Пред Собранието се протестира против францускиот предлог речиси еден час, а микрофонот оди од рака на рака кај демонстрантите.

Една од нив, како што објави Макфакс, му се обрати на претседателот на државата Стево Пендаровски кој имаше средба со претседателката на Европската комисија Урсула фон дер Лајен.

„Стево опули се, имаш деца и овој народ немој да те колне, децата патат. Немој Стево, деца имаме, ќе загинам за Македонија. Јас сум од Западна Македонија Стево, Мијачка, како тебе и ти си Мијак. Погледни ме имам 65 години, гајле немам, 10 години се борев со судот и го добив правото. Десет години ме маче и аир да не видат тие што ме мачеа. Опули се, стави дупли наочари Стево ако не гледаш, овој народ е гладен“, рече демонстрантката.

The post Демонстрантка му се обрати на претседателот: Стево имаш деца, немој овој народ да те колне appeared first on Република.

Вечерва на протестот против францускиот предлог беше донесена гилотина, но и една мисирка која прво „протестираше“ пред влада,  заврши пред зградата на македонското Собрание.

Протестот почна пред Владата, по што продолжи кон МНР и на крајот заврши пред Собранието, каде што останаа дел од демонстранатите. Тие поставија шатори пред Собранието на Македонија.

На демонстрантите им избега мисирката, па дел од нив викаа „Таче, врати се“.

https://republika.mk/vesti/makedonija/i-kjurka-na-protesti-pred-vlada/

The post Таче, врати се – им избега мисирката на демонстрантите appeared first on Република.

„Низ историјата, Македонија постојано се борела за независна држава. Сите сакале да ја распарчат и да ја уништат. Секој сакал да зграби што поголем дел од Македонија. А, сега, некој одвнатре сака тоа да ни го земе! Да не порекне! ЕПА НЕМА ДА ВИ ДОЗВОЛИМЕ. Кирил и Методиј, Климент и Наум Охридски, Крсте Мисирков, Цар Самоил, Гоце Делчев, Браќата Миладиновци, Јане Сандански, Дамјан Груев, Питу Гули, Панко Брашнаров, Петре Пирузе, Чернодрински, Ченто, оставиле македонски печат на МАКЕДОНСКАТА историја и тоа никој не може да го смени. Биле, се и ќе бидат МАКЕДОНИЈА! Без нив, ништо од ова денес немаше да го имаме“, нагласи Валентин Манасиевски на денешниот протест насловен „Ултиматум, НЕ благодарам“.

Манасиевски посочи дека владата во Софија, е таа која денес го спори јазикот, идентитетот, а истите тие биле сојузници на фашистите.

„Истите тие кои сакаат да ни ја земат историјата, тие се бореа против нас пред повеќе од 50 години. Тие никогаш нема да бидат администратори. Тие сакаат да ја нема Македонија и да ја нема нашата историја, бидејќи сме трн во нивните очи! Нашата богата историја покажува колку е нивната слаба. Колку секогаш тие биле на погрешната страна“, рече Манасиевски.

Тој истакна дека Гоце Делчев рекол дека ослободувањето на Македонија се крие во внатрешното востание. Кој мисли инаку да се ослободи од Македонија, тој се лаже и себеси и другите. Затоа денес е потребно востание на умот, на разумот, на демократијата. Ова е историски момент – но за себе и на светот да му се покаже дека граѓаните не сме мали во умот, дека не се македончиња, туку горди Македонци.

„Ова не се протести само за просто отфрлање на францускиот предлог, ова се и ПРОТЕСТИ ЗА ПАД НА ОВАА АНТИМАКЕДОНСКА ВЛАДА!!! Какви Македонци се овие од Владата? Каков Македонец е Маричиќ? Каков Македонец е Османи? Каков Македонец е Ковачевски? Што направија тие истите за младите изминативе скоро шест години!? Освен срам, депресија, безпарица, преживување, зголемена младинска невработеност, зголемено иселување? Што направија!? НИШТО! Ама буквално ништо! Не можат да се пофалат со ниту една странска инвестиција! Ниту со нови работни места! Ниту со подобра иднина на младите! ОВИЕ СЕ НАЈГОЛЕМИТЕ НЕРАБОТНИЦИ И НАЈНЕСПОСОБНИ ЛУЃЕ ШТО МАКЕДОНИЈА ГИ ИМАЛА НЕКОГАШ“, нагласи Манасиевски.

Тој потсети дека пред неколку години, истата оваа власт, вети враќање на младите во Македонија! А, сега истите тие, ќе ги ОСТАВАТ МЛАДИТЕ БЕЗ СОПСТВЕНА ДРЖАВА! Како да не се исселуваат младите, кога го губат чувството на припадност кон својата држава поради националното обезличување што овие го приредуваат години наназад!

„Ние младите нема НЕМО да стоиме на страна и да бидеме НЕМИ набљудувачи. Активно ќе бидеме вклучени, да кажеме НЕ на францускиот предлог и пад на оваа ненародна влада! Ние младите ќе бидеме водачи на овие процеси! МЛАДИТЕ ЌЕ СИ ЈА ЗАШТИТАТ ДРЖАВАТА! ЗА ДА ИМАМЕ ПОДОБРА ИДНИНА! ТУКА ВО МАКЕДОНИЈА, КАКО МАКЕДОНЦИ, КОИ ГОВОРАТ МАКЕДОНСКИ ЈАЗИК! Затоа, ги повикувам сите млади да ни се приклучат и рамо до рамо да бидеме во првите редови“, потенцира Манасиевски.

„Браќа и сестри, во ова време невреме, кога сакаат да ни го одземат идентитетот, јазикот, достоинството, потребно ни е обединување. И леви и десни. И мажи и жени. И млади и стари. Македонци, Албанци, Турци, Роми, Власи, Срби, Бошњаци и сите останати. Сите треба да бидеме едни до други. Бидејќи тука сме родени и растени. Сме се образувале, заљубувале, играле, радувале, тажеле. Ова парче земја ни дало се што ни е потребно во животот. Е сега е време и ние да и вратиме на нашата татковина! Ние не сме ниту Грци, ниту Бугари! Ние сме горди Македонци и тоа така ќе остане! Не сакам моето дете да остане без држава! Не смееме да дозволиме нашите поколенија да бидат ништо друго освен горди Македонци! Сите заедно да упатиме јасна порака! Не за францускиот предлог! Не за бугарскиот предлог! Не за ултиматуми! Не за менување на историјата и учебниците! ЕДНО ГОЛЕМО ДА ЗА МАКЕДОНИЈА И МАКЕДОНСКИОТ НАРОД! ДА ЖИВЕЕ МАКЕДОНИЈА“, повика Манасиевски.

The post Манасиевски: Ние младите нема немо да стоиме на страна, ќе кажеме НЕ на францускиот предлог appeared first on Република.

Тука сум затоа што не сакам да ме бројат како уште еден излажан, доаѓам за утре кога внуците ќе ме прашаат каде беше дедо и што правеше кога се решаваше за идентитетот, за јазикот, историјата за достоинството на Македонија, да можам да им кажам бев на вистинското место. Кога ќе го направам тоа ако не сега, а каде ако не тука, изјави на денешниот протест „Ултиматум – Не благодарам“, поетот Ѓорѓи Барбаровски

Тој вели дека доаѓа на протестите затоа што ништо само од себе не може да се разбуди и може да се разбуди само во нас во сите заедно.

- Како поет знам дека најдобрите песни се раѓаат кога се околу се буди и се доведено во драматичност која вели сега е вистинскиот момент да се буди. Доаѓам затоа што гледам дека страв и гнев се вгнездува меѓу луѓето. Политиката стравот го умножува велејќи сега или никогаш, се или ништо, рече тој.

Барбаровски додаде дека стравот ја поткопува слободата која е јадро на демократијата.

- Пред 30 години го напишав мојот завет што вие овие денови го пеете. Негде ќе те премолчат, негде ќе те сокријат, гроб со гроба ќе покријат, само ти си бесмртна, жива водна подземна, кај што тонеш ти извираш. Може да те одречат, може да те предадат, може сешто да измислат само ти си бесмртна, жива вода подземна, кај што тонеш ти извираш. Векови пеколни заедно ќе минеме, древно земјо македонска, така пишано ништо да не бидеме ти без мене јас без тебе, рече тој.

The post Барбаровски: Умножуваат страв велејќи сега или никогаш, доаѓаме тука да ги одбраниме идентитетот, историјата и јазикот appeared first on Република.

Протест против понижувањето и обезличувањето на Македонија!
НЕ за УЛТИМАТУМ, НЕ за ПОНИЖУВАЊЕ!, напиша потпретседателот на ВМРО ДПМНЕ, Александар Николоски на социјалните мрежи.

Илјадници граѓани и вечерва излегоа на протест под мотото „Ултиматум, не благодарам“. Ова е десеттиот по ред протест против францускиот предлог. Протестниот марш започна од пред Владата преку Министерството за надворешни работи до Собранието.

The post Николоски: НЕ за ултиматум, НЕ за понижување appeared first on Република.

Не постои ниту друг идентитет, нити друг јазик, ниту друга држава освен Македонија. Застанувам тука без никаква друга цел освен за мојата држава Македонија, без никаква друга позадина, изјави Стефан Лазаров на вечерашниот протест насловен „Ултиматум, НЕ благодарам“.

Тој упати обраќање на младите кои не се тука меѓу нас, кои се дома и ги следат овие протести и кои велат дека ако се присутни тука дека нема ништо да решат.

„Не е така, сите ние треба да станеме да се бориме за нашата држава. Ова се историски моменти и во вакви моменти не смееме да бидеме кукавици. НЕ за бугаризација, НЕ за француски предлог“, рече Лазаров.

Лазаров упати обраќање и на оние кои деновиве си се топлат во фотелја.

„Додека својот народ е излезен, па и нивниот народ ние сме Македонци е излезен на улица па беше и каменуван, тепан а тие седат во фотелја. Сакам да ги прашам како ќе се погледнат во огледало кога ја ставаат својата држава на маса и преговараат? Македонија не е за преговарање, треба да знаат дека тука сме со една иста цел и сите имаме ист став а тоа е НЕ, НЕ, НЕ“, кажа Лазаров.

The post Лазаров: Ги повикувам сите млади да ни се придружат, ова се историски моменти, не смееме да бидеме кукавици, НЕ за бугаризација и НЕ за француски предлог appeared first on Република.

Полицијата приведе уште две лица кои, според нив, биле учесници во инцидентот пред Собранието, кога за време на протестот против францускиот предлог со камења и молотови коктели беше фрлано кон собраниската зграда.

Од страна на Единицата за насилен криминал – Одделение за насилен криминал при СВР Скопје, по преземени мерки и активности, лишени се од слобода Д.Ј.(32) и С.Ј.(18) од Скопје и во соработка со ОЈО Скопје против нив е поднесена кривична пријава по брза постапка за сторено кривично дело „учество во толпа што ќе изврши кривично дело“ по член 385 од Кривичниот законик.

Тие се сомничат дека на 05.07.2022 околу 21.00 часот, за време на одржување на ненајавен јавен сoбир организиран преку социјални мрежи, започнале да фрлаат со камења и разни други предмети спрема полициските службеници и зградата на Собранието. Против нив се обезбедени сите докази, по што се изнесени пред Судија на претходна постапка.

СВР Скопје продолжува со преземање мерки и активности за идентификување на сторители на кривични дела за време на протестите и обезбедување на докази против нив, по што заедно со кривичните пријави против нив, ќе бидат приведени и изнесени пред надлежен Јавен обвинител и пред Судија на претходна постапка - велат од МВР

https://youtu.be/SLfugO7vSNQ

The post Приведени уште две лица за настаните кај Собранието appeared first on Република.

И на денешниот протест граѓаните носеа транспарент на кој беа фотографиите на пратениците кои, како што велат протестантите, се предавниците на народот.

„Го кријат протоколот затоа што со него се распродава Македонија. Полицијата пишува пријави против граѓани кои блокираат раскрсници. Владата врши предавство, а дефокусира со потпалување на етнички тензии, велат од „Ултиматум, не благодарам“.

The post Граѓаните со порака до пратениците на СДСМ – предавници! appeared first on Република.

Под мотото „Ултиматум, не благодарам“ вечерва пред Владата продолжија протестите против францускиот предлог.

Учесниците предводени од опозициската ВМРО-ДПМНЕ и Левица со македонски знамиња и транспаренти од Владата се упатија кон Министерството за надворешни работи, а крајна дестинација е Собранието. И вечерва граѓаните порачаа Владата да каже НЕ на францускиот предлог!

Протестите се одржуваат секој ден во 19 часот, освен во петокот, кога незадоволството беше искажано преку блокади во Скопје и на магистралните патишта Штип – Велес, Струмица – Радовиш и Плетвар – Прилеп.

Протестот не се одржа и во саботата поради муслиманскиот празник Курбан Бајрам.

ФОТО: РЕПУБЛИКА

The post Македонски народе излезете, зачувајте го нашиот јазик и идентитет – порачаа граѓаните на денешниот протест appeared first on Република.

Жан Дрвошанов од општинскиот комитет на ВМРО-ДПМНЕ во Струмица ја информира јавноста дека СВР Струмица во текот на денешниот ден доставува казни за учесниците на вчерашниот протест на патот Струмица-Радовиш.

Почитувани,

СВР Струмица изготвила прекршочни платни налози со казна во висина од 35 евра за ,,паркирано возило” и 50 евра за ,,движење на пат” за учесниците на вчерашниот протест на патот Струмица-Радовиш.

 

Полицијата денеска ги разнесува налозите по домовите.

 

СВР Струмица претходно уредно добила најава за протестот и дозволи да се случи протестот обезбедувајќи го со голем број на униформирани лица.

 

Доколку протестот во одредена смисла е незаконски СВР требало да го отфрли барањето и да ги предупреди граѓаните, наместо да ги препознава по снимки и според забележување.

 

Дали ова казнување по учество на протест на организатор и учесници го има некаде на друго место во светот?

 

Напишале во пријавата: ,,лицето се движеше по место резервирано само за возила (??)”

 

Казна до 1000 евра за луѓе кои очигледно не се организатори но, СВР по 24 часа одлучила дека ќе ги третира токму нив како организатори.

 

Налог добиле дури и лица кои не биле на протест вчера.

 

Началството на СВР Струмица наместо да се бави со разоткривање на убиства и расчистување на дрогата во градот, мафијашките зделки и меѓународните криминалци тие фингираат прекршочни налози за граѓани кои отишле на протест.

 

Народот во Струмица не се плаши. Во струмичани живее духот на Делчев, струмичани ги паметат Петте струмички студенти, струмичани го памтат ќотекот на земјоделците во Куклиш од СДС.

 

И покрај сите малтетирања пак ќе излезат и ќе си бранат државата, ќе ја бранат нацијата, се вели во реакцијата на Дрвошанов.

The post Струмичката полиција им праќа казни на демонстрантите што вчера го блокираа патот Струмица-Радовиш appeared first on Република.

Веќе 6-ти ден протестираме во главниот град на Република Македонија, 6-ти ден го браниме нашиот идентитет, држава и култура. 6-ти ден ги браниме од овие кои што преговарале и кои што не продавале во наше име, изјави поранешниот амбасадор Ивица Боцевски на денешниот протест „Ултиматум, НЕ благодарам“.

„Лажеа дека не преговараат, го преговарале овој документ и оваа преговарачка рамка ја преговарал Премиерот Ковачевски, Претседателот Пендаровски, ја преговарале Маричиќ и Османи. Не гледаа во очи и не лажеа дека не преговарале, не лажеа дека не го виделе документот. Го знаат од точка до запирка“, рече Боцевски.

Боцевски упати апел до пратениците дека нашата последна црвена линија е Уставот.

„Од овде сакам едно да им порачаме дека нашата последна црвена линија е Уставот и затоа ќе ве замолам сите заедно од овде да му порачаме на лидерот на ВМРО-ДПМНЕ Христијан Мицкоски, Димитар Апасиев лидерот на Левица, Љупчо Димовски лидерот на СПМ, Иван Стоилковиќ лидерот на ДПС и јасно да им кажеме вие и вашите пратеници се последниот бедем на македонскиот народ и македонската државност“, кажа Боцевски.

Боцевски потенцираше дека ние сме вашата заштита, тврдина, ‘рбетен столб и ние ќе ве поддржиме да опстоите да нема никаква промена на Уставот по диктат на Бугарија која ќе ги земе предвид бугарските барања.

„Утре ќе имаме блокади низ целата држава. Блокадите ќе почнат во 13 часот, ќе ја блокираме цела Македонија додека нашите храбри пратеници се борат во Собранието за нашите интереси за одбрана на македонскиот јазик, народ и држава“, посочи Боцевски.

The post Не гледаа во очи и не лажеа дека не преговарале, не лажеа дека не го виделе документот, а го знаат од точка до запирка appeared first on Република.

Со мета на гради граѓаните вечерва порачаа Тука сме! По вчерашното пукање во толпата која излезе на протест, денеска илјадници граѓани повторно излегоа на улица и порачаа дека не се плашат да се борат за она што се - Македонци кои зборуваат македонски јазик

The post Со мета на гради граѓаните вечерва порачаа: Пукајте, тука сме! appeared first on Република.

Откако претходно беше објавено дека пукачот кај Скендербек бил револтиран зошто претходната вечер демонстранти му го искршиле хотелот и автомобилите на гостите, Обвинителството денеска излезе со нова верзија - забележал дека граѓани фрлаат камења, за затоа пукал.

Основното јавно обвинителство Скопје објави дека постапувајќи по поднесена кривична пријава, повеле постапка против 40-годишен скопјанец за кого постои основано сомневање дека сторил кривично дело – Предизвикување општа опасност по член 288 став 3 во врска со став 1 од Кривичниот законик.

-Осомничениот, на 6 јули, на платото пред плоштадот „Скендер Бег“, со општо опасно средство – пиштол марка Волтер модел Р 99 со калибар 9х19 мм, кој го поседувал со дозвола, предизвикал значителна опасност за животот или телото на луѓето. За време на движењето на група граѓани кои учествувале на јавен собир, тој забележал како дел од граѓаните фрлаат камења, по што се упатил кон нив и во два наврати испукал по два куршума во воздух - стои во соопштението на ОЈО.

Тие информираат и за две лица против кои е поведенав постапка за кривично дело – Учество во толпа што ќе изврши кривично дело од член 385 став 2 во врска со став 1 од Кривичниот законик.

Првиот од нив, на возраст од 18 години, е осомничен дека на 5 јули, за време на протестите пред објектот на Собранието, учествувал во толпа која сторила кривично дело – насилство, така што подготвил „молотов коктел“ во стаклено шише кое го наполнил со бензин, му ставил парче ткаенина и го запалил. Шишето го дал на друг учесник во толпата, кој го фрлил кон поставениот кордон од полициските службеници за обезбедување на јавниот ред и мир пред зградата на Собранието.

Скопјанец нa возраст од 22 години, пак, за време на протестите пред Собранието на 6 јули, исто така учествувал во толпа која сторила кривично дело – насилство, така што од својот ранец извадил камења и запалки, со кои во неколку наврати фрлал кон зградата на Собранието и кон кордонот од полициски службеници. Притоа бил повреден еден полициски службеник.

Оценувајќи дека постои опасност тројцата осомничени да се дадат во бегство и можност да го повторат делото што им се става на товар, надлежниот јавен обвинител до судијата на претходна постапка од Основниот кривичен суд Скопје попладнево достави предлози за определување притвор- велат од ОЈО.

The post ОЈО со нова верзија за пиштолџијата кај Скендербег – видел фрлаат со камења па пукал во воздух appeared first on Република.

Дојдов со една цел, да ви кажам неколку работи. Прво општествена одговорност е секој културен работник, актери, музичар да дојде и да говори дека имаме само еден јазик, а тоа е македонскиот, вели актерката Весна Петрушевска на денешниот протест Ултиматум – НЕ благодарам пред Собрание.

Петрушевска нагласи дека никој нема право да преговара за македонскиот идентитет и македонскиот јазик бидејќи како што рече таа тоа е нашата тврдина.

Не може никој да преговара за нашиот идентитет, македонскиот јазик е нашата тврдина. Со македонскиот јазик ние војуваме. Ние сме супер народ, ние сме само обесправени, изјави таа.

Петрушевска истакна дека овој протест е за борба за Македонците и македонскиот јазик.

Затоа денеска сум денеска тука и не ме спречи ниту дождот, времето и грмотевиците. Ова е борба за нас, за Македонците и за нашиот јазик, порача Петрушевска.

The post Петрушевска: Никој нема право да преговара за нашиот идентитет и јазик, овој протест е борба за нас Македонците appeared first on Република.

Специјалната полиција ги растера демонстрантите кои се најдоа пред Собрание и почна да апси дел од нив.

Според објавените видеа на социјалните мрежи, приведен беше еден демонстрант во просторот на Жена паркот.

The post Полицијата апси демонстранти appeared first on Република.

Клекнат на коленици се молеше за спас на Македонија. Граѓанин пред владата клекнат пред полицајците ја бакнуваше земјата и се молеше за државата.

[caption id="attachment_524388" align="alignnone" width="640"] DCIM113GOPRO[/caption]

Невремето кое го зафати Скопје не беше причина граѓаните денеска да не излезат пред Влада и да протестираат против францускиот предлог. Според толпата од пред влада ќе се придвижи кон МНР, а оттаму ќе се соберат пред собраниската зграда.

The post Бакнеж за земја Македонија! – Граѓанин на коленици се молеше за спас на државата appeared first on Република.

Граѓаните пред собранието им даваат цвеќиња на полицајците упатувајќи им порака дека треба да бидат на страна на народот, на страна на државата, да застанат против францускиот предлог и она што и се подготвува на Македонија

Тие побараа од полицајците пред Влада да ги спуштат штитовите, бидејќи како што порачаа демонстрантите тие не треба да се плашат и треба да се заедно со граѓаните кои се присутни на протестот против прифаќањето на францускиот предлог.

-Заедно сме, не се плашете. Сакаме заедно со вас да ја спасиме државата, им порачаа демонстрантите на полицајците.

The post Цвеќе за полицијата – граѓаните со порака да ги симнат штитовите appeared first on Република.

Тензично пред Влада! Граѓаните го пробија полицискиот коридор. Се скандира Никогаш Северна, само Македонија, се бара оставка, се упатуваат пцости! Се пее за гоцевата раса, се извукува Македонија

ФОТО И ВИДЕО: РЕПУБЛИКА

The post Тензично пред Влада – граѓаните бараат Оставка! appeared first on Република.

Дел од граѓаните кои протестираа против францускиот предлог остануваат вечерва пред зградата на Владата, и поставија и шатори, а други дојдоа со своите возила.

Како што беше претходно најавено, вечерва дел од граѓаните ќе останат пред Владата, а утре протестот повторно продолжува во 19 часот.

Дека е можно да се останува пред Владата, најави и претседателот на ВМРО-ДПМНЕ, Христијан Мицкоски.

Голем број граѓани и денеска присуствуваа на сенародниот протест кој одржува под мотото „УЛТИМАТУМ – Не благодарам“. Според учесниците, негирањето на правото на самоопределување и условувањето на македонските европски интеграции со прифаќањето еднострано бришење на културната и историската посебност и еднострано непризнавање на јазикот, не е дел од критериумите за членство во ЕУ ниту правило меѓу државите членки

The post Поставени шатори, граѓаните вечерва остануваат пред Влада appeared first on Република.

Пратеникот и првиот човек на Левица, Димитар Апасиев од протестот пред Влада ЗА „Инфомакс“ посочи дека од утре ќе има пожестоки протести. Според него, комплетно ќе се заобиколи Собранието и ќе има обид за потпишување на францускиот предлог. Апасиев посочува: „Гневот тука е многу поголем“.

Можеме да продолжиме со маршеви, може со блокади, сите аргументи се на наша страна. Мислам дека има време да се консолидираме. Јас сум оптимист, од утре ќе биде пожестоко“, кажа Апасиев.

Тој додаде: „Даваме се од себе, дајте и вие. Не може само Левица да клепи, бујрум на протести да го одбраниме тоа што е наше“.

„Жалосно е овој гнев на народот да не го капитализираме со победа. Вторник е клучниот ден. Власта е комплетно делигитимирана, нема суштествена поткрепа. Ние како сила во налет ако дозволиме да го изврши последното предавство, треба да се распуштиме“, додаде тој.

Тој најави радикализирање.

„Треба конкретни чекори, во конкретни времиња, за да има успех. Нема здрав човек кој ги поддржува. Мислам дека гадно ќе завршат. Ќе си лежат затвор квалитетно. Ќе гледаме да лежат 300 години затвор, за сето ова што го приредија годиниве“, посочува Апасиев.

Според него, нема да се купуваат пратеници. Апасиев смета дека Павле Трајанов се уште стои на ставот дека е против францускиот предлог.

The post Апасиев: Од утре ќе биде пожестоко, а вторник е клучниот ден appeared first on Република.