Владата на Шпанија значително ги олесни условите за странските работници без документи во обид да внесе илјадници од нив во официјалната работна сила и да ги регулира работните места во секторите со недоволно персонал, како што се угостителството и земјоделството.
Денешниот декрет на Владата го реформира законот за имиграција и им олеснува на шпанските работодавачи да вработуваат работници додека се уште се во нивната матична земја, како и условите за добивање работна дозвола за работниците кои веќе се во Шпанија.
Шпанското Министерство за миграција призна дека претходните процедури биле „често бавни и несоодветни“ и дека тоа довело до високи социјални и економски трошоци за земјата.
Се проценува дека околу 500.000 луѓе работат во шпанската сива економија.
Странските работници кои живееле во Шпанија две или повеќе години можат да аплицираат за привремен престој со запишување на курсеви за обука за работни места во сектори со висока побарувачка.
Странските студенти ќе можат да започнат со работа во Шпанија веднаш по завршувањето на образованието, додека досега требаше да чекаат три години.
На странските студенти ќе им биде дозволено да работат и до 30 часа неделно додека студираат.
Работни дозволи може да побараат и странци кои можат да докажат дека престојувале во Шпанија најмалку две години и работеле без документи најмалку шест месеци.

The post Шпанија ги олеснува процедурите за работна дозвола за странци appeared first on Република.