Путин Archives - Република

Мексико го покани Путин на инаугурацијата на новата претседателка

Nena — Wed, 07 Aug 2024 20:21:24 +0000

Мексико го покани рускиот претседател Владимир Путин на инаугурацијата на новоизбраната претседателка Клаудија Шејнбаум на 1 октомври, објави во средата рускиот весник „Известија“, повикувајќи се на мексиканската амбасада во Русија.

„Поканата до Русија да учествува на инаугурацијата на претседателот Шејнбаум е испратена до претседателот Путин“, изјави претставник на мексиканската амбасада, пренесува „Известија“.

„Рускиот претседател ќе одлучи дали самиот ќе учествува на церемонијата или ќе назначи друг висок функционер да го стори тоа во негово име“, пишува весникот.

Министерството за надворешни работи на Мексико подоцна за Reuters изјави дека владата испратила дипломатски ноти до сите земји со кои има односи, како и до меѓународните организации чиишто членка е, поканувајќи ги на инаугурацијата.

Меѓународниот кривичен суд (ICC) издаде налог за апсење против Путин во 2023 година, обвинувајќи го за воено злосторство за илегално депортирање на стотици деца од Украина, откако Москва ја започна својата инвазија на Украина во февруари 2022 година.

Иако Русија не е членка на ICC, Мексико е. Но, двете земји развиваат блиски врски, а Путин ѝ честиташе на Шејнбаум за нејзината победа во јуни, велејќи дека Мексико е „историски пријателски партнер на Русија во Латинска Америка“.

Министерството за надворешни работи не одговори на прашањето како членството на Мексико во ICC ќе влијае на евентуалното доаѓање на Путин на инаугурацијата на претседателот.

The post Мексико го покани Путин на инаугурацијата на новата претседателка appeared first on Република.

Додик во Русија: Ќе организираме референдум за независност

Nena — Fri, 07 Jun 2024 12:16:37 +0000

Додик, кој престојуваше во Санкт Петербург и таму се сретна со рускиот претседател Владимир Путин, ги потврди плановите за организирање референдум за отцепување во изјава за агенцијата ТАСС објавена во петокот.

„Сè уште не е одреден конкретен ден. Треба да се направат многу истражувања, треба да се направи анализа. Ние би сакале да го направиме тоа сега, но има уште две страни кои се вклучени во ова прашање. Се разбира, потребно е време“, изјави Додик.

Република Српска може да ѝ се придружи на Србија по нејзиното идно отцепување од Босна и Херцеговина, изјави Додик за ТАСС.

„Да, најверојатно би било природно, апсолутно историски оправдано, кога земјите каде мнозинството од населението го претставува српскиот народ да се обединат во една структура и заедница, но тоа е задача на идните генерации и политичките одлуки на двете земји“, рече тој во интервју за ТАСС на маргините на Меѓународниот економски форум во Санкт Петербург (СПИФ).

Додик го наведе примерот со обединувањето на Источна и Западна Германија, и во двете „германскиот народ живееше слободно“ и формираше мнозинство. „Потоа, се разбира, тие се обединија на апсолутно историски оправдан начин“, додаде лидерот.

Тој рече дека сега односите меѓу Србите „покажуваат дека тие сакаат да живеат слободно и да формираат мнозинство во Република Српска“. „Во Република Српска, мнозинството Срби живеат меѓу нации кои исто така живеат слободно (на нејзина територија). Исто така, во Србија денес Србите го сочинуваат мнозинството од населението во земјата“, рече Додик.

Тој за руската агенција изјави дека сега најважно е да продолжи тој „преговарачки процес“, додавајќи дека во РС се сигурни дека во оваа фаза веќе има доволно „историска, општа цивилизациска зрелост и разбирање дека тоа треба да се случи и ќе се случи“.

Додик ја покрена иницијативата за „разединување“ откако Генералното собрание на ОН во мај усвои резолуција со која трајно потсетува на геноцидот во Сребреница во 1995 година, што беше извршен врз Бошњаците од страна на припадници на војската и полицијата на босанските Срби.

Тој тврди дека со таа резолуција Србите се прогласени за геноциден народ и затоа веќе немаат причина да живеат во иста држава со Бошњаците. Министерот за надворешни работи на Босна и Херцеговина, Елмедин Конаковиќ, претходно му порача на Додик дека „зборува глупости“ кога предлага разединување, бидејќи од тоа сигурно нема ништо да се случи.

The post Додик во Русија: Ќе организираме референдум за независност appeared first on Република.

Путин: Западот сака глобален конфликт, во Европа, мора да размислуваат со што си играат

Nena — Tue, 28 May 2024 20:13:11 +0000

Рускиот претседател Владимир Путин денеска предупреди дека употребата на западно оружје за гаѓање цели на руска територија ќе донесе ризик од „сериозни последици“, бидејќи Украина веќе ги гаѓа пограничните области како одговор на руската инвазија.

„Во Европа, особено во малите земји, мора да размислуваат со што си играат“, рече Путин во Узбекистан, каде што е во официјална посета.

Рускиот претседател додаде дека тоа е „сериозна работа што мора да се има на ум, пред одлуката за напад длабоко на руска територија“.

„Оваа трајна ескалација може да предизвика сериозни последици“, рече Путин.

Украина се обидува да користи оружје испорачано од Запад против воени цели на руска територија, но ова прашање длабоко ги подели поддржувачите на Киев.

Италија и Германија ја наведоа опасноста од дополнително заострување, стравувајќи дека Путин би можел да употреби нуклеарно оружје, додека генералниот секретар на НАТО Јенс Столтенберг верува дека сегашните ограничувања „ги врзуваат рацете на Украинците“.

Путин смета дека тоа би било дополнително заострување, бидејќи без разлика што украинската армија би изведувала напади, тие би биле подготвени од да ја снабдуваат Украина со оружје.

„Таква задача не подготвува украинската армија, туку претставници на земјите од НАТО“, рече Путин, обвинувајќи го Западот дека „сака глобален конфликт“.

The post Путин: Западот сака глобален конфликт, во Европа, мора да размислуваат со што си играат appeared first on Република.

Путин: Украина треба да одржи претседателски избори, мандатот на Зеленски истече

Nena — Tue, 28 May 2024 19:54:49 +0000

Рускиот претседател Владимир Путин рече дека Украина треба да одржи претседателски избори сега откако истече официјалниот мандат на Володимир Зеленски и дека офанзивата на Харков е предизвикана од употреба на западно оружје, пишува Гардијан.

Ројтерс пренесува дека Путин рекол дека единствената легитимна власт во Украина сега е парламентот и дека на неговиот претседател треба да му се даде власт.

Тој рече дека Западот ги игнорирал предупредувањата за нападот на Украина на руска територија и дека тоа предизвикало отворање на нов фронт кон Харков за да се создаде она што Русија го нарекува тампон зона.

ТАСС пренесува дека рускиот претседател предупредил и на опасност од глобален конфликт поради западните провокации.

Тој ги повика земјите од НАТО да размислат „со што си играат“. Тој ги опиша обидите на САД да ги заплаши другите нации како „империјалистичко“ однесување.

Исто така изјави дека Русија одамна знаела дека странските платеници дејствуваат во Украина и тврди дека во нивните прислушувани комуникации често се слушаат гласови на други јазици, вклучувајќи француски и полски. Рече дека Руската Федерација ќе продолжи да го прави она што го смета за соодветно, без оглед на присуството на западните воени оперативци во Украина, и дека и тие ќе бидат цел.

– Нападите на руска територија со оружје што западот и го доставува на Украина се можни само со помош на експерти од западните земји, рече Путин.

The post Путин: Украина треба да одржи претседателски избори, мандатот на Зеленски истече appeared first on Република.

Путин им додели ордени на тинејџерите кои спасувале луѓе за време на нападот на Крокус

Nena — Thu, 02 May 2024 19:37:12 +0000

Рускиот претседател Владимир Путин денеска им додели ордени на тројца тинејџери кои учествувале во спасувањето луѓе за време на терористичкиот напад во Крокус Сити Хол.

- За храбри и решителни дејствија при спасување луѓе во екстремни услови им се доделува орден „За спасување на жртвите“ на Артјом Александрович Донсков, Никита Михајлович Иванов, Ислам Бахтерович Халилов, се вели во одлуката објавена на официјалната веб-страница за правни информации.

Средношколците, кои хонорарно работеле како гардеробери во концертната сала, успеале да исфрлат околу стотина луѓе од зградата, а по нив преку истиот излез побегнале уште неколку стотици гледачи.

Во терористичкиот напад на 22 март во Крокус Сити Хол во Красногорск, предградие на Москва, загинаа 145 луѓе.

Рускиот истражен комитет соопшти дека се уапсени 12 лица осомничени за нападот, меѓу кои и четворица државјани на Таџикистан, кои биле директни извршители на терористичкиот напад.

Освен тоа, во Дагестан се приведени четворица странци кои учествувале во финансирање и обезбедување оружје на терористите.

The post Путин им додели ордени на тинејџерите кои спасувале луѓе за време на нападот на Крокус appeared first on Република.

Поради војната во Украина, Путин не е добредојден на одбележувањето на „Денот Д“ во Нормандија

Nena — Wed, 17 Apr 2024 15:42:19 +0000

Рускиот претседател Владимир Путин нема да биде поканет на комеморацијата на 80-годишнината од пристигнувањето на сојузничките трупи во Нормандија во јуни 1944 година, познат како „Денот Д“, соопштија француските организатори.

Иако тогашната советска армија не учествувала во инвазијата на Нормандија, Русите биле меѓу сојузничките воени сили во времето на таа позната битка. Меѓу нив имало и руски емигранти кои служеле во британската армија.

Поранешниот Советски Сојуз не учествуваше во истоварувањето во Нормандија, но одигра клучна улога во победата на сојузниците на Источниот фронт, на што Русите се многу горди. Милиони советски војници загинаа во битките против фашистичка Германија.

„Повеќе од две години Руската Федерација води агресивна војна против Украина, што Франција силно ја осудува“, изјавија организаторите.

„Со оглед на таквите околности, претседателот Путин нема да биде поканет да учествува на комеморацијата. Русија ќе биде поканета како претставник имајќи ја предвид важноста на улогата на руските граѓани и пожртвуваноста на советскиот народ затоа што треба да се почитува нивниот придонес во победата над фашизмот во 1945 година“, велат тие.

Во јуни, со комеморации се одбележува денот кога повеќе од 150.000 сојузнички војници пристигнаа на бреговите на Франција за заеднички да ги протераат воените сили на нацистичка Германија од Европа.

The post Поради војната во Украина, Путин не е добредојден на одбележувањето на „Денот Д“ во Нормандија appeared first on Република.

Се огласи Путин за терористичкиот напад во Москва: Одговорните за овој варварски чин ќе бидат казнети, сите напаѓачи се фатени и уапсени

Nena — Sat, 23 Mar 2024 13:58:04 +0000

Путин изрази благодарност до спасувачките служби кои направија сѐ за да спасат што повеќе животи.

Путин рече и дека одговорните за овој варварски чин ќе бидат казнети, објави Би-Би-Си. Тој додаде дека сите напаѓачи се фатени и уапсени.

Група терористи, да потсетиме, во петокот околу 18 часот отвори оган во фоајето и концертната сала Крокус во северозападниот дел на Москва, по што го подметнаа пожарот и побегнаа. Загинаа најмалку 143 лица, меѓутоа Рускиот истражен комитет очекува многу повеќе жртви поради големиот број тешко повредени.

Повеќе од 100 лица се хоспитализирани, од кои половина се во тешка состојба.

Терористите биле уапсени околу 3 часот по полноќ во областа Брјанск додека се обидувале да стигнат до Украина.

The post Се огласи Путин за терористичкиот напад во Москва: Одговорните за овој варварски чин ќе бидат казнети, сите напаѓачи се фатени и уапсени appeared first on Република.

Песков: Путин ги издаде „сите потребни инструкции“ во врска со вечерашниот вооружен напад во концертната сала „Крокус сити хол“

Nena — Fri, 22 Mar 2024 20:35:23 +0000

Рускиот претседател Владимир Путин е информиран за терористичкиот напад во Москва „штом се случил“, а бил информиран од надлежните служби, изјави портпаролот на Кремљ, Дмитриј Песков.

Песков додаде дека Путин ги издал „сите потребни инструкции“ во врска со вечерашниот вооружен напад во концертната сала „Крокус сити хол“, во кој загинаа најмалку 40 лица.

Шефот на руското Министерство за внатрешни работи Владимир Колоколцев е на местото на терористичкиот напад во Крокус.

Горните катови на Крокус Сити Хол речиси целосно изгореа, а социјалните мрежи се преплавени со снимки од уривање на покривот на салата.

Локалните медиуми јавија и дека почнал да се урива и покривот на трговскиот центар кој бил зафатен од пожарот

The post Песков: Путин ги издаде „сите потребни инструкции“ во врска со вечерашниот вооружен напад во концертната сала „Крокус сити хол“ appeared first on Република.

Виктор Орбан му честиташе на Путин за победата на изборите

Nena — Thu, 21 Mar 2024 21:41:59 +0000

Унгарскиот премиер Виктор Орбан, кој остана близок со Москва по руската инвазија врз Украина, денеска упати честитка до рускиот претседател Владимир Путин за неговата победа на изборите, на кои освои повеќе од 87 отсто од гласовите.

- По официјалните резултати од изборите, премиерот Виктор Орбан му честиташе на Владимир Путин за неговиот реизбор, истакнувајќи дека соработката меѓу Унгарија и Русија, заснована на взаемно почитување, овозможува важни дискусии дури и во предизвикувачки геополитички контексти. Премиерот Орбан ја потврди посветеноста на Унгарија за мир и подготвеноста за интензивирање на соработката во секторите кои не се ограничени со меѓународното право, подвлекувајќи ја важноста на дијалогот за поттикнување на мирните односи, напиша портпаролот на унгарската влада Золтан Ковач на Х.

The post Виктор Орбан му честиташе на Путин за победата на изборите appeared first on Република.

Вучиќ по критиките за честитката за Путин: Ќе му честитам кому сакам, не сум ничиј слуга

Nena — Thu, 21 Mar 2024 18:35:53 +0000

Претседателот на Србија, Александар Вучиќ, денеска во Брисел, по повод честитката на рускиот претседател Владимир Путин за победата на изборите, изјави дека ќе му честита на кого сака, бидејќи не е ничиј слуга, и дека прави сѐ во најдобар интерес на Србија.

Вучиќ, како одговор на новинарскиот коментар дека многу луѓе го критикувале што му ја честитал победата на рускиот претседател на изборите во Русија, рече дека тој е претседател на Републиката и дека се однесува во согласност со нормите на меѓународното јавно право, почитувајќи ги другите земји.

Ќе му честитам на кого сакам во најдобар интерес на Република Србија и секогаш заштитувајќи ги интересите на Србија. И тоа е моја работа и ќе продолжам да ја работам, не сум никому слуга, повеќе ја сакам мојата земја отколку што било во светот и јас се однесувам како независен и независен претседател на земја, тие носат одлуки во најдобар интерес за себе и за своите граѓани – рече Вучиќ.

The post Вучиќ по критиките за честитката за Путин: Ќе му честитам кому сакам, не сум ничиј слуга appeared first on Република.

Путин го разреши главниот командант на морнарицата

Nena — Mon, 11 Mar 2024 11:56:09 +0000

Рускиот претседател Владимир Путин, наводно, го отпуштил главниот командант на руската морнарица по серијата украински напади врз Црноморската флота. Весникот „Известија“ поддржан од Кремљ објави дека адмиралот Николај Евменов, кој беше командант на руската морнарица од 3 мај 2019 година, е разрешен и ќе биде заменет од адмиралот Александар Мојсеев.

Евменов се уште е наведен како командант на морнарицата на веб-страницата на руското Министерство за одбрана, кое нема официјално соопштение. Новинската агенција Фонтанка од Санкт Петербург објави дека Мојсеев е назначен за „врховен командант на руската морнарица“ и дека таа функција наскоро ќе стане постојана.

Мојсеев го надгледуваше проширувањето на Црноморската флота во Севастапол, која ја презеде во 2018 година, а во мај 2019 година беше назначен за командант на Северната флота, каде што некогаш беше инженер во одделот за електронско војување, пишува „Њузвик“.

Тинк-тенк институтот Хадсон изјави за „Њузвик“ дека Украина е „на чекор да елиминира половина од некогаш моќната руска црноморска флота до 2025 година“ и дека „потонала или сериозно оштетила околу 30 отсто од флотата од почетокот на војната“.

The post Путин го разреши главниот командант на морнарицата appeared first on Република.

Жител на Санкт Петербург во притвор поради порака „Путин го уби Навални“

Nena — Sun, 10 Mar 2024 12:43:48 +0000

Окружниот суд во Санкт Петербург му одреди едномесечен притвор на Евгениј Смирнов, жител на тој град, под обвинение за хулиганство бидејќи ја напишал пораката „Путин го уби Навални“, пишува редакцијата на Радио Слободна Европа на англиски јазик.

Инспекторите утврдиле дека Смирнов ја напишал пораката, обвинувајќи го рускиот претседател Владимир Путин за минатомесечната смрт на опозицискиот политичар Алексеј Навални.

Неговата куќа била претресена и одземени му се компјутерот и банкарските картички, а адвокатот побарал Смирнов да биде ослободен.

The post Жител на Санкт Петербург во притвор поради порака „Путин го уби Навални“ appeared first on Република.

Путин предупредува на нуклеарна војна доколку Западот испрати војници во Украина

Nena — Thu, 29 Feb 2024 14:32:18 +0000

Рускиот претседател Владимир Путин предупреди на „трагични“ последици доколку западните земји испратат војници во Украина, велејќи дека неговата земја има оружје за да напаѓа цели на Запад.

(Западните нации) мора да сфатат дека и ние имаме оружје што може да погоди цели на нивната територија. Сето ова навистина се заканува со конфликт со употреба на нуклеарно оружје и уништување на цивилизацијата. Зар тие не го сфаќаат тоа?, рече Путин во четвртокот за време на неговото годишно обраќање за состојбата на нацијата.

Претходно оваа недела, францускиот претседател Емануел Макрон рече дека иако нема планови за испраќање западни трупи да се борат во Украина, можноста останува.

The post Путин предупредува на нуклеарна војна доколку Западот испрати војници во Украина appeared first on Република.

„Фајненшл тајмс“ дојде до тајни руски воени документи за употреба на нуклеарно оружје

Nena — Thu, 29 Feb 2024 13:02:19 +0000

Руските сили вежбале употреба на тактичко нуклеарно оружје во раните фази на конфликтот со голема светска сила, според објавените руски воени документи кои вклучуваат сценарија за одговор на потенцијална кинеска инвазија.

„Фајненшл тајмс“ (ФТ) видел тајни документи кои го наведуваат прагот за употреба на тактичко нуклеарно оружје.

Аналитичарите кои ги прегледале документите велат дека прагот е всушност помал отколку што Русија некогаш јавно признала.

Станува збор за вкупно 29 тајни руски воени досиеја составени во периодот од 2008 до 2014 година, во кои се зборува за оперативните принципи за употреба на нуклеарно оружје.

Критериумите за потенцијален нуклеарен одговор се движат од непријателски упад на руска територија до поконкретни предизвикувачи, како што е уништувањето на 20 отсто од руските стратешки подморници со балистички ракети.

Ова е прв пат да видиме вакви документи објавени во јавен домен. Тие покажуваат дека оперативниот праг за употреба на нуклеарно оружје е прилично низок доколку не може да се постигне посакуваниот резултат со конвенционални средства, изјави Александар Габуев, директор на Карнеги центарот за Русија и Евроазија.

Руското тактичко нуклеарно оружје, кое може да биде лансирано со проектили од копно или море или од авион, е дизајнирано за ограничена употреба на бојното поле во Европа и Азија, за разлика од поголемите „стратешки“ оружја наменети за цел на САД.

Модерните тактички боеви глави можат да ослободат значително повеќе енергија од оружјето фрлено на Нагасаки и Хирошима во 1945 година.

The post „Фајненшл тајмс“ дојде до тајни руски воени документи за употреба на нуклеарно оружје appeared first on Република.

Додик се сретна со Путин

Nena — Wed, 21 Feb 2024 14:01:38 +0000

Претседателот на босанскиот ентитет Република Српска (РС) Милорад Додик, кој е на листата на санкции на САД и Велика Британија, на 21 февруари се сретна со претседателот на Русија Владимир Путин во Република Татарстан, која е дел од Руската Федерација, јавува Радио-телевизијата на Република Српска (РТРС).

Како што е соопштено од јавниот сервис, Додик му рекол на Путин дека Република Српска одбива да се приклучи на западните санкции против Русија и оти не сака да влезе во НАТО.

Ги потврдуваме добрите односи што Република Српска ги има и ги негува кон руската држава и кон вас. Она што го правиме во сегашните околности е дека отфрламе секаква можност за приклучување на западните санкции против Русија“, рекол Додик.

Новинската агенција Срна пренесува дека Путин рекол оти посетата на Додик ќе биде „корисна“, и дека му е благодарен што одржува редовни контакти.

Редовно не посетуваат претставници на раководството на Република Српска. Ние соработуваме со вас на различни полиња. Сигурен сум дека и оваа ваша посета ќе биде корисна и дека ќе успееме да го искористиме времето за да разговараме за билатералните односи во низа области“, рекол Путин.

На почетокот на средбата Путин најави дека има намера да разговара со Додик за билатералните односи, за ситуацијата во Република Српска и посочи дека „Русија знае дека ситуацијата не е едноставна“.

The post Додик се сретна со Путин appeared first on Република.

Ким Џонг-Ун доби подарок автомобил „за лична употреба“ од Путин

Nena — Tue, 20 Feb 2024 14:45:33 +0000

Лидерот на Северна Кореја, Ким Џонг-Ун доби автомобил „за лична употреба“ како подарок од рускиот претседател Владимир Путин. Руското возило им било доставено на помошниците на Ким на 18 февруари, објавија севернокорејските медиуми. Сестрата на Ким „љубезно ѝ укажа на руската страна дека Ким Јонг-Ун му се заблагодарува на Путин“, истакнувајќи дека подарокот јасно покажува дека има „посебни лични односи меѓу двајцата лидери“, се наведува во соопштението. Овие две земји се зближиле, според западните медиуми, откако Ким и Путин се сретнаа во септември и си ветија соработка во сите области. А, во истовреме, се додава, меѓународната изолација против нив – „против Русија поради војната во Украина и против Северна Кореја поради развојот на нуклеарно оружје“, расте. Ким, инаку, важи за голем љубител на автомобили. Се верува дека има колекција луксузни возила прокриумчарени во Северна Кореја. Во септември, за време на посетата на руската вселенска станица на далечниот исток на Русија, Ким наводно бил заинтересиран и за претседателската лимузина на Путин – „Аурус сенат“. Севернокорејскиот лидер до местото на средбата се возел со лимузина „Мајбах“, која била префрлена со специјален воз од Пјонгјанг. Ким е виден и во неколку други луксузни автомобили, како „Мерцедес“, „Ролс ројс фантом“ и „Лексус“. https://www.youtube.com/watch?v=npi9lI_ZuOA&embeds_referring_euri=https%3A%2F%2Flider.mk%2F&source_ve_path=OTY3MTQ&feature=emb_imp_woyt

The post Ким Џонг-Ун доби подарок автомобил „за лична употреба“ од Путин appeared first on Република.

Борел: Путин ќе мора да одговара за смртта на Навални

Nena — Mon, 19 Feb 2024 18:34:40 +0000

Рускиот претседател Владимир Путин „ќе мора да одговара“ за смртта на опозицискиот лидер Алексеј Навални, изјави денеска во Брисел високиот претставник на Европската унија (ЕУ) за надворешна политика и безбедност, Жозеп Борел, по средбата со вдовицата на Навални.

„Го изразивме најдлабокото сочувство на ЕУ на Јулија Навални. Владимир Путин и неговиот режим ќе треба да одговараат за смртта на Алексеј Навални“, изјави Борел по средбата со вдовицата, која се обрати на состанокот на министрите за надворешни работи на ЕУ во Брисел.

Но, „како што рече Јулија, Русија не е Путин и Путин не е Русија“, рече Борел.

Министрите станаа и долго и аплаудираа на вдовицата на противникот од Кремљ на крајот од нејзиниот краток говор, додаде Борел.

Според дипломатски извори, Јулија Навални на министрите им ја потврдила својата посветеност за продолжување на борбата против режимот што доведе до смрт на нејзиниот сопруг.

„Алексеј Навални беше херој и тој умре како херој“, рече таа и побара ЕУ да го таргетира опкружувањето на Владимир Путин и „корумпираните олигарси“ кои го поддржуваат со казнени мерки.

Неколку министри денеска пред почетокот на состанокот се заложија за воведување дополнителни санкции против Русија.

ЕУ веќе воведе неколку пакети санкции против Москва, вкупно 12, и се подготвува да го усвои 13-тиот пакет, пред втората годишнина од почетокот на руската инвазија на Украина, на 24 февруари.

The post Борел: Путин ќе мора да одговара за смртта на Навални appeared first on Република.

Путин: Русија ги зајакнува своите нуклеарни сили сред „хибридната војна“ на Западот

Маја Петровска — Tue, 19 Dec 2023 12:02:36 +0000

Русија го подобрува својот нуклеарен арсенал и ја поддржува највисоката готовност на своите стратешки сили додека Западот води „хибридна војна“ против неа, изјави рускиот претседател Владимир Путин на конференција на високи претставници на руската одбрана.

„Москва ќе продолжи со својата „специјална воена операција“ во Украина“, додаде Путин.

Тој изјави дека обидите да и се нанесе стратешки пораз на Русија не успеале

The post Путин: Русија ги зајакнува своите нуклеарни сили сред „хибридната војна“ на Западот appeared first on Република.

Столтенберг: „Агресијата“ на Путин нема да запре со Украина

Маја Петровска — Thu, 14 Dec 2023 10:48:02 +0000

Постои „реален ризик“ дека рускиот претседател Владимир Путин не би застанал со Украина доколку успее да победи таму, предупреди денеска шефот на НАТО Јенс Столтенберг.

Таа перспектива е причината зошто сојузниците на Украина во НАТО мора да продолжат со воената поддршка на Киев. Ако Путин победи во Украина, постои реален ризик неговата агресија да не заврши тука. Нашата поддршка не е добротворна организација - тоа е инвестиција во нашата безбедност, нагласи Столтенберг.

The post Столтенберг: „Агресијата“ на Путин нема да запре со Украина appeared first on Република.

Путин: Кисинџер беше извонреден дипломат, мудар и далекусежен државник

Маја Петровска — Thu, 30 Nov 2023 13:16:07 +0000

Рускиот претседател Владимир Путин изрази длабоко сочувство за смртта на поранешниот американски дипломат Хенри Кисинџер.

Во телеграма до вдовицата на Кисинџер, Ненси, Путин рече дека тој бил мудар и далекувид државник, објави Кремљ.

„Почина извонреден дипломат, мудар и далекусежен државник, кој со децении уживаше заслужен авторитет ширум светот“, наведе Путин.

Тој потсети дека името на Кисинџер се поврзува со прагматична политика која овозможи да се постигнат детант и важни договори со САД, пренесува РИА Новости.

Кисинџер, контроверзниот добитник на Нобеловата награда и моќен дипломат чија служба под двајца претседатели остави неизбришлива трага во американската надворешна политика, почина на 100-годишна возраст.

Како државен секретар во 1970-тите во администрацијата на Ричард Никсон, тој учествуваше во клучните глобални настани од таа деценија.

Неговите напори доведоа до дипломатско отворање на Кина, историски американско-советски разговори за контрола на оружјето, проширување на врските меѓу Израел и неговите арапски соседи и Парискиот мировен договор со Северен Виетнам.

The post Путин: Кисинџер беше извонреден дипломат, мудар и далекусежен државник appeared first on Република.