Рускиот претседател Владимир Путин денеска потпиша указ со кој се забранува испорака на руска нафта за земјите кои воведоа ценовни ограничувања на нафтата и нафтените деривати.

Во документот, кој е објавен на порталот за правни информации, се наведува дека испораките на руска нафта се забранети доколку во договорите директно или индиректно е наведено ограничување на цената.

Забраната за испорака на нафта ќе стапи во сила на 1 февруари 2023 година и ќе важи до 1 јули следната година, а датумот на забраната за испорака на нафтени деривати ќе го одреди руската влада, се вели во документот.

Според декретот, Путин може да даде посебна дозвола за испораки на нафта и нафтени деривати без оглед на ценовната граница.

Ограничувањето на цената на руската нафта од 60 долари за барел што го договорија ЕУ, Г7 и Австралија стапи во сила на 5 декември, како и ембаргото за увоз на руска нафта во ЕУ, со неколку исклучоци.

Одлуката за ограничување на цената на руската нафта на 60 долари за барел овозможува таа да се продава на трети земји користејќи танкери на земји од Г7 и ЕУ, нивните осигурителни компании и кредитни институции, но само ако нафтата се продава по цена под 60 долари за барел.

The post Путин од први февруари забранува извоз на земјите кои ја ограничија цената на руската нафта appeared first on Република.

Од ЈП Водовод и канализација – Скопје ги известуваат граѓаните на град Скопје, дека повторно се спроведува акцијата за наплата на долговите без пресметка на камата.

Акцијата за наплата на долговите на рати без камата за физички и правни лица е со определен временски рок, почнувајќи од 01.02.2022 заклучно до 15.03.2022.

Ги повикуваме сите корисници кои имаат заостанат долг во овој период да аплицираат за склучување на договори за исплата на долговите на најмногу 24 рати, во зависност од висината на долгот, без пресметка на камата за задоцнето плаќање. По истекот на овој период одлуката престанува да важи.

Имајќи ја предвид ситуацијата со корона вирусот, заради заштита на сопственото здравје и здравјето на другите, како и превенција од ширење на вирусот, повикуваме на разбирање и почитување на сите протоколи кои ќе се спроведуваат од страна на ЈП Водовод и канализација – Скопје, при посетите на претпријатието од страна на корисниците за склучување на договорите, додаваат оттаму.

За секоја дополнителна информација за услугите на ЈП Водовод и канализација – Скопје може да ги контактирате преку фејсбук страницата или на телефонските броеви на информативниот центар.

The post Од први февруари скопјани ќе може да ги платат долговите за вода без камата appeared first on Република.

После Обединетото Кралство, Ирска и Холандија, Данска планира да се приклучи на европските земји кои ги тргнаа рестрикциите за КОВИД-19 од февруари. Премиерот на Данска, Мете Фредериксен, најави дека владата ќе ги укине сите рестрикции за КОВИД-19 почнувајќи од 1 февруари и ќе го класифицира КОВИД-19 како болест која повеќе не е закана за општеството.

Оваа одлука следува во период кога новата подваријанта на омикрон, BA.2, ги зголеми бројките на инфицираните Данци и од минатиот четврток досега има над 50.000 новозаразени. Здравствените власти во Данска проценуваат дека само 30%-40% од 955 хоспитализирани пациенти се таму поради други причини освен КОВИД-19.

Изминатите недели во земјата има најголем број на инфицирани луѓе во земјата од почетокот на пандемијата. Затоа оваа одлука да го олабавиме рестрикциите можеби е чудна и парадоксална, изјави Фредериксен. Меѓутоа, министерот за здтавство Хојнике дополни дека оваа одлука е безбедна и правилна.

Над 80% од популацијата на Данска сега е вакцинирана со по две дози, а 60% се вакцинирани и со трета доза. Данска пред две недели дозволи повторно да се отворат кината и музичките сали. Според новата одлука, ќе се отворат и ноќните клубови, рестораните ќе служат алкохол после 22 часот, а клиентите нема да мора да покажат сертификат за вакцинација за да можат да влезат.

Од февруари, и патниците в јавниот превоз нема да мора да носат маски, а ќе бидат тргнати и ограничувањата на бројот на купувачи во продавниците.

The post Од први февруари во Данска ковидот веќе не е закана за општеството appeared first on Република.

Сите иницијативи кои се превземаат од родители и одредени групи не сносат правна одговорност. Инстутот за јавно здравје и Министерството за здравство имаат искуство со пандемии и епдемии кај децата според нашите искуства нема да има потреба од изолација односно онлајн учење во овој период затоа што епидемиолошката состојба се менува секоја недела, кажа министерот за здравство Беким Сали во врска почетокот на второто полугодие.

Второто полугодие ќе почне со физичко присуство на 1 февруари и ние како министерство ќе направиме скрининг по случен избор на деца и во зависност од регионот ќе превземеме нови мерки, рече министерот.

Во врска со најавите на иницијативите дека децата ќе ги испратат во училиште без маски, министерот упати апел објаснувајќи:

Mаски треба да се носaт и личната хигиена е најважна.

Тој напомена дека бројот на заболени е намален изминативе денови.

Нема зголемување забележуваме дека има опаѓа на бројот на зарзени нема потреба од нови мерки, кажа Сали.

The post Сали: Второто полугодие почнува на први февруари и маски треба да се носат appeared first on Република.