Вкупно 17,1 проценти од вработените во ЕУ на возраст од 20 до 64 години лани биле ангажирани со скратено работно време, што претставува мал пораст во однос на претходната година кога ваков статус имале 16,9 отсто од европските работници.

Според податоците на Европската статистичка агенција – Евростат, во претходната деценија уделот на ангажираните лица со скратено работно време бележеше постојано намалување од 19,1 во 2014 и 2015 година до 16,9 проценти во 2022 година, за лани првпат да има пораст на оваа стапка.

Гледано по полови, во 2023 година уделот на ангажираните со скратено работно време кај вработените мажите изнесувал осум отсто, а кај жените 27,9 проценти. Додека кај мажите во целиот период изминатава деценија таа стапка се движела околу осум отсто, кај жените бележи намалување од 31,8 во 2014 на 27,9 проценти лани.

Меѓу вработените кои имале деца, со скратено работно време биле ангажирани 31,8 проценти од жените и само пет отсто од мажите. Кај вработените без деца, пак, стапката на жени вработени со скратено работно време била 20 проценти, а на мажи 7,3 отсто.

Податоците покажуваат дека уделот на вработени жени со деца ангажирани со скратено работно време е поголем од оној на жените без деца во сите земји на ЕУ, освен во Данска, Финска, Летонија, Грција и Романија.

Романија е и единствената земја од ЕУ каде што уделот на мажи со и без деца кои работат со скратено работно време е поголем од уделот на жени ангажирани на овој начин – 2,9 отсто мажи со деца и 3,5 отсто без деца, наспроти 2,4 проценти од жените со и 2,7 отсто од жените без деца.

The post Над 17 отсто од вработените Европејци работат со скратено работно време appeared first on Република.

Канада дополнително го намалува бројот на студиски дозволи за странски студенти и ги заострува условите за работни дозволи за да го намали бројот на привремени жители во земјата, соопшти владата.

Најавата доаѓа додека либералната влада на премиерот Џастин Трудо, која заостанува во анкетите и претрпе голем пораз на дополнителните избори оваа недела, се обидува да го намали бројот на привремени жители во земјата, вклучително и странски студенти и работници.

Прашањето стана едно од најспорните во канадската политика, а федерални избори треба да се одржат најдоцна до октомври 2025 година.

Со најавените измени ќе се намали бројот на издадени меѓународни дозволи за студирање на 437.000 во 2025 година. Канада одобрила 509.390 од нив во 2023 година, според податоците на одделот за имиграција, а во првите седум месеци од 2024 година, 175.920.

Промените, исто така, ќе го ограничат правото за работна дозвола за сопружниците на некои студенти и привремените странски работници.

Бидејќи Канада доживува голем пораст на апликантите за виза, владата најави мерки за зајакнување на интегритетот на визниот систем и „да го преиспита донесувањето одлуки за визи, така што нашите високообучени службеници ги имаат вистинските алатки за откривање измами и намалување на бројот на измамнички посетители“.

„Реалноста е дека не секој што сака да дојде во Канада ќе може да го стори тоа, како што не секој што сака ќе може да остане во Канада“, рече министерот за имиграција Марк Милер.

The post Канада ги заострува условите за студирање на странски студенти и вработување странци appeared first on Република.

Во Германија од денеска стапува на сила новиот закон со кој се олеснува стекнувањето германско државјанство, јави ДПА.

Реформата на законот за државјанство, која беше поттикната од германската владејачка трипартитна коалиција, му дава можност на лицето да стане германски државјанин, а во исто време да го задржи државјанството на земјата од која потекнува. Досега, зачувувањето на државјанството на земјата на потекло беше можно само за граѓаните од другите земји од Европската унија.

Според законските измени кои стапуваат на сила, луѓето кои ги исполнуваат сите други услови можат да аплицираат за германско државјанство по пет години престој во Германија. Досега условот беше осум години престој.

Децата кои се родени во Германија од родители странци ќе добијат германско државјанство доколку едниот родител легално престојувал на германска територија пет години.

Доколку барателот за државјанство покаже „посебни достигнувања во интеграцијата“, како што се особено добри перформанси на работа или училиште или покажува висок степен на социјална посветеност, тој може да добие државјанство по три години престој во Германија.

Освен тоа, на Германците кои сакаат да добијат државјанство на друга земја повеќе нема да им треба посебна дозвола од германските власти.

The post Oд денес полесно добивање на германско државјанство appeared first on Република.

Познатата германска компанија Пеликан објави дека ги затвора продажните капацитети во Хановер и Фалкенце.

Пеликан целосно престанува да работи на крајот на годината.

Нивните производи се продаваат насекаде низ Македонија и се користеа со генерации, кога ние бевме деца, а сега ги купуваме и за нашите деца.

Локалните медиуми јавуваат дека затворањето на продажните капацитети во двата града ќе загрози 250 од 500 работни места во Германија и потсетуваат дека компанијата Хемелин ќе ги преземе Pelikan и нејзината филијала Херлиц од 2025 година.

Хамелин го оправдува кратењето на работните места со подобрување на структурата на продажбата.

-Структурата што сега е планирана за Германија ќе ни овозможи да ја зајакнеме соработката со нашите клиенти нудејќи им го најширокиот асортиман на пазарот во еден каталог и на едно место, вели првиот човек на Хамелин, Ерик Јоан.

Хамелин во декември го презеде Пеликан за 136 милиони евра.

Пеликан е основан во Хановер во 1832 година.

Компанијата е особено позната по своите гуми и пенкала, а произведува разни канцелариски материјал, моливи, бои, мастила, лакови…

The post Сите ги користевме нивните производи: Германски гигант по 200 години работа престанува со производство appeared first on Република.

Во Германија денеска стапија во сила новите правила во врска со визите за квалификувани работници од земји надвор од Европската унија, кои овозможуваат влез во земјата и барање работа до една година, под услов да се исполнат одредени критериуми.

Друг елемент од правилата што ќе стапат во сила од денеска во Германија е проширувањето на прописите за државјаните на земјите од Западен Балкан, соопшти германското МВР.

Според ова правило, работниците од Србија, Босна и Херцеговина, Црна Гора, Република Македонија, Албанија и Косово можат многу полесно да одат во Германија на неопределено време, и тоа до 50.000 годишно, што е двојно повеќе од претходно, се наведува на сајтот на Министерството.

The post Македонците од денеска многу полесно до работа во Германија appeared first on Република.

Граѓаните на Србија, Босна и Херцеговина, Црна Гора, Македонија и Албанија ќе уживаат привилегиран пристап до германскиот пазар на труд од 1 јуни 2024 година, според Регулативата за Западен Балкан.

Тоа е затоа што Германија одлучи да го удвои бројот на визи што ќе ги добиваат граѓаните на овие пет земји за работа годишно на 50.000, што ќе ги издава Федералната агенција за труд од јуни 2024 година, пренесува „Шенген ВизаИнфо“ и јавува Индикатор.ба.

Регулативата за земјите од Западен Балкан беше ограничена до крајот на 2023 година. Меѓутоа, по развојот на новиот Закон за квалификувана имиграција, Германија одлучи да ги промени правилата за овие националности. Како што објаснуваат од германската амбасада, новите правила ќе бидат навремено распределени, а дотогаш сите термини ќе продолжат да се доделуваат преку системот на лотарија.

На граѓаните на Србија, Босна и Херцеговина, Црна Гора, Македонија и Албанија им е дозволено да влезат во Германија на работа врз основа на Регулативата за Западен Балкан. Меѓутоа, бидејќи интересот на овие националности за добивање работни визи за Германија е голем откако стапи на сила регулативата, Германија одлучи да одобри визи врз основа на среќа.

Германските амбасади во овие шест земји од Западен Балкан воспоставија систем за месечен извлекување на лотарија со кој по случаен избор се избираат поединци на кои ќе им биде дозволено да закажат термин за да аплицираат за виза. Следната регистрација за термин за работна виза за Германија според Регулативата за Западен Балкан ќе се отвори на 7 мај 2024 година, а ќе заврши една недела подоцна, на 14 мај 2024 година.

Во овој седумдневен период, сите од Србија, Босна и Херцеговина, Црна Гора, Македонија и Албанија можат да се регистрираат и нема потреба да се комплетира процесот на регистрација преку посредници или други агенции бидејќи е едноставен.

Апликантите мора да забележат дека им е дозволено да се регистрираат само еднаш. Згора на тоа, тие не можат да ги менуваат податоците потоа, а исто така не смеат да го префрлат својот термин на друго лице. Оние кои ќе бидат подигнати од системот за лотарија се известени од германските власти и потоа ќе можат да се подложат на процесот на аплицирање за виза.

Врз основа на Регулативата за Западен Балкан, податоците покажуваат дека околу 76.000 граѓани на Србија, Босна и Херцеговина, Црна Гора, Македонија и Албанија имале дозволи во Германија на крајот на 2023 година. Ова претставува зголемување од 22 отсто во споредба со 2022 година, кога Германија имаше околу 62.000 работници кои имаа дозволи од овие земји.

Според германската федерална канцеларија за статистика Дестатис, граѓаните на Косово ја сочинувале најголемата група работници во Германија според оваа регулатива на крајот на 2023 година.

До крајот на оваа година се очекува Германија да регистрира голем број работници од земјите од Западен Балкан по истата регулатива, која стана постојана со новиот Закон за квалификувана имиграција.

The post Македонските граѓани од први јуни полесно до работа во Германија appeared first on Република.

Порталот за вработување „Џобсикер“ (Jobseeker) објави мапа којашто покажува во кои држави ширум светот - кои работни места се најбарани и најпребарувани за оваа 2024 година. Македонците, се чини, заедно со Малтежаните и Кипарците, единствени во Европа најмногу сакаат да бидат „инфлуенсери“.

Судејќи според картата, пак, воопшто, најпосакувана работа на планетава е пилот. Прашањето „Како да се стане пилот“ на интернет е пребарано 50.000 пати во јануари 2024 година. Оваа професија е најпопуларна во 55 земји. Со виолетово се означени Обединетото Кралство, Ирска, Шпанија, Полска, Индија, Кенија, Сомалија, Босна и Херцеговина итн.

На второто место се стјуардесите - со 29.000 пребарувања. Оваа работа е и најпребарувана во САД, Канада, Мексико и Бразил.

На место бр. 3 е професијата модел - вкупно 25.000 пребарувања на светско ниво. Со жолта боја се означени Србија, Бугарија, Албанија, Грција, Романија, Хрватска, Словенија, како и Франција, Германија, Италија, Шведска, Алжир, Мароко и многу други земји.

Инаку, доктор е шестата најпопуларна работа (15.000 пребарувања - најпосакувана во Уганда, ДР Конго). Во Русија, Косово, Украина и Белорусија, пак, најпребарувана е професијата наставник (14.000 пребарувања) - место бр. 7 на рангирањето.

The post Македонците најмногу сакаат да се – инфлуенсери appeared first on Република.

Граѓаните на Србија до Идентификациски број (ИД) на Отворен Балкан, кој им овозможува да користат услуги во рамките на иницијативата Отворен Балкан (ОБ), можат да пристапат преку порталот е-Управа. Граѓаните на Македонија и Албанија го креираат својот ИД на Отворен Балкан преку нивниот национален портал за електронска управа, јави дописникот на МИА од Белград.

Од 5 март, преку порталот www.euprava.gov.rs, сите граѓани на Србија ќе можат да го креираат својот матичен број на Отворен Балкан по едноставна процедура, што е предуслов за поднесување барање за слободен пристап до пазарот на труд во Македонија или Албанија, соопшти Стопанската комора на Србија (ПКС).

Граѓаните на Македонија и Албанија својот ИД број т.е Единствениот број за идентификација на ОБ го креираат на нивниот национален портал за е-управа.

За да можат граѓаните на Србија, Албанија и  Македонија, да се вработат во некоја од земјите на Отворен Балкан или оние кои веќе нашле работодавач, треба да имаат ИД број на ОБ што ќе го креираат електронски во неколку чекори.

Ова подразбира дека корисникот има електронски идентитет на својот национален Портал за е-управа, а потоа во неколку чекори креира свој ИД број на Отворен Балкан.

На корисникот веднаш ќе му биде доделен ИД број на Отворен Балкан, а на неговата е-маил адреса ќе добие и потврда т.е сертификат за доделениот ИД број во форма на електронски документ.

Потоа, заинтересираниот граѓанин може да пристапи до електронскиот административен или управен портал на земјата на дестинација (земјата во која има намера да се вработи) и да поднесе барање за слободен пристап до пазарот на трудот.

Земјата на дестинација по проверка донесува конечна одлука, а најдоцна во рок од 30 дена од датумот на поднесување на барањето.

По добивањето на одобрението, заинтересираниот граѓанин од трите земји на ОБ може да се вработи, под исти услови како и секој локален граѓанин на државата, до две години, а по истекот на овој рок може да го продолжи одобрението, кое воедно преставува и одобрение за престој и работа.

Прв кој ја доби електронската потврда- Идентификациски број на Отворен Балкан е пртседателот на Стопанската комора на Србија, Марко Чадеж, со што може да работи и да живее и во Македонија и Албанија.

The post Како до работна дозвола за единствениот пазар на Отворен Балкан? appeared first on Република.

Младите Британци сè повеќе страдаат од проблеми со психичкото здравје што ја попречуваат нивната способност да најдат работа, посочува испитување објавено од „Фондацијата Резолушн“.

Истражувањето насочено кон Британците на возраст меѓу 18 и 24 години, потврдува дека кај оние кои страдаат од психичка болест има поголема веројатност да бидат невработени или да преземат ниско платени работни места, отколку оние без психички проблеми. Написот, инаку, ги обвинува социјалните мрежи за многу проблеми - кај младите лица особено. Во таа смисла, особено се истакнува оти прекумерната употреба на слободниот виртуелен простор игра клучна улога во поттикнувањето на анксиозноста и депресијата и овозможувањето тормозење на интернет.

Младите луѓе денес го имаат непожелниот предуслов да имаат најлошо ментално здравје од која било возрасна група. Британија треба да финансира поголема поддршка за менталното здравје за да се избегне 'изгубена генерација' поради лошо здравје“, соопшти Фондацијата.

Меѓу 2021. и 2022 година, кога Велика Британија излезе од блокадите на Ковид-пандемијата, според испитувањата - 34 отсто од младите Британци пријавиле симптоми на психичко нарушување, како анксиозност, биполарно растројство или депресија. Тоа е повисоко ниво отколку во 2000 година кога пропорцијата изнесуваше 24 насто.

Покрај тоа, 41 отсто од младите девојки се склони кон нарушувања на психичкото здравје, како и 26 отсто од младите мажи.

Кај младите луѓе со проблеми со психичкото здравје има поголема веројатност да се борат со светот на возрасните отколку нивните поздрави врсници. Слабото ментално здравје може да го уништи искуството на младите во образованието, на пр. - да го попречи нивното брзо наоѓање работа или да ја ограничи нивната способност да се пробијат на пазарот на трудот“, се додава во извештајот.

Ова, според стручњаците, е критично важно за сегашноста, но се истакнува оти може да има и долгорочни последици во иднината.

The post Младите Британци сè повеќе страдаат од проблеми со психичкото здравје што им пречи да најдат работа appeared first on Република.

Едно ново истражување покажа дека лекарите им препишуваат помалку антидепресиви на луѓето кои патуваат со велосипед до работното место.

Инаку, биле анкетирани околу 380.000 луѓе кои живеат во Шкотска, а студијата покажа дека возењето велосипед до работа го намалува ризикот од депресија и анксиозност.

Иако мажите почесто возат велосипед, оваа физичка активност има поголемо и попозитивно влијание врз жените отколку врз мажите.

Истражувачите искомбинирале податоци за 378.253 луѓе на возраст од 16 до 74 години од пописот на Шкотска во 2011 година со податоци за рецепти од британската Национална здравствена служба за следните пет години.

Испитаниците живеат и работат во Единбург или Глазгов, живеат близу велосипедската патека и не им биле препишани антидепресиви на почетокот на студијата.

Истражувачите откриле дека имало 15 отсто помалку препишани рецепти за депресија и анксиозност меѓу велосипедистите во тие пет години, во споредба со невелосипедистите.

Нашето откритие, дека овој рентабилен и одржлив метод на патување го подобрува менталното здравје, сугерира дека политиките за инвестирање во велосипедски патеки и поттикнување на активно патување најверојатно ќе имаат широк опсег на придобивки“, рече водачот на истражувањето, професорот Крис Дибен, од Школата за геонауки при Универзитетот во Единбург.

Исто така, тој истакна дека „ова не само што може да го подобри менталното здравје на луѓето, туку може да помогне и да се намали метежот на патиштата и загадувањето на воздухот“.

The post Лекарите им препишуваат помалку антидепресиви на луѓето кои возат велосипед до работа appeared first on Република.

Нов извештај од платформата за сајбер безбедност Nordlayer анализира каде се најдобрите места во светот за работа надвор од Македонија.

Во извештајот е откриено дека Европа доминира во изборот не само со сите топ десет места, туку европските земји се меѓу најдобрите во првата половина од анализираните земји во светот, пренесува „Investor“.

Глобалниот индекс на далечина од 2023 година собра податоци од 108 земји и ги бодираше врз основа на тоа како тие поминаа според различни критериуми, вклучувајќи пристап до стабилни, брзи интернет конекции, социо-економски придобивки како што се здравствената заштита, како и заштита на човековите права.

Иако е вистина дека приоритетите на луѓето не се совпаѓаат и она што тие најмногу го ценат исто така се разликува, студијата покажа дека Данска се рангираше на прво место во целина кога резултатите беа земени од четири клучни категории – сајбер безбедност, дигитална и физичка инфраструктура, социјална и економска безбедност.

По Данска, следуваат Холандија, Германија, Шпанија, Португалија, Шведска, Естонија, Литванија, Ирска и Словачка.

The post Кои се најдобрите десет држави за работа од далечина? appeared first on Република.

Германскиот министер за труд, Хубертус Хајл, порача дека оние кои ќе одбијат работа во Германија повеќе нема да добиваат помош во форма на граѓански надомест. Според неговиот план, на сите оние кои целосно ќе одбијат да работат ќе им бидат укинати бенефициите до два месеци.

Сепак, државата ќе продолжи да им го плаќа станот за да го спречи бездомништвото, информира „Феникс Магазин“.

Планираната уредба за е насочена кон оние кои неразумно и произволно одбиваат да прифатат разумна работа што им е понудена. Регулативата ќе биде во согласност со пресудата на Сојузниот уставен суд за финансиски санкции против граѓаните“, се наведува во соопштението од Министерството.

Се укинува и граѓанскиот додаток, но останува основната идеја за подобро вклучување на луѓето на пазарот на труд преку обука.

Надоместокот за обука и додатокот за дополнителна обука ќе продолжи да се плаќа на учесниците на курсевите за стручна обука. Секој кој почнал подобна мерка ќе го добие бонусот додека не ја напушти или заврши мерката.

Германската федерална влада сака да го одобри ова ново правило до 2 јануари, а потоа треба да се примени што е можно поскоро.

The post Германија воведува драстични промени: Тие кои ќе одбијат да работат нема да добиват социјална помош appeared first on Република.

Претседателката на „Гласен Текстилец“ Кристина Ампева бара владата да ја повлече препораката со која се овозможува продавници, киосци, штандови да работат за време на новогодишните и божиќни празници. Според неа, со тоа се кршат работничките права.

Ги повикуваме да ја повлечат оваа катастрофална одлука/препорака која е во интерес на работодавачите, но не и на работниците. Сведоци сме дека прекувремената работа, работата на празник и во ден на неделен одмор, не се плаќа од мнозинството приватни фирми. Оваа последна одлука е врв на нелогичност, на непочитување на работникот да биде за најголемите празници дома со семејството, да има право на одмор. Ова не ги одразува социјалдемократските вредности, напротив, како и многу пати до сега, да го бранат суровиот капитализам пред работничките права и работничкото достоинство – вели Ампева.

Таа додава дека до организацијата стигнеле голем број на поплаки од работници од трговијата.

The post „Глесен текстилец“ бара Владата да ја повлече одлуката за работа на продавниците за празниците appeared first on Република.

Јас мислам дека верноста во судството сите граѓани знаат не само тие два проценти од анкетите кава е, полека и опаѓа, јас многупати велам дека тие што имаат врски се тие два проценти, другите се сите незадоволни. Таму треба огромни реформи, во судството и правосудството има добри закони и таму човечкиот фактор е пресуден за ова што се прави, ова денеска во Дневникот на МТВ 1 го истакна потпретседателот на ВМРО-ДПМНЕ, Владо Мисајловски.

Сите овие луѓе дали сегашниот обвинител или сите заедно, околу себе сите соработуваа со години, со рекети и корпуции и паѓање на општеството на такво дно се гледа тие кадри, врпочем таму ни треба многу работа, бидејќи слушнавме и од САД вложени се 500 милиони долари за подобрување на судството, зарем не е срамно во самата институција, обвинителство судство, правосудство да видат дека некој пробува да им помогне, но сепак зависи од тие луѓе што се внатре, вели Мисајловски.

Тој додава дека таму треба рестарт и многу да се работи.

The post Мисајловски: Во судството не чека многу работа appeared first on Република.

Мнозинство работници и менаџери, 71 отсто, веруваат дека доцните попладневни часови е најлошото време за работа и дека продуктивноста најмногу паѓа помеѓу 15 и 18 часот, според истражувањето на Слек (Slack), филијала на калифорниската компанија Сејлсфорс.

Тоа истражување е спроведено во соработка со агенцијата Квалтрикс (Qualtricks) на повеќе од 10.000 испитаници.

Падот на продуктивноста во доцните попладневни часови е последица на нормалниот деноноќен ритам на телото, што значително опаѓа помеѓу 14 и 17 часот, велат експертите.

На вработените им се советува да работат лесна работа, да прават кратки паузи или да ја слушаат омилената музика во доцните попладневни часови за да ја зголемат концентрацијата на работните задачи

The post Продуктивноста на работа е најниска помеѓу 15 и 18 часот appeared first on Република.

Во периодот од првите десет месеци од годинава издадени се 3.688 согласности за унифицирана дозвола за престој и работа за граѓаните на Македонија, што е за 40,3% повеќе во однос на истиот период лани, вели в.д. генералната директорка на Заводот за вработување на Република Словенија, Грета Метка Барбо Шкербинц, за Вечер.мк.

Впечатоците во Македонија од последната манифестација „Живот и работа во Словенија“ се многу позитивни. Но, што велат вашите искуства, дали имате број на македонски граѓани кои дошле во Словенија во последната година, а исто така какви се вашите очекувања за оваа година? Зошто Заводот за вработување одлучи да организира ваков настан?

Оваа година, во јуни и во септември, веќе успешно организиравме неколку вакви настани во странство, па поради големата побарувачка од работодавачите и потребите на нашиот пазар на труд, решивме повторно да ги организираме настаните во Македонија. Главната цел на овие настани е на странските баратели на работа да им се обезбедат веродостојни информации за работните и животните услови во Словенија и да им се понуди соодветна правна заштита со релевантни информации, бидејќи како што знаеме, миграцијата е дел од нашето секојдневие и може да се очекува нејзин раст и во иднина. Токму затоа сакаме да ги зајакнеме информациите за работниците кои веќе се во нивните земји на потекло, што значи да го подобриме нивниот пристап до информации за правата, процедурите за вработување, законодавството итн. во најголема можна мера, на начин кој ќе биде разбирлив за работниците и со тоа ќе им се обезбеди поголема правна сигурност. За наредните години во Словенија се предвидува понатамошно зголемување на вработеноста и намалување на невработеноста. Оттука, очекуваме дека ќе продолжи да има недостиг на кадри на пазарот на трудот, а ќе се зголеми и регрутирањето на странска работна сила, која ѝ е потребна на нашата економија. Бидејќи работодавачите во Словенија веќе подолго време се соочуваат со голем недостиг на персонал, ние исто така сакаме да ѝ помогнеме на земјата да обезбеди соодветна работна сила која ќе помогне во реконструкцијата по катастрофалните поплави и свлечишта што се случија во Словенија во август и каде што исто така сметаме на помош од странски работници од државите блиски до нас. Во периодот од првите десет месеци од годинава издадени се 3.688 согласности за унифицирана дозвола за престој и работа за граѓаните на Македонија, што е за 40,3% повеќе во однос на истиот период лани.

Кои компании доаѓаат кај нас на крајот на ноември? Што ќе има во нивната понуда и за кого е наменет овој настан?

Настанот е наменет за граѓаните на Македонија. Сакаме да им понудиме што е можно посеопфатни информации за животот и работата во Словенија, односно не само за работењето. Им предочуваме на словенечките работодавци дека веќе не е доволно само да се понуди пристојна плата, тие мора да им помагаат на работниците во сите чекори при нивното вклучување и активно да им помагаат успешно да се интегрираат во животната средина по пристигнувањето во Словенија. Тука е важна и помошта околу сместувањето, обединувањето на членовите на семејството итн. Но, бидејќи најдобрите информации се оние од „прва рака“, на овој настан доаѓаат речиси 30 истакнати словенечки работодавачи од цела Словенија, кои заедно вработуваат повеќе од 20.000 работници. Мнозинството се големи и средни работодавачи, а најголем број барања се од здравствената и социјалната заштита и градежната индустрија. Со нас ќе бидат и работодавачи од производство, транспорт и складирање, технички дејности и други.

Целото интервју на Вечер.мк

The post Само годинава, во Словенија се иселиле 4.000 Македонци appeared first on Република.

Трите дискотеки во градот Мурсија во југоисточна Шпанија, кои вчера беа зафатени со пожар во кој 13 луѓе го загубија животот, немале лиценци за работа, изјави денеска советникот за урбанистичко планирање во Мурсија, Антонио Наваро.

За две од нив имаше официјална наредба за затворање уште на почетокот на минатата година, рече Наваро.

Театре и Фонда работеа без лиценца по наредбата за прекин на работата во јануари 2022 година. Градските власти ќе ги гонат одговорните и ќе дејствуваат како тужител во истрагата, рече Наваро, според државната телевизија РТВЕ.

Наредбата за затворање на соседните дискотеки е издадена поради редизајн на внатрешниот простор кој не добил конечно одобрение.

Тринаесет лица загинаа, а 24 се повредени во пожарот што избувна вчера рано изутрината. Причината за пожарот не е утврдена.

Градоначалникот на Мурсија, Хозе Балеста прогласи тридневна жалост, а шпанската полиција почна истрага.

The post Трите дискотеки во Шпанија во кои загинаа 13 лица, немале лиценци за работа appeared first on Република.

Вообичаената работна седмица за лицата на возраст од 20 до 64 години во земјите членки на ЕУ во 2022 година во просек изнесувала 37,5 часа, соопшти денеска Европската статистичка служба – Евростат.

Според овие податоци, како што јави специјалниот известувач на МИА од Брисел, најдолги работни недели има во Грција и тоа од 41 час, по што следува Полска со 40,4 и Романија и Бугарија со по 40,2 часа.

Од друга страна, најкратко се работи во Холандија, каде просечната работна седмица изнесувала 33,2 часа, по што следуваат Германија со 35,3 и Данска со 35,4 часа.

Должината на просечната работна недела се пресметува според бројот на часови што вообичаено се одработуваат неделно на главното работно место, вклучувајќи ги и дополнителните часови, без разлика дали се платени или неплатени, но го исклучува времето на патување од дома до работното место и назад, паузите за оброк и часовите минати на обуки што не се поврзани со работата.

The post Европејците во просек работат по 37,5 часа неделно appeared first on Република.

Здружението „Гласен Текстилец“ изминатите денови имале пријави од страна на работници но и граѓани за непочитување на мерките и препракките на Владата за работниците за време на топлотниот бран. Кристина Ампева од „Гласен Текстилец“ за МИА вели дека пријави им пристигнале од Штип, Скопје и Свети Николе.

Од Скопје и Штип имаше пријави за градежни работници, работници од јавни претпријатија во текот на вчерашниот ден. Гледаме да реагираме со Трудовиот инспекторат и за ослободување и на бремените жени, а за хронично болните министерството за здравство сметаше дека нема потреба да бидат ослободени од работа- вели Ампева.

Посочи дека зголемена е свеста кај работниците,но и на граѓаните кои пријавуваат работа на градежните работници на отворено. Таков пример имала вчера од страна на граѓани, кои реагирале дека градежни работници работат на објект, како и дека на терен се и работници од јавни претпријатија од Скопје.

Граѓаните прашуваат каде да пријават, значи тие приметуваат дека се прекршуваат правата на работниците и работат на изложеност на сонцето, а се знае од колку до колку не смеат да работат. Така да мене ми е многу мило што самите се јавуваат на телефоните на Трудовиот инспекторат - рече Ампева.

Таа посочи дека во овој период имаат и добра соработка со инспекторите, кои веднаш реагираат на терен.

Додека се вршени тие контролни надзори можам да кажам дека се ослободени голем број на бремени жени од текстилниот сектор, потоа има супер маркети, па и во здравствена установа. Но интересно е дека при тие надзори најдени се и голем број на непријавени работници. Така да овде имаме поопсежна работа на терен - вели Ампева.

Прашана за реакцијата на текстилни работнички дека се возат во неклиматизирани автобуси, на некои од нив за да влезе воздух можат да се отвараат два или три прозорци, Ампева потврдува дека вакви реакции имаат од работничките во овој сектор и веќе има реагирано до надлежните институции.

За превозот на работниците ми е жал што сообраќајна полиција не е присутна на терен за да виде дека има претовари во автобусите со кои се превезуваат работници. Не можам да кажам за сите работодавци, но има и кои имаат сопствен превоз и се придржуваат до мерките. Генерално сликата е таква, каква што е и може да се виде на постојките од 14.30 па понатаму кога работниците заминуваат дома од своите работни места - вели Ампева.

Посочи дека информиран е и градоначалникот на Општина Штип, Иван Јорданов, а веќе денеска добила одговор од него оти општинскиот сообраќаен инспектор ќе се координира со сообраќајната полиција и инспектор од безбедност и здравје на работа да излезат на терен и да видат во какви услови се превезуваат работниците.

The post „Гласен Текстилец“ има пријави за работа на градежни работници и бремени жени за време на топлотниот бран appeared first on Република.

Германскиот град Стоках бара нов градоначалник, а иако се работи за позиција која носи плата од 9.000 евра, се уште никој не се пријавил. Во тек е активна потрага и пронаоѓање на соодветни кандидати за градоначалник, а наследникот на актуелниот градоначалник Рајнер Столц треба да биде познат по изборите на 15 октомври.

Всушност, најавата на градоначалникот Столц дека ќе го заврши четвртиот мандат две години пред истекот, предизвика голема бура во Стоках. Магазинот „Феникс“ пренесува дека тој како причина за тоа ги навел здравствените причини.

„Откако двапати ми беше дијагностицирана корона, мојата здравствена состојба веќе не е таква што лесно можам да го одржам темпото што го бара оваа канцеларија. Затоа, по 30 години во Стоках и речиси 50 години во јавна служба, сега е време да размислам за моето здравје пред се“, рече тој.

The post Во Германија отворено работно место со плата од 9.000 евра, ама никој не е заинтересиран appeared first on Република.