Дваесет и едногодишниот Јован Ранковиќ од Мало Орашје, кој го преживеа масакрот пред точно три месеци кога Урош Блажиќ од Дубона со калашникови пукаше во него и во неговите другари, синоќа доживеа сообраќајна несреќа. Сообраќајната несреќа се случила синоќа околу 22:35 часот на локалниот пат Друговац-Будљевиќ кога возилото во кое бил сопатник Ранковиќ излетало од патот.

Синоќа на локалниот пат се случи несреќа кога возилото со кое управувал пријателот на Ранковиќ од непозната причина излетало од патот, вели извор за српски „Курир“.

Во незгодата возачот се здобил со тешки телесни повреди опасни по живот и со возило на Брза помош бил пренесен во Ургентниот центар во Белград. На задното седиште од автомобилот кој излетал од патот бил Јован Ранковиќ, кој во таа прилика се здобил со полесни повреди.

Јован Ранковиќ претходно за српски „Курир“ раскажа како го преживеа масакрот во Младеновац во кој беа убиени девет негови пријатели.

Излезе од автомобилот и викна „легнете“, а другарот со насмевка му рече „ајде на пиво“, јас дофрлив „ладно е“, но тој почна да пука! Се преправав дека сум мртов за да не ме докрајчи. Куршум ми помина точно над лактот, па сега имам шипки што треба да ги носам неколку месеци, а треба да носам и гипс исто толку време за да ја задржам раката фиксирана. После тоа проценка на докторот е дека треба да одам на терапија. Болка чувствувам само кога лежам и имав среќа затоа што последниот куршум не се задржа во стомакот, туку излезе во близина на лопатката, изјави Ранковиќ, кој мина еден месец во болница откако беше ранет.

The post Лоша судбина: Преживеан од масакрот кај Младеновац повреден по тешка сообраќајка во Србија appeared first on Република.

Дваесетгодишната Невена В.(20) од Дубона кај Младеновац е тешко повредена во крвавиот пир на Урош Блажиќ пред осум дена. На социјалните мрежи сесподелува апел дека ѝ е потребна операција и вештачка рака за да продолжи со нормалниот живот, а оваа информација за српски „Курир“ ја потврди нејзин пријател.

Драги мои, во тешките денови по трагедијата која остави многу семејства во црно, сакаме да се солидаризираме и со љубов и добрина да го поправиме светот во кој живееме и во кој растат нашите деца за да го оставиме подобар за нив отколку што е сега. Прекрасната Невена е тешко ранета во нападот кај Младеновац на 4 мај. Има само 20 години. Како последица од тешките повреди, ампутирана ѝ е левата подлактица. Сепак, постои решение за подобар живот на Невена, вештачка, бионичка рака која би ѝ го направила животот полесен и би ѝ олеснила многу проблеми, но е многу скапа и недостижна за Невена и нејзиното семејство бидејќи чини околу 50.000 евра, а во зависност од тежината на повредата, државата плаќа максимален износ до 11.000 евра. Ги замолувам сите луѓе со добра волја кои се во можност да ѝ помогнат со уплата на пари директно на наменска сметка:

 

Број на тековна сметка: 160600000170217589 Банка Интеса

 

Цел на плаќање: Донација за Невена В.

The post Се собираат пари за нова рака за Невена – остана без екстремитет во крвавиот пир на Урош во Дубона appeared first on Република.

Трагедиите со кои се соочува српското општество се аларм и за нас како орган на кривичниот прогон и нѐ принудуваат како институции да се мобилизираме за што поефикасна контрола на оружјето и во нашата земја, смета јавниот обвинител Љубомир Јовески, кој денеска упати порака до јавните обвинители да делуваат за зајакнување на казнената политика за недозволено држење оружје и муниција.

Барам од сите јавни обвинители во државава, при постапувањето, да инсистираат на построги кривични санкции за кривичното дело – Недозволено изработување, држење и тргување со оружје или распрскувачки материи. Заострувањето на казнената политика мора да се одразува во постапувањето најпрвин на основните јавни обвинителства, кои треба да внимаваат висината на санкцијата за вакви кривични дела да се движи во рамките на законски определниот распон без можност за алтернативна мерка. Покрај ова, вишите јавни обвинителства, во случаите на определена блага санкција со првостепените пресуди, мора да се обидуваат преку постапките во втор степен да издејствуваат повисоки казни, стои во пораката на Јовески до јавните обвинители.

Ако се имаат предвид огромните штетни последици коишто можат да бидат предизвикани од недозволеното држење на оружје, вели Јовески, за сторителите на ваквите кривични дела не треба да има ублажување на санкциите.

Оружјето е средство за извршување и на многу други кривични дела и неговата употреба надвор од законските рамки не смее да се толерира, порачува Јовески.

Трендот на намалување на возрасната граница на сторители на тешки кривични дела, како што посочува, се забележуваме и во постапувањето во нашата земја. Тоа, како што вели, е нешто што загрижува и за што во најскоро време треба да бидат преземени конкретни превентивни активности од сите надлежни институции.

Јовески изрази подготвеност Јавното обвинителство активно да се вклучи со свој придонес во секоја евентуално иницирана јавна расправа со цел измена на законските одредби во таа насока.

The post Јовески: Трагедиите со кои се соочува српското општество се аларм и за нас како орган на кривичниот прогон appeared first on Република.

Во Смедеревото обвинителство заврши распитот на Урош Блажиќ, осомничен за убиство на осум лица, а рани и 14 млади од селата во околината на Младеновац и Смедерево.

Според медиумите, тој добил притвор во траење од 30 дена.

„Тој признал дека го извршил масакрот, наведувајќи дека со автоматска пушка и пиштол на три локации на територијата на Смедерево и Младеновац пукал кон неколку лица кои биле во групи, а кои не ги познавал, за да ги исплаши, пренесе Блиц.

The post Урош го призна стореното дело: Пукал за да ги заплаши appeared first on Република.

„Дали си мајка? Види, не сум повеќе... Знаеш ли зошто? Затоа што ги изгубив двете очи, двете деца, двете во една ноќ. Во секунда...“

Ова се првите и единствените зборовите што им ги кажа на новинарите на „Новости“ неутешната мајка З.П од село Дубона, чии син и ќерка ноќта меѓу четвртокот и петокот ги застрела нивниот сосед У.Б. (21).

Таткото на убиениот С.П не можел, ниту сакал да каже нешто за злото што вчера го снајде ова семејство. Дедото на жртвите само кратко рекол:

„Разберете ја нашата болка. И нема што повеќе да се зборува“...

Тие се прекрасно семејство, вредни, чесни, угледни. Младиот човек беше полицаец за помалку од година за која сонува цел живот, а сестрата е средношколка. Не знаеме детали и како, што и зошто точно се случило, но слушнавме дека младиот човек прво го вперил пиштолот во девојката, а потоа братот истрча да ја спаси. И двајцата умреа од рацете на негативецот. „Не знам како ќе заврши ова и што навлегло во луѓето за да се случат вакви работи“, рекол еден сосед.

Во соседството мислењата се поделени за семејството на У.Б, кој го изврши масакрот во три села. Оние кои ги фалат, за „Новости“, велат:

„Таткото на У.Б е по потекло од Дубона. Тој е воено лице, полковник и работи во Генералштабот. Мајката работи и како изработувач на инструменти. Покрај него, кој е помал, имаат уште еден син. Тие се прекрасни, работни и чесни луѓе“.

За младиот човек кој го изврши масовното убиство, некои соседи велат дека тој бил добро момче, а има и кои го тврдат спротивното, како и за неговото семејство:

„Се запиша на Воена академија, но беше примен во пешадија, што не му се допадна. Затоа реши да се занимава со земјоделство, со оглед на тоа што неговите се многу богати, поседуваат речиси 100 хектари, ниви, овоштарници, бавчи, дури шест трактори и други приклучени машини. Да бидам искрен, можеше да го направи тоа. Беше навистина вреден и успешен и подготвен да им помогне на своите соседи. Точно, како што велат од соседството, како и секој млад човек, сакал да биде надвор од дома, да се забавува, да биде со девојка.

Од друга страна, има и оние соседи кои велат дека семејството не е толку за пофалба, а особено не за младиот човек. Секогаш сум велел дека не се виновни децата, туку родителите“, вели еден од соседите.

„Се плашам дека за сето тоа придонесе таткото, заедно со сопругата, кој постојано се стремеше кон богатство, дека покрај статусот што веќе го имаше во Армијата, имаше и толку земја и пари. што е можно... Младиќ како помал син имал повеќе привилегии од постариот брат и повеќе му се простувале.Како дете умеел да се палави, да ги мачи соседите, па дури и да биде груб со децата послаби од него. Не знам точно, но слушнав дека имал дури и проблеми со законот, односно со полицијата, но дека семејството успеало да го 'испегла' и прикрие сето тоа. Со неговото досие не ќе можеше да се запише на Воената академија“, рече таа.

The post „Повеќе не сум мајка, а знаеш зошто, ги загубив двете очи во една ноќ“: Единствените зборови на мајката на убиениот полицаец и неговата сестра appeared first on Република.

Од срцев удар починал Радиша Блажиќ, таткото на убиецот од Младеновац, јавуваат српските медиуми.

Оваа вест ја потврдил пријател на семејството Блажиќ.

https://republika.mk/vesti/balkan/ubietsot-od-mladenovats-donesen-vo-stanitsa-samo-po-chorapi-i-vo-skafander/

Урош Блажиќ прексиноќа уби осум и рани 14 лица.

https://republika.mk/vesti/balkan/sramna-odbrana-na-ubietsot-od-mladenovats-sakav-samo-da-go-isplasham-naselenieto/

The post Почина таткото на убиецот од Младеновац appeared first on Република.

Во Малo Орашје кај Смедерево, каде што У.Б.(21) ноќта на 4 мај со калашников уби осум лица, на локалните гробишта беа погребани М.М.(18), Н.М.(15), Л.М.(20), Н.С.(19) и А.М. (17).

Како што пренесуваат српските медиуми, на белградските гробишта, пак, беа погребани четворицата ученици и припадникот на обезбедувањето кои беа убиени во престрелката во ОУ „Владислав Рибникар“.

Најавено е дека во понеделник на Новите гробишта во Белград ќе има уште два погреба на жртвите од масовното убиство во училиштето А.Б. во 15,00 часот и А.Ч. во 16:00 часот.

Во Србија е во тек тридневна жалост, која почна во петокот, на 5 мај, а која Владата на Република Србија ја прогласи поради масовното убиство во основно училиште во Белград, во кое ученик уби осум ученици и еден обезбедувач, со истрели од пиштолот на татко му, а рани уште шест ученици и еден наставник.

Ден потоа во Србија се случи ново масовно убиство кога У.Б со калашникови уби осум, а повреди 14 млади лица во селата околу Младеновац и Смедерево.

The post Најтажниот Ѓурговден во историјата на Србија: Погребани 10 жртви oд двата масакри appeared first on Република.

Убиецот кој ноќва во крвав пир уби најмалку 8 лица кај Младеновац, Урош Б.(21), утрово бил во околината на Крагуевац, во село Вињиште, во домот на негови роднини.

Како што пренесуваат српските медиуми, уапсено е и целото семејство кое го засолнило. Станувало збор за семејството на неговиот вујко.

The post Уапсено целото семејство кај кое се криел Урош appeared first on Република.

Нови детали по масакрот на Урош Блажиќ (21) пристигнуваат од српските медиуми. Убиецот кој во крвав пир уби најмалку 8 лица, а по кој се трагаше цела ноќ, утрово е упасен во Крагуевац.

Тој се криел кај роднина, но полицијата успеала да го лоцира и уапси. Во текот на ноќта успеал да киднапира таксист. Го грабнал заканувајќи му се со се заканил со рачна бомба која цело време ја држел во рацете, па избегал од Младеновац.

Таксистот нашол сила и храброст да повика полиција и да му ја покаже куќата до која возел терористот.

The post Киднапирал таксист за да го одведе до куќата за криење, му се заканувал со рачна бомба appeared first on Република.

Припадници на МВР, по опсежна потрага, во околината на Крагуевац го уапсија У.Б.(2002), се вели во официјалното соопштение на српското Министерство за внатрешни работи.

https://republika.mk/vesti/balkan/site-ke-gi-ubijam-dodeka-go-baraat-ubietsot-od-mladenovats-objavuva-poraki-na-instagram-so-tsitati-od-serijata-juzhen-veter/

Тој е осомничен дека синоќа со огнено оружје убил осум лица, а ранил 14. Повредените добиваат лекарска помош во болниците. Полицијата продолжува со работа на расветлување на сите факти и околности за овој настан, велат од српското МВР.

Крвавиот пир на убиецот почна синоќа околу 23 часот во селото Дубона кај Младеновац, а во потрагата по осомничениот беа вклучени повеќе од 600 припадници на полицијата, жандармеријата и специјалните единици. У.Б. пребарувале со помош на хеликоптери, дронови и кучиња.

The post Се огласи српското МВР по масакрот кај Младеновац appeared first on Република.

Најмладата жртва во крвавиот пир, што кај Младеновац во Србија го изврши, 21-годишниот Урош Б., има 15 години. И останатите застрелани и убиени се млади лица.

Меѓу нив настрадал и полицаецот Милан Паниќ и неговата сестра (20). Како то сведочи нивниот дедо за „Блиц“, тие биле застрелани во тилот откако се појавил убиецот и почнал да решета со калашников.

По целоноќна потрага убиецот е уапсен.

https://republika.mk/vesti/balkan/ubietsot-od-mladenovats-donesen-vo-stanitsa-samo-po-chorapi-i-vo-skafander/

The post Млад полицаец и неговата сестра меѓу загинатите, најмладата жртва од масакрот има 15 години appeared first on Република.

Дваест и едногодишниот Урош Б. кој ноќва пукаше во секој кој ќе застане пред него, по целовечерната потрага е уапсен во близина на Крагуевац, дознава „Блиц“.

Урош Б. го почнал крвавиот пир по расправија во училишен двор, по што заминал дома по пушка и од украден автомобил сеел смрт низ три села во околината на Младеновац (на 40-тина километри од Белград, Србија).

The post Уапсен 21-годишниот убиец appeared first on Република.

Специјалната антитерористичка единица на Србија се вклучи во акцијата за потрага на 21-годишниот Урош Б. (21) кој вчера по расправија во училишен двор почна да пука со автоматска пушка од украдено возило, по што го продолжи крвавиот пир и низ соседните села. Во потрагата се вклучени неколку стотици полицајци, полициски кучиња, хеликоптери, дронови...

Како што пренесуваат српските медиуми, тој бил во училишниот двор со другарите, се скарале, а потоа отишол до својот дом, зел најверојатно автоматска пушка и започнал со крвавиот пир.

од автомобил во движење, кој претходно го украл, пукал во минувачи, при што прво убил три лица - две машки и едно женско, а ранил девет. Меѓу повредените имало и деца. Убиени се полицаец (20) и неговата сестра. Третото лице (21) им подлегнало на повредите по престрелката кај Младеновац.

Како што соопшти МВР, активирана е акцијата Вихор, а сторителот Урош М.(21) е во бегство и по него е распишана потерница. Сите расположливи патроли беа испратени во правец на Младеновац и Мали Пожаревац.

Како што пишува Телеграф, Урош М. побегнал низ две села и во таа прилика застрелал 18 лица. Според Телеграф десет лица се убиени во два села крај Младеновац.

Урош Б. од својот автомобил „мерцедес“ по случаен избор посеал смрт. Со автоматска пушка пукал во деца, млади и жени, пишува Телеграф.

Во близина на населбата Шепшин имало уште едно пукање, во кое полицијата најверојатно го стигнала избеганиот убиец и го опколила напаѓачот кој претходно побегнал од местото на нападот, а тој одбива да се предаде. Отворил оган врз припадниците на полицијата, а хеликоптер го прелетува подрачјето, јавуваат белградските медиуми.

Полицијата и итната помош се уште се на терен.

Како што соопшти Еуроњуз Србија од Младеновац, жителите се затвориле во своите куќи и во локалните кафулиња, а низ населбата одекнуваат лелеци, сирени на брзата помош и на полицијата.

The post Пукал со автомат од украдено возило, убивал случајни минувачи: Полицијата уште трага по Урош (21) по крвавиот пир низ Младеновац appeared first on Република.

Министерот за внатрешни работи на Србија, Братислав Гашиќ, вечерашното пукање кај Младеновац го оцени како терористички акт, пренесуваат српските медиуми.

Во пукањето кај селото Дубона, кај Младеновац, убиени се најмалку осум лица. Дел од медиумите јавуваат и дека оваа бројка се искачила на 10. Најмалку 13, пак, се ранети.

Осомничен е 21-годишниот Урош Б. кој е во бегство. Во недостиг на официјални информации, српските медиумите наведуваат дека тој продолжил со пукањето и додека бегал од полицијата. Неофицијално пукал на најмалку три локации од кои едната и кај Мало Орашје, во близина на Смедерево.

https://republika.mk/vesti/balkan/najmalku-10-ubieni-vo-novo-pukane-koe-zapochna-vo-uchilishen-dvor-vo-mladenovats-pa-prodolzhi-niz-dve-sela/

The post Српскиот министер за внатрешни работи: Ова е терористички акт appeared first on Република.

Најмалку десет лица се убиени, а 15 се ранети во престрелката која вечерва започна во селото Дубони кај Младеновац, јави дописникот на МИА од Белград.

Обвинетото лице на 21 годишна возраст бил во училишниот двор со другарите, се скарале, а потоа отишол до својот дом, зел најверојатно автоматска пушка и започнал со крвавиот пир.

Како што соопшуваат медиумите, напаѓачот од автомобил во движење, кој претходно го украл, пукал во минувачи, при што прво убил три лица - две машки и едно женско, а ранил девет. Меѓу повредените имало и деца. Убиени се полицаец (20) и неговата сестра. Третото лице (21) им подлегнало на повредите по престрелката кај Младеновац.

Како што соопшти МВР, активирана е акцијата Вихор, а сторителот Урош М.(21) е во бегство и по него е распишана потерница. Сите расположливи патроли беа испратени во правец на Младеновац и Мали Пожаревац.

Како што пишува Телеграф, Урош М. побегнал низ две села и во таа прилика застрелал 18 лица. Според Телеграф десет лица се убиени во два села крај Младеновац.

Урош Б. од својот автомобил „мерцедес“ по случаен избор посеал смрт. Со автоматска пушка пукал во деца, млади и жени, пишува Телеграф.

Во близина на населбата Шепшин имало уште едно пукање, во кое полицијата најверојатно го стигнала избеганиот убиец и го опколила напаѓачот кој претходно побегнал од местото на нападот, а тој одбива да се предаде. Отворил оган врз припадниците на полицијата, а хеликоптер го прелетува подрачјето, јавуваат белградските медиуми.

Полицијата и итната помош се уште се на терен.

Како што соопшти Еуроњуз Србија од Младеновац, жителите се затвориле во своите куќи и во локалните кафулиња, а низ населбата одекнуваат лелеци, сирени на брзата помош и на полицијата.

The post Најмалку 10 убиени во ново пукање кое започна во училишен двор во Младеновац, па продолжи низ две села appeared first on Република.