Министерот за транспорт и врски Александар Николоски денеска во одговор на пратеничко прашање ја повика бугарската страна „да се охрабри да се одржи третата средбата што беше плаирана за неделава за изградбата на третата фаза од пругата кон Бугарија.

Одговарајќи на прашање од пратеникот од СДСМ Митко Трајчуловски дали свесно и намерно се одолговлекува изградбата на железничкиот дел од Коридорот 8 и за давање приоритет на Коридорот 10, Николоски рече дека апсолутно е потребна првин рехабилитација и реконструкција на пругата на Коридор 10 и оти секако големата визија е брза пруга, на која би се оперилало со 200 километри на час во патничкиот сообраќај и 120 во товарниот.

-Тоа, според мене би бил крвотокот на Македонија но исто така и користење на стратешката позиција. Додека  тоа го правиме се работи и на Коридорот 8 каде има три дела, рече Николоски. Првиот дел од пругата Куманово-Белјаковце во должина од 31 километар најави дека ќе биде завршен до крајот на годината. За вториот дел, од Куманово до Крива Паланка, посочи дека активностите се одвиваат споро и повикува да постапува Обвинителството.

- Причина е изведувачот, изградени се 27,3 проценти, а рокот е октомври 2026. Го повикувам Обвинителството да истражи како е избрана компанијата Ѓулермак, дали е манипулирано со должината на шини и со начинот на монтирање и на тој начин е отфрлена конкуренцијата. За ова имам доставено и пријави до ЈО  како и ревизроски извештаи, но досега не е направено ништо, рече министерот за транспорт.

Во однос на третата фаза, соопшти дека бугарската страна побарала планираната средба за неделава да се одложи за наредната недела.

- Очекувам да соберат храброст да се одржи и третиот состанок кој беше договорен, еден имаше во Брисел, еден во Софија. Неделава требаше да е во Скопје, сега замолуваат за следната, па за следната. Нека соберат храброст нека дојдат да ја затвориме оваа тема и еднаш засекогаш ова прашање да се затвори, затоа што нашите аргумети се јасни и тие стојат - мора да се направи ревизија на цената, бидејќи е невозможно 560 милиони евра да чини изградба на пруга сосе електрификација, мора да има заедничко проектирање на потенцијалниот тунел што треба да ги спојува двете држави и да си го завршат нивниот дел од работата односно да се спојат до граница, рече Николоски.

Нагласи дека апсолутно треба да ја користиме стратешката позиција на Македонија како крстосница и тоа треба да е приоритет број еден, но, како што рече, исто така треба да сме свесни дека ништо не се правело односно многу малку се правело во однос на ова во минатото.

Во тој контекст оцени дека состојбата со Железницата е повеќе од катастрофална, откако станал министер е обезбедена редовна исплата на плати во железничките претпријатија и оти следен горлив проблем е реструктуирањето и на МЖ Инфраструктура и на МЖ Транспорт.

Николоски тврди дека како резултат на одговорно работење двете железнички претпријатија ќе завршат со позитивни резултати за периодот од втората половина од годината, но оти сепак, поради работењето во првите шест месеци на крај ќе завршат со негативен биланс.

Истакна дека ја подобруваат и лошата состојба што ја наследиле во патничкиот и во товарниот сообраќај.

- Патнички возови скоро и да немаше можност да оперираат. За товарниот имавме тешки напори да се стави во функција, кога станав министер на пругите имаше над 24 композиции за кои немаше локомотива бидејќи на почеток на јуни имаше нула функционални локомотиви. Сега состојбата е подобра, имаме шест функционални локомотиви, а очекувам до крајот на годната да има девет. Не е некое достигнување,  но од нула е многу подобро и веќе се стабилизира карго сообраќајот. Имаме амбиција за стабилизирање и на патничкиот, од декември ќе имаме два воза дневно до Гевгелија, наведе Николоски

The post Николоски за пругата кон Бугарија: Мора да се направи ревизија на цената, бидејќи е невозможно 560 милиони евра appeared first on Република.

Министерот за транспорт и врски Александар Николоски денеска во одговор на пратеничко прашање ја повика бугарската страна „да се охрабри да се одржи третата средбата што беше плаирана за неделава за изградбата на третата фаза од пругата кон Бугарија.

Одговарајќи на прашање од пратеникот од СДСМ Митко Трајчуловски дали свесно и намерно се одолговлекува изградбата на железничкиот дел од Коридорот 8 и за давање приоритет на Коридорот 10, Николоски рече дека апсолутно е потребна првин рехабилитација и реконструкција на пругата на Коридор 10 и оти секако големата визија е брза пруга, на која би се оперилало со 200 километри на час во патничкиот сообраќај и 120 во товарниот.

Тоа, според мене би бил крвотокот на Македонија но исто така и користење на стратешката позиција. Додека тоа го правиме се работи и на Коридорот 8 каде има три дела, рече Николоски.

Првиот дел од пругата Куманово-Белјаковце во должина од 31 километар најави дека ќе биде завршен до крајот на годината. За вториот дел, од Куманово до Крива Паланка, посочи дека активностите се одвиваат споро и повикува да постапува Обвинителството.

Причина е изведувачот, изградени се 27,3 проценти, а рокот е октомври 2026. Го повикувам Обвинителството да истражи како е избрана компанијата Ѓулермак, дали е манипулирано со должината на шини и со начинот на монтирање и на тој начин е отфрлена конкуренцијата. За ова имам доставено и пријави до ЈО како и ревизроски извештаи, но досега не е направено ништо, рече министерот за транспорт.

Во однос на третата фаза, соопшти дека бугарската страна побарала планираната средба за неделава да се одложи за наредната недела.

Очекувам да соберат храброст да се одржи и третиот состанок кој беше договорен, еден имаше во Брисел, еден во Софија. Неделава требаше да е во Скопје, сега замолуваат за следната, па за следната. Нека соберат храброст нека дојдат да ја затвориме оваа тема и еднаш засекогаш ова прашање да се затвори, затоа што нашите аргумети се јасни и тие стојат - мора да се направи ревизија на цената, бидејќи е невозможно 560 милиони евра да чини изградба на пруга сосе електрификација, мора да има заедничко проектирање на потенцијалниот тунел што треба да ги спојува двете држави и да си го завршат нивниот дел од работата односно да се спојат до граница, рече Николоски.

Нагласи дека апсолутно треба да ја користиме стратешката позиција на Македонија како крстосница и тоа треба да е приоритет број еден, но, како што рече, исто така треба да сме свесни дека ништо не се правело односно многу малку се правело во однос на ова во минатото.

Во тој контекст оцени дека состојбата со Железницата е повеќе од катастрофална, откако станал министер е обезбедена редовна исплата на плати во железничките претпријатија и оти следен горлив проблем е реструктуирањето и на МЖ Инфраструктура и на МЖ Транспорт.

Николоски тврди дека како резултат на одговорно работење двете железнички претпријатија ќе завршат со позитивни резултати за периодот од втората половина од годината, но оти сепак, поради работењето во првите шест месеци на крај ќе завршат со негативен биланс.

Истакна дека ја подобруваат и лошата состојба што ја наследиле во патничкиот и во товарниот сообраќај.

Патнички возови скоро и да немаше можност да оперираат. За товарниот имавме тешки напори да се стави во функција, кога станав министер на пругите имаше над 24 композиции за кои немаше локомотива бидејќи на почеток на јуни имаше нула функционални локомотиви. Сега состојбата е подобра, имаме шест функционални локомотиви, а очекувам до крајот на годната да има девет. Не е некое достигнување, но од нула е многу подобро и веќе се стабилизира карго сообраќајот. Имаме амбиција за стабилизирање и на патничкиот, од декември ќе имаме два воза дневно до Гевгелија, наведе Николоски.

The post Николоски: Бугарската страна да собере храброст да се одржи третиот состанок за изградбата на пругата appeared first on Република.

Вицепремиерот и министер за транспорт, Александар Николоски, гостуваше во централниот дневник на ТВ Сител, каде што ги презентираше најновите информации за железничките и патните инфраструктурни проекти. Николоски го истакна значењето на транспарентноста и стратешкиот пристап во решавањето на клучните прашања поврзани со пругите, коридорите и автопатите.

Николоски наведе дека во постојниот договор, требало проектот да биде завршен за 5 години, но бил убеден дека немало да се реализира ни за 15 години. Сега, навистина 5 години ќе значат 5 години.

На прашањето за состојбата со пругата кон Бугарија, Николоски објасни дека е постигнато договорено решение за заедничка работа на тунелот, нешто што претходно не било јасно дефинирано.

Влеговме домаќински во работата. Наместо да потпишам тендер без анализа, одлучив да дејствуваме одговорно. Како може 24 километри пруга да чинат 450 милиони евра, а вкупно со електрификација 560 милиони евра? Како е можно тунел без геотехнички истражувања и без планови да доведе до уривање на 20 куќи во Крива Паланка?“ запраша Николоски.

Министерот објасни дека постигнал важни договори:

Тунелот ќе се гради заеднички и ќе се ревидира проектот од македонска страна за неговата изводливост и цена.

Бугарија прифати да го гради својот дел од пругата.

Рокот за завршување е пет години, што спречува долгорочно одложување.

Во врска со Коридор 10, Николоски истакна дека проектот е од врвен приоритет.

Железничкото поврзување преку Солунско пристаниште не е мое барање, туку реална потреба на бизнисот и земјата. Таму работиме многу интензивно, во железничкиот дел нема споредба меѓу двата коридори, претседателот на сојузот на стопански комори сам рече дека бараме излез на Солунско пристаниште, не затоа што Николоски така кажал, туку тоа се потребите на бизнисот и земјата. Ќе има реконструкција на постојната пруга и изградба на нова, во јануари месец чеќе има конкретни работи кои ќе ги презентирам

За патниот дел, најави пуштање во употреба на експресниот пат од Куманово до границата со Бугарија до крајот на годината. Со ова, времето за патување од Скопје до границата ќе се намали на околу еден час и 15 минути.

Во делот на патно поврзување, до нова година ќе го пуштиме експресниот пат од Куманово до гранцица со Бугарија, што значи дека од Скопје до граница со Бугарија, ќе се патува што по автопат, што по експресен пат и некаде ќе се стига за час и 10, час и 15 минути, пријатно возење што многу го крати патувањето.

Николоски изрази разочараност од бавниот напредок на Бугарија во однос на инфраструктурните проекти.

Од македонска страна се прават значителни напори, но Бугарија треба да го подобри својот дел од патната мрежа, пат кој стои до 70ти години од минатиот век. Исто така, очекуваме развој на граничниот премин Клепало, кој е обраснат со шума, а може да работиме и на  заедничко автопатско решение од Смоквица., Валандово, Струмица, Ново Село, граница со Бугарија, Петрич и да се врзува на автопатот Струма во Бугарија, како трето поврзување што може да го работиме“, истакна Николоски.

Министерот Николоски ја нагласи посветеноста на Владата за подобрување на инфраструктурата, поставувајќи нови стандарди за транспарентност и ефикасност. Тој потенцираше дека, и покрај предизвиците, проектите за железничко и патно поврзување со Бугарија, како и автопатот Охрид-Кичево, ќе бидат реализирани во предвидените рокови.

The post Николоски за пругата кон Бугарија: Тунелот ќе се гради заеднички, Бугарија ќе го гради својот дел од пругата, рокот е 5 години appeared first on Република.

Министерот за транспорт, Александар Николоски изјави дека е започнат дијалог со Бугарија за изградба на пругата која е дел од Коридор 8. Тој рече дека Бугарија ги прифатила нашите аргументи и се очекува втор дијалог на 31 октомври.

- Имајќи предвид дека Бугарија конечно ги прифати нашите аргументи, имаше еден дијалог во Брисел со претставници од двете страни, вториот дијалог ќе биде на 31 октомври во Софија, доколку има потреба од трет ќе се сретнеме во Скопје, ние сме отворени да најдеме заедничко решение, рече министерот одговарајќи на новинарско прашање по денешната прес-конференција на која претстави шест нови авио дестинации.

Николоски посочи дека пругата има смисла само доколку се изгради на двете страни.

https://republika.mk/vesti/ekonomija/nikoloski-so-ubavi-vesti-vo-2025-godina-shest-novi-aviolinii-od-skopje-ke-se-leta-kon-dubai-barselona-ohrid-se-povrzuva-so-istanbul/

- Тоа што го кажував со месеци знам дека на почетокот беше непопуларно но го потврди Бугарската министерка за транспорт која кажа дека немаат проект и би го завршиле до 2026 а би го изградиле до 2030 година. Јас кога кажував дека во тој тендер што го поништив пишуваше дека проектот треба да се заврши за четири години, прашував што ќе правиме, затоа што ако ние го потпишевме тендерот во октомври 2024, требаше да се заврши октомври 2028, а сама Бугарија вели дека ќе работи до 2030 година, појасни министерот.

Потенцираше дека пруга со Бугарија ќе има, како што рече „во оној момент кога ние и Бугарија ќе се договориме дека заеднички ќе ја завршиме пругата, затоа што поентата е Скопје и Софија да се спојат и цената да биде ревидирана“.

- Не може ние да платиме 560 милиони евра за 24 километри пруга. Не може. Недозволиво е, прескапо е, никаде во светот го нема тоа. Брза пруга се гради за 10-12 милиони евра по километар,, тука пруга со 60-80 км на час, спора пруга, 24 милиони евра, недозволиво е толкава да е разликата, каков сака нека е теренот, дополни тој.

На средбата во Брисел, претставници од Македонија и Бугарија се согласија заеднички да го пробијат тунелот на Коридорот 8 што претставува клучен услов за реализација на проектот.

The post Николоски: Пруга кон Бугарија ќе има кога ќе се договориме дека заеднички ќе ја завршиме appeared first on Република.

Начелна согласност за продолжување за завршување на проектот и изградба на пругата на Коридор 8 е постигнат, а министерот за транспорт и врски и вицепремиер, Александар Николовски, изјави дека проектот ќе мора да се смени бидејќи за постоечкиот проект и цена нема согласност од македонска страна.

Почна дијалог вчера во Брисел. Следно за две недели на 31 пак средба. Да видиме. Ние инсистираме на нашите позиции да има заеднички проект и да е изводлив проектот нормално да се разгледа цената, по оваа цена секако дека не можеме. Да видиме што ќе направиме. Јас сеуште сум против овој проект. Овој проект сигурно нема да се работи дали ќе работиме нов, ќе видиме, изјави Николовски за „Телма“.

Во официјалното соопштение на Министерството за транспорт и врски стои дека единствен прифатлив услов на Македонија за реализација на пругата е ако Бугарија почне со проектирање на тунелска цевка, а двете земји заеднички извршат пробивање на тунелот.

https://republika.mk/vesti/ekonomija/makedonija-saka-pruga-kon-bugarija-no-ne-prifaka-realizatsija-na-proekt-shto-zavrshuva-vo-tunel/

The post Николовски за Коридор 8: Овој проект нема да се работи, дали ќе работиме нов ќе видиме appeared first on Република.

Во однос на повиците за оставка му одговорив на Бојко Борисов. Кажав што имам да кажам и стојам зад секој збор што сум го кажал на тема односи помеѓу Македонија и Бугарија. За жал, 20 политичари што се на залез на своите политички кариери, вкупно 20 луѓе од кои дел се политичари на залез на своите политички кариери, а дел се историчари кои не можат да направат никаква друга кариера освен кариера на Македонија, ги уништуваат односите помеѓу два блиски народа како македонскиот и бугарскиот, што мислам дека е трагедија за Бугарија. Јас не можам и не сакам да го правам тоа што го прават бугарските политичари, да кажувам кој треба да ја води Бугарија, но она што можам да го кажам е дека е тажно ова што го прават во односите помеѓу Македонија и Бугарија. Подалечни не сме биле никогаш, што мислам дека многу зборува за енергијата што негативно ја внесоа во нашите односи, така што стојам зад секој збор што сум го кажал на таа тема. Изградбата на пруга е комплетно друго прашање и доколку на другата страна има минимум одговорни луѓе, а сметам дека има, зашто има повеќе од 20 луѓе таму кои се дел од политичката и научна елита, ќе најдеме заедничко решение за да се поврземе со железница.

Ова го истакна денеска заменик-претседателот на Владата и министер за транспорт Александар Николоски, одговорајќи на новинарско прашање по прес-конференција за 100 дена од новата Влада.

Николоски за пругата очекува разумен дијалог со бугарската страна. Како што рече, една од најдобрите опции е двете земји заеднички да настапат пред потенцијални изведувачи, со заеднички проекти.

Можеби ќе бидат похрабри по изборите, мора да најдеме заедничко решение кое е изводливо и да имаме воз Скoпје - Софија кон Црно море. Очекувам во разумен, фер разговор да кажат дали таа траса е најдобра за нив или имаат подобра и да најдеме решение. Треба да направиме и ревизија на проценетата вредност, сметам дека се напумпани и нереални цените, да одиме со пореални цени. Земјава нема извори на нафта, ниту извезува дијаманти за да троши толку пари за толку малку километри. Тендерот го подготвува ЕУ и силно ќе инсиситирам да пишува дека компанијата која ќе учествува може да е од земја членка на Унијата или од земја кандидат или да е компанија која има изградено најмалку определен број километри пруга во земји од ЕУ за да добиеме квалитетна компанија. Се работи за голем проект и не може несерозни компании да го работат, подвлече министерот.

Според него, апсолутно треба да има средба со Бугарија.

Транспарентно ќе ви кажам. За првата дата што беше понудена Бугарија не стигна воопшто да даде одговор зашто јас имав прилично приватни причини кои не би сакал да ги споделувам со јавноста, поради кои кажав само дека на таа дата не можам. И потоа реков дека во текот на септември или октомври која било дата што ќе биде избрана од бугарска страна ќе ја прифатам. Беа понудени од страна на ЕУ три термини за средба во Брисел, за трите бугарската страна одговори дека нема можност да учествува и конечно за овој вторник, значи зборуваме за пред два дена, беше понуден нов термин на кој не знам од кои причини беше предложено наместо на министерско ниво да биде на ниво на заменик-министер или државен секретар. Ние се согласивме и на таа работа и нашите двајца претставници државниот секретар во Министерството за транспорт и директорот на „Македонски железници Инфраструктура“ тргнаа кон Брисел, купија авионски карти, платија хотели и кога стигнаа во Брисел во понеделникот добивме одговор дека бугарската страна не може да дојде во вторник на состанокот зашто имало штрајк на бриселскиот аеродром иако во Брисел нема само еден аеродром, има неколку аеродроми преку кои може да се пристапи кон Брисел. Од ЕК беа доволно учтиви да не информираат дека во вторник ќе има штрајк на главниот бриселски аеродром да користиме или други аеродроми или да дојдеме ден порано. Ние го направиме тоа, отидоа нашите претставници ден порано, бугарските ова го искористија како изговор, нам ни пропаднаа парите за авионски карти и за хотели, но тоа е тоа и во нормални услови ние очекувавме да речат не можеме во вторник, во среда или во четврток затоа што штрајкот беше еден ден, но до денес нов термин нема. Имам разбирање за бугарската страна, но додека не седнеме и не ги решиме овие прашања ние не можеме да имаме проект што е изводлив. Мораме да седнеме и заеднички да се договориме, дециден е Николоски.

За конкретна цифра, колку ова би чинело, додаде, мора да има договор со Бугарија каде ќе поминува трасата.

Во спротивно, ништо нема логика. Да, мислам дека најдобриот начин е да изработиме заеднички проект и заеднички да го тендерираме зашто границите помеѓу државите се вештачка работа, природата е таа која што е. И единствената логика и единствениот начин да се изгради спојување со Бугарија е ние заеднички да настапиме пред потенцијални изведувачи и да настапиме со заеднички проекти. Во спротивно, нема да можеме да се поврземе, многу е едноставна работата. Така што се надевам дека бугарската страна ќе се согласи на оваа работа. Секако, предизвици има и кај нив, доколку се оди по оваа или слична рута треба да дадат одговор што ќе прават со делницата од Ѓуешево до Софија имајќи предвид дека самите изјавија дека им требаат 1,200 милијарди евра за реконструкцијата кои во моментов ги немаат, но тоа се прашања што тие треба да ги одговорат и јас таму не им се мешам. Но, во делот на спојување единствен логичен изводлив начин е да имаме заеднички проект, потенцира Николоски.

https://www.youtube.com/live/Ye8VqxdJgGc?si=8r6uWl6xwmv4a9ms

The post Николоски: Стојам зад секој мој збор за односите со Бугарија, изградбата на пругата е комплетно друго прашање appeared first on Република.

Вицепремиерот и министер за транспорт и врски Александар Николски соопшти дека тендерот за пругата кон Бугарија е пропаднат.

Во интервју за „360 степени“, Николоски вели дека не се откажува од идејата за изградба на пруга кон Бугарија, но дека она што сега е понудено е неизводливо да се реализира. Вели дека нема намера да го распише повторно тендерот во онаа форма во која е сега.

Јас не се откажувам од идејата да изградам пруга со Бугарија, велам само дека тоа што сега е понудено е неизводливо и не може да се реализира. Инаку, сакам да се изгради пруга со Бугарија и ќе направам се за да се изгради, вели Николоски.

Она што треба да се направи, според Николоски, е да се седне со Бугарија и заеднички да се направи проект.

Треба да седнеме со Бугарија, јас би и утре ама претпоставувам ќе сакаат да завршат изборите и таму и да се формира политичка влада, заеднички да направиме проект, да видиме дали оваа линија е најдобра, да видиме дали има подобра линија. Јас мислам дека има и заеднички да направиме проект, заеднички да најдеме финансирање и заеднички да го тендерираме. Само така има логика. Ако правиме башка ние, башка Бугарија, нема да се заврши никогаш, ако настапиме заеднички како соседни држави оти границите се вештачка работа, тогаш мислам дека апсолутно ќе се реализира, истакнува Николоски.

На прашањето дека дел од парите за пругата се грант и дека доколку проектот не се реализира, тие пари ќе пропаднат, Николоски вели дека тие пари секако ќе се изгубат.

- Да ви кажам зошто. На тендерот се имаат пријавено шест турски фирми и една грчка фирма, еве првпат кажувам. Грчката фирма е 250 милиони евра поскапа од проценетата вредност што веројатно доволно кажува колку е изводлив проектот. Останатите шест јас гарантирам дека немаат намера да градат. Имаат намера да го земат авансот и да ги снема. Така нема да пропаднат парите?, посочува Николоски во интервјуто

https://youtu.be/GecV66X4nsg?si=DHnkB8dERciGMYCC

The post Николоски: Тендерот за пругата кон Бугарија пропадна, она што е сега понудено е неизводливо за реализација appeared first on Република.

Криминалците нема да профитираат од проектот со Коридорот 8, односно изградбата на кракот до границата со Бугарија, а Владата со помош на Брисел ќе најде техничко решение, истакна денеска премиерот Христијан Мицкоски.

- Во комуникација сме со одговорните во Брисел, подготвени сме на технички дијалог. Ја прифативме понудата да учествуваме во процесот во Брисел во кој заедно ќе најдеме техничко решение. И добро е што се изборивме да не потрошиме најмалку 500 милиони евра пари на македонските даночни обврзници и 250 милиони евра пари на европските даночни обврзници во процедура полна со технички недостатоци и основано сомнение за корупција и криминал, изјави Мицкоски.

Одговарајќи на новинарски прашања по пуштањето во употреба на доградба на градинката „Гоце Делчев“ во општина Илинден, Мицкоски побара трпеливост во однос на прашањето за пријавување на понудениот поткуп за реализација на проектот.џсс

Според него, добро е што граѓаните нема да потрошат половина милијарда евра за изградба на, како што нагласи, пола тунел во слепа улица и дека на 30 семејства од Крива Паланка нема да им бидат урнати куќите, туку ќе најдат начин како сето тоа технички да го направат.

The post Mицкоски со ЕУ ќе бара решение за пругата кон Бугарија appeared first on Република.

Ограбена држава - 560 милиони евра за пруга кон Бугарија и тунел кој нема излез, предвидела претходната влада на СДС и ДУИ, за кои не е важно што нема економска оправданост, затоа што им важно само да тендерираат, рече на денешната прес-конференција пратникот Бране Петрушевски.

Македонија е оставена на цедило, со големи проблени, ограбена и со неплански проекти. Не одговорен е пристапот на претходната власт да се трошат 560 милиони евра за третата делница од пругата кон Бугарија долга 24 километри. Да, за 24 километри власта на СДС и ДУИ сакаше да потроши 560 милиони евра. Дали е оправдано? Секако дека не! Километар пруга според математиките на претходната власт би чинел над 23 милиони евра. Цената на чинење е само еден од проблемите. Пругата од 24 километри, треба да има 22 тунели, од кои последниот нема излез. Да, СДС и ДУИ предвиделе пругата кон Бугарија да завршува во тунел кој нема излез, затоа што од бугарска страна нема ниту проект за истата. Економски неоправдано е да се фрлат 560 милиони евра за пруга која завршува во тунел без крај. 560 милиони евра, можат да се потрошат на модернизација на пругата од Табановце до Богородица и истата да може да се користи од возови кои би се движеле до 120 километри на час, а би чинела 250 милиони евра, односно на половина од тоа што СДС и ДУИ планирале за 22 километри пруга со тунел без крај, рече Петуршевски.

The post За 24 километри пруга кон Бугарија власта на СДСМ и ДУИ сакаше да потроши 560 милиони евра appeared first on Република.

Премиерот Христијан Мицкоски смета дека Бугарија за внатрешно – политички потреби ја политизира најавата на Владата за пренамената на средствата за изградбата на пругатата кон Бугарија, а која се темели, вели, на чисто инженерски проблем, бидејќи од бугарска страна не постои јасен проект.

Ние не зборуваме за каква било промена на интерес. Ние едноставно зборуваме како треба работите да бидат поставени на правилна патека. Вака како што се поставени би било лудо да се сложиме како Влада на проект кој завршува на пола тунел во слепа улица и да потрошиме половина милјарда евра народни пари, затоа што вредноста на проект е 560 милиони евра од тие 360 се кредит, а 200 милиони се грант. Станува збор во прва фаза 360 милиони се пари на македонските даночни обврзници и 200 милиони на европските даночни обврзници. Во тендерската документација стои дека принципот на изработка на проектот е по жолт фидик, а тоа значи дека сумата, буџетот кој е определен е буџет за реализација на овој проект и дека не се предвидува дополнителни пенали или дополнителни работи. Но тоа не е така бидејќи двете страни потоа во тендерската документацијата стои дека изведувачот има право на пенали и на дополнителни работи. Што значи дека е практично црвен фидик, па многу лесно проектот може да дојде до 750, 800 милиони евра. Ова го кажувам како инженер не како премиер, тоа ќе подразбира минимум 500 милиони евра пари од буџетот, од граѓаните и 200 милиони евра пари на европските даночни обврзници за 24 километри, 22 тунели кои што ќе завршат на пола тунел во слепа улица без да знаеме што ќе се случува од бугарска страна, бидејќи таму нема јасен проект дали тунелот ќе продолжи, вели Мицкоски на новинарско прашање по презентацијата на новите шест лесни оклопни возила JLTV во касарната „Јане Сандански“ во Штип.

https://republika.mk/vesti/makedonija/mitskoski-prashuva-koja-e-prichinata-bugarite-da-bidat-del-od-nashiot-ustav-i-zoshto-toa-go-prifatile/

Во однос на намерата за пренамена на средствата од заемот од Европската банка за обнова и развој и од ЕИБ земен од претходната Влада, за изградба на пругата кон Бугарија, која завршува во тунел, тој очекува разбирање од кредиторите.

Ние сега велиме дајте луѓе да го направиме ова како треба да лечиме потоа, наместо да превенираме. Среќа што се случи промената па можеме се уште да превенираме, па велиме дајте да го видиме проектот од бугарска страна – нема таков. Дајте тој да го направиме, зошто на пола тунел да завршуваме, дајте да завршиме да биде навистина континуитет до Црното Море, како што предвидува стратешкиот коридор, стратешки и за НАТО Алијансата од Црното Море преку Бугарија, од кај нас, Албанија до Италија. Ајде да биде како што треба и мислам дека ќе наидеме на разбирање. Јас не правам политика од ова како што тоа го прават кај нашиот источен сосед. Жалам што повторно за нивни внатрешно – политички потреби тие прават политика од сето ова. Ова е инженерски проблем, нема врска со политика. Сакаме да го направиме Коридорот 8, прв сум за тоа, но да биде како што треба. Неодговорно е да влеземе во авантура во која што не се знае дали ќе има крај и кога ќе биде крајот. Не сакаме да ни случи новиот автопат Охрид – Кичево само сега во овие 24 километри, рече меѓу другото Мицкоски.

https://republika.mk/vesti/ekonomija/se-raspaga-konstruktsijata-na-stolbovite-koi-se-pravat-na-prugata-kon-bugarija-alarmira-noviot-direktor-na-zheleznitsi/

Мануел Сарацин, специјалниот германски пратеник за Западен Балкан минатата недела во изјава за бугарски медиум искоментира дека европскиот транспортен Коридор 8 е од стратешко значење за регионот, но оти според него, новата влада во Скопје неделава покажала оти изгубила интерес за негово спроведување и дека наместо овој коридор, во Скопје се дало приоритет на Коридорот 10.

Лично верувам дека не е во надлежност на една земја да ги менува европските приоритети во транспортната политика. Ова е долг и комплициран процес со многу различни договори. За време на моите разговори во Софија, разбрав дека Бугарија е збунета, но и загрижена од ова барање на Скопје. Изградбата на Коридорот 8 секако е од стратешко значење, вели Сарацин.

The post Тунел завршува во слепа улица зошто Бугарија нема јасен проект, жалам што прават политика од ова appeared first on Република.

На пругата кон Бугарија столбови се прават со арматурни конструкции кои се распаѓаат, предупредува Синиша Ивановски, новиот директор на Железници. Во фејсбук пост го пренесува своето искуство од посетата на втората делница од пругата према Бугарија, за која вели била „запрепастувачка и разочарувачка“.

Ви ја пренесуваме неговата објава во целост:

Пруга кон Бугарија

Малку подолг пост но со оглед на сериозноста и не може пократко.

Претходниов петок 26.07 бев на терен на втората делница од пругата према Бугарија. Вториот дел е од Бељаковце до Крива Паланка.

На терен сликата во најмала рака беше запрепастувачка и разочарувачка.

1:

Требаше да се бетонира темел за столб за мост. Пред да се бетонира целата арматурна конструкција им се распадна како да е направена од цевки за пиење сок а не од арматурни шипки со дебелина од ф28мм и ф32мм.

Поточно вертикалните арматурни шипки кои се всушност самиот столб на мостот по кој ќе се движи воз се урнаа врз целата конструкција.

Внимавајте, столбот што ќе се изгради врз овој темел треба да биде висок 13м и по него и другите столбови ќе минува мост (пруга) и возовите ќе пренесуваат патници. За ризикот проценете сами.

На слика 2 се гледаат и сеграгација на бетонот и пукнатини при неквалитетно бетонирање.

Да не знае човек дали сака таму да има пруга или побезбедно е за сите нас да нема.

Додатно: откако стигнав на терен магично се појавија и претставници на фирмата изведувач.

На моето прашање што е причината за оваа ситуација ми одговорија дека ветерот ги дувнал арматурите. Одговор за потценување на интелегенција, но сепак им дадов и втора шанса за корекција на одговорот. На тоа ме поканија во "кафанче на рипче". Неколку пати. Се разбира дека одбив.

На нивните аматерски одговори следеше мое образложение до нив зашто им се случило тоа што им се случило со темелот. Па тука сфатија дека разговараат со некој што подобро од нив ја разбира проблематиката, па така фатени на дело во нивното "дело" од немоќ следуваше уште една покана "за рипче"

Вистината е дека планираа 9м висока арматурни шипки со пречник од ф28мм и ф32мм да ги прицврстат со 15цм "L" превиткување кои очигледно дека ни тоа не го врзале (армирале) соодветно. Далеку од тоа.

Се работи за фирма подизведувач Андра Центрум која веќе од владата била ставена на црна листа додека на истиов потег работела германската фирма Вибе и истава фирма не смее да работи на овој проект, но го смениле називот на фирмата и ете ги пак на терен под името Инфраструктура ДООЕЛ.

Просто генијално и иновативно.

2: Надзор ИРД.

Задача на надзорот е да го надгледува процесот на градба. Поготово во вакви ситуации кога има бетонирање на столбови. Од надзорот ни "н" на терен а треба да се секојдневно и постојано таму. На хартија тие се секој ден на терен и тие го наплаќаат тоа а на терен ги нема. Прашањето на кое ќе побарам одговори е кој им потпишува, а дали е вистина дека се има случувано лица ангажирани од фирмата за надзор воопшто да не биле во државата а тие да стојат во докумети кои ги наплаќаат дека биле на терен на изградба на пругата.

На втората фотографија (слика 2) се гледаат и сериозни сегрегации и пукнатини на бетон.

Квалитет на изведба: личен став е дека е под незадоволително ниво.

3: Ѓулермак - ИРД (изведувач - надзор)

Договорот за градба е 155 милиони евра. Додатна сума на ова е предвидена од 10% за непредвидени работи.

Средства обезбедени со грант од WBIF и заем од ЕБРД.

Моменталниот прогрес е 17.5% (27мил. евра)

Овие 10% непредвидени работи (15.5 мил евра) веќе ги имаат искористено во добар дел. "непредвидени"5.3 мил евра за мост број 11, и 2.8 мил евра затоа што доцнела државата за визите за работници од странство. Пошто откако пристигнаа работниците го гледаме нивниот "прогрес" пд 17.5% а рокот за целокупното завршување на проектот е Октомври 2026та. Нема шанса да го стигнат, затоа што наместо да го стават фокусот да градат тие го ставаат фокусот на креирање ситуации за пенали кон државата, а надзорот ИРД без никаков проблем им ги прифаќаат нивниве побарувања и варијации (вкупно 13 до сега во износ над 1 мил евра).

И сè тоа на терет на државниот буџет.

За вакво неодговорно и несериозно однесување кон државните капитални инфраструктурни проекти пред се ќе го информирам министерството за транспорт и врски како надлежно министерство и Владата, а ќе пратам соодветна информација до банките финансиери на овој проект.

The post Се распаѓа конструкцијата на столбовите кои се прават на пругата кон Бугарија, алармира новиот директор на Железници appeared first on Република.

Пруга во должина од 22,4 километри за која е предвидено да чини 560 милиони евра, а завршува во тунел кој нема излез на другиот крај. Ваква е состојбата со пругата кон Бугарија, дел од Коридорот 8, за која на прес-конференција, алармираше новиот министер за Транспорт и врски, Александар Николоски.

Повикувајќи се и цитирајќи податоци од „Ревизорскиот извештај за реализација на капитални инвестиции“ изготвен од Државниот завод за ревизија, Николоски информира дека самиот проект наместо првично планираните 340 милиони евра е со со зголемена предвидена цена за 220 милиони евра. Со тоа е дојдено до сума според која, како што истакна Николоски, оваа пруга ќе биде најскапата во светот во однос на цената за изградба на еден километар.

Истовремено, целата тендерска постапка за овој проект се спроведува во време на избри, односно почнат е во момент кога, иако не беа официјално распишани, беше познато дека ќе има избори, а токму на денешниот ден, кога новата влада е во својот трет ден од стапувањето на функција, е последниот ден до кога се доставуваат понуи на тенедерот.

Денешниот ден е последниот ден кога според законските одредби, мандатарот требаше да го достави составот на новата влада, што покажува дека целата постапка е планирана да биде спроведен во изборниот период, односно во моментите кога се уште нема да има нова влада.

 

Освен што цената на постапката е зголемена за 220 милини евра, проектот, кој опфаќа изградба на пругата од пред Крива Паланка до границата со Бугарија, предвидува пругата да поминува низ самиот град, поради што ќе треба да бидат срушени десетици куќи, да се селат луѓе.

 

Дополнително, според проектот, пругата завршува во тунел без излез на другиот крај. односно од македонска страна се предвидува влезот во Бугарија да биде преку рунел, но од другата страна, Бугарија нема ниту проект за тунелот од нивна страна. Затоа, прашање е дали кога ќе го прават проектот, ќе предвидат ваков тунел или не, како и дали воопшто од нивна страна е возможна изградба на тунел или ќе има некои тешко премостливи пречки“, реагира Николоски.

Министерот, сепак, посочи дека засега ниту тој, ниту Владата, не може да направи ништо за евентуално поништување на оваа постапка. Николски најав дека ќе иницира процес на евалуација заедно со меѓународните кредитори, за се разговара за ревидирање на проектот.

Николоски го повика Јавното обвинителство да го испита работењето на ЖРСМ Инфраструктура.

https://republika.mk/vesti/makedonija/vo-zhivo-pres-na-ministerot-za-transport-nikoloski/

The post Николоски: Предвиделе пругата кон Бугарија да биде најскапата во светот и да завршува во тунел без излез од другата страна appeared first on Република.

Објавен е тендерот за избор на изведувач на третата делница од пругата кон Бугарија, од Крива Паланка до бугарската граница. Истовремено, во тек е и процесот за избор на надзорен инженер и на консултант за техничка помош на инвеститорот (ЖРСМ Инфраструктура).

Се очекува во првиот квартал 2024 година да се избере консултант за техничка помош, во вториот квартал надзорен инженер, додека пак тендерската постапка за избор на изведувач да се заокружи во третиот квартал на 2024 година. Според оваа динамика, активностите на терен би започнале во 2025 година за што повеќе детали ќе се има по одобрување на динамичниот план на изведувачот, изјавија за МИА од ЈП ЖРСМ Инфраструктура.

Постапката за експорпријација за оваа делница е во тек, а досега се завршени 60 проценти, претежно во руралните средини.

Средствата во износ од 560 милиони евра како проценета вредност за оваа делница се веќе обезбедени, со грант од 61 милион евра од ИПА компонентата, 149 милиони евра од ВБИФ и два заеми од ЕБОР и ЕИБ од по 175 милиони евра.

Во наредната година, ЖРСМ Инфраструктура најавува дека ќе продолжи со градежните работи кои се во тек на двете делници на источниот дел од Коридор 8, на делницата Куманово - Бељаковци и на Бељаковци - Крива Паланка.

Од Министерството за транспорт и врски и од ЖРСМ Инфраструктура велат дека на првите две делници од пругата кон Бугарија, работите се одвиваат согласно одобрените динамички планови на изведувачите Ѓулермак и Страбаг.

Делницата Куманово до Бељаковц е изградена над 45 проценти и според оваа динамика, Министерството за транспорт очекува да биде пуштена за сообраќај во октомври следната година.

За втората фаза од Бељаковце до Крива Паланка прогресот на работи е над 18 проценти, таму изведувачот ги надмина сите предизвици и според договорниот рок очекуваме да биде завршена во февруари 2026 година, изјавија за МИА од Министерството за транспорт и врски.

Инвестицијата за првите две фази изнесува околу 200 милиони евра.

Работна група за западниот железниччки дел од Коридор 8

За изградбата на западниот дел од железницата на Коридор 8, формирана е работна комисија која работи на постапките за изградба и на овој дел од пругата.

Планирано е да се реализира во две фази, од Кичево до Струга и од Струга до границате со Албанија.

Во овој момент комисијата работи на апликација за грант средства до КОНЕКТА кои ќе бидат потребни за да се направи ревизијата на основниот проект, информираат од Министерството за транспорт. МФ работи на преговори со меѓународни институции за финансирање за изградба на овој западен коридор, информираат од ресорното Министерство.

Трите проектирани делници на источното крило на Коридорот 8 се со вкупна должина од 89 километри (од Куманово до Бељаковце 31 километар, од Бељаковце до Крива Паланка 34 и од Крива Паланка до граница со Бугарија 24 километри). Проектираната пруга на западното крило на потегот од Кичево до границата со Албанија е 63 километри.

The post Објавен тендерот за третата фаза од пругата кон Бугарија appeared first on Република.

Активно се работи на двете делници за пругата кон Бугарија. Проектот е со најголема инвестициска вредност од независноста на државата до денес, 200 милиони евра, рече денеска министерот за транспорт и врски Благој Бочварски. Како што истакна, одговорајќи на новинарски прашања, тендерот за третата и најтешка делница се очекува да биде распишан до крајот на оваа година.

За брзата пруга Скопје - Ниш, пак, информира, во рок од 30 дена ќе се направи акциски план.

Склучивме договор пред две години со една, па потоа и со втора компанија за втората делница за пругата кон Бугарија. Активно се работи на двете делници. Градбата на првата делница очекуваме да заврши некаде на крајот на наредна година, а да продолжи да се работи на втората и секако, очекувам да биде распишан тендерот и за третата и најтешка делница до крајот на оваа година бидејќи таа се работи согласно ИПА-процедурите на ЕУ и во финална фаза сме пред распишување на тендерот за избор на изведувач и на третата фаза. Тоа се големи проекти што имаат вредност на чинење по 500, 600 милиони евра и за нивна реализација е потребно време. Но, зошто 30 години досега тие проекти не биле реализирани, е прашање што треба да се постави на оние кои во минатото ги управувале институциите, рече Бочварски по увидот во реконструкцијата на улицата „Леце Котески” во Прилеп.

За брзата пруга Скопје - Ниш, информира, во рок од 30 дена ќе се направи акциски план од страна на работни групи од двете страни кои ќе ги прецизираат чекорите и постапките.

Она што ние денеска го правиме е комплетно отворање на сите процеси, и на пругата кон Бугарија, и на пругата што ја завршивме Битола – Меџитлија, и на автопатот Прилеп – Битола и на експресниот пат кон Прилеп кој исто така 20 години се ветува на секоја изборна кампања. Граѓаните го слушаат тоа ветување, но денеска сето ова се работи. Така што, во однос на брзата пруга можам да истакнам дека во рок од 30 дена ќе се направи акциски план од страна на две работни групи од двете страни кои ќе ги прецизираат чекорите, постапките, делумно и начините на проектирање и синхронизација на целиот проект. Дополнително, ние веќе го одобривме Законот за задолжување за изградбата на заедничкиот железнички граничен премин Табановце што ќе се гради од македонска страна, а ќе биде заеднички за двете страни. Ова се проекти кои навистина даваат друга слика и убеден сум дека во наредните години ќе гледаме и нивна реализација и пуштање во употреба, потенцира министерот кој во посета на Прилеп беше заедно со премиерот Димитар Ковачевски.

Во меѓувреме, возот од Скопје кон Битола не вози веќе 10тина дена, возот кон Меџитлија е празен, зошто нема каде понатаму, а не се започнати никакви градежни активности за ветениот автопат.

The post Додека едвај возат постоечките возови, активно се гради пругата вредна 200 милиони евра кон Бугарија appeared first on Република.

Драго ми е што можам да кажам дека до 18-ти месецов, определените фирми за градба на проектот ќе почнат со работата, а официјалниот настан за почеток на градбата како држава би го означиле на 29-ти октомври. Со тоа почнува градбата на првите две делници: од Куманово до Бељаковце, со должина од 31 километар и ќе ја гради конзорциумот „Штрабак”, сочинет од компании од повеќе држави. Проекното време е 24 месеци, меѓутоа од самата компанија имаме најава дека би завршиле со работа за 18 месеци. Вториот дел ќе го работи турската компанија „Ѓулермак” и проектното време за изведба на овој проект е предвидено да биде во рок од 36 месеци. Тоа значи дека до крајот на 2025 година би имале завршено двете фази од пругата кон Република Бугарија, информира денеска директорот на „ЖРСМ Инфраструктура”, Хари Локвенец.

Што се однесува до третата делница, од Крива Паланка до границата со Бугарија, директорот информира дека во завршна фаза е подготовката на тендерската документација, која би требало да се објави најдоцна до почетокот на 2023 година и изборот да биде завршен до крајот на следната година, кога би требало да биде означен и почетокот на изградбата.

-Заради условите на ЕУ и заради потребата да го покажеме својот капацитет, својата подготвеност да го сработиме тоа, ние мораме да ја почнеме изведбата на овој дел од пругата кон Бугарија до крајот на 2023 година. Земајќи предвид дека предвиденото време за градба на тој дел е четири години, значи дека до крајот на 2027 година ние би имале готова пруга кон Бугарија, истакна Локвенец.

The post Локвенец: До крајот на 2027 би имале готова пруга кон Бугарија appeared first on Република.

Директорот на „ЖРСМ Инфраструктура“, Хари Локвенец, најави дека на 29 октомври оваа година официјално ќе биде означен почетокот на изградбата на првите две делници од пругата на Коридорот 8 – од Куманово до Бељаковце и од Бељковце до Крива Паланка, а работите треба да се финализираат до крајот на 2025 година, за што се обезбедени сите потребни средства и е завршена експропријацијата на земјиштето.

Како што информира Локвенец, делницата од Куманово до Бељаковце, во должина од 31 километар, ќе ја гради конзорциумот „Штрабак“, сочинет од компании од повеќе држави. Проектното време за оваа делница е определено на 24 месеци, меѓутоа, посочува тој, од самата компанија има најава дека би завршиле со работа во рок од 18 месеци. Вториот дел ќе го работи турската компанија „Ѓулермак“ и проектното време за изведба на овој проект е предвидено да биде во рок од 36 месеци. Двете компании работите на терен ќе ги започнат на 18 октомври.

Тоа значи дека до крајот на 2025 година ние би ги имале завршено двете фази од пругата до Република Бугарија, до Крива Паланка - изјави Локвенец, при што дополни дека 54 проценти од првата делница е веќе изградена.

Што се однесува до третата делница, од Крива Паланка до границата со Бугарија, директорот информира дека во завршна фаза е подготовката на тендерската документација, која би требало да се објави најдоцна до почетокот на 2023 година и изборот да биде завршен до крајот на следната година, кога би требало да биде означен и почетокот на изградбата.

Проектното време за завршување на овој дел од пругата е четири години и ве уверувам дека овде не е прашање дали можеме. Заради условите на ЕУ и заради потребата да го покажеме својот капацитет, својата подготвеност да го сработиме тоа, ние мораме да ја почнеме изведбата на овој дел од пругата кон Бугарија до крајот на 2023 година. Земајќи предвид дека предвиденото време за градба на тој дел е четири години, значи дека до крајот на 2027 година ние би имале готова пруга кон Бугарија. За да стигне возот до Софија или од Софија до Скопје потребно е и нашите колеги од бугарска страна да ја завршат својата работа. Имаме ветување со нивните проекции дека својата работа тие ќе ја завршат до 2027 година. Тоа значи дека буквално сме комплементарни во својата работа и се надополнуваме во реализацијата на овој важен инфраструктурен проект - нагласи Локвенец.

Тој уверува дека роковите ќе бидат испочитувани, со оглед дека се исполнети сите три предуслови – обезбедени се средствата, со огромна помош од ЕУ и грант средствата кои ги имаме добиено од Унијата, како и од ЕБРД со поддршка на канцеларијата на оваа банка во Скопје. Второ, според Локвенец, во однос на културното наследство или археологијата, од релевантни државни институции е потврдено дека на самата траса на пругата нема големи археолошки наоѓалишта и некрополи кои би ја спречиле или би ја забавиле градбата на овој проект.

За третата и многу важна работа – експропријацијата. Првпат можам да ја информирам македонската јавност дека пред почеток на самата градба „Македонски железници – Инфраструктура“ стопроцентно ја има завршено експропријацијата и таа нема да претставува закана во понатамошниот тек на реализација на овој проект. Четвртата работа можеме слободно да ја спомнеме, тоа е квалитетот и посветеноста на фирмите изведувачи за која се надевам дека сме ги избрале вистинските и дека станува збор за капацитативни компании со желба и да се докажат пред европскиот пазар дека се подготвени да реализираат ваков проект и со сите овие предуслови од наша страна убеден сум дека и тие ќе одговорат на предизвикот на време на реализација на овој проект - вели Локвенец, кој додава дека за првите две делници од пругата Куманово до Крива Паланка се решени 1500 предмети за експропријација.

Тој најави дека на 11 октомври првпат како претставници на земја не членка на ЕУ, што случајно се совпаѓа со нашиот државен празник – Денот на народното востание на македонскиот народ, во Брисел „ЖРСМ – Инфраструктура“ ќе бидат во можност пред европратениците да ги промовираат македонските инфраструктурни проекти во железницата

Од една страна да го промовираме досега сработеното и во исто време да зборуваме и за сите идни планови кои се во насока на исполнување на европската стратегија поврзана со железничката инфраструктура - нагласи Локвенец.

Што се однесува до западното крило од Коридорот 8 кон Република Албанија, во должина од 63 километри, односно делницата од Кичево до Лин, Локвенец појасни дека поради забелешките од УНЕСКО, ќе се изврши промена на трасата во делот кон Лин, поради потенцијални ризици по Охридското Езеро од градбата на логистичката инфраструктура на пругата. Поради нејзината стратешка важност, очекувањата се оваа делница, да биде завршена до 2030 година и од потребните 530 милиони евра 50 проценти да се обезбедат во форма на грант од ЕУ.

Со завршување на западното крило, всушност ние би го завршиле целиот Коридор 8 и тоа е од исклучителна важност за нашата држава зошто на таков начин со целосното градење на Коридорот 8 и поврзувањето на Драч како Јадранско или Средоземноморско пристаниште со пристаништата во Бургас и Варна на Црното Море, со поврзувањето на Средоземноморскиот со Црноморскиот регион, го градиме континенталниот Босфор на Балканот и во Европа. Втора работа, со завршувањето на нашиот дел од Коридорот 8, ние придонесуваме кон креирање на коридор со кој ќе се поврзат три НАТО држави и трета многу важна работа е дека ќе придонесеме преку овој коридор да учествуваме во промовирање на европската Зелена агенда, зошто само преку железници вие можете да пренесете 1500 тони стока во еден здив и со минимум загадување на околината кое во овој момент е исклучително важно - подвлекува Локвенец.

Во овој контекст, додава тој, многу е важно и приклучувањето на Македонија кон иницијативата „Три мориња“.

Пругата е многу важна работа поврзана со европските иницијативи и агенда е дека единствено ние и Република Албанија, недостасуваме во иницијативата „Три мориња“, многу интензивна во овој момент од страна на ЕУ, а тоа е поврзувањето на Балтичкото со Црното и Јадранското Море. На таков начин покажуваме не само дека сме територијално географски дел од ЕУ, туку и со сите овие активности покажуваме капацитативност дека сме рамо до рамо со нашите европски пријатели и можеме да учествуваме во реализација на сите проекти предвидени од страна на ЕУ - изјави Локвенец.

Инаку, Бугарија за Коридорот 8 има добиено 1,8 милијарди евра од ЕУ која целосно ќе ја финансира изградбата на нова траса од Софија кон Ѓуешево.

Според проектната документација, на првата делница од пругата од источното крило на Коридорот 8 треба да бидат изградени железнички станици во Ново Куманово, Шупљи Камен и Бељаковце, како и шест стојалишта, на втората ќе има станици во Крива Паланка и Гиновце и три стојалишта, додека на третата, долж 24 километри се проектирани 25 тунели и 51 мост.

Проектот за пругата кон Бугарија е почнат во 1994 година, а работите првпат беа стопирани во 2004 година. Продолжија една деценија подоцна, во март 2014 година, но не беше испочитуван поставениот рок за завршување на работите до 2016 година, поради, според официјалните образложенија, проблемите од имотно-правен карактер. Активности на терен нема од јуни 2020 година, кога тогашниот изведувач германски „Вибе“ еднострано го раскина Договорот.

Европската банка за обнова и развој (ЕБОР) лани во јануари објави тендер за избор на изведувачи на пругата, а постапката беше заокружена минатиот месец, кога беа потпишани договори со „Штрабак“ и „Ѓулермак“. Дел од тендерот е и договорот за реконструкција на пругата од Ногаевци до Неготино на Коридорот 10, во должина од 31 километар, а изведбата на инвестицијата од 4,8 милиони евра ја доби „Штрабак“. Вкупната финансиска конструкција за трите договори изнесува над 200 милиони евра. 

The post Локвенец најави дека на 29 октомври почнува градбата на првите две делници од пругата кон Бугарија appeared first on Република.

Од ВМРО-ДПМНЕ посочуваат дека неспособноста на власта на СДСМ и ДУИ повторно излезе на виделина со нереализирањето на планот за изградба на пругата кон Бугарија.

6,5 милиони евра државата платила за пенали поради нереализација на пругата, втората делница кон Бугарија. Ем нема пруга кон Бугарија, ем 6,5 милиони евра помалку во Буџетот. Бочварски, но и Ковачевски мора кривично да одговараат за оваа штета врз Буџетот на Македонија, како и штетата да ја платат со сопствениот имот. Одговорност за ова катастрофално работење мора да има - наведуваат од ВМРО-ДПМНЕ.

Од партијата велат дека министрите од оваа криминална власт ги бива само за сликање и потпишување на протоколи за соработка со соседите, но целосно се неспособни да изградат еден километар железничка пруга.

Помпезно најавуваната изградба на пругата како дел од добрососедските односи со Бугарија остана заглавена во Протоколот со направена милионска штета врз џебот на граѓаните. Со 6,5 милиони евра кои државата ги даде за камати и пенали можеа да се набават десетици патнички вагони, лакомотиви, а можеа да се реконструираат и десетина километри од железнички пруги во Македонија. Недомаќинското работење со државните пари, граѓаните ќе го казнат на следните парламентарни избори. Секој украден денар од Буџетот ќе биде вратен и секој кој украл од граѓаните ќе одговара - додаваат од ВМРО-ДПМНЕ.

The post ВМРО-ДПМНЕ: Треба кривична одговорност за Бочварски и Ковачевски, штетата од 6,5 милиони евра на Буџетот да ја платат од сопствениот имот appeared first on Република.

Минатата година на Европската банка за обнова и развој сме му платиле 6,5 милиони евра казна во камати и трошоци за нереализирани средства поради договорен, а неповлечен заем за изградба на пругата Бељаковци - Крива Паланка, пренесува „Фактор“. Станува збор за втората од вкупно три делници кои треба да се изградат за железничко поврзување со Бугарија преку Коридор 8.

Ова го потврдува Јавното претпријатие за железничка инфраструктура, во својот годишен извештај за минатата година, во која повторно влегло во загуба од 5 милиони евра со пресметана амортизација, иако приходите во 2021 биле за 1,5 милиони евра поголеми од една година претходно.

„Инфраструктура“ овие пари му ги исплатил од сопствени средства на ЕБОР во текот на минатата година кои изнесувале 393.930 милиони денари. Вкупните трошоци за камати и неповлечени средства кон меѓународниот кредитор изнесувале 405.413 милиони денари, затоа што 11.483.000 денари како казнени пенали кон ЕБОР биле платени и за делницата Куманово - Бељаковци.

Повеќе на „Фактор“

The post Лани сме добиле 6,5 милиони евра казна од ЕБОР за неградење на пругата кон Бугарија appeared first on Република.

Новите изведувачи на работите на пругата кон Бугарија ќе добијат пристап до градилиштата месецов, а во тек на следниот се очекува и да стартуваат со конкретна работа, откако во меѓувреме ќе ги завршат административните процедури, со регистрација на подружници и обезбедување на потребните сертификати и  одобренија.

„Штрабак“ треба да ја заврши работата за реконструкција и доизградба на првата делница, Куманово- Бељаковце, каде од јуни 2020 година нема работа на терен, а „Ѓулермак“ целосно да ја изгради втората Бељаковце-Крива Паланка. Нивен ќе биде раководниот и инженерскиот кадар, а наш оперативниот и градежната механизација.

Хари Локвенец, директор на ЈП ЖРСМ Инфраструктура, државното претпријатие инвеститор, ветува максимална транспарентност на прогресот на работите, со оглед на „минатото“ на повеќедеценискиот проект, со повеќекратни застои, на кој работеа и ветуваа дека ќе го завршат сите влади.

– Водејќи сметка дека „Штрабаг“ е веќе етаблирана фирма во државата и ги има сите потребни услови за активирање на работата нивниот вовед во работа ќе биде многу побрз во споредба со воведот со работа на турската компанија. Пристап до градилиште ќе биде направен во текот на месецов за компаниите изведувачи, а почетокот на градба во координација со нив. Водејќи сметка дека е огромна работата за втората делница од пругата, очекувањата се дека тоа на оваа делница би се случило на крајот на септември, изјави Локвенец за МИА.

На стартот на работите, како што појасни тој, претходи отворање подружница во државава, добивање сертификати од Комората на овластени архитекти и инженери, која ги сертифицира звањата на инженерите и дава одобренија, како и одобрение од Министерството за транспорт и врски врз база на одобренијата кои ги добиле инженерите како составен дел на екипата за реализација на проектот.

– Како инвеститор имаме обврска следниот период да им дадеме пристап до градилиштето и да го обезбедиме денот за старт на работите. Датумот за почеток на работите, според правилата на ЕБРД, е од осум до 90 дена по потпишување на договорот, а овие рокови, ќе бидат испочитувани сигурно, но се обидуваме да ги сведеме на минимум и час поскоро да се почне со работа, посочи Локвенец.

Рокот на реализација на првата фаза од пругата Куманово- Бељаковце е 24 месеци, а има работа долж целата траса од 31 километар. Според проценките на претходниот надзорен инженер, таму се завршени 54 проценти од работите, а инвестицијата изнесува 40,5 милиони евра. За втората делница, Бељаковце-Крива Паланка, во должина од 34 километри и вредност од 155 милиони евра, рокот на градба е 36 месеци.

– Ветувањата се дека ќе го скратат рокот на изведба за шест месеци, но би биле задоволни и за завршување на работата во рокот. Тие ќе ја имаат целосната логистичка поддршка од наша страна како инвеститор за непречено одвивање на работите, рече Локвенец.

Тој е сигурен дека работите ќе бидат завршени во роковите, а тоа го аргументира со обезбедените средства и, како што тврди, фактите дека на трасата нема големи археолошки наоди што би го забавиле проектот, 100-проценти решената експропријација, како и квалитетот на избраните изведувачи.

Според Локвенец, изведувачите ќе донесат свој раководен и инженерски кадар, за оперативниот дел ќе биде ангажиран домашен кадар, а исто така и домашна градежна механзиација. Моите очекувања, вели тој, се дека се што постои од механзиација ќе биде вклучено во овие проекти со оглед на нивната големина и потребата да се завршат работите навреме.

За третата делница, од Крива Паланка до границата со Бугарија, до крајот на годинава треба да биде објавен тендер за избор на изведувач. Во тек е проценка на проектната документација од страна на консултант на Европската Унија, врз база на која ќе се постават условите на тендерот за максимална ефективна реализација. Веќе се обезбедени 216 милиони евра од потребните 405 милиони евра, според проектната вредност проценета пред пет години. Досегашната финансисиска конструкција ја сочинуваат инвестициските грантови од Инвестицискиот фонд за Западен балкан (WBIF) од 155 милиони евра, како и 61 милион евра од ИПА 2 програмата. Се очекува работите да стартуваат следната година, а да бидат завршени во 2027 година, што е ветен рок за заокружување на активностите од бугарска страна.

На првата делница треба да бидат изградени железнички станици во Ново Куманово, Шупљи Камен и Бељаковце, како и шест стојалишта, на втората ќе има станици во Крива Паланка и Гиновце и три стојалишта, додека на третата, долж 24 километри се проектирани 25 тунели и 51 мост.

Проектот за пругата кон Бугарија е почнат во 1994 година, а работите првпат беа стопирани во 2004. Продолжија една деценија подоцна, во март 2014 година, но не беше испочитуван поставениот рок за завршување на работите во 2016 година, поради, според официјалните образложенија, проблемите од имотно-правен карактер. Активности на терен нема од јуни 2020 година, кога тогашниот изведувач германски „Вибе“ еднострано го раскина Договорот.

Европската банка за обнова и развој (ЕБОР)  во јануари лани објави тендер за избор на изведувачи на пругата, а постапката беше заокружена минатиот месец кога беа потпишани договори со  „Штрабак“ и „Ѓулермак“. Дел од тендерот е и договорот за реконструкција на пругата од Ногаевци до Неготино на Коридорот 10, во должина од 31 километар, а изведбата на инвестицијата од 4,8 милиони евра ја доби „Штрабак“. Вкупната финансиска конструкција за трите договори изнесува над 200 милиони евра./MИА/.

The post Не е лажна вест: Власта повторно ветува дека ќе ја гради пругата кон Бугарија appeared first on Република.

Со инвестиција од 200 милиони евра ќе продолжи изградбата на пругата на Коридорот 8 и ќе се реконструира дел од пругата на Коридорот 10. Трите договори за изградба на пруга, прва и втора фаза на Коридор 8 на релацијата Куманово – Бељаковце – Крива Паланка и за реконструкција на пругата од Ногаевци до Неготино на Коридорот 10, денеска ги потпиша директорот на ЈП „Железници на Република Македонија“, Хари Локвенец со компаниите „Штрабак“ и „Ѓулермак“.

Првиот договор во вредност од 4,8 милиони евра, потпишан со фирмата „Штрабак“, предвидува реконструкција на делот од пругата на Коридорот 10 од Ногаевци до Неготино во должина од 31 километри со рок на градба од шест месеци.

Вториот договор во вредност од 40,5 милиони евра, потпишан со фирмата „Штрабак“, е за првата делница на Коридорот 8 кон Бугарија во должина од 31 километар и рок на градба од 24 месеци. На овој дел ќе бидат изградени и три железнички станици во Ново Куманово, Шупљи Камен и Бељаковце, како и шест стојалишта во Лопате, Перо Чичо, Проевце, Клечовце и Довезанце.

Третиот договор е со фирмата „Ѓулермак“ за изградба на втората делница од Коридорот 8 кон Бугарија на делот од Бељковце до Крива Паланка во должина од 34 километри и вредност од 155 милиони евра, а рокот на градба е 36 месеци. И на овој потег ќе бидат изградени две железнички станици во Крива Паланка и Гиновце и три стојалишта во вториот дел на пругата.

Овие проекти се финансирани со кредит од Европската банка за обнова и развој – ЕБОР, но во вториот лот се користи средства од инструментот на ЕУ – Инвестициски фонд за Западен Балкан (ВБИФ), во висина од 68,5 милиони евра.

Како што истакна директорот на „Железници“, Локвенец на денешната прес-конференција во Владата, и за третата делница на Коридорот 8 од Крива Паланка до Деве Баир од ВБИФ е добиена потврда за доделување инвестициски грант во висина од 155 милиони евра.

Заедно со претходно обезбедените 61 милион евра од ИПА 2 програмата за третата делница е добиен грант во вкупна вредност од 216 милиони евра за проектот чија проектна вредност е 405 милиони евра.

The post Власта пак ќе ја гради пругата кон Бугарија appeared first on Република.