За една година во Македонија се извршени три трансплантации на црн дроб. Првата трансплантација се изведе на 25 ноември 2022 година и со тоа, како што велат од Министерството за здравство македонското јавно здравство се вброи меѓу врвните здравствени системи што изведуваат вакви процедури.

За овој краток период се направени три трансплантации кај тројца пациенти и сите се во добра здравствена состојба, соопштуваат од Министерството за здравство.

https://republika.mk/zivot/zdravje/prvpat-vo-makedonskoto-zdravstvo-izvrshena-transplantacija-na-crn-drob-od-pochinat-donor-na-klinikata-za-digestivna-hirurgija/

Министерот за здравство, д-р Фатмир Меџити се заблагодарува до сите кои се вклучени во процесот.

Горд сум што Европската комисија оцени дека имаме напредок во овој сегмент. Дарувањето органи е најблагородниот чин и процес во кој се гледа човечката добрина. Упатувам благодарност до сите кои се вклучени во процесот, верувам дека заеднички можеме да направиме сѐ!, вели Меџити.

https://republika.mk/vesti/makedonija/solzi-radosnici-posle-prvata-transplantacija-na-crn-drob-od-pochinat-donor/

The post За една година во Македонија се извршени три трансплантации на црн дроб appeared first on Република.

Првата трансплантација на црн дроб во Македонија ја активира пи-ар машинеријата на премиерот и тоа во денови кога гласно се зборува за неговите инфлуенсерски амбиции.

https://republika.mk/vesti/makedonija/samo-za-lajk-luge-umiraat-oti-nema-pari-za-lekovi-nema-uchebnitsi-a-kovachevski-za-100-dena-potroshil-26-000-evra-za-reklami-na-fejsbuk/

Работејќи на личниот имиџ, премиерот организира прием за тимот и пациентот во Свечената сала на Владата. Секако, на настанот премиерот одржа воведно обраќање, а потоа премиерот на лекарите и на пацинетот (?!) им додели „персонализирани благодарници (плакети)“.

Денешниот ден е посебно важен за мене бидејќи имав можност да ја изразам мојата огромна почит кон здравствените работници кои со својата посветеност и хуманост ја испишуваат историјата на македонското здравство. Првата трансплантација на црн дроб е уште една победа во борбата за спасување животи!

На членовите на тимот кои ја изведоа трансплантацијата - Ви благодариме, во името на граѓаните и на Владата на Република Македонија. Овој успех немаше да е возможен без вашето знаење, искуство и експертиза.

На пациентот му посакувам долг и квалитетен живот. Им благодарам и на семејствата на донорите за нивната човечност во најтешките мигови.

Уверен сум дека оваа победа на хуманоста ќе биде поттик за понатамошни професионални успеси на здравствените работници, но и поттик за нас, граѓаните, да го прифатиме органодарителството како благороден чин за спасување животи, рече премиерот во своето обраќање пред лекарите и пациентот.

Ова е пораката од премеирот Димитар Ковачевски по приемот во Владата.

Дека оваа приредба во Владата е резултат на пропагандното работење на личниот имиџ на премиерот е единствениот начин на којшто може да се протолкува „денешниот ден е важен за мене“. Билдање на сопствената популарност, зашто нема друг начин како да се протилкува зошто премиерот би му доделил „персонализирана“ благодарница на пациент со извршена трансплантација - дека организмот го профатил имплантот, дека преживеал, дека самиот се снаоѓа за неопходните лекови?! Едноставно, во моменти кога разумот не може да обезбеди логично објаснување, останува заклучокот дека се работи за самобендисаност и самопромоција.

Говорот на премиерот е спорен и е одраз на живот во облаци и по нешто друго.

Додека Ковачевски „на пациентот му посакува долг и квалитетен живот“ на специјално организиран настан за извршена трансплантација, и на пациентот на кој му е трансплантиран црниот дроб му доделува благодарница, во реалноста пацинетот со плакетата, но и сите други пацнети со трансплантации на социјалните мрежи бараат помош за самите да си го обезбедат лекот декортин кој кај нас воопшто го нема повеќе од шест месеци. Декортинот е лек кој се наоѓа на позитивната листа, но не и во аптеките во Македонија. Пациентите го купуваат во Србија или Косово, но и на црно.

Додека Ковачевски им доделува персонализирани (?!) благодарници на лекарите, лекарите се оставени без здравствено осигурување, масовно го напуштаат јавното здравство и заминуваат во приватното или во странство. Лекарите и медицинскиот персонал се излажани, без ветеното покачување на платите, без иднина.

Лекарите на кои Ковачевски им признава дека „овој успех немаше да е возможен без вашето знаење, искуство и експертиза“, веќе пет години се оставени без можност за едукации во странство.

Кадровското зајакнување мора да се состои во стимулирање на кадрите и оние кои сакаат да останат, да бидат задржани во системот. Мора да се инвестира во едукација и во образование. Без едукација здравствениот систем не може да напредува. Во последните пет години сите едукации и одења во странство на лекарите се прекинати. Сведоци сме дека дека наместо лекари, организационите директори одат на конгреси за обука. Тоа е чиста злоупотреба. Помошниот медицински персонал мора да биде дообучен. Мора да им се посвети внимание и на средните медицински училишта за да вадиме компетентен кадар. Нашите компетентни кадри, за жал, заминуваат главно во странство. Се плашам дека ќе се соочиме со период кога нема да имаме комептентни кадри во здравството, предупредува доктор Игор Николов во интервјуто за „Република“.

https://republika.mk/vesti/makedonija/investiraneto-vo-infrastrukturata-i-vo-kadrite-ke-bidat-prioritet-vo-zdravstvoto-na-novata-vlada-na-vmro-dpmne/

The post Знае ли премиерот дека на пацинетот на кој му додели плакета не му го обезбедил основниот лек за „долг и квалитетен живот“?! appeared first on Република.

По три недели 60-годишниот пациент кому му беше извршена првата трансплантација на црн дроб во Македонија ја напушта клиниката и си оди дома, соопштија денеска на прес-конференција министерот за здравство Беким Сали и дел од лекарскиот тим кој учестуваше во интервенцијата.

Успешно го завршивме овој проект. Пациентот ја напушта нашата Клиника и си оди дома. Ова е само дел од тимот кој е одговорен и заслужен за успешната приказна со трансплантацијата на црн дроб од почнат донатор. Во тимот беа вклучени уште многу медицински лица, кои за жал денеска не можеа да присустуваат на прес-конференцијата. Оваа интервенција бара мултидисциплинраен пристап. Станува збор за сложен проект во однос на другите трансплантации. Нам ни претставува чест и задоволство да сме тука со дел од тимот, изјави денеска директорот на Универзитетска клиника за дигестивна хирургија проф. д-р Зоран Караџов.

Тој заедно со асс. д-р Ќемал Рушити го предводеа хируршкиот кој го изврши оперативниот зафат за екстрипација на црниот дроб од дарителот.

Проф. д-р Караџов потенцираше дека станува збор за успешна трансплантација, за пациент кој со новиот орган станува здрав член на ова општество. Со ова Македонија и Клиниката за дигестивна хирургија стануваат дел од државите и клиниките каде што се извршуваат овие трансплантации.

Ова немаше да биде можно, ако немавме дарител. Затоа сакам да се заблагодарам на семејството на дарителот, кој на ваков начин покажа хуманост, овозможувајќи на друг човек да продолжи да живее. За тоа сме им многу благодарни. Оваа приказна не е краткотрајна, пред да се реализира, бараше многу труд, посветеност, разни откажувања. Но, сето тоа се заборава кога приказната има успешен крај, рече проф. д-р Караџов.

Тој објасни дека интервенцијата кај пациентот е правена по актуелните протоколи и поминала без никакви проблеми.

Бевме уигран тим, како да ни беше 100-та операција. Тоа беше голема сатисфакција за нас како Клиника. Се надевам дека ќе продолжиме и понатаму. Ќе ни треба соработка со другите инстутции, посебна благодарност до Клиниката за Гастроентерохепатологија од каде што ги добиваме пациентите. Сите сме возбудени и среќни што во Македонија се реализира ваков капитеален проект, додаде проф. д-р Караџов.

Пред три недели на Клиниката за дигестивна хирурија се изврши првата трансплантација на црн дроб од починат донор во историјата на македонскотo здравство. Беше спасен животот на 60-годишен пациент со хронична болест на црниот дроб. Тој доби здрав орган од пациентка во мозочна смрт чие семејство се согласи да ги донира органите.

https://republika.mk/vesti/makedonija/solzi-radosnici-posle-prvata-transplantacija-na-crn-drob-od-pochinat-donor/

Нема ништо посреќно за нас кога пациентот си оди дома и кога знаеме дека успешно е завршена работата. Сакам да се заблагодарам на сите семејства досега кои ги донирале органите за да можеме и ние да спасиме живот и да трансплантираме органи и пациентите да си отидат дома.  Таков чин на благородност, хуманост, човечка љубов е тоа што нас нè мотивира и ни дава уште поголем поттик да работиме уште повеќе и да успееме да пронајдеме органи за други пациенти, изјави д-р Маја Мојсова Мијовска, национален координатор за трансплантациија.

Таа рече дека за време на пандемијата со ковид-19 во другите земји програмите за трансплатација биле успорени, но, за среќа, кај нас во тој период се направи најголемиот исчекор.

Ова немаше да биде можно ако немаше тимска работа, рече д-р Мојсова.

Ова беше шестта трансплантација годинава од починат донор, прва на црн дроб во историјата на македонското здравство.

Во тимот кој ја направи првата трансплантација учествуваа и д-р Љубомир Огњеновиќ, д-р Ќемаљ Рушити од Клиниката за дигестивна хирургија, како и нивните колеги лекари, клиничкиот фармацевт и медицинските сестри. Тимот анестезиолози од Клиниката за анестезија, реанимација и интензивно лекување (КАРИЛ) кои го водеа реципиентот, предводени од прим. д-р Татјана Спировска. Дарителот го подготвија екипите од Клиниката за гастроентерохепатологија, предводени од д-р Бети Тодоровска и д-р Елена Цуракова-Ристевска.

Учествуваа и екипите од Клиниката за урологија, Клиниката за нефрологија, Клиниката за трансфузиологија, и болничките координатори, кои го процесираат пациентот во мозочна смрт, предводени од д-р Мојсова-Мијовска, д-р Билјана Андоновска, како и медицинските сестри, инструментарки и вработените во лабораториите.

Заедничката и тимска работа на над 100 лекари, медицински сестри и административен персонал резултираше оваа година да се трансплантираат 10 бубрези од починат донатор, две срца кај тешки пациенти, беа извршени 10 имплантации на коскени ткива. За последните две години тоа се вкупно осум срца, 30 бубрези, 20 коскени ткива и еден црн дроб.

Проф. д-р Светозар Антовиќ, кој го предводеше хируршкиот тим кој ја изврши трансплантацијата рече дека кадаверичната трансплантација дава најмногу резултати и затоа мора да се продолжи и да се подигне свеста кај граѓаните колку е важно органодарителството.

The post Пациентот си заминува дома: Бевме уиграни, како да ни е 100-та интервенција, кажа проф. д-р Караџов кој го предводеше тимот кој ја изврши првата трансплантација на црн дроб appeared first on Република.

Првпат во историјата на македонското здравство е извршена трансплантација на црн дроб од починат донор, на Клиниката за дигестивна хирурија, соопшти Министерството за здравство.

Шеесет годишен пациент со хронична болест на црниот дроб доби здрав орган од пациентка во мозочна смрт чие семејство вчера се согласи да ги донира органите.

Покрај црн дроб, се вршат и трансплантации на бубрези кај двајца пациенти со бубрежна болест.

Би сакал од мое лично име и од името на целиот персонал вклучен во трансплантациите да се заблагодарам на семејството на донорот и на нивната одлука да спасат не еден, туку три животи. Ни покажаа уште еднаш дека живот може да се подари. Благодарност и до сите медицински тимови вклучени во трансплантацијата кои изминтите 24 часа работеа и продолжуваат да работат со пациентите. Особена благодарност до професор Зоран Караџов и неговиот тим, како и тимот на Клиниката за гастроентерохепатологија, кои денес испишаа нов лист не само во делот на дигестивната хирургија туку и во целокупното здравство, истакна министерот за здравство, д-р Беким Сали.

The post Првпат во македонското здравство извршена трансплантација на црн дроб од починат донор на Клиниката за дигестивна хирургија appeared first on Република.