Тренерот на Пари Сен-Жермен, Луис Енрике не е разочаран од нерешениот исход на мечот со Ремс.

ПСЖ на гостински терен во натпреварот од 5. коло на францускиот шампионат одигра 1:1 и за прв пат сезонава не победи.

Откако сум тука, ПСЖ речиси никогаш немал лесен натпревар на гостински терен. Знаевме дека ќе биде тешко против Ремс, кој иако скоро и да немаше посед, успеа да постигне гол при првата шанса. Не можеме секогаш да победуваме, но сепак имам позитивни впечатоци за сите играчи кои учествуваа на овој натпревар, и стартери и замени. Сите се потрудија. Тоа е фудбалот. Понекогаш сè оди добро, понекогаш не, изјави Енрике за „Л’Екип“.

ПСЖ е лидер на табелата во Лига 1 со 13 бода и натпревар повеќе од најблиските ривали за врвот, Марсеј и Монако.

The post Луис Енрике е задоволен од ПСЖ и покрај ремито со Ремс appeared first on Република.

Пари Сен-Жермен ќе продолжи да го оспорува плаќањето на долгот кон Килијан Мбапе.

Претходно, Француската професионална фудбалска лига (ЛФП) им наложи на парижаните да му платат на францускиот напаѓач долг од 55 милиони евра. Оваа сума претставува неисплатени плати и бонуси.

ЛФП постави осумдневен рок за плаќање, кој истече вчера. Во своето соопштение ПСЖ не ја споменува исплатата на оваа сума, туку напротив вели дека има намера спорот да го префрли на друг орган.

ПСЖ поднесе жалба на одлуката на комисијата на ЛФП. Не се работи само за правната позиција на клубот, која е целосно оправдана. Станува збор и за интегритет, чесност, зачувување на вредностите и почитување на парискиот клуб и навивачите, што е поважно од кој било играч. Од правен и фактички аспект, играчот има преземено јавни и приватни обврски кои клубот едноставно бара да се исполнат. Покрај тоа, играчот доби невидени привилегии од клубот цели 7 години во Париз. Клубот со нетрпение очекува овие фундаментални и неоспорни обврски да бидат почитувани од соодветните органи, доколку играчот за жал одлучи да продолжи со оваа работа, која се чини дека е од сомнителен карактер од гледна точка на неговата репутација, соопштија од парискиот клуб.

Мбапе летово се пресели во Реал Мадрид како слободен играч по истекот на договорот со ПСЖ.

The post ПСЖ одбива да му го плати на Мбапе долгот од 55 милиони евра, ќе ја оспори одлуката на Француската лига appeared first on Република.

Македонскиот првак Еурофарм Пелистер загуби вечерва од француски ПСЖ на гостувањето во Париз со 31-29 (18-13), но и покрај поразот не разочара на стартот од новата сезона во Лигата на шампиони (ЛШ).

Францускиот тим во 41. минута имаше предност од највисоки плус осум голови разлика (25-17), но битолскиот тим предвреме не се предаде и го однесе натпреварот во неизвесна завршница во која на 19 секунди до крајот фаворизираниот домаќин имаше предност гол предност (30-29).

ПСЖ го реализираше последниот напад и преку Лук Стеинс стави точка на поразот на Еурофарм Пелистер, кој, сепак, со прикажаната игра, особено во завршните 19 минути, навести дека оваа сезона во ЛШ ќе биде многу поуспешна од ланската во која не забележа победа.

Најефикасен вечерва во редовите на македонскиот првак беше Филип Кузмановски со осум голови, а два помалку реализираа Жарко Пешевски и Нејц Цехте.

Битолскиот тим настапите во ЛШ ќе ги продолжи на 18 овој месец кога ќе го пречека германски Фуксе Берлин.

The post Maлку фалеше Пелистер да извлече нерешено со ПСЖ appeared first on Република.

Бранислав Ангеловски, тренерот на Еурофарм Пелистер пред денешниот дуел против ПСЖ на гостински терен во првото коло од групната фаза во Лигата на шампиони изјави дека француската екипа е еден од најсериозните кандидати за пласман на завршницата и дека кај неговиот тим има мотивација и желба за докажување.

-Гостуваме кај еден од најсериозните кандидати за место на завршниот турнир и фаворит за освојување на едно од првите две места во нашата група. ПСЖ е добро составена и селектирана од еден од најдобрите тренери во светот, Раул Гонзалез. Структурата остана иста, разликата на терен ја прави Лук Стеинс со играта во транзиција и нападот пред Шипжак, кој е еден од најдобрите кружни напаѓачи во светот. Наша обврска е да се претставиме во најдобро светло, колку е тоа можно во овој момент. Само така треба да ја гледаме нашата иднина во Лигата на шампионите. Еден ден и еден добар натпревар против ПСЖ, како минатата сезона, не може да гарантира дека повторно ќе одиграме добро. Но, мотивацијата ќе биде на наша страна, желни сме за докажување и сметам дека тоа ќе го покажеме, порача Ангеловски.

Левото крило на Пелистер, Богдан Радивојевиќ пред мечот против ПСЖ најави дека неговиот тим оди да се бори до крај против фаворитот.

-Се радуваме што повторно ќе играме со најдобрите екипи во светот и се надеваме на подобра сезона од претходната. Се надеваме и на некои бодови, посебно на домашен терен. Сите знаат каква екипа е ПСЖ. Сепак, не патуваме однапред да загубиме, ќе излеземе да се бориме, па што Господ ќе ни донесе. Од првата до последната минута мора да играме максимално. Минатата сезона на доста натпревари игравме добро, до крајот се броевме, но тоа не го наградивме со ниту еден бод. Искрено се надевам на поинаков биланс оваа година. Што се однесува до мене, може да играме и полошо, но да се наградиме со некои бодови. Спремаме, квалитетно и силно тренираме и верувам во успешна сезона, изјави Радивојевиќ.

Битолскиот состав втора година во низа ќе настапува во елитното натпреварување каде што ќе се обиде да го поправи впечатокот од минатата кога не освои ниту еден бод.

Натпреварот помеѓу ПСЖ и Еурофарм Пелистер се игра денеска во терминот од 20:45 часот.

The post Пелистер на мегдан со големиот ПСЖ appeared first on Република.

Пари Сен-Жермен може да биде исфрлен од Лигата на шампионите поради неплаќање долгови кон поранешниот играч на тимот Килијан Мбапе.

Според „Ле Монд“, фудбалерот поднел жалба до Француската професионална фудбалска лига (LFP) и Европската фудбалска асоцијација (УЕФА) поради неисплата на долг кон него 55 милиони евра.

Доколку клубот биде прогласен за виновен, LFP би можел да наметне забрана за трансфери на клубот и да му ја одземе лиценцата на УЕФА, што ќе доведе до исклучување од Лигата на шампионите.

Мбапе играше за ПСЖ од 2017 година. Заедно со клубот шест пати стана шампион на Франција, четири пати го освои Националниот куп, три пати Суперкупот и двапати го освои францускиот Лига куп. Летово се пресели во Реал Мадрид.

The post Има ли УЕФА храброст: ПСЖ може да биде исфрлен од ЛШ? appeared first on Република.

Пари Сен Жермен му нуди на напаѓачот на Наполи, Квича Кварацхелија, 5-годишен договор со плата од 7,5 милиони евра по сезона, објави „Газета дело спорт“.

Според италијанскиот весник, на почетокот на месецот ПСЖ имал неколку контакти со агентот на грузискиот фудбалер, Мамука Џугели. Понудата, наводно е одобрена од застапниците на фудбалерот.

Во исто време, Наполи и главниот тренер Антонио Конте продолжуваат со обидите да го задржат Кварацхелија во тимот. Клубот подготви нацрт нов договор за фудбалерот, според кој неговата плата ќе се зголеми повеќе од тројно (од 1,5 на 5 милиони евра годишно со бонуси).

Дополнително, договорот подразбира продолжување на соработката до 2028 година, како и вклучување на клаузула за предвремен раскин на соработката во висина од повеќе од 120 милиони евра.

ПСЖ му нуди на Наполи 100 милиони евра за трансферот на грузиската ѕвезда.

The post ПСЖ подготви петгодишен договор за Кварацхелија со плата од 7,5 милиони евра appeared first on Република.

 Раководството на Пари Сен-Жермен се помири со фактот дека напаѓачот Килијан Мбапе ќе го напушти тимот како слободен играч претстојното лето. Сепак, клубот се надева на некаква финансиска компензација, пренесува „L'Equipe“.

Според францускиот спортски весник, ПСЖ чека финансиска поддршка од претставниците на фудбалерот. Претходно пишуваа дека Мбапе ќе одбие бонус за лојалност од 80 милиони евра во корист на парижаните.

Медиумите пренесуваат дека преговорите меѓу Французинот и Реал Мадрид се во тек.

Оваа сезона Мбапе учествуваше на 33 натпревари во сите натпреварувања, постигна 32 гола и беше творец на седум асистенции.

The post Kриза и во ПСЖ: Французите се надеваат дека Мбапе ќе се откаже од делот од бонусот што му следува appeared first on Република.

Пари Сен Жермен (ПСЖ) е заинтересиран за напаѓачот на Манчестер Јунајтед, Маркус Рашфорд, пишува „Сандеј Тајмс“. Според изворот на изданието, спортскиот директор на парижаните, Луис Кампос инсистира на трансфер на 26-годишниот Англичанец и веќе преговарал со фудбалерот.

Францускиот клуб верува дека напаѓачот може да го замени Килијан Мбапе, кој реши да не го продолжи договорот со тимот и на лето ќе стане слободен агент.

Маркус Рашфорд е младински играч на Манчестер Јунајтед. Во сезоната 2023/24, фудбалерот постигна 5 гола и направи 6 асистенции на 29 натпревари за тимот во сите натпреварувања.

Порталот „Трансфермаркт“ ја проценува вредноста на фудбалерот на 70 милиони евра

The post Рашворд ќе биде замената на Мбапе во ПСЖ appeared first on Република.

Играчот од средниот ред на Барселона, Френки де Јонг е трансфер цел на ПСЖ, пренесе „Диарио спорт“. Парижаните гледаат на Холанѓанецот како една од опциите за обнова на тимот по заминувањето на напаѓачот Килијан Мбапе.

Тотенхем понуди 60 милиони евра за 26-годишниот Де Јонг.

„Мундо Депортиво“ објави пак дека Каталонците планираат да добијат 100 милиони евра за играчот од средниот ред.

Холанѓанецот игра за Барселона од 2019 година. Неговиот договор со клубот е до летото 2026 година.

Оваа сезона Де Јонг одигра 22 натпревари во сите натпреварувања и постигна 1 гол.

The post ПСЖ на лето ќе се обиде да го привлече Де Јонг appeared first on Република.

Ракометниот шампион на Македонија во машка конкуренција, Е. Пелистер ќе го пречека Пари Сен Жермен во првиот натпревар за 2024 година во ракометната Лига на шампионите.

По големата победа во дербито со Вардар, битолчани со голема самодоверба влегуваат во мечот против големиот фаворитот. Но, тренерот Бранче Ангеловски нагласува дека и тоа како има мотив за надигрување со ПСЖ кај секој поединец во клубот.

„Мечот ќе биде празник на ракометот во нашиот град. Доаѓа една од најдобрите екипи во Европа, со најдобрите ракометари и не можевме да посакаме подобар тајминг, по успехот на Франција на Европското првенство. Мило ми е што доаѓа еден Никола Карабатиќ во последната играчка сезона“ – вели стратегот на „пелистерци“, Ангеловски, притоа дополнувајќи:

„Секоја нова сезона во Лигата на шампионите е поинтересна и појака, а ПСЖ секогаш е еден од фаворитите за освојување на трофејот. Имаат одлична екипа, со брза транзиција, брза полуконтра и организиран брз центар. Имаат играчи од светска класа на сите позиции и ќе ми биде задоволство да се натпреваруваме со такви величини на играчи и тренер

The post Големиот ПСЖ доаѓа во Битола appeared first on Република.

Пари Сен-Жермен му понудил на напаѓачот Килијан Мбапе нов договор вреден повеќе од 100 милиони евра по сезона, објави новинарот на „RMC Sport“, Даниел Риоло.

Според Риоло, ниту еден клуб не може да парира на понудата на парижаните. Понудата на Реал во однос на ПСЖ изгледа тривијално и покрај очигледно големите суми.

Претходно новинарот Абдела Булма објави дека 25-годишниот фудбалер нема да го продолжи договорот со ПСЖ и ќе го напушти клубот на лето.

Оваа сезона Мбапе одигра 24 натпревари, постигна 25 гола и беше творец на три асистенции. Неговиот договор со парижаните истекува на крајот од сезоната.

The post Ќе му биде ли доволно? ПСЖ му нуди на Мбапе по 100 милиони евра по сезона за да остане appeared first on Република.

 Навивачите на ПСЖ се судрија со навивачите на Њукасл пред натпреварот од 5. коло од групната фаза на Лигата на шампионите, пренесува „Дејли мејл“.

Инцидентот се случил синоќа во Париз. Навивачи на француски клуб ги нападнале Британците во еден од локалите во главниот град. За време на пресметката биле фрлени огномети и столчиња.

https://www.youtube.com/watch?v=kCxqxBvEqAY

На почетокот на ноември, навивачите на Милан ги нападнаа навивачите на ПСЖ пред натпреварот од Лигата на шампионите во Италија.

ПСЖ и Њукасл ќе играат вечер од 21 часот на „Паркот на принцовите

The post Вака се „загреваа“ навивачите на ПСЖ и Њукасл appeared first on Република.

Францускиот шампион ПСЖ го комплетира трансферот на Осман Дембеле од Барселона, а талентираниот играч потпиша петгодишен договор со тимот. Трансферот на Дембеле од Барселона во ПСЖ е вреден околу 50 милиони евра.

„Дембеле му се приклучи на ПСЖ од Барселона. Тој ќе го носи дресот со број 23, откако потпиша петгодишен договор“, соопшти ПСЖ.

Францускиот репрезентативец кажа дека е среќен што ќе игра за ПСЖ во иднина.

„Среќен сум што потпишав за ПСЖ и со нетрпение чекам да го облечам дресот на клубот“, кажа Дембеле.

Welcome to your new home, Ousmane! ❤️💙#WelcomeDembélé

pic.twitter.com/qJkbAGdYdz

— Paris Saint-Germain (@PSG_English) August 12, 2023

The post Официјално: Дембеле потпиша за ПСЖ appeared first on Република.

Ливерпул е заинтересиран да го добие на позајмица напаѓачот на ПСЖ, Килијан Мбапе, објави „Мирор“.

„Црвените“ се подготвени да понудат едногодишна позајмица за 24-годишниот Французин, што ќе му овозможи на ПСЖ да капитализира од заминувањето на играчот, а не само да го загуби бесплатно следната година.

Англиските новинари забележуваат дека мајката на Килијан, Фаиза Ломари, која ги застапува неговите интереси, е навивачка на Ливерпул.

Претходно беше објавено дека Мбапе ја одбил понудата на саудискиот Ал-Хилал, кој на напаѓачот му понудил плата од 700 милиони евра годишно.

Мбапе е во ПСЖ од 2018 година. Неговиот договор со тимот истекува следното лето.

Порталот „Трансфермаркт“ ја проценува вредноста на напаѓачот на 180 милиони евра.

The post „Мирор“: Ливерпул преговара за позајмица на Мбапе appeared first on Република.

Француската полиција изврши претрес во куќата на Насер Ал-Хелаифи, претседател на францускиот фудбалски шампион, Пари Сен Жермен и извршен директор на медиумскиот холдинг „beIN Media Group“.

Според тамошните медиуми, акцијата на полицијата е поврзана со истрагата за киднапирање, незаконско приведување и тортура на лобистот Тајеб Бенабдерахман.

Портпаролот на Ал-Хелаифи рече дека им е дозволен пристап на истражните органи, како и дополнителни информации: „Сè се одвива во целосна соработка со властите“.

„RMC Sport“ објави информација дека поради претресот во куќата на Ал-Хелаифи, претставувањето на новиот тренер на ПСЖ, Луис Енрике ќе биде одложено за три часа

The post Полиција влезе во домот на претседателот на ПСЖ appeared first on Република.

Најверните навивачи на Пари Сен-Жермен се незадоволни од раководството на клубот и ќе организираат протест пред седиштето на тимот, јавува „RMC Sport“.

Според изворот, по поразот од Лориен (1:3) во Лига 1, навивачите отишле во тренинг базата на тимот за да изразат негодување кон управата, тренерите и играчите.

Ултрасите денеска, 3 мај, организираат протест пред седиштето на управата на клубот. На профилот на социјалните мрежи на навивачите на тимот беше објавена порака:

„Време е за промена - ПСЖ мора повторно да ја открие својата душа, парискиот дух и сјај. Настанот ќе биде мирен, се треба да биде организирано и разумно“.

ПСЖ е на врвот на табелата во Лига 1 со 75 бодови

The post На навивачите на ПСЖ им дојде преку глава appeared first on Република.

 Фудбалерот на Пари Сен-Жермен, Лионел Меси ова лето најверојатно ќе го напушти парискиот клуб, пренесува „Мирор“.

Според британскиот медиум, раководството на тимот не брза да го обнови договорот со Аргентинецот. Претседателот на ПСЖ, Насер Ал-Келаифи сака да се фокусира на младите играчи. Затоа, фудбалер може да стане слободен агент.

Иднината на Меси зависи од финансиските можности на Барселона, која би сакала да го врати играчот. Договорот на напаѓачот со ПСЖ истекува во јуни оваа година

The post Mногу пари за ич резултати: Меси си оди од ПСЖ appeared first on Република.

Спортскиот директор на Пари Сен-Жермен, Луис Кампос, им поставил ултиматум на фудбалерите, пишува „Le Parisien“.

Според изворот, Кампос им најавил на играчите дека секој што нема да се докаже на теренот пред крајот на сезоната ќе биде ставен на трансфер листата претстојното лето.

И покрај ултиматумот, има 7 играчи кои дефинитивно нема да го напуштат клубот. Тоа се Џанлуиџи Донарума, Нуно Мендеш, Ашраф Хакими, Маркињос, Данило Переира, Марко Верати и Килијан Мбапе.

По 29 кола, ПСЖ е водечки во француската Лига 1 со 66 бодови, шест бода пред Ленс и Марсеј.

Во продолжение, тимот на Кристоф Галтие испадна од Лигата на шампионите, губејќи во осминафиналето од Баерн (0:1; 0:2).

The post Кој ќе „лета“ од ПСЖ? appeared first on Република.

Пари Сен-Жермен не може да постигне договор со напаѓачот Лионел Меси за нов договор.

Според пишувањето на „Marca“, страните не можат да се договорат за висината на неговата плата со Аргентинецот. Се известува дека Меси, по освојувањето на Светското првенство во 2022 година со репрезентацијата на Аргентина, смета дека треба да добие зголемување на платата во ПСЖ.

Наскоро напаѓачот и клубот ќе одржат нов состанок околу договорот.

https://republika.mk/sport/fudbal/tatkoto-na-mesi-dogovora-leo-da-se-preseli-vo-saudiska-arabija/

Актуелниот договор на 35-годишниот Аргентинец со парискиот тим е со важност до летото 2023 година. Оваа сезона има Меси има 31 настап за ПСЖ во сите натпреварувања, постигнувајќи 18 гола и 17 асистенции.

The post Меси поблиску до заминување од ПСЖ appeared first on Република.

Тренерот на Пари Сен-Жермен, Кристоф Галтие се осврна на синоќешниот пораз од Баерн (0:2) во реваншот од осминафиналето на Лигата на шампионите.

Парижаните втора година по ред не успеваат да ја поминат оваа фаза во елитното фудбалско натпреварување.

- Не можевме да го отвориме резултатот кога добивме шанса. Одигравме добро во првото полувреме, чувствувавме дека можеме да постигнеме гол, но не ги искористивме нашите шанси за гол. На ова ниво, не можете да пропуштите такви шанси. Да, Баерн притискаше, но понекогаш треба само да ја шутнете топката подалеку за да се справите со притисокот. Не треба да се срамите од тоа. После еден час игра тие поведоа и стана многу тешко да се надомести нивната предност, изјави Галтие.

Тимот од Минхен го доби првиот натпревар со резултат 1:0 и со вкупни 3:0 се пласираше во четвртфиналето на Лигата на шампионите

The post Koга не сака не сака: ПСЖ и со „сите пари на овој свет“ не може да ја освои ЛШ appeared first on Република.