Властите во Иран планираат до крајот на март мерки за депортација на околу два милиони луѓе без статус на легален престој, соопшти командантот на безбедносните сили, Ахмад-Реса Радан.

Во Иран со месеци се води дебата за големиот број мигранти од соседен Авганистан, кои бегаат од својата земја откако талибанците ја преземаа власта во 2021 година.

Иранскиот министер за внатрешни работи Ескандар Момени ја нагласи маката на Авганистанците, велејќи дека тие се „културни луѓе“, но додаде дека Иран „не може да прими толку многу мигранти“.

Околу 4,5 милиони авганистански бегалци моментално живеат во Иран, многу од нив без дозвола за престој, според Агенцијата за бегалци на ОН. Според иранските медиуми, неофицијалната бројка е многу поголема.

The post Каде ќе завршат? Иран протерува околу два милиона илегални мигранти appeared first on Република.

Бројот на протерани лица од Германија годинава е значително поголем во споредба со минатата година. Во првиот квартал од 2024-та година бројот на депортации е поголем за една третина, пишува весникот „Ноје Оснабрикер Цајтунг“, пренесува „Дојче Веле“.

Весникот ги пренесува податоците од германската влада наведени во одговорот на пратеничко прашање од партијата Левица. Според нив, од јануари до март оваа година од Германија биле протерани 4.791 лице, или околу 34% повеќе во споредба со истиот период лани.

Притоа, Македонија е на врвот на листата на депортации. Во првиот квартал од 2024 година од Германија биле протерани 483 граѓани на Македонија. Во текот на целата измината 2023 година биле депортирани 1.177 македонски граѓани. Од протераните 483 македонски граѓани во првиот квартал од 2024 година, 233 биле жени и 227 малолетни лица.

На второ место по број на депортации е Турција, каде се вратени 449 граѓани. Потоа следат Грузија (416), Авганистан (345) и Србија (312).

The post Протерани 483 македонски државјани од Германија appeared first on Република.

Словенија прогласи еден руски дипломат за „персона нон грата“ и му нареди да ја напушти земјата во рок од седум дена, соопшти денеска словенечкото Министерство за надворешни работи.

Словенија протерува руски дипломат поради „активности некомпатибилни со дипломатскиот статус“, објави Министерството.

Повеќе детали за случајот не се објавени.

Словенија и Русија веќе го намалија бројот на вработени во нивните амбасади во Љубљана и Москва.

И голем број други членки на ЕУ протераа руски дипломати откако Русија ја нападна Украина во февруари 2022 година.

Минатата година властите во Словенија уапсија двајца руски шпиони кои користеле агенција за недвижнини и антиквитети како фронт за нивните активности во алпската земја, пишуваат американските медиуми.

The post Словенија протерува руски дипломат, му даде рок од седум дена да ја напушти земјата appeared first on Република.

Претставничкот дом на САД денеска изгласа исклучување од своите редови на паднатиот во немилост републикански конгресмен Џорџ Сантос по обвинувања дека овој претставник од Њујорк злоупотребил средства од својата кампања во лична корист и за други сторени прекршоци како лажна идентификација и фабрикување на својата работна биографија.

Сантос е шестиот конгресмен во историјата на САД кој бил отстранет од Долниот дом на американскиот Конгрес.

Гласањето се случува по објавениот извештај на Комисијата за етика на Претставничкиот дом. Отстранување на член на домот е можно со најмалку две третини гласови од вкупниот број претставници. Гласањето денеска беше 311 „за“ со „114“ против.

Некои републиканци, како спикерот Мајк Џонсон бараа да се почека Сантос прво да биде осуден за наводните обвинуања, па потоа да се гласа. Со ова, мнозинството на републиканците се намали до 221 гласа, наспроти 213 на демократите.

За местото на Сантос треба да се номинираат петмина кандидат, со изгледи да го добие демократ.

Гласањето за бркање на Сантос е кулминација на сагата што почна кратко по неговиот избор во 2022 година кога весникот „Њујорк тајмс“ извести дека лажел за неговата работна биографија, образование и потекло, што предизвика подлабоко чешлање на финансиите на негоата кампања.

Сантос е роден во Бразил и тамошните власти го обвинија дека кога имал 19 година во Рио де Женеиро користел украдени чекови за да купува разни работи, но за тоа тој склучи договор со бразилските власти и не е кривично гонет.

Некои од неговите наводни лаги се дека како универзитетски студент бил одбојкар во шампионски колеџ тим, и дека оформил добротворна организација која спасила 2.500 кучиња. Весникот „Њујорк Тајмс“ го истражи неговиот случај и заклучи дека сето тоа е лага.

По експозето, Сантос беше обвинет по низа сторени кривични дела, како измама на политички донори, лажање на Федералната изборна комисија и незаконско примање на исплати за невработеност. По сите 23 точки од обвинувањето тој се изјасни дека е невин. Очекува судење во септември идната година.

Во историјата на САД, тројца од отстранетите конгресмени се од времето по Граѓанската војна. Интересен е случајот на демократот Мајк Мејерс кој во 1980 година бил обвинет за примање поткуп, отстранет од Конгресот и служел повеќе од година затвор. Многу години подоцна, во 2022 година, Мејерс се изјасна за виновен по обвинение дека како активист на изборите во Филаделфија во 2010 година полнел кутии со гласачки ливчиња.

Осумдесетгодишниот сега е во затвор и казната му трае до јули до 2024 година.

The post Конгресмените изгласаа протерување на републиканец од Претставничкиот дом appeared first on Република.

На 12ти септември, во Министерството за надворешни работи беше повикан Амбасадорот на Руската Федерација кому му беше врачена дипломатска нота, со која тројца дипломати во Амбасадата на Руската Федерација во Скопје беа прогласени како непожелни во државата (persona non grata).

Ваквата одлука е донесена по информациите добиени од надлежните органи за превземени активности кои се во спротивност со Виенската конвенција за дипломатски односи, соопштија од министерството.

The post МНР го потврди протерувањето на тројца руски дипломати од земјава appeared first on Република.

Москва денеска најави протерување на 18 дипломати од мисијата на Европската унија во Русија. Одлуката доаѓа како одговор на сличен потег преземен од Брисел по офанзивата на Кремљ во Украина.

Како одговор на непријателските дејствија на Европската унија, 18 членови на Делегацијата на ЕУ во Русија се прогласени за персона нон грата и мора да ја напуштат руската територија што е можно поскоро, се вели во соопштението на руското Министерство за надворешни работи.

The post Москва протера 18 дипломати од Делегацијата на ЕУ во Русија appeared first on Република.

На рускиот амбасадор во Загреб му било укажано оти вкупно 18 руски дипломати и шест членови на административно-техничкиот персонал на руската амбасада во Загреб треба да ја напуштат земјата согласно Виенската конвенција за дипломатски односи
Хрватска побара од 18 руски дипломати и шест членови на административно-техничкиот персонал на руската амбасада во Загреб да ја напуштат земјата, односно вкупно 24 вработени во амбасадата.

Рускиот амбасадор во Хрватска денеска бил повикан во Министерството за надворешни и европски работи каде му била врачена и нота со која бил информиран за одлуката на Хрватска да го намали бројот на вработени во Руската амбасада во Загреб, согласно Виенската конвенција за дипломатски односи.

Воедно, на руската страна и бил повторен повикот за итен прекин на воените активност и повлекување на руските трупи од целата територија на Украина, а укажана била и потребата за итно осигурување на патиштата за евакуација на населението.

The post Хрватска протерува 24 дипломати и службеници од руската амбасада во Загреб appeared first on Република.

Генералниот секретар на грчкото Министерство за надворешни работи го известил рускиот амбасадор дека 12 дипломати се прогласени за „персона нoн грата“, бидејќи не се однесувале во согласност со меѓународните правила.

Со тоа Грција се придружи на голем број европски земји кои протераа руски дипломати, по инвазијата на Москва во Украина.

ЕУ и нејзините сојузници претходно соопштија дека кривично гонат 200 руски дипломати во врска со убиствата во Буча, пренесува Гардијан. Изданието забележува дека откако Москва ја нападна Украина, над 325 руски дипломати и персонал од амбасадата се протерани од земјите-домаќини.

The post Грција протерува 12 руски дипломати appeared first on Република.

Така, пак говедана квислиншки избркале пет руски дипломати.
А Бугарите за луѓе не не сметаат, но нивните дипломати можат да си седат.
Знаете дека беа залепени низ градов налепници со антимакедонска содржина, кои ја величаат идејата дека Македонија е бугарска?
Наместо да ги поапсите агитаторите бугарски кои ги лепеле и печателе тие налепници, вие руски дипломати протерувате.
Све по список да... Квислинзи бедни, пишува на Фејсук, актерот Сашо Тасевски.

The post Тасевски: Избркале пет руски дипломати, а Бугарите за луѓе не не сметаат, но нивните дипломати можат да си седат appeared first on Република.

Популарниот австралиски политичар i член на Парламентот на Австралија, Крег Кели, ја нарече срамна одлуката на Новак Ѓоковиќ да му биде укината визата и тој да биде протеран од државата.

Кели, кој е член на партијата „Обединета Австралија“ остро реагира дека одлуката нема врска со правото туку дека единствено има за цел да донесе политички поени за владата предводена од Премиерот Скот Морисон.

Каков тотален хаос. Ѓоковиќ само сакаше да игра тенис. Морисон и неговиот тим од него направија евтини политички поени. Потфрлија на секое ниво, секоја нивна реакција во текот на пандемијата беше погрешна па им беше потребен жртвено јагне. Одвратно. Срамно - напиша Кели на Твитер.

https://twitter.com/CraigKellyMP/status/1482633065206018048?ref_src=twsrc%5Etfw%7Ctwcamp%5Etweetembed%7Ctwterm%5E1482633065206018048%7Ctwgr%5E%7Ctwcon%5Es1_&ref_url=https%3A%2F%2Fwww.srbijadanas.com%2Fsport%2Ftenis%2Fnovak-djokovic-australijan-open-kreg-keli-2022-01-16

Австралискиот парламентарец подоцна упати и порака до Новак Ѓоковиќ, кому му искажува извинување за тоа како бил третиран од австралиската држава.

Како член на Парламентот на Австралија искрено ти се извинувам за ужасниот третман што го доживеа од Влдата на Австралија. Ние знаеме дека ти само сакаше да играш тенис, но Владата на Австралија безобразно си дозволи да ја вмеша политиката во спортот. Целосно те поддржувам - порача Крег Кели.

https://twitter.com/CraigKellyMP/status/1482646619292315649?ref_src=twsrc%5Etfw%7Ctwcamp%5Etweetembed%7Ctwterm%5E1482646619292315649%7Ctwgr%5E%7Ctwcon%5Es1_&ref_url=https%3A%2F%2Fwww.srbijadanas.com%2Fsport%2Ftenis%2Fnovak-djokovic-australijan-open-kreg-keli-2022-01-16

The post Австралиски парламентарец: Одвратно и срамно, го искористија Ѓоковиќ како жртвено јагне за политички поени appeared first on Република.