На протест што денеска се одржа пред канцелариите на Град Скопје, жители на Шуто Оризари, средношколци и студенти го изразија своето незадоволство во однос на состојбата со јавниот превоз. Градоначалникот на Шуто Оризари, Курто Дудуш, потенцираше дека оваа Општина е оставена без јавен превоз, додека студентите и средношколците испратија апел да се набават нови автобуси и да се пуштат нови автобуски линии.

Градоначалникот Курто Дудуш изјави дека граѓаните на Шуто Оризари 730 дена немаат пристап до јавен превоз. Според него, расистички, дискриминаторски, нехумано и неодговорно е 40 000 граѓани две години да немаат јавен превоз.

Вчера рековте неумесно е граѓаните на градот Скопје да останат еден ден без јавен превоз, поради немање на нафта. Според вас, која е замената за зборот неумесно за граѓаните на Општина Шуто Оризари, кои 730 дена немаат пристап до јавен превоз. Јас би рекол, зборот е расистички. Расистички, дискриминаторски, нехумано и неодговорно е да оставиме 40.000 граѓани, две години без јавен превоз. Прашајте ги шоферите од линијата 61, која поминува покрај Општина Шуто Оризари. На три километри од почетот на Општината, колку години и колку граѓани ја користат оваа линија како алтернативен превоз, рече Дудуш.

Тој подвлече дека денеска повторно во Шуто Оризари нема автобуси, а напомена и дека во оваа Општина не се собира редовно смет од домаќинствата.

Ние татковците, мајките на ученици кои секојдневно доцнат поради немање јавен превоз, ние професорите, воспитувачите на деца од Општина Шуто Оризари, кои секојдневно доцниме или не се појавуваме на работа поради немање на јавен превоз. Ние мажите и жените кои добивме откази од работа, поради секојдневно доцнење поради немање јавен превоз. Ние постарите лица кои не стигнуваме на време на закажаните термини во болниците и со загрозуваме здравјето, додаде градоначалникот.

Тој побара од градоначалничката на Град Скопје, Данела Арсовска итно да постапи по возниот ред, објавен на страната на ЈСП и од утре да возат автобуси по улиците на Општина Шуто Оризари.

Итно да се ревидира одлуката на ЈСП и градот, во која се наложува во Шуто Оризари да возат над 90 отсто од приватни превозници. Итно да си ги подмирите долговите кон приватните превозници и да им овозможите услови да продолжат да возат во Шуто Оризари. Итно да пуштите нови автобуси да возат во Општина Шуто Оризари. Итно да се обезбедат услови за редовно собирање на смет од домаќинствата во Општина Шуто Оризари и на дивите депони. Да обезбедите одржливост на донесените одлуки и да не се доведете во ситуација пак да ви дојдеме со истите барања после еден месец, рече Дудуш.

Претседателот на Универзитеското студентско собрание на Универзитетот „Св. Кирил и Методиј“ во Скопје, Александар Николовски на протестот изјави дека од спроведената анкета на над 3500 студенти, 85 отсто од студентите во последниве две недели чекаат автобус повеќе од 15 минути, а 65 отсто повеќе од 20 минути.

Дополнително, како што рече, 95 отсто од студентите не се задоволни со услугите коишто ги нуди Градот Скопје во однос на јавниот градски превоз.

Универзитеското студентско собрание се приклучи на овој протест, поради тоа што сметаме дека од лични интереси, партиски или политички препукувања студентите и средношколците не смеат да трпат товар. Затоа, бараме да престане злопупотребата и паѓањето на благосостојбата на студентите и срендошколците во текот на колоквиумската испитна сесија, рече Николовски.

Секретарката на Универзитеското студентско собрание на Универзитетот „Св. Кирил и Методиј“ во Скопје, Адела Асани, на протестот испрати апел да се набават нови автобуси и да се пуштат нови автобуски линии.

Апелираме да се набават нови автобуси и да се пуштат нови автобуски линии. Да почнат и да се завршат сите инфраструктурни ветувања, да се вложи и да се поддржат алтернативни опции на превоз. Да се изгради градска железница, како и пруга до аеродормот во Скопје и исто така, да се заврши проектот за „бас рапид транспорт“, изјави Асани.

Берин Мухамед од Сојузот на средношколци, пак, укажа дека на секој час може да се забележи дека половина од класот е празен поради немање на јавниот превоз.

Веќе две години средношколците се залагаат јавниот скопски превоз да биде фер за сите средношколци. Во декември во 2023 година, од страна на Уставен суд беше донесена одлука дека скопсккот превоз треба да биде бесплатен за сите ученции. Во септември, оваа одлука на Уставниот суд не беше испочитувана од страна на градот Скопје. Учениците не можат да бидат присутни на часот, и не смееме да отсуствуваме од часови, додаде Мухамед.

Студентката Мерсина Даминова изјави дека десет отворени предмети, заверени во архивата во Скопје со над 1000 потписи, се однесени до Градот Скопје, до Владата и до локалната самоуправа, при што се укажува на итноста од решавање на овој проблем.

Отворени се десет предмети кои се заверени во архивата во Скопје со над 1000 потписи, со што се укажува на итноста од решавање на овој проблем, којшто трае веќе со години. Доволно тапкаме во место, да продолжиме напред, рече Даминова.

На новинарско прашање до градоначалникот Дудуш, дали е во комуникација со градоначалничката Данела Арсовска, тој одговори дека таа е недостапна.

Едноставно, градоначалничката е недостапна. Верувам дека не комуницира со ниеден градоначалник во Скопје. Имаме комуникација преку секретар на градот Скопје, но лична комуникација немаме, рече Дудуш.

Во Скопје два дена не сообраќаа автобуси поради тоа што ЈСП Скопје немаше нафта. Возеа само триесетина автобуси од кои 25 возат на гас. Состојбата беше надмината откако Владата донесе одлука на ЈСП да му се даде нафта за седум дена од државните резерви.

The post „500 илјади заложници на една личност – Данела Арсовска“: Граѓански протест пред Град Скопје appeared first on Република.

Сојузот на средношколци на Република  Македонија соопшти дека активно ќе се приклучи во поддршка на протестот кој ќе се одржи попладнево за состојбата со јавниот превоз и недостиг на автобуси во Скопје.

Во допис до медиумите Сојузот нагласува дека бараат решение за проблемот кој е „горлив и сериозен“ затоа што „особено ги засега средношколците, правејќи го секојдневното патување до училиштата низ градот сè потешко“.

Протестот ќе почне 14:00 часот пред старата пошта во Скопје, по што учесниците ќе се упатат кон Град Скопје, каде што протестот ќе продолжи од 14:30 часот. Како млади луѓе кои директно се засегнати, бараме итни и одржливи решенија за враќање на јавниот превоз и обезбедување еднаков пристап до образование за сите ученици, истакнува Сојузот.

Во дописот додава и дека „останува посветен на застапување на правата и потребите на учениците и обезбедување дека нашите гласови ќе бидат слушнати за прашања кои го засегаат нашето образование и секојдневен живот“.

The post Сојузот на средношколци ќе се се приклучи на протестот за проблемот со јавниот превоз во Скопје appeared first on Република.

Според синоќешните најави, денеска се очекува да се нормализира автобускиот сообраќај во Скопје, откако вчера Владата донесе одлука на јавното сообраќајно претпријатие да му позајми нафта за следните седум дена од државните резерви.

Директорот на Јавното сообраќајно претпријатие Скопје Драги Кушовски синоќа за МИА потврди дека нафтата пристигнува во базните станици на претпријатието во Автокоманда и Ѓорче Петров и оти во текот на ноќта резервоарите на автобусите ќе бидат наполнети.

-Сите автобуси што се во возна состојба утре редовно ќе сообраќаат, изјави Кушовски.

За денеска во 14:00/14:30 часот се најавени јавни протести поради состојбата со превозот во градот. Градоначалникот на Општина Шуто Оризари Курто Дудуш, ги повика сите жители на протест, а со барање за нормализирање на јавниот превоз излегоа и студентите од УКИМ кои ќе се приклучат на протестот што ќе се одржи пред бараките на Град Скопје.

Координаторите на советничките групи на Советот на Град Скопје, синоќа на вонредна седница постигнаа консензус и донесоа заклучок со којшто ја поздравија одлуката на Владата за позајмување на нафта од државните резерви за потребите на Јавното сообраќајно претпријатие (ЈСП) и побараа заедно во координација со ЗЕЛС, да продолжат разговорите со Град Скопје за нормализирање на состојбите во градот.

На почетокот на седницата, градоначалничката на Град Скопје Данела Арсовска изрази благодарност до Владата, апелирајќи до советниците да го следат позитивниот пример. За кризата во ЈСП, Арсовска рече дека не е резултат на несоодветното менаџирање на претпријатието, туку поради што редовната јавна набавка била предмет на управна контрола од страна на Бирото за јавни набавки.

– Она кое што се случи вчера, а тоа е да застане превозот поради недостаток на нафта, морам да кажам дека не е предизвикано од тоа што некој несоодветно си ја завршил својата работа, туку е предизвикано од тоа што во редовна јавна набавка, односно постапка за јавна набавка, која што во рок е завршена за да нема никакви проблеми, беше предмет на управна контрола од страна на Бирото за јавни набавки и истата беше поништена, и покрај тоа што се работи за јавна набавка која што е за суштинскиот енергенс, рече Арсовска.

The post Oд денеска нормализирање на јавниот превоз во Скопје appeared first on Република.

Со цел изразување на своето незадоволство од нефункционирањето на јавниот сообраќаен превоз, Општина Шуто Оризари ги подржува своите граѓани во организација на голем сенароден протест на граѓаните на Општина Шуто Шризари пред Градот Скопје и ги повикува сите граѓани на  Скопје да се приклучат, соопштија денеска од Општината.

Очекуваме преку протестот да пренесеме пораката до градоначалничката на градот Скопје и до ЈСП дека граѓаните на општина Шуто Оризари и воопшто граѓаните на градот Скопје треба да добиваат услуги за кои плаќаат и дека нефункционирањето на јавниот превоз веќе втора година не само што влијае на влошување на економската состојба на граѓаните кои треба да користат приватен превоз туку влијае и на губење на нивните работни места поради нередовост на работа, отсуство од часови на ученици и непосета на лекари од страна на постарите и болните лица, се вели во повикот.

ДЕН: ПЕТОК 22.11.2024 ГОДИНА

СТАРТ: ПАРК КАЈ АМДИ ПАШИНА ЏАМИЈА ВО 13:00 ЧАСОТ (СО ПРЕВОЗ)

СОБИРНА ТОЧКА ЗА СИТЕ ГРАЃАНИ: 14:00 (КАЛЕ ВОДОВОД)

СЕ ПОВИКУВААТ СИТЕ ЗАСЕГНАТИ ГРАЃАНИ, УЧЕНИЦИ, СТУДЕНТИ, РАБОТНИЦИ И ПЕНЗИОНЕРИ ДА БИДАТ ДЕЛ ОД ПРОТЕСТОТ КОЈ ВО МОМЕНТОВ НИ Е КРАЈНО РЕШЕНИЕ ЗА ДА НИ СЕ РЕШИ ПРОБЛЕМОТ СО КОЈ ДВЕ ГОДИНИ ЖИВЕЕМЕ ВО ШУТО ОРИЗАРИ И ГРАДОТ СКОПЈЕ!

The post Шуто Оризари ги повикува сите граѓани во петок на голем сенароден протест пред Град Скопје appeared first on Република.

Околу 200 земјоделци протестираа во седиштето на владејачката Лабуристичка партија на британскиот премиер Кир Стармер поради неговата најава за данок на наследството на земјоделското земјиште.

Во Ландудно, на северот на британската провинција Велс, беа донесени десетици трактори и друга земјоделска механизација со натписи „Даноци на труд = недостиг на храна“ и „Работничка војна на селата“.

Новиот данок на наследство, кој би го придружувал националниот буџет за 2025 година, би се однесувал на земјоделските стопанства вредни повеќе од еден милион фунти (1,20 милиони евра).

Според Министерството за финансии, околу три четвртини од земјоделците нема да бидат засегнати од данокот, но според Секторот за рурални работи, вредноста на 66 отсто од фармите е над милион фунти.

Фармерите од цела Велика Британија планираат да протестираат во Лондон во вторник.

Во говорот на конференцијата на велшкиот огранок на Лабуристичката партија, Стармер не спомна таков данок, но рече дека ќе ги брани „тешките одлуки“ што неговата влада ги донесе „за да ја стабилизира економијата“.

Земјоделците рекоа дека ќе му предадат на премиерот писмо кое започнува со зборовите „Не ја гризај раката што те храни“.

The post Британските фармери на протест поради најавата за данок на наследство appeared first on Република.

Граѓаните на Нови Сад денеска во 11 часот и 52 минути застанаа во знак на солидарност со семејствата на четиринаесетте жртви пред две недели во Нови Сад и побараа одговорност за уривањето на настрешницата на Железничката станица, јави дописникот на МИА од Белград.

Пратениците на парламентарната опозиција на Собранието на Србија им се придружија на Новосаѓани, кои пред зградата на Парламентот во Белград развија црно знаме и 14 минути молчејќи стоеја на улица.

На акцијата за оддавање почест за настраданите од 11:52 до 12:06 часот повика новосадската опозиција, која наведе дека ги повикала граѓаните на индивидуален протест и граѓанска непослушност, бидејќи Обвинителството се уште не именувало никого како осомничен за трагедијата на железничка станица.

Нека застане цел Нови Сад барем за тие 14 минути, се вели во заедничкото соопштение на девет опозициски партии и граѓански движења.

Граѓаните застанаа на 14 минути и во автомобилите, како и пешаците. Повеќето од нив застанаа на главните раскрсници и во центарот на градот, како и на главните улици и булевари.

Тие се собраа и пред железничката станица, каде што се случи трагедијата. Таму беше развеан голем црн транспарент и беа пуштени 14 црни балони.

На „Кнез Михајлова“ помали групи граѓани симболично им оддадоа почит на жртвите, застанувајќи на улица.

Акцијата започна во 11 часот и 52 минути во моментот кога на 1 ноември се случи трагедијата во Нови Сад.

The post Новосаѓани застанаа 14 минути барајќи одговорност за несреќата на железничката станица appeared first on Република.

Новосадската опозиција денеска ги повика граѓаните на 15 ноември да прекинат со работа на четиринаесет минути и да го изразат своето незадоволство преку индивидуален протест и граѓанска непослушност бидејќи обвинителството се уште нема осомничени за падот на настрешницата на железничка станица во тој град, при што животот го загубија четиринаесет лица. Активистите од групите „СвиЧе“ и „СТАВ“ најавија протест и демонстрации во Нови Сад и в недела на 17 ноември напладне, каде ќе побараат одговорност за падот на настрешницата на железничката станица, јави дописникот на МИА од Белград.

Сите опозициски советнички групи во Градското собрание најавија дека во петок, кога се навршуваат четиринаесет дена од падот на настрешницата, граѓаните треба од 11:52 до 12:06 часот да покажат емпатија и солидарност со семејствата кои ги загубија своите најблиски.

Доколку сте во кола застанете во 11:52, запалете ја светлосната сигнализација и излезете од колата, ако сте на работа излезете од зградата каде што работите на улица во тоа време, ако сте на факултет, напуштете ги часовите и вратете се подоцна, учениците тие 14 минути да ги поминат во училишниот двор, нека прогласат пауза лекарите во тој момент, приватните претприемачи исто. Секој во тоа време треба само да застане, бидејќи животот на тие 14 луѓе застана во секунда!, се наведува во повикот на опозицијата.

Оттаму посочуваат дека „обвинителството, кое е изложено на притисок и опструкции на властите“, се уште не прогласило никого за осомничен за трагедијата на Железничката станица, но оти тие „нема да дозволат режимот да ги заборави жртвите“.

Пратеникот и поранешен градоначалник на Нови Сад, Борислав Новаковиќ од Народното Движење на Србије (НПС), ги повика и другите градови во Србија во петок да застанат тие 14 минути.

Огласот го потпишаа НАДА за Нови Сад - Нови ДСС - ПОКС, Крени прамени - Нови Сад, Србија Центар - БРАВО Нови Сад, Националното движење на Србија - Еколошко востание, Партијата за слобода и правда (ССП) и Движењето за пресврт, Демократска партија (ДС), Движење на слободни граѓани (ПСГ) и Зелено левиот фронт, Граѓанската група Херои - Миша Бачулов и советник на Лигата на социјалдемократите од Војводина.

Во меѓувреме, групата „СвиЧе“ и „Став“ најавија дека во недела на 17 ноември ќе организираат протест и барикади на раскрсницата Булевар Јаша Томиќ и Булевар на ослободувањето пред Железничката станица во Нови Сад.

Дотогаш го поддржуваме повикот на новосадската опозиција дека во петок, на 15 ноември, „14 дена по злосторството, сè да застане на 14 минути – од 11:52 до 12:06 часот“, наведуваат во соопштенето, додавајќи дека продолжат понатаму се додека не се исполнат сите барања и ослободување на уапсените.

The post Опозицијата од Нови Сад повика на 14-минутна граѓанска непослушност в петок, а блокади в недела appeared first on Република.

Парламентарните опозициски партии во Србија, ќе организираат в понеделник попладне протестен митинг пред зградата на Владата, соопшти Народното движење на Србија, јавија српските медиуми.
Како што се додава во соопштението, на средбата ќе бидат изнесени следните барања:

1. Оставка на премиерот Милош Вучевиќ и градоначалникот на Нови Сад Милан Ѓуриќ

2. Објавување на сите тајни договори поврзани со реконструкција на Железничката станица во Нови Сад

3. Итно апсење на сите одговорни за убиството на 14 лица и ослободување на сите невини и незаконски приведени лица

4. Вонредна контрола на сите инфраструктурни проекти што се започнати или работени во изминатите 10 години.

По смртта на 14 лица на железничката станица во Нови Сад, кога врз нив се урна бетонска настрешница, во вторникот беше организиран протест во тој град.

The post Српската опозиција в понеделник ќе протестира пред зградата на Владата appeared first on Република.

Тензично е пред влезот на најголемата театарска сцена во Бугарија, Народниот театар „Иван Вазов“, кој е окупиран од стотици граѓани кои го изразуваат своето незадоволство од поставувањето на претставата „Оружје и човек“ на Бернард Шо под режисерската палка на Џон Малкович, јавува БГНЕС.

Според демонстрантите -  претставата е антибугарска, ги исмева бугарските војници и го исмева бугарскиот народ. Тие бараат оставка од директорот на театарот Васил Василев.

https://youtu.be/cfD1SHcgWgE?si=ozHhDvLZ6cE_JItm

Протестот започна како мирен, но подоцна изреволтираните граѓани се поделија во две групи. Првата остана пред фонтаната и протестираше мирно, додека другата група се судри со полицијата, пред влезот на театарот. Толпата се обиде да влезе во театарот. На влезот неуспешно се обиде да излезе директорот на театарот Васил Василев, кој викаше дека ќе ја заштити културата во Бугарија.

Органите на редот интервенираа за да спречат посериозна пресметка.

Тензиите повторно ескалираа. Во фоајето на театарот дојдоа претставници на политички партии. На влезот во скенерот реплики разменуваат Ангел Џамбазки од ВМРО и директорот на театарот Васил Василев. Поранешниот пратеник и неговите другари купиле билети за да влезат, по што тензиите повторно ескалирале. Двајцата си размениле грди реплики.

https://youtu.be/xAfFcW0vwRk?si=2uuolCSONkAyGWd-

Причина за протестот пред Народниот театар „Иван Вазов“ беше одлуката да се постави претставата на Бернард Шо „Човекот и оружјето“, која се смета за навредлива за бугарското општество, бидејќи ги претставува Бугарите за време на српско- бугарската војна (1885).

Датумот на кој требаше да се изведе претставата е вечерва на 7 ноември – годишнината од словенската епопеја, каде Бугарите ја бранеа Унијата и својата независност. Нивниот подвиг го овековечи и Иван Вазов, чие име го носи Народниот театар. Следниот датум, 8 ноември, е поврзан со окупацијата на западната периферија од Србија, каде до ден денес Белград води политика на бришење на се што е бугарско. Третиот датум е 27 ноември – годишнината од потпишувањето на Договорот од Ној, пишува  БГНЕС.

The post Го исмевала бугарскиот народ: Тензии во Софија против „антибугарската“ претстава на Џон Малкович appeared first on Република.

Во Белград, пред зградата во која се сместени повеќе министерства, меѓу кои и она за градежништво, транспорт и инфраструктура, како и републичкото обвинителство, протестираат активисти кои бараат оставка од министерот Горан Весиќ.

Пред влезот на министерството е распоредена полициска единица.

Иван Бјелиќ, активист на групата „SviĆe“ (Се разденува, но и Сите ќе), во име на насобраните побара Весиќ брзо да поднесе оставка, во спротивно владата ќе биде „одговорна за она што ќе следи во вторник во Нови Сад“, каде е планиран поголем протест.

Дел од насобраните активисти, кои претходно се собраа на протестот кај старата железничка станица поради трагедијата во Нови Сад, имаат обоени ракавици во црвено, носат транспаренти „рацете ви се крвави“- како порака до властите, а во исто време извикуваат „оставка“, пренесува Бета.

Ќе го уапсите ли министерот Весиќ? Дали некој го прашал дали дал оставка. Најверојатно се сокрил во дупка за стаорци“, ги прашал Бјелиќ полицајците читајќи ги нивните имиња од значките на униформите.

Активистите најавија дека овој протест е само почеток на граѓанската непослушност и дека ќе учествуваат и на протестот во Нови Сад, како и дека ќе бидат порадикални, доколку дотогаш не се поднесат оставки поради трагедијата во Нови Сад.

Копретседателката на „Заедно“ Билјана Стојковиќ за ТВ Н1 изјави дека власта ги довела граѓаните во очај и гнев и дека е невозможно повеќе да се разговара со властите „бидејќи тоа би значело да се согласат со нивните игри“.

Активистите беа информирани дека во меѓувреме нешто пред пладне е ослободен Никола Ристиќ од организираната група „SviĆe“, кој беше приведен пред протестот кај старата железничка станица.

The post Протест пред зградата на Владата во Белград, се бара оставка од министерот Весиќ appeared first on Република.

Пред зградата на јавниот медиумски сервис во Белград се одржува протест со барање Јавниот сервис Радио-телевизија на Србија (РТС) да ја информира јавноста за еколошките проблеми, јави дописникот на МИА од Белград.

На протестот организиран од движењето Еко стража, беше побарано РТС да им овозможи на претставниците на еколошките организации да и се обратат на јавноста во централната информативна програма - Дневник.

- РТС има седум дена да го исполни барањето. Ако не го стори тоа, ќе ги искористиме сите правни средства против одговорните лица, најави Еко стража пред протестот во неделата. Протестот се одржува под слоган „Безбедноста е во бројки“, како што најави Еко стража, како знак на поддршка за граѓанските активисти кои полицијата еден месец претходно ги приведе на протестите против ископувањето литиум во Србија.

Таа организација наведе дека се приведени пет нејзини активисти, дека полицијата им ги пребарала становите и им ги одземала мобилните телефони и компјутерите.

-Бараме да се спроведе дисциплинска постапка против обвинителите кои ги прекршиле човековите права на активистите, како и веднаш да им се вратат одземените лични помагала на приведените, истакнаа од Еко стража.

The post Протест во Белград со барање РТС да известува за протестите против ископувањето литиум во Србија appeared first on Република.

Протест на наставници под партиска организација на СДСМ ќе се случи утре во 11 и 30 пред Министерството за образование.

Нема оправдување, покачете ги платите-стои во повикот.

Ова е прв протест на СДСМ откако е во опозиција.

The post Партиски наставници на СДСМ утре ќе протестираат пред Министерството за образование за поголеми плати appeared first on Република.

Во Бујановац денеска се одржа протест во организација на Националниот совет на Албанците (НСА), кој меѓу другото побара „запирање на пасивизацијата на адресите на живеалиштата на албанските граѓани“, како и нивно поголемо присуство во државните институции и фирми.

Претседателот на Советот, Невзад Лутфиу истакна дека албанската заедница се соочува и со проблем со нострификација на дипломите во Србија. Тој додаде дека протестите ќе продолжат.

Според него, од 24-те малцински заедници во Србија, Албанците се во најлоша позиција и побара меѓународната заедница да ги разгледа нивните барања.

На собирот била прочитана и декларација со која се бара имплементација на договорот потпишан меѓу Владата на Србија и претставниците на Албанците, особено делот поврзан со нивната интеграција, пишува порталот Бујановчке.

The post Албанците во Бујановац бараат поголеми права appeared first on Република.

Пред зградата на Владата на Србија започна граѓански протест поради затворската казна на тројца активисти ученсици во вчерашниот голем протест против ископ на литиум и бор во државата.

Активистот Иван Блејиќ е експресно осуден на 40 дена затвор за нарушување на јавниот ред и мир, а Никола Ристиќ и Јевгеније Јулијан Димитријевиќ добија по 30 дена затвор, исто така за нарушување на јавниот ред и мир.

Поради затворските казни на тројцата активисти, претставникот на организацијата „Не дамо Јадар“, Златко Кокановиќ ги повика граѓаните во 18 часот масовно да се соберат пред зградата на Владата на Србија .

The post Почна протест пред Владата на Србија поради изречени затворски казни на лица од вчерашните протести appeared first on Република.

Косовските Срби најавија за денеска протест во северно Косово поради, како што беше објавено во повикот на организаторите, „лошата состојба на српскит народ“ во земјата, јави дописникот на МИА од Приштина.

Протестот е свикан за во 11 часот на плоштадот „Цар Лазар“ во Северна Митровица“.

Полицијата е известена за протестот и ќе биде присутна за да се погрижи ситуацијата да не излезе од контрола, иако не се очекуваат проблеми.

Група граѓани го најави протестот за во 11:00 часот, кој е предвиден да се одржи на плоштадот „Цар Лазар“. Се очекува протестот да биде мирен, а полицијата ќе биде во доволен број за да го одржува јавниот ред и мир, иако не очекуваме никакви проблеми, изјави заменик-директорот на косовската полиција за северниот регион, Ветон Елшани.

Овој протест во вторник го спомена и српскиот претседател Александер Вучиќ, кој рече дека Србите ќе реагираат на намерата на властите во Приштина да го отворат мостот на реката Ибар, кој ги поврзува јужнјуот и северниот дел на градот Митровица.

Изминативе денови имаше јасни повици од меѓународната заедница за неотворање на овој мост. Мисијата на НАТО во Косово, КФОР, се закани дека ќе реагира доколку се преземат активности за негово отворање без претходен договор со Србија. Реакции имаше и од амбасадорите на земјите од групата Квинта и од ЕУ.

Министерот за внатрешни работи Џељаљ Свечља во вторникот го посети косовскиот север, инсистирајќи дека мостот треба да се отвори за сообраќај на возила.

The post Косовските Срби ќе протестираат денеска во Северна Митровица appeared first on Република.

Косовските Срби најавија за денеска протест во северно Косово поради, како што беше објавено во повикот на организаторите, „лошата состојба на српскит народ“ во земјата, јави дописникот на МИА од Приштина.

Протестот е свикан за во 11 часот на плоштадот „Цар Лазар“ во Северна Митровица“.

Полицијата е известена за протестот и ќе биде присутна за да се погрижи ситуацијата да не излезе од контрола, иако не се очекуваат проблеми.

Група граѓани го најави протестот за во 11:00 часот, кој е предвиден да се одржи на плоштадот „Цар Лазар“. Се очекува протестот да биде мирен, а полицијата ќе биде во доволен број за да го одржува јавниот ред и мир, иако не очекуваме никакви проблеми, изјави заменик-директорот на косовската полиција за северниот регион, Ветон Елшани.

Овој протест во вторник го спомена и српскиот претседател Александер Вучиќ, кој рече дека Србите ќе реагираат на намерата на властите во Приштина да го отворат мостот на реката Ибар, кој ги поврзува јужнјуот и северниот дел на градот Митровица.

Изминативе денови имаше јасни повици од меѓународната заедница за неотворање на овој мост. Мисијата на НАТО во Косово, КФОР, се закани дека ќе реагира доколку се преземат активности за негово отворање без претходен договор со Србија. Реакции имаше и од амбасадорите на земјите од групата Квинта и од ЕУ.

Министерот за внатрешни работи Џељаљ Свечља во вторникот го посети косовскиот север, инсистирајќи дека мостот треба да се отвори за сообраќај на возила.

The post Косовските Срби ќе протестираат денеска во Северна Митровица appeared first on Република.

Во повеќе градови ширум Србија се одржуваат протестни собири на кои граѓаните испраќаат порака дека нема да дозволат отворање рудници за литиум во Србија.

Во Смедерево околу 19 часот почна протестен собир на граѓани поради најавата за ископ на литиум во Србија, а граѓаните бараат српската влада да го исполни барањето за забрана на рударството до 10 август и најавената средба во Белград.

Иван Милосављевиќ, еколошки активист од Хомоље и еден од најавените говорници, пред почетокот на средбата изјави за Н1 дека граѓаните се свесни дека основните елементи на нивниот живот - водата, воздухот и земјата - се загрозени.

Граѓаните се противат на плановите на режимот да ја направи Србија ресурсен центар и рударска колонија, и затоа различни луѓе се обединија и нема да се откажат, рече тој.

Тој додаде дека луѓето се свесни колку Владата се грижи за животната средина и повтори дека додека не се исполнат барањата за забрана за ископ на литиум и бор, граѓаните се подготвени да започнат со блокада.

Протест почна и во Рековац, каде се собраа неколку десетици граѓани кои застанаа, како што велат, „во одбрана на регионот Левант“. Во Брешница кај Чачак граѓаните се собраа на фудбалското игралиште, а ова место беше избрано затоа што почнаа геолошки истражувања, но мештаните ги избркаа машините.

Населението сака да продолжи со земјоделството и не сака, како што велат, да им биде загрозен опстанокот.

The post Протести ширум Србија: Граѓаните не сакаат ископ на литиум appeared first on Република.

Голем протест против ископувањето на литиум ќе се одржи во Белград на 10 август, најавија „Еко стража“ и организацијата „Не го даваме Јадар“, а во организација на еколошките здруженија протести против отворањето на рудниците за литиум се закажани и во повеќе од десет градови во Србија, јави дописникот на МИА од Белград.

Големиот протест против ископувањето на литиум ќе се одржи во Белград на 10 август со почеток во 19 часот во Теразије кога ќе истечат 40-те дена што СЕОС и ги даде на Владата на Србија да го усвои законот за ископ на литиум и да спречи газење на сопствената одлука за прекин на проектот Јадар.

-Протестот го организираат еколошки организации кои со години се борат против загадувањето на животната средина и сега стојат обединети против ова зло што ја надвисна Србија и криминалниот режим кој се обидува да отвори рудник против волјата на народот, објавија на социјалната мрежа „X“, „Еко стража“.

Тие ги повикаа на протест сите граѓани на Србија кои се против ископ на литиум, без разлика на нивната политичка и идеолошка припадност.

-Ова е протест за доброто на сите граѓани. Политичарите и партиските активисти се добредојдени, но без партиски симболи. Од демонстрантите се бара да дојдат со транспаренти, еколошки пораки и без знамиња на други земји и пораки кои ја дехетерогенизираат масата. Време е да научиме да испратиме порака дека народот на Србија е обединет и секој го носи својот дел од одговорноста. Еколошките организации кои ги организираат протестите се воздржуваат од истакнување на сопствени знаци и логоа, за протестот да не се толкува како самопромоција, наведоа од „Еко стража“.

Протести вечерва ќе се одржат во Косјериќ и Младеновац, додека протестот во Панчево е закажан за 2 август. Во Осечина протестот ќе се одржи на 4 август, во Чачак на 5 август, Инџија на 6 август. Потоа во наредните денови протести се закажани во Сремска Митровица, Јагодина, Крагуевац, Горни Милановац и други градови се до 10 август кога е најавениот протест во Белград.

Изминативе денови масовни протести на граѓаните против литиумот се одржаа во: Лозница, Ваљево, Љиг, Барајево, Богатиќ, Гроцка, Краљево, Неготин, Шабац, Ариље, Аранѓеловац, Крупањ...На сите собири беше побарано Владата да донесе закон за трајна забрана за геолошки истражувања и експлоатација на литиум и бор во Србија.

Рокот за донесување на тој закон кој еколошките здруженија им го одредија на властите е 10 август.

The post Во Белград на 10 август е закажан голем протест против ископот на литиум appeared first on Република.

Во Тирана илјадници приврзаници на опозицијата синоќа фрлаа молотови коктели врз зградата на албанската влада и канцеларијата на градоначалникот и се судрија со полицијата.

Тие го обвинија премиерот Еди Рама за корупција, побараа негова оставка и ослободување на опозицискиот лидер Сали Бериша, кој е во домашен притвор.

Бериша е под истрага за наводна корупција за време на неговиот мандат како премиер од 2005 до 2013 година. Тој ги негира наводите и го обвинува Рама за политичка одмазда.

The post Големи протести во Албанија – се фрлаат молотови коктели и се бара оставка од Еди Рама appeared first on Република.

Илјадници жители на шпанскиот град Малага излегоа на протест против масовниот туризам, кој според нив е причина за високите наеми и недостигот на станови за локалните граѓани.

Многу од демонстрантите носеа плакати со натписи: „Малага не се продава“ и „Ова не е туризам, ова е инвазија“.

Според организаторите, на митингот учествувале околу 25.000 лица, иако шпанскиот весник „Паис“ објави дека демонстрантите биле околу 15.000.

Малага е само уште еден шпански град во кој се одржуваат вакви протести. Демонстрации против масовниот прилив на туристи имаше и во Мајорка, Барселона и на Канарските Острови.

Здружението на наемателите во Малага вели дека постојано растечкиот број на посетители кои изнајмуваат апартмани за одмор е причина за недостигот на станови во градот.

Градот страда, незадоволството е големо. Пред сè, проблемот со станбениот простор требаше да биде ставен на маса, вели портпаролот на демонстрантите за весникот „Паис“.

Во Малага има повеќе од 12.000 законски регистрирани станови за одмор и по овој показател, градот се наоѓа на трето место во Шпанија по Мадрид и Барселона. Освен тоа, многу приватни имоти во Малага и други градови примаат гости незаконски.

The post Драстично се поскапени кириите и нема доволно станови за локалците: Жителите на Малага излегоа на протест против масовниот туризам appeared first on Република.