Полициски службеници од цела Македонија денеска се во Скопје поради проценката направена од безбедносните служби дека денешните настани се од висок ризик, дознава 4NEWS.mk

The post Полицајци од цела Македонија донесени во Скопје поради настаните од висок ризик во Собрание appeared first on Република.

Не за францускиот предлог и за ултиматуми, не за менување историја и на учебници, се дел од пораките од протестниот марш под мотото „Ултиматум, не благодарам“ што вечерва заврши пред Собранието на Република Македонија.

Пред Парламентот некои од учесниците во протестот поставија шатори и најавија дека ноќта ќе ја поминат таму.

Утре протестот против францускиот предлог наместо во 19 часот, ќе започне порано, пред седницата на која ќе се разгледува францускиот предлог.

Портпаролот на ВМРО-ДПМНЕ, Наум Стоилковски, во говорот пред Собрание, повикаа граѓаните утре да се соберат пред Парламентот во 13 и 30. Но подоцна ВМРО-ДПМНЕ испрати соопштение во кое е посочено дека протестот започнува во 12 часот

Во очи на собраниската расправа за срамниот предлог кој ја бугаризира Македонија ги повикуваме сите граѓани утре (14.07.2022) во 12:00 часот пред Собранието на Република Македонија да излеземе масовно и да протестираме мирно и достоинствено против асимилација и бугаризација на Македонија.

Да порачаме дека Македонија не е на продажба, дека информацијата и да помине во Собранието, уставните измени нема да поминат. Власта мора да го отфрли предлогот.

Утре во посета на земјава доаѓа претседателката на Европската комисија Урсула фон дер Лајен. Таа претпладне ќе има средби со државниот врв. Седницата на која ќе се обрати Фон дер Лајен е закажана за 13 часот, а половина час подоцна треба да почне седницата на која ќе се расправа за предлогот.

The post Утрешниот протест ќе започне во 12 часот, вечерва граѓани остануваат во шатори пред Собрание appeared first on Република.

На денешниот протестен марш против францускиот предлог под мотото „Ултиматум – Не благодарам“, кој продолжи по старата маршута Влада, Министерство за надворешни работи, македонско Собрание, се обрати и младиот музички уметник, Влатко Миладиновски.

Првично, тој настапи со својата песна „Велат не нема“, која една од најубавите понови македонски песни, чии автор се легендарните Тоде Новачевски и Крсте Наумовски, кои напишаа некои од најубавите македонски народни и забавни мелодии.

Текстот на песната ја опишува и актуелната состојба во која се наоѓа Македонија и македонскиот народ кој е негиран, почнувајќи од соседи, па и земјите во поширокото опкружување.

После интерпретирањето на песната, Миладиновски пред присутните македонски граѓани кои го искажаа револтот против бугарските барања кои се содржани во францускиот предлог, цитирајќи ја песната, истакна велат не нема, ама еве сме.

Велат не нема и во Егејска и во Пиринска Македонија и во Македонија не не признаваат, ама како што вели песната, еве сме, додаде Миладиновски.

„Велат не нема, велат дека не нема и во Егејска Македонија, велат дека не нема и во Пиринска Македонија и тука не не признаваат, ама само велат и тие сакаат да не нема. Меѓутоа, затоа песната вели „Велат не нема, ама еве сме““, рече Миладиновски.

The post Велат нѐ нема, ама еве сме! И во Македонија не нѐ признаваат, ама еве тука сме! appeared first on Република.

„Ни велат овие од преку пат овде и таму од „Илинденска“ дека било тешко и дека немало алтернатива. Вие знаете дека секогаш има алтернатива. Зарем Питу Гули имал алтернатива во 1903-тата. Зарем Гоце Делчев имал алтернатива? Зарем Михајло Апостолски имал алтернатива кога се борел со бугарските фашистички окупатори овде во Македонија? И точно една работа дека нема подобар предлог од овој што сега ни се нуди, но само додека е оваа Влада на власт, само дотогаш нема подобра алтернатива“, истакна Горан Момироски на денешниот протест насловен „Ултиматум, НЕ благодарам“.

Момироски додаде дека оставка според него не е доволна. Некој за ова предавство мора да одговара.

„Во македонската историја секогаш имало каколо во житото, сме го имале Коте од Руља, да не ги редам тие од постарата генерација, но сега имаме и Љубчо од Делчево, Зоран од Муртино, Стево од Автокоманда, Димитар од Куманово. Секогаш сме ги имале и секогаш сме ги победувале во историјата и сега ќе биде така“, рече Момироски.

Момировски посочи дека предавниците сакаат да ја уништат Македонија со штетни договори.

„Предавниците, тие се тие кои што мораат да одговараат еден ден“, нагласи Момироски.

Тој запраша зошто власта го крие Протоколот од македонската јавност.

„Власта го крие Протоколот затоа што знае дека во него се поништува македонската нација. И од власта знаат дека за тоа нема да им простиме никогаш! За кого се бориме ние овде и сите што се со нас? Не за нас лично, туку за Македонија се бориме“, потенцира Момироски.

Момироски посочи дека денес пратеничката на СДСМ рече дека македонската посебност не е засебна. Дури пратеничката посочи дури дека македонскиот јазик, македонската култура и идентитет не е засебно.

„Пратеничката на СДСМ денес рече дека македонската особеност не е засебна. Па има ли некој да провери дали тие луѓе внатре имаат деловна способност? И никој од власта не се извини да каже извинете грешка направена, гаф направен. Не, затоа што стојат зад тоа, затоа што нивните дела и нивните зборови докажуваат дека нашиот страв и недоверба се оправдани. Го видовме тоа во неколку наврати претходно“, рече Момироски.

Тој нагласи дека поради предавствата на власта граѓаните имаат право да немаат доверба токму во Владата. Од власта немаат никакво чувство на одговорност.

The post Момировски: Оставка според мене не е доволна, за ова предавство власта треба да одговара appeared first on Република.

Македонската актерка Весна Петрушевска на денешниот протест пред Собранието против францускиот предлог. порача дека секој еден треба да излезе и да се бори за Македонија. Таа упати порака и за оние кои се гостат со бифтеци за 100 денари.

И мислам и тврдам дека треба секој општествен одговорен и културен работник особено културен работник да ја има општествената одговорност да излезе и да се бори за Македонија, затоа што ние сме тие кои што играме на сцена, кој што снимаме на телевизија, кој снимаме македонски филмови, кои сме амбасадори на нашата култура, како да сме амбасадори на македонската култура, како, со сменет идентитет, со тоа што вие таму некои ќе потпишете и ќе јадете бифтеци за 100 денари. Па мислете на здравје малце, холестероли, триглицериди, малку од малку, бидете витки, згодни, вели Петрушевска

The post Весна Бејби: Ќе потпишете и ќе јадете бифтеци за 100 денари appeared first on Република.

На денешниот седми по ред протест граѓаните пред министерството за Правда оставија неколку пишани пораки, за да надлежните да го почитуваат уставот и законите. Имено, пораките напишани на хартија кои ги испратија револтираните граѓани гласат: „Ова е тоалетна хартија“, „Ова се лисици“, „Ова е Устав“, „Ова е Јустиција, знаете што следи“.

Граѓани со развиорени македонски знамиња и со маички на кои е напишано „НЕ“, како и „Навиваме за Македонија“, се дел од учесниците на протестот против францускиот предлог што вечерва почна пред Владата.

Протестот против францускиот предлог, под мотото „Ултиматум – НЕ благодарам“, се одржува седми ден. Протестите продолжуваат и следните денеови.

The post Уставот не е тоалетна хартија appeared first on Република.

Гордо, сплотено, масовно илјадници кажаа НЕ ЗА УЛТИМАТУМ!

Продолжуваме силно во одбрана на МАКЕДОНСКИТЕ НАЦИОНАЛНИ ИНТЕРЕСИ!, пишува во својата објава потпретседателот на ВМРО-ДПМНЕ Александар Николоски.

Денеска се оддржа седмиот протест против францускиот предлог. Илјадници граѓани излегоа на улиците низ Скопје за гласно да кажат НЕ! Тие порачаа дека Уставот не е тоалетна хартија, дека не прифаќаат бугаризација на Македонија и побараа оставка од владата.

The post Николоски: Продолжуваме силно во одбрана на македонските национални интереси appeared first on Република.

Ви се обраќам како член на првата експертска Влада на Република Македонија, која што ги оствари соништата и желбите на илјадници и илјадници наши предци, кои што мечтае за тој миг и за кој ги дадоа скапоцените животи за таа слобода, вели Мартин Треневски, поранешен амбасадор и министер во експертската Влада на Никола Кљусев, обраќајќи се пред присутните демонстранти на денешниот протестен марш под мотото „Ултиматум – Не благодарам“, кои веќе повеќе од една недела се организираат против францускиот предлог.

Треневски пред присутниот македонски народ се обрати во маица стара 31 година со логото од референдумот од 1991 година, со кои во тоа време се пропагираше идејата за самостојна и независна Република Македонија.

„Почитуван народе, нека се знае еднаш за навек, експертската Влада на академик Никола Кљусев го организираше референдумот за независност и експертската Влада ги постави темелите на модерна, современа Македонија, монетарното осамостојување, македонската дипломатија и така натаму. Да се знае, бидејќи очигледни се обидите на поединци, а и на организации не само да се минимизира, туку и да се избрише учинокот што го направа таа експертска влада. Тоа, драги мои, не смееме да го дозволиме“, рече Треневски.

Тој посочи дека сите членови на македонската експертска Влада беа за независна и самостојна Македонија, освен еден чиј татко ја напиша македонската химна, а тој до пред некој месец се декларираше дека се чувствува како Бугарин и воедно е и советник за надворешна политика на претседателот Стево Пендаровски.

Треневски додаде дека во вакви околности не треба да не чуди зошто Пендаровски беше првиот кој што ја пофали новата обработена верзија на францускиот предлог, кога за советник има човек кој ги брани бугарските барања и услови.

Додаде дека неговата работна кариера, меѓу другото, имаше прилика да биде и дипломат во разни организации, по што информиран е дека реализацијата на овие сценарија е уништување на македонската нација.

„Сите членови на таа експертска Влада беа за слободна и независна Македонија, освен еден кој за жал, неговиот татко ја напиша македонската химна, а тој, до пред некој месец, даваше изјави дека се чувствувал Бугарин. Истиот тој, сега е советник за надворешна политика на Стево Пендаровски. Стево Пендаровски кој што прв ја пофали втората коригирана француска верзија, меѓутоа верзија за која што секој нормален Македонец, особено стручната јавност ја осуди како неповторливо штетна. И сите ние треба да се сплотиме и да се спротивставиме на реализацијата на тоа мрачно сценарио. Имав прилика во мојата работна кариера да бидам дипломат во повеќе организации, го знам целото сценарио, а целото сценарио значи уништување на македонската нација. Тоа и јавно го кажуваат, не го кријат“, рече Треневски.

Затоа, Треневски ги повикува сите македонски граѓани да се придружат на протестите против францускиот предлог во кој се содржани сите бугарски барања, затоа што така се брани Македонија и дека ова не е време за комоција пред телевизор.

„На нас и на сите оние што не се вечерва со нас, упатувам апел да ни се придружат на следните собирања, да дојдат. Луѓе не е време за комодитет пред телевизор или по кафеани, да излеземе затоа што вака се брани Македонија“, рече Треневски.

The post Треневски: Ги повикувам сите што не се излезени да ни се придружат на наредните протести, затоа што така се брани Македонија, не е ова време за комодитет пред телевизор appeared first on Република.

Еден од копретседателите на бугарската ВМРО и европратеник, Ангел Џамбазки ја коментираше темата протести во Македонија во студиото „Збори сега“ на БНТ.

„Оваа омраза против Бугарија и се што е бугарско е организирана одамна во Кремљ, така што руската поврзаност е јасна. Русија секогаш се обложува на Србија, врти грб и ги загрозува бугарските интереси“, коментира тој.

„Кураторот (организаторот) на целото дело е секогаш еден, а тој е во Кремљ“, нагласи Џамбазки.

Според него, можеби ќе дојде на гласање за францускиот предлог, но не може да се каже дали ќе се направат потребните уставни измени.

„Немаме пријатели на темата „Македонија“. Мора да се потпреме на сопствените сили и да го заштитиме нашиот интерес“, нагласи Џамбаски. „Загрижен сум дека нема да се менува Уставот, дека нема да се потпишат протоколите“, додаде тој.

Според него, постои реална опасност од голема тензија меѓу Бугарија и Македонија доколку продолжат протестите и ширењето на говорот на омраза.

The post Џамбаски: Организатрот на протестите во Македонија е Кремљ appeared first on Република.

Утре Македонија ќе биде блокирана еден час како знак на протест поради францускиот предлог. На вечерашниот протест пред Собранието беше најавено дека утре ќе има промена во начинот на протестирање.

Во периодот од 13 до 14 часот ќе бидат поставени повеќе блокади, а организаторот на протестот најавува дека дополнително ќе објави информации каде ќе има блокади.

-Ве повикуваме, утре ќе ве информираме каде ќе бидат и како ќе течат блокадите. Ќе ја блокираме цела Македонија, додека нашите храбри пратеници се борат во Собранието за нашите интереси, за одбрана на македонскиот јазик, на македонскиот народ и на македонската држава. Да живее Македонија, рече Ивица Боцевски кој се обрати пред присутните на протестот „Ултиматум – НЕ Благодарам“.

The post Утре Македонија ќе биде блокирана – граѓаните го искажуваат револтот поради францускиот предлог appeared first on Република.

Со оружје и шишиња беа пречекани граѓаните кои маршираат против францускиот предлог веднаш по преминувањето под стоковната куќа Мост. Банда од страната на плоштадот Скендер бег почна да фрла со шишиња кон поворката, додека голем дел од нив слободно мавтаа со оружје и се закануваа.

Истрелани беа и куршуми кон толпата.

The post Пукано кон народот! Демонстрантите пречекани со пиштоли кај Скендер бег, банда фрла шишиња кон нив appeared first on Република.

Полицијата ги истурка демонстрантите од пред зградата на Собранието. Ги разбрка кон Жена парк, при што огромна бројка на луѓе почнаа да бегаат. Полицијата приведе неколку демонстранти, а група граѓани повикуваа да ги ослободат.

„Пуштете ги децата“ извикуваа сите и продолжија да фрлаат со предмети кон полицајците.

Се зголеми бројот на полициските сили, некои од нив имаат и полициски кучиња.

Според информациите од терен, има повредени полицајци, а пристигнаа и возила на Итната медицинска помош.

The post „Пуштете ги децата“ извикуваа сите додека полицијата апсеше демонстранти appeared first on Република.

Ние младите секогаш и сме биле и носители на промените во Македонија, ние сме тие кои ќе го носат бајракот на слободата затоа што ова свето парче земја е наш дом, нашата татковина, наш аманет и наша последна тврдина за која треба да се бориме, изјави студентот Младен Јаневски на денешниот протест насловен „Ултиматум, НЕ благодарам“.

Јаневски додаде дека нашата Македонија потребно е да ја направиме едно подобро место за живеење.

Тој додаде дека ние младите апсолутно никогаш нема да бидеме бледи посматрачи на уништувањето на Македонија и тоа треба да им е јасно на сите кои упорно работат за уништување на овој народ

„Низ историјата, Македонците се бореле многу. Се бореле за да го дигнат својот глас, за да кажат дека постоиме и дека овдека се наоѓа еден народ кој е пиреј и не го ништи ниту една војска. Уништувањето и асимилацијата на македонскиот народ нема да им помине овој пат. Ние Македонците сме губеле битки но никогаш не сме губеле војни“, рече Јаневски.

Јаневски посочи дека токму затоа денес ќе добијат уште едно големо НЕ, затоа што ниту јас ниту вие ниту нашите предци не се бореле за понижена, уништена, омаловажувана Македонија. Ова е свето парче земја.

The post Младен Јаневски: Треба да им е јасно на сите кои упорно работат за уништување на овој народ дека уништувањето и асимилацијата на македонскиот народ нема да им помине appeared first on Република.

Ќе сме се виделе пред Влада. 1000 души ова ми го рекоа!
Како бе да се видиме во 200 000 народ?! 👌 - комнтира актерот Роберт Вељановски.

Македонија вечерва излезе против францускиот предлог за решавање на спорот со Бугарија.

The post Вељановски: 200 000 народ пред Влада appeared first on Република.

Вечерва се одржува протест пред Владата на Република Македонија против фаранцускиот предлог. Пред Владата се собраа илјадници граѓани со знамиња со сонцето од Виргина. Тие порачаа „не за францускиот предлог!“

„Ултиматуми, не благодарам!“, „Се измочавте на гробовите на партизаните“, „Од ропство пишти Македонија, појќе не трпиме бесчесни лаги!“, „Проклет да е тој што предал родина на врагот“, се само дел од транспарентите.

Протестот започна со интонирање на химната која присутните ја пееа во еден глас.

„Скопје1“ направи и дронско видео.

The post „Се измочавте на гробовите на партизаните“ – илјадници граѓани излегоа да кажат НЕ за францускиот предлог appeared first on Република.