Најтрофејниот македонски фудбалски клуб, Вардар, се врати во прволигашката конкуренција откако го совлада градскиот ривал Скопје со 3:0 (1:0) во баражот за место во Првата македонска лига (ПМФЛ).

Фудбалерите на Вардар влегоа силно мотивирани во натпреварот што се одигра на неутрален терен во Кавадарци, и дојдоа во водство веќе во 4. минута со голот на Дарко Размоски.

Црвено-црните во продолжението на првиот дел пропуштија уште неколку изгледни шанси за гол, а задачата на Скопје да се врати од резултатската негатива дополнително го отежна исклучувањето на Миле Тодоров во 35. минута. Фудбалерот на Скопје доби директен црвен картон откако врати на трибината факел што претходно на теренот го фрлија навивачите на Вардар.

Предноста на Вардар ја удвои двојниот стрелец Размоски (49 минута), а десет минути подоцна капитенот Дарко Глишиќ биеше прецизно за конечни 3-0 и десеткратниот македонски шампион по две сезони во второлигашката конкуренција се врати во ПМФЛ.

Претходно нови прволигаши станаа Воска и Гостивар, а во Втората лига се пресели прилепска Победа.

Шампионската титула, прва во клупската историја, ја освои Струга, трофејот во Купот го одбрани Македонија Ѓорче Петров, а настап во европските купови изборија и Шкупи и Шкендија.

The post Вардар се врати во Првата фудбалска лига appeared first on Република.

Со натпреварот меѓу Струга и прилепска Победа в сабота официјално почнува новата сезоната во Првата македонска фудбалска лига (ПМФЛ).

Раководството на Ренова претходно официјално соопшти дека клубот од Џепчиште нема да биде дел од натпреварувањето поради што сезоната 2022/23 во ПМФЛ ќе се одигра со 11 клубови.

Титулата ја брани Шкупи, додека нови прволигаши се Победа и Силекс.

Новата сезона во Втората фудбалска лига, пак, ќе стартува на 13 август.

The post Почнува фудбалската лига со непарен број екипи appeared first on Република.