Вчера во Софија се одржа состанок на делегации од Македонија, Бугарија и претставници од Европската Унија во однос на железничкото поврзување, информираат од Министерството за транспорт.

Имено, трите клучни аргументи на заменик претседателот на Владата и министер за транспорт, Александар Николоски беа прифатени. Прво, мора да има заеднички проект за тунелот со цел да не се гради тунел кој не води никаде, понатаму Бугарија да го заврши својот дел од пругата и трето да се ревидира цената која е превисока како и ревидиирање на самиот проект.

По проценката на ризиците, изградбата на тунелот за железничко поврзување меѓу Македонија и Бугарија е поефикасно да биде од еден изведувач. Ова беше заклучено на состанокот во Софија помеѓу македонската и бугарската делегација, а во однос на преговорите за железничко поврзување меѓу двете земји со посредство на Европската Унија.

На состанокот, од македонската страна предводена од Државниот секретар во Министерството за транспорт, Стефан Волкановски и директорот на Железница Инфраструктура Синиша Ивановски, беше истакнато дека Македонија не отстапува од железничкото поврзување и на овој проект се гледа како регионален проект со кој се потенцира развојот на европските транспортни мрежи.

На состанокот од двете страни беше прифатено целиот проект во делот фаза 3 (делница Крива Паланка – Деве Баир), да биде преиспитан од причина што сегашната цена е превисока и неразумна со интенција истата да се намали.

Двете делагции, исто така се согласија да се користи одлуката за технички проект за тунелот поднесен од ЈП Железници Инфраструктура.

На состанокот беше договорено двете земји да формираат работни групи со цел да се подготви потребната документација за тунелот.

За време на состанокот, страните разменија информации, временски рамка за изградба, а споделија и искуства во однос со техничките прашања за изградбата на коридорот 8, а посебно во делот на процедурите за идното функционирање на прекуграничниот тунел „Деве Баир“.

Страните, исто така се договорија постигнатите договори да ги презентираат пред одговорните финансиски институции на ЕУ, се вели во соопштението на ресорното министерство.

The post Брисел и Софија ги прифатија аргументите на министерот Николоски за пругата кон Бугарија appeared first on Република.

Министерот за градежништво, транспорт и инфраструктура, Горан Весиќ, денеска изјави дека Србија добила зелено светло за работа на железничката делница Белград-Ниш и рече дека сега „може да се издаваат градежни дозволи за почеток на проектот“, чија изградба се очекува да почне во втората половина во 2025 година, јави дописникот на МИА од Белград.

Во гостувањето на РТС, тој рече дека Србија е високо усогласена со Европската Унија (ЕУ) во областа на транспортот и потсети дека ЕУ дала „милиони евра грант помош“ од 2000 година до денес, вклучително и грант за брзата железница од Белград до Ниш, што ја прави ЕУ најважен партнер на Србија.

Никој освен Европската Унија не ѝ дава грантови на нашата земја, а ние во Владата на Србија особено го цениме тој чин – рече министерот Весиќ.

Тој кажа дека подготвуваат осум закони за кои треба да се расправа во Собранието, а кои се однесуваат на железницата, горивото, патиштата, како и Националната транспортна стратегија и дека со помош на тие закони Србија ќе се усогласи со регулативите на ЕУ.

Весиќ изјави дека работите за изградбата на брзата пруга Белград-Ниш ќе почнат во втората половина на следната година, како и дека пругата нема да биде затворена за сообраќај, а работите на неа ќе траат меѓу три и пет години.

Ќе имаме 230 километри пруга, а фазите на изградба се поделени во неколку етапи – рече Весиќ.

Тој изјави дека ќе се доградат девијации на релација Белград-Ниш за да се овозможи возовите да се движат со 200 километри на час.

Според Весиќ, регионот ќе биде целосно поврзан со пруги, а Европа најмногу ќе инвестира во железницата.

Ќе се потпише изјава од четири земји, Србија, Унгарија, Македонија и Грција, кои заеднички ќе ја градат пругата меѓу Будимпешта и Патра – рече Весиќ, кој во вчерашната изјава потенцираше дека оваа изјава ќе се потпише на 23 ноември.

The post Србија доби зелено светло за пругата Белград-Ниш: Изградбата ќе почне догодина со грант од ЕУ appeared first on Република.

Претседателот на Србија Александар Вучиќ изјави денеска во Белград, по средбата со унгарскиот претседател Тамаш Шујок, кој е во официјална посета на Србија, дека се надева дека ден пред отворањето на брзата пруга Суботица-Нови Сад, ќе биде потпишана изјава за воспоставување на брза пруга меѓу четири земји - Унгарија, Србија,  Македонија и Грција, односно од Будимпешта се до Патра во должина од 1.683 километри, јави дописникот на МИА од Белград.

Вучиќ кој пред две недели најави дека брзата пруга Суботица-Нови Сад ќе се отвори на 24 ноември, на денешната прес-конференцијата изјави дека тоа ќе биде неверојатен проект.

Она што е важно граѓаните на Србија да го разберат е дека наскоро доаѓа кај нас чешкиот премиер за два-три дена, тие градат брза пруга кон Братислава. Оттаму Словаците работат кон Будимпешта, и од север, од Варшава, сите краци исто така одат кон Будимпешта. Така што оттука ќе бидеме целосно поврзани со северот и североисток на Европа и со цела централна Европа, значи Беч-Братислава-Прага. Со ова Будимпешта и Белград стануваат многу важни центри - изјави Вучиќ.

Тој објасни и како ќе функционираат контролите на брзата пруга меѓу Белград и Будимпешта и како тоа ќе го забрза патувањето.

Кога ќе имаме брз воз и брза пруга Белград-Будимпешта, ние веќе се договоривме со нашите унгарски пријатели, унгарската полиција и царина да бидат во Белград, а српската во Будимпешта. Нема да има губење време и стоење на граница. Нема да има малтретирање на граѓаните и бескрајно сум им благодарен на пријателите Унгарци што го прифатија нашиот предлог. Од Белград до Будимпешта ќе се патува за два часа и 40 минути. Веруваме дека нашите унгарски пријатели ќе ја завршат својата работа до крајот на 2026 година - изјави Александар Вучиќ.

Претседателот на Унгарија Тамаш Сујок рече дека постои одлична соработка во однос на изградбата на пругата меѓу Белград и Будимпешта и изрази благодарност за завршувањето на делницата низ Србија.

Се надеваме дека во следните неколку години ќе успееме да обезбедиме започнување на железничкиот сообраќај и во Унгарија на таа пруга, сè до Будимпешта. Во оваа смисла, исто така, ќе направиме се што е во наша моќ да го олесниме и забрзаме преминот на границата доколку е потребно и со отворање на нови гранични премини - рече тој.

The post Вучиќ: Се надевам на воспоставување брза пруга меѓу четирите земји Унгарија, Србија, Македонија и Грција appeared first on Република.

Министерот за транспорт, градежништво и инфраструктура Горан Весиќ денеска изјави дека реконструкцијата на пругата Ниш - Брестовац, која започна пред повеќе од три години, ќе заврши во февруари 2025 година, јави дописникот на МИА од Белград

До февруари следната година ќе бидат завршени уште 23 километри пруга јужно од Ниш до Брестовац. Имаме уште 135 километри во Србија и 50 километри во Македонија да ги поврземе Скопје, Ниш, Белград, Нови Сад и Будимпешта. Тоа го договоривме со Владата на Македонија. Заеднички ќе бараме финансии за нашите 135 километри и нивните 50 километри, истакна Весиќ во гостувањето на телевизијата Прва.

Изградбата на таа пруга започна свечено, во септември 2021 година, во Долно Меѓурово, во присуство на претседателот на Србија Александар Вучиќ и бројни функционери.

Требаше да се изгради до јуни 2023 година, но тогаш не беше завршена. Изведувач на работите е конзорциум на бугарските компании Trace Group Holding PLC и Balkantel, вредноста на договорот е околу 60 милиони евра и станува збор за работи на модернизирање на пругата на меѓународниот Коридор 10 преку Србија, меѓу Ниш и Брестовац.

Кога станува збор за брзата пруга Белград - Ниш, Весиќ кажа дека таму ќе возат возови со брзина од 200 километри на час и дека работите ќе почнат следната година.

Весиќ рече и дека Европската комисија донела директива според која земјите кои не се членки на Европската унија, а низ кои минува коридорот можат да добиваат пари за железницата

The post Србија напредува со пругата кон Македонија appeared first on Република.

Министерот за транспорт, градежништво и инфраструктура Горан Весиќ денеска изјави дека реконструкцијата на пругата Ниш - Брестовац, која започна пред повеќе од три години, ќе заврши во февруари 2025 година, јави дописникот на МИА од Белград

До февруари следната година ќе бидат завршени уште 23 километри пруга јужно од Ниш до Брестовац. Имаме уште 135 километри во Србија и 50 километри во Македонија да ги поврземе Скопје, Ниш, Белград, Нови Сад и Будимпешта. Тоа го договоривме со Владата на Македонија. Заеднички ќе бараме финансии за нашите 135 километри и нивните 50 километри, истакна Весиќ во гостувањето на телевизијата Прва.

Изградбата на таа пруга започна свечено, во септември 2021 година, во Долно Меѓурово, во присуство на претседателот на Србија Александар Вучиќ и бројни функционери.

Требаше да се изгради до јуни 2023 година, но тогаш не беше завршена. Изведувач на работите е конзорциум на бугарските компании Trace Group Holding PLC и Balkantel, вредноста на договорот е околу 60 милиони евра и станува збор за работи на модернизирање на пругата на меѓународниот Коридор 10 преку Србија, меѓу Ниш и Брестовац.

Кога станува збор за брзата пруга Белград - Ниш, Весиќ кажа дека таму ќе возат возови со брзина од 200 километри на час и дека работите ќе почнат следната година.

Весиќ рече и дека Европската комисија донела директива според која земјите кои не се членки на Европската унија, а низ кои минува коридорот можат да добиваат пари за железницата.

The post Весиќ: До февруари ја завршуваме пругата од Ниш до Брестовац како дел од пругата кон Македонија appeared first on Република.

Владата е силно посветена на изградба на нова железничка мрежа во земјата и водејќи се од севкупниот економски развој и регионалното поврзување, а во духот на евроинтегративниот процес и потребата од модернизација и доизградба на европските транспортни коридори, останува целосно посветени на изградба на источниот дел на железничкиот Коридор 8. Тоа всушност го докажува и континуираниот процес на изградба на првата и втората фаза од пругата на Коридор 8.

Ова, како што соопшти Министерството за транспорт, бил ставот на македонската делегација составена од директорот на МЖ Инфраструктура Синиша Ивановски и Државниот секретар во Министерството за транспорт Стефан Волкановски, која со посредство на Европската Унија вчера во Брисел остварила работна средба со претставници од бугарската влада предводена од заменик министерот за транспорт, на која се разговарало за железничкото поврзување меѓу двете земји.

Македонија не се откажува од поврзувањето со пруга кон Бугарија, но не може да се прифати реализација на проект кој што завршува во тунел за кој во Бугарија нема проект, ниту пак има извесносот од бугарската страна дека се преземаат активности за железничко пооврзување, беше потенцирано од претставниците на македонската делегација. Единствен услов прифатлив за Македонија за реализација на овој проект е доколку Бугарија започне со проектирање на тунелската цевка и двете земји и Македонија и Бугарија заеднички да извршат пробивање на тунелот со што овој проект би имал смисла и би се остварила целта на регионална интеграција како дел од европската транспортна мрежа. Мора да има нов повик кој би бил заеднички проект спроведен од Македонија и Бугарија се со цел во исто време да се гради пругата, во духот на добрососедството. Исто така мора да се ревидира и цената бидејќи сметаме дека е превисока, се наведува во соопштението.

На состанокот од страна на претставниците од Бугарија е истакнато дека во овој момент нема проект на кој би работеле на доизградба на железницата до границата со Македонија и изградба на тунел, но е изразена подготвеност да започнат со изработка на проект кој би бил готов во 2026 година.

На средбата е заклучено двете страни да остварат уште една работна средба на крајот на овој месец со детали околу заедничката реализација на овој проект.

Покрај претставниците од ЕУ, на средбата присуствуваа и претставници од Европската банка за обнова и развој, Европската инвестициска банка како и други институции инволвирани во развој на транспортната мрежа во регионот и Европа, стои во соопштението од Министерство за транспорт.

The post Македонија сака пруга кон Бугарија, но не прифаќа реализација на проект што завршува во тунел appeared first on Република.

Пругата на Коридор 10 е приоритет и затоа ќе ги вложиме сите напори оваа пруга да биде извор на приходи за државата и целата економија. За да нема застој во железничкиот транспорт, паралелно ќе ја реконструираме пругата од Табановце до Гевгелија, а во исто време ќе работиме и на изградба на нова пруга на Коридор 10. Ова го истакна заменик претседателот на Владата и министер за транспорт Александар Николоски во интервју за поткастот „Каде се парите“.

Проект за реконструкција има, истакна министерот Николоски и додаде дека проектот предвидува брзина на возовите од 80 km за карго превоз и 120 km за патнички превоз. Дополнително истакна дека проценетата вредност би изнесувала околу 250 милиони евра и ќе се изврши комплетна реконструкција на потегот Табановце-Гевгелија.

За 2 до 3 години ќе ја реконструираме целата делница од Табановце до Гевгелија. Проект имаме, ЕУ дава позитивни сигнали да финансира преку ИПА 3 компонентата од каде би можеле да добиеме околу стотина милиони евра, а околу 150 милиони евра треба да ги обезбедиме од домашниот буџет. Реконструкцијата подразбира целосна смена на пругата, реконструкција на седум моста, добро е што има постојана електрификација и ќе се постави ИТС систем. И ова е реално и вака мораме да правиме паралелен процес додека градиме нова пруга за да не ни се случи примерот со Србија кога карго превозот запре додека вршеа реконструкција на пругата Белград – Ниш - истакна Николоски.

Во однос на изградбата на брза пруга тој потенцираше дека потребата од брза пруга е огромна за Македонија, за целиот регион и Европа, која пак ја препознала оваа идеја и е подготвена да ја финансира. Исто така министерот во поткастот објави дека за брза пруга постоел проект од 1978 година со 4 линии.

Треба допрва да има физибилити и предфизибилити студија. Мое лично мислење е дека треба да одиме со пруга над 200 km на час. И мислам треба да одиме по наједноставниот терен, а тој би бил од Табановце па да се спушти под Куманово до Свети Николе, потоа Штип, Радовиш, Струмица и да се врзе на Миравци, Гевгелија и Солун. Секако треба да се направи триаголник кој ќе го поврзе Скопје со брзата пруга. Дали тоа ќе го покаже предфизибилити и физибилити студијата не знам, но мислам дека ова е најлогичното решение. Во однос на цените, со овие цени сега брза пруга би чинела околу 2,3 до 2,5 милијарди евра, а за оперативна да биде од почеток на градба до прва операција на воз, би ни требало околу 5 години. Во однос на финансирањето знам дека нема да бараме пари од Кина, Русија и Саудиска Арабија. Ако ЕУ сака да ја финансира е добродојдена, но прво мора да го обезбедиме финансирањето пред да почнеме да ја градиме - истакна министерот Николоски.

The post Николоски: Паралелно ќе работиме на реконструкција и изградба на брза пруга на Коридор 10 appeared first on Република.

Потпретседателот на ВМРО-ДПМНЕ и министер за транспорт, Александар Николоски во интервју за неделникот Фокус вели дека геополитика нема прашан за изградба на Коридорот 8 и 10.

„Дел од овие тези ги пласираа оние кои на коруптивен начин сакаа да ја добијат работата за третата фаза за пругата кон Бугарија. Случајот има неколку елементи. Првиот и клучен елемент е предвидената цена на чинење. Тоа е 24 милиони евра по километар, што е поскапо и од автопатот. Само за илустрација, цена на чинење на брза пруга било каде во Европа со 200 километри на час е 4 до 10 милиони евра, зависно од теренот. Овде за пруга која ќе оди со 60 километри на час е 24 милиони евра“, објаснува Николоски.

Според него исто како за потегот кон Блаце, избрана е како што вели најтешката траса.

„Не знам дали знае јавноста, но единствен начин да се изгради третата делница е само преку пруга како на каубојските филмови. Толку теренот е планински и лош, па само преку пруга може да се носат материјали, работници. Камион не може да пристапи. Невидена работа“, кажа Николоски.

Николоски со прашање до неговите претходници „зошто тоа е проектирано така, зошто покрај тунел кој завршува нигде испроектирани се 2 тунели под Крива Паланка?“.

„Тоа ни Швајцарија не го прави. Јас се сметам за прошетан човек, но никаде во Европа и светот не сум видел да се градат тунели под градови. Има покрај градови, низ планини, но под градови нема“, вели Николоски кој укажува дека прво, многу е јасно оти е пумпана цената.

Ние не сме глупави, категоричен е Николоски, да прифатиме таква пумпана цена за проект кој веројатно нема да се изгради никогаш.

„Второ, зошто на проектот се пријавија само несериозни компании? Трето, зошто Бугарија не работи ништо од нивна страна? Да поедноставам, ние сакаме и ќе ја изградиме пругата кон Бугарија, но поевтино и порационално, вака не.

Според Николоски потребна е нова траса која ќе се совпадне со Бугарија.
„Не знам дали видовте, Бугарија рече дека индикативна цена за нивниот дел е 1,2 милијарди евра. Кај ќе ги најде Бугарија тие пари? Многу пари се за било која држава. Ние трошиме 560 милиони евра, а тие 1,2 милијарди евра за пруга што ќе вози 60 километри на час“, изјави Николоски.

Во однос на Коридор 10, Николоски додава дека таква е географијата на Македонија, која е идеално поделена на два дела со реката Вардар.

„По Вардар одат најбитните коридори и за тие коридори светски и балкански војни се воделе во историјата. Сега ние треба да сме паметни и тоа да го искористиме. Автопат за среќа имаме, треба да изградиме и брза пруга и буквално како лего коцки од левата и десната страна од брзата пруга да наредиме економски зони, каде ќе има фабрики кои ќе бидат основната додадена вредност во македонското стопанство, бидејќи секој што произведува ќе сака робата брзо да ја транспортира и извезе. Таа роба ќе излегува на 2 големи пристаништа (солунското и атинското) и ќе може да брза пруга за неколку часа да е во Будимпешта, Виена или Прага“, смета Николоски.

The post Николоски: Ние сакаме и ќе ја изградиме пругата кон Бугарија, но поевтино и порационално appeared first on Република.

Вицепремиерот и министер за транспорт Александар Николоски во интервју за недлникот „Фокус“ се осврна на прашањето за пругата кон Бугарија. Тој тврди дека, исто како и со автопатот кон Блаце, била избрана најтешката траса, со цел, како што вели, да се напумпа цената. Според него, треба да се изгради и оваа пруга од коридорот 8 на порационален начин, но истовремено најавува дека за период од 7 години можно е да се изгради и брза пруга по коридорот 10, по која би биле наредени економски зони како лего коцки.

Случајот има неколку елементи. Првиот и клучен елемент е предвидената цена на чинење. Тоа е 24 милиони евра по километар.

Само за илустрација, цена на чинење на брза пруга било каде во Европа со 200 километри на час е 4 до 10 милиони евра, зависно од теренот. Овде за пруга која ќе оди со 60 километри на час е 24 милиони евра.

Слично како со Блаце, избрана е најтешката траса. Не знам дали знае јавноста, но единствен начин да се изгради третата делница е само преку пруга како на каубојските филмови. Толку теренот е планински и лош, па само преку пруга може да се носат материјали, работници. Камион не може да пристапи. Невидена работа!

Логичното прашање до моите претходници е зошто тоа е така проектирано? Зошто покрај тунел кој завршува никаде проектирани се 2 тунели под Крива Паланка? Тоа ни Швајцарија не го прави. Јас се сметам за прошетан човек, но никаде во Европа и светот не сум видел да се градат тунели под градови. Има покрај градови, низ планини, но под градови нема, вели Николоски.

Целото интервју може да го погледнете ТУКА.

The post Николоски: За пруга кон Бугарија е избрана најтешка траса, со 2 тунели под град, за да се напумпа цената! appeared first on Република.

ЈО да не молчи, да отпочне постапка и да даде одговор каде требале да завршат 23 милиони евра по километар за пругата со тунел без крај, изјави на прес конференција, Бране Петрушевски.

Дали власта на СДС и ДУИ ја напумпала цената и кој требал да биде дел од проектот пруга кон Бугарија која завршува во тунел без крај.

Дали СДС и ДУИ имале намера преку подизведувачи да испумпаат стотина милиони евра од пругата кон Бугарија, без разлика што таа можеби со децении нема да може да профункционира.

Зошто СДС кога знаеле дека истата неможе да проработи, ја ставиле државата во обврски?

Дали СДС имале само еден единствен мотив, а тоа е да ги потрошат парите од ЕБОР и од буџетот, без разлика дали проектот на крај ќе биде целисходен или не?

ЈО да не молчи, и да постапи. На овој случај и на многу други како него ќе можат да покажат дали сакаат да се зголеми довербата на народот во правосудството или ќе паднат и под тие 2%.

Народот чека одговори, а одговорите мора да дојдат од страна на опсежна истрага.

Државата е ограбена и уништена. Одговорност за состојбите во кои е оставена земјата мора да има, истакна Петрушевски.

The post Петрушевски: ЈО да не молчи, да почне постапка и да даде одговор каде требале да завршат 23 милиони евра по километар за пругата со тунел без крај appeared first on Република.

Претходната влада предводена од СДС и ДУИ предвидела, ни помалку ни повеќе, 560 милиони евра за пруга кон Бугарија и тунел кој нема излез. СДС и ДУИ покажале дека водејќи ја владата ништо не им било важно, туку само да спроведуваат тендери, обвинуваат од ВМРО-ДПМНЕ.

СДС и ДУИ сакале за третата делница од 24 километри да потрошат 560 милиони евра. Или километар според СДС и ДУИ би чинел околу 23 милиони евра. Што зборува ова? Македонија е ограбена држава! Македонија е држава оставена со големи проблеми, со неплански проекти затоа што претходната власт на СДС и ДУИ имала само една цел – да спроведува тендери за лична корист, се наведува во партиското соопштение.

The post Владата на СДС и ДУИ сакала за пругата кон Бугарија да потроши 560 милиони евра, а истата завршува со тунел кој нема излез! appeared first on Република.

Парите за пругата кон Бугарија нема да може да се пренаменат, со кредиторите може да се зборува за нов заем, вели министерката за финансии Гордана Димитриеска-Кочоска.

Кога барате наменски кредит, не може за друго да го користите. Може само да ги замолиме да ги резервираат средствата и да аплицираме за нов заем - изјави денеска министерката за финансии на средба со новинарите.

Димитриеска-Кочоска вели дека имала средба со претставници на Европската инвестициска банка и дека отворено ги изнела сите аргументи. Според неа, кој е економскиот бенефит од изградбата на оваа пруга, многу поважна е, вели пругата кон Солун за домашните компании.

Премиерот Христијан Мицкоски и министерот за транспорт и врски Александар Николоски изминатиот период изјавија дека ќе се бара пренамена на средствата затоа што пругата завршува во слепа улица.

Вака како што се поставени работите, би било лудо да се сложиме како Влада на проект што завршува на пола тунел во слепа улица и да потрошиме половина милијарда евра народни пари, затоа што вредноста на проектот е 560 милиони евра од тие 360 се кредит, а 200 милиони се грант - изјави Мицкоски во понеделникот.

За третата фаза од железничкиот Коридор 8, од Крива Паланка до границата со Бугарија обезбедени се 560 милиони евра, 350 милион евра се од Европската банка за обнова и развој и од Европската инвестициска банка.

Преку Инвестициската рамка за Западен Балкан земен е грант од 150 милиони евра, а од ИПА 2 програмата 60, 7 милиони евра.

The post Димитриеска-Кочоска: Парите за пругата кон Бугарија не може да се пренаменат appeared first on Република.

Владата ќе бара од ЕБОР и од ЕИБ дел од средствата за изградба на железничка пруга до границата со Бугарија да се пренаменат за изградба на брзата пруга на Коридорот 10 и рехабилитација на постојната пруга на овој Коридот, и овој проект чини 250 милиони евра, изјави денеска вицепремиерот и министер за транспорт и врски, Александар Николоски при увидот во изградбата на патот Ранковце-Крива Паланка. Прашан за пругата која завршува во тунел, Николски истакна дека постои долгогодишна желба за изградба на пруга и поврзување со Софија, но за овој потег какошто вели треба сериозно да се седни со Бугарија и да се разговара.

За овој потег треба да се седне сериозно со Бугарија, да се види дали ова е најдобриот проект, дали тие можат да го изведат од нивна страна и да има алтернативни, поевтини решенија коишто заедно би ги изградиле со коишто би реализирале проект којшто е одржлив и не е толку скапо - изјави Николоски.

Тој појасни дека во моментов постои пруга помеѓу Скопје и Куманово, а се гради и веќе е при крај првата делница која што оди од Куманово до Бељаковце.

Истиот изведувач е којшто го гради и овој пат и работат навистина сериозно. Тоа е австриски „Штрабаг“. Понатаму, втората фаза се гради од Бељаковце до Крива Паланка, за жал оди со многу спора динамика, само 15 проценти се изградени и има несериозен изведувач на таа траса. И третата траса, оваа за која што зборуваме сега е од пред Крива Паланка до граница со Бугарија. Тој проект има неколку маани во себе. Прво, поминува низ Крива Паланка и треба да сруши 20 куќи. Тоа се 20 семејства на коишто треба да им се уништи животот. Второ, имајќи предвид дека поминува низ планински појас нема да можат возовите да се движат со повеќе од 60 километри на час, а поентата е побрзо да се стига а не поспоро. Трето, завршува во тунел којшто на другата страна не води никаде затоа што ние можеме да го изградиме само до нашата територија, а Бугарите воопшто немаат проект за од другата страна - рече Николоски.

Посочи дека од бугарска страна кај Ѓуешево има пруга, но до граница нема пруга и какошто вели Николоски на крај таа пруга не можете да ја поврзете на ништо.

Дали ќе изградат Бугарите и кога ќе изградат е прашање на кое што до денес немаме одговор. Следно, тој проект предвидува на само 24 километри пруга да се изградат 22 тунели, што мислам дека ќе се сложите сите е нереална работа, нема изведувач во Европа којшто ќе може во период од четири години да изгради 22 тунели. Таков нема, и затоа сериозни фирми не се пријавуваат - рече Николоски.

Вицепремиерот и министер за транспорт и врски, Николски додаде дека за овие 24 километри проценетата вредност е 452 милиони евра, со надзор, техничка поддршка и електрификација чини вкупно 560 милиони евра, од коишто 350 милиони евра се кредити.

Кредити коишто иднините генерации треба да ги враќаат со камата, што значи ова ќе е најскапата пруга во Европа. Еден километар ќе чини некаде околу 24 милиони евра. Само за споредба, брза пруга која што оди со 200 километри на час чини помеѓу 10 и 12 милиони евра километар. Обична пруга е многу поевтина. И сега се поставува логичното прашање – дали вреди да се потрошат 560 милиони евра народни пари во сиромашна Македонија каде што ние за 14 милиони евра сме благодарни за донација за пруга која што треба да уништи дел од градот Крива Паланка, да вози со 60 километри на час, да има теоретски 22 тунели и да завршува во тунел којшто не води никаде, односно во превод таа пруга никогаш нема да се заврши само што ќе ги фрлиме парите и ќе имаме ситуација каде што за 10 години уште ќе зборуваме дека пругата не е завршена - рече Николоски при увидот во изградбата на патот од Ранковце до Крива Паланка.

The post Николоски: Владата ќе бара дел од средствата за изградба на пруга до Бугарија, да се пренаменат за брзата пруга на Коридорот 10 appeared first on Република.

Претседателот на Владата на Република Македонија, Христијан Мицкоски во гостувањето во емисијата Топ Тема на ТВ Телма се осврна на средствата од Европската Унија кои се предвидуваат за Македонија во планот за раст и истакна дека министрите Муртезани, Муцунски, Божиновска, Андоновски, Кочовска Димитриевска и Николоски за две недели го имаат завршено досието на државата, нешто кое што претходната власт две години не го направила.

Имавме проблем со некои од обврските за кои знаевме дека не можеме да ги исполниме. Нашето досие е затворено и чекаме сега одобрување од страна на Европската комисија, затоа што дел од проектите кои ги преземала претходната влада, на памет не ми паѓа да продолжам да ги реализирам. На памет не ми паѓа како премиер на оваа влада да потрошам 550 милиони евра за пруга која завршува во слепа улица на половина тунел, без предвидлива иднина како ќе биде понатаму до Црното Море, на основа на црвен фидик, што значи со пенали може да дојде до 750 милиони евра, истакна премиерот Мицкоски.

„Ги замолувам тие пари да ги потрошиме во модернизација на пругата на коридорот 10 и возовите наместо 30 на час да возат 100 на час и наместо три пати да биде намален буџетот на јавното претпријатие Македонски железници – Инфраструктура, да може три пати да биде зголемен и наместо после две години прв пат да имаме една оперативна локомотива, да купиме 5 нови и да имаме повеќе композиции на вагони кои ќе поминуваат во државата.“, рече Мицкоски и дополни дека очекува со вакви средства да се финансира интерконекторот со Грција наместо да се бара ретендерирање или пролонгирање бидејќи тоа може само да ја поскапи цената на чинење.

The post Мицкоски: Претходната власт се задолжила 550 милиони евра од ЕБОР за пруга која завршува во тунел без излез appeared first on Република.

Многу високите температури изминатите денови деформираа дел од пругата на релација Оштарије – Книн – Сплит, но штетата набргу беше санирана.

Работниците на хрватските железници веднаш излегоа на терен. Додека пругата се санира, патниците се превезуваа со автобуси.

По неколкучасовна работа, делницата повторно беше пуштена за сообраќај.

The post Високите температури деформираа дел од пруга во Хрватска appeared first on Република.

Многу високите температури изминатите денови деформираа дел од пругата на релација Оштарије – Книн – Сплит, но штетата набргу беше санирана.

Работниците на хрватските железници веднаш излегоа на терен. Додека пругата се санира, патниците се превезуваа со автобуси.

По неколкучасовна работа, делницата повторно беше пуштена за сообраќај.

The post Од топлото се деформирала дел од пруга во Хрватска appeared first on Република.

Претседателот на Србија Александар Вучиќ денеска на почетокот на изградбата на железничката обиколница околу Ниш изјави дека за него и за Владата на Србија пругата Белград-Ниш е еден од најважните проекти, и нагласи дека ќе се разговара со ЕУ за довршување на делот од пругата од Ниш до Прешево и Македонија, јави дописникот на МИА од Белград.

Вучиќ кој присуствуваше на почетокот на изградбата на железничката обиколница околу Ниш, која е дел од проектот за модернизација и реконструкција на пругата Ниш – Димитровград, на трасата на железничкиот Коридор 10, кажа дека ЕУ донираше 80 милиони евра за изградба на пругата Ниш-Димитровград и 35 милиони евра за обиколницата околу Ниш во должина од 22,5 километри.

Од Белград до Ниш со воз ќе се патува еден час и 40 минути, а од Будимпешта до Ниш само четири и пол часа, рече Вучиќ во Ниш.

Тој посочи дека кога Србија ќе има брза пруга од Белград до Ниш, ќе биде многу побрзо да се патува до Грција и Турција и нагласи дека ќе се разговара со ЕУ за довршување на делот од пругата и од Ниш до Прешево.

Тогаш ни останува само со  Македонија да разговараме. После тоа, со неверојатни брзини ќе стигнеме до Солун и Атина, изјави Вучиќ.

Тој рече дека за него и за Владата на Србија, пругата Белград-Ниш е еден од најважните проекти.

Со Европејците разговаравме за тоа со години. А потоа кога ни кажаа дека ќе ни дадат подарок од 600 милиони евра, тогаш реков одлично, ајде да работиме. Тоа ќе биде нова Србија, поинаква Србија, тоа е она за што сонуваме, изјави Вучиќ.

Претседателот на Србија кажа дека железничката обиколница ќе биде за брзини на возови до 160 километри на час и дека е дел од пругата Ниш-Димитровград и потсети дека во изградба е и делницата до Брестовац во должина од 23 километри.

Останува да завршиме кон Лесковац и Врање, се оди кон тоа да ја изградиме комплетно пругата Ниш-Белград. Сега ја завршуваме Нови Сад-Суботица, целата оваа делница од 108 километри и кога ќе ја завршиме, а мислиме дека ќе завршиме за максимум три и пол до четири години, тогаш ќе имаме нешто што е неверојатно, нешто што не ни сонувавме дека е можно, рече тој.

The post Вучиќ: Пругата Белград-Ниш еден од најважните проекти, со ЕУ разговори за изградба на пруга до Прешево и Македонија appeared first on Република.

Наместо со 20 километри на час, која беше максималната дозволена брзина на движење на возовите на пругата Велес-Скопје, отсега возовите на оваа делница ќе сообраќаат со „неверојатни“ 50 километри на час.

Како што соопштија од МЖ Инфраструктура, ваквата промена доаѓа поради тоа што е завршена санацијата на пругата.

Сектор ЗОП Скопје во изминатиот период работеше на замена на дрвени колосечни прагови и шини на делот меѓу станиците Рајко Жинзифов и Велес. Замената е завршена и брзината од 20 км/час е зголемена на 50 км/час“, соопштија од МЖ Инфраструктура.

Исто така, во изминатиот период се работело на замена на дрвени прагови во станицата Кадина Река на втор колосек, кој досега беше затворен за сообраќај.

Колосекот е пуштен за сообраќај, со што се овозможува вкрстување на возови и зголемување на протокот на железничкиот сообраќај.

The post Наместо со 20 возот Скопје-Велес сега ќе може да се движи со максимална брзина од 50 километри на час appeared first on Република.

Српскиот министер за градежништво, транспорт и инфраструктура Горан Весиќ најави дека утре со македонскиот колега Благој Бочварски ќе потпише Меморандум за изградба на брза пруга од Ниш до Скопје, за што двете земји заеднички ќе побараат средства од ЕУ.

Ќе потпишеме Меморандум со Македонија и јас сум особено горд на тоа, нагласи Весиќ во изјава за белградски медиуми.

Тој изјави дека во тек е проектирањето на делницата Ниш – Прешево, долга 135 километри, а македонските партнери ќе ги проектираат „своите“ 50 километри од границата до Скопје.

The post Србија и Македонија ќе потпишат Меморандум за изградба на брза пруга од Ниш до Скопје appeared first on Република.

The post Запалени прагови на пруга го прекинаа сообраќањето на единствениот воз на релацијата Битола-Прилеп- Велес-Скопје appeared first on Република.