Потпретседателот на ВМРО-ДПМНЕ, Александар Николоски во емисијата „За или против“ на Алфа телевизија истакна дека со оваа власт криминалот и корупцијата процветаа во Македонија, а економската состојба е доста лоша.

Се утепаа од крадење, и на крај им требаат и службени возила, а несвесни дека не повеќе од два месеци од сега ќе им треба друг тип на возила кои што ќе ги носат во казнено поправни установи, а не службени возила. Неколку пати апелирав, повторно еве апелирам затоа што некако мислам дека се несвесни до компаниите кои што ги потпишуваат овие договори, не пет туку десет пати да ги отворат очите за тоа што потпишуваат. Затоа што кога ќе го истражуваме криминалот ќе бидат опфатени сите, нагласи Николоски.

„Нема да бидат опфатени само оние што го правеле криминалот од страна на Владата, туку и оние кои што им помагале на делот на компаниите односно бизнисот“, порача тој.

Николоски во текот на емисијата се осврна во однос на набавката на хеликоптери при што рече дека неколку работи се кажани околу таа набавка и тоа прво клучно и етичко прашање е како е возможно техничка Влада да создава обврски за следна Влада. Затоа што според одлуката плаќањето ќе оди во еден период од три години што значи ќе го прави следната Влада. Второ, јасно е дека техничка Влада не смее да донесува одлуки кои што имаат финансиска импликации, а оваа набавка има финансиски импликации. Трето, како од 230 одеднаш станаа 250 милиони евра, а прво од Владата говореа дека набавката ќе е 230 милиони евра, па подоцна станаа 250 милиони евра. И четврто до денес никој не даде одговор зошто е избран „Леонардо“ во услови кога се работи за спорна компанија, која што според информациите кои тој ги има понудила радарски систем за еден милион евра поскап од реалната вредност, а за што Драги Рашковски заврши во затвор.

„И оваа компанија е која што е позната по корупциски скандали и на други места низ Европа и низ светот, не е само во Македонија“, укажа тој.

До денес не добивме одговори. И треба да знаеме дали имало поевтини понуди. Па, еве да прашам, дали има најмалце две понуди други исто така од земји членки на НАТО Алијансата, кои што биле поевтини и од оваа понуда. И зошто се избрани транспортни, а не борбени хеликоптери“, праша Николоски.

Тој посочи дека откако Македонија остана без борбени авиони и без борбени хеликоптери, логично е дека ќе требаат борбени хеликоптери да се набават.

„Ова се бројни прашања на кои што наместо јас да добијам одговор, добив нарачан текст во медиуми блиски до СДС дека јас појма немам, дека сум против безбедноста на државата. И тоа обично така оди, кога немате аргументи тогаш навредувате. И сега нека удрат уште една тура на навреди, ама после нека одговорат, затоа одговорите не се за мене туку за јавноста“, порача потпретседателот на ВМРО-ДПМНЕ.

Николоски рече дека врвот на СДС е окупиран од бандити и криминалци кои што политиката ја сфаќаат како начин како да се отвори пат на нови форми на криминал и корупција, и како да се стигне до ситуација да се покраде државата.

Но, за тоа ќе одговараат пред законот.

Со целосна Влада на ВМРО-ДПМНЕ и едно ослободено судство и обвинителство многу од овие кои што сега мислат дека се недопирливи и тоа како сериозно ќе одговараат“, нагласи тој.

The post Николоски: Со оваа власт процветаа криминалот и корупцијата во Македонија appeared first on Република.