Македонскиот центар на ИТИ/ПРОДУКЦИЈА во локална соработка со ФДУ Скопје/УКИМ, КИЦ Салон 1919 - Скопје, Градска библиотека „Браќа Миладиновци’’- Буњковец, Скопје 2028, Словачка амбасада Скопје на 30 ноември во Салон 1919 – КИЦ Скопје со почеток во 19 часот ќе биде изведена скопската турнеја на претставата Импров Конект – Булевар и Импров терапија.
Фокусот е на современ импровизациски театар – спонатност, непосредна креативност, флексибилност, снаоѓање, хумор, досетки ... координирани во театарска претстава.
Проектот е ко-финансиран од Вишеград фондот.
Одличниот актер Здравко Стојмиров е учесник во проектот како претставник од Македонија.
Домашни организатори и партнери на проектот се Македонскиот центар ИТИ / ПРОДУКЦИЈА.
Проектот е конципиран и реализиран во партнерска соработка помеѓу Itt és Most Társulat – Hungary, České národní improvizační divadlo, z.s. – Czechia, Fundacja Teatr Wschodni – Poland, Macedonian Center of International Theater Institute – North Macedonia, The International Society for Arts and Culture, o.z. (ISAC) – Slovakia.
ТИМ (Импров Конект Скопје):
Актери / ко-креатори – Здравко Стојмиров, Хон Чонг, Лада Карда, Криси Галамбос, Полина Прокопјук, Варју Нандор, Абел Фаркаш, Габор Шоке, Лукаш Војтович
Продуцент – Иванка Апостолова Баскар
Техника: светло и звук – Владо Кутузовски
Видео – Михаило Апостолов
Фотографија – Весна А. Бришкоска

Ивент повик за работилницата за импровизациски театар наменета за студенти (ментор Хон Чонг - режисер, актер, едукатор) – https://www.facebook.com/events/863979262611931/?acontext=%7B%22event_action_history%22%3A[%7B%22extra_data%22%3A%22%22%2C%22mechanism%22%3A%22left_rail%22%2C%22surface%22%3A%22bookmark%22%7D%2C%7B%22extra_data%22%3A%22%22%2C%22mechanism%22%3A%22left_rail%22%2C%22surface%22%3A%22bookmark%22%7D%2C%7B%22extra_data%22%3A%22%22%2C%22mechanism%22%3A%22calendar_hosting_events_unit%22%2C%22surface%22%3A%22bookmark_calendar%22%7D]%2C%22ref_notif_type%22%3Anull%7D
Ивент повик за јавна работилница за импровизациски театар наменета за сите заинтересирани (ментор Лада Карда – актер, стенд ап комичар, едукатор) - https://www.facebook.com/events/1080062610028017?acontext=%7B%22event_action_history%22%3A[%7B%22extra_data%22%3A%22%22%2C%22mechanism%22%3A%22left_rail%22%2C%22surface%22%3A%22bookmark%22%7D%2C%7B%22extra_data%22%3A%22%22%2C%22mechanism%22%3A%22left_rail%22%2C%22surface%22%3A%22bookmark%22%7D%2C%7B%22extra_data%22%3A%22%22%2C%22mechanism%22%3A%22calendar_hosting_events_unit%22%2C%22surface%22%3A%22bookmark_calendar%22%7D]%2C%22ref_notif_type%22%3Anull%7D

The post Скопската турнеја на претставата Импров Конект – Булевар и Импров терапија денеска во КИЦ Скопје appeared first on Република.

ХЕРА - Асоцијација за здравствена едукација и истражување, по повод 1 декември - Светски ден на СИДА, во соработка со средното училиште СМУГС „Д-р Панче Караѓозов“ организира работилница за средношколци, која ќе биде спроведена од тим на средношколци, а со цел да им пренесат знаења на своите соученици, пријатели и познаници на темата сексуално преносливи инфекции, со фокус на важноста од ХИВ превенцијата.

Работилницата ќе се одржи на 28 ноември, четврток, со почеток во 11.30 часот во просториите на СМУГС „Д-р Панче Караѓозов“.

Пред почетокот на работилницата, изјави за медиумите по повод Светскиот ден на СИДА ќе дадат претставници на ХЕРА, СМУГС „Д-р Панче Караѓозов“ и Оддел за епидемиологија на заразни заболувања - Институт за јавно здравје.

The post Работилница за средношколци за сексуално преносливи инфекции, со фокус на важноста од ХИВ превенцијата appeared first on Република.

Државната секретарка во Министерството за култура и туризам, Марија Станчевска-Ѓоргова, денеска во Музејот на македонската борба се обрати на тридневната работилница која е посветена на примената на законодавството во Македонија за засилување на борбата против нелегалните активности насочени кон културното наследство.

Станчевска-Ѓоргова упати благодарност за заложбата и поддршката за реализација на оваа работилница, што произлегува од успешно одржаната обука во јули годинава во Скопје во рамките на проектот „Борба против недозволената трговија со културни добра во Западен Балкан“, финансиран од Европската комисија и имплементиран од УНЕСКО преку Регионалното биро за наука и култура во Европа, со седиште во Венеција, и Канцеларијата во Сараево.

„Со проектот, чија примарна цел е координација и интегриран пристап  меѓу сите чинители во борбата со нелегалната трговија со културното наследство на регионално и на меѓународно ниво, уште еднаш ја потврдуваме нашата посветеност и обединетост за заштита и зачувување на културното богатство што го поседуваме“, истакна пред присутните државната секретарка во Министерството за култура и туризам.

Нагласувајќи дека учесниците на претходната работилница дојдоа до заклучок дека на национално ниво не се преземени сите мерки за координиран и интегративен пристап кој ќе обезбеди поголема безбедносна заштита на културното наследство, Станчевска-Ѓоргова информираше дека се започнати активности насочени кон зајакнување на институционалните капацитети и втемелување меѓуресорска мрежа, преку која координирано ќе се преземат активности за спречување на уништувањето на културното наследство. Таа најави дека во претстојниот период, Владата и ресорното Министерство ќе дадат фокус на засилување на безбедносната заштита на културното наследство.

„Со зацврстување на капацитетите за борба против нелегалните активности со културни добра, применувајќи јасни законски одредби, работилницата ќе придонесе за создавање меѓуресорска мрежа во која ќе дејствуваат Министерството за култура и туризам, Министерството за внатрешни работи, Министерството за правда, Царинската управа, заводите, музеите, галериите и конзерваторските центри“, рече Станчевска-Ѓоргова, акцентирајќи дека значајна компонента во борбата со нелегалната трговија со културното наследство, но и во спречувањето и казнувањето незаконски активности против културното наследство, се и обвинителствата и надлежните судови.

Таа ја посочи и имплементацијата на меѓународните конвенции од областа на заштитата на културното наследство.

„Ќе нагласам дека нашата земја, кандидатка за членство во Европската Унија, демонстрира сериозна посветеност во почитувањето на меѓународните конвенции, како и на други важни европски документи од областа на заштитата на културното наследство“, рече Станчевска-Ѓоргова.

На отворањето на работилницата, присутните ги поздравија и Алма Мрган-Слипичевиќ од Регионалното биро за наука и култура на УНЕСКО во Европа и Весела Честоева, директорка на Управата за заштита на културното наследство.

Тридневната работилница е посветена на градење капацитети за подобрување на законодавните рамки за културното наследство за различните категории на клучни институционални партнери и други национални чинители. Присутни се домашни експерти, претставници од: Министерството за култура и туризам, Управата за заштита на културното наследство, Министерството за внатрешни работи (т.е. полициската служба), Царинската управа, Јавното обвинителство и судството, како и стручни лица вработени во заводите, музеите, галериите, конзерваторските центри и експерти од релевантните невладини организации.

The post Станчевска-Ѓоргова: Се фокусираме на безбедносна заштита на културното наследство appeared first on Република.

Манифестацијата „Инкубатор – платформа за млади уметници“, која се одржува деновиве во организација на Интерарт културниот центар, предводена од Матеа Мијановиќ, повторно обединува млади уметници, на кои им овозможува да се развиваат низ процес на обука и професионална продукција. Во рамките на манифестацијата на 23 ноември, ќе се одржи работилницата со реномираната кореографка Саша Ефтимова. Таа ќе работи со студенти од Катедрата за современ танц при Универизтетот „Гоце Делчев“ на развој на совремна танчерска техника.

На 25 ноември во 20 часот во МКЦ, ќе се одржи завршната вечер на манифестацијата со претставта „Showcase“ на која ќе се презентираат три современи кореографии, „Ремикс“ на Дејан Битровски, „Егзистирање“ на Рисима Рисимкин и „Скеч“ на Адријана Данчевска. Дел од програмата ќе се изведува во живо од извонредните музичари Виктор Филиповски и Ратко Даутовски. Во рамки на вечерта, ќе се презентираат и новите танцови филмови „Trespassing MKD “ на Данчевска и „Лима“ на Батухан Ибрахим и Ивана Балабанова, во продукција на „Танц.Бункер“.

„Инкубатор – платформа за млади уметници“ е проект кој има за цел да спои млади уметници од категориите музика, танц и визуелни уметности, кои преку креативни работилници се надградуваат. Продукцијата се презентира пред јавноста и овие млади уметници се позиционираат на културната сцена кај нас. Манифестацијата, чиј идеен творец е Матеа Мијановиќ во организација на Интерарт културниот центар за прв пат се одржа во 2018 година и во изминатите шест години се одржува во континуитет, а во нејзината програма до сега се опфатени околу 200 учесници.

Саша Евтимова е родена во Скопје, Македонија каде завршува средно образование на ДМБУЦ „Илија Николовски – Луј“. Во периодот од 1998 до 2001 година, претстојува на колеџот Поинт Парк во Питсбург, САД. Високо образование завршува на Институтот за уметничка игра во Белград, Србија, каде и дипломира во 2018 година, како драмски и аудиовизуелен уметник- отсек кореографија.

Ефтимова е истакнат солист, балетски педагог и кореограф на Национална опера и балет во Скопје. Евтимова има изведено бројни улоги на класичниот и неокласичниот репертоар. Во 2007 година таа е дел од проектот „Kylian to the Balkans“ во чии рамки изведува соло улоги од претставите „Falling Angels“, „One of a kind“ и „Palms“ на светски познатиот кореограф Јиржи Килијан. Во 2005 година Ефтимова учествува на Франкофонските Олимписки игри во Африка, со претставта „Дневник за Нас“ на короеграфката Рисима Рисимкин. Како кореограф, Ефтимова, покрај авторските дела за НОБ, креира оригинални кореографии и за филм и театарски претстави. Таа работи како гостин короеграф и педагог на „Гоa балетска академија“ на Виетнамската опера и балет; Националниот Балет во Тбилиси, Грузија; ХНК Сплит, Хрватска, како и за новоформираниот балетски ансамбл во Подгорица, Црна Гора. Во 2012 година Ефтимова е избрана да учествува проект на Кореографски Институт во Њујорк, САД, кој е поврзан со „“New York City Ballet и Школата на Aмериканскиот балетски театар. Ефтимова работи како асистент на Френк Андерсен, при поставување на балети од класичниот репертоар и наследство на Бурнонвил низ целиот свет. Таа е дел од жири комисијата на „Натпревар-от за танц“ во Сеул, Јужна Кореја. Ефтимова одржува амстер работилници за Академија за танц во Сеул, Ј. Кореја, Виетнамска Опера и Балет, Пекинг Танцова Академија, Пекинг Танцов Театар, Шенјанг Танцова Академија, Национално Балетско Училиште во Талин, Естонија и др. Во 2011 година, Евтимова е добитник на Гран-при наградата на 5-тиот Интернационален кореографски фестивал „Сергеј Дјагљев“ во Полска; работи како кореограф на „Војвотката на Чардаш“, добитник на титулата најдобра оперета во 2011 година; освојува награда за најдобра режија за претставата „ФИЛМ“ во 2013 година и првото место за современ балет на јубилејното, десетто издание на „Балетски-от фестивал“, во Рига, Латвија во 2014 година.

The post Работилница за современ танц со кореоографката Саша Ефтиомова нa „Инкубатор – платформа за млади уметници“ appeared first on Република.

Од денеска до 17 ноември во КСП Центар - Јадро во Скопје, Криста ДеНио и Искра Шукарова ќе одржат работилница за членови на заедницата, студенти и професионалци од областа на танцот, театарот и други дисциплини во земјава.

Работилницата ќе истражува интердисциплинарни пристапи во создавањето на site-specific перформанси, користејќи методологии од танцот и театарот.

Работилницата ќе вклучува движење и гласовен тренинг базиран на соматски практики, контакт импровизација и техники од Action Theater, а ќе заврши со кратки перформанси креирани од учесниците.

ДеНио ќе се базира на својот NETWORK проект инспириран од еколошките системи на комуникација кај дрвјата, додека Шукарова ќе ги сподели своите истражувања за невербална комуникација како рамка за уметничко изразување.

Искра Шукарова како уметник се интересира за врската помеѓу телото и гласот, како и за пронаоѓање на конекции со природата и животните. Таа истражува и нови начини на поврзување со публиката како дел од перформативниот процес, со посебен фокус на интердисциплинарните пристапи.

Криста ДеНио работи со движење, звук и наративно раскажување, креирајќи интерактивни и партиципативни искуства. Нејзините изведби вклучуваат и скриптирана и кореографирана работа како и импровизациски интеракции, со цел создавање на нови видови на искуства.

Перформансот/презентацијата MOVING INSIDE OUT ќе биде изведена од Криста ДеНио (САД) и Искра Шукарова (Македонија) во КСП Центар-Јадро во Скопје на 20 ноември во 18 часот, како дел од Меѓународниот театарски фестивал, МОТ ФЕСТИВАЛ.

The post Работилница на Криста ДеНио и Искра Шукарова appeared first on Република.

На 14. септември во Центарот за дизајн и иновации „Јавна соба“ во 11 часот ќе се одржи работилницата „Козметички третман на велосипед“ која всушност го најавува фестивалот за дизајн Skopje Design Week.

Работилницата или козметичкиот третман на велосипед е бесплатна за сите, а за третманот ќе се погрижат тату артистите: Ертунч Сали, Сања Симоска и Браникца Јордановска.

Велосипедистите кои сакаат да им дадат козметички третман на своите нови или постари велосипеди и на тој начин да ја подобрат видливоста во сообраќајот можат да ја посетат оваа необична работилница и да си заминат со уникатен дизајн на велосипед. Идејата на работилницата „Козметички третман на велосипед“, е да истражи дел од бесконечните можности за надградба на дизајнот и естетиката на велосипедот.

Сите заинтересирани за овој третман може да се пријават на info@publicroom.org

„Недела на дизајн” во Скопје е фестивал кој со години го третира индустрискиот дизајн, ќе се одвива од 6. до 10. ноември во Мала Станица, Јавна соба и во книжарницата Литература во Дајмонд Мол. Мотото на овогодинешното издание е “За новата генерација на Скопје!“

The post Работилницата „Козметички третман на велосипед“ како најава за почеток на Недела на дизајн во Скопје appeared first on Република.

Денес со почеток во 18:00 часот во КСП Центар -Јадро во Скопје, како дел од проектот „Кадри на ранливост“, ќе се одржи работилница со Експресивна Арт Терапија насловена „Маски во движење“. Фасилитаторка на работилницата ќе биде Ана Тодоровска, психолог, а учеството е бесплатно.

„Маски во движење“ е динамична работилница на која преку експресивна арт терапија и комбинација на ликовна уметност, движење и драма, учесниците ќе се впуштат во изработка на сопствена маска од различни материјали.

Маската како објект е присутна низ различни култури илјадници години и со различни намени – таа може да сокрива или да открива. Во античкиот римски театар, терминот „персона“ се однесува на маска што ја носат актерите за да прикажуваат различни ликови во театарските претстави. Оттаму, во својата теорија позната како аналитичка психологија, швајцарскиот психијатар Карл Густав Јунг, под „персона“ подразбира социјална маска, начинот на кој се претставуваме пред светот со цел да оставиме одреден впечаток.

На ова три часовно искуство, преку учество во мала група, учесниците ќе:

– Создадат своја маска од различни материјали
– Ќе ја запознаат и истражат својата социјална маска преку индивидуални и групни вежби
– Ќе се вклучат во интерактивни сценарија и раскажување приказни
– Ќе учествуваат во групен процес на креативно самоистражување во сигурна и поддржувачка средина

Работилницата ќе се одвива во четири фази: ориентација, креација, активација, интеграција. Препорачуваме да дојдете во удобна облека која нема да го попречува вашето движење и за која нема да се грижите да ја извалкате.

Претходно искуство и талент за цртање / изведување не се потребни, бидејќи се фокусираме на процесот на создавање, наместо на естетиката на делото. Доволно е само да сте љубопитни и отворени за истражување нови аспекти од себе. Материјалите се обезбедени од организаторот, но секој учесник е добредојден да ја збогати колекцијата со материјали кои веќе не му се потребни (монистри, скршен стар накит и сл.).

The post Работилница со Експресивна Арт Терапија „Маски во движење“ со психологот Ана Тодоровска appeared first on Република.

Во рамки на проектот “СИОТ СВЕТ Е СЦЕНА - имерзивен театар како алатка за адресирање на општествени прашања и предизвици” на Здружението на уметници Културен центар Медиа Артес, ќе се одржи 3-дневна интензивна работилница за имерзивен театар. Работилницата ќе се одржува во просторот на КСП Центар-Јадро.

Работилницата ќе се одржи на следниве датуми и термини:
петок, 22.03.2024 од 17:00-21:00 ч.
сабота, 23.03.2024, од 10:00-17:00 ч.
недела, 24.03.2023, од 10:00-17:00 ч.

Работилницата за имерзивен театар е наменета за професионални уметници од различни дисциплини (актери, танчери, вокални изведувачи и музичари, ликовни уметници итн) со различен степен на искуство, како и за студенти по уметности. Особено важно е учесниците да имаат ентузијазам, желба и волја да учат, работат и да се надградуваат во областа на имерзивниот театар.

Преку пракична работа и презентација на студии на случаи, работилницата има за цел учесниците да ги запознае со одредени пристапи и алатки за создавање имерзивни театарски искуства за публиката и заедницата. Во таа смисла 3-дневната интензивна работилница конкретно ќе се фокусира на практична демонстрација на алатките и уметничките пристапи кои ќе се користат во процесот на претстојното уметничко истражување и продукција на интердисциплинарниот перформанс со работен наслов РИТУАЛОТ ВО СОВРЕМЕНОТО ОПШТЕСТВО.

Работилницата ќе ја водат Јелена Вуксановиќ (Србија) и Јасмина Билаловиќ (Македонија), а во рамки на работилницата свои предавања и презентации на конкретни студии на случаи ќе имаат и Алесандро Ола (Италија/Шпанија), Атила Антал (Србија/Унгарија) и Вишња Жугиќ (Србија).

3-дневната интензивна работилница ќе биде и еден вид на аудиција-селекција преку која од учесниците во работилницата ќе бидат избрани 8 домашни уметници кои ќе бидат поканети да се приклучат на уметничкиот тим и да соработуваат во претстојниот процес на уметничко истражување и продукција.

На тој начин, работилницата го означува почетокот на работата на перформансот “Ритуалот во современото општество”, кој ќе се одвива во неколку фази и локации, и тоа:

– 22ри-28ти МАРТ 2024, Скопје (почетна фаза)
– 17ти-24ти МАЈ 2024, Скопје (втора фаза)
– 20ти-28ми ЈУНИ 2024, Вевчани (финална фаза и изведба на перформансот)

The post Работилница за имерзивен театар во просторот на КСП Центар-Јадро appeared first on Република.

Македонската песна „Јовано, Јованке“ беше дел од работилница по македонска музика на конзерваториумот во Тур, Франција, организирана од Гаел Лекок, Французинка која зборува македонски и свири кавал, вистински вљубеник во македонскиот јазик и култура.

На работилницата која траела еден ден беа обработени две песни: „Јовано Јованке” и „Заиграле мамо девојчиња”, на која учествувале ученици од 8 до 18 години од сите нивоа и многу различни инструменти: виолинисти, саксофонисти, пијанисти, перкусионисти и клавичембало. Оваа работилница е доказ дека македонската традиционална музика е бескраен извор на инспирација и креација и може да се адаптира на било кој оркестар и возраст.

Настанот беше организиран во партнерство со Отсекот за Музикологија на Универзитетот во Тур, во кој предходниот ден беше организирана конференција посветена на македонската традиционална музика. На истата презентации имаа проф. Фроса Пејоска-Бушеро и дуо Извор: Гаел Лекок и Анета Георге-Качуркова.

The post Конференција и работилница за македонска традиционална музика на Конзерваториумот во Тур: „Јовано, Јованке“ ја свиреа ученици од Франција appeared first on Република.

Во сабота, на 24 февруари 2024 година, во Социјалниот центар Дуња во Скопје, со почеток во 17:00 часот, ќе се одржи работилница за шиење и плетење под мотото Брзата мода убива.

Дали сакате да знаете како се прави облека? Како се шие и плете? Колкаво влијание има блузата што ја носиш врз околината и врз луѓето што ја направиле?

Текстилната индустрија е една од најголемите светски индустрии, огромен загадувач на планетата и масовно оружје на капитализмот.

Ќе научиме како се шие на рака и на машина, ќе научиме да плетеме и како да ја избереме облеката што ја купуваме.

Потребно е да донесете ваша облека која се скинала и не знаете или немате време да ја закрпите. Не е важно каква облека е, само да е чиста. Не е срам да донесете скината долна облека што сакате уште да ја носите, срамота е залудно да се купува ново секој пат кога нешто скинато/расипано може да се поправи! (за расипан патент пишете ни однапред да набавиме патенти)

The post Брзата мода убива: работилница за шиење и плетење appeared first on Република.

Во спокојните сенки на величествените пејзажи на Пелистер, група битолски фотографи се собраа да ја истражат суровата убавина низ нивните објективи, под водство на Љубомир Стефанов, прославениот коавтор и режисер на македонскиот документарен филм номиниран за Оскар, „Медена земја“. Оваа фотографска работилница, зимава сместена во срцето на Битола, не беше само едукативна точка, туку патување во концептот на планинската фотографија.

Учесниците на работилницата влегоа во суштината на доловувањето на пејзажите, под менторство на Стефанов, чие сопствено фотографско патување, пред многу години започна токму на Пелистер. Неговата страст за љубовта кон фотографијата не е само лекција по оваа уметност која е игра на светлината, туку зараза што го трансформира начинот на кој се перципира планинскиот терен.

Впечатоците што ги остави работилницата се различни како и пејзажите што ги доловуваат фотографите од чистата инспирација извлечена од стручноста на Стефанов, до промената на перспективата кон величественоста на природата.

Оваа работилница беше повеќе од искуство за учење, тоа беше откровение на сложениот танц на светлината, сенката и теренот низ окото на објективот, истакна еден од учесниците.

Кулминацијата на ова патување ќе биде прикажанo на претстојната изложба под ведро небо кај живописното Ротинско Езеро лоцирано во НП Пелистер под наслов „Визуелни приказни од Пелистер“, каде учесниците ќе ги прикажат своите визуелни интерпретации на Пелистер, изведени под менторството на Стефанов.

На 2 март, во 12.00 часот на оваа локација, изложбата ветува дека ќе биде доказ за трансформативната моќ на фотографијата и неискажаните приказни на планините, поканувајќи ги гледачите да бидат сведоци на невидените раскош на Пелистер низ едни нови објективи со цел да откриеме овие наративи, врамени со убавината на пејзажот и визијата на оние кои интимно го запознале.

Инаку, овој едукативен сегмент на работилница и изложба е дел од поширокиот проект ДАЛИ СТЕ ПОДГОТВЕНИ ЗА ПЕЛИСТЕР? / ARE YOU READY FOR PELISTER? на ПРЕДА Плус Фондација се спроведува во рамки на Регионалната програма за локална демократија во Западен Балкан 2 – ReLOaD2, која е финансирана од Европската унија (ЕУ), а ја имплементира Програмата за развој на Обединетите нации (УНДП).

Проектот ДАЛИ СТЕ ПОДГОТВЕНИ ЗА ПЕЛИСТЕР? е кофинансиран од Општина Битола.

The post Работилница за фотографија со Љубо Стефанов, коавтор и режисер на „Медена земја“: Следува изложба на 2 март на Ротинско Езеро appeared first on Република.

На 4 ноември во „Јавна соба“ тимот на СмартАп спроведува креативна работилница под насловот „Креираме заедно за подобра комуникација“, наменета за едукатори, родители и деца.

Целта на оваа работилница е да се детектираат предизвиците со кои децата се соочуваат при секојдневната комуникација.

Од 10 до 13 часот ќе биде реализирана работилницата за едукаторите, а од 12 до 14 часот – со родители и деца.

Вие како родители и едукатори ја имате најважната улога во растот и развојот на своите деца и ученици. Ефективната комуникација со нивните пријатели/врсници им помага да изградат висока самодоверба и чувство на припадност и солидарност, без анксиозност. Затоа, ве повикуваме да се пријавите за да бидете дел од нашата работилница и со своето искуство и знаење да придонесете кон полесно детектирање на комуникациските предизвици на децата – велат организаторите.

The post Работилница за родители, едукатори и деца „Креираме заедно за подобра комуникација“ appeared first on Република.

Во сабота на 28 октомври 2023 година во Инфо Центарот на Националниот Парк Пелистер, со почеток од 11 часот, ќе се одржи работилница за фотографија насловена како „Пелистер низ објективот“ со познатиот фотограф Љубомир Стефанов, еден од режисерите и ко авторите на Медена Земја.

Дали ја сакате планинската фотографија?
Дали сакате да ги усовршите своите вештини за да ја доловите величествената убавина на врвовите и долините? Или едноставно сакате да разменети искуства…Еве можност што не треба да ја пропуштите!

Еднодневната работилница е бесплатна, прилагодена за љубителите на фотографијата како вас. Нурнете длабоко во светот на планинската фотографија со нашиот проект, Are You Ready for Pelister?

Познатиот фотограф Љубомир Стефанов, еден од режисерите и ко авторите на Медена Земја, чии дела инспирираа многумина, ќе биде ваш ментор за тој ден. За оние кои не знаат, сакаме да споделиме дека Љубомир е личност кој својата професионална кариера ја има започнато работејќи повеќе години на Пелистер како фотограф, па оттука и нашата иницијатива тој да биде ментор на оваа средба. Шанса да зборуваме за нијансите, техниките и перспективите за да ја доловиме душата на планинината како никогаш досега, стои во објавата од организаторот на оваа работилница.

Бројот на места е ограничен, а предност ќе имаат битолските фотографи со минимум две години искуство.

The post Работилница за фотографија со Љубомир Стефанов, еден од режисерите на „Медена земја“ appeared first on Република.

На 5 и 6 септември 2023 година, во Тетово, во рамки на претседавањето на Република Македонија со ОБСЕ, ќе се одржи првата Конференција на ОБСЕ за родова еднаквост и зајакнување на улогата на жените, под наше водство и иницијатива како претседавачи.

Конференцијата ќе се одржи во просториите на Универзитетот на ЈИЕ и Хотел Меркур во Тетово, a официјалното дел, кој ќе започне во 15:00 часот, ќе го отвори Претседавачот на ОБСЕ за 2023 година министерот за надворешни работи Бујар Османи. Воедно, свои обраќања ќе имаат и генералниот секретар на ОБСЕ Хелга Шмид, претседателот на Парламентарното Собрание на ОБСЕ и сите шефови на автономните институции на ОБСЕ.

По официјалниот дел од конференцијата, ќе следи заедничка прес конференција на Османи и Шмид, која ќе започне во 16:15 часот.

Дводневниот настан, предвидува три работни сесии и четири пропратни панели на кои официјални владини претставници, официјални претставници во рамки на ОБСЕ, значајни професори, истражувачи и познавачи на материјата ќе разменат мислења за особено важни теми како жени, мир и безбедност: зајакнување на женското учество и лидерство; поврзаноста на родот и корупцијата и ублажување на ефектите од корупцијата врз жените; родовата еднаквост во политичкиот живот, успешните практики од теренот за родовите прашања, каде што голем придонес имаат мисиите на ОБСЕ и сл.

Оваа Конференција се надоврзува на Конференцијата „Жените во надворешната политика“, иницијатива на Министерството за надворешни работи, која започна да се одржува во 2021 година, со цел да се зајакне улогата на жената во надворешната политика и да се подигне гласот за родова еднаквост.

The post Тетово домаќин на Конференција за родова еднаквост и јакнење на положбата на жените appeared first on Република.

Минатото на Скопје се сеќава, а иднината на Скопје го запознава какво што некогаш било. За да го сака уште повеќе онакво какво што е сега!

На 21 јули од 19 до 20:30 часот, во „Бруталиск“ ќе се одржи едукативна работилница за деца и млади во која тие преку различни забавни и креативни активности (игри со временски капсули, пишување на стари писма, разгледби на Скопје пред земјотресот) ќе го видат градот со поинакви очи.

Овој настан е дел од серијата настани „Земјотресна недела“ посветени на 60 години од скопскиот земјотрес ,во организација на култното место кое го слави градот, Бруталиск.

Работилницата ја води Александра Тодоровиќ која во својата „Љубов голема колку Скопје“ веќе им го претстави градот преку една љубовна приказна. Искусна во ова што го прави, со многу успешни работилници зад себе, Александра ги води децата низ едно несекојдевно патување во времето.
Качете се во временската капсула – Скопје ве чека, Скопје ве сака!

Книгата за деца „Љубов голема колку Скопје“, која е инспирација за оваа работилница ќе може да се купи по промотивна цена вечерта во Бруталиск.

The post Едукативна работилница за деца и млади: Временска капсула-Скопје ве чека, Скопје ве сака appeared first on Република.

Фестивалот на креативен документарен филм „МакеДокс“ објави Отворен повик за работилница за монтажа – Барање на слоеви со Џеспер Осмунд и Туе Стен Милер.

Инспирирани од две наши успешни работилници, работилницата за монтажа во 2012 година со Џеспер Осмунд (Jesper Osmund) и работилницата за развој на идеи со Туе Стен Милер (Tue Steen Müller) во 2022 година, оваа година ќе бидат избрани 4 проекти за работилницата за монтажа. Возбудени сме што ги имаме данскиот монтажер Џеспер Осмунд и данскиот филмски консултант и критичар Туе Стен Милер на 14-тото издание на „МакеДокс“, кое е фокусирано на монтажата во документарниот филм.

Работилницата ќе се одржи од 18 до 20 август за време на фестивалот „МакеДокс“ во Скопје.

ЦЕЛ НА РАБОТИЛНИЦАТА:

Работилницата е наменета за 4 избрани режисери или тимови со проект во фаза на монтажа. На работилницата ќе се фокусираме на идентификување на различни слоеви во филмот, со цел да ви помогнеме да добиете подлабоко разбирање на внатрешната приказна, да ги обликувате приказните и да развиете посилни емоционални лакови.

КОЈ МОЖЕ ДА АПЛИЦИРА:

Режисери со долгометражни креативни документарни филмови продуцирани, копродуцирани или снимени во балканскиот регион.

* Земји од балканскиот регион: Грција, Албанија, Бугарија, Македонија, Србија, Косово, Црна Гора, Хрватска, Босна и Херцеговина, Словенија, Романија и Турција.

За да аплицирате, ќе треба да ни обезбедите:

– синопсис и третман, вклучувајќи размислувања за вашиот наративен пристап (максимум една цела страница);

– линк до прва груба верзија (rough cut) или одбран измонтиран материјали од минимум 45’.

ВАЖНИ ЗАБЕЛЕШКИ:

– Директорот/ите на проектот треба да бидат присутни во Скопје за време на работилницата. Доколку е вклучен монтажер, тој исто така треба да присуствува на работилницата.

– Пријавувањето е можно со прва груба верзија или одбрани материјали од 45’ со англиски превод и титли.

– Работилницата е бесплатна. Учесниците треба да ги покријат трошоците за патување и сместување. Нашата услуга за гостите е да им помогнеме во изнаоѓањето на најдобрите опции.

– „МакеДокс“ ќе обезбеди бесплатна фестивалска акредитација и ручек.

РОК ЗА ПРИЈАВУВАЊЕ: 15 јули 2023 година

ДАТУМИ:

Онлајн групна сесија пред фестивалот – 14 август

3 дена за време на фестивалот – 18-20 август

Аплицирајте со пополнување на ФОРМУЛАРОТ.

БИОГРАФИИ НА МЕНТОРИТЕ:

Џеспер Осмунд е дански филмски монтажер, наративен консултант и учител. Тој е со седиште во Копенхаген и Буенос Аирес, со светот како негово работно место. Кариерата ја започнал во фикција и има монтирано неколку дански играни и кратки филмови, кога одеднаш добил понуда да монтира документарец. Тоа му станало откровение, како што вели самиот: „Да се уредува без сценарио“, а потоа решил целосно да се фокусира на меѓународни документарни филмови. До денес има измонтирано над 100 филмови и многу од нив премиерно се прикажувале на водечки филмски фестивали.

Туе Стен Милер е документарен консултант и критичар од Данска. Работел со документарни филмови повеќе од 20 години во Данскиот филмски одбор, како офицер за печат, претставник на фестивалот и филмски консултант/комесар. Коосновач е на Balticum Film and TV Festival, Filmkontakt Nord, Documentary of the EU и EDN (European Documentary Network). Од 1996 до 2005 година беше првиот директор на ЕДН (Европска документарна мрежа). Предава во документарното училиште Зелиг во Болзано, Италија. И пишува критики за www.filmkommentaren.dk.

The post Фестивалот на креативен документарен филм „МакеДокс“ организира работилница за монтажа со Џеспер Осмунд и Туе Стен Милер appeared first on Република.

Министерката за труд и социјална политика, Јованка Тренчевска денеска беше присутна на изложба со дела кои беа изработени на работилницата "PIN-EQUITY за куќата од соништата на децата" организирана и асистирана од страна на одделот на Архитектура при инженерскиот факултет и факултетот за образование при Меѓународниот Балкански Универзитет. Како учесници во изработката на делата беа вклучени и децата од дневниот центар за деца со даунов синдром во Скопје и асоцијацијата "Dua Ylberin". Изложбата ја отвори со своето обраќање проректорот на Меѓународниот Балкански Универзитет, Мевлудин Ибиш.

„Студентите на Меѓународниот Балкански Универзитет во Скопје уште еднаш покажаа дека се несебични и доста професионални. Со студентите од ИБУ сме соработувале и претходно на нашата завршна конференција од кампањата „Гласна и храбра“ каде зборувавме за еднакви можности на мажите и жените. Денес тука продолжуваме да твориме за еднакви можности“ рече Тренчевска во своето обраќање.

Таа ги поздрави професорите и негувателите кои беа дел од реализација на работилниците и организирањето на изложбата. Министерката се изрази и со зборови на благодарност до студентите и посочи дека со ваквите постапки докажуваат дека творат и живеат во духот на едно општество за сите.

Министерката обраќањето го заврши со охрабрувачки зборови насочени кон учесниците.

„Ја поздравувам иницијативата и ги охрабрувам корисниците на услугите од дневниот центар и студентите да продолжат да творат. Да го обоиме овој модерен свет со боите на еднаквоста и инклузијата“ истакна Тренчевска.

За време на настанот на децата и на студентите им беа доделени благодарници за учество на работилницата и успешно спроведената изложба.

The post Тренчевска: Младите во нашата држава живеат во духот на едно општество за сите appeared first on Република.

Денеска се одржа работилница фокусирана на приоретизација на стратешките области на Националната развојна стратегија. Цел на оваа работилница беше методолошки и според дефинирани чекори да се издвојат најбитните стратешки области на Националната развојна стратегија. Националната развојна стратегија е комплексен процес за водење, на кој е потребна заедничка работа и синергија на сите постоечки сектори во државата. Овој процес е од големо значење за иднината односно развојот на нашата држава и затоа бара методичност и внимателен пристап при креирањето.

Националната развојна стратегија како 20 годишна стратегија за развој треба да ги мапира и да ги постави насоките на развојот и соодветно да ги искористи ресурсите со кои располагаме како држава. Креирањето на стратегијата не смее да зависи само од политичка волја, туку мора да биде заеднички процес, на сите чинители. Во таа насока освен денешниот настан, одржани се состаноци со академија, собрание, МАНУ, граѓански сектор, над 40 визионерски работилници во сите плански региони на кои учествуваа над 3.000 граѓани, а поставена е и платформа за јавни консултации - www.nrs.mk.

На настанот свое излагање имаа Фатмир Битиќи, заменик-претседателот на Владата задолжен за економски прашања, координација на економските ресори и инвестиции, Фатмир Бесими, министер за финансии, Н.Е. Метју Лосон, амбасадор на Обединетото Кралство, Н.Е. Хенрик Маркуш, амбасадор на Република Словачка и Армен Григорјан, постојан претставник на УНДП.

За важноста на настанот, заменик-претседателот на Владата задолжен за економски прашања, Фатмир Битиќи истакна - „ Националната развојна стратегија ќе нѝ ја даде потребната јасност и визија за развојните цели и патека на нашето општество. За остварување на оваа стратегија, ќе биде потребно да вложиме напор и придонес сите ние, заедно, за нашата држава. Пред 30 години одлучивме дека ќе имаме суверена независна држава, сега 30 години подоцна имаме остварено една од главните стратешки приоритети а тоа е дел од НАТО алијансата. Веќе сме на патот за исполнување на втората главна стратешка определба која е заедничка, а тоа е полноправно членство во Европската Унија. Сега е време, имаме доволно искуство и колективна мудрост заедно да го видиме развојот кој ни е важен и каков сакаме да биде во следните 20 години“.

Дополнително министерот за финансии, Фатмир Бесими забележа - „Националната развојна стратегија ги инкорпорира стратешките определби кои веќе се поставени високо на листата на приоритети на земјата и за нивно спроведување се очекува широка поддршка и силна организациска структура. Таа е сублимат на сè она што и досега го правиме и ја изразува нашата силна волја во тоа да успееме“.

Свое видување за Националната развојна стратегија даде и Н.Е. Метју Лосон, амбасадор на Обединетото Кралство кој наведе дека - „ Долгорочна Национална стратегија за развој бара поддршка од сите. Потребни се заложби од сите политички партии, отсликани во изборните програми на политичките партии. Граѓаните треба да ја видат политичката посветеност за постигнување заеднички договорени цели во сите политички визии. Многу труд се вложи за да дојдеме до оваа точка. Податоците собрани во претходните фази на Националната стратегија за развој сега треба да се стават под теми со фокус на потребите на граѓаните на оваа земја“.

Забелешката по однос на настанот и важноста на Националната развојна стратегија даде и Н.Е. Хенрик Маркуш, амбасадор на Република Словачка, кој кажа - „Фактот дека постои голем интерес е доволен и сигурен показател дека е избран вистинскиот модел за изработка на документ за кој слободно можам да кажам дека е од клучно значење за економскиот и социјалниот напредок на земјата”.

Како сублимирање на напорите за креирањето на стратегијата свој осврт даде и Армен Григорјан, постојан Претставник на УНДП кој потенцираше - „ Според мене, нема поголема потврда дека сме на вистинскиот пат, од искажаната поддршка на сите оние кои не само што пројавија голем интерес, туку и споделија креативни идеи и иницијативи“.

На работилницата имаше големо присуство на претставници од најразлични институции од Владата на Република Македонија, претставници од граѓанскиот сектор, МАНУ, експерти од различни полиња на делување, меѓународни донатори и други релевантни институции кои дадоа свој придонес во дискусијата.

Ова е редок пример каде преку инклузивен процес се вклучуваат сите вклучени страни, со цел заедничко, интердисциплинарно, наднационално и надполитичко креирање на Националната развојна стратегија, од која ќе зависат многу клучни процеси во следните 20 години.

The post Работилница за приоретизација на стратешките области на Националната развојна стратегија appeared first on Република.

Од 28.10.2022 до 02.11.2022, КСП Центар Јадро, организира работилница за партиципативна уметност со визуелната уметница Андреја Кулунчиќ.

Цел на работилницата:
◾️На работилницата ќе се разговара и работи во насока на разбирање на општествено ангажираната практика како медиум за создавање на уметничко дело.
◾️Ќе се бараат/лоцираат невралгичните точки во современиот општествен живот како потенцијални теми за креација на уметнички дела како и изнаоѓање на медиуми за соодветна социјална практика за создавање на делата.
◾️Ќе се разговара за употребата на медиумите кои директно му се обраќаат на гледачот без користење на галериите како посредници, на пример, присвојувањето на медиумскиот простор за уметничка работа како што се весниците, билбордите и "city light" постерите, уличните акции, колаборативните проекти, интернетот итн.
◾️Работилницата ќе се фокусира на разработката на идеите на учесниците.
---------------------------------------------
За кого е наменета работилницата?
◾️работилницата е наменета за сите мотивирани, локални визуелни уметници кои сакаат да ги зголемат своите знаења и вештини во областа на социјално ангажираната уметност
◾️ работилницата е наменета и за сите мотивирани, локални уметници од разни уметнички дисциплини кои сакаат да ги зголемат своите знаења и вештини во областа на социјално ангажираната уметност
◾️ работилницата е наменета за антрополози, филозофи и социолози кои сакаат да ги зголемат своите знаења за социјално ангажираната уметност и кои што преку ова искуство би влегле во понатамошни заеднички проекти со уметници
◾️работилницата е наменета за сите кои сакаат да научат како да ја аплицираат својата уметност надвор од музеите и галериите
◾️Работилницата е наменета за возрасни, над 23 години.
---------------------------------------------
Линк за пријава 👉https://forms.gle/1UMe2MaBfv6KKCju5
---------------------------------------------

Андреја Кулунчиќ е визуелна уметница која ги доведува во прашање различните аспекти на општествените односи и општествената практика во нејзините дела. Таа е заинтересирана за општествено ангажирани теми, соочувањето со различни публики и соработка во колективни проекти. Низ своите проекти воспоставува свои интердисциплинарни мрежи, доживувајќи ја уметничката работа како истражување, процес на соработка (ко-креација) и самоорганизација. Честопати бара публиката активно да соработува и да го „заврши“ делото. Во процесот на создавање на делата често го користи мултидисциплинарниот пристап, во кој специфичните уметнички вештини се надополнуваат со комплементарни вештини од други области. Учествувала на важни меѓународни изложби како што се: Documenta11 (Касел, Германија), Manifesta4 (Франкфурт/Мајна, Германија), 8-то Истанбулско биенале (Турција), Американскиот ефект (Музејот на американската уметност Витни, Њујорк), 10-то триенале на Индија, Биенале во Ливерпул (Велика Британија), Ден на трудот (П.С.1, Њујорк). Живее во Загреб, каде што предава на Академијата за ликовни уметности, насока Нови медиуми.
Веб-страница: www.andreja.info

The post Работилница за партиципативна уметност со визуелната уметница Андреја Кулунчиќ appeared first on Република.

Од денеска до 11 октомври годинава е отворен повикот за учесниците на аматерската филмска работилница „ОКО“. Работилницата за семејни разговори и филмски креации ќе биде под водство на режисерката Марија Џиџева, а ќе се одржи од 14 до 16 октомври 2022 година во просториите на Културно социјален простор Центар-Јадро, Скопје. Темата е ручек.

Заинтересираните треба да испратат е-маил со податоци на: centar.jadro@gmail.com Повикот е за деца од 8 до 12 години и на работилницата ќе можат да учествуваат првите шест екипи кои ќе се пријават.

Концептот на работилницата е формирање на семејни екипи составени од два члена (дете и родител/старател, дедо или баба…) и преку заедничко учење, гледање филмови, разговори и дружење, секоја екипа да создаде своја филмска приказна.

Филмот треба да е инспириран од семејните ручеци, културата на готвење или неготвење, храната како сврзно ткиво и дружење, како игра на откривања и реоткривање на вкусови и мириси на животната радост и на новите предизвици, и сл. За учество во работилницата не е потребно никакво предзнаење или техничка опрема, соопшти Културно социјален простор Центар-Јадро, Скопје.

Работилницата ќе заврши со финален настан со проекции на филмските приказни во Центар-Јадро, како дел од „Фестивалот на заедницата“, кој ќе одржи од 3 -5 ноември 2022 година.
Марија Џиџева ќе ја реализира работилницата заедно со филмологот Александар Трајковски.
Оваа работилница е дел од годишината програма на Центар Јадро за 2022 година и е реализирана со финансиска поддршка од од Министерството за култура.

The post Отворен повик за учество на работилницата „ОКО“ под водство на Марија Џиџева appeared first on Република.