Нека стават прст на чело тие што не излегоа на протести и мудро молчеа, зошто сè ова не зависело од нив, вели пејачката и водителка Бојана Скендеровски, како реакција на експресното решавање на проблемот на арачиновци, додека за оние илјадници македонски граѓани што секој ден протестираа против францускиот предлог, владата немаше слух.

https://republika.mk/vesti/makedonija/50-iljadi-demonstranti-protiv-francuskiot-predlog-nikoj-ne-gi-poslusha-a-deneska-vladata-ekspresno-najde-reshenie-za-arachinovo-malku-ni-e/

Oвде на протестиве требаше да има 100 000 народ, а не да викаат @што ако излезам на протест, што ја ќе сменам”. И, да Божо, во право си, малку ни е.
Можеме ние да се понижиме и да трпиме уште, само да е мирно, и да имаме платичка…
За крај една мудра мисла од еден мудар човек кој се вика Ататурк, а гласи: Заспаните народи,се будат во ропство!, пишува Скендеровски во коментар.

The post Скендеровски: Нека стават прст на чело тие што не излегоа на протести appeared first on Република.

Не ми е јасно, толку полиција, а Крсто не е на работа, коментира некогашниот предводник на „За заедничка Македонија“, Борис Дамовски.

The post Дамовски: Не ми е јасно, толку полиција, а Крсто не е на работа appeared first on Република.

Министерот за внатрешни работи Оливер Спасовски денеска преку „Фејсбук“ апелира на одговорно однесување и на мирен и достоинствен протест.

Почитувани граѓани, доколку сакате да го изразите своето демократско право на јавен собир (протест) апелирам истото да го сторите на достоинствен и мирен протест. Притоа, полициските службеници ќе бидат на должност исклучиво за обезбедување на граѓаните и на виталните државни објекти, а со цел избегнување на немили настани. Уште еднаш, повикувам на одговорно однесување во клучен момент за демократијата. Без обиди за насилство, без креирање тензии и без говор на омраза, напиша Спасовски на неговиот фејсбук профил.

Очекувам, напиша Спасовски, редот и поредокот да бидат максимално испочитувани, во духот на европските вредности кои сакаме да ги интегрираме во нашето општество и кои претставуваат двигател за напредок за сите граѓани.

Бидете уверени, ова раководоство на Министерството за внатрешни работи и македонската полиција остануваат посветени на гарантирањето на демократските процеси и на одржувањето на редот, мирот и стабилноста, напиша Спасовски на „Фејсбук“.

The post Ако сакате да протестирате, мирно да протестирате, порачува Спасовски appeared first on Република.

Во Собранието заврши за денеска 81-та пленарна седница, на која пратениците расправа за Информација за содржината на Предлог преговарачката рамка за пристапните преговори на Република Македонија со Европската Унија, предложена од страна на Претседателството на Франција со Советот на Европската Унија на 30 јуни 2022 година, по што ќе треба и да бидат усвоени заклучоци, односно насоките што ќе и бидат испорачани на Владата.

Истата седница продолжува во текот на утрешниот ден од 11 часот.

Пратениците од опозицијата на говорите на пратениците од власта одговорија со свирежи, а потоа излегоа пред Собранието и се приклучија на демонстрантите.

The post Пратениците од опозицијата се народот собран пред Собранието appeared first on Република.

Две лица биле приведени на денешните протести против францускиот предлог пред македонското Собрание.

Лицата се уапсени од страна на полицијата затоа што гаѓале со тврди предмети кон зградата на Собранието.

Денеска пред пратениците во Собранието се обрати претседателката на Европскиот парламент, Урсула Фон дер Лајен.

The post Две лица уапсени на протестот пред Собранието – гаѓале со тврди предмети кон полицискиот кордон appeared first on Република.

МВР апелира до граѓаните, доколку било кој препознае некого од насилниците, како што се шесте лица од објавените фотографии, кои на 05.07.2022 насилнички се однесуваа за време на ненајавениот протест, фрлајќи тврди предмети кон полицискиот кордон и објектот на Собранието, при што беа повредени 47 полициски службеници, може да го пријави тоа на телефонскиот број 192 или во најблиската полициска станица.
Без разлика дали пријавата е анонимна или не, полициските службеници ќе постапат и, доколку се потврди идентитетот, против насилниците ќе бидат преземени соодветни законски мерки.
Министерството за внатрешни работи уште еднаш со апел до граѓаните да не дозволат да бидат вовлечени во насилни инциденти, бидејќи ќе бидат преземани најригорозни мерки и нема да се толерира нарушување на мирот и безбедноста. Секој дијалог треба да се води во институциите на системот, а македонската полиција останува гарантот за безбедноста на тие институции, на државата и нејзините граѓани.

The post Кој ги видел, нека јави во МВР appeared first on Република.

Група граѓани започнаа со фрлање јајца кон собраниската зграда додека внатре трае говорот на претседателката на Европската комисија, Урсула фон дер Лајен. Младите момчиња фрлаат јајца, а останатите граѓани извикуваат оставка и пејат патриотски песни.

На асфалтот пред Собранието се оставаат црвени отпечатоци од раце, преку кои се испраќа порака „ни крвават рацете за Македонија“.

Над Собранието постојано надлетуваат хеликоптери. Има големо полициско обезбедување.

The post Летаат јајца кон парламентарната зграда, „крвави“ отпечатоци на асфалтот пред собранието appeared first on Република.

Претседателката на “Глас за Македонија”, Солза Грчева од пред Собранието на Република Македонија денеска побара да се протера евроамбасадорот од Македонија.

– За ова треба да одговараат и ви ветувам дека ќе одговараат, нема веќе циле миле. Договорите се хартија која секој момент може да заврши во Вардар. Не треба преговори, треба да се протера евроамбасадорот од Македонија, порача Грчева од пред Собранието.

The post Солза Грчева пред Собрание бара да се протера евроамбасадорот од Македонија appeared first on Република.

Полициски кордони и спуштени ролетни - Собранието претворено во непробојна тврдина пред почетокот на расправата за францускиот предлог. Без зрак дневна светлина ќе се расправа за францускиот предлог.

За разлика од 5 јули кога во вечерните часови Собранието беше празно кога ордите на СДСМ, ДУИ и Оливер Спасовски се обидоа да ги растурат протестите со насилство, денеска во Собранието ќе бидат сите 120 пратеници, премиерот Димитар Ковачевски, минситрите Бујар Османи и Бојан Маричиќ, но и претседателката на Европската комисија, Урсула фон дер Лајен.

Да потсетиме, Фон дер Лајен, која денеска ќе нѐ убеува дека идентитетот ни е бетон со францускиот предлог (како што го забетонира и Преспанскиот договор), само вчера, пред доаѓањето, на Твитер најави дека ќе се сретне со „северномакедонскиот претседател“ и ќе се обрати пред „северномакедонскиот парламент“.

https://republika.mk/vesti/makedonija/ek-ursula-fon-der-lajen-kje-se-sretne-so-severnomakedonskiot-pretsedatel-i-kje-se-obrati-pred-severnomakedonskiot-parlament/

The post Како стаорци и лилјаци, ролетните спуштени: Пратениците се кријат од македонското сонце! appeared first on Република.

Траорно е денска пред Собранието на Република Македонија. Повеќе полиција од народ во моментов, покажуваат фотографиите на нашите репортери.

Дополнително секој пратеник кој денеска се наоѓа во Собранието со себе има по најмалку пет телохранители кои треба да го заштитат од гневниот народ, јавуваат некои портали.

Полициско обезбедување има пред Собранието, ЕУ Инфо центарот, Бугарската амбасада и секаде помеѓу овие неколку критично точки.

Во исто време, додека пред собранието се собира голорак мирен народ да ја искаже својата непокорност, во Собранието се собираат народните избрници за обраќањето на претседателката на Европската комисија Урсула фон дер Лајен.

Обраќањето на странскиот емисар е закажано во 13 часот, а обраќање ќе има премиерот Димитар Ковачевски.

Според информации од Собранието, се очекува седницата да трае два дена. Информацијата за францускиот предлог пред пратениците се очекува да ја образложи претставник од Владата, по што ќе почне собраниската расправа. Според најавите, во расправата ќе учествуваат речиси сите пратеници од опозициските ВМРО-ДПМНЕ и од Левица. Се очекува Џафери да ги свика координаторите на пратеничките групи да направат последен обид Собранието да донесе усогласени заклучоци по Информацијата за францускиот предлог. Предлог заклучоци за францускиот предлог до Собранието достави и пратеникот од ДС Павле Трајанов, како основа за дебата за усогласени заклучоци. Доколку пропадне обидот власта и опозицијата да се усогласат за заклучоците, тогаш мнозинството и пратениците од албанскиот блок ќе ги изгласаат заклучоците предложени од власта. Нема информации дали ако нема договор, Трајанов ќе ги повлече своите предлог-заклучоци или Собранието ќе гласа за двата предлог-заклучоци. Извесно е само дека врз предложените заклучоци не ќе може амандмански да се интервенира.

Според нашите последни сознанија пратениците на ЛДП ќе гласаат ЗА предлогот. Пратеникот Павле Трајанов можно е да не се појави на седницата за гласање, а ДОМ веќе се изјасни дека ќе биде против предлогот.

The post Бројна полиција ги брани пратениците од народот што ги изгласал appeared first on Република.

Сопственичката на ресторанот за здрава храна Бистро „Здраво Живо“ денес ги ослободи вработените од работните обврски за да бидат пред сообрание.

„Денес вработените од BistRaw Zdravo Zivo/ БистРо Здраво Живо ги ослободувам од работа, да се пред собрание. Џабе ми е се ако немам татковина“, напиша Маја Платнар на својот фејсбук профил.

За околу еден час пред Собранието е закажан протест против прифаќањето на францускиот предлог, и денеска под мотото Ултиматум – Не, благодарам!.

The post „Џабе ми е сѐ ако немам татковина“, бизнисменка ги ослободи вработените за да одат на протест appeared first on Република.

Време е да го разбудиме партизанското во нас, порача градоначалникот на Куманово Максим Димитриевски, најавувајќи дека денеска и Куманово ќе маршира.

Да маршираме заедно сите во име на Карпош, Еребица, Шабани, Перо Чичо, Фетак, Менков, Которка, Бузо, Нацева, Шајче и многу други наши предци кои ни создадоа држава а овие денеска ја продаваат на кило...
Ве повикувам сите драги мои КУМАНОВЦИ без разлика на нација, вера и определба да излеземе сите во 19.30ч во четврток во центарот на градот (Улица Лењинова) и да упатиме јасна порака чија крв тече низ нашите вени, порача Димитриевски.

The post Вечер и Куманово на нозе: Да упатиме јасна порака чија крв тече низ нашите вени! appeared first on Република.

Градоначалникот на Гостивар и потпретседател на Алијанса за Албанците Арбен Таравари во интервју за „Фокус“ тврди дека иицидентите кои се случија на еден од протестите, кога нивни сопартиец извади пиштол и пукаше кон масата демонстранти биле испровоцирани од навивачките групи на Шкупи, со кои управувал Артан Груби.

Ние воопшто не сме активни на протестите. Дури и не сме за протестите. Кој сака, може да си протестира, кој не сака, не мора. Само во неколку наврати кажавме дека сме против говор на омраза. Инаку, на една од петте вечери што се протестираше се случи тој немил настан пред Мавровка последните информации ми кажуваат дека тука директно се вклучени ДУИ и СДСМ. Јас лично до пред некој ден ги немав видено снимките, но откако убаво ги прегледав, видов дека над мостот одредени активисти, и тоа блиски до ДУИ и Артан Груби, фрлаа со камења, вели Таравари.

За оние кои од мостот флаа со камења и палети, Таравари вели дека се навивачките групи на Шкупи и практично тие ја исценирале и испровоцирале целата ситуација.

Сето тоа е инсценирано. Постои и еден друг дел од приказната. Една вечер пред тоа, поточно на 5 јули вечерта е демолиран хотелот на човекот што пукаше со пиштол, кој јас воопшто не го оправдувам. Значи, нема оправдување за користење оружје во вакви ситуации. Меѓутоа, на снимките се гледа дека и полицијата е тотално пасивна, така што целта беше да се создаде тоа што Бујар Османи го најавуваше пред пет, шест дена. Добро е што заврши без некакви последици, вели Таравари.

The post Таравари: Во инцидентите на протестите директно се вклучени ДУИ и СДСМ appeared first on Република.

МВР ќе ги преземе сите мерки за да обезбеди безбедност на пратениците и на законодавниот дом, порача министерот за внатрешни работи Оливер Спасовски при денешната посета на Граничниот премин Табановце каде присуствуваше на промоција на кампањата „Вози одморен“.

Министерството, рече Спасовски, ги прави потребните анализи, ги собира потребните податоци и информации, како што потенцираше, во однос на можните случувања коишто би биле во текот на одржувањето на седницата. Тој рече дека законодавниот дом е храм на демократијата и дека таму треба да се изнесат сите ставови, преку дебата на народните избраници да се носат решенија.

Секако дека протести, јавно изразување на својот став, мислење итн., е демократска вредност, демократско право, меѓутоа тоа мора да биде и на демократски начин. Демократијата не подразбира анархично однесување, напротив демократијата подразбира однесување во рамките на законот. Апелирам до сите, пред сè до организаторите на овие собири, а тоа е ВМРО-ДПМНЕ заради тоа што имаат испратено допис пред неколку дена како организатори на тие собири, секако тука се и други политички структури како Левица итн., здруженија на граѓани да направиме сè на мирен и достоинствен начин да поминуваат сите овие собири, изјави Спасовски.

Тој се заблагодари за воздржаноста и демократскиот дух на протестите последниве денови, но и порача дека МВР е подготвено да одговори на каков било безбедносен предизвик со кој ќе се соочи. Апелираше до учесниците на протестот мирно и достоинствено да го изразат својот став.

Така што не би сакал апсолутно да правам никаква корелација којашто вие ја споменувате со 27 април. Тоа беше еден црн ден во македонската демократија, ден кога имаше обид да се изврши убиство на пратеници, да се влезе во законодавен ден итн. и тоа треба да ни биде само поука како понатаму треба да се движиме. Така што апелирам до сите на мирен и демократски начин да го изразат својот став, а демократската дебата да се води внатре во институциите на системот, односно да се води во Собранието, рече Спасовски, одговарајќи на новинарско прашање.

Тој повтори дека имаат податоци, информации, за како што нагласи, како се подготвуваат одредени групации за менување стратегии, дека сите прибрани податоци се анализираат и се подготвува план за гарантирање на безбедноста и спокојство кај граѓаните.

Не, имаме информации, имаме податоци за тоа што подготвуваат, како се подготвуваат одредени групации во рамките на сите овие организации и организатори коишто ние ги случуваме за менување на нивни стратегии итн., меѓутоа сите тие податоци, информации се анализираат и на основа на тоа се подготвува целиот тој план којшто треба да гарантира безбедност и спокојство кај граѓаните, изјави Спасовски.

Одговарајќи на новинарски прашања, министерот за внатрешни работи, рече дека на протестите за девет дена од протестите имало повредено 54 полициски службеници, од кои како што наведе, 11 беа потешко, девет имале потешки повреди, двајца посериозни повреди и биле хоспитализирани. Спасовски апелираше до граѓаните достоинствено да се однесуваат кон државата, кон полициските службеници кои го чуваат редот, безбедноста и спокојството. Укажувајќи дека безбедноста не е нешто имагинарно, дека ја чуствуваат граѓаните за сето она што се случува во државата, прослави, настани, во сообраќајот итн., тој уште еднаш повика да не се напаѓаат службениците кои го чуваат Уставот, мирот, стабилноста на граѓаните.

Ме прашавте за споредба да направиме во делот на „Шарената револуција“. Знаете дека 2015 година таа „Шарена револуција“ траеше некаде околу два месеци. Тогаш имавме вкупно повредени 13 полициски службеници со полесни повреди. Така што, апсолутно не е добро ниту еден повреден полициски службеник. Затоа е важно да политичките субјекти, организаторите на овие протести се однесуваат одговорно и своите политички цели да ги остваруваат преку демократски и политички механизми коишто стојат на располагање, рече Спасовски.

Одговарајќи на новинарско прашање тој рече дека во државата има хибридни напади, меѓу нив и ширење лажни вести, пропаганда.

Јас дадов изјава во којашто кажав и денеска потврдувам дека постојат многу хибридни напади и посебно во моменти кога се одлучува за иднината на оваа држава. Тие хибридни напади, еден од механизмите е и ширењето на лажните вести, ширењето на пропагандата, пред сè во креирањето на јавното мислење. Така што, сакам секој еден да ги тргне рацете од Cеверна Македонија. Ние сме тие коишто треба да одлучуваме самостојно за нашата иднина и за нашата судбина. Така што кој било, дали се тоа руски претставници, дали се било какви претставници, тие треба да си ја гледаат својата работа. Секако дека нашите служби активно работат, соработуваат, разменуваат информации, се со цел да се зачува целосно безбедноста на нашата земја, изјави Спасовски.

The post МВР собира податоци и информации за можните случувања утре кога ќе се гласа за предлогот appeared first on Република.

Во предвечерието на расправата во Собранието за предлогот кој ја бугаризира Македонија да излеземе масовно, да протестираме мирно и достоинствено.

Пред владата во 19 часот, преку МНР до Собрание.

Да порачаме дека Македонија не е на продажба, дека информацијата и да помине во Собранието, уставните измени не смеат да поминат. Ултиматум, НЕ благодарам!

The post Во предвечерието на големото предавство да протестираме мирно и масовно appeared first on Република.

Претседателот на ВМРО-ДПМНЕ, Христијан Мицкоски, се огласи на Фејсбук по повод утрешната седница во Собранието каде што т.н. францускиот предлог ќе се најде пред пратениците.

Тој напиша дека предлогот може да помине во Собрание, но дека ќе нема промена на Уставот, и уште еднаш повика на протести вечерва во 19 часот.

Информацијата и фарсата во Собрание може да ви помине, но промена на Уставот НЕ!Вечер во 19 часот пред Влада, преку МНР до Собрание! Ултиматум, НЕ благодарам! напиша Мицкоски.

The post Фарсата во Собрание ќе ви помине, но промена на Уставот, Не: Мицкоски повторно повика на протест appeared first on Република.

„Браќа и сестри треба да знаете дека нашата дипломатија е успешна дипломатија и дека треба да ја чуваме, таа со успех го одработи позиционирањето на Македонија на светската политичка рамка, таа го одработи зачленувањето на Република Македонија во најголемиот број на меѓународни организации. И таа го одработи воспоставувањето на дипломатски односи под нашето уставно име со две третини од државите во светот, а тоа се речиси 140 држави под името Република Македонија“, потсети Зоран Дабиќ на денешниот протест „Ултиматум, НЕ благодарам“.

Тој  посочи дека доаѓа од дипломатски синдикат.

„А, она низ што денеска проаѓаме во МНР го нарекуваме бујаризација на МНР. Тука и таму некој ќе се згреши и ќе се излаже па место Ј ќе каже Г ама нема голема разлика. По двегодишната катастрофа во ликот на Бујар Османи, МНР треба да знаете ги живее своите најтешки денови. Дипломатите жестоко се заплашуваат, се казнуваат и се бркаат од работа се со цел да се замолкнат оние што размислуваат со сопствена глава и оние што не прифаќаат да му бидат обичен декор на министерот Османи и параван за покритие на неговите активности“, нагласи Дабиќ.

Дабиќ побара оставка и одговорност од министерот Бујар Османи за неговите предавства.

„Денес Mинистерството за надворешни работи е киднапирано од страна на Бујар Османи, со жестоки репресивни мерки раководството се обидува да ги држи дипломатите во покорност и зависност. Но, тоа нема да помине“, рече Дабиќ.

Тој додаде дека дипломатскиот синдикат јакне од ден на ден. И членовите на синдикатот и денеска се на протестот.

„Бујар ве лажеше дека високите дипломати го виделе францускиот предлог и го анализирале. Тоа не е точно“, нагласи Дабиќ.

The post Дабиќ: Бујар ве лажеше дека високите дипломати го виделе францускиот предлог и го анализирале, тоа не е точно! appeared first on Република.

Основното јавно обвинителство Скопје, по спроведената претходна постапка, денеска до надлежниот Суд поднесе обвинителни предлози против вкупно 12 лица за учество во инцидентите за време на протестите во Скопје против францускиот предлог за отпочнување преговори со Европската унија, од кои девет се обвинети за кривично дело „учество во толпа“, а три лица се гонат за „предизвикување општа опасност“.

За седум од обвинетите, Судот во текот на претходна постапка определи мерка куќен притвор, додека за петмина беше определена мерка притвор. Со цел да се обезбеди присуството на обвинетите во текот на постапката, надлежните јавни обвинители денеска до Судот доставија и предлози за продолжување на вака определените мерки.​

Како што информира ЈО, за време на јавен собир на граѓани, на 5 и 6 јули, деветмина обвинети учествувале во толпата што изврши кривично дело „насилство“ пред Собранието.

Тие со камења, бекатон плочки, железни предмети, сообраќајни знаци, корпи за отпадоци и пиротехнички средства фрлале кон полициските службеници распоредени во полициски кордон за заштита на зградата на Собранието. Притоа, на еден полициски службеник му била нанесена тешка телесна повреда, а 26 полицајци се здобиле со телесни повреди. Обвинетите причиниле штета на Собранието во вкупен износ од 576.665 денари, оштетиле полициска опрема и едно полициско возило „Шкода Јети“, соопшти ЈО.

Обвинителен предлог е поднесен и против двајца скопјани, на возраст од 18 и 26 години, кои, посочуваат од ЈО, со општо опасно дејствие предизвикале значителна опасност за животот и телото на луѓето на место каде што биле собрани поголем број луѓе.

Едниот обвинет подготвил „молотов коктел“, ставајќи бензин и парче ткаенина во стаклено шише, по што општо опасното средство го подал на другиот обвинет кој го фрлил кон поставениот кордон од полициски службеници, прецизира ЈО.

За предизвикување општа опасност се гони 40-годишен скопјанец, кој на 6 јули, на платото пред плоштадот „Скендербег“, со општо опасно средство – пиштол марка Волтер модел Р 99 со калибар 9х19 мм, кој го поседувал со дозвола, предизвикал значителна опасност за животот или телото на луѓето.

За време на движењето на групата граѓани кои учествувале на јавниот собир, обвинетиот во два наврати испукал по два куршума во воздух, посочуваат од ЈО.

The post Oбвиненија против 12 лица за инцидентите на протестите appeared first on Република.

Русија не се мешаше, не се меша и нема намера да се меша во внатрешните работи на која било држава, вклучително и Македонија, се вели во реакцијата објавена од Руската амбасада во Скопје во однос на изјавите на претседателот Стево Пендаровски во интервју за ТВ 21 на 8 јули и за весникот „Етнос“ на 10 јули во врска со активностите на Русија во земјава и во балканскиот регион во целина.

https://republika.mk/vesti/makedonija/pendarovski-slabi-se-shansite-da-se-obezbedi-dvotretinsko-mnozinstvo-za-vmetnuvanje-na-bugarite-vo-ustavot/

Ги отфрламе обвинувањата упатени против нашата земја. Ова е во спротивност со самата филозофија на руската надворешна политика. Добро е познато дека ваквите обиди никогаш не го носат посакуваниот ефект и на крајот ги дискредитираат оние кои прибегнуваат кон такви методи. Ние го почитуваме кој било избор на македонскиот народ, подготвени сме и понатаму да ја градиме нашата соработка заснована токму на ваквата основа – на меѓусебно почитување и еднаквост, се вели во соопштението објавено на веб страницата на амбасадата на Русија во Скопје.

The post Руска амбасада: Русија не се мешаше, не се меша и нема намера да се меша во внатрешните работи на која било држава appeared first on Република.

Русија не се мешаше, не се меша и нема намера да се меша во внатрешните работи на која било држава, вклучително и Македонија, се вели во реакцијата објавена од Руската амбасада во Скопје во однос на изјавите на претседателот Стево Пендаровски во интервју за ТВ 21 на 8 јули и за весникот „Етнос“ на 10 јули во врска со активностите на Русија во земјава и во балканскиот регион во целина.

Ги отфрламе обвинувањата упатени против нашата земја. Ова е во спротивност со самата филозофија на руската надворешна политика. Добро е познато дека ваквите обиди никогаш не го носат посакуваниот ефект и на крајот ги дискредитираат оние кои прибегнуваат кон такви методи. Ние го почитуваме кој било избор на македонскиот народ, подготвени сме и понатаму да ја градиме нашата соработка заснована токму на ваквата основа – на меѓусебно почитување и еднаквост, се вели во соопштението објавено на веб страницата на амбасадата на Русија во Скопје.

The post Русија не се мешаше, не се меша и нема намера да се меша во внатрешните работи на која било држава appeared first on Република.