикалс“, како и стотици други компании биле директно поддржани и во време на ковид кризата, со цел да се обезбеди континуитет во нивното работење.

Тој појасни дека со досегашните мерки се помогнати голем број компании.

„Креираме нови мерки се со цел да излеземе во пресрет на нашата индустрија, на нашите стопанственици, а со тоа да го зголеми бројот на вработените, а секако да имаат можност да инвестираат во нови технологии. Повеќе од 400 компании биле поддржани со мерката што ја реализиравме за зголемување на конкурентноста и дополнително над 400 компании се поддржани согласно Законот за финансиска поддршка на инвестициите.

Ова значи дека повеќе од 30 милиони евра од страна на државата, Фондот за иновативност и технолошки развој и од Министерството за економија преку Македонската банка за развој, преку различни мерки се слеани во нашата индустрија, каде што се креирани нови работни места, а дополнително на таков начин е зголемен извозот“, рече министерот Бектеши, најавувајќи дека се работи на ревидирање на законската регулатива за финансиска поддршка на инвестиции, преку широк консултативен процес со сите засегнати.

Сопственикот на „Бионика Фармацеутикалс“, Марко Нововиќ, за време на настанот, ја искажа важноста на финансиската поддршка која ја добиле од државата, односно 100.000 евра преку мерката за финансиска поддршка за зајакнување на конкурентноста на деловните субјекти во пост КОВИД -19.

„ Мерката ја искористивме за набавка на технологија за производство на цврсти фармацевтски форми, односно прашак во стикови и имплементација на софтвер согласно последните барања на добрата производствена пракса за производство на фармацевтски производи.

Овој проект нас ни овозможи да ја покачиме конкурентноста на нашите производи на сите пазари каде што сме присутни, да го зголемиме портфолиото на нашите производи и да го подобриме обезбедувањето на квалитет при производството на нашите производи“, рече сопственикот на “Бионика Фармацеутикалс“, Марко Нововиќ.

Бионика поседува сертификат за производство на лекови (ГМП) од Република Словенија, којшто е валиден за целата територија на ЕУ, што овозможува извоз на производи во земјите членки и пошироко.

Компанијата има договори со партнери за производство за различни производи од државава, Данска, Србија и Романија, како и со дистрибутери на нивните производи во регионот и пошироко.

The post Ковачевски: Со антикризните мерки ги помагаме компаниите, се бориме за секое работно место appeared first on Република.

Потпретседателот на СДСМ Фатмир Битиќи во дебатната емисија „Клик плус“ на ТВ 21 истакна дека со работењето на сите енергетски капацитети во државата и со мерките за штедење во јавниот сектор, но и кај домаќинствата, очекувано е да има доволно струја.

„Сите капацитети на државата за производство на струја ги користиме, но за жал ние имаме производствени капацитети стари и по 40 години години и ако немате редовно и добро одржување тогаш тој систем нема да може да испорача електрична енергија“, рече Битиќи, додавајќи дека и пред 10 години било познато дека државата е зависна од увоз на електрична енергија.

Битиќи истакна дека се очекува конечно да биде успешен тендерот за Чебрен, што ќе претставува најголема капитална инвестиција во енергетскиот сектор.

Потпретседателот Битиќи нагласи дека Владата им помага на компаниите и со обезбедување на финансиски средства преку кредитни линии за да се овозможи подобрена ликвидност.

„Ние во јуни за 68 илјади компании имаме обезбедено гарантирана цена на струјата која ќе биде гарантирана во следните шест месеци, но кај нас повеќе барања доаѓаат од компаниите на слободен пазар, а тоа се околу 1.360 компании, најголеми потрошувачи на струја, се обидуваме да најдеме енергенси од надвор на слободниот пазар, но многу обиди се покажаа како невозможни“, рече Битиќи.

Тој нагласи дека успех е дека по низа години Бугарија ослободи дел од капацитетите на гасоводот за транспорт на гас до нашата држава.

„Приоритет на Владата е да ги задржи работните места, а за тоа мора да покажеме солидарност, се надевам дека ќе бидеме во можност, дека фискалниот простор во оваа година ќе биде доволен за да одговориме соодветно со таков пакет, го преговараме и разговараме секојдневно со компаниите и тоа нема да биде мерка само за еден месец туку неколку месеци колку што може да биде“, вели Битиќи.

The post На Владата ѝ е приоритет да ги задржи работните места appeared first on Република.

Во Словенија во вториот квартал од годината има речиси 25.900 слободни работни места – највисока бројка откако националниот завод за статистика почна да ги објавува тие податоци во 2008 година.

Најголем дел од слободните работни места се во угостителството.

Отворените работни места во вториот квартал се зголемени за 6 отсто во однос на првиот квартал и за една четвртина, или речиси 5.100 слободни работни места, во однос на вториот квартал минатата година.

Побарувачката за вработени во периодот беше посилна во сите сектори освен рударството, производството и недвижностите.

Сепак, најголема побарувачка имало во хотелиерството, каде во вториот квартал имало 1.100 повеќе слободни позиции во однос на истиот период лани.

Во меѓувреме, бројот на работни места во сите сектори е за 19.300 поголем на годишно ниво, според словенечкиот завод за статистика, показател што постојано расте од вториот квартал на 2014 година, освен вториот квартал од 2020 година, кога изби епидемијата на Ковид.

The post Словенија бара работници appeared first on Република.

Туристичката сезона во Хрватска во 2022 година ќе биде многу добра, на ниво од 2019 година или подобра, барем според најавите.

По две години пандемија, за време на која туризмот драстично опадна, укинувањето на локдауните низ Европа ќе ги врати туристите во Хрватска.

Но, дали ќе има доволно сезонски работници за да ги пополнат сите потребни работни места?

Според системот „eVisitor“, кој опфаќа туристички сообраќај реализиран во комерцијални и некомерцијални објекти и наутички чартер (eCrew system), во Хрватска за време на велигденските празници, односно од петок, 15 април до понеделник, 18 април 2022 година, имало околу 135.000 пристигнувања и околу 493.000 ноќевања. Тоа е далеку подобро од минатогодишните 147.000 ноќевања во истиот период, пишува порталот „Индекс“.

Стандардно, најмногу гости има во Истра и Кварнер, а потоа во Сплитско-Далматинската жупанија. Најчести се пристигнувањата во далматинските градови, но меѓу нив „натрапник“ е Загреб, кој остварил најмногу ноќевања од сите градови во Хрватска. На ниво на цела држава од почетокот на годинава е остварен речиси ист број ноќевања како и рекордната 2019 година.

Последното истражување „Следење на чувствата за домашно и интраевропско патување - бран 11“ на Европската комисија за патувања (ETC) покажува дека Хрватска, чија економија најмногу зависи од туризмот, има на што да се радува. Според него, тројца од четворица Европејци имаат намера да патуваат во следните шест месеци, а најатрактивни се медитеранските дестинации, вклучувајќи ја и Хрватска. Според истото истражување, одморот на сонце и на плажа е најпосакувана опција, која ја претпочитаат повеќе од една петтина (22 отсто) од Европејците.

Недостиг на работна сила, особено сезонски работници

Ваквиот развој на состојбите ќе ја зголеми и потребата од сезонски работници во туризмот. Според податоците на Хрватскиот завод за вработување, во 2019 година се барале 31.547 сезонски работници, а од нив 28.697 биле вработени од евиденцијата на Заводот за вработување.

Колку беше лоша пандемијата 2020 година за туризмот, покажува бројката од само 18.380 работници кои се бараат преку Институтот и 21.031 вработен. Вистинската бројка е секако многу поголема бидејќи не се вработени сите сезонски работници од Институтот, но трендот е важен. Најбарани се келнери, собарки, готвачи, чистачки, продавачи, кујнски работници, помошници готвачи и сл.

Плати

Во последните неколку години проблем во Хрватска стана недостигот на работници, а на малку места е видлив како во туризмот. По деценискиот став на работодавците „ако не сакаш да работиш за оваа плата, има десет во Бирото што сака“, работниците добија поголема преговарачка моќ. Сега се во позиција да бараат од работодавците подобри услови за работа.

Просечните плати на сезонските работници се пониски од просечните плати во останатиот дел од економијата и, според порталот „Мој Посао“, се движат од 4.427 куни (585 евра) нето за собарка до 6.306 куни (833 евра) нето за готвач. така што келнерот следи просечно 5.296 куни.на рецепционерката 5.858 куни, на продавачот 4.761 куни, а помошниот работник во кујната добивал 5.161 куни.

The post Хрватска бара десетици илјади сезонски работници: Еве кои професии најмногу недостигаат и колкави се платите appeared first on Република.

 Во четвртото тримесечје од 2021 година во земјава имало имало 7.979 слободни работни места, покажуваат податоците на Државниот завод за статистика.

Стапката на слободни работни места во државата изнесува 1,59 проценти. Највисока стапка на слободни работни места од 3 отсто има секторот Л – Административни и помошни услужни дејности, додека најмала е стапката во секторот Г – Снабдување со електрична енергија, гас, пареа и климатизација, во кој изнесува 0,29 проценти.

Деловните субјекти со број на вработени од 10 до 49 имаат највисока стапка на слободни работни места која изнесува 2,28 проценти.

Вардарскиот регион има највисока стапка на слободни работни места и таа изнесува 1,91 проценти.

Најголем број на слободни работни места, односно 2.934, има во петтата група на занимања – Работници во услужни дејности и продажб

The post Koj сака да работи работа има: 8000 слободни работни места appeared first on Република.

ВМРО-ДПМНЕ ќе го поддржи зголемувањето на минималната плата и ќе интервенираме амандмански за доследно почитување на колективните договори и коефициентот на сложеност на работните места, изјави пратеникот на ВМРО-ДПМНЕ, Никола Мицевски во „Објектив“ на МТВ.

Тој истакна дека потребен е и ребаланс на буџетот за да се разгледаат и зголемат дотациите на општините.

Власта сега не ги зголемува дотациите, а тие им се потребни на општините за платите. Државата ќе биде добитна во својата каса, а општините изложени на трошок. Ние сме за зголемување, но минималната плата да ја следи и продуктивноста. Работодавачите се загрижени за своите бизниси, вели Мицевски.

Тој прашува дали власта воопшто разговара со бизнис секторот, затоа што викаа дека ваков усогласен став имаа за недела работен ден па испадна дека не е.

Според него минималната плата треба да се покачи, но граѓаните од оваа власт се осиромашени.

Минималната плата нема да ги покрие тендерите на СДСМ и ДУИ и покачувањата кои се случуваат, сега имаме кризи кои придонесуваат за зголемување за сиромаштијата, изјави Мицевски.

Мицевски се осврна и на Пржинската влада и предвремени парламентарни избори при што истакна дека Пржинската влада се покажа нефункционална и треба да се укине како што беше договорено на лидерска средба со претседателите на ВМРО-ДПМНЕ Христијан Мицкоски и поранешниот претседател на СДСМ, Зоран Заев, но СДСМ бега од тоа бидејќи се исплашени од поразот свесни за последните резултати.

Пржинската влада се покажа дека не е функционална, таа можеше да се види на последното составување кога СДСМ од позиција на сила ја смени министерката Рашела Мизрахи. По договорот од лидерската средба и нешто што беше договорено од двете партии СДСМ сега ретерира и е против измените. Измените во законот за Влада се одредени ставови кои треба да се избришат и да се вратиме на старото законско решение н избори од 45 до 60 дена. За жал СДСМ исплашени од последните резултати на локалните избори, на анкети кои граѓаните им ги испорачуваат токму поради лагите и манипулациите, рече Мицевски.

Мицевски истакна дека не само укинување на Пржинска влада потребни се итни предвремени парламентарни избори, затоа што ден повеќе со владата на ДУИ и СДСМ граѓаните стануваат се посиромашни.

The post Мицевски: ВМРО-ДПМНЕ ќе интервенира амандмански за доследно почитување на колективните договори и коефициентот на сложеност на работните места appeared first on Република.

Минатата година беше историска за американските работни места. Рекорден број на работници ги напуштија, додека работодавачите во САД имаа повеќе позиции за пополнување од кога било досега, јави Си-Ен-Ен.

Во декември минатата година, 4.3 милиони Американци ја напуштиле работата, за нијанса помалку од рекордните 4.5 милиони во ноември, соопшти денеска Бирото за статистика на трудот.

Додека милиони работници ја напуштија работата заради парични стимулации, подобра плата или подобри бенефиции, луѓе, исто така, го напуштија пазарот на трудот, со цел да се грижат за деца или постари роднини за време на пандемијата.

Постари работници се пензионираа порано, поради можноста за такво нешто, но и бидејќи дискриминацијата врз основа на годините ги натера да се повлечат.

Бројот на работници што дадоа оставка последниот месец, се намали во области на здравството и социјалната помош, исто како и во ресторани, хотели, градежништвото. Отказите се зголемија во секторот на производство на нетрајни производи.

И покрај тоа што рекорден број лица си заминаа од работа лани, пазарот на трудот во САД сè уште забележа нето добивка од вработеност во износ на 6.4 милиони.

Вкупно, 75.3 милиони работници се вработени минатата година, додека 68.9 милиони ја напуштиле работната позиција, не им биле продолжени договори или биле отпуштени. Од оваа бројка, 47.4 милиони доброволно си заминале од работното место. Бројот на лица кои не добиле продолжување на договорот бидејќи фирмата се реорганизирала или имала финансиски проблеми достигна ново рекордно ниско ниво од 1.2 милиони во декември, покажувајќи дека негативното влијание од варијантата омикрон, нецелосно го погоди пазарот на трудот на крајот од годината.

Во декември имаше 10.9 милиони слободни работни места, додека податоците покажуваат дека во јули имало 11.1 милиони.

The post Рекорден број Американци ги напуштија своите работни места во 2021 година appeared first on Република.